កំពុងស្វែងរកទិន្នន័យ
រកឃើញ: 13.002
-
អានបន្ត តំណាងសហជីពការងារមួយរូបសង្ឃឹមថាតុលាការកំពូលនឹងផ្តល់យុត្តិធម៌ឱ្យខ្លួនដោយទម្លាក់ចោលបទចោទ
ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ ហៅកាត់ថា IDEA លោក វន់ ពៅ សង្ឃឹមថាតុលាការកំពូល នឹងផ្តល់យុត្តិធម៌ដល់រូបគាត់ ខណៈតុលាការគ្រោងនឹងប្រកាសសាលដីកាលើសំណុំរឿងពាក់ព័ន្ធនឹងការតវ៉ាដំឡើងប្រាក់ឈ្នួលអំឡុងឆ្នាំ២០១៤ នៅថ្ងៃទី៩ ខែកញ្ញា ឆ្នាំ២០២៤ ខាងមុខនេះ។ លោក វន់ ពៅ ប្រាប់ក្រុមអ្នកសារព័ត៌មានបន្ទាប់ពីបានចូលសវនាការនៅតុលាការកំពូលថា តុលាការកំពូលបានបើកសវនាការលើសំណុំរឿងលោក និងជនជាប់ចោទចំនួន ៣នាក់ផ្សេងទៀត នៅថ្ងៃទី២ ខែកញ្ញា ពាក់ព័ន្ធនឹងបទចោទ ញុះញង់ និងអ្នកផ្ដើមគំនិតឱ្យប្រព្រឹត្តអំពើហិង្សាដោយចេតនា។ លោកសង្ឃឹមលើតុលាការកំពូលនឹងទម្លាក់បទចោទ។
អានបន្ត -
អានបន្ត ភរិយាសកម្មជនគណបក្សកម្លាំងជាតិអំពាវនាវឱ្យដោះលែងស្វាមី
ភរិយារបស់មន្រ្តីគណបក្សកម្លាំងជាតិបានអំពាវនាវដល់អាជ្ញាធរនិងតុលាការដោះលែងស្វាមីរបស់អ្នកស្រី គឺលោក ជិន ប៊ុណ្ណារ័ត្ន ដែលមានតួនាទីជាអគ្គនាយករដ្ឋបាលនៃគណបក្ស។ លោក ជិន ប៊ុណ្ណារ័ត្ន ត្រូវបានចាប់ខ្លួន វេលាម៉ោង ១១និង៤៥នាទីព្រឹក កាលពីថ្ងៃទី ២ ខែកញ្ញា នៅខាងមុខផ្ទះ ក្នុងសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។ នេះបើយោងតាមគណបក្សកម្លាំងជាតិ និងក្រុមគ្រួសាររបស់សកម្មជន។
អានបន្ត -
អានបន្ត មេបក្សជំនាន់ថ្មី ប្រឈមការចាប់ខ្លួន ក្រោយពីលេចចេញដីកាតុលាការខេត្តរតនគិរី
លោក មាជ សុវណ្ណារ៉ា ប្រធានគណបក្សជំនាន់ថ្មី ប្រឈមនឹងការចាប់ខ្លួន ប្រសិនជាវិលចូលស្រុកវិញ ក្រោយពីលេចឡើងនូវដីការបស់តុលាការខេត្តរតនគិរី ដែលបង្គាប់ឱ្យចាប់ខ្លួនលោក។ ប៉ុន្តែមេបក្សរូបនេះ អះអាងថា រាល់សកម្មភាព និងសារនយោបាយរបស់ខ្លួនកន្លងមក គឺមិនមានការញុះញង់ទាក់ទងនឹងគម្រោង CLV ឡើយ។ការអះអាងរបស់មេបក្សរូបនេះ បន្ទាប់ពីមានស្ថាប័នសារព័ត៌មានមួយចំនួនដែលមានទំនោរខាងរាជរដ្ឋាភិបាល បានចុះផ្សាយនៅថ្ងៃទី៣ ខែកញ្ញានេះថា តុលាការខេត្តរតនគិរី ចេញដីកាបង្គាប់ឱ្យចាប់ខ្លួនលោក មាជ សុវណ្ណារ៉ា ពាក់ព័ន្ធករណីញុះញង់ឱ្យមានការរើសអើងការអភិវឌ្ឍន៍តំបន់ត្រីកោណរវាងរដ្ឋាភិបាលកម្ពុជា ឡាវ វៀតណាម (CLV)។
អានបន្ត -
អានបន្ត សាច់ញាតិ និងមន្ត្រីបក្សកម្លាំងជាតិ ស្រាវជ្រាវជនស៊ីវិលដែលចាប់ខ្លួនលោក ជិន ប៊ុណ្ណារ័ត្ន
ភរិយាលោក ជិន ប៊ុណ្ណារ័ត្ន និងគណបក្សកម្លាំងជាតិ កំពុងស្រាវជ្រាវរកជនស៊ីវិលដែលចាប់ខ្លួនលោក ខណៈការស្រាវជ្រាវដល់ស្នងការនគរបាលរាជធានីភ្នំពេញ តែត្រូវបានស្នងការបដិសេធថាមិនបាននាំខ្លួនលោក ប៊ុណ្ណារ័ត្ន ឡើយ។ ទោះជាយ៉ាងណាការចាប់ខ្លួននេះ គណបក្សកម្លាំងជាតិចាត់ទុកថា ជាការគំរាមកំហែង និងបំភិតបំភ័យដល់គណបក្សប្រឆាំង ប៉ុន្តែគណបក្សកាន់អំណាច ច្រានចោលការលើកឡើងរបស់គណបក្សកម្លាំងជាតិ ដោយអះអាងថា រាល់ការចាប់ខ្លួនមន្ត្រីម្នាក់ៗក្នុងបក្សនេះ គឺធ្វើឡើងតាមច្បាប់ត្រឹមត្រូវ។
អានបន្ត -
អានបន្ត អ្នកឃ្លាំមើលសង្គមចង់ឃើញវិធានការច្បាប់លើអ្នកចេញផ្លាកលេខខ.ម. និងអ្នកប្រើប្រាស់ដែលមិនត្រឹមត្រូវ
អ្នកឃ្លាំមើលសង្គម ជំរុញឱ្យមានការចាត់វិធានការទៅលើអ្នកដែលចេញផ្លាកលេខ ខ.ម. ទៅឱ្យអ្នកដែលមិនមានសិទ្ធិក្នុងការប្រើប្រាស់ និងជនបរទេស ព្រមទាំងជនស៊ីវិលដែលកំពុងប្រើប្រាស់ផ្លាកលេខនេះដោយមិនត្រឹមត្រូវ។ ការជំរុញនេះធ្វើឡើងបន្ទាប់ពីអគ្គនាយកដ្ឋានសម្ភារៈបច្ចេកទេសនៃក្រសួងការពារជាតិ កាលពីថ្ងៃទី៣០ ខែសីហា ឆ្នាំ២០២៤នេះ បានចេញសេចក្តីជូនដំណឹងជាថ្មីទៀតអំពីការប្រើប្រាស់ផ្លាកលេខចរាចរខេមរភូមិន្ទ ឬ ខ.ម.។
អានបន្ត -
អានបន្ត ពលរដ្ឋរស់នៅតំបន់ភ្នំ១៥០០ ក្នុងខេត្តពោធិ៍សាត់បារម្ភបាត់បង់ដីធ្លី
ប្រជាពលរដ្ឋរស់នៅក្នុងតំបន់ភ្នំ១៥០០ នៃស្រុកវាលវែង ខេត្តពោធិ៍សាត់ ក្បែរតំបន់អន្ទង់អាំង បានអំពាវនាវឱ្យអាជ្ញាធរខេត្តផ្តល់កម្មសិទ្ធិដីធ្លីស្របច្បាប់ ខណៈពួកគេកំពុងប្រឈមនឹងការបណ្តេញចេញតាមចំណាត់ការរបស់រដ្ឋបាលខេត្ត។ ពលរដ្ឋដែលរស់នៅតាមដងផ្លូវជាតិលេខ ៥៥ ចន្លោះគីឡូម៉ែត្រ ១៣៦ និង ១៣៨ ក្នុងស្រុកវាលវែង អះអាងថា ពួកគេទទួលបានព័ត៌មានថា តំបន់ដែលពួកគេកំពុងរស់នៅជាតំបន់បៃតងដែលត្រូវការពារដោយរដ្ឋ។
អានបន្ត -
អានបន្ត CLV៖ សិទ្ធមនុស្សកម្ពុជាថា APHR បំផ្លើសព័ត៌មាន និងមានចេតនាគាំទ្រអំពើឧក្រិដ្ឋ
គណៈកម្មាធិការសិទ្ធិមនុស្សកម្ពុជា (CHRC) បដិសេធនឹងសេចក្ដីថ្លែងការណ៍របស់ ASEAN Parliamentarians for Human Rights (APHR) ដែលរិះគន់កម្ពុជាលើការឃាត់ខ្លួនមនុស្សមួយចំនួនពាក់ព័ន្ធនឹងផែនការតវ៉ា លើគម្រោងសហប្រតិបត្តិការត្រីកោណអភិវឌ្ឍន៍ កម្ពុជា ឡាវ វៀតណាម (CLV-DTA) ។ CHRC ចាត់ទុកការរិះគន់ទាំងនេះ គ្មានព័ត៌មានមូលដ្ឋាន និងមានលក្ខណៈនយោបាយ ខណៈកម្មកម្ពុជាចាត់វិធានការលើអ្នកប្រព្រឹត្តបទល្មើស។CHRC ថ្កោលទោសយ៉ាងខ្លាំង លើការចោទប្រកាន់របស់ APHR ហើយទុកសេចក្តីថ្លែងការណ៍របស់អង្គការនេះ មានចេតនាគាំទ្រអំពើឧក្រិដ្ឋ ហើយសរសេរចំណងជើងលើសេចក្តីបំភ្លឺរបស់ខ្លួនថា «ការប្រព្រឹត្តបទល្មើសព្រហ្មទណ្ឌ មិនមែនជាការអនុវត្តសិទ្ធិមនុស្សទេ»។
អានបន្ត -
អានបន្ត ពលរដ្ឋថា ក្រុមហ៊ុន របស់ក្រុមប្រឹក្សាខេត្តស្ទឹងត្រែង រំលោភយកដីស្រែចម្ការ និងប្ដឹងពលរដ្ឋ
ពលរដ្ឋ ២២៨គ្រួសារ រស់នៅភូមិច្រប់ ឃុំក្បាលរមាស ស្រុកសេសាន ខេត្តស្ទឹងត្រែង អះអាងថា ក្រុមហ៊ុន សល សុភា ពាណិជ្ជ ដែលជាកម្មសិទ្ធិរបស់សមាជិកក្រុមប្រឹក្សាខេត្តស្ទឹងត្រែង លោក ឈុន កុសល បានរំលោភយកដីស្រែចម្ការរបស់ពលរដ្ឋជាង១ពាន់ហិកតារ រួចគំរាមកំហែង និងប្ដឹងពលរដ្ឋពីបទកាប់ទន្ទ្រានដីព្រៃរបស់រដ្ឋដោយខុសច្បាប់ថែមទៀត។ ខណៈនៅរសៀលថ្ងៃទី០៣ ខែកញ្ញា សាលាដំបូងខេត្តស្ទឹងត្រែង បានកោះហៅប្រជាពលរដ្ឋចំនួន២នាក់ ឲ្យចូលបំភ្លឺពាក់ព័ន្ធការកាប់ទន្ទ្រានដីព្រៃ ប៉ុន្តែតុលាការពន្យារពេលក្នុងការសាកសួរ ដោយសារមានប្រជាពលរដ្ឋជាច្រើននាក់មកគាំទ្រនៅមុខតុលាការ។
អានបន្ត -
អានបន្ត សមត្ថកិច្ចចាប់ខ្លួនប្រធានក្រុមការងារគណបក្សកម្លាំងជាតិខេត្តកំពត
សាច់ញាតិ និងគណបក្សកម្លាំងជាតិអះអាងថា មនុស្សស្លៀកពាក់ស៊ីវិលមួយក្រុមបានចាប់ខ្លួនប្រធានក្រុមការងារគណបក្សកម្លាំងជាតិខេត្តកំពត លោក ជិន ប៊ុនណារត្ន័ នៅថ្ងៃទី២ ខែកញ្ញា ដោយមិនបង្ហាញដីកា ឬបញ្ជាក់ពីមូលហេតុនោះទេ។ ពួកគេសង្ស័យថា ការចាប់ខ្លួន លោក ជិន ប៊ុនណារត្ន័ នេះដោយសារសកម្មភាពនយោបាយរបស់លោក។
អានបន្ត -
អានបន្ត ពលរដ្ឋខ្មែរនៅកូរ៉េខាងត្បូងប្រមាណ៣ពាន់ ធ្វើមហាបាតុកម្មប្រឆាំង CLV ម្តងទៀត
ប្រជាពលរដ្ឋខ្មែរនៅប្រទេសកូរ៉េខាងត្បូងប្រមាណ៣ពាន់នាក់ បានបន្តប្រមូលផ្តុំគ្នាធ្វើមហាបាតុកម្មសាជាថ្មីទាមទារឱ្យរដ្ឋាភិបាលក្រុងភ្នំពេញដកខ្លួនចេញពីកិច្ចសហប្រតិបត្តិការតំបន់ត្រីកោណអភិវឌ្ឍន៍ជាមួយឡាវ និងវៀតណាម (CLV-DTA) ដើម្បីការពារទឹកដីទុកសម្រាប់កូនខ្មែរ។ បាតុកម្មលើកទីពីរនេះ កើតមានឡើងបន្ទាប់ពីលោក ហ៊ុន សែន និងលោក ហ៊ុន ម៉ាណែត មិនព្រមដកខ្លួនចេញពីកិច្ចសហប្រតិបត្តិការ CVL តាមសំណើរបស់ពលរដ្ឋទូទៅ ប៉ុន្តែដ្ឋាភិបាលត្រកូលហ៊ុនបានបន្តបង្ក្រាបលើអ្នករិះគន់ទៅវិញ។
អានបន្ត -
អានបន្ត មេធាវីការពារក្តីជំរុញតុលាការកំពូលទម្លាក់បទចោទលើ លោក វន់ ពៅ
នៅក្នុងសវនាការជំនុំជម្រះនៅតុលាការកំពូលនាថ្ងៃចន្ទនេះ មេធាវីការពារក្តីនៅតែបន្តទទូចឱ្យតុលាការទម្លាក់ចោលបទចោទប្រកាន់លើលោក វន់ ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធហៅកាត់ថា IDEA ក្នុងសំណុំរឿងបាតុកម្មទាមទារដំឡើងប្រាក់ឈ្នួលកម្មករ កាលពី១០ឆ្នាំមុន។ នៅក្នុងសវនាការជំនុំជម្រះ សហមេធាវីលោកការពារក្តីឱ្យលោក វន់ ពៅ គឺលោក សឺន ជុំជួន ការពារកូនក្តីរបស់លោកថា ការសម្រេចរបស់សាលាដំបូង និងសាលាឧទ្ធរណ៍មកលើលោក វន់ ពៅ កាលពីកន្លងទៅមិនត្រឹមត្រូវតាមនីតិវិធី បំភ្លៃអង្គហេតុ និងភស្តុតាងមកដាក់បន្ទុក។ លោកស្នើឱ្យចៅក្រមតុលាការកំពូលទម្លាក់បទចោទមកលើកូនក្តីរបស់លោក។
អានបន្ត -
អានបន្ត ពលរដ្ឋខ្មែររស់នៅក្រៅប្រទេស បន្តចេញធ្វើបាតុកម្មប្រឆាំងគម្រោងតំបន់ត្រីកោណអភិវឌ្ឍន៍CLV
ពលរដ្ឋខ្មែររស់នៅប្រទេសកូរ៉េខាងត្បូងនិងសហរដ្ឋអាមេរិកនាព្រឹកថ្ងៃទី០១ ខែកញ្ញានេះ បានបន្តចេញធ្វើបាតុកម្មប្រឆាំងនឹងគម្រោងតំបន់ត្រីកោណអភិវឌ្ឍន៍CLV-DTA។ កម្មវត្ថុនៃការធ្វើបាតុកម្មជាលើកទី២នេះ ត្រូវបានពលរដ្ឋខ្មែររស់នៅក្រៅបរទេសបញ្ជាក់ថា ដោយសាររដ្ឋាភិបាលកម្ពុជាពុំព្រមដកខ្លួនចេញពីគម្រោងតំបន់ត្រីកោណអភិវឌ្ឍន៍CLVតបតាមសំណើរបស់ពួកគេ តែរដ្ឋាភិបាលបែរជាបន្តបង្ក្រាបលើអ្នករិះគន់លើគម្រោងតំបន់អភិវឌ្ឍន៍នេះទៅវិញ។
អានបន្ត -
អានបន្ត ស្ត្រីទុរគតម្នាក់នៅស្រុកថ្មគោល ខេត្តបាត់ដំបង ត្រូវអាជ្ញាធរបំពានយកដីធ្លី និងគំរាមកំហែង
ស្ត្រីទុរគតដែលផ្ទុកជំងឺអេដស៍ម្នាក់ នៅស្រុកថ្មគោល ខេត្តបាត់ដំបង អះអាងថា អាជ្ញាធរបានជីកកាយយកអាចម៍ដីលក់ក្រោមលេសស្ដារប្រឡាយ ដែលបណ្ដាលឱ្យប៉ះពាល់ដល់ដីលំនៅឋានស្ទើរទាំងស្រុង ខណៈពួកគេថែមទាំងគំរាមកំហែងមិនឱ្យគាត់តវ៉ាទាមទាររកយុត្តិធម៌ទៀតផង។ ស្ត្រីរូបនេះ ស្នើឱ្យថ្នាក់ដឹកនាំរដ្ឋាភិបាល បញ្ជូនមន្ត្រីតំណាងឱ្យចុះមកស្រាវជ្រាវរឿងនេះ ដើម្បីរកយុត្តិធម៌សម្រាប់គាត់នៅជីវិតចុងក្រោយ។
អានបន្ត -
អានបន្ត កូដករណាហ្គាវើលដ៍បន្តតវ៉ានៅមុខក្រុមហ៊ុនទាមទារដំណោះស្រាយវិវាទការងារ
ក្រុមកូដករក្រុមហ៊ុនបនល្បែងកាស៊ីណូ ណាហ្គាវើលដ៍ (Nagaworld) ប្រមាណ ៣០នាក់ នៅរសៀលថ្ងៃទី៣១ ខែសីហា បន្តតវ៉ានៅខាងមុខក្រុមហ៊ុន ដើម្បីទាមទារដំណោះស្រាយវិវាទការងារ ដែលនៅជាប់គាំងអស់រយៈពេលជាង៣ឆ្នាំ។ ការតវ៉ានៅថ្ងៃនេះ ក្រុមកូដករ បានយកក្រដាសពណ៌សរៀបចំដូចជាសៀវភៅមួយក្បាល ដោយសរសេររៀបរាប់ពីការតស៊ូមតិជាមួយក្រុមហ៊ុន និងការបោះឆ្នោតដោយសម្ងាត់ ដើម្បីធ្វើកូដកម្មទាមទារឲ្យថៅកែក្រុមហ៊ុនណាហ្គាវើលដ៍ ដោះស្រាយវិវាទការងារជាដើម។
អានបន្ត -
អានបន្ត ក្រុមយុវជនចលនាមាតាធម្មជាតិប្ដេជ្ញាចិត្តបន្តការងារការពារបិរស្ថានទោះប្រឈមនឹងគុកច្រវាក់
ក្រុមយុវជនចលនាមាតាធម្មជាតិប្ដេជ្ញាចិត្តបន្តការងារការពារធនធានធម្មជាតិ និងទាមទារឱ្យតុលាការដោះលែងសកម្មជនបរិស្ថានចំនួន ៥នាក់ឱ្យមានសេរីភាពឡើងវិញ ទោះជាពួកគាត់កំពុងប្រឈមនឹងរដ្ឋាភិបាលចាប់ដាក់ពន្ធនាគារយ៉ាងណាក្ដី។ ពួកគាត់អះអាងថា ការចាប់សកម្មជនចលនាមាតាធម្មជាតិដាក់ពន្ធនាគារមិនបានធ្វើឱ្យពួកគាត់ភ័យតក់ស្លុតឡើយ ផ្ទុយវិញពួកគាត់កាន់តែមានទឹកចិត្តមោះមុតបន្ថែមទៀត។
អានបន្ត -
អានបន្ត តុលាការកាត់ទោសសមាជិកជាន់ខ្ពស់គណបក្សកម្លាំងជាតិម្នាក់ឱ្យជាប់ពន្ធនាគារ២ឆ្នាំ៦ខែពីបទញុះញង់
សាលាដំបូងរាជធានីភ្នំពេញសម្រេចផ្តន្ទាទោសសមាជិកជាន់ខ្ពស់មួយរូបរបស់គណបក្សកម្លាំងជាតិគឺលោក មឺ សេងហ៊ ឱ្យជាប់ពន្ធនាគាររយៈពេល ២ ឆ្នាំកន្លះ ចំពោះការរិះគន់តាមប្រព័ន្ធទំនាក់ទំនងសង្គមហ្វេសប៊ុកលើកំណត់ត្រាស្ថានភាពប្រជាធិបតេយ្យរបស់រដ្ឋាភិបាលកម្ពុជា។ នេះបើតាមអង្គការការពារសិទ្ធិមនុស្សលីកាដូ។ ការផ្តន្ទាទោសលើសមាជិកជាន់ខ្ពស់គណបក្សរូបនេះកើតមានឡើងនៅពេលមានសេចក្តីថ្លែងការណ៍ និងរបាយការណ៍របស់អង្គការសិទ្ធិមនុស្សអន្តរជាតិ និងអ្នកជំនាញសិទ្ធិមនុស្សរបស់អង្គការសហប្រជាជាតិ អំពីការបន្តរឹតត្បិតសិទ្ធិនយោបាយ និងស៊ីវិលរបស់សកម្មជន និងអ្នកនយោបាយជំទាស់នៅកម្ពុជា។
អានបន្ត -
អានបន្ត វិធានការទប់ស្កាត់បាតុកម្មប្រឆាំងនឹងគម្រោងCLV-DTA នៅតែបន្ត ខណៈយុវជនមួយចំនួនត្រូវបានចាប់ខ្លួន
យុវជនមួយចំនួនត្រូវបានឃាត់ខ្លួន មួយចំនួនត្រូវបានបញ្ជូនទៅពន្ធនាគារ ក្រោមបទ “រួមគំនិតក្បត់” និងបទ “ញុះញង់” ហើយយុវជនខ្លះទៀតត្រូវបានគ្រួសារប្រកាសថាបាត់ខ្លួន ខណៈវិធានការបស់រដ្ឋាភិបាលក្នុងការរឹតបន្តឹង និងទប់ស្កាត់គម្រោងបាតុកម្មប្រឆាំងនឹងកិច្ចព្រមព្រៀងតំបន់ត្រីកោណអភិវឌ្ឍន៍ កម្ពុជា លាវ និងវៀតណាម (CLV-DTA) នៅតែបន្ត ចាប់តាំងពីថ្ងៃទី១៧ ខែសីហា ។ ក្រុមអង្គការសង្គមស៊ីវិល ក៏ដូចជាអ្នកការពារសិទ្ធិមនុស្ស ជាតិ និងអន្តរជាតិ កំពុងតាមដានឃ្លាំមើលករណីនេះយ៉ាងយកចិត្តទុកដាក់ ។
អានបន្ត -
អានបន្ត រដ្ឋាភិបាលច្រានចោលការពាក់ព័ន្ធរបស់ភរិយានាយករដ្ឋមន្ត្រីនឹងក្រុមហ៊ុន CIC
រដ្ឋាភិបាលនិងក្រុមហ៊ុនខេមបូឌាន អ៊ិនវេសស្ទ័រ ឃែភីថល ផាតនើរ (ម.ក) ហៅកាត់ថា (CIC) បានចេញមុខបដិសេធព្រមៗគ្នាថា ភរិយារបស់លោកនាយករដ្ឋមន្ត្រី ហ៊ុន ម៉ាណែត មិនជាប់ពាក់ព័ន្ធជាមួយលោក គុយ វ៉ាត ដែលទើបត្រូវបានអាជ្ញាធរចាប់ខ្លួន និងចោទប្រកាន់ពីបទឆបោកប្រាក់រាប់សិបលានដុល្លារនៅក្នុងប្រតិបត្តិការជំនួញរបស់ក្រុមហ៊ុនក្នុងស្រុក។
អានបន្ត -
អានបន្ត អង្គការសិទ្ធិមនុស្សអន្តរជាតិ៖ មនុស្សចំនួន៩៤នាក់ត្រូវបានចាប់ខ្លួនពាក់ព័ន្ធរឿង CLV
យ៉ាងហោចណាស់មនុស្សចំនួន ៩៤ នាក់ ត្រូវបានចាប់ខ្លួនតាំងពីចុងខែកក្កដាពាក់ព័ន្ធនឹងការរិះគន់កិច្ចសហប្រតិបត្តិការតំបន់ត្រីកោណអភិវឌ្ឍន៍កម្ពុជា ឡាវ វៀតណាម CLV-DTA។ នេះបើយោងតាមក្រុមអង្គការឃ្លាំមើលសិទ្ធិមនុស្សអន្តរជាតិ។ បើតាមសេចក្តីថ្លែងការណ៍ចុះថ្ងៃទី ២៨ ខែសីហា ឆ្នាំ ២០២៤ អង្គការឃ្លាំមើលសិទ្ធិមនុស្ស (Human Rights Watch) និងអង្គការលើកលែងទោសអន្តរជាតិ (Amnesty International) បានជំរុញរដ្ឋាភិបាលកម្ពុជាឱ្យដោះលែងពួកគេទាំងនោះជាបន្ទាន់។
អានបន្ត -
អានបន្ត សហជីព ស្នើដំឡើងប្រាក់ឈ្នួលអប្បរមាសម្រាប់កម្មករនិយោជិតឆ្នាំ២០២៥ ចំនួន ២១៨ដុល្លារ
ភាគីសហជីព តំណាងឲ្យកម្មករនិយោជិត នៅថ្ងៃទី២៧ ខែសីហា ឆ្នាំ២០២៤ នេះបានឈាន់ដល់ការឯកភាពគ្នា កំណត់ការស្នើដំឡើងប្រាក់ឈ្នួល សម្រាប់កម្មករនិយោជិតក្នុងវិស័យកាត់ដេរ ស្បែកជើង កាបូប និងផលិតផលធ្វើដំណើរក្នុងឆ្នាំ២០២៥ ចំនួន ២១៨ដុល្លារ និងអត្ថប្រយោជន៍ផ្សេងទៀត។ ភាគីសហជីពបានជួបពិភាក្សាផ្ទៃក្នុងរបស់ខ្លួន ដើម្បីជជែកគ្នាប្រយោជន៍ឈានដល់ចំណុចរួមមួយក្នុងការកំណត់យកតួលេខប្រាក់ឈ្នួលអប្បរមា សម្រាប់កម្មករនិយោជិតឆ្នាំ២០២៥ និងដាក់សំណើរទៅកាន់ក្រុមប្រឹក្សាជាតិប្រាក់ឈ្នួល។
អានបន្ត
គាំទ្រដោយ
