កំពុងស្វែងរកទិន្នន័យ
រកឃើញ: 13.048
-
របបក្រុងភ្នំពេញ នាំអ្នកកាសែតកម្ពុជាទៅទស្សនាមូលដ្ឋានកងទ័ពជើងទឹករាម ដើម្បីជួយផ្សាយថា គ្មានមូលដ្ឋានទ័ពចិន
ក្រសួងការពារជាតិ ប្រកាសថា នឹងដឹកនាំអ្នកសារព័ត៌មានទៅទស្សនកិច្ចមូលដ្ឋានកងទ័ពជើងទឹករាម ក្នុងខេត្តព្រះសីហនុ បន្ទាប់ពីមានការចោទថា កម្ពុជាអនុញ្ញាតឱ្យចិនសាងសង់មូលដ្ឋានទ័ព នៅទីនោះ។ អ្នកវិភាគ យល់ថា អ្នកកាសែតកម្ពុជា មិនមានជំនាញនិងសមត្ថភាពគ្រប់គ្រាន់ដើម្បី មើលដឹងថា តំបន់នោះ គឺជាមូលដ្ឋានកងទ័ពចិនឡើយ ហើយដំណើរទស្សនកិច្ចនេះ គឺគ្រាន់តែយុទ្ធសាស្ត្ររបស់របបក្រុងភ្នំពេញ ឱ្យកាសែតក្នុងស្រុកជួយផ្សព្វផ្សាយឱ្យបានច្រើនដើម្បីលាងជម្រះនូវមន្ទិល សង្ស័យនានា។
អានបន្ត -
មន្ត្រីយោធាអាមេរិកថា ច្បាប់កម្ពុជាហាមមិនឲ្យមានវត្តមានកងទ័ពចិន ដូច្នេះកម្ពុជាត្រូវពន្យល់
មន្ត្រីជាន់ខ្ពស់នៃក្រសួងការពារប្រទេសអាមេរិកពុំបានបោះបង់ចោលការស្នើសុំឲ្យកម្ពុជាបកស្រាយប្រាប់ពលរដ្ឋកម្ពុជាអំពីព័ត៌មានដែលនិយាយអំពីកងទ័ពជើងទឹកចិននៅលើទឹកដីកម្ពុជា ទោះកម្ពុជាបដិសេធ ដោយសំអាងលើច្បាប់កំពូលរបស់កម្ពុជាថា មានការហាមប្រាមក្តី។
អានបន្ត -
អ្នកឃ្លាំមើល៖ ការលើកពេលប្រជុំគណៈរដ្ឋមន្ត្រី ចំពេលប្រមុខរដ្ឋាភិបាលមានភាពស្ងាត់ស្ងៀម
កិច្ចប្រជុំគណៈរដ្ឋមន្ត្រីដែលគ្រោងរៀបចំនៅថ្ងៃសុក្រទី២៦ក្នុងសប្ដាហ៍នេះ ត្រូវលើកពេលដោយមិនកំណត់ថ្ងៃ។ មូលហេតុនៃការលើកពេលត្រូវបានអ្នកនាំពាក្យរដ្ឋាភិបាលអះអាងប្រាប់វិទ្យុបារាំងអន្តរជាតិRFIនៅថ្ងៃពុធនេះថា នៅមិនទាន់មានរបៀបវារៈគ្រប់គ្រាន់ក្នុងការរៀបចំកិច្ចប្រជុំ។ តែអ្នកឃ្លាំមើលសង្គមយល់ឃើញផ្សេងពីនេះថា មួយផ្នែកនៃការលើកពេលកិច្ចប្រជុំគណៈរដ្ឋមន្ត្រីទំនងជា លោកនាយករដ្ឋមន្ត្រី ហ៊ុន សែន ចង់រក្សាភាពស្ងៀមស្ងាត់មួយរយៈមិនថា ក្នុងវេទិកាសាធារណៈ ឬកិច្ចប្រជុំសម្ងាត់ឡើយ។
អានបន្ត -
សម្តេច ហ៊ុន សែន៖ តើកម្ពុជា ត្រូវការយោធាចិនលើទឹកដីខ្លួនដើម្បីអ្វី?
សម្តេចនាយករដ្ឋមន្រ្តី ហ៊ុន សែន បានច្រានចោលចំពោះការចេញផ្សាយរបស់ The Wall Street Journal ដែលចោទប្រកាន់កម្ពុជាថា បានចុះកិច្ចព្រមព្រៀងដោយសម្ងាត់មួយ អនុញ្ញាតឱ្យយោធាចិនប្រើប្រាស់ដោយផ្តាច់មុខនូវមូលដ្ឋានកងទ័ពជើងទឹករាម ក្បែរខេត្តព្រះសីហនុ។ សម្តេចបានចោទសួរថា «តើកម្ពុជាត្រូវការវត្តមានយោធាចិនលើទឹកដីរបស់ខ្លួនដើម្បីអ្វី?»។ នេះបើតាមសេចក្តីបំភ្លឺរបស់សម្តេច ហ៊ុន សែន ដែលចេញផ្សាយដោយក្រសួងការបរទេស និងសហប្រតិបត្តិការអន្តរជាតិ កាលពីថ្ងៃទី២២ ខែកក្កដា ឆ្នាំ២០១៩។
អានបន្ត -
កម្ពុជាវៀតណាមអបអរការងារព្រំដែនហើយប្តេជ្ញាដោះស្រាយចំណុចសេសសល់
ប្រទេសកម្ពុជានិងវៀតណាមបានបោះបង្គោលលើព្រំដែនចម្ងាយ ១.០៤២គីឡូម៉ែត្រ លើបន្ទាត់ព្រំដែនដែលមានចម្ងាយ ១.១៣៧គីឡូម៉ែត្រ ហើយបានបោះបង្គោលព្រំដែនចំនួន ៣១៥បង្គោល ក្នុងចំណោមបង្គោលចំនួន ៣៧១។
អានបន្ត -
លោក ស៊ុន ចាន់ថុល៖ កម្ពុជាកំពុងចរចាខ្ចីលុយចិនជិត២០០លានដុល្លារសង់ផ្លូវជាតិលេខ១០
កម្ពុជាកំពុងចរចាជាមួយចិនដើម្បីខ្ចីលុយចំនួន១៨៣លានដុល្លារអាមេរិកបន្ថែមទៀត សម្រាប់សាងសង់ផ្លូវជាតិលេខ១០ ពីស្រុកសំឡូត ខេត្តបាត់ដំបង ទៅកាន់ខេត្តកោះកុង ដែលមានប្រវែង១៩៣គីឡូម៉ែត្រ។ នេះជាការបញ្ជាក់របស់ រដ្ឋមន្ដ្រីក្រសួងសាធារណការ និងដឹកជញ្ជូនកាលពីម្សិលមិញ។ គម្រោងសង់ផ្លូវថ្មីបន្ថែមនេះ គឺស្របពេលគម្រោងពង្រីកផ្លូវសំខាន់ៗជាច្រើនទៀតនៅកម្ពុជា បាននិងកំពុងធ្វើ ក្រោមប្រាក់កម្ចីរបស់ជប៉ុន និងចិនក្នុងទំហំទឹកប្រាក់រាប់ពាន់លានដុល្លារ។
អានបន្ត -
កម្ពុជាប្រឈមនឹងជម្រើសរវាងទណ្ឌកម្មពាណិជ្ជកម្មនិងប្រជាធិបតេយ្យ
អ្នកតាក់តែងច្បាប់សហរដ្ឋអាមេរិកបានបញ្ជូនសារយ៉ាងច្បាស់ទៅមេដឹកនាំកម្ពុជាថា ត្រូវតែបង្វែរទិសនៃការកំហិតលើលទ្ធិប្រជាធិបតេយ្យ បើមិនដូច្នេះទេនឹងប្រឈមមុខនឹងផលវិបាកនានាដែលអាចនឹងកើតមានឡើង។
អានបន្ត -
តំណាងឱ្យយុវជនកម្ពុជាកញ្ញា រ៉ូហ្សេត ទៅស្វែងយល់អំពីប្រជាធិបតេយ្យ នៅប្រទេសជប៉ុន
តំណាងយុវជនកម្ពុជាចំនួន ១០នាក់ បានទៅស្វែងយល់អំពីប្រជាធិបតេយ្យ និងការបោះឆ្នោតនៅប្រទេសជប៉ុន ចំនួន ៧ថ្ងៃ ចាប់ពីថ្ងៃទី១៧ ដល់ថ្ងៃទី២៥ ខែកក្កដា។ ក្នុងនោះ មានតំណាងយុវជនគណបក្សសង្គ្រោះជាតិគឺកញ្ញា ស៊ិនចាន់ ពៅរ៉ូហ្សេត ក៏បានទៅចូលរួមក្នុងដំណើរទស្សនៈកិច្ចនេះដែរ។
អានបន្ត -
The WallStreetJournal៖ ចិនចុះកិច្ចព្រមព្រៀងសម្ងាត់ជាមួយកម្ពុជា ដើម្បីឲ្យកងទ័ពចិនឈរជើងនៅកម្ពុជា
កាសែតល្បីឈ្មោះរបស់សហរដ្ឋអាមេរិក បានផ្សាយកាលពីម្សិលមិញថា ប្រទេសចិនបានចុះហត្ថលេខាលើកិច្ចព្រមព្រៀងជាសម្ងាត់មួយជាមួយកម្ពុជា ដើម្បីអនុញ្ញាត ឲ្យកងទ័ពរបស់ចិនប្រើប្រាស់មូលដ្ឋានទ័ពជើងទឹករបស់កម្ពុជានៅសមុទ្រភាគខាងលិច។ ប៉ុន្តែប្រមុខរដ្ឋាភិបាលកម្ពុជា លោក ហ៊ុន សែន បានប្រតិកម្ម ជាថ្មីម្តងទៀត ដោយអះអាងថា «នេះជាព័ត៌មានប្រឌិតដ៏អាក្រក់បំផុតប្រឆាំងជាមួយកម្ពុជា»។
អានបន្ត -
អង្គការសេរីនិយមអន្តរជាតិ ទាមទារឲ្យរដ្ឋាភិបាលកម្ពុជាទម្លាក់ចោលបំរាមលើសមាជិកសភាអឺរ៉ុប៦រូប
អង្គការសេរីនិយមអន្តរជាតិ (Liberal International) ដែលមានមូលដ្ឋាននៅក្នុងទីក្រុងឡុងដ៏ ប្រទេសអង់គ្លេស បានធ្វើយុទ្ធនាការតាមអ៊ីនធឺណែត ដើម្បីស្វែងរកការគាំទ្រលើញត្តិមួយ ទាមទារឲ្យរដ្ឋាភិបាលកម្ពុជាទម្លាក់ចោលបំរាមលើសមាជិកសភាអឺរ៉ុប០៦រូបពីក្នុងបញ្ជីខ្មៅ ដែលហាមមិនឲ្យអបដំណើរលោក សម រង្ស៊ី មកកាន់ប្រទេសកម្ពុជា។ យុទ្ធនាការនេះ ក៏បានអំពាវនាវឲ្យរដ្ឋាភិបាលកម្ពុជាបើកទ្វារចំហឲ្យលោក សម រង្ស៊ី វិលត្រលប់មកកាន់ប្រទេសកម្ពុជាវិញផងដែរ។
អានបន្ត -
ក្រសួងការពារជាតិថា មិនដែលមានកិច្ចព្រមព្រៀងសម្ងាត់ ឱ្យចិនដាក់មូលដ្ឋានយោធាឡើយ
លោកនាយឧត្តមសេនីយ៍ ឈុំ សុជាត អ្នកនាំពាក្យក្រសួងការពារជាតិ បានបញ្ជាក់ថា ក្រសួងការពារជាតិ មិនដែលមានកិច្ចព្រមព្រៀងសម្ងាត់ណាមួយឱ្យកងទ័ពចិនប្រើប្រាស់ទឹកដីកម្ពុជា ធ្វើជាមូលដ្ឋានឡើយ។
អានបន្ត -
ពលរដ្ឋមានជម្លោះដីធ្លីចំនួន ៥ខេត្ត នាំគ្នារកដំណោះស្រាយនៅរាជធានីភ្នំពេញ
ប្រជាពលរដ្ឋប្រមាណ ៩៨០នាក់ តំណាងឲ្យពលរដ្ឋជាង ៧ពាន់គ្រួសារ ដែលមានជម្លោះដីធ្លីក្នុងខេត្តចំនួន៥ ជួបជុំគ្នានៅសួនច្បារវត្តបទុមវតី ក្នុងរាជធានីភ្នំពេញ ដាក់ញត្តិស្នើសុំលោកនាយករដ្ឋមន្ត្រី ហ៊ុន សែន ជួយអន្តរាគមន៍ទៅក្រសួងដែនដី និងអាជ្ញាធរថ្នាក់ក្រោម ពន្លឿនដំណោះស្រាយដល់ពួកគាត់។ សង្គមស៊ីវិលយល់ថា ប្រសិនបើរដ្ឋាភិបាលពិតមានឆន្ទៈ ចង់ដោះស្រាយបញ្ចប់ជម្លោះដីធ្លីនៅទូទាំងប្រទេស គួរតែហ៊ានអារកាត់ ដោយអនុវត្តច្បាប់ឲ្យបានម៉ឺងម៉ាត់ ចំពោះមន្ត្រីខិលខូច អ្នកមានអំណាច ឧកញ៉ា ឬក្រុមហ៊ុនណាក៏ដោយ ដែលឃុបឃិតគ្នាដណ្ដើមយកដីធ្លីពីពលរដ្ឋ។
អានបន្ត -
យុវជនកម្ពុជាចាប់ផ្តើមយកចិត្តទុកដាក់នឹងផលប៉ះពាល់ពីប្លាស្ទិចតាមរយៈការងារសង្គម
នៅប្រទេសកម្ពុជា សម្ភារៈប្រើប្រាស់ធ្វើពីផ្លាស្ទិច ដូចជាកែវជ័រ ស្បោង និងប្រអប់ធ្វើពីជ័រប្លាស្ទិចជាដើម ត្រូវបានប្រើប្រាស់យ៉ាងទូលំទូលាយ និងមិនទាន់មានការគ្រប់គ្រងត្រឹមត្រូវនៅឡើយ។
អានបន្ត -
លោក ហ៊ុន សែន បដិសេធរឿងចុះហត្ថលេខាសម្ងាត់អនុញ្ញាតឱ្យកងទ័ពចិនឈរជើងនៅកម្ពុជា
មេដឹកនាំរបបក្រុងភ្នំពេញលោក ហ៊ុន សែន ប្រកាសច្រានចោលព័ត៌មានដែលថា របបរបស់លោកបានចុះហត្ថលេខាជាសម្ងាត់ជាមួយភាគីចិន ឱ្យចិនតាំងមូលដ្ឋានទ័ពនៅលើទឹកដីកម្ពុជា។ ក៏ប៉ុន្តែ សារព័ត៌មានបរទេសបានលាតត្រដាង និងបង្ហាញភស្តុតាងជាក់ស្តែងជាច្រើនថា របបក្រុងភ្នំពេញកំពុងឃុបឃិតជាមួយក្រុងប៉េកាំង អនុញ្ញាតឱ្យកងទ័ពចិនឈរជើងនៅមូលដ្ឋានទ័ពជើងទឹករាម ក្នុងខេត្តព្រះសីហនុ។
អានបន្ត -
ពលរដ្ឋជាច្រើនរយនាក់ឡើងពីខេត្តចំនួន៤ ស្នើឲ្យថ្នាក់ជាតិដោះស្រាយទំនាស់ដីធ្លីរាំរ៉ៃ
ពលរដ្ឋជាច្រើនរយនាក់ឡើងមកពីខេត្តចំនួន៤រួមមាន៖ ខេត្តព្រះសីហនុ កំពង់ស្ពឺ ស្វាយរៀង ត្បូងឃ្មុំ និងខេត្តកណ្ដាល ជាមួយនឹងបង្វិច បាយ ទឹក បានអង្គុយប្រមូលផ្ដុំគ្នានៅក្រៅខុទ្ធការល័យលោកនាយករដ្ឋមន្ត្រី ហ៊ុន សែន។ ការប្រមូលផ្ដុំនេះក្នុងគោលបំណងដាក់ញាត្តិជាថ្មីទៅកាន់ខុទ្ធការល័យលោកនាយករដ្ឋមន្រ្តី និងក្រសួងស្ថាប័នរដ្ឋមួយចំនួនទៀតដោះស្រាយទំនាស់ដីធ្លីរាំរ៉ៃ ជាមួយក្រុមហ៊ុនឯកជន។ តាមរយៈក្បាលមេក្រូរបស់វិទ្យុបារាំងអន្តរជាតិRFI នៅថ្ងៃចន្ទនេះ តំណាងពលរដ្ឋមួយចំនួនបាននិយាយដូចគ្នាថា រឿងរ៉ាវដីធ្លីរបស់ពួកគាត់ជាមួយក្រុមហ៊ុនឯកជន អូសបន្លាយដោយគ្មានដំណោះស្រាយមិនតិចជាង១០ឆ្នាំឡើយ។ ហើយបន្ថែមលើនេះតំណាងពលរដ្ឋបានមូលមាត់ថា ខ្លឹមសារនៃញាត្តិ សុំតែដីដែលក្រុមហ៊ុនរឹបអូសត្រឡប់មកវិញដើម្បីធ្វើស្រែចំការ។
អានបន្ត -
កាសែតអាមេរិកថាកម្ពុជាចុះហត្ថលេខាជាសម្ងាត់ជាមួយចិនរឿងមូលដ្ឋានយោធា បានធ្វើឲ្យអាមេរិកបារម្ភ
បើតាមរបាយការណ៍មួយរបស់កាសែត The Wall Street Journal បានរាយការណ៍មកថាប្រទេសចិនបានចុះហត្ថលេខាលើកិច្ចព្រមព្រៀងជាសម្ងាត់មួយដើម្បីអនុញាត ឲ្យកងទ័ពរបស់ខ្លួនប្រើប្រាស់មូលដ្ឋានទ័ពជើងទឹកកម្ពុជានៅជិតចិន ខណៈដែលរដ្ឋាភិបាលទីក្រុងប៉េកាំងដំណើរការបង្កើនសមត្ថភាពយោធាខ្លួនក្នុងការពិនិត្យមើលពីឥទ្ធិពលយោធានៅជុំវិញពិភពលោក។ នេះបើតាមការអះអាងរបស់មន្ត្រីម្នាក់ដែលធ្វើកិច្ចការរឿងនេះ តែមិនបានប្រាប់ឈ្មោះ។
អានបន្ត -
ប្រពន្ធសកម្មជនបក្សប្រឆាំងដែលជាប់ពន្ធនាគារនៅខេត្តពោធិ៍សាត់ទទូចឱ្យស្ថាប័នពាក់ព័ន្ធរកយុត្តិធម៌ដល់ស្វាមី
ភរិយាសកម្មជនគណបក្សប្រឆាំងនៅស្រុកវាលវែង ដែលកំពុងជាប់ពន្ធនាគារខេត្តពោធិ៍សាត់ ទាមទារឱ្យតុលាការទម្លាក់ការចោទប្រកាន់មកលើស្វាមីរបស់ពួកគាត់ និងដោះលែងឱ្យមានសេរីភាពឡើងវិញឱ្យបានឆាប់។ សកម្មជនបក្សប្រឆាំងស្រុកវាលវែងចំនួន ៦នាក់ ត្រូវបានសមត្ថកិច្ចចាប់ខ្លួនដោយប្រកាន់ពីបទទន្ទ្រានដីព្រៃខុសច្បាប់។ ប៉ុន្តែភរិយាជនជាប់ឃុំ អះអាងថា ពួកគាត់ពុំបានធ្វើខុសដូចការចោទប្រកាន់ឡើយ។
អានបន្ត -
សកម្មជនបក្សប្រឆាំងខេត្តកំពង់ធំបន្តជួបជុំគ្នាហូបនំបញ្ចុកក្រោមការឃ្លាំមើលពីអាជ្ញាធរ
ក្រុមសកម្មជន និងមន្ត្រីជាប់ឆ្នោតមូលដ្ឋាន របស់គណបក្សសង្គ្រោះជាតិ នៅស្រុកកំពង់ស្វាយ ខេត្តកំពង់ធំ បន្តជួបជុំគ្នាហូបនំបញ្ចុក ដើម្បីពង្រឹងការសាមគ្គី។ សមត្ថកិច្ចបានឃ្លាំមើល និងសួរនាំពួកគេអំពីកម្មវិធីនេះ។ សង្គមស៊ីវិលថា ពលរដ្ឋមានសិទ្ធិពេញលេញដើម្បីជួបជុំគ្នាហូបនំបញ្ចុក ដោយគ្មានការរំខាន ឬអុកឡុកកម្មវិធីឡើយ។
អានបន្ត -
អ្នកស្រី ប៊ូ រចនា អំពាវនាវឲ្យប្តូរឈ្មោះស្តុបបូកគោទៅជាស្តុប កែម ឡី
អ្នកស្រី ប៊ូ រចនា ភរិយា លោក បណ្ឌិត កែម ឡី បានចេញសេចក្តីថ្លែងការណ៍មួយនៅថ្ងៃអាទិត្យនេះ ដោយអំពាវនាវឲ្យធ្វើការប្តូរឈ្មោះ ស្តុប បូកគោ ទៅជាស្តុប កែម ឡីវិញ។ ស្តុបបូកគោ ជាទីដែលឃាតករបានបាញ់សម្លាប់អ្នកវិភាគបញ្ហាសង្គមរូបនេះកាលពីថ្ងៃទី១០កក្កដា២០១៦។ ជាមួយគ្នានោះ អ្នកស្រី ប៊ូ រចនា ក៏អំពាវនាវឲ្យយកថ្ងៃ១០កក្កដា ជាថ្ងៃនៃទិវាជាតិគោរពវិញ្ញាណខ័ន្តវីរបុរស និងអ្នកស្នេហាជាតិខ្មែរទាំងអស់ដែលបានស្លាប់ដើម្បីប្រជាធិបតេយ្យនិងប្រយោជន៍របស់ជាតិខ្មែរ។
អានបន្ត -
លោក សៅ សុខា នឹងក្លាយជាមនុស្សទី២បន្ទាប់ពីលោក ហ៊ុន សែន ដែលមិនហ៊ានស្លាប់រឿងព្រៃឈើ
ស្របពេលមេដឹកនាំរបបក្រុងភ្នំពេញលោក ហ៊ុន សែន មិនហ៊ានស្លាប់ក្រោយបរាជ័យរឿងការពារព្រៃឈើ មេបញ្ជាការកងរាជអាវុធហត្ថលើផ្ទៃប្រទេស លោក សៅ សុខា បានប្រកាសដាក់ជីវិតរបស់ខ្លួនម្ដង ដើម្បីទប់ស្កាត់បទល្មើសព្រៃឈើឱ្យទាល់តែបាន។ លោក សៅ សុខា អះអាងថា ទោះបីជាជនល្មើសមានតំណែងប៉ុនណាក៏ដោយ ក៏លោកបញ្ជាឱ្យចាប់ទាំងអស់។ ប៉ុន្តែមន្ត្រីអង្គការសង្គមស៊ីវិលធ្វើការងារផ្នែកឃ្លាំមើលបទល្មើសព្រៃឈើ គ្មានជំនឿលើបទបញ្ជានេះទេ និងថា លោក សៅ សុខា នឹងមានភាពអាម៉ាស់ដូចលោក ហ៊ុន សែន ដែរ។
អានបន្ត
គាំទ្រដោយ
