បញ្ជីពត៍មានគេហទំព័រសិទ្ធិ

កំពុងស្វែងរកទិន្នន័យ

រកឃើញ: 13.090

៣ កក្កដា ២០១៨
ជំទប់ទី១ អតីតបក្សសង្គ្រោះជាតិនៅស្រុកភ្នំព្រឹក កំពុងរត់គេចខ្លួនព្រោះអាជ្ញាធរមូលដ្ឋានតាមធ្វើទុក្ខបុកម្នេញ

ជំទប់ទី១ ជាប់ឆ្នោតគណបក្សសង្គ្រោះជាតិ នៅស្រុកភ្នំព្រឹក ខេត្តបាត់ដំបងម្នាក់ កំពុងរត់គេចខ្លួនរកទីសុវត្ថិភាព ដោយសារតែអាជ្ញាធរមូលដ្ឋានតាមធ្វើទុក្ខបុកម្នេញមិនអាចឲ្យរស់នៅក្នុងភូមិបាន ហើយក៏សម្រេចចិត្តចាកចេញពីផ្ទះចោលគ្រួសារតែម្ដង។ មេឃុំអូររំដួល បដិសេធចំពោះការចោទប្រកាន់នេះ។
៣ កក្កដា ២០១៨
សហភាពអឺរ៉ុបបញ្ជាក់ជំហរថា ការបោះឆ្នោតកម្ពុជាមានបញ្ហាមិនអាចទទួលយកបាន

ប្រតិកម្មប្រឆាំងទៅនឹងលទ្ធផលបោះឆ្នោត ដែលរៀបចំដោយរបបលោក ហ៊ុន សែន កំពុងធ្លាក់ស្រោចជាបន្តទៀត។ ក្នុងពេលជាមួយគ្នា ខាងសហភាពអឺរ៉ុប ក៏បានចេញសេចក្ដីថ្លែងការណ៍នៅមុននេះបន្តិច បញ្ជាក់ជំហរ ថាការបោះឆ្នោតនៅកម្ពុជា មានបញ្ហា ដែលមិនអាចទទួលយកបាន។
៣ កក្កដា ២០១៨
គ.ជ.ប អះអាងថា សន្លឹកឆ្នោតមិនបានការមានជិត ៦០ម៉ឺនសន្លឹក

គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប ឲ្យដឹងថា សន្លឹកឆ្នោតមិនបានការមានចំនួនជិត ៦សែនសន្លឹក ស្មើនឹងជិត ៩ភាគរយ ខណៈសន្លឹកឆ្នោត ដែលត្រូវចាត់ទុកថាបានការ មានជាង ៩១ភាគរយ។ អ្នកវិភាគឯករាជ្យយល់ថា តួលេខចំនួនសន្លឹកឆ្នោតមិនបានការ ដែលចេញដោយ គ.ជ.ប នេះ មិនទាន់ធ្វើឲ្យធ្វើមជ្ឈដ្ឋាននានា ជឿជាក់បានទេ ហើយមនុស្សភាគច្រើនក៏រំពឹងថា ចំនួនសន្លឹកឆ្នោតមិនបានការ អាចមានចំនួនច្រើនជាងអាណត្តិកន្លងមកដែរ ព្រោះគ្មានគណបក្សសង្គ្រោះជាតិចូលរួមប្រកួតប្រជែងការបោះឆ្នោតអាណត្តិទី៦ នេះ។
២៩ កក្កដា ២០១៨
អតីតបក្សប្រឆាំងធ្វើបាតុកម្មនៅក្រៅប្រទេសស្នើអន្ដរជាតិកុំទទួលស្គាល់រដ្ឋាភិបាលកើតក្រោយបោះឆ្នោត

អតីតគណបក្សប្រឆាំងបាន និងកំពុងធ្វើបាតុកម្មទ្រង់ទ្រាយធំនៅតាមបណ្ដាប្រទេសនានា ដោយសុំកុំឲ្យពួកគេទទួលស្គាល់លទ្ធផលនៃការបោះឆ្នោតនៅកម្ពុជា ប៉ុន្ដែ អ្នកនាំពាក្យបក្សកាន់អំណាច និង គ.ជ.ប ហាក់មិនចាប់អារម្មណ៍នឹងការអំពាវនាវនេះនោះទេ។
២៧ កក្កដា ២០១៨
លោក ហ៊ុន សែន ព្រមានថាអ្នកប្រឆាំងនឹងការបោះឆ្នោតជាអ្នកបំផ្លាញជាតិមិនអាចអត់ឱនឲ្យបាន

មេដឹកនាំបក្សកាន់អំណាចអំពាវជាថ្មីទៀត ដល់ពលរដ្ឋមានសិទ្ធិបោះឆ្នោត ឲ្យចេញទៅបោះឆ្នោតទាំងអស់គ្នា នៅថ្ងៃអាទិត្យចុងសប្តាហ៍នេះ ដោយព្រមានថា អ្នកដែលប្រឆាំងការបោះឆ្នោត ជាក្រុមបំផ្លាញជាតិ មិនអាចអត់ឱនឲ្យបាន។
២៧ កក្កដា ២០១៨
ថ្ងៃបិទបញ្ចប់យុទ្ធនាការឃោសនាបោះឆ្នោត៖ គណបក្សនយោបាយបង្អូតកម្លាំងអ្នកគាំទ្រ

ដូចការគ្រោងទុក ថ្ងៃទី២៧ខែកក្កដានេះ គឺថ្ងៃបិទបញ្ចប់នៃយុទ្ធនាការឃោសនាបោះឆ្នោត។ យុទ្ធនាការឃោសនាបោះឆ្នោត ដែលបានចាប់ផ្ដើមតាំងតែពីថ្ងៃទី៧ខែកក្កដាមកម្ល៉េះ។ ជាការកត់សម្គាល់ គណបក្សចំនួន៧ ក្នុងចំណោមគណបក្ស២០ដែលចូលរួមការបោះឆ្នោត បានយករាជធានីភ្នំពេញជាគោលដៅឃោសនាថ្ងៃចុងក្រោយ។ ក្នុងចំណោមគណបក្សទាំង៧ គឺគណបក្សប្រជាជនកម្ពុជាបានបង្អួតកម្លាំងអ្នកគាំទ្រយ៉ាងច្រើនក្រាស់ក្រែលនៅកោះពេជ្រ ខណៈគណបក្សសម្ព័ន្ធដើម្បីប្រជាធិបតេយ្យជ្រើសយកតំបន់ជាយក្រុងបង្ហាញកម្លាំងក៏មិនស្ទើរដែរ។
២៦ កក្កដា ២០១៨
អាមេរិកដាក់ទណ្ឌកម្មក្បាលម៉ាស៊ីនដឹកនាំរបបលោក ហ៊ុន សែន ដែលបំផ្លាញប្រជាធិបតេយ្យ និង សិទ្ធិមនុស្សធ្ងន់ធ្ងរ

សភាអាមេរិក នៅថ្ងៃទី២៦ ខែ កក្កដានេះ បានអនុម័តច្បាប់ប្រជាធិបតេយ្យកម្ពុជាឆ្នាំ២០១៨ ដាក់ទណ្ឌកម្មក្បាលម៉ាស៊ីន ដឹកនាំរបបលោក ហ៊ុន សែន ទាំងអស់ដែលចូលដៃ ក្នុងការបំផ្លាញប្រជាធិបតេយ្យ និងសិទ្ធិមនុស្សធ្ងន់ធ្ងរនៅកម្ពុជា។ ពាក់ព័ន្ធនឹងការអនុម័តច្បាប់ ដាក់ទណ្ឌកម្មមន្ត្រីរបបលោក ហ៊ុន សែន នេះ លោក ជុន ច័ន្ទបុត្រ សាកសួរលោក មួង ណារ៉េត ជុំវិញរឿងនេះដូចតទៅ៖
២៦ កក្កដា ២០១៨
រដ្ឋសភាអាមេរិកអនុម័តច្បាប់បង្កកទ្រព្យសម្បត្តិលោក ហ៊ុន សែន និងថ្នាក់ដឹកនាំបក្សកាន់អំណាច

រដ្ឋសភាអាមេរិកបានអនុម័តច្បាប់មួយដោយស្នើដាក់ទណ្ឌកម្មប្រឆាំងប្រមុខរដ្ឋាភិបាលកម្ពុជា និងថ្នាក់ដឹកនាំបក្សកាន់អំណាចចំនួន ១៦នាក់ផ្សេងទៀត មិនឲ្យជាន់ដីអាមេរិក ជុំវិញអ្វីដែលអាមេរិកចោទថា បានបំផ្លាញដល់លទ្ធិប្រជាធិបតេយ្យនៅកម្ពុជា។
២៦ កក្កដា ២០១៨
អង្គការ Amnesty International អំពាវនាវឲ្យរដ្ឋាភិបាលនិងគណបក្សចូលរួមការបោះឆ្នោត ដោះស្រាយការរំលោភសិទ្ធិមនុស្ស

អង្គការសិទ្ធិមនុស្សអន្តរជាតិ Amnesty International បានរំឭកឲ្យរដ្ឋាភិបាលកម្ពុជាធានាសិទ្ធិរបស់ប្រជាជនខ្លួននៅក្នុងអំឡុងពេលបោះឆ្នោត។ សិទ្ធិមនុស្សមួយក្នុងចំណោមសិទ្ធិមនុស្សសំខាន់ៗបំផុត គឺសិទ្ធិក្នុងការបញ្ចេញមតិដោយគ្មានការភ័យខ្លាចអំពីផលវិបាកនៃការបញ្ចេញមតិរបស់ខ្លួន។
២៦ កក្កដា ២០១៨
ពលរដ្ឋក្រុម ១៧៥គ្រួសារ មានទំនាស់ដីធ្លីជាមួយក្រុមហ៊ុនស្ករអំពៅខេត្តកោះកុង ទទូចឲ្យអាជ្ញាធរខេត្តដោះស្រាយបញ្ចប់មុនពេលបោះឆ្នោត

ពលរដ្ឋក្រុម ១៧៥គ្រួសារ ដែលមានទំនាស់ដីធ្លីជាមួយក្រុមហ៊ុនស្ករអំពៅរបស់លោកឧកញ៉ា លី យ៉ុងផាត់ នៅខេត្តកោះកុង ទទូចឲ្យអាជ្ញាធរខេត្តដោះស្រាយបញ្ចប់ទំនាស់រ៉ាំរ៉ៃរបស់ពួកគេនៅមុនពេលបោះឆ្នោត។ សង្គមស៊ីវិលយល់ថា ប្រសិនបើអាជ្ញាធរខិតខំដោះស្រាយបញ្ចប់ទំនាស់នៅមុនពេលបោះឆ្នោត របបក្រុងភ្នំពេញនឹងចំណេញសន្លឹកឆ្នោត ឬទទួលបានការគាំទ្រពីពលរដ្ឋវិញ។
២៥ កក្កដា ២០១៨
មេធាវីស្នើតុលាការដោះលែងលោក កឹម សុខា ជាបន្ទាន់ ខណៈជំងឺកៀបសរសៃរើឡើងវិញ

លោក កឹម សុខា ប្រធានគណបក្សសង្គ្រោះជាតិ ដែលត្រូវរបបលោក ហ៊ុន សែន រំលាយចោលនោះ ត្រូវបានតុលាការឃុំខ្លួន អូសបន្លាយពេលជិត ១ឆ្នាំហើយ។ ក្រុមមេធាវីការពារក្ដី លោក កឹម សុខា អះអាងថា មកទល់ពេលនេះ តុលាការគ្មានភស្តុតាងអ្វី ដើម្បីដាក់បន្ទុកកូនក្ដីរបស់ខ្លួនឡើយ ក្រៅពីវីដេអូឃ្លីបមួយតែប៉ុណ្ណោះ។ ក្រុមមេធាវី សុំឲ្យតុលាការដោះលែងលោក កឹម សុខា ជាបន្ទាន់។
២៤ កក្កដា ២០១៨
ANFREL ថា អ្នកសង្កេតការណ៍ជាតិភាគច្រើនមិនអាចជឿជាក់បាន

អង្គការអន្ដរជាតិមួយដែលធ្វើការផ្នែកសិទ្ធិមនុស្ស និងការបោះឆ្នោត រិះគន់ការដាក់អ្នកសង្កេតការណ៍ជាតិជិត ៨ម៉ឺននាក់ ថា មិនអាចជឿទុកចិត្តបាន ដោយថា ពួកគេមានប្រភពមកពីគណបក្សកាន់អំណាច និងគ្មានជំនាញច្បាស់លាស់។
២៤ កក្កដា ២០១៨
រដ្ឋាភិបាលហ្វឹកហាត់កម្លាំងសមត្ថកិច្ចនិងត្រៀមបង្រ្កាបបាតុកម្មដែលអាចកើតមានក្នុងពេលបោះឆ្នោត

កម្លាំងសមត្ថកិច្ចស្ទើរទូទាំងប្រទេសបានហ្វឹកហាត់ត្រៀមបង្រ្កាបបាតុកម្មក្នុងពេលបោះឆ្នោតថ្ងៃទី២៩ ខែកក្កដានេះ ខណៈគណបក្សនយោបាយចំនួន២០កំពុងធ្វើយុទ្ធនាការទាក់ទាញរកសំឡេងឆ្នោតនៅទូទាំងប្រទេស។ អ្នកវិភាគយល់ឃើញថា អាចជាការគំរាមទាំងអ្នកដែលគាំទ្រគណបក្សប្រជាជនកម្ពុជាដែលមានគំនិតចង់រើបម្រះផងនិងគំរាមអ្នកដែលចង់ប្រឆាំងនឹងលទ្ធផលនៃការបោះឆ្នោតផង។
២៤ កក្កដា ២០១៨
CCHR ជំរុញឲ្យរបបក្រុងភ្នំពេញការពារនិងប្រឆាំងដាច់ខាតចំពោះវិនិយោគិនដែលរំលោភសិទ្ធិមនុស្ស

មជ្ឈមណ្ឌលសិទ្ធិមនុស្សកម្ពុជា (CCHR) ជំរុញឲ្យរបបលោក ហ៊ុន សែន ការពារ និងប្រឆាំងដាច់ខាតចំពោះក្រុមហ៊ុនវិនិយោគទុនទាំងឡាយណា ដែលបានរំលោភសិទ្ធិមនុស្សនៅកម្ពុជា ដើម្បីឲ្យរបបនេះ បានចូលរួមក្នុងការលើកកម្ពស់សិទ្ធិពលរដ្ឋរបស់ខ្លួនស្របទៅកតិការសញ្ញា ស្ដីពីសិទ្ធិពលរដ្ឋ និងសិទ្ធិនយោបាយ នៃអង្គការសហប្រជាជាតិ។
២៤ កក្កដា ២០១៨
បក្សកាន់អំណាចបញ្ជាឲ្យទប់ស្កាត់អ្នកដើរខ្សឹបពលរដ្ឋមិនឲ្យចេញទៅបោះឆ្នោត

រដ្ឋមន្ត្រីក្រសួងមហាផ្ទៃ និងជាអនុប្រធានគណបក្សប្រជាជនកម្ពុជា លោក ស ខេង បានចាត់ទុកការដើរខ្សឹបពលរដ្ឋមិនឲ្យទៅបោះឆ្នោត ថាជាទង្វើខុសច្បាប់ និងក្រើនរំឭកឲ្យមានវិធានទប់ស្កាត់។
២៣ កក្កដា ២០១៨
សមាជិកអតីតបក្សប្រឆាំង៥នាក់ត្រូវរងបណ្តឹង ករណីធ្វើយុទ្ធនាការមិនទៅបោះឆ្នោត

យ៉ាងហោចណាស់សមាជិកអតីតគណបក្សសង្រ្គោះជាតិចំនួន៥នាក់ នៅខេត្តបាត់ដំបង ត្រូវបានគណបក្សប្រជាជនកម្ពុជានៅខេត្តនេះ ប្តឹងទៅគណៈកម្មាធិការជាតិរៀបចំការបោះឆ្នោត ករណីពួកគេរៀបចំផែនការធ្វើយុទ្ធនាការម្រាមដៃស្អាត គឺមិនទៅបោះឆ្នោតថ្ងៃទី២៩កក្កដា។ ប៉ុន្តែរដ្ឋមន្រ្តីក្រសួងមហាផ្ទៃបានបញ្ជាក់ថា អ្នកដែលធ្វើយុទ្ធនាការបែបនេះ សមត្ថកិច្ចមិនអាចចាប់ខ្លួនបានទេ ប៉ុន្តែគណបក្សនយោបាយអាចប្តឹងទាមទារសំណងបាន។
២៣ កក្កដា ២០១៨
អ្នករាយការណ៍ UN ព្រួយបារម្ភវិធានការរបស់រដ្ឋាភិបាលលើអ្នកមិនទៅបោះឆ្នោត

អ្នករាយការណ៍ពិសេសរបស់អង្គការសហប្រជាជាតិ សម្តែងការព្រួយបារម្ភពីការព្រមានផ្លូវច្បាប់របស់មន្រ្តីរដ្ឋាភិបាលលើប្រជាពលរដ្ឋជុំវិញការសម្ដែងមតិធ្វើពហិការមិនទៅបោះឆ្នោត ឬការមិនបោះឆ្នោតឲ្យបក្សណាមួយ។
២៣ កក្កដា ២០១៨
ក្រសួងការបរទេសទទួលស្គាល់ថា កម្ពុជាមិនមានច្បាប់ចែងដាក់ទោសពលរដ្ឋ ដែលមិនទៅបោះឆ្នោតឡើយ

ខ្មែរ | ព័ត៌មានថ្មីៗ | នយោបាយ ក្រសួងការបរទេសទទួលស្គាល់ថា កម្ពុជាមិនមានច្បាប់ចែងដាក់ទោសពលរដ្ឋ ដែលមិនទៅបោះឆ្នោតឡើយ ដោយ មាន ឫទ្ធិ 2018-07-23 អ៊ីម៉ែល មតិ Share បោះពុម្ព បោះពុម្ព ចែករំលែក មតិ អ៊ីម៉ែល អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ នៅថ្ងៃទី២៣ កក្កដា បានចេញសេចក្តីថ្លែងការណ៍ សម្តែងក្តីសោកស្តាយយ៉ាងខ្លាំង ចំពោះការលើកឡើងចុងក្រោយរបស់អ្នករាយការណ៍ពិសេសអង្គការសហប្រជាជាតិទទួលបន្ទុកផ្នែកសិទ្ធិមនុស្សនៅកម្ពុជា គឺអ្នកស្រី រ៉ូណា ស្មីត។ សេចក្តីថ្លែងការណ៍របស់អ្នកនាំពាក្យក្រសួងការបរទេសនេះ ធ្វើឡើងក្រោយពីអ្នកស្រី រ៉ូណា ស្មីត បានសម្តែងក្តីបារម្ភអំពីការរំលោភភាពស្របច្បាប់នៃការជ្រើសរើសមិនទៅបោះឆ្នោត និងការគំរាមកំហែងដកហូតមិនផ្តល់សេវាសាធារណៈ ចំពោះអ្នកទាំងឡាយណា ដែលមិនបោះឆ្នោតឲ្យគណបក្សកាន់អំណាច នៅថ្ងៃបោះឆ្នោតថ្ងៃទី២៩ កក្កដា។
២៣ កក្កដា ២០១៨
តុលាការកំពូលបដិសេធបណ្តឹងសុំនៅក្រៅឃុំលើកទីពីររបស់អតីតបុគ្គលិកអាស៊ីសេរី

តុលាការកំពូលនៃរបបលោក ហ៊ុន សែន សម្រេចបដិសេធបណ្តឹងសុំនៅក្រៅឃុំលើកទីពីររបស់អតីតបុគ្គលិកអាស៊ីសេរី ក្រោយពេលសវនាការជំនុំជម្រះនៅថ្ងៃទី ២៣ កក្កដា។ មន្ត្រីសិទ្ធិមនុស្សយល់ឃើញថា ការបន្តឃុំខ្លួនអ្នកទាំងពីរទាំងមិនមានទោសកំហុសបែបនេះ គឺជារឿងអយុត្តិធម៌ និងជាការអនុវត្តខុសនឹងគោលការណ៍ច្បាប់។
២១ កក្កដា ២០១៨
មន្ត្រីសិទ្ធិមនុស្សស្នើសុំតុលាការកំពូលឲ្យដោះលែងអតីតបុគ្គលិកអាស៊ីសេរី ខណៈសវនាការសុំនៅក្រៅឃុំជុំទីពីរនឹងត្រូវធ្វើនៅថ្ងៃចន្ទ ទី២៣ កក្កដា

មន្ត្រីសិទ្ធិមនុស្សស្នើឱ្យតុលាការកំពូលពិចារណាដោះលែងអតីតបុគ្គលិកអាស៊ីសេរី ២រូប ដែលកំពុងជាប់ឃុំក្នុងសំណុំរឿងចារកម្មនោះ ឱ្យបាននៅក្រៅឃុំជាបណ្តោះអាសន្ន ដោយសំអាងថា ពួកគេបានសន្យាសហការគ្រប់ដំណាក់កាលនៃការអនុវត្តនីតិវិធីរបស់តុលាការ។ តុលាការកំពូលគ្រោងបើកសវនាការជំនុំជម្រះបណ្តឹងសុំនៅក្រៅឃុំជុំទីពីររបស់អតីតបុគ្គលិកអាស៊ីសេរីទាំងពីររូប នៅថ្ងៃចន្ទ ទី២៣ កក្កដា។