កំពុងស្វែងរកទិន្នន័យ
រកឃើញ: 13.025
-
សាលាឧទ្ធរណ៍ព្យួរទោសប្រធានគណបក្សខ្មែរឈ្នះ តែតម្កល់សំណុំរឿង អាឡិច នៅដដែល
ចៅក្រមសាលាឧទ្ធរណ៍ នៅថ្ងៃនេះ បានសម្រេចព្យួរទោសប្រធានគណបក្សខ្មែរឈ្នះ លោក សួង សុភ័ណ្ឌ ដោយកាត់បន្ថយទោសជាប់ពន្ធនាគារពី២០ខែ មកនៅត្រឹម១៤ខែនិង២៧ថ្ងៃវិញ ហើយទោសដែលនៅសល់ត្រូវបានព្យួរ ខណៈសំណុំរឿងស្ថាបនិកក្រុមចលនាមាតាធម្មជាតិ ត្រូវសាលាឧទ្ធរណ៍តម្កល់សេចក្ដីសម្រេចរបស់សាលាដំបូងឱ្យនៅដដែល។
អានបន្ត -
ក្រសួងមហាផ្ទៃមិនចុះបញ្ជីឱ្យបក្សបេះដូងជាតិ និងប្តឹងស្ថាបនិកទៅតុលាការថែមទៀតរឿងបន្លំស្នាមមេដៃ
ក្រសួងមហាផ្ទៃកម្ពុជាបានសម្រេចមិនចុះបញ្ជីជាគណបក្សនយោបាយផ្លូវការដល់គណបក្សបេះដូងជាតិឡើយ។ នេះបើតាមរបាយការណ៍របស់លោកស ខេង រដ្ឋមន្រ្តីក្រសួងមហាផ្ទៃជម្រាបជូនលោកនាយករដ្ឋមន្រ្តីហ៊ុន សែន កាលពីថ្ងៃទី០៨ ខែវិច្ឆិកា ឆ្នាំ២០២១។ ជាមួយនឹងការមិនចុះបញ្ជីឱ្យ ក្រសួងមហាផ្ទៃក៏គ្រោងនឹងប្តឹងតំណាងស្ថាបនិកគណបក្សនេះទៅកាន់តុលាការថែមទៀត ដោយសារតែបានក្លែងបន្លំស្នាមមេដៃ។ ប៉ុន្តែ ស្ថាបនិកបក្សនេះថា របាយការណ៍នេះមិនសមទំនងទាល់តែសោះ។
អានបន្ត -
សកម្មជនសង្គមនិងនយោបាយ២នាក់ទៀតត្រូវបានដោះលែងនៅព្រឹកថ្ងៃសុក្រនេះ
សកម្មជនសង្គមនិងសកម្មជននយោបាយចំនួន២នាក់ទៀត គឺលោក ហ៊ុន វណ្ណៈ និងលោក ប៉ែន ច័ន្ទសង្គ្រាម ត្រូវបានមន្ត្រីពន្ធនាគារ (ម២) ដោះលែងចេញពីពន្ធនាគារ នៅវេលាម៉ោង១១និង៣០នាទីព្រឹក ថ្ងៃទី១២ ខែវិច្ឆិកានេះ។ យុវជនខ្មែរថាវរៈ លោក ហ៊ុន វណ្ណៈ ត្រូវបានដោះលែងបន្ទាប់ពីអនុវត្តទោសជាប់ពន្ធនាគាររយៈពេល១៥ខែ ក្នុងចំណោមទោស២០ខែ ខណៈលោក ប៉ែន ច័ន្ទសង្គ្រាម សកម្មជនអតីតគណបក្សសង្គ្រោះជាតិ ត្រូវបានដោះលែងបន្ទាប់ពីអនុវត្តទោសជាប់ពន្ធនាគាររយៈពេល១០ខែ និង២០ថ្ងៃ។
អានបន្ត -
HRW ទាមទារឱ្យកម្ពុជាទម្លាក់ការចោទប្រកាន់និងដោះលែងសកម្មជននយោបាយ២នាក់
នៅក្នុងសេចក្ដីថ្លែងការណ៍មួយពីទីក្រុងបាងកកប្រទេសថៃ អង្គការឃ្លាំមើលសិទ្ធិមនុស្សអន្តរជាតិ (Human Rights Watch) បានចាត់ទុកការចាប់បញ្ជូនជនភៀសខ្លួននយោបាយពីរនាក់ គឺលោក វឿន វាសនា ហៅ ក្រញូងព្រៃឡង់ និងលោក វឿង សំណាង ដោយអាជ្ញាធរថៃមកកាន់ប្រទេសកម្ពុជា កាលពីថ្ងៃទី៩ ខែវិច្ឆិកា ថាជាការដាក់ពួកគេឱ្យប្រឈមនឹងហានិភ័យខ្ពស់នៃការកាត់ទោសដោយអយុត្តិធម៌នៅក្នុងប្រទេសកម្ពុជា។ អង្គការនេះបានអំពាវនាវឱ្យអាជ្ញាធរកម្ពុជា គួរតែទម្លាក់ចោលការចោទប្រកាន់តាមបែបនយោបាយនិងដោះលែងពួកគេវិញដោយឥតលក្ខខណ្ឌ។
អានបន្ត -
មន្ត្រីសង្គមស៊ីវិល និងសកម្មជនបរិស្ថានរិះគន់តុលាការខេត្តរតនគិរីកាត់ក្តីលម្អៀង និងអយុត្តិធម៌
មន្ត្រីសង្គមស៊ីវិល និងសកម្មជនបរិស្ថានរិះគន់ តុលាការខេត្តរតនគិរីថា កាត់ក្តីលម្អៀង និងអយុត្តិធម៌ចំពោះពលរដ្ឋដែលលះបង់ ការពារប្រយោជន៍ជាតិ។ ការលើកឡើងនេះ ក្រោយពីតុលាការខេត្តរតនគីរីបានប្រកាសសាលក្រមផ្តន្ទាទោស សកម្មជនការពារព្រៃឈើលោក ឆន ផល្លា ឱ្យជាប់ពន្ធនាគារ ៥ឆ្នាំ។
អានបន្ត -
រដ្ឋាភិបាលកាត់ផ្ទៃដីបឹងតាមោកជាង១៥០ហិកតាឱ្យក្រសួងសុខាភិបាលនិងសាលារាជធានីភ្នំពេញ
រដ្ឋាភិបាលបានសម្រេចកាត់ផ្ទៃដីបឹងតាមោកជាង១៥០ហិកតា ប្រគល់ឱ្យក្រសួងសុខាភិបាល និងសាលារាជធានីភ្នំពេញ ដើម្បីធ្វើជាកម្មសិទ្ធិបន្ថែមទៀត ប៉ុន្តែមិនបានបញ្ជាក់ច្បាស់លាស់ថានឹងត្រូវយកទៅសាងសង់អ្វីប្រាកដនោះឡើយ។
អានបន្ត -
សកម្មជនសង្គម លោក មួង សុភ័ក្រ ប្ដេជ្ញាបន្តធ្វើការងារសង្គមបន្ទាប់ពីដោះលែងពីពន្ធនាគារ
សកម្មជនសង្គមម្នាក់ទៀត លោក មួង សុភ័ក្រ ត្រូវបានអាជ្ញាធរកម្ពុជាដោះលែងចេញពីពន្ធនាគារនៅប្រមាណជាម៉ោង១១ព្រឹក ថ្ងៃព្រហស្បតិ៍ ទី១១ ខែវិច្ឆិកានេះ បន្ទាប់ពីជាប់ពន្ធនាគារអស់រយៈពេល១៤ខែ។
អានបន្ត -
សកម្មជនសង្គមនិងសកម្មជននយោបាយពីរនាក់ទៀតត្រូវបានដោះលែងនិងព្យួរទោស
សកម្មជនសង្គមម្នាក់ ត្រូវបានតុលាការដោះលែងនៅថ្ងៃនេះ។ ទោះយ៉ាងណា មន្ត្រីសង្គមស៊ីវិលបន្តជំរុញទៅតុលាការគួរទម្លាក់ចោលការចោទប្រកាន់លើរូបលោក ប៉ុន្តែមន្រ្តីបក្សកាន់អំណាចថា ការសម្រេចបែបនេះ ជាឆន្ទានុសិទ្ធិរបស់តុលាការ។ សកម្មជនសង្គមយុវជន មួង សុភ័ក្រ បានចេញពីពន្ធនាគារនៅថ្ងៃទី១១ ខែវិច្ឆិកា ក្រោយអនុវត្តទោសគ្រប់ចំនួនកំណត់។ យុវជន មួង សុភ័ក្រ មានទឹកមុខស្លេកស្លាំងនិងស្គមស្គាំង ក្រោយលោកជាប់ពន្ធនាគារអស់រយៈ ១៤ខែ។ ទោះយ៉ាងណា យុវជនរូបនេះ នៅតែប្ដេជ្ញាចិត្តបន្តការងារសង្គមដដែល។
អានបន្ត -
សកម្មជនសង្គ្រោះជាតិពីរនាក់ ដែលចាប់បញ្ជូនពីប្រទេសថៃ ត្រូវបានឃុំខ្លួននៅពន្ធនាគារព្រៃស
មន្ត្រីគណបក្សសង្គ្រោះជាតិ និងមេធាវីការពារក្ដីឲ្យដឹងថា សកម្មជនគណបក្សសង្គ្រោះជាតិពីរនាក់ ដែលអាជ្ញាធរថៃ បានចាប់ខ្លួនបញ្ជូនទៅឲ្យរបបក្រុងភ្នំពេញនោះ បច្ចុប្បន្ន ត្រូវបានតុលាការឲ្យឃុំខ្លួននៅពន្ធនាគារព្រៃស (ម១) ហើយ តាំងពីថ្ងៃទី១០ ខែវិច្ឆិកា។ មន្ត្រីសិទ្ធិមនុស្សអន្តរជាតិ ថ្កោលទោសចំពោះទង្វើរបស់អាជ្ញាធររដ្ឋាភិបាលថៃ និងកម្ពុជាថា ជាការរំលោភសិទ្ធិមនុស្សធ្ងន់ធ្ងរ។
អានបន្ត -
សកម្មជនអតីតបក្សប្រឆាំង២រូបត្រូវបានអាជ្ញាធរថៃចាប់ខ្លួនបញ្ជូនមកកម្ពុជា
អាជ្ញាធរថៃបានចាប់ខ្លួនសកម្មជនអតីតគណបក្សសង្គ្រោះជាតិ២នាក់ ឈ្មោះ វឿង សំណាង និងឈ្មោះ វឿន វាសនា (ហៅ ក្រញូងព្រៃឡង់) នៅទីក្រុងបាងកក កាលពីថ្ងៃទី៨ ខែវិច្ឆិកា រួចបញ្ជូនខ្លួនពួកគេមកឱ្យអាជ្ញាធរកម្ពុជា។ អ្នកនាំពាក្យក្រសួងមហាផ្ទៃ លោក ខៀវ សុភ័គ ថ្លែងនៅថ្ងៃទី១១ ខែវិច្ឆិកានេះថា ពិតជាមានការចាប់ខ្លួនឈ្មោះ វឿង សំណាង និង វឿន វាសនា ពិតមែន ហើយការចាប់ខ្លួននោះធ្វើឡើងតាមដីកាបង្គាប់របស់តុលាការ។
អានបន្ត -
បទពិសោធជាអ្នកសារព័ត៌មាន ១០ ឆ្នាំ ជាគ្រឹះដ៏រឹងមាំក្នុងតួនាទីជាអ្នកនាំពាក្យរបស់លោក នេត្រ ភក្ត្រា
ភ្នំពេញៈ អ្នកនាំពាក្យ គឺជាបុគ្គលសំខាន់ ១ រូបរបស់ស្ថាប័នរដ្ឋ ឬឯកជន ដែលត្រូវដើរតួនាទីសំខាន់ ក្នុងការពាំនាំនូវព័ត៌មាននានារបស់ស្ថាប័នទៅកាន់សាធារណជន។ ជាពិសេសនោះ អ្នកនាំពាក្យក៏ជាបុគ្គល ១ រូប ដែលត្រូវមានសមត្ថភាព ឆ្លាតវៃ ភាពច្បាស់លាស់ និងត្រឹមត្រូវ ដើម្បីរក្សាការពារ ផលប្រយោជន៍របស់ស្ថាប័នផងដែរ។
អានបន្ត -
ក្រុមសង្គមស៊ីវិលអំពាវនាវឱ្យរដ្ឋាភិបាលកម្ពុជាធានាសិទ្ធិ និងបើកលំហរឱ្យមានការចូលរួមការពារបរិស្ថាន
ក្រុមអង្គការសង្គមស៊ីវិលចំនួន១៨នៅកម្ពុជានៅថ្ងៃទី១០ ខែវិច្ឆិកា ឆ្នាំ២០២១នេះ បានរួមគ្នាចេញសេចក្តីថ្លែងការណ៍រួមអំពាវនាវឱ្យរាជរដ្ឋាភិបាលកម្ពុជា និងថ្នាក់ដឹកនាំនៃសន្និសីទអង្គការសហប្រជាជាតិស្ដីពីការប្រែប្រួលអាកាសលើកទី២៦(COP26) ធានាសិទ្ធិ និងបើកលំហរឱ្យមានការចូលរួមការពារបរិស្ថានប្រកបដោយបរិយាប័ន្ន។ ការអំពាវនាវរបស់ពួកគេនេះ ធ្វើឡើងស្របពេលដែលសន្និសិទ(COP26)កំពុងបន្តធ្វើនៅទីក្រុងក្លាសហ្គោ (Glasgow)នៃចក្រភពអង់គ្លេស។
អានបន្ត -
សកម្មជនបរិស្ថានម្នាក់នៅខេត្តរតនគិរី ត្រូវបានតុលាការកាត់ទោសឱ្យជាប់ពន្ធនាគារ៥ឆ្នាំ
តុលាការខេត្តរតនគិរី បានសម្រេចផ្ដន្ទាទោសសកម្មជនបរិស្ថាននិងដីធ្លី លោក ឆន ផល្លា ដាក់ពន្ធនាគាររយៈពេល៥ឆ្នាំ កាលពីថ្ងៃពុធម្សិលមិញ ពីបទ«កាប់បំផ្លាញព្រៃឈើដោយខុសច្បាប់»។ សកម្មជនរូបនេះ កាលពីពេលកន្លងទៅ ធ្លាប់បានប្ដឹងមន្ត្រីមួយចំនួនទៅកាន់តុលាការ ពាក់ព័ន្ធការរំលោភដីសាធារណៈរបស់រដ្ឋ និងបទល្មើសព្រៃឈើនៅតំបន់នោះ ហើយក្រោយមក លោកក៏ត្រូវបានគេព្រួតវាយយ៉ាងធ្ងន់ធ្ងរនៅចំពោះមុខអាជ្ញាធរមូលដ្ឋានក្នុងវេទិកាសាធារណៈមួយផងដែរ។
អានបន្ត -
អ្នកនាំពាក្យ៖ ការបញ្ជូនខ្លួនសកម្មជនបរិស្ថាននិងនយោបាយពីរនាក់ពីប្រទេសថៃ ជាការអនុវត្តតាមដីការបស់តុលាការកម្ពុជា
អ្នកនាំពាក្យអគ្គស្នងការនគរបាលជាតិបានអះអាងប្រាប់វិទ្យុបារាំងអន្តរជាតិRFI នៅថ្ងៃព្រហស្បតិ៍ទី១១វិច្ឆិកានេះថា ការបញ្ជូនខ្លួនសកម្មជនបរិស្ថាននិងនយោបាយពីរនាក់ពីប្រទេសថៃ ធ្វើឡើងតាមការអនុវត្តដីការបស់តុលាការកម្ពុជា នៅក្នុងសំណុំរឿង«រួមគំនិតក្បត់ និងញុះញង់ឲ្យមានការប្រព្រឹត្តបទឧក្រិដ្ឋជាអាទិ៍»។ ការអះអាងរបស់អ្នកនាំពាក្យប៉ូលីសជាតិយ៉ាងដូច្នេះធ្វើឡើងភ្លាមៗ បន្ទាប់ពីមន្ត្រីនិងសកម្មជនអ្នកគាំទ្រអតីតគណបក្សសង្គ្រោះជាតិនៅថ្ងៃទី១១វិច្ឆិកានេះ នាំគ្នាថ្កោលទោសនិងរិះគន់អាជ្ញាធរថៃដែលយល់ព្រមបញ្ជូនអ្នកទាំងពីរមកកម្ពុជាតាមសំណើររបស់អាជ្ញាធរកម្ពុជា។
អានបន្ត -
អាជ្ញាធរដោះលែងក្មេងប្រុស កាក់ សុវណ្ណច្ឆ័យ ពីពន្ធនាគារនៅព្រឹកនេះ
កាលពីថ្ងៃទី៨ ខែវិច្ឆិកា ម្ដាយរបស់ក្មេងប្រុស កាក់ សុវណ្ណច្ឆ័យ គឺអ្នកស្រី ព្រំ ចាន់ថា បានសម្ដែងការខកចិត្តជាខ្លាំង ដែលអាជ្ញាធរមិនទាន់ដោះលែងក្មេងប្រុសរូបនេះ ដោយបានពន្យាររហូតដល់ថ្ងៃទី១០ ខែវិច្ឆិកានេះ បើទោះបីជាសេចក្ដីប្រកាសព័ត៌មានរបស់អ្នកនាំពាក្យសាលាដំបូងរាជធានីភ្នំពេញ បានបញ្ជាក់ថា ក្មេងប្រុស កាក់ សុវណ្ណច្ឆ័យ នឹងដោះលែងនៅថ្ងៃទី៨ ខែវិច្ឆិកាក្ដី។
អានបន្ត -
លោក កើត សារ៉ាយ៖ ខ្ញុំមិនពាក់ស្បែកជើងរហូតដល់សង្គមខ្មែរមានយុត្តិធម៌ពិតប្រាកដ
ក្រោយដោះលែងឲ្យមានសេរីភាពវិញ តែស្ថិតនៅក្រោមការត្រួតពិនិត្យតាមផ្លូវតុលាការ អតីតព្រះសង្ឃកើត សារ៉ាយ បានបន្តធ្វើទុក្ខកិរិយាដោយមិនពាក់ស្បែកជើងរហូតដល់ពេលដែលលោកយល់ថាសង្គមខ្មែរមានយុត្តិធម៌ពិតប្រាកដ។ ការប្តេជ្ញាចិត្តរបស់លោក កើត សារ៉ាយ ដោយសារតែលោកនិងសកម្មជនសង្គមផ្សេងទៀតត្រូវបានចាប់ដាក់ពន្ធនាគារ នៅគ្រាដែលពួកគេចេញមុខតវ៉ាប្រឆាំងនឹងការចាប់ខ្លួន លោក រ៉ុង ឈុន។
អានបន្ត -
ភរិយាសកម្មជនបក្សប្រឆាំង៖ «ដូចគុកឥតជញ្ជាំង» ទោះកូនប្រុសត្រូវបានដោះលែង
កាក់ សុវណ្ណច្ឆ័យ អាយុ១៦ឆ្នាំ ដែលត្រូវម្តាយអះអាងថាមានជំងឺអូទីហ្សឹម ត្រូវបានចាប់ដាក់ពន្ធនាគារអស់រយៈពេលជាង៤ខែ ដោយសារការបង្ហោះសារតាមប្រព័ន្ធតេឡេក្រាម។ បើទោះមានការដោះលែងនៅក្រៅឃុំក៏ដោយ ម្តាយរបស់កាក់ សុវណ្ណច្ឆ័យ ដែលជាភរិយារបស់សកម្មជនបក្សប្រឆាំងម្នាក់ បានអះអាងថាកូនប្រុសរបស់អ្នកស្រីមិនទាន់មានសេរីភាពពេញលេញនៅឡើយទេ ហើយការរស់នៅ២ឆ្នាំខាងមុខទៀត ប្រៀបដូច«គុកឥតជញ្ជាំង»។ ការណ៍នេះគឺដោយសារកាក់ សុវណ្ណច្ឆ័យ ត្រូវបានតុលាការដាក់ឲ្យស្ថិតនៅក្រោមការតាមដានរបស់តុលាការ ក្រោយដោះលែងពីការឃុំឃាំងក្នុងពន្ធនាគារ។ ករណីរបស់យុវជនរូបនេះត្រូវបានអ្នកជំនាញក្រុមប្រឹក្សាអង្គការសហប្រជាជាតិរិះគន់ផងដែរ។
អានបន្ត -
អាជ្ញាធរឱ្យម្ចាស់គណនីហ្វេសប៊ុកមួយដែលរិះគន់ពីប្រតិបត្តិការពន្លត់អគ្គិភ័យ សុំទោសជាសាធារណៈ
អាជ្ញាធរបានកោះហៅម្ចាស់គណនី Facebook ឈ្មោះ Vea Sna ដែលខំមិន (comment) ថា «ឡានទឹកតថ្លៃទម្រាំត្រូវ ខ្ទេចអស់ហើយ» ក្នុងហេតុការណ៍គ្រោះអគ្គិភ័យមួយនៅខណ្ឌដង្កោ ចូលបំភ្លឺ និងថតវីដេអូសុំទោសជាសាធារណៈ ចំពោះការសរសេរដែលអាជ្ញាធរថាផ្ទុយពីការពិត។
អានបន្ត -
សារព័ត៌មានបរទេស ផ្សាយព្រោងព្រាតអំពីការប្ដេជ្ញាតស៊ូរបស់ក្មេងប្រុស កាក់ សុវណ្ណច្ឆ័យ ដើម្បីយុត្តិធម៌សង្គម
សារព័ត៌មានបរទេស បានចុះផ្សាយព្រោងព្រាតអំពីក្មេងប្រុស កាក់ សុវណ្ណច្ឆ័យ ដែលមានជំងឺខ្សោយបញ្ញាស្មារតី (Autism) ដែលទើបតុលាការដោះលែងកាលពីថ្ងៃទី១០ ខែវិច្ឆិកា ក្រោយគាត់ជាប់ពន្ធនាគារជិត ៥ខែ ដោយសារការបង្ហោះសារតាមបណ្ដាញសង្គមតេឡេក្រាម។
អានបន្ត -
ក្មេងប្រុស កាក់ សុវណ្ណច្ឆ័យ ត្រូវបានដោះលែងចេញពីពន្ធនាគារ ខណៈម្ដាយស្នើសុំទម្លាក់បទចោទទាំងស្រុង
ក្មេងប្រុស កាក់ សុវណ្ណច្ឆ័យ ដែលជាកូនអតីតសកម្មជនបក្សសង្គ្រោះជាតិ ត្រូវបានតុលាការសម្រេចដោះលែងចេញពីពន្ធនាគារនៅព្រឹកថ្ងៃពុធនេះ ក្រោយអនុវត្តទោសជាង៤ខែ ខណៈម្តាយកុមារារូបនោះស្នើតុលាការទម្លាក់ចោលបទចោទទាំងអស់ ដោយសារកូនគាត់មានជំងឺអូទីហ្សឹម។ អ្នកស្រី ព្រំ ចាន់ថា ដែលជាម្ដាយបង្កើតរបស់ក្មេងប្រុស កាក់ សុវណ្ណច្ឆ័យ ថ្លែងប្រាប់អ្នកសារព័ត៌មាន ក្រោយពីកូនចេញពីពន្ធនាគារព្រៃស នាព្រឹកថ្ងៃពុធនេះថា ដំបូងគាត់មានអារម្មណ៍រំភើបនិងរីករាយនៅពេលឃើញកូនដើរចេញពីខ្លោងទ្វារច្រកចេញនៃមណ្ឌលអប់រំកែប្រែទី២ ហៅថា «ព្រៃស»។
អានបន្ត
គាំទ្រដោយ
