ករណីរំលោភសេពសន្ថវៈ
វិធីសាស្រ្ត : ព័ត៌មាន ដែលចេញផ្សាយដោយមជ្ឈមណ្ឌល សិទ្ធិមនុស្សកម្ពុជា ("ម.ស.ម.ក") នាពេលនេះគឺជាព័ត៌មាន ដែលបានប្រមូលមកពីអត្ថបទនានាតាមប្រព័ន្ធផ្សព្វផ្សាយជាភាសាខ្មែរ និងអង់គ្លេស។ ព័ត៌មានទាំងនេះពុំគ្របដណ្តប់នូវករណី ដែលបានកត់ត្រាក្រៅពីការចុះផ្សាយដោយប្រព័ន្ធផ្សព្វផ្សាយនានានោះទេ។ ម.ស.ម.ក ពុំអះអាងថាព័ត៌មាន ដែលបានបង្ហាញទាំងនេះគឺជាព័ត៌មានដាច់ស្រេចទាំងស្រុងនោះទេ។ យើងធ្វើការប៉ាន់ស្មានថាព័ត៌មាននេះបង្ហាញត្រឹមតែជាផ្នែកមួយនៃករណីរំលោភសេពសន្ថវៈ ដែលបានកើតមានឡើងក្នុងប្រទេសកម្ពុជា ដោយសារតែករណីជាច្រើនទៀតពុំត្រូវបានរាយការណ៍។
សូមចុចលើខេត្តនៅក្នុងផែនទីនៃទំព័រដើម្បីបង្ហាញពីករណីដែលបាន រាយការណ៍ពីរឿងរំលោភសេពសន្ថវៈ។
ករណីរំលោភសេពសន្ថវៈ ពីឆ្នាំ ២០១០ ទៅ ២០១៣
ករណីរំលោភសេពសន្ថវៈនេះត្រូវបានបែកចែកជា៩ប្រភេទដូចខាងក្រោម៖
- ១. ខេត្ត
- ២. អាយុជនរងគ្រោះ
- ៣. ចំនួនជនរងគ្រោះ
- ៤. អាយុចារី
- ៥. ចំនួនចារី
- ៦. ទំនាក់ទំនងរវាងជនរងគ្រោះ និងចារី
- ៧. ផ្តន្ទាទោស ឬចោទប្រកាន់ (តាមចំនួនករណី)
- ៨. ផ្តន្ទាទោស ឬចោទប្រកាន់ (តាមចំនួនចារី)
- ៩. រំលោភសេពសន្ថវៈរួមទាំងមនុស្សឃាត
ទិន្នន័យនេះគ្របដណ្តប់ក្នុងរយៈពេលចាប់ពីខែមករា ឆ្នាំ២០១០ រហូតដល់ខែកុម្ភៈ ឆ្នាំ២០១៣។ ទិន្នន័យនេះត្រូវបានបង្ហាញនៅលើផែនទី និងអាចស្វែងរកបានតាមឆ្នាំនីមួយៗ។ ទិន្នន័យត្រូវបានបង្ហាញទៅតាមប្រភេទនីមួយៗដូចដែលបានរៀបរាប់ខាងលើ។ ព័ត៌មាននេះចង្អុលបង្ហាញអំពីប្រភេទនៃករណីរំលោភសេពសន្ថវៈទាំងឡាយដែលបានកើតឡើង និងនីតិវិធី ដែលត្រូវបានដោះស្រាយដោយអាជ្ញាធរ។ ម.ស.ម.ក សូមលើកទឹកចិត្តដល់បណ្តាអង្គការ និងស្ថាប័នដទៃទៀត ទាំងក្នុងជួររដ្ឋាភិបាល និងពុំមែនរដ្ឋាភិបាល ក្នុងការផ្សព្វផ្សាយនូវព័ត៌មានស្រដៀងគ្នានេះ ដើម្បីឲ្យមានព័ត៌មានកាន់តែច្រើនថែមទៀតដែលសាធារណៈជនអាចស្វែងរកបាន និងដើម្បីលើកកម្ពស់ការយល់ដឹងជាសាធារណៈអំពីការរំលោភសេពសន្ថវៈ។ ព័ត៌មានគឺជាគន្លឹះសំខាន់ដល់ការយល់ដឹង និងបញ្ហាគឺត្រូវបានដោះស្រាយយ៉ាងប្រសើរបំផុត ដរាបណាបញ្ហាទាំងនេះត្រូវបានគេយល់យ៉ាងពិតប្រាកដ។
* ចំណាំ : សូមបញ្ជាក់ថាគ្មានព័ត៌មានណាមួយខាងលើ គឺជាការវិនិច្ឆ័យរធ្វើឡើងដោយមជ្ឈមណ្ឌលសិទ្ធិមនុស្សកម្ពុជា ពីបទមានទោស ឬគ្មានទោសចំពោះជនល្មើសនោះទេ ។ រាល់ការអះអាងចំពោះជនប្រព្រឹត្តិគឺជាការអះអាងរបស់បុគ្គលដែលត្រូវបានកំណត់ថាត្រូវមានទោសពីបទល្មើសព្រហ្មទណ្ឌ។