នៅថ្ងៃទី១១ ខែឧសភា ឆ្នាំ២០២១ លោក កែវ រតនា អ្នកសារព័ត៌មាន និងចាងហ្វាងទូរទស្សន៍ TN ឬព័ត៌មានអនឡាញទាន់ហេតុការណ៍ TN ត្រូវបានយាយី ខណៈកំពុងរាយការណ៍អំពីជម្លោះដីធ្លីមួយកន្លែងនៅខេត្តកំពង់ឆ្នាំង។ លោក រតនា បានរាយការណ៍ការប្រមូលផ្តុំរបស់អ្នកភូមិក្នុងការតវ៉ាប្រឆាំងនឹងការសម្រេចរបស់សាលាដំបូងខេត្តកំពង់ឆ្នាំងដែលសម្រេចឱ្យម្ចាស់ដីជាអ្នកឈ្នះ។ គាត់បាននិយាយថាអង្គរក្សរបស់ម្ចាស់ដីដែលទំនងជាជួយអន្តរាគមន៍ជំនួស បានតតាំងជាមួយលោក រតនា ហើយបញ្ជាឱ្យអាជ្ញាធរចាប់ខ្លួនគាត់។ អាជ្ញាធរមិនបានចាប់ខ្លួនគាត់ទេ ដោយសារតែមានអ្នកភូមិជាច្រើននាក់នៅជុំវិញពួកគាត់។