កំពុងស្វែងរកទិន្នន័យ
រកឃើញ: 13.037
-
តុលាការខេត្តកណ្ដាលប្រកាសលក់ឡាយឡុងសម្ភារៈក្នុងរោងចក្រចំនួនពីរកន្លែង ដើម្បីយកលុយបើកឱ្យកម្មករ
តុលាការខេត្តកណ្ដាលប្រកាសដាក់លក់ឡាយឡុងទ្រព្យសម្បត្តិដែលរឹបអូសបានក្នុងរោងចក្រពីរកន្លែងស្ថិតនៅសង្កាត់សិត្បូ ក្រុងតាខ្មៅ នៅចុងខែធ្នូនេះ ដើម្បីបង្វិលប្រាក់ដែលលក់បាន បើកឱ្យកម្មករជាង១ពាន់នាក់ ក្រោយពីថៅកែរត់ចោលជិត១ឆ្នាំមកហើយ ។ កម្មករ និងសហជីពដែលតាមដាននីតិវិធីនេះ រំពឹងថា បញ្ហានេះ នឹងអាចដោះស្រាយបញ្ចប់នៅពេលឆាប់ៗខាងមុខនេះ ទោះជាវិបត្តិជំងឺកូវីដ-១៩ កំពុងវាយលុកកម្ពុជាយ៉ាងណាក៏ដោយ។
អានបន្ត -
សាលារាជធានីភ្នំពេញមិនអនុញ្ញាតឲ្យក្រុមសង្គមស៊ីវិលជួបជុំគ្នាប្រារព្ធទិវាសិទ្ធិមនុស្សទេ នៅថ្ងៃទី២០ ខែធ្នូ ដោយសារជំងឺកូវីដ១៩
សាលារាជធានីភ្នំពេញមិនអនុញ្ញាតឲ្យអង្គការសង្គមស៊ីវិល ប្រារព្ធទិវាសិទ្ធិមនុស្សអន្តរជាតិ នៅទីលានប្រជាធិបតេយ្យ ថ្ងៃទី២០ ធ្នូខាងមុខ ដោយលើកឡើងពីហេតុផលរីករាលដាលការឆ្លងជំងឺកូវីដ១៩ក្នុងសហគមន៍។ ទោះបីជាយ៉ាងណា សង្គមស៊ីវិលប្រកាន់រក្សាជំហរប្រារព្ធទិវាសិទ្ធិមនុស្សធ្វើ ដោយបំបែកគ្នាធ្វើទៅតាមកន្លែងរៀងខ្លួន។
អានបន្ត -
អង្គការសង្គមស៊ីវិលរក្សាការប្រារព្ធទិវាសិទ្ធិមនុស្សអន្តរជាតិនៅថ្ងៃទី ២០ ធ្នូ តែក្នុងទ្រង់ទ្រាយតូច
តំណាងអង្គការសង្គមស៊ីវិលចំនួន៥៣បានអះអាងថា ពិធីអបអរសាទរទិវាសិទ្ធិមនុស្សអន្តរជាតិ ១០ ធ្នូ ដែលគ្រោងធ្វើនៅថ្ងៃទី ២០ ធ្នូ ខាងមុខនេះ គឺនៅរក្សាដដែល។ ក៏ប៉ុន្តែ អាចធ្វើឡើងនៅក្នុងទ្រង់ទ្រាយតូច និងចង្អៀតជាងមុន។ ការអះអាងនេះ គឺបន្ទាប់ពីអាជ្ញាធររាជធានីភ្នំពេញនៅថ្ងៃទី ១៧ ធ្នូនេះ បានស្នើសុំអោយអង្គការសង្គមស៊ីវិលចំនួន៥៣ស្ថាប័ន បន្តពន្យាពេលជាថ្មី ដោយសារតែព្រឹត្តិការណ៍សហគមន៍ ២៨ វិច្ឆិកា នៅមិនទាន់បញ្ចប់នៅឡើយ។
អានបន្ត -
អង្គការសង្គមស៊ីវិលរក្សាការប្រារព្ធទិវាសិទ្ធិមនុស្សអន្តរជាតិនៅថ្ងៃទី ២០ ធ្នូ តែក្នុងទ្រង់ទ្រាយតូច
តំណាងអង្គការសង្គមស៊ីវិលចំនួន៥៣បានអះអាងថា ពិធីអបអរសាទរទិវាសិទ្ធិមនុស្សអន្តរជាតិ ១០ ធ្នូ ដែលគ្រោងធ្វើនៅថ្ងៃទី ២០ ធ្នូ ខាងមុខនេះ គឺនៅរក្សាដដែល។ ក៏ប៉ុន្តែ អាចធ្វើឡើងនៅក្នុងទ្រង់ទ្រាយតូច និងចង្អៀតជាងមុន។ ការអះអាងនេះ គឺបន្ទាប់ពីអាជ្ញាធររាជធានីភ្នំពេញនៅថ្ងៃទី ១៧ ធ្នូនេះ បានស្នើសុំអោយអង្គការសង្គមស៊ីវិលចំនួន៥៣ស្ថាប័ន បន្តពន្យាពេលជាថ្មី ដោយសារតែព្រឹត្តិការណ៍សហគមន៍ ២៨ វិច្ឆិកា នៅមិនទាន់បញ្ចប់នៅឡើយ។
អានបន្ត -
គម្រោងឃ្លាំមើលទន្លេមេគង្គគាំទ្រដោយអាមេរិកចាប់ផ្តើមជាផ្លូវការ
ភ្នំពេញ — ក្រុមអ្នកការពារបរិស្ថាន នៅថ្ងៃពុធនេះ បានប្រកាសដំណើរការជាផ្លូវការគម្រោងឃ្លាំមើលទំនប់ទន្លេមេគង្គ (The Mekong Dam Monitor) ដែលជាគំនិតផ្តួចផ្តើមមួយដើម្បីផ្តល់បច្ចុប្បន្នភាពនៃទិន្នន័យពាក់ព័ន្ធនឹងការប្រែប្រួលកម្រិតទឹកក្នុងអាងទន្លេមេគង្គ និងផលប៉ះពាល់ផ្សេងៗបណ្តាលមកពីការកសាងទំនប់វារីអគ្គិសនី។
អានបន្ត -
អតីតអ្នកទោសនយោបាយ លោក គង់ ម៉ាស់ ព្រួយបារម្ភពីសុវត្ថិភាព ក្រោយរងការគំរាមកំហែងជាថ្មីទៀត
អតីតអ្នកទោសនយោបាយ លោក គង់ ម៉ាស់ ព្រួយបារម្មណ៍ពីសុវត្ថិភាពរបស់ខ្លួន ក្រោយរងការគម្រាមកំហែងពីជនមិនស្គាល់មុខ ដែលលោកសង្ស័យថា ជាការប៉ុនប៉ងបង្កឲ្យមានរបួសស្នាម និងជាការរៀបចំជាប្រព័ន្ធពីអ្នកមានអំណាច។ លោកស្នើសុំទៅអង្គការជាតិ និងអន្តរជាតិ ឲ្យជួយការពារ និងជំរុញទៅរដ្ឋាភិបាលឲ្យបញ្ឈប់ការធ្វើទុក្ខបុកម្នេញលើរូបលោក និងមន្ត្រីគណបក្សប្រឆាំងទាំងអស់។ មន្ត្រីសិទ្ធិមនុស្សយល់ថា សមត្ថកិច្ចគួរផ្តល់កិច្ចការពារសុវត្ថិភាពជូនពលរដ្ឋ ដោយមិនមានការរើសអើងនិន្នាការនយោបាយ។
អានបន្ត -
មន្ត្រី និងអង្គការបារម្ភពីសំរាមប្លាស្ទិកក្នុងទន្លេ និងសមុទ្រ
ភ្នំពេញៈ ក្រសួងបរិស្ថាន និងអង្គការមិនមែនរដ្ឋាភិបាលបង្ហាញក្តីបារម្ភជុំវិញសំរាមប្លាស្ទិកដែលមានចំនួនច្រើនឡើងនៅក្នុងទន្លេ និងសមុទ្រកម្ពុជា ខណៈក្នុងអំឡុង ៥ ឆ្នាំចុងក្រោយនេះមានអ្នកនេសាទជាច្រើនត្អូញត្អែរពីការនេសាទបានសំរាមច្រើនជាងបានត្រី។
អានបន្ត -
សាលាក្រុង ស្នើជាថ្មីឲ្យក្រុមសិទ្ធិមនុស្សពន្យារការជួបជុំនៅទីលានប្រជាធិបតេយ្យ
ភ្នំពេញ — សាលារាជធានីភ្នំពេញ នៅថ្ងៃព្រសហ្បតិ៍នេះ បានស្នើជាលើកទីពីរ ឲ្យក្រុមអង្គការសង្គមស៊ីវិលដែលគ្រោងរៀបចំការជួបជុំនៅទីលានប្រជាធិបតេយ្យ នៅថ្ងៃទី២០ ខែធ្នូ ពន្យារពេលការជួបជុំ ក្រោមហេតុផលនៃការរាតត្បាតជំងឺកូវីដ១៩ក្នុងសហគមន៍មិនទាន់បញ្ចប់។ នេះបើយោងតាមលិខិតចុះថ្ងៃទី១៧ ខែធ្នូ ដោយអភិបាលរងរាជធានីភ្នំពេញ លោក មាន ចាន់យ៉ាដា។
អានបន្ត -
ធនាគារពិភពលោកថាកំណើនសេដ្ឋកិច្ចកម្ពុជាថយចុះដក២%ក្នុងឆ្នាំ២០២០នេះ តែអាចកើនវិញ៤%នៅឆ្នាំ២០២១
ធនាគារពិភពលោកព្យាករណ៍ថាសេដ្ឋកិច្ចកម្ពុជានឹងមានកំណើនជិន៤ភាគរយនៅក្នុងឆ្នាំ២០២១ ខាងមុខ ដោយសារតែមាន សញ្ញាជាច្រើនបង្ហាញថាសកម្មភាពសេដ្ឋកិច្ចកំពុងកម្រើកឡើងវិញ។
អានបន្ត -
លោក រ៉ុង ឈុន និងអ្នកទោសមនសិការបន្តស្នើឱ្យតុលាការដោះលែងពួកគេនៅក្រៅឃុំបណ្ដោះអាសន្ន
សាច់ញាតិសកម្មជនគណបក្សសង្គ្រោះជាតិ និងក្មួយប្រុសរបស់លោក រ៉ុង ឈុន ចូលសួរសុខទុក្ខជនជាប់ឃុំនៅពន្ធនាគារព្រៃស នៅព្រឹកថ្ងៃទី១៦ធ្នូ។ ពួកគេឱ្យដឹងថា អ្នកជាប់ឃុំ នៅតែព្រួយបារម្ភខ្លាចឆ្លងជំងឺកូវីដ១៩ ចូលក្នុងមន្ទីរឃុំឃាំង និងស្នើសុំឱ្យតុលាការដោះលែងពួកគាត់នៅក្រៅឃុំជាបណ្ដោះអាសន្នឱ្យបានឆាប់។
អានបន្ត -
តុលាការឧក្រិដ្ឋកម្មអន្តរជាតិឱ្យកម្ពុជារួចខ្លួនរឿងចាប់បញ្ជូនជនជាតិអ៊ុយហ្គ័រទៅចិន
ភ្នំពេញ — តុលាការឧក្រិដ្ឋកម្មអន្តរជាតិ (International Criminal Court) បានសម្រេចបដិសេធបណ្ដឹងប្រឆាំងកម្ពុជា ទាក់ទិនសំណុំរឿងចាប់បញ្ជូនបណ្ដាជនភៀសខ្លួនអ៊ុយហ្គ័រទៅឱ្យចិន កាលពីឆ្នាំ២០០៩។
អានបន្ត -
លោក ហ៊ុន សែន ព្រលយថារដ្ឋមន្ត្រីក្រសួងសេដ្ឋកិច្ចបច្ចុប្បន្នជាបេក្ខភាពនាយករដ្ឋមន្ត្រីម្នាក់
ភ្នំពេញ — នេះជាលើកដំបូងហើយដែលលោកនាយករដ្ឋមន្ត្រី ហ៊ុន សែន បានបញ្ជាក់ផ្ទាល់មាត់ថា រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុបច្ចុប្បន្ននេះ គឺលោក អូន ព័ន្ធមុនីរ័ត្ន ដែលលោកថា លោក«បានបណ្តុះបណ្តាលតាំងពីនៅជាលេខាផ្ទាល់»របស់លោក ជាបេក្ខភាពសម្រាប់តំណែងនាយករដ្ឋមន្ត្រី។
អានបន្ត -
រដ្ឋមន្ត្រី៖ កម្ពុជាឈានមុខគេក្នុងការកាត់បន្ថយភាពក្រីក្ររយៈពេល ២៥ ឆ្នាំ
ភ្នំពេញៈ គ្រប់ភាគីពាក់ព័ន្ធដែលបានចូលរួមវេទិកាអន្តរជាតិស្តីពីការចែករំលែកបទពិសោធក្នុងការកាត់បន្ថយភាពក្រីក្រតាមប្រព័ន្ធវីដេអូ កាលពីម្សិលមិញបានសម្តែងការប្តេជ្ញាចិត្ត និងបន្តធ្វើការរួមគ្នា ដើម្បីពន្លឿនដំណើរការនៃការកាត់បន្ថយភាពក្រីក្រជាសកល។
អានបន្ត -
ទូតអាមេរិក និងបក្សនយោបាយក្រៅសភា៦ ជួបពិភាក្សា និងផ្លាស់ប្តូរយោបល់គ្នាពីការអនុវត្តប្រជាធិបតេយ្យនៅកម្ពុជា
ឯកអគ្គរដ្ឋទូតអាមេរិកប្រចាំនៅកម្ពុជាលោកPatrick Murphy នៅថ្ងៃអង្គារម្សិលមិញនេះ បានជួបជាមួយតំណាងបក្សនយោបាយចំនួន៦នៅប្រទេសកម្ពុជានៅនិវេសនដ្ឋានរបស់លោក ដើម្បីពិភាក្សាពីប្រជាធិបតេយ្យពហុបក្ស។ ការពិភាក្សា និងផ្លាស់ប្តូរយោបល់គ្នានេះ ធ្វើឡើងស្របពេលកម្ពុជាបានរងនូវការរិះគន់ពីការអនុវត្តដើរថយក្រោយនៃលទ្ធិប្រជាធិបតេយ្យ និងការបំពានសិទ្ធិ។ ចំពោះបញ្ហានេះ លោកPatrick Murphy បានអះអាងថា អាមេរិកគាំទ្រប្រជាជនកម្ពុជា និងសិទ្ធិរបស់គេស្របតាមធម្មនុញ្ញ ដើម្បីប្រជាធិបតេយ្យ និងសេរីភាពជាមូលដ្ឋាន។
អានបន្ត -
សង្គមស៊ីវិលថា ខ្លួននៅតែប្រឹងរកមធ្យោបាយធ្វើការទៀត ទោះរងការគាបសង្កត់ពីរដ្ឋាភិបាល
ក្រុមអង្គការសង្គមស៊ីវិលប្ដេជ្ញារិះរកមធ្យោបាយ ដើម្បីអាចបំពេញការងារបន្តទៀតបើទោះជាស្ថិតក្រោមការរារាំង គាបសង្កត់ពីអាជ្ញាធររដ្ឋាភិបាល លោក ហ៊ុន សែន ក៏ដោយ។ ពួកគេនៅតែរំពឹងថានឹងមានការបន្ធូរបន្ថយស្ថានភាពនយោបាយបញ្ចប់ជម្លោះរវាងគណបក្សកាន់អំណាច និងបក្សប្រឆាំង ហើយងាកទៅរួមរួមគ្នា បើកលំហសេរីភាពពលរដ្ឋ និងអង្គការសង្គមស៊ីវិល ដើម្បីឱ្យពួកគេអាចបំពេញការងារ បម្រើពលរដ្ឋទៅតាមកាតព្វកិច្ចរៀងៗខ្លួនក្នុងសង្គមប្រជាធិបតេយ្យពិតប្រាកដ។
អានបន្ត -
រាជរដ្ឋាភិបាលនៅបន្តផ្ដល់ប្រាក់ឧបត្ថម្ភដល់ជនក្រីក្រ និងងាយរងគ្រោះពីវិបត្តិកូវីដ
ភ្នំពេញៈ រាជរដ្ឋាភិបាលកម្ពុជាបានសម្រេចបន្តឧបត្ថម្ភប្រាក់ជូនជនក្រីក្រ និងងាយរងគ្រោះដោយវិបត្តិកូវីដ ១៩ ក្នុងជុំទី ៤ រយៈពេល ៣ ខែទៀត គឺខែមករា កុម្ភៈ និងខែមីនា ឆ្នាំ ២០២១ ខណៈថវិកាដែលត្រៀមបម្រុងទុកមាន ២០០ លានដុល្លារ សម្រាប់ដោះស្រាយបញ្ហានេះ។
អានបន្ត -
អ្នកប្រកបរបរក្រៅប្រព័ន្ធនៅបន្ទាយមានជ័យមានជីវភាពកាន់តែលំបាកអំឡុងមានវិបត្តិជំងឺកូវីដ
ប្រជាពលរដ្ឋប្រកបរបរសេដ្ឋកិច្ចក្រៅប្រព័ន្ធនៅក្រុងប៉ោយប៉ែត ខេត្តបន្ទាយមានជ័យ មានជីវភាពខ្វះខាតកាន់តែខ្លាំង ដោយសារអត់ការងារធ្វើ បណ្ដាលមកពីវិបត្តិជំងឺកូវីដ១៩។ ពលរដ្ឋទាំងនោះប្រឈមនឹងដាច់ស្បៀងនៅពេលខាងមុខ ខណៈដែលអាជ្ញាធរមិនបានផ្ដល់ស្បៀងអាហារអ្វីដល់ពួកគាត់នៅឡើយ។
អានបន្ត -
ជីវិតតស៊ូស្ត្រីជនជាតិដើមភាគតិចព្នងម្នាក់បដិសេធមិនទទួលសំណងពីក្រុមហ៊ុនសេសានក្រោមពីរ ក្នុងខេត្តស្ទឹងត្រែង
ជនជាតិដើមភាគតិចព្នងមួយគ្រួសារ ក្នុងចំណោម ៥២គ្រួសារ ដែលបដិសេធមិនទទួលសំណងពីក្រុមហ៊ុនទំនប់វារីអគ្គិសនីសេសានក្រោមពីរ ក្នុងខេត្តស្ទឹងត្រែងនៅតែស្ដាយ ស្រណោះ ភូមិកំណើត និងផ្ទះសម្បែងរបស់ពួកគេ ដែលត្រូវបានក្រុមហ៊ុនបិទទ្វារទឹកពន្លិចភូមិជាង ៣ ឆ្នាំមកហើយ។ ស្ត្រីជនជាតិដើមភាគតិចម្នាក់ បានបង្ហាញពីទុក្ខកង្វល់ជាច្រើន ក្នុងពេលដែលពួកគេរំកិលមករស់នៅទីតាំងថ្មីប្រមាណ ៣ឆ្នាំកន្លងមកនេះដូចជា ខ្វះស្បៀងអាហារ និងទឹកស្អាតប្រើប្រាស់ជាដើម។
អានបន្ត -
កម្ពុជាអាចគ្រប់គ្រងព្រឹត្តិការណ៍ឆ្លងកូវីដចូលក្នុងសហគមន៍ ២៨ វិច្ឆិកា បានហើយ
កណ្តាលៈ លោកនាយករដ្ឋមន្ត្រី ហ៊ុន សែន បានថ្លែងថា កម្ពុជាអាចគ្រប់គ្រងព្រឹត្តិការណ៍ឆ្លងកូវីដចូលក្នុងសហគមន៍ ២៨ វិច្ឆិកា បានហើយ ប៉ុន្តែនៅមិនទាន់អាចប្រកាសបិទបញ្ចប់ព្រឹត្តិការណ៍នេះបាននៅឡើយទេ ដោយត្រូវការពេលវេលាដើម្បីតាមដានអ្នកជាប់ពាក់ព័ន្ធជាបន្តទៀត។
អានបន្ត -
នៅកម្ពុជា៖ ការវាយប្រហារតាមប្រព័ន្ធតេឡេក្រាម ក្លាយជាក្ដីបារម្ភរបស់ក្រសួងប្រៃសណីយ៍និងទូរគមនាគមន៍
ការកើនឡើងនៃការវាយប្រហារតាមប្រព័ន្ធតេឡេក្រាមនៅកម្ពុជា បានក្លាយទៅជាក្ដីបារម្ភថ្មី ដែលតម្រូវឲ្យក្រសួងប្រៃសណីយ៍និងទូរគមនាគមន៍ទាញសញ្ញាអាសន្ន និងរំឭកឲ្យពលរដ្ឋខ្មែរប្រុងប្រយ័ត្ន។ នៅក្នុងសេចក្ដីជូនដំណឹងចុះថ្ងៃទី១៥ខែធ្នូ ក្រសួងនេះគូសបញ្ជាក់ថា ពួកចោរអ៊ីនធឺណែត ឬ Hacker បានវាយប្រហារជនរងគ្រោះ ដោយបន្លំខ្លួនជាថ្នាក់ដឹកនាំក្នុងជួររដ្ឋាភិបាលឬឈ្មោះបុគ្គលផ្សេងទៀត ដើម្បីបញ្ជូនសារតាមប្រព័ន្ធតេឡេក្រាម។
អានបន្ត
គាំទ្រដោយ
