-
ព្រះសង្ឃមួយអង្គរងរបួសពេលប៉ះទង្គិចជាមួយសមត្ថកិច្ចនៅជិតទីស្តីការគណៈរដ្ឋមន្ត្រី
- Issue Date 17-Oct-2014
ព្រះសង្ឃមួយអង្គដែលចូលរួមហែក្បួនជាមួយបាតុករជាង១០០នាក់ ដើម្បីប្រឆាំងជនអន្តោប្រវេសន៍មកពីអូស្ត្រាលី នៅព្រឹកនេះបានរងរបួសនៅជិតទីស្តីការគណៈរដ្ឋមន្ត្រី ពេលប៉ះទង្គិចជាមួយសមត្ថកិច្ច។នៅព្រឹកថ្ងៃសុក្រនេះ បាតុករជាង១០០អង្គនាក់ បានហែក្បួនយកញត្តិទៅដាក់នៅទីស្តីការគណៈរដ្ឋមន្ត្រី បន្ទាប់ពីដាក់នៅស្ថានទូតអាមេរិករួច។ ក្នុងខ្លឹមសារញត្តិបាតុករទាមទារឲ្យអូស្ត្រាលីគោរពសិទ្ធិជនភៀសខ្លួន និងប្រឆាំងការបញ្ជូនជនភៀសខ្លួនចូលក្នុងទឹកដីកម្ពុជា។ ពេលហែក្បួនដល់ជិតទីស្តីការគណៈរដ្ឋមន្ត្រីក៏មានសមត្ថកិច្ចរាប់សិប នាក់ចេញមុខរារាំង ពេលនោះក៏មានការប៉ះទង្គិចក្នុងរយៈពេលខ្លីមួយ បណ្តាលឲ្យព្រះសង្ឃមួយអង្គរងរបួស។ព្រះតេជគុណ ស៊ិន សុវណ្ឌី គង់នៅវត្តប្រយូង្សមានថេរដីកាថា ព្រះអង្គត្រូវសមត្ថកិច្ចឆក់ និងវាយមួយដៃចំព្រះភ័ក្ត្រ(មុខ)។ក្នុងចំណោមបាតុករជាង១០០នាក់នោះ មានព្រះសង្ឃប្រមាណ១០អង្គចូលរួមហែក្បួនដែរ។ទោះយ៉ាងណាក្រោយការប៉ះគ្នាក្នុងរយៈពេលខ្លីនេះ មន្ត្រីទីស្តីការគណៈរដ្ឋមន្ត្រីបានចេញទទួលញត្តិ ហើយក្បួនរបស់បាតុករបានហែចេញសំដៅយកញត្តិទៅដាក់នៅស្ថានទូត អូស្ត្រាលីប្រចាំរាជធានីភ្នំពេញបន្តទៀត៕ដកស្រង់ចេញពី វិទ្យុសម្លេងប្រជាធិបតេយ្យ ចេញផ្សាយថ្ងៃទី១៧ ខែតុលា ឆ្នាំ២០១៤។