បញ្ជីពត៍មានគេហទំព័រសិទ្ធិ

កំពុងស្វែងរកទិន្នន័យ

រកឃើញ: 13.209

៣ តុលា ២០១៨
របបភ្នំពេញត្រៀមលើកលែងទោសទ្រង់ទ្រាយធំ ក្នុងឱកាសភ្ជុំបិណ្ឌ តាមបញ្ជាលោក ហ៊ុន សែន

មន្ត្រីជាន់ខ្ពស់គណបក្សប្រឆាំងនៅតែទទូចឲ្យរបបក្រុងភ្នំពេញ ដោះលែងអ្នកទោសនយោបាយនៅ តាមមូលដ្ឋាន ក្រោយមានព័ត៌មានរបបក្រុងភ្នំពេញត្រៀមលើកលែងទោសឲ្យទណ្ឌិតជាលក្ខណៈ ទ្រង់ទ្រាយធំ ក្នុងឱកាសពិធីបុណ្យភ្ជុំបិណ្ឌ។
៣ តុលា ២០១៨
របបភ្នំពេញត្រៀមលើកលែងទោសទ្រង់ទ្រាយធំ ក្នុងឱកាសភ្ជុំបិណ្ឌ តាមបញ្ជាលោក ហ៊ុន សែន

មន្ត្រីជាន់ខ្ពស់គណបក្សប្រឆាំងនៅតែទទូចឲ្យរបបក្រុងភ្នំពេញ ដោះលែងអ្នកទោសនយោបាយនៅ តាមមូលដ្ឋាន ក្រោយមានព័ត៌មានរបបក្រុងភ្នំពេញត្រៀមលើកលែងទោសឲ្យទណ្ឌិតជាលក្ខណៈ ទ្រង់ទ្រាយធំ ក្នុងឱកាសពិធីបុណ្យភ្ជុំបិណ្ឌ។
៣ តុលា ២០១៨
CCHR៖ តំបន់សេដ្ឋកិច្ចពិសេសមានផលវិជ្ជមាន តែប៉ះពាល់ធ្ងន់ធ្ងរដល់សិទ្ធិសហគមន៍មូលដ្ឋាន

អង្គការសិទ្ធិមនុស្សក្នុងស្រុកមួយ បានកត់សម្គាល់ថា តំបន់សេដ្ឋកិច្ចពិសេសមានផលវិជ្ជមានក្នុងការអភិវឌ្ឍសេដ្ឋកិច្ច ប៉ុន្តែក៏មានផលប៉ះពាល់ធ្ងន់ធ្ងរផងដែរ ដល់សិទ្ធិសហគមន៍មូលដ្ឋាន។ នេះគឺជាការលើកឡើងនៅក្នុងសលាកប័ត្រព័ត៌មានរបស់មជ្ឈមណ្ឌលសិទ្ធិមនុស្សកម្ពុជា ប្រចាំខែកញ្ញាឆ្នាំ២០១៨។ ការចេញផ្សាយរបាយការណ៍នេះ ធ្វើឡើងស្របពេលដែលសហគមន៍ជាច្រើនបាននិងកំពុងតែរៀបចំទិវាសិទ្ធិលំនៅឋានពិភពលោក។
២ តុលា ២០១៨
បុរសម្នាក់ទៀតត្រូវចាប់ខ្លួនដោយរងការចោទថាជាមេខ្លោងជួញដូរអាវុធផ្ដួលរំលំរបបភ្នំពេញ

សមត្ថកិច្ចរបបក្រុងភ្នំពេញ នៅថ្ងៃទី២ ខែតុលា បានចាប់ខ្លួន បុរសម្នាក់ នៅក្នុងខេត្តព្រះវិហារ ដែលរបបក្រុងភ្នំពេញបានចោទប្រកាន់ថា ជាមេខ្លោងក្រុមជួញដូរអាវុធខុសច្បាប់ ប៉ុនប៉ងផ្ដួលរំលំរបបក្រុងភ្នំពេញ បង្កអសន្តិសុខ និងប្រព្រឹត្តបទល្មើសផ្សេងៗ។
២ តុលា ២០១៨
អង្គការមួយសង្ស័យកម្ពុជាពាក់ព័ន្ធឧក្រិដ្ឋកម្មហិរញ្ញវត្ថុទាក់ទងនឹងការទិញមាសជាច្រើនតោនពីសឹង្ហបុរី

អង្គការចលនាមាតាធម្មជាតិបានរកឃើញថាកម្ពុជាបានទិញមាសពីប្រទេសសឹង្ហបុរីជាច្រើនតោនក្នុងរយៈពេល៥ឆ្នាំចុងក្រោយ ខណៈដែលទិន្នន័យគយកម្ពុជាពុំបានបង្ហាញច្បាស់លាស់ពីការទិញនេះទេ ដែលធ្វើឲ្យស្ថាប័ននេះដាក់ការសង្ស័យថាកម្ពុជាកំពុងជាប់ពាក់ព័ន្ធនឹងឧក្រិដ្ឋកម្មហិរញ្ញវត្ថុ។
២ តុលា ២០១៨
សហគមន៍អូរខ្សាច់រងការផ្ដន្ទាទោសដាក់ពន្ធនាគារម្នាក់១ឆ្នាំនិងពិន័យ២០លានរៀល

តុលាការខេត្តព្រះសីហនុនៅថ្ងៃពុធទី៣ តុលានេះ បានប្រកាសសាលក្រមដាក់ពន្ធនាគារ ប្រជាសហគមន៍អូរខ្សាច់បួននាក់ ឲ្យជាប់ពន្ធនាគាររយៈពេលមួយឆ្នាំ និងត្រូវពិន័យជាប្រាក់ចំនួន ២០លានរៀល ពាក់ព័ន្ធករណីជម្លោះដីធ្លី។ មេធាវីការពារក្តី មន្ដ្រីសង្គមស៊ីវិលនិងពលរដ្ឋមានបញ្ហាដីធ្លីថាការសម្រេចរបស់តុលាការគឺជារឿងអយុត្តិធម៌ ហើយពួកគាត់បានស្រែកទាមទាររកយុត្តិធម៌នៅមុខតុលាការ។
២ តុលា ២០១៨
សាលារាជធានីហាមសមាគមគ្រូបង្រៀនយកទិវាគ្រូបង្រៀនពិភពលោកមកវាយប្រហាររដ្ឋាភិបាល

សាលារាជធានីភ្នំពេញ ហាមទុកជាមុនមិនឲ្យសមាគមគ្រូបង្រៀនកម្ពុជាឯករាជ្យយកវេទិកាគ្រូបង្រៀនពិភពលោកមកវាយប្រហាររដ្ឋាភិបាល មន្រ្តីជាន់ខ្ពស់ណាម្នាក់ និងព្រះមហាក្សត្រនោះទេ។
២ តុលា ២០១៨
តុលាការសម្រេចឃុំខ្លួន ជនជាប់ចោទចំនួន ៨ នាក់ពីបទលាក់ទុកអាវុធខុសច្បាប់

សាលាដំបូងរាជធានីភ្នំពេញ សម្រេចចោទប្រកាន់ជនសង្ស័យចំនួន ៨ នាក់ ពីបទរៀបចំចាត់តាំងក្រុមជនប្រដាប់អាវុធ សន្និធិអាវុធនិងរឿងផ្ទុះដោយគ្មានការអនុញ្ញាតិ និងពីបទ ចូលរួមក្នុងក្រុមជនប្រដាប់អាវុធ តាមមាត្រា៤៨៥ មាត្រា ៤៨៦ និងមាត្រា៤៨៨ នៃក្រមព្រហ្មទណ្ឌ ។ នេះ បើយោងតាម អ្នកនាំពាក្យសាលាដំបូងរាជធានីភ្នំពេញ លោក លី សុផាណា ដែលបានប្រាប់វី.អូ.ឌីតាមប្រព័ន្ធតេឡេក្រាម នៅថ្ងៃទី ២ កញ្ញានេះ។
២ តុលា ២០១៨
ប្រធានចលនារណសិរ្សរំដោះជាតិខ្មែរចោទអាជ្ញាធរកម្ពុជា ថាប្រើល្បិចទុច្ចរិតធ្វើបាបពួកគាត់

ប្រធានចលនារណសិរ្សរំដោះជាតិខ្មែរ លោក សម សេរី ប្រាប់អាស៊ីសេរីនៅថ្ងៃទី២ ខែតុលា នេះ ថាអាជ្ញាធរកម្ពុជា ប្រើល្បិចកលទុច្ចរិត បង្ខូចកេរ្តិ៍ឈ្មោះសមាជិក និងចលនារបស់ពួកគាត់។ លោកបញ្ជាក់ថា អាជ្ញាធររបបលោក ហ៊ុន សែន តែងតែបង្កើតព្រឹត្តិការណ៍ធ្វើទុក្ខបុកម្នេញពួកគាត់ ក្រោយគាត់ជួបមន្ត្រីជាន់ខ្ពស់អង្គការសហប្រជាជាតិផ្នែកសិទ្ធិមនុស្ស។ លោក សម សេរី អះអាងថា ការណ៍ដែលរបបលោក ហ៊ុន សែន រករឿងពួកគាត់ គឺដោយសារ តែលោកទើបបានជួបអ្នករាយការណ៍ពិសេសរបស់អង្គការសហប្រជាជាតិ ទទួលបន្ទុកសិទ្ធិមនុស្សនៅកម្ពុជា គឺអ្នកស្រី រ៉ូណា ស្មីត (Rhona Smith) កាលពីសប្ដាហ៍មុន។
២ តុលា ២០១៨
ទណ្ឌិតជាង៣០០នាក់ស្ថិតក្នុងគម្រោងលើកលែងទោសក្នុងពិធីបុណ្យជាតិធំៗ

ញូវយ៉ក — ក្នុងពិធីសំណះសំណាលជាមួយពលរដ្ឋខ្មែររស់នៅក្នុងសហរដ្ឋអាមេរិក និងប្រទេស កាណាដា ជាង២០០០នាក់ នៅបុរីញូវយ៉កកាលពីសប្តាហ៍មុន លោក ហ៊ុន សែនគ្រោងស្នើឲ្យមានការលើកលែងទោសដល់ទណ្ឌិតជាច្រើន ក្នុងពេលបុណ្យជាតិធំៗ បីជាបន្តបន្ទាប់ខាងមុខ។
២ តុលា ២០១៨
អ្នកភូមិនៅក្រចេះថាអាជ្ញាធរដាក់កម្លាំងរុះរើផ្ទះពួកគេជាង១០គ្រួសារ តែអាជ្ញាធរថារុះរើតែ៣គ្រួសារប៉ុណ្ណោះ

ពលរដ្ឋអះអាងថា អាជ្ញាធរស្រុកស្នួល ខេត្តក្រចេះនៅថ្ងៃនេះ បានដាក់កម្លាំងចុះរុះរើផ្ទះ និងឈួសឆាយដំណាំប្រជាពលរដ្ឋជាង១០គ្រួសារនៅភូមិភូមិស្រែនាម ឃុំឃ្សឹម ដោយចោទពលរដ្ឋទាំងនោះថា រស់នៅរំលោភលើដីសង្គមកិច្ចរបស់រដ្ឋ។
២ តុលា ២០១៨
ផលិតករវីដេអូប្លុកមានបំណងលើកកម្ពស់សិទ្ធិស្រ្តីនៅកម្ពុជា

វ៉ាស៊ីនតោន - Catherine Harry មានអាយុ២៣ឆ្នាំ។ នាងមានអ្នកតាមដានតាមFacebook ចំនួន ២៤៣ ០០០ ដែលរកចំណូលបានចន្លោះពី១០០០ដុល្លារអាមេរិក ទៅ២០០០ដុល្លារអាមេរិកក្នុងមួយខែ។ វីដេអូប្លុករបស់នាង មានឈ្មោះថា A Dose of Cath ផ្តោតលើសុខភាពផ្លូវភេទ និងសុខភាពបន្តពូជ។ Catherine Harry មិនខ្វល់ខ្វាយខ្លាំងទេ បើទោះជាមានមនុស្សជាច្រើនមិនយល់ស្របចំពោះការតស៊ូមតិដើម្បីលើកកម្ពស់សិទ្ធិស្រ្តីក៏ដោយ បើនាងគិតថា ប្រធានបទនោះមានសារៈសំខាន់សម្រាប់សង្គម។
២ តុលា ២០១៨
សហគមន៍រងគ្រោះដីធ្លីនៅបន្ទាយមានជ័យប្រារព្ធទិវាសិទ្ធលំនៅឋានពិភពលោកលើកទី៣៣

សហគមន៍ដីធ្លីចំនួន ៣កន្លែងផ្សេងគ្នា នៅខេត្តបន្ទាយមានជ័យសរុបជាង១០០នាក់ នៅព្រឹកថ្ងៃទី១តុលា បានជួបជុំគ្នាប្រារព្ធទិវាសិទ្ធិលំនៅឋានពិភពលោកលើកទី៣៣។ ការប្រារព្ធទិវានេះ ក្នុងគោលបំណងដើម្បីផ្ញើសារទៅអាជ្ញាធរថ្នាក់ជាតិឲ្យជួយការពារកម្មសិទ្ធិដីធ្លី និងជំរុញឲ្យអាជ្ញាធរមូលដ្ឋានពន្លឿនការដោះស្រាយជម្លោះដីធ្លីរបស់ពួកគាត់ឲ្យបានឆាប់។
១ តុលា ២០១៨
មេធាវី និងសាច់ញាតិសង្ឃឹមថា អ្នកសហគមន៍អូរខ្សាច់ដែលជាប់ឃុំទាំង ៤នាក់ឈ្នះក្តី នៅថ្ងៃទី៣ តុលា

មេធាវី និងសាច់ញាតិរបស់សកម្មជនដីធ្លីតំបន់អូរខ្សាច់ ខេត្តព្រះសីហនុ ដែលកំពុងជាប់ឃុំរំពឹងថា ប្រជាសហគមន៍អូរខ្សាច់ទាំងបួននាក់នឹងរួចផុតពីការចោទ ព្រោះពួកគេមានភស្តុតា និងសាក្សីគ្រប់គ្រាន់បញ្ជាក់ថា ពលរដ្ឋជាម្ចាស់លើដីមានជម្លោះ។ ការរំពឹងបែបនេះ ខណៈសាលាដំបូងខេត្តព្រះសីហនុ នឹងបើកសវនាការជំនុំជម្រះក្តីករណីពលរដ្ឋសកម្មជនដីធ្លីអូរខ្សាច់ ៤នាក់លើកទី២ នៅថ្ងៃទី៣ ខែតុលា ឆ្នាំ២០១៨។
១ តុលា ២០១៨
កម្ពុជាបន្ថែមឱកាសលើកលែងទោសដល់ទណ្ឌិត លើការលើកលែងទោសប្រចាំឆ្នាំរបស់ខ្លួន

នៅក្នុងឱកាសនៃពិធីបុណ្យភ្ជុំបិណ្ឌខាងមុខនេះ អ្នកទោសជាង៣០០នាក់ នឹងត្រូវស្នើលើកលែង និងបន្ធូរបន្ថយទោស ដោយផ្អែកលើគោលការណ៍ច្បាប់ និងមនុស្សធម៌។ បញ្ជីឈ្មោះអ្នកទោសទាំងនោះ កំពុងស្ថិតនៅក្នុងដៃរបស់គណៈកម្មការពិនិត្យ មុនដាក់ឲ្យនាយករដ្ឋមន្ត្រីសម្រេច។ ប៉ុន្តែអ្វីជាការកត់សំគាល់ នេះគឺជាការបន្ថែមឱកាសពិសេសថ្មីមួយទៀត លើកម្មវិធីលើកលែងទោសប្រចាំឆ្នាំរបស់កម្ពុជា។
១ តុលា ២០១៨
ក្រុមស្រ្តីបឹងកក់ថា តុលាការកំពូលសម្រេចដោយលំអៀង និងប្រកាន់បក្សពួក ក្នុងរឿងក្ដីអាជ្ញាធរប្រើហិង្សាលើពួកគាត់ឲ្យរងរបួសកាលពីឆ្នាំ២០១៣

តុលាការកំពូលសម្រេច រក្សាសាលដីកាសាលាឧទ្ធរណ៍ទុកជាបាន ក្នុងសំណុំរឿងដែលដើមបណ្ដឹងជាស្ត្រីបឹងកក់២នាក់ ប្ដឹងអាជ្ញាធរខណ្ឌដូនពេញថា បានប្រើហិង្សាមកលើពួកគាត់ឲ្យរងរបួសបែកក្បាលដោយចម្ពាមកៅស៊ូ និងដំបងឈើ នៅក្បែររមណីយដ្ឋានវត្តភ្នំ កាលពីឆ្នាំ២០១៣។ ពួកគាត់ចាត់ទុកការសម្រេចនេះ ជាការប្រកាន់បក្សពួក ដោយមិនបានផ្ដល់យុត្តិធម៌ឲ្យពួកគាត់ ដែលជាជនរងគ្រោះពិតប្រាកដ។ អ្នកឃ្លាំមើលបញ្ហាសិទ្ធិមនុស្ស យល់ថា ការសម្រេចរបស់តុលាការ ក្នុងរឿងនេះ អាចនឹងបង្កឲ្យមានអំពើនិទ្ទណ្ឌភាពឬភាពរួចទោសពៃក្នុងសង្គម កាន់តែច្រើន។
១ តុលា ២០១៨
តុលាការកំពូលបញ្ជូនសំណុំរឿងលោក នី ចរិយា ឲ្យសាលាឧទ្ធរណ៍វិនិច្ឆ័យឡើងវិញ

តុលាការកំពូល នៅថ្ងៃនេះ បានសម្រេចឲ្យសាលាឧទ្ធរណ៍វិនិច្ឆ័យឡើងវិញនូវសំណុំរឿងអតីតមន្ត្រីសមាគមការពារសិទ្ធិមនុស្សអាដហុក ដែលត្រូវបានមន្ត្រីតុលាការខេត្តសៀមរាបពីររូប ប្តឹងពីបទបរិហារកេរ្តិ៍។
៣ កញ្ញា ២០១៨
ក្រុមសិទ្ធិមនុស្សអន្ដរជាតិរិះគន់ UN ថា មានវិធានការទន់ខ្សោយចំពោះបញ្ហាសិទ្ធិមនុស្សនៅកម្ពុជា

ក្រុមសិទ្ធិមនុស្សអន្តរជាតិមួយ បានរិះគន់ក្រុមប្រឹក្សាសិទ្ធិមនុស្សអង្គការសហប្រជាជាតិថា មានវិធានការទន់ខ្សោយចំពោះបញ្ហារំលោភសិទ្ធិមនុស្សនៅកម្ពុជា។
៣ កញ្ញា ២០១៨
ក្រុមបាតុករប្រឆាំងនិងគាំទ្ររបបលោក ហ៊ុន សែន នៅតែប្រឈមមុខដាក់គ្នានៅថ្ងៃទី២

ក្រុមបាតុករពីរផ្សេងគ្នា នៅតែប្រឈមមុខដាក់គ្នាបន្តទៀតនៅថ្ងៃទី២ ដែលម្ខាងធ្វើបាតុករគាំទ្ររបបលោក ហ៊ុន សែន និង ម្ខាងទៀតបាតុកម្មប្រឆាំងលោក ហ៊ុន សែន នៅឯមុខស្នាក់ការអង្គការសហប្រជាជាតិនៅបុរីញូវយ៉ក កាលពីថ្ងៃទី២៩ កញ្ញា។
៣ កញ្ញា ២០១៨
ក្រុមសិទ្ធិមនុស្សនៅអឺរ៉ុបជំរុញអាជ្ញាធរកម្ពុជាឲ្យធ្វើមោឃភាពសាលក្រមប្រឆាំងមន្ត្រីការពារសិទ្ធិមនុស្ស

ក្រុមសិទ្ធិមនុស្សអន្តរជាតិមួយ បានជំរុញទៅអាជ្ញាធរកម្ពុជាឲ្យចាត់ទុកជាមិនបានការនូវសាលក្រមកាត់ទោសមន្ត្រី និងអតីតមន្ត្រីអាដហុក ដោយហៅសេចក្ដីសម្រេចនោះថា អយុត្តិធម៌ សម្រាប់ក្រុមអ្នកការពារសិទ្ធិមនុស្ស។