-
អង្គការសហប្រជាជាតិស្នើឲ្យកម្ពុជាធានាសិទ្ធិសេរីភាពជាមូលដ្ឋានរបស់ពលរដ្ឋ
- Issue Date 10-Apr-2015
គណៈកម្មាធិការសិទ្ធិមនុស្សនៃអង្គការសហប្រជាជាតិ បានធ្វើសេចក្ដីសន្និដ្ឋានលើរបាយការណ៍សិទ្ធិមនុស្ស ស្ដីពីសិទ្ធិពលរដ្ឋ និងនយោបាយ តាមកាលកំណត់លើកទីពីរ ដែលបានប្រារព្ធឡើងនៅថ្ងៃទី១៧ និងថ្ងៃទី១៨ ខែមីនា ឆ្នាំ២០១៥ នៅប្រទេសស្វីស។របាយការណ៍នេះ បានលើកឡើងនូវចំណុចកង្វល់ និងអនុសាសន៍មួយចំនួន ដែលតម្រូវឲ្យរដ្ឋាភិបាលកម្ពុជា ជារដ្ឋភាគីមានការទទួលខុសត្រូវ និងធ្វើការកែលំអ។នៅក្នុងជំនួបនោះ ភាគីរដ្ឋាភិបាលក៏បានឡើងការពារពីចំណុចចន្លោះប្រហោងរបស់ខ្លួនដែរ។គណៈកម្មាធិការសិទ្ធិមនុស្សរបស់អង្គការសហប្រជាជាតិ ដែលមានទីតាំងនៅ ទីក្រុងហ្សឺណែវ ប្រទេស ស្វីស បានដាក់អនុសាសន៍ដល់រដ្ឋាភិបាលកម្ពុជា នូវចំណុចសំខាន់ចំនួន៤ ក្នុងចំណោមចំណុចជាច្រើន ដើម្បីឲ្យកម្ពុជា ធានានូវសិទ្ធិសេរីភាពជាមូលដ្ឋានរបស់ប្រជាពលរដ្ឋ។សេចក្ដីសន្និដ្ឋាននៃរបាយការណ៍គណៈកម្មាធិការសិទ្ធិមនុស្សរបស់អង្គការសហប្រជាជាតិ ចេញផ្សាយនៅថ្ងៃព្រហស្បតិ៍ ទី២ មេសា ក្រោយពេលដែលគណៈកម្មាធិការបានត្រួតពិនិត្យលើកទី២ ស្ដីពីរបាយការណ៍សិទ្ធិមនុស្សនៅកម្ពុជា នៅក្នុងសម័យប្រជុំប្រចាំឆ្នាំរបស់ខ្លួន។ដកស្រង់ពីវិទ្យុអាស៊ីសេរី ចេញផ្សាយថ្ងៃទី ០៣ ខែ មេសា ឆ្នាំ ២០១៥ ។