-
ប្រធានបទ: តើសេចក្តីព្រាងច្បាប់ស្ដីពីអង្គការមិនមែនរដ្ឋាភិបាល និងសង្គមស៊ីវិលនឹងជះឥទ្ធិពលបែបណាខ្លះដល់ដំណើរការលទ្ធិប្រជាធិបតេយ្យនៅកម្ពុជា?
មតិ:
-
ចំណាំ៖
ខ្លឹមសារអត្ថបទ ឬការអត្ថាធិប្បាយ ឬបទពិព៌ណនាខ្លីៗ ដែលជាការបញ្ចេញទស្សនៈ មតិយោបល់ របស់លោក/អ្នក៖
- ត្រូវមានមូលដ្ឋាន និងប្រភពច្បាស់លាស់
- មិនមានលក្ខណៈ ញ៉ុះញ៉ង់
- ការបញ្ចេញមតិយោបល់ ត្រូវប្រើពាក្យពេចន៍សមរម្យ ជៀសវាងការជេរប្រមាថ
- ប្រកាន់ខ្ជាប់នូវក្រមសីលធម៌ខ្ពស់ សំដៅការទិតៀនដើម្បីស្ថាបនា
- មិនប៉ះពាល់ដល់កិត្យានុភាពព្រះមហាក្សត្រ
ពាក្យថាច្បាប់មានន័យថា ការពារផលប្រយោជន៍រួម មិនមែនដើម្បីការពារបុគ្គល ឬក្រុមណាមួយនោះទេ។ ដោយសារតែសេចក្តីព្រាងចុងក្រោយនៃច្បាប់មួយនេះនៅមិនទាន់បានចេញជាសាធារណៈនៅឡើយនោះ យើងមិនអាចនិយាយបានថាវានឹងប៉ះពាល់ដល់ឯករាជ្យភាព និងលទ្ធិប្រជាធិបតេយ្យ ឬយ៉ាងណានោះទេ។ ប៉ុន្តែបើក្រឡេកមើលទៅសេចក្តីព្រាងច្បាប់ចាស់កាលពីឆ្នាំ២០១១ ឃើញថាច្បាប់នេះមានការរឹតត្បិតមកលើឯករាជ្យភាពរបស់ NGOs ដូចជាការកំណត់ចំនួនអតិប្បរមាលើការចំណាយផ្នែករដ្ឋបាលជាដើម។
NGOsប្រៀបដូចជាភ្នែកជាត្រចៀករបស់ប្រជាជន ចុះបើអវៈយវៈទាំងពីរនេះត្រូវបានពិការទៅហើយ នុះប្រជាជននឹងមិនបានដឹងអ្វីទាំងអស់ពីបញ្ហាសង្គម ហើយរដ្ឋាភិបាលនឹងអាចធ្វើអ្វីបានទាំងអស់ដោយមិនចាំបាច់ខ្វល់ពីការតាមដានពីពលរដ្ឋគ្រប់មជ្ឈដ្ឋាន ហើយវាកាន់តែប្រាស់ចាកពីលទ្ធិប្រជាធិបតេយ្យ ព្រោះថារដ្ឋនិងប្រជាពលរដ្ឋគឺមិនមានភាពស៊ីចង្វាក់គ្នាក្នុងការងារនយោបាយ មានន័យថារដ្ឋអំណាចអាចប្រើប្រាស់ប្រព័ន្ធផ្សព្វផ្សាយតាមនិន្នាការរបស់ខ្លួន ហើយព្យាយាមលាក់បាំងភាពអសកម្មរបស់ខ្លួន។ សិទ្ធិរបស់ប្រជាពលរដ្ឋនឹងមិនត្រូវបានការពារ និងត្រូវបានមើលរំលង។