-
សកម្មជនដីធ្លី និងមន្ត្រីអង្គការសង្គមស៊ីវិល៤រូបត្រូវសមត្ថកិច្ចចាប់ខ្លួនៅព្រឹកនេះ
- ថ្ងៃចេញផ្សាយ ២១-មករា-២០១៤
យ៉ាងហោចណាស់ សកម្មជនដីធ្លីម្នាក់ និងមន្ត្រីអង្គការសង្គមស៊ីវិល៣នាក់ ត្រូវសមត្ថកិច្ចរាជធានីភ្នំពេញចាប់ខ្លួន នៅព្រឹកនេះ នៅពេលដែលពួកគេយកញត្តិទៅដាក់នៅស្ថានទូតសហរដ្ឋអាមេរិក។អ្នកដែលសមត្ថកិច្ចចាប់ខ្លួនទាំងបួននោះ រួមមាន អ្នកស្រី ទេព វន្នី ជាសកម្មជនដីធ្លី កញ្ញា ឡុង គឹមហៀង មន្ត្រីទំនាក់ទំនងក្រុមការងារពិសេសសិទ្ធិលំនៅឋាន លោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យ និងជំនួយការលោក រ៉ុង ឈុន មួយរូបទៀត។មិនទាន់មានព័ត៌មានថា អ្នកទាំងនោះត្រូវសមត្ថកិច្ចចាប់បញ្ជូនទៅទីណាទេ។មុនពេលចាប់ខ្លួននោះ មិនមានការប៉ះពាក្យសំដី ឬការរុញច្រានគ្នាទេ គឺសកម្មជនដីធ្លី អ្នកស្រី ទេព វន្នី បានថ្លែងពីទុក្ខលំបាករបស់គាត់ និងប្រជាសហគមន៍នៅមុខស្ថានទូតអាមេរិក លុះដល់ម៉ោងជិត៩ព្រឹកនេះ សមត្ថកិច្ចក៏ចាប់ខ្លួនអ្នកប្រមូលផ្តុំជាបន្តបន្ទាប់៕ ដកស្រង់ចេញពីវិទ្យុសម្លេងប្រជាធិបតេយ្យ (VOD) ចុះថ្ងៃទី២១ ខែមករា ឆ្នាំ២០១៤។