-
មានការសង្ស័យថាកម្មករពីនាក់បានស្លាប់ នៅក្នុងការប៉ះទង្គិចជាមួយសមត្ថកិច្ចនៅផ្លូវវ៉េងស្រេង
- ថ្ងៃចេញផ្សាយ ២-មករា-២០១៤
យ៉ាងហោចណាស់ កម្មករពីរនាក់សង្ស័យថាស្លាប់ និងជាច្រើននាក់រងរបួស ក្នុងការបង្ក្រាបរបស់កម្លាំងសមត្ថកិច្ច នៅសួនឧស្សាហកម្មកាណាឌីយ៉ា ផ្លូវវ៉េងស្រេង សង្កាត់ចោមចៅ រាជធានីភ្នំពេញ។តាមសេចក្តីរាយការណ៍ បានឲ្យដឹងថា នៅម៉ោងជាង១០ព្រឹកនេះ ការប៉ះទង្គិចគ្នារវាងកម្លាំងសមត្ថិច្ច និងកម្មករមកពីរោងចក្រនានា នៅរាជធានីភ្នំពេញ បានឡើងកម្តៅខ្លាំង ឈានទៅដល់ប្រើកាំភ្លើងបាញ់រះទៅលើកម្មករ បណ្តាលឲ្យកម្មករពីរនាក់រងរបួសធ្ងន់ធ្ងរសង្ស័យថាស្លាប់ និងជាច្រើននាក់ទៀតរងបួសធ្ងន់និងស្រាល។ការបង្ក្រាបនេះ បានកើតឡើងនៅម៉ោងជិត១០ព្រឹក ខណៈដែលកម្មករជាច្រើនពាន់នាក់មកពីរោងចក្រផ្សេងៗ ក្នុងរាជធានីភ្នំពេញ តវ៉ាដោយដុតកង់ឡាន និងបិទផ្លូវវ៉េងស្រេងនៅមុខសួនឧស្សាហកម្មកាណាឌីយ៉ា ៥កន្លែង និងព្រមានដុតឡានកុងទីន័រ ទាមទារដំឡើងប្រាក់ឈ្នួលគោល ១៦០ដុល្លារ។បើតាមសេចក្តីរាយការណ៍ ក្រុមកម្មករមួយចំនួន មានបំពង់ទីប និងដំបង ដើម្បីទប់ទល់ជាមួយកម្លាំងសមត្ថកិច្ចផងដែរ។កាលពីយប់ថ្ងៃព្រហស្បតិ៍ម្សិលមិញ នៅមុខសួនឧស្សាហកម្មកាណាឌីយ៉ានេះ ក៏មានករណីផ្ទុះហិង្សាកើតឡើងផងដែរ បណ្តាលកម្មករប្រមាណ១០រងរបួស។កម្មកររាប់ម៉ឺននាក់នៃរោងចក្ររាប់រយ ចាប់ផ្តើមផ្ទុះការតវ៉ាព្រមៗគ្នាជាថ្មីទៀត នៅដើម្បីឆ្នាំ២០១៤នេះ ដើម្បីទាមទារឲ្យថៅកែរោងចក្រ និងរដ្ឋាភិបាល ដំឡើងប្រាក់ឈ្នួលគោលដល់១៦០ដុល្លារ ហើយការតវ៉ាខ្លះ បានឈានដល់កើតអំពើហិង្សា និងមានការបិទកំណាត់ផ្លូវជាតិមួយចំនួនផងដែរ ដូចជាផ្លូវលេខ១ ផ្លូវជាតិលេខ២ ផ្លូវជាតិលេខ៤ និងផ្លូវជាតិ ៦ជាដើម៕ អត្តបទដកស្រង់ពីវិទ្យុសំលេងប្រជាធិតេយ្យ VOD ចុះនៅថ្ងៃទី០៣ ខែមករា ឆ្នាំ២០១៤