ពលរដ្ឋនៅខេត្តសៀមរាប និងភ្នំពេញ បួងសួងសុំសន្តិភាព

ពលរដ្ឋនៅខេត្តសៀមរាប និងភ្នំពេញ បួងសួងសុំសន្តិភាព
- ថ្ងៃចេញផ្សាយ ២០-សីហា-២០១៣
ក្រុមស្រលាញ់សន្តិភាព បួងសួងសុំសន្តិភាព និងយុត្តិធម៌កាលពីថ្ងៃទី១៤ ខែសីហា នៅមុខព្រះបរមរាជវាំង ក្រុម អ្នកស្រលាញ់សន្តិភាព នៅថ្ងៃពុធនេះ ជាថ្ងៃ១៥កើត នឹងជួបជុំគ្នា នៅខេត្តសៀមរាប និងរាជធានីភ្នំពេញ ដើម្បីបួងសួងសុំសន្តិភាព និងយុត្តិធម៌សម្រាប់ប្រជាជាតិកម្ពុជា។ លោក មឿន តុលា មន្ត្រីកម្មវិធីសិទ្ធិការងាររបស់មជ្ឈមណ្ឌលអប់រំច្បាប់សម្រាប់ សហគមន៍ និងសមាជិកក្រុមការងារកម្ពុជា ដើម្បីសន្តិភាពមានប្រសាសន៍ថា នៅព្រឹកម៉ោង៩នេះ នៅខេត្តសៀមរាប ប្រជាពលរដ្ឋ ព្រះសង្ឃ តាជី យាយជី នឹងជួបជុំគ្នានៅព្រះអង្គចេកព្រះអង្គចម ទល់មុខព្រះរាជដំណាក់។ ចំណែកនៅវេលាម៉ោង៤រសៀល នៅភ្នំពេញ ត្រង់ចំណុចវត្តភ្នំ ប្រជាពលរដ្ឋ ព្រះសង្ឃ ដូនជី តាជីនឹងជួបជុំគ្នា ហើយបួងសួងសុំសន្តិភាព និងយុត្តិធម៌។ កាលពីថ្ងៃពុធ ទី១៤ ខែសីហា ក្រុមការងារកម្ពុជាដើម្បីសន្តិភាព បានប្រារព្ធពិធីមួយនៅរាជធានីភ្នំពេញ គឺ យុត្តិធម៌និងសន្តិភាព ដោយអំពាវនាវឲ្យមានការស្វែងរកដំណោះស្រាយពីការជាប់គាំងនយោបាយ ក្រោយការបោះឆ្នោតដោយសន្តិវិធី។ ក្រុមការងារ ក៏បានបួងសួងសុំកុំឲ្យមានការប្រើហិង្សាផងដែរ ខណៈពួកគេសង្កេតឃើញមានកងកម្លាំងប៉ូលិស និងរថក្រោះត្រូវបានដាក់ត្រៀមទប់ទល់នឹងបាតុកម្ម ដែលគ្រោងដោយគណបក្សសង្គ្រោះជាតិ ប្រឆាំងនឹងលទ្ធផលបោះឆ្នោត៕ អត្តបទដកស្រង់ពីការសែតសម្លែងប្រជាធិបតេយ្យ ដែលចុះផ្សាយកាលពី ថ្ងៃពុធ ទី២១ ខែសីហា ឆ្នាំ២០១៣ http://vodhotnews.com/15472