កំពុងស្វែងរកទិន្នន័យ
រកឃើញ: 13.209
-
លោក ស ខេង ថា លោកជាអ្នកនៅពីក្រោយនៃការប្ដូរទីតាំងឃុំខ្លួនលោក កឹម សុខា ក្នុងផ្ទះ
រដ្ឋមន្ត្រីក្រសួងមហាផ្ទៃ អួតអាងថា លោកជាអ្នកបញ្ជាឲ្យដឹកជញ្ជូន លោក កឹម សុខា ចេញពីពន្ធនាគារត្រពាំងផ្លុងទាំងយប់ និងខិតខំកែច្នៃអោយការឃុំខ្លួននៅផ្ទះស្របតាមច្បាប់។ ទង្វើ និងសេចក្ដីសម្រេចរបស់ លោក ស ខេង ដែលជាអនុប្រធានគណបក្សប្រជាជនកម្ពុជាផងនោះ ហាក់ធ្វើឡើងជំនួសកិច្ចការរបស់តុលាការ ដែលបានប្រកាសថា ការដោះលែង លោក កឹម សុខា គឺដោយសារស្ថានភាពជំងឺ ប៉ុន្តែស្ថិតក្រោមការត្រួតពិនិត្យរបស់តុលាការ។ អ្នកវិភាគ មើលឃើញថា ការប្ដូរទីតាំងឃុំខ្លួន លោក កឹម សុខា មិនមែនដោយសារចិត្តធម៌នោះទេ គឺដោយសារក្រុមមេដឹកនាំរបប ហ៊ុន សែន បារម្ភពីសម្ពាធអន្តរជាតិលើរបបថ្មីរបស់បក្ខពួកខ្លួន។
-
ពលរដ្ឋដែលជាអតីតទាហានខ្មែរក្រហមច្រានចោលដំណោះស្រាយដីធ្លីផ្តល់ដោយក្រុមហ៊ុន
ក្រុមប្រជាពលរដ្ឋប្រមាណជាង៧០គ្រួសារ ដែលជាអតីតទាហានខ្មែរក្រហម បានបដិសេធមិនទទួលយកដំណោះស្រាយដីធ្លី ដែលផ្តល់ដោយក្រុមហ៊ុនក្នុងស្រុកមួយ ដែលតំណាងពលរដ្ឋចោទថា គ្មានបណ្ណកម្មសិទ្ធិកាន់កាប់ដីដែលកំពុងមានទំនាស់។ មន្ត្រីសិទ្ធិមនុស្សស្នើឲ្យអាជ្ញាធរធ្វើជាអាជ្ញាកណ្តាលដែលមិនមានភាពលម្អៀងទៅភាគីណាមួយ ដើម្បីសម្របសម្រួលដោះស្រាយទំនាស់នេះដោយសន្តិវិធី។
-
ពលរដ្ឋមានជម្លោះដីធ្លីប្រមាណ៤០០នាក់ តវ៉ាមុខតុលាការខេត្តព្រះសីហនុទាមទារដោះលែងតំណាងខ្លួន
ពលរដ្ឋមានជម្លោះដីធ្លីក្នុងខេត្តព្រះសីហុន អះអាងថា ពួកគេប្រមាណ៤០០នាក់នៅថ្ងៃនេះ បាននាំគ្នាប្រមូលផ្តុំឈរលើកបដាមុខលាលាដំបូងខេត្ត ដើម្បីទាមទារឲ្យតុលាការឲ្យទម្លាក់ចោលការចោទដល់តំណាងពួកគេម្នាក់ និងសមាជិក៣នាក់ទៀតដែលជាប់ឃុំដោយសារជម្លោះដីធ្លី។
-
HRW ជំរុញឲ្យដោះលែង និងទម្លាក់ចោលរាល់បទចោទប្រកាន់លើអ្នកទោសនយោបាយទាំងអស់
អង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ ( Human Rights Watch ) ជំរុញឲ្យរបបលោក ហ៊ុន សែន ដោះលែង និងទម្លាក់ចោលជាបន្ទាន់ និងដោយឥតលក្ខខណ្ឌ រាល់បទចោទប្រកាន់លើអ្នកទោសនយោបាយទាំងអស់នៅកម្ពុជា។ អង្គការនេះកំណត់ថា ការដោះលែងអ្នកទោសចុងក្រោយនេះ ដោយសារតែលោក ហ៊ុន សែន ចង់ឲ្យសហគមន៍អន្តរជាតិទទួលស្គាល់របបលោក ក្រោយពីបានរៀបចំព្រឹត្តិការណ៍ ថ្ងៃទី២៩ កក្កដា ដែលត្រូវគេចាត់ទុកថាជាការបោះឆ្នោតក្លែងក្លាយ។
-
អាជ្ញាធរខេត្តបន្ទាយមានជ័យចេញបញ្ជាឲ្យអតីតទាហានខ្មែរក្រហមចេញពីលំនៅដ្ឋាន
ក្រុមប្រជាពលរដ្ឋប្រមាណជាង៧០គ្រួសារ ដែលជាអតីតទាហានខ្មែរក្រហម ត្រូវបានអាជ្ញាធរខេត្តបន្ទាយមានជ័យស្នើឲ្យរុះរើលំនៅដ្ឋាន ដែលអាជ្ញាធរចោទថា ជាសំណង់អនាធិបតេយ្យ គឺចេញពីដីដែលកាន់កាប់ដោយក្រុមពលរដ្ឋ១៤គ្រួសារផ្សេងទៀត និងក្រុមហ៊ុនឯកជនមួយ។
-
អ្នកច្បាប់ថា របបលោក ហ៊ុន សែន ធ្វើច្បាប់ដើម្បីយកព្រះមហាក្សត្រជាឧបករណ៍នយោបាយ
អតីតមន្ត្រីជាន់ខ្ពស់នៅក្នុងព្រះរបបរាជវាំងលើកឡើងថា របបលោកហ៊ុន សែន បានព្យាយាមធ្វើវិសោធនកម្មច្បាប់ និងរដ្ឋធម្មនុញ្ញ ដើម្បីពង្រឹងអំណាចរបស់ខ្លួន ក្រោមរូបភាពអនុវត្តច្បាប់។ រីឯអ្នកច្បាប់ក៏លើកឡើងដែរថា លោក ហ៊ុន សែន បានប្រើប្រាស់ច្បាប់មួយចំនួន ដើម្បីប្រើប្រាស់ព្រះមហាក្សត្រមកបម្រើនយោបាយរបស់ខ្លួន ក្នុងការបន្តអំណាចទៅមុខទៀត។ មន្ត្រីនាំពាក្យបក្សកាន់អំណាចបដិសេធការចោទប្រកាន់នេះ។
-
សភាអឺរ៉ុបបានស្នើឲ្យរដ្ឋាភិបាលកម្ពុជាទម្លាក់បទចោទប្រកាន់ និងដោះលែងលោកកឹម សុខាឲ្យមានសេរីភាពពេញលេញ
នៅថ្ងៃព្រហស្បតិ៍ ទី១៣ កញ្ញា សភាអឺរ៉ុបបានបោះឆ្នោតអនុម័តលើសេចក្តីសម្រេចចិត្តមួយស្តីពីស្ថានការណ៍នៅក្នុងកម្ពុជាដោយបានស្នើដល់រដ្ឋាភិបាលទីក្រុងភ្នំពេញឲ្យទម្លាក់គ្រប់បទចោទប្រកាន់ និងដោះលែងលោកកឹម សុខាឲ្យមានសេរីភាពពេញលេញឡើងវិញ។ ក្រៅពីករណីប្រធានអតីតគណបក្សសង្រ្គោះជាតិលោកកឹម សុខា សភាអឺរ៉ុបក៏បានទាមទារឲ្យមានការទម្លាក់បទចោទប្រកាន់លើថ្នាក់ដឹកនាំនយោបាយផ្សេងទៀតរបស់អតីតគណបក្សសង្រ្គោះជាតិ មានទាំងលោកសម រង្ស៊ីផងដែរ។
-
សម្តេច ស ខេង៖ ការដំឡើងឋានន្តរស័ក្តិមន្ត្រីនគរបាលជាតិធ្វើតាមសមត្ថភាព ពុំមែនរើសតាមខ្សែទេ
ភ្នំពេញ៖ សម្តេច ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃថ្លែងនៅព្រឹកថ្ងៃ ពុធ នេះថា ការសម្រេចតែងតាំងដំឡើងឋានន្តរស័ក្តិមន្ត្រីក្រសួងមហាផ្ទៃធ្វើឡើងតាមសមត្ថភាពនិងគុណសម្បត្តិដោយពុំធ្វើឡើងតាមខ្សែ ឬបក្សពួកនិយមនោះទេ។
-
សភាអឺរ៉ុបស្នើព្យួរ EBA និងចាត់វិធានការផ្សេងទៀតលើមន្ត្រីកម្ពុជា
សមាជិកសភាសហភាពអឺរ៉ុបបានស្នើទៅគណៈកម្មការនៃស្ថាប័ននេះឲ្យសម្រេចព្យួរប្រព័ន្ធអនុគ្រោះពន្ធ(EBA) និង ដាក់ទណ្ឌកម្មលើមន្ត្រីមួយចំនួនទៀត ដែលរងការចោទថា ពាក់ព័ន្ធការរំលាយគណបក្សសង្គ្រោះជាតិកាលពីចុងឆ្នាំ២០១៧ និង ការរំលោភសិទ្ធិមនុស្ស។
-
កម្មកររោងចក្រមួយក្នុងខណ្ឌមានជ័យផ្ទុះការតវ៉ាដោយថាថៅកែរត់ចោលមិនបើកប្រាក់ឈ្នួល
កម្មករបម្រើការងារនៅរោងចក្រមួយក្នុងខណ្ឌមានជ័យ រាជធានីភ្នំពេញ បានប្រមូលផ្តុំគ្នាតវ៉ាក្នុងរោងចក្រ ដែលពួកគេចោទថា ថៅកែរត់ចោលដោយមិនបានបើកប្រាក់ឈ្នួល និងប្រាក់អតីតភាពការងារជូនពួកគេ។
-
អតីតបុគ្គលិកវិទ្យុអាស៊ីសេរី២រូបស្នើតុលាការកំពូលទម្លាក់បទចោទ
អតីតអ្នកសាព័ត៌មានវិទ្យុអាស៊ីសេរីពីរនាក់ ដែលទើបតែត្រូវបានដោះលែងឲ្យនៅក្រៅឃុំបណ្តោះអាសន្ន ស្នើទៅតុលាការជាន់ខ្ពស់ទម្លាក់បទចោទ ដើម្បីឲ្យមានសេរីភាពប្រកបមុខរបរចិញ្ចឹមគ្រួសារដូចដើមវិញ។
-
មន្ត្រីទូតកម្ពុជាប្រចាំអ.ស.បប្រតិកម្មនឹងការទាមទារឲ្យទម្លាក់បទចោទលោក កឹម សុខា
លោក ណី សំអុល ឯកអគ្គរាជទូតតំណាងអចិន្ត្រៃយ៍កម្ពុជាប្រចាំនៅអង្គការសហប្រជាជាតិ នាទីក្រុងហ្សឺណែវ កាលពីថ្ងៃអង្គារទី១១ កញ្ញា បានប្រតិកម្មទៅនឹងការទាមទាររបស់មន្ត្រីជាន់ខ្ពស់នៃអង្គការសហប្រជាជាតិ ឲ្យរបបលោក ហ៊ុន សែន ទម្លាក់ចោលរាល់បទចោទប្រកាន់ប្រឆាំង លោក កឹម សុខា និងបទចោទប្រឆាំងអ្នកទោសនយោបាយ សកម្មជនសិទ្ធិមនុស្ស និងអ្នកសារព័ត៌មាន ហើយត្រូវឈប់ធ្វើទុក្ខបុកម្នេញពលរដ្ឋខ្មែរ ចំពោះការប្រើប្រាស់សិទ្ធិក្នុងជីវភាពប្រចាំថ្ងៃ និងជីវភាពនយោបាយ។
-
សកម្មជនដីធ្លីលោកស្រី ស ស៊ន ថា តុលាការព្យាយាមភ្ជាប់រូបលោកស្រីទៅនឹងគណបក្ស សង្រ្គោះជាតិ
សកម្មជនដីធ្លីតំបន់បុរីកីឡា លោកស្រី ស ស៊ន ថា តុលាការក្រុងភ្នំពេញព្យាយាមភ្ជាប់ទំនាក់ទំនងរវាងលោកស្រីជាមួយគណបក្ស សង្រ្គោះជាតិ ដោយលើកឡើងថា ការធ្វើយុទ្ធនាការថ្ងៃចន្ទពណ៌ខ្មៅតាមការបង្គាប់បញ្ជារបស់គណបក្ស សង្រ្គោះជាតិ។ ការលើកឡើងបែបនេះ ខណៈលោកស្រីបានចូលខ្លួនទៅបំភ្លឺនៅសាលាដំបូងក្រុងភ្នំពេញថ្ងៃទី១១ ខែកញ្ញា តាមការកោះហៅរបស់ចៅក្រមស៊ើបសួរសាលាដំបូងរាជធានីភ្នំពេញ លោក គី ឫទ្ធី ទាក់ទងសំណុំរឿងលោក កឹម សុខា។
-
សាលាដំបូងរាជធានីភ្នំពេញសាកសួរសាក្សីបន្ថែមទៀតក្នុងសំណុំរឿងលោកកឹម សុខា
សាក្សីបន្ថែមពីរនាក់ផ្សេងទៀតដែលជាមេដឹកនាំសមាគម និងសកម្មជនដីធ្លីត្រូវបានសាលាដំបូងរាជធានីភ្នំពេញ សាកសួរទាក់ទិននឹងទំនាក់ទំនងរបស់ពួកគេជាមួយគណបក្សសង្គ្រោះជាតិ ក្នុងព្រឹត្តិការណ៍តវ៉ាជាច្រើនក្រោយការបោះឆ្នោតជាតិឆ្នាំ២០១៣។ សាក្សីទាំងពីរអ្នកនោះ រួមមានលោក វន ពៅ មេដឹកនាំសមាគមសេដ្ឋកិច្ចក្រៅប្រព័ន្ធ និងអ្នកស្រី ស ស៊ន សកម្មជនដីធ្លីនៅសហគមន៍បុរីកីឡា។
-
អ្នកមានជម្លោះដីធ្លីមកពីស្វាយរៀងបារម្ភក្រោយតវ៉ានៅភ្នំពេញហើយមេប៉ុស្តិ៍ប្រមូលឈ្មោះ
ប្រជាសហគមន៍មានជម្លោះដីធ្លីនៅស្រុករមាសហែកខេត្តស្វាយរៀងអះអាងថា ពួកគេព្រួយបារម្ភដោយសារមេប៉ុស្តិ៍ដើរស្រង់ឈ្មោះ អ្នកដែលបានឡើងដាក់ញត្តិស្វែងរកដំណោះស្រាយដីធ្លីកាលពីម្សិលមិញនៅក្រសួងដែនដីក្នុងរាជធានីភ្នំពេញ។
-
លោកនាយករដ្ឋមន្ត្រី៖ការដោះលែងលោកកឹម សុខា គឺដោយសារបញ្ហាសុខភាព
នៅក្នុងឱកាសអញ្ជើញជួបសំណេះសំណាល ជាមួយនិស្សិតកម្ពុជា ចំនួន២២៩នាក់ដែលកំពុងសិក្សាថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រ នៅទីក្រុងណាននីង ខេត្តក្វាងស៊ី ប្រទេសចិនកាលពីថ្ងៃទី១០ ខែកញ្ញា លោកនាយករដ្ឋមន្ត្រីហ៊ុន សែន បានថ្លែងថាការដាក់ឲ្យលោក កឹម សុខា អតីតប្រធាននៃអតីតគណបក្សសង្គ្រោះជាតិ ស្ថិតនៅក្រៅឃុំជាបណ្តោះអាសន្ន គឺដោយសារតែបញ្ហាសុខភាព។
-
សមាជិកសភាបក្សប្រជាជនកម្ពុជា៣៨នាក់លាលែងពីតំណែងមកកាន់តួនាទីនៅក្នុងរដ្ឋាភិបាល
លោកនាយករដ្ឋមន្រ្តីហ៊ុន សែន ប្រធានគណបក្សប្រជាជនកម្ពុជា កាលពីថ្ងៃចន្ទបានផ្ញើលិខិតមួយច្បាប់ទៅកាន់ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) ដើម្បីស្នើសុំឲ្យ គ.ជ.ប ទទួលស្គាល់បេក្ខជន អ្នកតំណាងរាស្ត្រថ្មី ដែលត្រូវចូលមកជំនួសអ្នកតំណាងរាស្ត្រ៣៨នាក់ដែលត្រូវទៅកាន់តួនាទីនៅក្នុងរដ្ឋាភិបាល។ មកដល់ពេលនេះ គ.ជ.ប មិនទាន់បានឆ្លើយតាមសំណើររបស់ប្រមុខគណបក្សកាន់អំណាចនៅឡើយទេ។
អានបន្ត -
ឧត្តមស្នងការសិទ្ធិមនុស្ស អ.ស.ប អំពាវនាវឲ្យរបបលោក ហ៊ុន សែន ស្តារប្រជាធិបតេយ្យឡើងវិញ
ប្រធានឧត្តមស្នងការសិទ្ធិមនុស្សអង្គការសហប្រជាជាតិ អ្នកស្រី មីហ្សែល បាសេឡេ (Michelle Bachelet) ស្វាគមន៍ការដោះលែងប្រធានគណបក្ស សង្គ្រោះជាតិ លោក កឹម សុខា ប៉ុន្តែ ទាមទារឲ្យរបបលោក ហ៊ុន សែន ត្រូវតែទម្លាក់ចោលរាល់បទចោទប្រកាន់ប្រឆាំងលោក កឹម សុខា និងបទចោទប្រឆាំងអ្នកទោសនយោបាយ សកម្មជនសិទ្ធិមនុស្ស និងអ្នកសារព័ត៌មាន ហើយត្រូវឈប់ធ្វើទុក្ខបុកម្នេញពលរដ្ឋខ្មែរ ចំពោះការប្រើប្រាស់សិទ្ធិក្នុងជីវភាពប្រចាំថ្ងៃ និងជីវភាពនយោបាយ។
-
UNនិងអង្គការអន្តរជាតិធំៗសុំឱ្យកម្ពុជាទម្លាក់ចោលទាំងស្រុងបទចោទប្រឆាំងអ្នកនយោបាយ
បន្ទាប់ពីការដោះលែងលោកកឹម សុខា អោយនៅក្រៅឃុំបណ្ដោះអាសន្ន កាលពីថ្ងៃទី១០ កញ្ញា និងការដោះលែងអ្នកទោសមនសិការជាច្រើនទៀត គេសង្កេតឃើញ អង្គការសិទិ្ធមនុស្សអន្តរជាតិធំៗបានចេញសេចក្ដីថ្លែងការណ៍ដាច់ដោយឡែកពីគ្នា ដោយបន្តទាមទារឱ្យបក្សកាន់អំណាចនៅកម្ពុជាទំលាក់ចោលទាំងស្រុង រាល់បទចោទប្រឆាំងមន្ត្រីបក្សប្រឆាំង និងអ្នកទោសនយោបាយដែលអង្គការទាំងនេះថា ពេលវេលានេះ គេមិនត្រូវបន្តឃុំខ្លួន ឬចោទប្រកាន់អ្វីឡើយ។ តែការទាមទារនេះ ត្រូវបានអ្នកនាំពាក្យរាជរដ្ឋាភិបាលឆ្លើយតបវិញទៅអង្គការអន្តរជាតិទាំងនេះ ដែលថាកំពុងជំរុញឱ្យបក្សកាន់អំណាចរំលោភដែនអធិបតេយ្យរបស់តុលាការ។
-
អង្គការលើកលែងទោសអន្ដរជាតិ៖ ការដោះលែងលោក កឹម សុខា ត្រូវធ្វើជាអចិន្រ្តៃយ៍
ភ្លាមៗ បន្ទាប់ពីការបញ្ជូនលោក កឹម សុខា ចេញពីពន្ធនាគារ មកបន្តឃុំនៅក្នុងផ្ទះដោយអាជ្ញាធរកម្ពុជា អង្គការលើកលែងទោសអន្តរជាតិ (Amnesty International) បានលើកឡើងថានេះជាការវិវឌ្ឍន៍មួយ។ ប៉ុន្តែអង្គការមួយនេះ អំពាវនាវឲ្យមានការដោះលែង លោក កឹម សុខា ប្រធានអតីតគណបក្សសង្គ្រោះជាតិ ឲ្យទៅជាការដោះលែងមួយ ជាអចិន្ត្រៃយ៍។
គាំទ្រដោយ
