-
សមត្ថកិច្ច បំបែកការប្រមូលផ្តុំរបស់កម្មករ និងប្រជាសហគមន៍ នៅមុខវត្តឧណ្ណាលោម
- Issue Date 20-Jan-2014
សមត្ថកិច្ចរាប់សិបនាក់ បំបែកការប្រមូលផ្តុំរបស់កម្មករ និងប្រជាសហគមន៍នៅមុខវត្តឧណ្ណាលោម នៅរសៀលថ្ងៃអាទិត្យនេះ ខណៈពួកគេមានបំណងជួបជុំដើម្បីទាមទារឲ្យដោះលែងកម្មករ មន្ត្រីសហជីព២៣នាក់ និង ទាមទារដំឡើងប្រាក់ឈ្នូល។តាមគម្រោងកម្មករ ប្រជាសហគមន៍ដែលរងគ្រោះ រួមជាមួយសមាគមន៍អ្នករត់ម៉ូតូឌុប ប្រមាណ២០០នាក់ ជួបជុំគ្នានៅមុខវត្តឧណ្ណា លោម ដើម្បីទាមទារឲ្យស្ថាប័នពាក់ព័ន្ធ ជួយអន្តរាគមន៍ដោះលែង កម្មករ មន្ត្រីសហជីព ២៣នាក់ ដែលកំពុងជាប់ឃុំនៅពន្ធនាគារត្រពាំងថ្លុង។ ចំណុចមួយទៀតនៃការប្រមូលផ្តុំនេះ ពួកគេក៏ទាមទារឲ្យដំឡើងប្រាក់ឈ្នួល ដើម្បីឲ្យកម្មករអាចរស់នៅបានសមរម្យផង ដែរ។រហូតដល់ម៉ោងជាង៤នេះ តំណាងសហគមន៍នៅតែបន្តគម្រោងរៀបចំការប្រមូលផ្តុំ តែមិនមានព័ត៌មានពីការប៉ះទង្គិចគ្នាធ្ងន់ធ្ងរទេ។ ដកស្រង់ចេញពីវិទ្យុសម្លេងប្រជាធិបតេយ្យ (VOD) ចុះថ្ងៃទី១៩ ខែមករា ឆ្នាំ២០១៤។