-
ស្ត្រីតំណាងអ្នកភូមិបឹងកក់ប្រកាសជំហរនៅតែបន្តការតវ៉ាទាមទារកយុត្តិធម៌
- Issue Date 13-Apr-2015
អ្នកស្រី ទេព វន្នី ស្ត្រីតំណាងអ្នកភូមិបឹងកករ់បានរៀបរាប់ពីជីវិតរស់នៅពន្ធនាគារព្រៃសដែលរដ្ឋាភិបាលបានចាប់ក្រុមស្ត្រីបឹងកក់ទាំង១០នាក់ជុំវិញករណីតវ៉ាពីរឿងទឹកជាន់លេចផ្ទះ ត្រូវបានជាប់ទោសចំនួន៥ខែ។ស្ត្រីតំណាងអ្នកភូមិបឹងកក់រូបនេះបានប្រកាសជំហររបស់ខ្លួនថា នឹងនៅតែតវ៉ាទាមទារកយុត្តិធម៌បន្តទៀត ដរាបណាយុត្តិធម៌មិនទាន់មានសម្រាប់អ្នកភូមិបឹងកក់។សម្លេងអ្នកស្ត្រី ទេព វន្នី៖ ការប្រកាសជំហរស្ត្រីតំណាងអ្នកភូមិបឹងកក់បែបនេះ បានធ្វើឡើង បន្ទាប់ពីក្រុមស្ត្រីអ្នកភូមិបឹងកក់ ត្រូវ ដោះលែង ឲ្យមានសេរីភាពវិញនៅរសៀថ្ងៃទី១១ ខែមេសា តាមរយៈព្រះរាជទានលើកលែងទោសរបស់ ព្រះមហាក្សត្រ ក្រោយពីរដ្ឋាភិបាលចាប់ឃុំខ្លួន កាលពីចុងឆ្នាំ២០១៤។ សកម្មជនដីធ្លី ដែលព្រះមហាក្សត្របានព្រះរាជទានលើកលែងទោសនោះមានចំនួន១០នាក់ ក្នុងនោះ មានដូចជា៖ អ្នកស្រី ទេព វន្នី ,អ្នកស្រី បូឆវី, អ្នកស្រី ផាន់ ឈុនរ៉េត, លោកយាយ ង៉ែត ឃុន ,កញ្ញា សុង ស្រីភាព និងស្ត្រីមួយចំនួនទៀត ត្រូវសមត្ថកិច្ចរាជធានីភ្នំពេញចាប់ឃុំខ្លួនកាលពីថ្ងៃទី១០ខែវិច្ឆិកាឆ្នាំ២០១៤ ចោទថាបានតវ៉ាធ្វើឲ្យកកស្ទះចរាចរណ៍៕ដកស្រង់ពីវិទ្យុខ្មែរអន្តរជាតិ វាយោ ចេញផ្សាយថ្ងៃទី ១២ ខែ មេសា ឆ្នាំ២០១៥ ។