សូមស្វាគមន៍មកកាន់ប្រព័ន្ធគ្រប់គ្រងទិន្នន័យសង្កេតការណ៍សវនាការកម្ពុជា"ប្រព័ន្ធគ្រប់គ្រងទិន្នន័យ"។ ប្រព័ន្ធគ្រប់គ្រងទិន្នន័យនេះ ជាសមិទ្ធិផលចេញពីគម្រោងសង្កេតការណ៍សវនាការរបស់មជ្ឍមណ្ឌលសិទិ្ធមនុស្សកម្ពុជា ដែលជាអង្គការមិនមែនរដ្ឋាភិបាល ឯក រាជ្យ មិនលម្អៀងដែលធ្វើការលើកស្ទួយ និងការពារលទិ្ធប្រជាធិបតេយ្យ និងការគោរពសិទិ្ធមនុស្ស។ គម្រោងសង្កេតការណ៍សវនាការ ត្រូវបានបង្កើតឡើងនៅខែសីហា ឆ្នាំ២០០៩ ដោយសង្កេតលើសវនាការព្រហ្មទណ្ឌនៅក្នុងប្រទេសកម្ពុជា ដើម្បីវាយតម្លៃអំពីការគោរពនូវបទដ្ឋានជាតិ និងអន្តរជាតិ ស្តីពីការជំនុំជម្រះដោយយុត្តិធម៌។ គម្រោងនេះ ប្រើប្រាស់នូវការរកឃើញទាំងនេះ ក្នុងកិច្ចខិតខំប្រឹងប្រែងដើម្បីធ្វើឲ្យការគោរពសិទិ្ធទទួលបានការជំនុំជម្រះដោយយុត្តិធម៌មានភាពល្អប្រសើរឡើង។
រហូតមកដល់បច្ចុប្បន្ននេះ គម្រោងបានសង្កេតការណ៍សវនាការលើរឿងក្តីព្រហ្មទណ្ឌនៅសាលាដំបូងរាជធានីភ្នំពេញ សាលាដំបូងខេត្តកណ្តាល សាលាដំបូងខេត្តបន្ទាយ មានជ័យ សាលាដំបូងខេត្តរតនៈគិរី និង សាលាឧទ្ធរណ៍។ សកម្មភាពជាចម្បងនានារបស់គម្រោងសង្កេតការណ៍សវនាការ រាប់បញ្ចូលនូវការសង្កេតការណ៍សវនាការលើរឿងក្តីព្រហ្មទណ្ឌ ដោយមន្ត្រីសង្កេតការណ៍សវនាការប្រើប្រាស់នូវតារាងសង្កេតការណ៍សវនាការជាក់លាក់ ការបោះពុម្ពផ្សាយនូវរបាយការណ៍ប្រចាំឆមាស និងប្រចាំឆ្នាំដែលរួមបញ្ចូលគ្នា និងវិភាគទិន្នន័យដែលបានកត់ត្រាចេញពីអំឡុងពេលរបាយការណ៍មុនៗ និងមានការដាក់បញ្ចូលនូវកិច្ចពិភាក្សាជាមួយសមាជិកតុលាការ និងដៃគូសំខាន់ដទៃទៀត ដើម្បីចែករំលែកនូវព័ត៌មាន និងគំនិត និងដើម្បីធ្វើឲ្យប្រសើរឡើងនូវការគោរពនូវបទដ្ឋានជាតិ និងអន្តរជាតិសី្តពីការជំនុំជម្រះដោយយុតិ្តធម៌។
ក្នុងកិច្ចខិតខំប្រឹងប្រែង ដើម្បីធ្វើឲ្យកាន់តែមានតម្លាភាពនៅក្នុងប្រព័ន្ធតុលាការកម្ពុជា គម្រោងសង្កេតការណ៍សវនាការ បានដាក់ឲ្យដំណើរការនូវប្រព័ន្ធគ្រប់គ្រងទិន្នន័យដែលកត់ត្រា និងរៀបចំនូវទិន្នន័យ ដែលប្រមូលបានពីតុលាការដែលបានរៀបរាប់ខាងលើ។ ប្រព័ន្ធគ្រប់គ្រងទិន្នន័យនេះ នឹងបោះផ្សាយនូវកិច្ចការរបស់គម្រោងសង្កេតការណ៍សវនាការ មានដូចជា សេចក្តីប្រកាសព័ត៌មាន និង របាយការណ៍ប្រចាំឆមាស។ ម្យ៉ាងទៀតសាធារណៈជនអាចចូលមើលនូវទិន្នន័យដែលប្រមូលដោយមន្ត្រីសង្កេតការណ៍សវនាការនេះបានដោយសេរី។
ដើម្បីចូលមើលប្រព័ន្ធគ្រប់គ្រងទិន្នន័យនេះបាន តម្រូវឲ្យអ្នកចូលបំពេញដោយស្ម័គ្រចិត្តនូវការស្ទង់មតិខ្លីមួយ ដោយមិនស្វែងរកនូវព័ត៌មាន ដែលពាក់ព័ន្ធពីអត្តសញ្ញាណរបស់អ្នកនោះទេ។ គោលបំណងនៃការស្ទង់មតិនេះ គឺដើម្បីវាយតម្លៃលទ្ធផលនៃប្រព័ន្ធគ្រប់គ្រងទិន្នន័យតែប៉ុណ្ណោះ។ ព័ត៌មានបន្ថែមសូមមើលនូវលក្ខខណ្ឌរបស់យើង។
-
របាយការណ៍ប្រចាំឆ្នាំស្តីពី “សិទ្ធិទទួលបានការជំនុំជម្រះដោយយុត្តិធម៌នៅកម្ពុជា៖ ការសង្កេតសវនាការនៅឆ្នាំ២០២៤” ដែលធ្វើឡើងចាប់ពីថ្ងៃទី១ ខែមករា ដល់ ថ្ងៃទី៣១ ខែធ្នូ ឆ្នាំ២០២៤
ចេញនៅថ្ងៃ: ២១-តុលា-២០២៥គម្រោងសិទ្ធិទទួលបានការជំនុំជម្រះដោយយុត្តិធម៌នៃ ម.ស.ម.ក ចេញផ្សាយរបាយការណ៍ប្រចាំឆ្នាំស្តីពី “សិទ្ធិទទួលបានការជំនុំជម្រះដោយយុត្តិធម៌នៅកម្ពុជា៖ ការសង្កេតសវនាការនៅឆ្នាំ២០២៤” ដែលធ្វើឡើងចាប់ពីថ្ងៃទី១ ខែមករា ដល់ ថ្ងៃទី៣១ ខែធ្នូ ឆ្នាំ២០២៤។ របាយការណ៍នេះ វិភាគលើទិន្នន័យដែលប្រមូលបានតាមរយៈការសង្កេតសវនាការប្រចាំថ្ងៃលើសំណុំរឿងព្រហ្មទណ្ឌចំនួន ៥៨២ ដោយមិនបានកំណត់ជាក់លាក់លើសំណុំ រឿងណាមួយ ដែលពាក់ព័ន្ធនឹងជនជាប់ចោទចំនួន ៨២២ នាក់ នៅសាលាឧទ្ធរណ៍ភ្នំពេញ បាត់ដំបង ត្បូងឃ្មុំ និងព្រះសីហនុ ដោយបានប្រើប្រាស់តារាងសង្កេតការណ៍សវនាការ ដែលបានរៀបចំយ៉ាងច្បាស់លាស់ ក្នុងគោលបំណងពិនិត្យនូវវិសាលភាពនៃបទដ្ឋានជាតិ និងអន្តរជាតិទាក់ទិននឹងការអនុវត្តសិទ្ធិទទួលបានការជំនុំជម្រះដោយយុត្តិធម៌។
អានបន្ត -
បណ្ណព័ត៌មាន_របកគំហើញសំខាន់ៗពីរបាយការណ៍សង្កេតសវនាការប្រចាំ២០២៤
ចេញនៅថ្ងៃ: ២១-តុលា-២០២៥នៅឆ្នាំ២០២៤ គម្រោងសិទ្ធិទទួលបានការជំនុំជម្រះដោយយុត្តិធម៌របស់ ម.ស.ម.ក បានសង្កេតសវនាការព្រហ្មទណ្ឌចំនួន ៥៨២ សំណុំរឿងដែលមានជនជាប់ចោទ ៨២២ នាក់នៅសាលាឧទ្ធរណ៍ទាំងបួន (ភ្នំពេញ, បាត់ដំបង, ត្បូងឃ្មុំ និងព្រះសីហនុ)។ ម.ស.ម.ក បានវាយតម្លៃពីកម្រិតនៃការប្រកាន់ភ្ជាប់នូវសិទ្ធិទទួលបានការជំនុំជម្រះដោយយុត្តិធម៌ ដែលធានាដោយច្បាប់ជាតិ និងច្បាប់សិទ្ធិមនុស្សអន្តរជាតិ។
អានបន្ត -
ព្រឹត្តិបត្រព័ត៌មានស្តីពីសិទ្ធិទទួលបានការជំនុំជម្រះដោយយុត្តិធម៌ដោយផ្តោតជាពិសេសលើសិទ្ធិទទួលបានការសន្មតទុកជាមុនថាគ្មានទោស ដែលពាក់ព័ន្ធនឹងឯកសណ្ឋានជនជាប់ឃុំ
ចេញនៅថ្ងៃ: ៥-ធ្នូ-២០២៤មជ្ឈមណ្ឌលសិទ្ធិមនុស្សកម្ពុជា (ម.ស.ម.ក) ចេញផ្សាយនូវព្រឹត្តិបត្រព័ត៌មានស្តីពីសិទ្ធិទទួលបានការជំនុំជម្រះដោយយុត្តិធម៌ដោយផ្តោតជាពិសេសលើសិទ្ធិទទួលបានការសន្មតទុកជាមុនថាគ្មានទោស ដែលពាក់ព័ន្ធសំខាន់លើការស្លៀកពាក់ឯកសណ្ឋានទណ្ឌិតរបស់ជនជាប់ចោទក្នុងអំឡុងពេលដំណើរការនៃនីតិវិធីសវនាការ។ មជ្ឈមណ្ឌលសិទ្ធិមនុស្សកម្ពុជា (ម.ស.ម.ក) បានធ្វើការសង្កេតសវនាការ ដើម្បីតាមដានសវនាការព្រហ្មទណ្ឌនៅតុលាការកម្ពុជា និងវាយតម្លៃអំពីការអនុវត្តការជំនុំជម្រះដោយយុត្តិធម៌តាមបទដ្ឋានជាតិ និងអន្តរជាតិចាប់ពីឆ្នាំ២០០៩ និងបានសង្កេតសវនាការនៅសាលាឧទ្ធរណ៍រភ្នំពេញចាប់តាំងពីខែមីនា ឆ្នាំ២០១៣ ព្រមទាំងបានសង្កេតសវនាការព្រហ្មទណ្ឌនៅសាលាឧទ្ធរណ៍ចំនួនបីផ្សេងទៀតចាប់ឆ្នាំ២០២២ ដល់ពេលបច្ចុប្បន្ន រួមមានសាលាឧទ្ធរណ៍បាត់ដំបង ត្បូងឃ្មុំ និងព្រះសីហនុ៕
អានបន្ត
-
Update Required To play the media you will need to either update your browser to a recent version or update your Flash plugin.
គាំទ្រដោយ
