កំពុងស្វែងរកទិន្នន័យ
រកឃើញ: 13.209
-
កម្ពុជា ដាក់របាយការណ៍ការពារខ្លួន មុនកិច្ចប្រជុំក្រុមប្រឹក្សាសិទ្ធិមនុស្ស UN នៅខែក្រោយ
រាជរដ្ឋាភិបាលកម្ពុជា បានដាក់របាយការណ៍កម្រាស់ ២០ទំព័រទៅកាន់ក្រុមប្រឹក្សាសិទ្ធិមនុស្សអង្គការសហប្រជាជាតិ កាលពីពេលថ្មីៗ ដើម្បីបង្ហាញពីដំណើរវិវត្ត និងបញ្ហាប្រឈមនៃសិទ្ធិមនុស្សក្នុងប្រទេសកម្ពុជា។ ជារបាយការណ៍ ដែលរដ្ឋាភិបាលកម្ពុជា បានចងក្រងឡើងដាក់ទៅក្រុមប្រឹក្សាសិទ្ធិមនុស្សអង្គការសហប្រជាជាតិ មុនពេលអង្គការសហប្រជាជាតិ នឹងបើកសម័យប្រជុំជាសាលក លើកទី ៣២ ដើម្បីពិនិត្យលើបញ្ហាសិទ្ធិមនុស្ស ពីថ្ងៃទី ២១ខែមករា ដល់ថ្ងៃទី ១ខែកុម្ភៈ ឆ្នាំ ២០១៩។
-
រដ្ឋាភិបាលប្រាប់ UN ថា វិធានការច្បាប់របស់ខ្លួនកន្លងមកមិនគំរាមកំហែងលើសិទ្ធិសេរីភាពបញ្ចេញមតិ
រដ្ឋាភិបាលកម្ពុជា បានបន្តការពារចំណាត់ការផ្លូវច្បាប់របស់ខ្លួនទៅលើប្រព័ន្ធផ្សព្វផ្សាយ និងក្រុមសង្គមស៊ីវិលនៅកម្ពុជានាពេលកន្លងមកថា មិនមែនជាការគំរាមកំហែងទៅលើសិទ្ធិសេរីភាពនៃការបញ្ចេញមតិនោះទេ។
-
ក្រសួងចំនួន២ ប្រកាសជាផ្លូវការនូវផែនការយុទ្ធសាស្ដ្រ និងផែនការប្រតិបត្ដិច្បាប់ស្ដីពីយុត្ដិធម៌អនីតិជន
ក្រសួងយុត្តិធម៌ និង ក្រសួងសង្គមកិច្ច បានរៀបចំប្រកាសដាក់ឲ្យប្រើប្រាស់ជាផ្លូវការនូវផែនការយុទ្ធសាស្ត្រ និងផែនការប្រតិបត្តិច្បាប់ស្តីពីយុត្តិធម៌អនីតិជនចាប់ពី ២០១៨ ដល់ឆ្នាំ ២០២០។ រដ្ឋមន្ដ្រីក្រសួងសង្គមកិច្ចបញ្ជាក់ថា គោលបំណងនៃផែនការយុទ្ធសាស្ត្រ និងផែនការប្រតិបត្តិនេះ គឺធ្វើឲ្យជីវិតរបស់អនីតិជនទំនាស់នឹងច្បាប់បានប្រសើរឡើង ដោយផ្តោតលើគោលដៅពីរ។
-
ពលរដ្ឋកណ្ដាលស្ទឹងដែលមានបញ្ហាដីធ្លីជាមួយក្រុមហ៊ុនហេងអភិវឌ្ឍន៍បដិសេធទទួលសំណងដែលក្រុមហ៊ុននេះកំណត់
តំណាងពលរដ្ឋមានជម្លោះដីធ្លី នៅឃុំបឹងខ្យាង ស្រុកកណ្ដាលស្ទឹង ប្រកាសមិនទទួលយកគោលនយោបាយរបស់អភិបាលខេត្តកណ្ដាល ផ្ដល់សំណងឲ្យពលរដ្ឋក្នុងមួយម្នាក់ ១០០ដុល្លារទេ។ ពលរដ្ឋទាមទារ គោលនយោបាយ មួយគ្រួសារ ២៥០ដុល្លារ ឬគួរទុកដីនោះ ជាដីរដ្ឋ កុំកាត់លក់ឲ្យក្រុមហ៊ុន ទុកឲ្យអាស្រ័យផលតាមធម្មជាតិដូចធម្មតាវិញ។
-
ក្រសួងមហាផ្ទៃ ដាក់ចេញផែនការយុទ្ធសាស្ត្រដើម្បីកាត់បន្ថយចំនួនអនីតិជនក្នុងពន្ធនាគារ
ក្រសួងមហាផ្ទៃ បានប្រកាសដាក់ឲ្យអនុវត្តជាផ្លូវការ ផែនការយុទ្ធសាស្ត្រនិងផែនការប្រតិបត្តិ ដើម្បីអនុវត្តច្បាប់ស្ដីពីយុត្តិធម៌អនីតិជន។ ពិធីប្រកាសនេះ ធ្វើឡើងកាលពីថ្ងៃសុក្រ ទី២១ធ្នូ នៅទីស្ដីការក្រសួងសង្គមកិច្ច។ ការដាក់ឲ្យអនុវត្តផែនការយុទ្ធសាស្ត្រនេះ ត្រូវបានលោក ស ខេង រដ្ឋមន្ដ្រីក្រសួងមហាផ្ទៃ ពន្យល់ថា ធ្វើឡើងដើម្បីកាត់បន្ថយឲ្យបានជាអតិបរមានូវចំនួនជនជាប់ឃុំនៅក្នុងពន្ធនាគារ ពិសេសអនីតិជន។
-
ពលរដ្ឋខេត្តព្រះសីហនុចោទក្រុមហ៊ុនរបស់ឧបនាយករដ្ឋមន្ត្រី យឹម ឆៃលី រំលោភដីពួកគេ
ពលរដ្ឋនៅខេត្តព្រះសីហនុ ចោទប្រកាន់ថា ក្រុមហ៊ុនរបស់អ្នកមានអំណាចម្នាក់ បានប្រើសិទ្ធិអំណាចរំលោភយកដីធ្លីរបស់ពួកគេ។ ពួកគេលើកឡើងថា ជម្លោះដីធ្លីដែលអូសបន្លាយជាង ៧ឆ្នាំមកនេះ រវាងពួកគេនឹងក្រុមហ៊ុនឋានសួគ៌នោះ ទោះពលរដ្ឋទៅសុំអន្តរាគមន៍ពីក្រសួងស្ថាប័នណាក៏គេមិនមានដំណោះស្រាយដែរ។
-
អាហារព្យាបាលប្រភេទថ្មី ធ្វើពីត្រី សម្រាប់ព្យាបាលកុមារ ជួបបញ្ហាកង្វះអាហារូបត្ថម្ភស្រួចស្រាវធ្ងន់ធ្ងរ
នំបំពង់ធ្វើពីត្រីឈ្មោះថានូទ្រីក (Nutrix) ត្រូវបានផលិត រួមគ្នាដោយយូនីសេហ្វ វិទ្យាស្ថានស្រាវជ្រាវបារាំងដើម្បីអភិវឌ្ឍន៍ប្រកបដោយចីរភាព (IRD) សកលវិទ្យាល័យកូផេនហេហ្គិន (Copenhagen University (CU)) និងក្រមហ៊ុន Danish Care Foods (DCF) ដាណឺម៉ាក សហកាជាមួយរាជរដ្ឋាភិបាលកម្ពុជាសម្រាប់ព្យាបាលបញ្ហាកង្វះអាហារូបត្ថម្ភស្រួចស្រាវធ្ងន់ធ្ងររបស់កុមារ។
-
ពន្ធនាគារទាំង២៨ នៅទូទាំងប្រទេសកំពុងឃុំ អនីតិជនជាង១៥០០នាក់
គិតត្រឹមខែវិច្ឆិកា ឆ្នាំ២០១៨ ពន្ធនាគារទាំង២៨ នៅទូទាំងប្រទេសកំពុងឃុំឃាំងអនីតិជនជាង១៥០០នាក់ ក្នុងនោះអនីតិចជនជាទណ្ឌិតចំនួន១៥២នាក់ ដោយភាគច្រើននៅរាជធានីភ្នំពេញ ខេត្តសៀមរាប និងបន្ទាយមានជ័យ។ នេះបើតាមការថ្លែងរបស់សម្តេចឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ។
-
លោក សម រង្ស៊ី៖ ផ្តល់សេរីភាពដល់កឹម សុខាជាការចាប់ដោះស្រាយវិបត្តិពិតប្រាកដ
លោក សម រង្ស៊ី បញ្ជាក់ថា ការដោះលែង និងផ្តល់សេរីភាពពេញលេញដល់លោក កឹម សុខា ប្រធានគណបក្សសង្គ្រោះជាតិគឺជាចំណុចចាប់ផ្តើមពិតប្រាកដក្នុងការដោះស្រាយវិបត្តិនយោបាយនៅពេលនេះ។
-
សហព័ន្ធសហជីពអន្តរជាតិជំរុញឲ្យទម្លាក់ចោលរាល់បទចោទប្រឆាំងមេដឹកនាំសហជីព ៦រូប
សហព័ន្ធសហជីពអន្តរជាតិ ឬហៅជាភាសាអង់គ្លេសថា International Trade Union Confederation (ITUC) ថ្កោលទោសការកាត់ទោសមេដឹកនាំសហជីព ៦រូប ដោយតុលាការរបបក្រុងភ្នំពេញ កាលពីថ្ងៃទី១១ ធ្នូ។
-
អ្នកមានជម្លោះដីធ្លីរំពឹងថា លោក ជា សុផារ៉ា អាចពន្លឿនដោះស្រាយបញ្ហានេះជូនពួកគេ
របបក្រុងភ្នំពេញសម្រេច បង្កើតសមាសភាពថ្មី១ក្រុមទៀត នៃអាជ្ញាធរជាតិដោះស្រាយបញ្ហាដីធ្លី ដោយតែងតាំង លោក ជា សុផារ៉ា ធ្វើជាប្រធាននៃស្ថាប័នរដ្ឋមួយនេះ បន្ថែមលើមុខតំណែងសព្វថ្ងៃ ជារដ្ឋមន្ត្រីក្រសួងដែនដី។ ពលរដ្ឋមានជម្លោះដីធ្លីរំពឹងថា ការតែងតាំងមុខតំណែងថ្មីឲ្យលោក ជា សុផារ៉ា នៅពេលបច្ចុប្បន្ននេះ អាចនឹងពន្លឿនដោះស្រាយដីធ្លីជូនពលរដ្ឋកាន់តែឆាប់រហ័ស និងមានប្រសិទ្ធភាព។
-
មេភូមិម្នាក់នៅកំពង់ស្ពឺដែលចែកដីព្រៃឲ្យពលរដ្ឋរងការប្ដឹងផ្ដល់ទៅតុលាការ
ប្រជាពលរដ្ឋ និងអាជ្ញាធរមូលដ្ឋាន រស់នៅឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ តវ៉ាប្រឆាំង នាយកដែនជម្រកសត្វព្រៃភ្នំឱរ៉ាល់ ដែលប្ដឹងមេភូមិម្នាក់ទៅតុលាការខេត្ត ពីបទកាប់រានដីព្រៃនៅជិត តំបន់ទេរទឹកពុះ។ ពលរដ្ឋ និងអាជ្ញាធរមូលដ្ឋាន អះអាងថា មេភូមិមិនបានកាប់ឆ្ការដីព្រៃ ដើម្បីកាន់កាប់ខ្លួនឯងនោះទេ គឺគាត់គ្រាន់តែចូលរួមចែកដីដែលនៅសេសសល់ពីដីសម្បទានសេដ្ឋកិច្ចជូនប្រជាពលរដ្ឋប៉ុណ្ណោះ។
-
អាជ្ញាធរមូលដ្ឋានបន្តគំរាមកំហែងមន្ត្រីបក្សប្រឆាំងនៅមូលដ្ឋានមិនឲ្យអនុវត្តសិទ្ធិនយោបាយ
អាជ្ញាធររបបលោក ហ៊ុន សែន នៅមូលដ្ឋាន នៅតែបន្តធ្វើទុក្ខបុកម្នេញមន្ត្រី និងសកម្មជនគណបក្សសង្គ្រោះជាតិ ដោយគំរាមកំហែងពួកគាត់ មិនឲ្យអនុវត្តសិទ្ធិនយោបាយ ដែលមានចែងក្នុងរដ្ឋធម្មនុញ្ញ។ មន្ត្រីគណបក្សសង្គ្រោះជាតិ ចាត់ទុកទង្វើបែបនេះ ថាជាការបង្ហាញឲ្យឃើញកាន់តែច្បាស់ អំពីចរិតនៃមន្ត្រី ដែលគ្រប់គ្រងដោយមេដឹកនាំផ្ដាច់ការ។
-
អង្គការសង្គមស៊ីវិលពីរកំពុងស្វះស្វែងឲ្យមានការដោះលែងអ្នកបកប្រែឲ្យបណ្តាញព័ត៌មានរុស្ស៊ី RT
ក្រុមអង្គការសង្គមស៊ីវិលចំនួនពីរបានបន្តខិតខំឲ្យមានការដោះលែងលោករ៉ាត់ រ័ត្នមុនី សកម្មជនសិទ្ធិពលករ និងជាអ្នកបកប្រែសម្រួលឲ្យបណ្តាញព័ត៌មាន Russia Today ឬ RT ផលិតខ្សែភាពយន្តឯកសារមួយស្តីពីការជួញដូរផ្លូវភេទនៅប្រទេសកម្ពុជា ដែលបានរងការរិះគន់យ៉ាងខ្លាំងពីក្រុមមន្ត្រីនៃរដ្ឋាភិបាលកម្ពុជា។
-
របបក្រុងភ្នំពេញបញ្ចុះបញ្ចូលអ្នកគាំទ្របក្សប្រឆាំងឲ្យចុះចូលជាមួយបក្សកាន់អំណាច
អាជ្ញាធរខេត្តកណ្ដាលនៃរបបក្រុងភ្នំពេញបានព្យាយាមបញ្ចុះបញ្ចូលសកម្មជនគណបក្សសង្គ្រោះជាតិ ចំនួន១០នាក់អោយគាំទ្ររបបក្រុងភ្នំពេញ បន្ទាប់ពីបានកោះហៅពួកគេមកសាកសួររឿងជួបប្រជុំគ្នាតាមមូលដ្ឋានដើម្បីសំដែងការគាំទ្រលោក សម រង្ស៊ី ជាប្រធានស្តីទីគណបក្សសង្គ្រោះជាតិ។ សមាជិកគាំទ្រគណបក្សសង្គ្រោះជាតិយ៉ាងតិចចំនួន ៨នាក់នៅថ្ងៃព្រហស្បតិ៍ទី២០ ធ្នូ នេះ បានទៅបំភ្លឺតាមការកោះហៅរបស់មន្ត្រីប៉ូលិសឃុំអរិយក្សត្រ ប៉ុន្តែមិនមានសកម្មជនណាម្នាក់ត្រូវបានឃុំខ្លួនទេ។
-
កម្មករចង់ឲ្យក្រុមហ៊ុន H&M ផ្តល់តម្លៃពលកម្មសម្រាប់ជីវភាពសមរម្យ
នៅក្នុងឧស្សាហកម្មកាត់ដេរដែលមិនល្អមានការរំលោភបំពាននិងការកេងប្រវ័ញ្ចកម្លាំងពលកម្មនោះ អ្នកស្រី យឹម ស្រីនាង និងសហការីមានសេចក្តីរីករាយនឹងការងារនៅរោងចក្រកាត់ដេរដែល មានស្ថិរភាព។
-
លោក សម រង្ស៊ី សរសេរលិខិតរៀបរាប់ពីស្ថានការនយោបាយកម្ពុជាបច្ចុប្បន្នប្រាប់តំណាងអឺរ៉ុប
លោកសម រង្ស៊ី ដែលដាក់ងារខ្លួនឯងថា ជាប្រធានស្តីទីអតីតគណបក្សសង្រ្គោះជាតិកាលពីថ្ងៃទី២០ ធ្នូម្សិលមិញនេះ បានសរសេរលិខិតមួយទៅលោកស្រីFederica Mogherini តំណាងជាន់ខ្ពស់នៃសហភាពអឺរ៉ុបទទួលបន្ទុកគោលនយោបាយការបរទេស និងសន្តិសុខ។ លោកសម រង្ស៊ី បានរៀបរាប់ប្រាប់លោកស្រី Mogherini ជាច្រើនពីស្ថានភាពនយោបាយកម្ពុជាបច្ចុប្បន្ន។ លោកសម រង្ស៊ីក៏បានជំរុញឲ្យសហភាពអឺរ៉ុបបន្តគាបសង្កត់មកលើរដ្ឋាភិបាលកម្ពុជា។
-
សម រង្ស៊ី បដិសេធផ្ញើរសារសម្ងាត់ ឲ្យទៅ ហ៊ុន សែន
លោក សម រង្ស៊ី ប្រធានស្ដីទីគណបក្សសង្គ្រោះជាតិ ដែលកំពុងរស់នៅនិរទេសខ្លួន នៅក្នុងក្រៅប្រទេស បានបដិសេធការបង្ហើបឡើង របស់លោក សុខ ឥសាន អ្នកនាំពាក្យគណបក្សប្រជាជនកម្ពុជា ដែលអះអាងថា លោកបានផ្ញើរសារសម្ងាត់មួយ ទៅឲ្យលោក ហ៊ុន សែន។ មេដឹកនាំប្រឆាំង បានចាត់ទុករឿងនេះ ថាជាការប្រឌិតឡើង ទាំងក្ដីអស់សង្ឃឹម ពីសំណាក់គណបក្សកាន់អំណាច នៅកម្ពុជា។
-
វិសោធនកម្មច្បាប់ បើកផ្លូវឱ្យមន្ត្រីសង្គ្រោះជាតិធ្វើនយោបាយវិញ ចូលដល់ព្រឹទ្ធសភាហើយ
នៅថ្ងៃទី២៤ ធ្នូ ឆ្នាំ២០១៨ ខាងមុខនេះ ព្រឹទ្ធសភា នឹងបើកកិច្ចប្រជុំគណៈកម្មាធិការអចិន្ត្រៃយ៍ ដើម្បីពិនិត្យសេចក្តីស្នើច្បាប់ស្តីពី វិសោធនកម្មច្បាប់គណបក្សនយោបាយ ដែលអាចបើកផ្លូវឱ្យអតីតថ្នាក់ដឹកនាំនៃអតីតគណបក្សសង្គ្រោះជាតិ ដែលត្រូវតុលាការហាមឃាត់សិទ្ធិធ្វើនយោបាយ ឱ្យមានសិទ្ធិធ្វើនយោបាយឡើងវិញ។
-
"កម្មករផ្នែកសេវាកម្មរងការកេងប្រវ័ញ្ចពលកម្មខ្លាំងបើគ្មានការកំណត់ប្រាក់ឈ្នួលគោល"
កម្មករផ្នែកសេវាកម្មតាមសណ្ឋាគារ និងភោជនីយដ្ឋានស្វាគមន៍ របបលោក ហ៊ុន សែន ដែលជំរុញឲ្យមានការកំណត់ប្រាក់ឈ្នួលគោលដូចកម្មករក្នុងវិស័យកាត់ដេរ។ សហជីពធ្វើការខាងវិស័យ សេវាកម្ម យល់ថា ការមិនកំណត់ប្រាក់ឈ្នួលគោលនេះ គឺធ្វើឲ្យកម្មករទទួលបានប្រាក់ឈ្នួលទាប និងប្រឈមការកេងប្រវ័ញ្ចកម្លាំងពលកម្ម ដូចជានៅក្នុងក្រុមហ៊ុន ណាហ្គា វើលដ៍ (NAGO World) ជាដើម ទោះបីជា ក្រុមហ៊ុនទទួលបានប្រាក់ចំណូលខ្ពស់រាល់ឆ្នាំក្តី ប៉ុន្តែមិនហ៊ានដំឡើងប្រាក់ឈ្នួលសមរម្យដល់បុគ្គលិកនោះទេ។ កាលពីសប្ដាហ៍មុន លោក ហ៊ុន សែន បានជំរុញឲ្យក្រសួងស្ថាប័ន ពាក់ព័ន្ធរួមគ្នា ពិភាក្សាកំណត់ប្រាក់ឈ្នួលអប្បបរមាក្នុងវិស័យសំណង់ សេវាកម្ម និងវិស័យកសិកម្មជាដើម។
គាំទ្រដោយ
