កំពុងស្វែងរកទិន្នន័យ
រកឃើញ: 13.025
-
ដល់ពេលដែលអាជ្ញាធរផាកពិន័យរាល់ការជួបជុំ ប្រមូលផ្ដុំ មិនសមទំនងណាមួយហើយឬនៅ?
ការជួបជុំឬប្រមូលផ្ដុំដោយកន្លែងនៅទីសាធារណៈនៅតែកើតមាន បើទោះបីជាមានការអំពាវនាវឲ្យរក្សាគម្លាត កាត់បន្ថយការជួបជុំ ឬប្រមូលផ្ដុំយ៉ាងណាក៏ដោយ។ ជាក់ស្ដែងស្នងការដ្ឋាននគរបាលរាជធានីភ្នំពេញ កាលពីថ្ងៃទី២៨ ខែមីនា បានឃាត់មនុស្សជាង៥០នាក់ និងម៉ូតូចំនួន ២៥គ្រឿង បន្ទាប់ពីពួកគេបានប្រមូលផ្តុំ ជួបជុំគ្នាច្រើនកុះករនៅទីក្រុងកោះពេជ្រ។ បន្ទាប់ពីឃាត់ខ្លួនពួកគេទាំងនោះត្រូវបាន អនុញ្ញាតឲ្យត្រឡប់ទៅគេហដ្ឋានវិញបន្ទាប់ពីអប់រំ។ បើផ្អែកតាមច្បាប់ថ្មី«អ្នកបំពានវិធានការពារកូវីដ១៩ត្រូវពិន័យពី១លានទៅ២០លានរៀល និងអាចជាប់គុកពី៦ខែដល់ទៅ២០ឆ្នាំ»។ បន្ទាប់ពីច្បាប់ថ្មីដាក់ចេញក្រសួងសុខាភិបាលក៏បានកំណត់បន្ថែមថា បុគ្គលណាដែលមិនពាក់ម៉ាសនៅទីសាធារណៈ និងកន្លែងជួបជុំមនុស្សច្រើន និងមិនរក្សាគម្លាតបុគ្គល គឺនឹងត្រូវរងការផាកពិន័យជាទឹកប្រាក់ពីចន្លោះ២០ម៉ឺនរៀលទៅ១លានរៀល។ ដូច្នេះដល់ពេលដែលអាជ្ញាធរផាកពិន័យរាល់ការជួបជុំឬប្រមូលផ្ដុំមិនសមទំនងណាមួយហើយឬនៅ?
អានបន្ត -
បណ្ដាញយុវជនកម្ពុជា (CYN) រកឃើញបទល្មើសព្រៃឈើ ១០០ករណីក្នុងព្រៃព្រះរកា
សមាគមបណ្ដាញយុវជនកម្ពុជា (CYN) ចេញសេចក្ដីប្រកាសព័ត៌មានមួយនៅថ្ងៃទី២៩ មីនា ស្ដីពីការរកឃើញបទល្មើសកាប់បំផ្លាញព្រៃឈើចំនួន ១០០ករណីនៅក្នុងដែនជម្រកសត្វព្រៃព្រះរកា ស្ថិតក្នុងខេត្តព្រះវិហារ។ មន្ត្រីសមាគមបណ្ដាញយុវជនកម្ពុជា ស្នើសុំឲ្យអាជ្ញាធររដ្ឋាភិបាលពង្រឹងការអនុវត្តច្បាប់ចំពោះជនល្មើស និងបើកសិទ្ធិឲ្យសកម្មជនការពារព្រៃឈើ ចូលល្បាតព្រៃដូចឡើងវិញ ដើម្បីទប់ស្កាត់បទល្មើសព្រៃឈើឲ្យមានប្រសិទ្ធភាព។
អានបន្ត -
លោកស្រីឧកញ៉ា ស៊ុយ សុផាន ទទួលមរណភាព ដោយរោគាពាធ ក្នុងជន្មាយុ ៦២ឆ្នាំ
(ភ្នំពេញ)៖ លោកស្រីឧកញ៉ា ស៊ុយ សុផាន អគ្គនាយិកាក្រុមហ៊ុន ផាន អ៉ីម៉ិច បានទទួលមរណភាព នៅយប់ថ្ងៃទី២៨ ខែមីនា ឆ្នាំ២០២១ ដោយរោគាពាធ ក្នុងជន្មាយុ ៦២ឆ្នាំ។ នេះបើតាម លោកស្រី ហ៊ុន ស៊ីណាត សរសេរបង្ហោះក្នុង Facebook ផ្លូវការរបស់ខ្លួន នៅថ្ងៃទី២៩ ខែមីនានេះ។
អានបន្ត -
គ្រួសារ៖ មុនបាត់ខ្លួន សកម្មជនថៃ«កាន់លិខិតឆ្លងដែនខ្មែរ»
ភ្នំពេញ — អំឡុងពេលរស់នៅកម្ពុជាដើម្បីគេចចេញពីការតាមចាប់ចងរបស់អាជ្ញាធរថៃ មកទល់នឹងពេលបាត់ខ្លួននៅខែមិថុនា ឆ្នាំ២០២០ សកម្មជនថៃ Wanchalearm Satsaksit បានប្រើប្រាស់លិខិតឆ្លងដែនកម្ពុជា។ នេះបើតាមការបញ្ជាក់និងបង្ហាញឯកសារពីក្រុមគ្រួសារ។
អានបន្ត -
ខេមបូចា រកឃើញថាក្នុងឆ្នាំ២០២០ អ្នកកាសែត៧២នាក់ត្រូវបានយាយីក្រោមរូបភាពផ្សេងៗ
របាយការណ៍របស់ខេមបូចា ឱ្យដឹងថា ក្នុងឆ្នាំ២០២០កន្លងទៅ មានករណីយាយីចំនួន៣៥ករណីដែលកើតឡើងលើអ្នកសារព័ត៌មានចំនួន៧២នាក់។
អានបន្ត -
នាយករដ្ឋមន្រ្តីបញ្ជាឱ្យរៀបចំបើកយុទ្ធនាការចាក់វ៉ាក់សាំងទ្រុងទ្រាយធំនៅទូទាំងប្រទេសឱ្យបាន១លាននាក់ក្នុងមួយខែ
សម្ដេចនាយករដ្ឋមន្រ្តី ហ៊ុន សែន បានប្រកាសថា រដ្ឋាភិបាលនឹងបញ្ជូនក្រុមគ្រូពេទ្យស្ម័គ្រចិត្តជាច្រើនក្រុមពីថ្នាក់ជាតិ ដើម្បីចុះទៅតាមបណ្ដាខេត្តទាំងអស់ក្នុងការបើកយុទ្ធនាការទ្រុងទ្រាយធំនៅទូទាំងប្រទេស ដើម្បីចាក់វ៉ាក់សាំងឱ្យពលរដ្ឋចំនួន១លាននាក់ក្នុងមួយខែ។
អានបន្ត -
របាយការណ៍មួយបង្ហាញថា អ្នកកាសែតអនឡាញជាគោលដៅនៃការបង្ក្រាបលើសេរីភាពសារព័ត៌មាន
របាយកាណ៍ថ្មីមួយបង្ហាញថា អ្នកសារព័ត៌មានគឺជាមុខសញ្ញានៃការប្រើអំពើហិង្សា គំរាមកំហែង និងបណ្ដឹងព្រហ្មទណ្ឌក្នុងឆ្នាំ២០២០ ខណៈរដ្ឋាភិបាលបានដៅលើសេរីភាពសារព័ត៌មាន តែមិនបានស៊ើបអង្កេតលើបទឧក្រិដ្ឋប្រឆាំងអ្នកយកព័ត៌មាន និងការីនិពន្ធនោះទេ។
អានបន្ត -
ក្រសួងសុខាភិបាលរកឃើញអ្នកឆ្លងកូវីដ ៤០ នាក់បន្ថែមនៅរាជធានី-ខេត្តចំនួន ៨ ខណៈអ្នកជាសះស្បើយមាន ៦ នាក់
ភ្នំពេញៈ ក្រសួងសុខាភិបាលបានប្រកាសពីការរកឃើញអ្នកឆ្លងជំងឺកូវីដ ១៩ ក្នុងមនុស្សចំនួន ៤០ នាក់ ដែលបានឆ្លងថ្មីក្នុងព្រឹត្តិការណ៍សហគមន៍ ២០ កុម្ភៈ ដោយភាគច្រើននៅរាជធានីភ្នំពេញ ប៉ុន្តែក៏បានរកឃើញអ្នកជាសះស្បើយចំនួន ៦ នាក់ផងដែរ។
អានបន្ត -
រាជរដ្ឋាភិបាល នឹងចាប់ផ្ដើមយុទ្ធនាការទ្រង់ទ្រាយធំ ដើម្បីចាក់វ៉ាក់សាំងកូវីដ-១៩ ក្នុងពេល១ខែ ឲ្យបាន១លាននាក់
លោកនាយករដ្ឋមន្ត្រី ហ៊ុន សែន បានប្រកាសថា រដ្ឋាភិបាលនឹងបើកយុទ្ធនាការទ្រង់ទ្រាយធំមួយដើម្បីចាក់វ៉ាក់សាំងកូវីដ-១៩ ដល់ប្រជាជនមួយលាននាក់នៅទូទាំងប្រទេសក្នុងរយៈពេលមួយខែ ស្របពេលមានព្រឹត្តិការណ៍សហគមន៍ ២០កុម្ភៈ នៅតែកំពុងបន្ត ។
អានបន្ត -
លោក ហ៊ុន សែន៖ កម្ពុជាគ្រោងចាក់វ៉ាក់សាំងកូវីដ-១៩ ឲ្យបាន១លាននាក់ក្នុង១ខែ តាមរយៈយុទ្ធនាការ ទ្រង់ទ្រាយធំ
លោកនាយករដ្ឋមន្ត្រី ហ៊ុន សែន នៅថ្ងៃចន្ទទី២៩ខែមីនានេះ បានបញ្ជាទៅកាន់អភិបាលខេត្តទាំងអស់ ត្រូវទទួលខុសត្រូវរៀបចំកន្លែងស្នាក់នៅសម្រាប់គ្រូពេទ្យថ្នាក់ជាតិ ចុះទៅចាក់វ៉ាក់សាំងដល់ប្រជាពលរដ្ឋនៅតាមខេត្ត។ ការថ្លែងតាមបណ្តាញទំនាក់ទំនងតេឡេក្រាមរបស់លោក ហ៊ុន សែន ដូច្នេះ គឺធ្វើឡើងខណៈដែលកម្ពុជាគ្រោងនឹងបើកយុទ្ធនាការទ្រង់ទ្រាយធំ ចាក់វ៉ាក់សាំងការពារកូវីដ-១៩ ឲ្យបាន១លាននាក់ក្នុងមួយខែ។ លោកនាយករដ្ឋមន្ត្រីឲ្យដឹងថា គណៈកម្មការចំពោះកិច្ចរៀបចំចាក់វ៉ាក់សាំង ត្រូវចំណាយតែការធ្វើដំណើរ និងអាហារ សម្រាប់គ្រូពេទ្យចុះទៅចាក់វ៉ាក់សាំងតាមខេត្ត ដែលមានទីកន្លែងចាក់វ៉ាក់សាំងសរុបជាង៣០០កន្លែង នៅទូទាំងប្រទេស។ គេមិនទាន់អាចដឹងបាននៅឡើយទេថា យុទ្ធនាការចាក់វ៉ាក់សាំងទ្រង់ទ្រាយធំនេះ នឹងត្រូវប្រើប្រាស់កំលាំងគ្រូពេទ្យសរុបប៉ុន្មាននាក់នៅឡើយ។ ទោះយ៉ាងណា លោក ហ៊ុន សែន បញ្ជាក់ថា ការប្រើប្រាស់កម្លាំងគ្រូពេទ្យចាក់វ៉ាក់សាំងទ្រង់ទ្រាយធំនេះ នឹងមិនប៉ះពាល់ដល់គ្រូពេទ្យ ដែលកំពុងព្យាបាលជំងឺទូទៅនោះទេ។
អានបន្ត -
សមាគមសម្ព័ន្ធអ្នកសារព័ត៌មានកម្ពុជាថា ការយាយីអ្នកសារព័ត៌មាន បណ្ដាលឲ្យសេរីភាពសារព័ត៌មានឆ្នាំ២០២០ ស្ថិតក្នុងភាពអាប់អួ
សមាគមសម្ព័ន្ធអ្នកសារព័ត៌មានកម្ពុជា ហៅកាត់ថា ខេមបូចា (CamboJA) រកឃើញថា សេរីភាពសារព័ត៌មាននៅកម្ពុជា ក្នុងឆ្នាំ២០២០ គ្មានភាពប្រសើរទេ។ ប៉ុន្តែ អាជ្ញាធរជំនាញច្រានចោលរបាយការណ៍នេះ និងហៅរបាយការណ៍ថា មានចេតនាបំភ័ន្តសាធារណៈជនឲ្យយល់ច្រឡំ ពីស្ថានភាពសេរីភាពសារព័ត៌មាននៅកម្ពុជា។
អានបន្ត -
ពលរដ្ឋសហគមន៍បុរីកីឡាខ្លះអហោសិកម្មឲ្យម្ចាស់ក្រុមហ៊ុនផានអ៊ីមិចតែបន្តទាមទារដំណោះស្រាយដីធ្លី
ពលរដ្ឋរងគ្រោះដីធ្លីមួយចំនួននៅក្នុងសហគមន៍បូរីកីឡា ខណ្ឌ៧មករា រាជធានីភ្នំពេញ ព្រមអហោសិកម្មឲ្យម្ចាស់ក្រុមហ៊ុនផានអ៊ីមិច (Phan Imex) គឺអ្នកស្រី ស៊ុយ សុផាន ដែលបានស្លាប់កាលពីយប់ថ្ងៃទី២៨ ខែមីនា។ ប៉ុន្តែពួកគាត់ប្ដេជ្ញាថា នឹងបន្តទាមទារឲ្យអាជ្ញាធរដោះស្រាយវិវាទដីធ្លីឲ្យចប់សព្វគ្រប់ទើបសុខចិត្ត។
អានបន្ត -
ឃាត់ខ្លួនសមាជិកក្រុមប្រឹក្សាសង្កាត់ប៉ោយប៉ែត និងបក្ខពួក ពាក់ព័ន្ធករណីនាំមនុស្សឆ្លងដែនខុសច្បាប់ទៅប្រទេសថៃ
(បន្ទាយមានជ័យ)៖ សមាជិកក្រុមប្រឹក្សាសង្កាត់ប៉ោយប៉ែត ខេត្តបន្ទាយមានជ័យម្នាក់ និងបក្ខពួកពីរនាក់ផ្សេងទៀត ត្រូវបានកម្លាំងសមត្ថកិច្ចឃាត់ខ្លួននៅព្រឹកថ្ងៃទី២៩ ខែមីនា ឆ្នាំ២០២១នេះ នៅចំណុចស្ដារហ្គោល ស្ថិតក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ពាក់ព័ន្ធការដឹកមនុស្សឆ្លងដែនខុសច្បាប់។
អានបន្ត -
ជំងឺកូវីដ-១៩ ឆក់យកជីវិតមនុស្សទី ១១ នៅកម្ពុជា
ព្រឹត្តិការណ៍សហគមន៍ថ្ងៃទី ២០ ខែកុម្ភះបានឆក់យកជីវិតជនរងគ្រោះទី ១១ របស់ខ្លួន ខណៈដែលអ្នកជំងឺម្នាក់ទៀតត្រូវបានប្រកាសថា បានទទួលមរណភាពកាលពីយប់មិញ។អ្នកស្លាប់គឺ ជាបុរសអាយុ ៣៩ ឆ្នាំដែលរស់នៅខណ្ឌ ចំការមន រាជធានីភ្នំពេញ។ គាត់បានធ្វើតេស្ត៍រកឃើញមេរោគកូវីដនៅថ្ងៃទី ២១ ខែមីនា ហើយត្រូវបានបញ្ជូនទៅមណ្ឌលសុខភាពចាក់អង្រែនៅម៉ោង ៨ និង ១៣ នាទីព្រឹកថ្ងៃដដែល។
អានបន្ត -
បណ្តាញយុវជនរកឃើញការកាប់បំផ្លាញព្រៃឈើចំនួន១០០ករណី នៅក្នុងដែនជម្រកសត្វព្រៃព្រះរការ
សមាគមបណ្តាញយុវជនកម្ពុជា CYN បានប្រកាសនៅថ្ងៃចន្ទនេះថា ក្រុមការងាររបស់សមាគមបានរកឃើញថា មានការកើតឡើងបទល្មើសកាប់បំផ្លាញព្រៃឈើចំនួន ១០០ករណី ព្រមទាំងការលួចដុត និងកាប់ឆ្ការព្រៃនៅក្នុងដែនជម្រកសត្វព្រៃព្រះរការ។ បើតាមសមាគមមួយនេះ បទល្មើសកាប់បំផ្លាញព្រៃឈើកើតឡើងច្រើនបែបនេះ គឺចាប់តាំងពីមានការរារាំងមិនឱ្យសហគមន៍មូលដ្ឋាន អង្គការសមាគម និងអ្នកការពារព្រៃឈើចូលរួមល្បាតនៅក្នុងដែនជម្រកនេះកន្លងមក។
អានបន្ត -
ពលរដ្ឋជាង ៥០នាក់នៅខេត្តបន្ទាយមានជ័យតវ៉ាឱ្យអាជ្ញាធរដោះស្រាយរឿងការនាំជ្រូកពីប្រទេសថៃជាលក្ខណៈគ្រួសារ
ប្រជាពលរដ្ឋនៅស្រុកអូរជ្រៅ ខេត្តបន្ទាយមានជ័យ ប្រមាណ ៥០នាក់ នាំគ្នាតវ៉ានៅមុខសាលាឃុំអូរបីជាន់ នៅព្រឹកថ្ងៃទី២៩ មីនា ស្នើឱ្យអាជ្ញាធរជួយអន្តរាគមន៍ដល់ពួកគាត់ពាក់ព័ន្ធនឹងរឿងការនាំចូលជ្រូកពីប្រទេសថៃលក់ជាលក្ខណៈគ្រួសារ ដើម្បីយកប្រាក់ដោះស្រាយជីវភាពប្រចាំថ្ងៃ។ ការតវ៉ានេះ កើតឡើងបន្ទាប់ពីក្រុមឈ្មួញ ដែលបានរកស៊ីផ្ដាច់មុខបានហាមឃាត់មិនឱ្យពួកគេនាំចូលជ្រូកពីក្រៅប្រទេសមកលក់នៅតំបន់ព្រំដែនថៃ។
អានបន្ត -
អ្នកឆ្លងជំងឺកូវីដ-១៩កើនឡើង៤០នាក់ទៀត ក្នុងនោះមានទារកនិងកុមារជិត១០នាក់
សេចក្ដីប្រកាសព័ត៌មានរបស់ក្រសួងសុខាភិបាល ចេញផ្សាយនៅថ្ងៃទី២៩ ខែមីនា ឆ្នាំ២០២១ ឱ្យដឹងថា អ្នកឆ្លងជំងឺកូវីដ-១៩ ទាំង៤០នាក់នោះ មានជនជាតិចិន ៦នាក់ និងជនជាតិខ្មែរ ៣៤នាក់។ ក្រសួងបន្តទៀតថា ក្នុងចំណោមជនជាតិខ្មែរ ៣៤នាក់នោះ ក៏មានទារកអាយុ៤ខែម្នាក់ និងកុមារអាយុចន្លោះពី១ឆ្នាំ ដល់៩ឆ្នាំ ចំនួន៦នាក់។
អានបន្ត -
កូនស្រីអ្នកជំងឺ៖«ខ្ញុំមិនដឹងថាគាត់មានជំងឺកូវីដ រហូតដល់គាត់ស្លាប់»
ភ្នំពេញ — ដោយស្ថិតក្នុងអាការៈក្អកខ្លាំង ទ្រាំលែងបាន ក្រុមគ្រួសាររបស់លោក ថន ចាន់ធឿន សម្រេចចិត្តនាំរូបលោកទៅមន្ទីរពេទ្យ ដើម្បីពិនិត្យ។ នៅមន្ទីរពេទ្យកាល់ម៉ែត្រ ពេទ្យបានវាស់កម្តៅលោក ហើយស្នើឲ្យក្រុមគ្រួសារបញ្ជូនលោកទៅមន្ទីរពេទ្យមិត្តភាពខ្មែរសូវៀត ឬពេទ្យរុស្ស៊ី ជាទីកន្លែង ដែលលោកបានទទួលមរណភាពកាលពីសប្តាហ៍មុន។
អានបន្ត -
ខេមបូចារកឃើញថា អ្នកកាសែត៥៣នាក់ក្នុងចំណោម៧២នាក់ត្រូវបានចាប់ឃុំខ្លួន និងរកអំពើហិង្សាក្នុងឆ្នាំ២០២០
សមាគមសម្ព័ន្ធអ្នកសារព័ត៌មានកម្ពុជាហៅកាត់ថា (ខេមបូចា )នៅថ្ងៃទី២៩ ខែមីនានេះ បានចេញផ្សាយរបាយការណ៍ជាលើកដំបូងរបស់ខ្លួនស្តីពីស្ថានភាពសារព័ត៌មាននៅក្នុងប្រទេសកម្ពុជាក្នុងឆ្នាំ២០២០។ នៅក្នុងរបាយការណ៍នេះ ខេមបូចា បានរកឃើញថា នៅក្នុងឆ្នាំ២០២០កន្លងទៅ អ្នកសារព័ត៌មាននៅកម្ពុជាចំនួន៥៣នាក់ក្នុងចំណោម៧២នាក់ត្រូវបានចាប់ឃុំខ្លួន និងរងអំពើហិង្សា ហើយបទចោទព្រហ្មទណ្ឌ គឺជាបទចោទពេញនិយមជាងគេដែលអាជ្ញាធរ និងតុលាការយកមកប្រើប្រាស់ ដើម្បីប្រឆាំងនឹងអ្នកសារព័ត៌មាន។
អានបន្ត -
«សហគមន៍ល្អឺនក្រែន» បានជួយកាត់បន្ថយអំពើហិង្សាលើស្រ្តី និងជួយជីវភាពជនជាតិដើមភាគតិចទំពួន
រតនគិរី៖ សហគមន៍ល្អឺនក្រែន គឺជាសហគមន៍មួយដែលបង្កើតឡើង ដើម្បីជួយជីវភាពជនជាតិដើមភាគតិចទំពួន ឱ្យប្រសើរឡើង ជាពិសេសជួយបញ្ឈប់អំពើហឹង្សាលើស្ត្រី។ សហគមន៍នេះ មានក្រុមតូចៗចំនួន៤ គឺក្រុមតម្បាញស្ត្រី ក្រុមតម្បាញបុរស ក្រុមសន្សំ ក្រុមស្ត្រី និងក្រុមកសិកម្ម។ អ្នកស្រី ប៉ោ ម៉ាច ដែលជាគណៈកម្មការក្នុងក្រុមតម្បាញ បានបញ្ជាក់ថា ក្រោយពីបង្កើតសហគមន៍ល្អឺនក្រែ ទាំងតម្បាញកន្សែងនិងសំពត់ តម្បាញកាផា និងផលិតផលបន្លែត្រីសាច់ មានទីផ្សារលក់ច្រើនជាងមុន។ ជាពិសេសអំពើរហឹង្សាក្នុងគ្រួសារលើស្ត្រី ត្រូវបានកាត់បន្ថយស្ទើរតែទាំងស្រុង។
អានបន្ត
គាំទ្រដោយ
