កំពុងស្វែងរកទិន្នន័យ
រកឃើញ: 13.209
-
អានបន្ត តុលាការកំពូលបដិសេធសំណើសុំនៅក្រៅឃុំរបស់សកម្មជនកិច្ចព្រមព្រៀង សន្តិភាពទីក្រុងប៉ារីសលោក ស្រ៊ុន ស្រ៊ន និងកញ្ញា ភឹង សោភា
គ្រួសារ និងមេធាវីចាត់ទុកការសម្រេចរបស់តុលាការកំពូល ដែលបដិសេធ បណ្ដឹងសុំនៅក្រៅឃុំ របស់សកម្មជនកិច្ចព្រមព្រៀងសន្តិភាពទីក្រុងប៉ារីសលោក ស្រ៊ុន ស្រ៊ន និងកញ្ញា ភឹង សោភា និងអ្នកផ្សេងទៀតថា ជារឿងអយុត្តិធម៌។ សង្គមស៊ីវិល លើកឡើងថា ការបន្តឃុំខ្លួនសកម្មជនទាំងនេះ គ្មានអ្វីចំណេញដល់កម្ពុជានោះទេ គឺមានតែការរិះគន់ពីសហគមន៍អន្តរជាតិ។ គ្រួសារសកម្មជនកិច្ចព្រមព្រៀងសន្តិភាពទីក្រុងប៉ារីស ស្នើឱ្យតុលាការមានភាពឯករាជ អព្យាក្រឹត មិនលំអៀង ស្របតាមស្មារតីរដ្ឋធម្មនុញ្ញ ដើម្បីឱ្យប្រជាពលរដ្ឋ មានទំនុកចិត្តខ្ពស់ទៅលើតុលាការ។
អានបន្ត -
អានបន្ត សហព័ន្ធខ្មែរកម្ពុជាក្រោមថ្កោលទោសចំពោះការកាត់ទោសខ្មែរក្រោមចំនួន ៩អង្គ/នាក់
នៅថ្ងៃអង្គារ ទី២៦ វិច្ឆិកា សហព័ន្ធខ្មែរកម្ពុជាក្រោមបានថ្កោលទោសយ៉ាងធ្ងន់ធ្ងរចំពោះចំណាត់ការរបស់អាជ្ញាធរវៀតណាមដែលបានកាត់ទោសព្រះសង្ឃ និងសកម្មជនខ្មែរក្រោមចំនួន ៩អង្គ/នាក់។ ព្រះសង្ឃ និងសកម្មជនខ្មែរក្រោមទាំង៩ អង្គ/នាក់ត្រូវតុលាការវៀតណាមកាត់ទោសដាក់ពន្ធនាគារពី២ ទៅ ៦ឆ្នាំក្រោមបទចោទប្រកាន់ «កេងចំណេញលើសិទ្ធិសេរីភាព និងលទ្ធិប្រជាធិបតេយ្យ» និង «ការចាប់ឃាត់ខ្លួនមនុស្សដោយខុសច្បាប់»។
អានបន្ត -
អានបន្ត បទសម្ភាសន៍លោក សុខ ឥសាន ស្ដីពីគម្រោងរដ្ឋាភិបាលបង្កើតច្បាប់ប្រឆាំងភេរវកម្ម ដើម្បីទប់ទល់លោក សម រង្ស៊ី
អ្នកនាំពាក្យគណបក្សប្រជាជនកម្ពុជា និងជាសមាជិកព្រឹទ្ធសភា លោក សុខ ឥសាន្ត អះអាងថា លោក ហ៊ុន សែន ប្រធានព្រឹទ្ធសភា ចង់បង្កើតច្បាប់ដាក់ក្រុមមនុស្ស ឬអង្គការចាត់តាំងមួយចំនួនទៅក្នុងក្រុមភេរវកម្ម គឺដោយសារតែលោក សម រង្ស៊ី និងបក្ខពួក បានធ្វើចលនានៅក្រៅប្រទេស ដែលលោកចោទថា ជាចលនាឧទ្ទាមក្រៅច្បាប់។ ការលើកឡើងរបស់លោក សុខ ឥសាន នេះ នៅស្របពេល លោក ហ៊ុន សែន បានថ្លែងម្ដងជាពីរដងថា លោកនឹងស្នើបង្កើតច្បាប់ ដាក់ក្រុមមនុស្សមួយចំនួនទៅក្នុងក្រុមភេរវកម្ម។
អានបន្ត -
អានបន្ត CCHR ស្នើដល់រដ្ឋាភិបាលឱ្យលើកកម្ពស់សេរីភាពពលរដ្ឋ
មជ្ឈមណ្ឌលសិទ្ធិមនុស្សកម្ពុជា (CCHR) រកឃើញករណីរឹតត្បិត និងបញ្ហាប្រឈមជាច្រើនទាក់ទងនឹងការអនុវត្តសេរីភាពបញ្ចេញមតិ សេរីភាពសារព័ត៌មាន និងសិទ្ធិទទួលបានព័ត៌មាន។ អង្គការសិទ្ធិមនុស្សមួយនេះស្នើដល់រដ្ឋាភិបាលឱ្យលើកកម្ពស់សេរីភាពពលរដ្ឋ ដូចមានចែងក្នុងច្បាប់។ មជ្ឈមណ្ឌលសិទ្ធិមនុស្សកម្ពុជា (CCHR) រកឃើញថា មានអ្នកការពារសិទ្ធិមនុស្សយ៉ាងតិច ៥០ នាក់ និងអ្នកសារព័ត៌មានយ៉ាងតិច ១៧ នាក់ ប្រឈមនឹងវិធានការផ្លូវច្បាប់ ក្នុងរយៈពេលមួយឆ្នាំ ចាប់ពីថ្ងៃទី១ កញ្ញា ២០២៣ ដល់ថ្ងៃទី៣១ សីហា ២០២៤។ ការប្រឈមនឹងវិធានការផ្លូវច្បាប់នោះ មានជាអាទិ៍ ការកោះហៅ ការសួរចម្លើយ ការឃាត់ខ្លួន ការឃុំខ្លួន ការបង្ខំឱ្យចុះហត្ថលេខា ការចោទប្រកាន់ ការផ្ដន្ទាទោស និងការតម្កល់ការផ្ដន្ទាទោស។ នេះបើយោងតាមរបាយការណ៍ប្រចាំឆ្នាំស្ដីពីស្ថានភាពនៃសេរីភាពខាងការបញ្ចេញមតិ សេរីភាពសារព័ត៌មាន និងសិទ្ធិទទួលបានព័ត៌មាន ដែលមានកម្រាស់ ៦៧ទំព័រ ចេញផ្សាយកាលពីថ្ងៃទី២៦ វិច្ឆិកា។
អានបន្ត -
អានបន្ត អាជ្ញាធរថៃ ចាប់សកម្មជនភៀសខ្លួនខ្មែរ ១១នាក់ប្រគល់ទៅឱ្យអាជ្ញាធរក្រុងភ្នំពេញ
សកម្មជននយោបាយខ្មែរកំពុងភៀសខ្លួនរស់នៅប្រទេសថៃ ចំនួន ១១នាក់ដែលគេចពីការតាមចាប់ខ្លួនរបស់រដ្ឋាភិបាលកម្ពុជា ត្រូវបានអាជ្ញាធរថៃ ចាប់ខ្លួន និងគ្រោងបញ្ជូនពួកគេប្រគល់ទៅឱ្យរដ្ឋាភិបាលខ្មែរវិញ។ អាជ្ញាធរថៃ បានចាប់ខ្លួនសកម្មជននយោបាយខ្មែរចំនួន ១១នាក់ មានបុរសឈ្មោះ ប៉ែន ចាន់សង្គ្រាម ស្ត្រីឈ្មោះ ហុង អាន និងចៅប្រុសរបស់គាត់ គឺកុមារា ណាន់ ស្ត្រី សឺង គន្ធា បុរស មាន ចាន់ថុន ស្ត្រី យិន ចន្ធូ និងកូនស្រីរបស់អ្នកស្រី សឺង គន្ធា ឈ្មោះ ភ័ក្ត ព្រមទាំងពលករខ្មែរ ៤នាក់ផ្សេងទៀតផងដែរ។ ការចាប់ខ្លួននេះ ធ្វើឡើងនៅខេត្តប៉ាធុមថានី កាលពីថ្ងៃទី២៤ ខែវិច្ឆិកា ឆ្នាំ២០២៤។
អានបន្ត -
អានបន្ត UNHCR អំពាវនាវដល់កម្ពុជា និងថៃ ឱ្យគោរពតាមច្បាប់ស្ដីពីការមិនចាប់បញ្ជូនជនភៀសខ្លួនត្រឡប់ទៅឱ្យរងទុក្ខបុកម្នេញនៅប្រទេសកំណើត
ឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន (UNHCR) អំពាវនាវឱ្យអាជ្ញាធរនៃរដ្ឋាភិបាលកម្ពុជា និងថៃគោរពតាមបទដ្ឋានច្បាប់ជាតិនិងអន្តរជាតិ ស្ដីពីការមិនចាប់បញ្ជូនជនភៀសខ្លួនត្រឡប់ទៅឱ្យរងទុក្ខបុកម្នេញនៅប្រទេសកំណើត។ ចំណែកអង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ (Human Rights Watch) វិញថា រដ្ឋាភិបាលថៃមិនគួរចូលមកពាក់ព័ន្ធ ឬរួមដៃក្នុងអំពើគាបសង្កត់ឆ្លងដែនរបស់អាជ្ញាធរកម្ពុជា។
អានបន្ត -
អានបន្ត អ្នកតាមដានស្ថានការណ៍ថាការចាប់ខ្លួនឪពុកលោក ស៊ន តារា ជារបៀប «អារកមាន់បន្លាចស្វា»
ក្រុមអ្នកតស៊ូមតិកម្ពុជា (CAT) ចាត់ទុកការចាប់ខ្លួនឪពុកបង្កើតសកម្មជនគណបក្សសង្គ្រោះជាតិ លោក ស៊ន តារា ស្ថិតក្រោមរបៀបវារៈនយោបាយដែលជាល្បិចកលមេដឹកនាំបក្សកាន់អំណាចលោក ហ៊ុន សែន ក្នុងការបំបិទសំឡេងរិះគន់លើរដ្ឋាភិបាលគ្រួសារហ៊ុន។ ក្រុមអ្នកតស៊ូមតិកម្ពុជា Cambodian Advocacy Team ចេញសេចក្តីប្រកាសព័ត៌មាននៅថ្ងៃទី២៥ វិច្ឆិកា នេះថា លោក ហ៊ុន សែន កំពុងអនុវត្តទ្រឹស្ដីកុម្មុយនីស្តដោយចាត់ទុកអ្នកដែលមានមតិផ្ទុយជាសត្រូវរបស់ខ្លួន ដូច្នេះការចាប់ខ្លួនឪពុកលោក ស៊ន តារា គឺជាការដាក់សម្ពាធដើម្បីបំបិទមាត់សកម្មជននយោបាយរូបនេះ និងអ្នកឯទៀតតែប៉ុណ្ណោះ។
អានបន្ត -
អានបន្ត ជនភៀសខ្លួនខ្មែរ ៦នាក់ ដែលបញ្ជូនពីថៃ ត្រូវបានឃុំខ្លួននៅពន្ធនាគារផ្សេងគ្នា អំពីបទក្បត់ជាតិ
ជនភៀសខ្លួនខ្មែរ ៦នាក់ ដែលអាជ្ញាធរថៃបញ្ជូនទៅកម្ពុជាវិញ តាមសំណើរបស់រដ្ឋាភិបាលលោក ហ៊ុន ម៉ាណែត នោះ ត្រូវបានតុលាការក្រុងភ្នំពេញសម្រេចឃុំខ្លួនពួកគាត់នៅពន្ធនាគារផ្សេងគ្នា អំពីបទក្បត់ជាតិ។ ប៉ុន្តែ គ្រួសារ គណបក្សប្រឆាំង រួមទាំងមន្ត្រីសិទ្ធិមនុស្សចាត់ទុកករណីនេះថា ជាការធ្វើទុក្ខបុកម្នេញឆ្លងដែនលើសកម្មជនបក្សជំទាស់។ ជនភៀសខ្លួនដែលសមត្ថកិច្ចថៃចាប់បញ្ជូនឱ្យអាជ្ញាធរកម្ពុជាវិញ បច្ចុប្បន្នត្រូវបានសមត្ថកិច្ចបញ្ជូនទៅឃុំតាមពន្ធនាគារនៅរាជធានីភ្នំពេញ និងតាមបណ្ដាខេត្តមួយចំនួនទៀត។
អានបន្ត -
អានបន្ត លោក ម៉ិច ដារ៉ា អ្នកកាសែតបែបស៊ើបអង្កេតបញ្ចប់អាជីពនិងនៅតែបារម្ភក្រោយពីត្រូវចាប់ខ្លួន
ការប្រកាសរបស់អ្នកកាសែតកម្ពុជាលោក ម៉ិច ដារ៉ា អំពីការបញ្ចប់អាជីពជាអ្នកកាសែតបន្ទាប់ពីលោកត្រូវបានចាប់ខ្លួនកាលពីពេលថ្មីៗនេះបានបង្ហាញឱ្យឃើញថា ការគំរាមផ្នែកផ្លូវច្បាប់មានប្រសិទ្ធភាពប៉ុណ្ណានៅក្នុងការបំបិទមាត់ប្រព័ន្ធផ្សព្វផ្សាយ។ នេះបើតាមការបញ្ជាក់របស់អ្នកវិភាគមួយចំនួន។ លោក ម៉ិច ដារ៉ា ដែលបានធ្វើការឱ្យប្រព័ន្ធផ្សព្វផ្សាយមួយចំនួន មានឈ្មោះល្បីល្បាញក្នុងនាមជាអ្នកកាសែតបែបស៊ើបអង្កេត ដែលក្នុងនោះរួមមានទាំងការបង្ហាញឱ្យឃើញនូវមជ្ឈមណ្ឌលឆបោកខុសច្បាប់នានាដែលមានប្រតិបត្តិការនៅក្នុងប្រទេសកម្ពុជានិងដែលមានទំនាក់ទំនងជាមួយនឹងផលប្រយោជន៍អ្នកមានឥទ្ធិពលផងដែរ។
អានបន្ត -
អានបន្ត ចៅក្រមមិនទាន់កំណត់ពេលជាក់លាក់ប្រកាសសាលក្រមសំណុំរឿងញុះញង់លើលោក ស៊ុន ចន្ធី
សាលាដំបូងរាជធានីភ្នំពេញនៅរសៀលថ្ងៃទី២៥ ខែវិច្ឆិកា នៅមិនទាន់កំណត់ថ្ងៃប្រកាសសាលក្រមសំណុំរឿងញុះញង់លើប្រធានគណបក្សកម្លាំងជាតិ លោក ស៊ុន ចន្ធី នៅឡើយទេ ខណៈលោក ស៊ុន ចន្ធី មិនបានមកចូលរួមសវនាការនេះឡើយដោយសារលោកមានការពិបាកធ្វើដំណើរផ្លូវឆ្ងាយដៃជាប់ខ្នោះដៃ។ គ្រួសារ និងមន្ត្រីសង្គមស៊ីវិលយល់ឃើញថា ការចោទប្រកាន់របស់តុលាការទៅលើលោក ស៊ុន ចន្ធី គឺពុំមានភស្តុតាងរឹងមាំ និងគ្មានមូលដ្ឋានច្បាប់ច្បាស់លាស់ឡើយ។
អានបន្ត -
អានបន្ត សង្គមស៊ីវិលស្នើឲ្យទម្លាក់រាល់បទចោទប្រកាន់លើសកម្មជនបរិស្ថាន៦នាក់ដែលត្រូវបានដោះលែង
បន្ទាប់ពីអាជ្ញាធរខេត្តស្ទឹងត្រែងបានដោះលែងសកម្មជនព្រៃឈើនិងបរិស្ថាន ៦ នាក់ឲ្យមានសេរីភាពវិញកាលពីល្ងាចថ្ងៃចន្ទ មន្ត្រីអង្គការសង្គមស៊ីវិលបានស្នើឱ្យមានការទម្លាក់បទចោទនានាលើសកម្មជនបរិស្ថានទាំងអស់នេះ ដើម្បីធានាថា ពួកគេអាចបន្តសកម្មភាពការពារបរិស្ថានរបស់ពួកគេដោយគ្មានការភ័យខ្លាច។
អានបន្ត -
អានបន្ត សកម្មជនបរិស្ថានដែលចាប់ខ្លួនត្រូវបានដោះលែងវិញ បន្ទាប់ពីសាកសួរពីរថ្ងៃ
សកម្មជនបរិស្ថានចំនួនប្រាំមួយនាក់ដែលត្រូវបានចាប់ខ្លួនកាលពីព្រឹកថ្ងៃសៅរ៍ ទី២៣ ខែវិច្ឆិកា នៅពេលកំពុងស៊ើបអង្កេតការកាប់ឈើខុសច្បាប់នៅជិតដីសម្បទានសេដ្ឋកិច្ចក្នុងខេត្តស្ទឹងត្រែង ត្រូវបានដោះលែង បន្ទាប់ពីការសាកសួររយៈពីរថ្ងៃពីកងរាជអាវុធហត្ថខេត្ត។
អានបន្ត -
អានបន្ត សហគមន៍ព្រៃឈើមិនរុញរាបន្តការងារការពារព្រៃឈើ ក្រោយពីអាជ្ញាធរខេត្តស្ទឹងត្រែងដោះលែងសកម្មជនបរិស្ថាន
ប្រជាសហគមន៍ការពារព្រៃឈើនៅខេត្តព្រះវិហារ និងខេត្តស្ទឹងត្រែង នៅតែរក្សាជំហរការងារជាអ្នកការពារព្រៃឈើដោយមិនរាថយ ក្រោយពីអាជ្ញាធរខេត្តស្ទឹងត្រែងបានដោះលែងសកម្មជនការពារបរិស្ថាន និងអ្នកសារព័ត៌មានទាំង ៦នាក់។ ប្រជាសហគមន៍ការពារព្រៃឈើនៅខេត្តស្ទឹងត្រែង និងខេត្តព្រះវិហារប្ដេជ្ញាថា នឹងបន្តចងក្រងបណ្ដាញសហគមន៍ឱ្យរឹងមាំបន្ថែមទៀត ដើម្បីការពារព្រៃឈើកេរមរតកដូនតា ដោយមិនរត់ចោលព្រៃ ដើម្បីចុះញ៉មជាមួយមន្ត្រីខិលខូចនោះទេ។ ពួកគាត់ប្រកាសជំហរថា នឹងមិននៅស្ងៀមឡើយដរាបណាវិបត្តិព្រៃឈើនៅតែមិនអាចដោះស្រាយបាន។
អានបន្ត -
អានបន្ត លោក ហួន ផន៖សេរីភាពសារព័ត៌មាននៅកម្ពុជាមិនទាន់ល្អប្រសើរ
នៅថ្ងៃទី២៦ ខែវិច្ឆិកានេះ មជ្ឈមណ្ឌលសិទ្ធិមនុស្សកម្ពុជា(CCHR) បានចេញរបាយការណ៍មួយស្តីពីសេរីភាពបញ្ចេញមតិ សេរីភាពសារព័ត៌មាន និងសិទ្ធិទទួលបានព័ត៌មាននៅកម្ពុជា ពីខែកញ្ញា ឆ្នាំ២០២៣ ដល់ខែសីហា ឆ្នាំ ២០២៤។ តាមរបាយការណ៍ អ្នកសារព័ត៌មាន ដែលបានប្រឈមនឹងផ្លូវច្បាប់ដោយសារការបំពេញវិជ្ជាជីវៈរបស់ខ្លួនមាន ១៧ករណី។ ចំនួននេះបានកើនឡើង ១ករណី បើធៀបនឹងឆ្នាំ ២០២៣។ ក្នុងបទសម្ភាសផ្ទាល់ជាមួយវិទ្យុបារាំងអន្តរជាតិ RFI លោក ហួន ផន អ្នកសម្របសម្រួលគម្រោងនៃ CCHR កត់សម្គាល់ថា សេរីភាពសារព័ត៌មាននៅកម្ពុជាមិនទាន់ល្អប្រសើរនៅឡើយទេ៕
អានបន្ត -
អានបន្ត សមត្ថកិច្ចថៃចាប់បញ្ជូនជនភៀសខ្លួនខ្មែរជិត១០នាក់ទៅកម្ពុជា
សកម្មជនបក្សប្រឆាំងឱ្យដឹងថា សមត្ថកិច្ចថៃបានសម្រេចបញ្ជូនជនភៀសខ្លួននយោបាយខ្មែរ ជិត ១០នាក់ទៅកម្ពុជាវិញ តាមសំណើរបស់រដ្ឋាភិបាលក្រុងភ្នំពេញ។ ក្រុមអង្គការសិទ្ធិមនុស្សថ្កោលទោស និងចាត់ទុកទង្វើនេះថា បំពានលើគោលការណ៍ច្បាប់អន្តរជាតិ រំលោភសិទ្ធិមនុស្ស ហើយទាមទារឱ្យរដ្ឋាភិបាលដោះលែងពួកគេដោយឥតលក្ខខណ្ឌ។ ទោះបីជាមន្ត្រីសិទ្ធិមនុស្ស និងមន្ត្រីឧត្ដមស្នងការអង្គការសហប្រជាជាតិទទួលបន្ទុកជនភៀសខ្លួន(UNHCR) ខិតខំជួយអន្តរាគមន៍ក្តី ក៏អាជ្ញាធរថៃនៅតែបញ្ជូនសកម្មជនបក្សប្រឆាំងទៅកម្ពុជាទាំងបង្ខំ តាមសំណើរបស់អាជ្ញាធរកម្ពុជា។
អានបន្ត -
អានបន្ត សកម្មជនព្រៃឈើ ៦នាក់ត្រូវបានអាជ្ញាធរខេត្តស្ទឹងត្រែង ដោះលែងវិញហើយ
សកម្មជនបរិស្ថានចំនួន ៦នាក់ដែលត្រូវបានចាប់ខ្លួននៅខេត្តស្ទឹងត្រែង ក្រោមបទចោទបានចូលទៅក្នុងតំបន់ហាមឃាត់នោះ ត្រូវបានដោះលែងវិញហើយនៅល្ងាចថ្ងៃទី២៥ ខែវិច្ឆិកា តាមការបញ្ជាក់អះអាងពីប្រធានប្រតិបត្តិសមាគមបណ្ដាញយុវជនកម្ពុជា លោក ហេង គឹមហុង។
អានបន្ត -
អានបន្ត ស្ថានទូតអាមេរិកនៅកម្ពុជាច្រានចោលការផ្សាយរបស់កាសែត Sunday Guardian ជុំវិញបដិវត្តន៍ពណ៌នៅកម្ពុជា
ស្ថានទូតអាមេរិកប្រចាំទីក្រុងភ្នំពេញ បានច្រានចោលព័ត៌មានដែលចុះផ្សាយដោយកាសែត The Sunday Guardian អំពីការនៅពីក្រោយខ្នងរបស់អាមេរិកនៃចលនាបដិវត្តន៍ពណ៌នៅកម្ពុជាថា ជាព័ត៌មាន«ខុសពីការកំណត់នៃគោលនយោបាយការបរទេសអាមេរិក»។ កាលពីថ្ងៃទី ១០ ខែ វិច្ឆិកា ឆ្នាំ ២០២៤ កាសែត The Sunday Guardian ដែលមានមូលដ្ឋាននៅប្រទេសឥណ្ឌា បានចេញសេចក្តីរាយការណ៍មួយ ដោយបានចោទប្រកាន់សហរដ្ឋអាមេរិកថាជាប់ពាក់ព័ន្ធនឹង «បដិវត្តន៍ពណ៌» នៅកម្ពុជា ដែលដឹកនាំដោយក្រុមសង្គមស៊ីវិល និងអង្គការក្រៅរដ្ឋាភិបាលដែលគាំទ្រដោយសហរដ្ឋអាមេរិក។
អានបន្ត -
អានបន្ត សង្គមស៊ីវិលស្នើឱ្យកងរាជអាវុធហត្ថដោះលែងសកម្មជនបរិស្ថាន៥នាក់ និងអ្នកសារព័ត៌មានម្នាក់វិញ
ក្រុមអង្គការសង្គមស៊ីវិល ទទូចឱ្យកងរាជអាវុធហត្ថ និងតុលាការខេត្តស្ទឹងត្រែង ដោះលែងសកម្មជនបរិស្ថានទាំង៥នាក់ និងអ្នកសារព័ត៌មានម្នាក់វិញ ដោយលើកហេតុផលថា ការចូលរួមការពារបរិស្ថាននិងធនធានធម្មជាតិ មិនមែនជាបទល្មើសនោះទេ។ សំណើនេះ ធ្វើឡើងក្នុងពេលបញ្ជាការដ្ឋានកងរាជអាវុធហត្ថខេត្តស្ទឹងត្រែង កំពុងសាកសួរសកម្មជនបរិស្ថានទាំង៥នាក់ និងអ្នកសារព័ត៌មានម្នាក់។ សង្គមស៊ីវិលស្នើឱ្យកងរាជអាវុធហត្ថ និងតុលាការ ពិចារណាឡើងវិញ ចំពោះ នីតិវិធីនៃការឃាត់ខ្លួនសកម្មជនបរិស្ថាន និងដោះលែងពួកគាត់ ឱ្យមានសេរីភាព ដើម្បីបញ្ចៀសការរិះគន់ពីមជ្ឈដ្ឋានជាតិ និងអន្តរជាតិ។
អានបន្ត -
អានបន្ត ជនជាតិដើមភាគតិចពូនងនៅឃុំសុខសាន្តអះអាងពីភាពខ្វះខាតព័ត៌មានស្តីពីការប្រើប្រាស់បង្គន់អនាម័យ
ជាជនជាតិដើមភាគតិចពូនងរស់នៅឃុំសុខសាន្ត ខេត្តមណ្ឌលគិរី អះអាងថាពួកគេនៅមិនទាន់មានបង្គន់អនាម័យប្រើប្រាស់ឱ្យបានគ្រប់ខ្នងផ្ទះនៅឡើយទេ ស្របពេលព័ត៌មានស្តីពីការប្រើប្រាស់បង្គន់អនាម័យនេះ ក៏មិនទាន់ត្រូវបានគេផ្សព្វផ្សាយឱ្យបានទូលំទូលាយដែរ សម្រាប់សហគមន៍ជនជាតិដើមភាគតិច។
អានបន្ត -
អានបន្ត អ្នកឃ្លាំមើលស្នើដល់ក្រសួងមហាផ្ទៃឲ្យត្រួតពិនិត្យល្បែងអនឡាញ ក្រោយមានអំពើឃាតកម្មក្នុងគ្រួសារ
អ្នកឃ្លាំមើលស្នើដល់ក្រសួងមហាផ្ទៃ ឲ្យពង្រឹងការអនុវត្តច្បាប់គ្រប់គ្រងល្បែងអនឡាញ បន្ទាប់ពីជនរងគ្រោះជាប្ដី ដែលផុងខ្លួនជ្រៅក្នុងល្បែងអនឡាញ និងជំពាក់បំណុលវ័ណ្ឌកដោយសារកម្ចីអនឡាញ បានសម្លាប់ប្រពន្ធ និងកូន មុននឹងចងកសម្លាប់ខ្លួនឯង នៅខេត្តកណ្ដាល ។ អ្នកឃ្លាំមើលលើកឡើងថា អំពើពុករលួយ និងនីតិរដ្ឋទន់ខ្សោយ ជាមូលហេតុផ្ដល់ឱកាសឲ្យឧក្រិដ្ឋជនប្រើប្រាស់ប្រទេសកម្ពុជា ជាទីតាំងប្រព្រឹត្តល្បែងអនឡាញខុសច្បាប់។
អានបន្ត
គាំទ្រដោយ
