កំពុងស្វែងរកទិន្នន័យ
រកឃើញ: 13.209
-
អ្នកជំនាញសារព័ត៌មានវាយតម្លៃថា ឆ្នាំ២០១៨ ជាឆ្នាំអាក្រក់មួយសម្រាប់អ្នកកាសែតនៅកម្ពុជា
អ្នកជំនាញសារព័ត៌មានវាយតម្លៃថា ឆ្នាំ២០១៨ ជាឆ្នាំអាក្រក់មួយសម្រាប់អ្នកកាសែតនៅកម្ពុជប់ស្ថានភាពបំពេញវិជ្ជាជីវៈរបស់អ្នកកាសែតនៅកម្ពុជា ដោយសារតែពួកគេត្រូវប្រឈមមុខនឹងការរឹតត្បិតសិទ្ធិសេរីភាពខ្លាំង ការធ្វើទុក្ខបុកម្នេញ និងការរើសអើងគ្រប់បែបយ៉ាងពីសំណាក់អាជ្ញាធររបបក្រុងភ្នំពេញ។ ការលើកឡើងនេះ ធ្វើឡើងស្របពេលដែលអង្គការអ្នកកាសែតគ្មានព្រំដែន Reporters Without Borders (RSF) ទើបបានចេញរបាយការណ៍បូកសរុបមួយ អំពីស្ថានភាពអំពើហិង្សា និងការរំលោភបំពានប្រឆាំងនឹងអ្នកកាសែតនៅជុំវិញពិភពលោក ដែលបង្ហាញថា អ្នកធ្វើការក្នុងវិស័យព័ត៌មាន កំពុងប្រឈមនឹងអរិភាពប្រឆាំងនឹងពួកគេក្នុងកម្រិតមួយមិនធ្លាប់មានពីមុនមក។
-
ជាតិប៉ូលិសនៅត្បូងឃ្មុំ ដែលរារាំងមន្ត្រី មិនឲ្យបង្ក្រាបបទល្មើសព្រៃឈើ ត្រូវបញ្ជូនទៅតុលាការ
លោក យ៉ា សុផល នាយរងប៉ុស្តិ៍ស្អំ ក្នុងខេត្តត្បូងឃ្មុំ ត្រូវបានសមត្ថកិច្ចបញ្ជូនទៅ អយ្យការអមសាលាដំបូងខេត្តត្បូងឃ្មុំ នារសៀលថ្ងៃទី១៨ ខែធ្នូ ឆ្នាំ២០១៨នេះ ពីបទប្រមាថ និងបង្កហិង្សាទៅលើក្រុមសមត្ថកិច្ចចម្រុះ ខណៈក្រុមសមត្ថកិច្ចទាំងនោះ ចុះប្រតិបត្តិការបង្ក្រាបបទល្មើសព្រៃឈើ កាលពីយប់ថ្ងៃទី ១៥ ខែធ្នូ។ អំពើហិង្សានោះ បានបណ្ដាលឲ្យមានជនរងគ្រោះម្នាក់។
-
ស្ថានទូតរុស្សីមិនទទួលយកញត្តិសុំអន្តរាគមន៍ពីគ្រួសារលោក រត្នមុនី
គ្រួសារលោក រ៉ាត់ រត្នមុនី សម្តែងការខកចិត្តនឹងស្ថានទូតរុស្សីនៅក្រុងភ្នំពេញ ដែលមិនទទួលយកញត្តិសុំអន្តរាគមន៍របស់ពួកគាត់ នៅថ្ងៃទី ១៨ ធ្នូ។ គ្រួសារលោក រត្នមុនី និងសកម្មជនមួយចំនួនទៀត បានព្យាយាមដាក់ញត្តិទៅស្ថានទូតរុស្សី ដើម្បីសុំឱ្យប្រទេសមហាអំណាចមួយនេះជួយអន្តរគមន៍ឱ្យមានការដោះលែង លោក រត្នមុនី ដែលជាអ្នកជួយផលិតវីដេអូឯកសារជួញដូរផ្លូវភេទនៅកម្ពុជា ឱ្យសារព័ត៌មាន RT (Russia Today) របស់រុស្សី។
-
មន្ត្រីរដ្ឋសភា៖កម្ពុជាសង្ឃឹមថា វិសោធនកម្មច្បាប់ស្ដីពីគណបក្សនយោបាយ EUនឹងពិចារណាករណី EBAឡើងវិញ
កម្ពុជាមានសង្ឃឹមយ៉ាងមុតមាំថា ការវិសោធនកម្មច្បាប់ស្ដីពីគណបក្សនយោបាយ លើមាត្រា ៤៥ ថ្មីស្ទួននេះ នឹងធ្វើឱ្យសហគមន៍អឺរ៉ុបអាចទទួលយកបាន។ ដោយឡែក ប្រតិភូសភាបារាំងថា ការវិសោធនកម្មច្បាប់នេះពីស្ថាប័នជាន់ខ្ពស់កម្ពុជា គឺកម្ពុជាដើរផ្លូវត្រូវហើយ។ នេះ គឺថ្លែងរបស់លោក ឈាង វុន មន្ត្រីជាន់ខ្ពស់រដ្ឋសភាកម្ពុជា។ អ្នកវិភាគនយោបាយថា វិសោធនកម្មច្បាប់នេះ មិនអាចជាដំណោះស្រាយគ្រប់គ្រាន់នោះទេ ស្របពេលលោក សម រង្ស៊ី អំពាវនាវកុំឱ្យមានការទទួលស្គាល់នូវដំណោះស្រាយមួយជ្រុងតូចនេះ។
-
លោកប៉ុល ហំម ថាលោកកំពុងមានបញ្ហាសុខភាព មិនបានគិតគូរពីនយោបាយទេ
ក្នុងបរិបទដែលកំពុងតែចម្រូងចម្រាស ដែលមើលពីខាងក្រៅ សឹងតែចាត់ទុកថាជាសង្គ្រាមផ្ទៃក្នុង របស់គណបក្សសង្គ្រោះជាតិ រវាងអ្នកនិយមលោកសម រង្ស៊ី និងអ្នកនិយមលោកកឹម សុខា ដែលចេញមកវាយប្រហារ លាបពណ៌គ្នា យ៉ាងចាស់ដៃ រហូតដល់មជ្ឈដ្ឋានអ្នកតាមដានខ្លះទស្សន៍ទាយថា កម្លាំងធំនៃផ្ទៃក្នុងគណបក្សនេះ នឹងបាក់បែកខ្ទេចខ្ទាំ ជាក់ជាពុំខាន។
-
អង្គការឃ្លាំមើលសិទ្ធិមនុស្ស រិះគន់តារាបាល់ទាត់ជប៉ុន ដែលធ្វើការជាមួយមន្រ្តីបាតដៃប្រឡាក់ឈាមខ្មែរ
អង្គការឃ្លាំមើលសិទ្ធិមនុស្សអន្តរជាតិ Human Rights Watch រិះគន់តារាបាល់ទាត់លំដាប់ពិភពលោករបស់ជប៉ុន ដែលបានយល់ព្រមធ្វើជាគ្រូបង្វឹកបាល់ទាត់ ឲ្យកីឡាករជម្រើសជាតិកម្ពុជា ស្ថិតក្រោមការគ្រប់គ្រងរបស់ឧត្តមសេនីយ សៅ សុខា។ អង្គការនេះ សម្តែងក្តីតក់ស្លុត ដែលតារាបាល់ទាត់ជប៉ុនរូបនេះ បានថតរូប និងធ្វើការជាមួយលោក សៅ សុខា ដោយហេតុថា លោក សៅ សុខា ជាប់ឈ្មោះជានាយឧត្តមសេនីយមានបាតដៃប្រឡាក់ឈាម ដោយសារតែបានជាប់ពាក់ព័ន្ធនឹងអំពើសម្លាប់មនុស្សរាប់មិនអស់ និងឧក្រិដ្ឋកម្មសង្គ្រាមនៅកម្ពុជា។
-
វិភាគ៖ ច្បាប់បើកផ្លូវឲ្យគណបក្សប្រឆាំងធ្វើនយោយឡើងវិញ ជាសញ្ញាបង្រួបបង្រួមជាតិឬ?
សភាឯកបក្សរបស់បក្សកាន់អំណាច បានអនុម័តសេចក្តីស្នើច្បាប់គណបក្សនយោបាយកាលពីចុងសប្តាហ៍មុន ដើម្បីបើកផ្លូវឲ្យមន្ត្រីគណបក្សសង្គ្រោះជាតិ១១៨រូប ដែលតុលាការបានហាមឃាត់នោះ អាចធ្វើនយោបាយឡើងវិញបាន បើមានការលើកលែងទោសពីព្រះមហាក្សត្រ។
-
លោកគង់ គាំ ចំអកលោកសម រង្ស៊ី ថាកំពុងផុងខ្លួន និងបរាជ័យបើប្រើតួនាទីប្រធានស្តីទី CNRP
អតីតឧត្តមក្រុមប្រឹក្សាគណបក្សសង្គ្រោះជាតិលោក គង់ គាំ បានអះអាងថាលោកសម រង្ស៊ី បានកំពុងផុង និងបរាជ័យប្រសិនប្រើប្រាស់តួនាទីប្រធានស្តីទីគណបក្សសង្គ្រោះជាតិ (CNRP) នោះ ។
-
សហគមន៍ខេត្តព្រះវិហារថា ក្រុមហ៊ុនចិន និងវៀតណាមពុះចែកតំបន់ភ្នំលុង និងរំលោភយកដីពលរដ្ឋ ពង្រីកផ្ទៃដីធ្វើអាជីវកម្មរ៉ែមាស
ជនជាតិដើមភាគតិចព្នងរស់នៅឃុំរម្យទម ស្រុករវៀងខេត្តព្រះវិហារអះអាងថា ក្រុមហ៊ុន ឌែលខម កម្ពុជា (Delcom Cambodia) ក្រុមហ៊ុនវៀតណាម និងក្រុមហ៊ុនចិនជាច្រើនទៀត ដែលពួកគេមិនស្គាល់ឈ្មោះ បានហ៊ុមព័ទ្ធតំបន់ភ្នំលុង ធ្វើអាជីវកម្មរ៉ែមាសជាយូរមកហើយ ពុំមានអាជ្ញាធរណាប្រកាសបង្ហាញអាជ្ញាប័ណ្ណដែលផ្តល់សិទ្ធិអនុញ្ញាតឲ្យក្រុមហ៊ុននោះទេ។ អ្នកស្រុកថា ក្រុមហ៊ុន ឌែល ខម កម្ពុជា បានរំលោភដីស្រែចម្ការអ្នកភូមិចំនួន ៦៦គ្រួសារ ដើម្បីពង្រីកផ្ទៃដីធ្វើអាជីវកម្មរ៉ែមាស រហូតមកទល់ពេលនេះពួកគាត់បានទាមទារដីរបស់ខ្លួនមកវិញ តែគ្មានលទ្ធផល។
-
ភរិយាលោក រ៉ាត់ រដ្ឋមុនី អំពាវនាវឲ្យទូតរុស្ស៊ីជួយអន្តរាគមន៍ដោះលែងប្តី
នៅព្រឹកនេះ ភរិយារបស់លោក រ៉ាត់ រដ្ឋមុនី រួមជាមួយអ្នកគាំទ្រលោកប្រមាណជាង១០នាក់បានប្រមូលផ្តុំគ្នាធ្វើបាតុកម្មនៅមុខស្ថានទូតរុស្ស៊ីក្រុងភ្នំពេញ ដើម្បីអំពាវនាវតាមរយៈញត្តិឲ្យស្ថានទូតរុស្ស៊ីជួយអន្តរាគមន៍ឲ្យអាជ្ញាធរខ្មែរដោះលែងលោក រ៉ាត់ រដ្ឋមុនី ដែលកំពុងជាប់ឃុំ។ លោក រ៉ាត់ រដ្ឋមុនី ដែលបានចូលរួមផលិតភាពយន្តឯកសារស្តីពីការលក់កូនស្រីជាមួយទូរទស្សន៍រុស្ស៊ី RT ត្រូវបានតុលាការចោទប្រកាន់ពីបទញុះញង់ឲ្យមានការរើសអើង។ ក្រុមអ្នកតវ៉ានៅមុខស្ថានទូតបញ្ជាក់ថានឹងឈប់តវ៉ា នៅពេលស្ថានទូតទទួលយកញត្តិ។
-
សម្ដេច ហេង សំរិន៖ CPP ត្រូវប្រុងប្រយ័ត្នខ្ពស់លើការសម្រេចចិត្តខាងនយោបាយ
សម្តេច ហេង សំរិន ប្រធានកិត្តិយសគណបក្សប្រជាជនកម្ពុជា (CPP) បានបញ្ជាក់ថា ប៉ុន្មានឆ្នាំចុងក្រោយនេះ សភាពការណ៍ក្នុងប្រទេស និងសភាពការណ៍អន្តរជាតិមានការវិវត្តប្រែប្រួលយ៉ាងឆាប់រហ័ស និងស្មុគស្មាញ ដែលទាមទារឲ្យ CPP ត្រូវតាមដាន និងធ្វើការសម្រេចចិត្តខាងនយោបាយដោយប្រុងប្រយ័ត្នបំផុត ដើម្បីរក្សាការពារបាននូវដំណើរសុខសន្តិភាព ស្ថិរភាព ប្រជាធិបតេយ្យ បូរណភាពទឹកដី អធិបតេយ្យ ឯករាជ្យជាតិ និងការអភិវឌ្ឍសេដ្ឋកិច្ចសង្គមនៅកម្ពុជា។
-
ក្រុមគ្រួសារសហជីពពាក់ព័ន្ធករណីផលិតវីដេអូ«ម្តាយខ្ញុំលក់ខ្ញុំ»សុំអន្តរាគមន៍ពីទូតរុស្សី
ភរិយាលោក រ៉ាត់ រត្នមុនី និងសកម្មជនដីធ្លីក្នុងរាជធានីភ្នំពេញមួយចំនួននៅព្រឹកថ្ងៃ ១៨ ខែ ធ្នូ ឆ្នាំ ២០១៨ នេះ បានប្រមូលផ្តុំគ្នាដាក់ញាត្តិទាមទារឱ្យស្ថានទូតរុស្សីអន្តរាគមន៍ ឱ្យដោះលែងប្តីរបស់ខ្លួន បន្ទាប់ពីតុលាការរាជធានីភ្នំពេញឃុំខ្លួនបណ្តោះអាសន្ន ពីបទញុះញង់ឲ្យមានការរើសអើង ក្រោយជាប់ពាក់ព័ន្ធក្នុងករណីផលិតខ្សែវីដេអូរឿង«មា្តយខ្ញុំលក់ខ្ញុំ»។
-
រដ្ឋាភិបាលអារ៉ាប់រួម ស្នើឲ្យមានពលករខ្មែរ ទៅធ្វើការនៅទីនោះ
រដ្ឋលេខាធិការក្រសួងមហាផ្ទៃ និងជាអនុប្រធាន អចិន្ដ្រៃយ៍ នៃគណៈកម្មការជាតិ ប្រយុទ្ធប្រឆាំងអំពើជួញដូរមនុស្ស លោកស្រី ជូ ប៊ុនអេង បញ្ជាក់ថា ប្រទេសអារ៉ាប់រួម (The United Arab Emirates ) មានបំណងចង់ឲ្យមានពលករខ្មែរ ទៅធ្វើការងារនៅប្រទេសរបស់ពួកគេ។ លោកស្រីបញ្ជាក់ថា ប្រទេសប្រទេសអារ៉ាប់រួម បានស្នើសុំជួបក្រសួងការងារដើម្បីពិភាក្សាលើកិច្ចការនេះ នៅក្នុងពេលឆាប់ៗ។
-
អ្នកបកប្រែភាពយន្តឯកសារ«ម្តាយខ្ញុំលក់ខ្ញុំ»ត្រូវចោទពីបទ«ញុះញង់ឱ្យមានការរើសអើង»
អ្នកស្រី ឡុង គឹមហ៊ាង ដែលជាភរិយារបស់លោក រ៉ាត់ រត្នមុនី បានប្រាប់ VOA នៅថ្ងៃច័ន្ទ នេះថា តុលាការក្រុងភ្នំពេញ បានសម្រេចចោទប្រកាន់ស្វាមីអ្នកស្រីថាបានប្រព្រឹត្តអំពើញុះញង់នាំឱ្យមានការរើសអើង។ យ៉ាងណាក៏ដោយ អ្នកស្រីបានបញ្ជាក់ឲ្យដឹងទៀតថា ស្ថានភាពផ្លូវចិត្តស្វាមីអ្នកស្រីពេលនេះ មានភាពប្រសើរជាងពីពេលមុន។
-
សម រង្ស៊ី អះអាងនឹងត្រឡប់ចូលស្រុកវិញ ក្នុងពេលដ៏ខ្លីខាងមុខ
បន្ទាប់ពីប្រកាសដោយខ្លួនលោក ជាច្រើនដង ជុំវិញថ្ងៃវិលត្រឡប់ចូលស្រុកវិញ ក្នុងពេលកន្លងមកនោះ នៅចុងសប្ដាហ៍កន្លងមកនេះ ប្រធានស្ដីទីគណបក្សសង្គ្រោះជាតិ លោក សម រង្ស៊ី បានអះអាងជាថ្មីទៀត ថាលោកនឹងវិលត្រឡប់ ចូលប្រទេសកម្ពុជាវិញ នៅក្នុងពេលដ៏ខ្លី ខាងមុខ។ មេដឹកនាំប្រឆាំងរូបនេះ មិនបានបញ្ជាក់ អំពីកាលបរិច្ឆេទទេថា ការវិលត្រឡប់ចូលស្រុកវិញនោះ នឹងត្រូវធ្វើនៅថ្ងៃណានៅឡើយ។
-
កាយភ្នំអស់ជាងពាក់កណ្តាល ទើបអាជ្ញាធរស្ទុះក្រោកទៅដេញ
បន្ទាប់ពីប្រជាពលរដ្ឋរិះគន់ខ្លាំងៗទៅលើអាជ្ញាធរ ដែលបណ្តែតបណ្តោយឱ្យក្រុមឈ្មួញយកគ្រឿងចក្រទៅជីកកកាយដីភ្នំស្ទើរខ្ទេចខ្ទីអស់ ដឹកលក់ធ្វើអាជីវកម្ម ទើបក្រោយមកកម្លាំងសមត្ថកិច្ចនគរបាលប៉ុស្តិ៍ឃុំស្ទឹងត្រង់ សហការជាមួយក្រុមប្រឹក្សាឃុំស្ទឹងត្រង់ ចុះទៅណែនាំហាមឃាត់ និងបញ្ឈប់ការធ្វើសកម្មភាពជីកកកាយដីភ្នំមួយកន្លែង ។
-
លោក សម រង្ស៊ី អះអាងថា ក្បាលម៉ាស៊ីន CNRP ច្បាស់លាស់ងាយស្រួលចរចាជាមួយសហគមន៍អន្ដរជាតិ
ប្រធានចលនាសង្គ្រោះជាតិ លោក សម រង្ស៊ី អះអាងថា ឯកភាពផ្ទៃក្នុងបក្ស និងការរៀបចំក្បាលម៉ាស៊ីនដឹកនាំច្បាស់លាស់ នឹងជួយឲ្យគណបក្សសង្គ្រោះជាតិងាយស្រួលក្នុងការចរចាជាមួយសហគមន៍អន្ដរជាតិ ដើម្បីបន្ថែមសម្ពាធមកលើរដ្ឋាភិបាលដឹកនាំដោយបក្សកាន់អំណាចនាពេលសព្វថ្ងៃ។
-
គ្រូពេទ្យជនជាតិអង់គ្លេសម្នាក់ជាប់ចោទពីបទរួមភេទជាមួយក្មេងស្រីមិនទាន់គ្រប់អាយុ
សាលាដំបូងរាជធានីភ្នំពេញបានផ្ដន្ទាទោសបុរសវ័យចំណាស់ និងជាវេជ្ជបណ្ឌិតជនជាតិអង់គេ្លសម្នាក់ ឲ្យជាប់ពន្ធនាគារ៥ឆ្នាំករណីរួមភេទនឹងកុមារីចាប់ពីអាយុ ៩ និង ១៣ឆ្នាំ។ លោក ខ្លីវ ក្រេស៊ី (Clive Cressy) អាយុ៧០ឆ្នាំ ធ្លាប់បង្រៀនភាសាអង់គ្លេសនៅកម្ពុជា ត្រូវបានអាជ្ញាធរកម្ពុជាចាប់ខ្លួននៅក្នុងផ្ទះជួលរបស់លោក ជាមួយប្រពន្ធជនជាតិវៀតណាម ដែលបានទាក់ទងក្មេងស្រីវៀតណាម មិនទាន់គ្រប់អាយុមកអោយរួមភេទជាមួយប្ដីរបស់ខ្លួន ។ តុលាការរកឃើញថា លោក ខ្លីវ ក្រេស៊ី បានចំណាយប្រាក់រហូតដល់ ៣ពាន់ដុល្លារ ដល់ជនរងគ្រោះក្នុងការរួមភេទនៅពេលលោកមានចំណង់។ ជនរងគ្រោះជាកុមារទាំងនោះ ត្រូវបានបុរសរូបនេះនិងភរិយាយកមករស់នៅផ្ទះជាមួយ មុនពេលពួកគេត្រូវបានរំលោភផ្លូវភេទ។ លោក ខ្លីវ ក្រេស៊ី នឹងត្រូវបណ្ដេញពីកម្ពុជាក្រោយពេលចេញពីពន្ធនាគារ។
-
កាសែតខេមបូឌាដេលីបើកវេទិកាលើកដំបូងរបស់ខ្លួន បន្ទាប់ពីបដិសេធវិលមកកម្ពុជាវិញ
កាសែត The Cambodia Daily ប្រកាសថាខ្លួននឹងបើកវេទិកាមួយសម្រាប់សំឡេងឯករាជ្យនិយាយអំពីបញ្ហាផ្សេងៗទាក់ទងនឹងប្រទេសកម្ពុជា។ វេទិកាលើកដំបូងពីក្រៅប្រទេសរបស់កាសែតពីរភាសានេះ នឹងធ្វើនៅថ្ងៃចន្ទ ស្អែកនេះ វេលាម៉ោង ៩:៣០ នាទីយប់ម៉ោងនៅកម្ពុជា បន្ទាប់ពីម្ចាស់កាសែតមួយនេះអះអាងថានឹងមិនត្រឡប់មកកម្ពុជាវិញជាដាច់ខាត ដរាបណាច្បាប់របស់កម្ពុជាមិនទាន់រឹងមាំ។
គាំទ្រដោយ
