កំពុងស្វែងរកទិន្នន័យ
រកឃើញ: 13.090
-
អ្នកមានវិវាទដីនៅភ្នំពេញតវ៉ាជាថ្មីដោយព្រួយពីការបណ្ដេញចេញ
ប្រជាសហគមន៍ស្ទឹងមានជ័យទាំង៨ដែលរស់នៅតាមប្រឡាយទឹកបានជួបជុំគ្នាដាក់ញត្តិជាថ្មីទៅកាន់ក្រសួងដែនដីនិងសាលារាជធានីភ្នំពេញ ដើម្បីសុំជួបពិភាក្សាពីការអភិវឌ្ឍនៅនឹងកន្លែងដោយពួកគេព្រួយបារម្ភពីការបណ្ដេញចេញ។ ការចេញតវ៉ានៅព្រឹកថ្ងៃទី០៥ខែឧសភានេះ ប្រជាពលរដ្ឋរស់នៅភូមិស្ទឹងមានជ័យនិងស្ទឹងមានជ័យ១ឲ្យដឹងថាពួកគេរាប់រយ គ្រួសារមានការព្រួយបារម្ភពីការបណ្ដេញចេញ បន្ទាប់ពីឃើញនៅលើទំព័រហ្វេសប៊ុកអភិបាលរាជធានីបានផ្សព្វផ្សាយពីការស្តាប្រឡាយស្ទឹងមានជ័យ។
អានបន្ត -
សហភាពអឺរ៉ុបអំពាវនាវឲ្យដោះលែងមន្រ្តីសិទ្ធិមនុស្សដែលត្រូវបានចោទប្រកាន់រឿងសូកប៉ាន់សាក្សី
សហភាពអឺរ៉ុបនៅក្នុងកិច្ចប្រជុំគណៈកម្មាធិការចម្រុះលើកទី៩ដែលធ្វើឡើងនៅរាជធានីភ្នំពេញ បានស្នើរដ្ឋាភិបាលកម្ពុជាបង្កើតឡើងនិងរក្សាបរិយាកាសមួយ ដែលគណបក្សនយោបាយទាំងអស់និងសង្គមស៊ីវិល អាចដំណើរការដោយសេរីនិងគ្មានការភ័យខ្លាចនិងអំពាវនាវដោះលែងមន្រ្តីសិទ្ធិមនុស្សដែលត្រូវបានចោទប្រកាន់រឿងសូកប៉ាន់សាក្សី។ ក្នុងសេចក្តីថ្លែងការណ៍រួមមួយក្រោយបញ្ចប់កិច្ចប្រជុំគណៈកម្មាធិការចម្រុះកម្ពុជា-សហភាពអឺរ៉ុបកាលពីថ្ងៃពុធ ភាគីទាំងពីរលើកឡើងថាមានការពិភាក្សាស្តីពីការកែទម្រង់រដ្ឋបាល ការកែទម្រង់ច្បាប់និងតុលាការ អភិបាលកិច្ចនិងសិទ្ធិមនុស្សនិងស្តីពីពាណិជ្ជកម្ម។ សេចក្តីថ្លែងការណ៍បន្តថាសហភាពអឺរ៉ុបស្នើររដ្ឋាភិបាលបង្កើតឡើងនិងរក្សាបរិយាកាសដែលគណបក្សនយោបាយទាំងអស់និងសង្គមស៊ីវិល អាចដំណើរការដោយសេរីនិងគ្មានការភ័យខ្លាច។
អានបន្ត -
តំណាងពលរដ្ឋប្រមាណ២០០០នាក់គ្រោងតវ៉ាទាមទារឲ្យដោះលែងមន្រ្តីសិទ្ធិមនុស្ស
តំណាងប្រជាពលរដ្ឋប្រមាណ២ពាន់នាក់ បានដាក់លិខិតមួយច្បាប់ទៅអភិបាលនៃគណៈអភិបាលរាជធានីភ្នំពេញ ដោយស្នើសុំដង្ហែញត្តិដាក់ទៅអង្គភាពប្រឆាំងអំពើពុករលួយ(ACU) ទាមទារឲ្យបញ្ឈប់ការចោទប្រកាន់និងដោះលែងមន្រ្តីសិទ្ធិមនុស្សដែលកំពុងជាប់ពន្ធនាគារ។ ក្នុងលិខិតមួយច្បាប់ចុះថ្ងៃទី៤ខែឧសភា តំណាងពលរដ្ឋបានលើកឡើងថាពួកគេប្រមាណ២ពាន់នាក់ដែលតំណាងឲ្យប្រជាពលរដ្ឋ យុវជននិងស្រ្តីចំនួន៥២០៩នាក់គ្រោងនឹងដង្ហែញត្តិដាក់ទៅACUនៅព្រឹកម៉ោង៩ ថ្ងៃទី៧ ខែឧសភា ឆ្នាំ២០១៦។ ពួកគេបញ្ជាក់ថា៖ “យើងខ្ញុំសូមជ្រាបជូនឯកឧត្តមថាពួកយើងខ្ញុំមានក្តីបារម្ភជាខ្លាំងចំពោះស្ថានការណ៍បច្ចុប្បន្ន ដោយសារមានការចោទប្រកាន់ថ្នាក់ដឹកនាំអង្គការសង្គមស៊ីវិល មន្រ្តីគ.ជ.ប និងមន្រ្តីអង្គការសហប្រជាជាតិពីសំណាក់អង្គភាពប្រឆាំងអំពើពុករលួយ”។
អានបន្ត -
អាជ្ញាធរទទួលសំណើសហគមន៍ ស្ទឹងមានជ័យ
ក្រសួងដែនដី នគរូបនីយកម្ម និងសំណង់ មិនទាន់មានដំណោះស្រាយជួនប្រជាពលរដ្ឋទេ ទាក់ទងនឹងគម្រោងអភិវឌ្ឍនៅក្នុងសហគមន៍ស្ទឹងមានជ័យ។ ស្ថាប័នមានសមត្ថកិច្ចមួយនេះ ស្នើឲ្យប្រជាពលរដ្ឋជាង៥០នាក់ដែលមកតវ៉ា ត្រឡប់ទៅលំនៅដ្ឋានវិញ ដោយរង់ចាំមួយសប្តាហ៍ទៀត ទើបក្រសួងអាចឆ្លើយតបទៅកាន់ពួកគេ។ បើតាមតំណាងពលរដ្ឋដែលមកតវ៉ា ក្រសួង សន្យាថា ដោះស្រាយជូនពួកគេ នៅសប្តាហ៍ក្រោយ។ បន្ទាប់ពីឮពាក្យសន្យាពីភាគីអាជ្ញាធរ ប្រជាពលរដ្ឋទាំងនោះ សុខចិត្តចាកចេញពីក្រសួងដែនដី តាមការស្នើសុំ ប៉ុន្តែពួកគេនឹងត្រឡប់តវ៉ាម្តងទៀតនៅសប្តាហ៍ក្រោយ។
អានបន្ត -
គ.ជ.ប មិនទាន់សម្រេចជ្រើសរើសអគ្គលេខាធិការរងថ្មីជំនួសលោក នី ចរិយា
គណៈកម្មាធិការជាតិរៀបចំការបោះឆ្នោត គ.ជ.ប ឲ្យដឹងថា ស្ថាប័ននេះមិនទាន់សំរេចជ្រើសរើសអគ្គលេខាធិការរង គ.ជ.ប ថ្មីជំនួសលោក នី ចរិយា នៅឡើយ ដោយថាតុលាការមិនទាន់ចេញសាលក្រមស្ថាពរផ្តន្ទាទោសអតីតមន្ត្រីរបស់ខ្លួន។ លោក នី ចរិយា ជាអតីតប្រធានផ្នែកស៊ើបអង្កេតរបស់សមាគមអាដហុក។ លោកបានឈប់ការងារនេះ នៅពេលលោកបានជាប់ជាអគ្គលេខាធិការរង គ.ជ.ប និងទទួលតំណែងផ្លូវការកាលពីថ្ងៃទី២៣ ខែកុម្ភៈ ឆ្នាំ២០១៦។ លោក នី ចរិយា ត្រូវបានព្រះរាជអាជ្ញាសាលាដំបូងចោទប្រកាន់ពីបទសមគំនិតនិងសូកប៉ាន់សាក្សីពាក់ព័ន្ធសំណុំរឿងកញ្ញា ខុម ចាន់តារ៉ាទី ហៅស្រីមុំ ដែលគេថាមានស្នេហាលួចលាក់ជាមួយលោក កឹម សុខា។
អានបន្ត -
អ្នកមានបញ្ហាដីធ្លីនៅខេត្តកំពង់ធំថាមន្ត្រីរដ្ឋបាលព្រៃឈើនៅតែបន្តឈូសឆាយដីរបស់ពួកគាត់
ប្រជាពលរដ្ឋមានបញ្ហាដីធ្លីនៅឃុំក្រយា ស្រុកសន្ទុក ខេត្តកំពង់ធំ លើកឡើងថា មន្ត្រីរដ្ឋបាលព្រៃឈើនៅតំបន់នោះ មិនបានគោរពតាមចំណាររបស់អភិបាលខេត្ត ដែលតម្រូវឱ្យមន្ត្រីជំនាញផ្អាកការឈូសឆាយតំបន់ដីមានវិវាទជាបណ្ដោះអាសន្ន រង់ចាំការដោះស្រាយនោះឡើយ។ ចំណែកមន្ត្រីរដ្ឋបាលព្រៃឈើ បញ្ជាក់ថា ប្រសិនបើមានចំណារបែបនេះមែន ពួកគេនឹងផ្អាកការឈូសឆាយតទៅទៀត។ ប្រជាពលរដ្ឋមានវិវាទដីធ្លីជាមួយមន្ត្រីជំនាញរដ្ឋបាលព្រៃឈើ ស្នើឱ្យអាជ្ញាធរបញ្ឈប់សកម្មភាពឈូសឆាយ និងដោះស្រាយជូនពួកគាត់ឱ្យបានដាច់ស្រេច។ ការស្នើនេះ បន្ទាប់ពីពលរដ្ឋបានស្នើទៅអាជ្ញាធរមូលដ្ឋានជាច្រើនសា ប៉ុន្តែនៅពុំទាន់មានលទ្ធផលល្អ។
អានបន្ត -
សាលារាជធានី ហៅតំណាងដែលគ្រោងដង្ហែញត្តិទៅ ACU ចូលជួបពិភាក្សា
ប្រជាពលរដ្ឋប្រមាណជា៥០០០នាក់ បានរួមគ្នាធ្វើលិខិតផ្លូវការមួយ ដើម្បីដាក់ជូនសាលារាជធានីភ្នំពេញ កាលពីថ្ងៃទី៤ ឧសភា។ ការដាក់លិខិតទៅកាន់សាលារាជធានីភ្នំពេញ គឺដើម្បីសុំអនុញ្ញាតពីអាជ្ញាធរ ក្នុងការដង្ហែញត្តិរួមគ្នា ទៅកាន់អង្គភាពប្រឆាំងអំពើពុករលួយ ដើម្បីតវ៉ាការឃុំខ្លួន មន្ត្រីអាដហុកនិងមន្ត្រីគ.ជ.ប។ លោកស្រី គឹម សារ៉ាន់ តំណាងប្រជាពលរដ្ឋមួយរូប ដែលបានផ្តិតមេដៃក្នុងលិខិតនោះ បានអះអាងថា ពួកគាត់មិនទាន់ទទួលបានការឆ្លើយតបពីអាជ្ញាធរទេ ជុំវិញសំណើរខាងលើ។ ប៉ុន្តែ ភាគីសាលារាជធានីភ្នំពេញ បានហៅទូរសព្ទទៅកាន់លោកស្រី ដើម្បីឲ្យលោកស្រីរួមទាំងតំណាងមួយចំនួនទៀត ដែលចូលរួមផ្តិតមេដៃ ចូលទៅកាន់សាលារាជធានីភ្នំពេញ នៅថ្ងៃទី៥ ខែឧសភានេះ។
អានបន្ត -
គ.ជ.ប សម្រេចមិនលូកដៃ ករណីអគ្គលេខាធិការងដែលត្រូវបានចោទប្រកាន់
គណៈកម្មាធិការជាតិរៀបចំការបោះឆ្នោត(គ.ជ.ប)បានបើកកិច្ចប្រជុំមួយកាលពីថ្ងៃអង្គារដោយសម្រេចបញ្ជូនលិខិតរបស់ភរិយាអគ្គលេខាធិការរងលោក នី ចរិយា ដែលស្នើសុំស្ថាប័ននេះជួយអន្តរាគមន៍ឲ្យលោក នី ចរិយាបាននៅក្រៅឃុំនោះ ទៅតុលាការ ដោយអះអាងថា គ.ជ.ប មិនសមត្ថកិច្ចចំពោះករណីនេះ។ លោក នី ចរិយា ជាអតីតប្រធានផ្នែកស៊ើបអង្កេតរបស់សមាគមអាដហុក។ លោកបានឈប់ការងារនេះ នៅពេលលោកបានជាប់ជាអគ្គលេខាធិការរងគ.ជ.បនិងទទួលតំណែងផ្លូវការកាលពីថ្ងៃទី២៣ ខែកុម្ភៈ ឆ្នាំ២០១៦។ លោកត្រូវបញ្ជូនខ្លួនទៅឃុំនៅមន្ទីរឃុំឃាំងរបស់ស្នងការដ្ឋាននគរបាលរាជធានីភ្នំពេញ ទាក់ទងនឹងការចោទប្រកាន់សមគំនិតក្នុងអំពើសូកប៉ាន់សាក្សី ក្នុងសំណុំរឿងកញ្ញា ខុម ចាន់តារ៉ាទី ហៅស្រីមុំ ដែលត្រូវបានទម្លាយថាមានទំនាក់ទំនងស្នេហាជាមួយលោក កឹម សុខា អនុប្រធានគណបក្សសង្រ្គោះជាតិ។ ប្រសិនបើរកឃើញ លោក នី ចរិយា អាចប្រឈមនឹងការផ្ដន្ទាទោសឲ្យជាប់ពន្ធនាគារពី៥ឆ្នាំទៅ១០ឆ្នាំ។
អានបន្ត -
មន្រ្តីក្រសួងយុត្តិធម៌ឲ្យសមាជិកសភាបក្សប្រឆាំងប្រយ័ត្នប្រយែងនឹងការរិះគន់ចំណាត់ការតុលាការ
អ្នកនាំពាក្យក្រសួងយុត្តិធម៌បានហៅសេចក្តីថ្លែងការណ៍របស់ក្រុមសមាជិកសភាគណបក្សសង្រ្គោះជាតិដែលថាការកោះអញ្ជើញតំណាងរាស្រ្តចូលបំភ្លឺនៅតុលាការជាការរំលោភបំពានអភ័យឯកសិទ្ធិសមាជិកសភា ជា”សេចក្តីថ្លែងការណ៍ដែលខ្វះមនសិការផ្លូវច្បាប់”និងស្នើឲ្យក្រុមតំណាងរាស្រ្តប្រុងប្រយ័ត្ននឹងចំណាត់ការផ្លូវច្បាប់លើការរិះគន់ចំណាត់ការរបស់ស្ថាប័នតុលាការ។ ក្នុងសេចក្តីថ្លែងការណ៍មួយចេញផ្សាយនៅថ្ងៃពុធនេះ ក្រុមសមាជិកសភាបក្សប្រឆាំងបានបញ្ជាក់ថារាល់ដីកាកោះហៅតំណាងរាស្រ្តដែលមានអភ័យឯកសិទ្ធិសភាពីសំណាក់អយ្យការអមសាលាដំបូងរាជធានីភ្នំពេញគឺ”ជាការប្រើប្រាស់អំណាចដោយរំលោភបំពានយ៉ាងធ្ងន់ធ្ងរលើអភ័យឯកសិទ្ធិសភារបស់តំណាងរាស្រ្ត”។ សេចក្តីថ្លែងការណ៍បន្តថា៖ “តំណាងរាស្រ្តគណបក្សសង្រ្គោះជាតិនឹងមិនទៅតាមដីកាកោះរបស់អយ្យការសាលាដំបូងរាជធានីភ្នំពេញ ដែលរំលោភបំពានច្បាប់នោះឡើយ”។ បើតាមសេចក្តីថ្លែងការណ៍ ក្រុមសមាជិកសភាបក្សប្រឆាំងក៏បានស្នើឲ្យបញ្ឈប់ជាបន្ទាន់នូវការចេញដីកាកោះហៅតំណាងរាស្រ្តដែលមានអភ័យឯកសិទ្ធិពីសំណាក់ស្ថាប័នតុលាការគ្រប់ជាន់ថ្នាក់ហើយត្រូវគោរពរដ្ឋធម្មនុញ្ញ។
អានបន្ត -
ក្រសួងយុត្តិធម៌ការពារចំណាត់ការផ្លូវច្បាប់លើសង្គមស៊ីវិលនិងអ្នកនយោបាយនៅចំពោះមុខប្រតិភូសហភាពអឺរ៉ុប
មន្រ្តីក្រសួងយុត្តិធម៌ កាលពីថ្ងៃអង្គារ បានធ្វើបទបង្ហាញមួយនៅក្នុងកិច្ចប្រជុំគណៈកម្មាធិការចម្រុះកម្ពុជា-សហភាពអឺរ៉ុបលើកទី៩ដែលធ្វើឡើងនៅរាជធានីភ្នំពេញ ដោយមន្រ្តីរដ្ឋាភិបាលលើកឡើងថាសហភាពអឺរ៉ុបបានបង្ហាញពី”ក្តីបារម្ភ”លើការចាប់ខ្លួនតំណាងរាស្រ្ត សមាជិកព្រឹទ្ធសភា សកម្មជននយោបាយនិងមន្រ្តីសិទ្ធិមនុស្សផ្សេងៗទៀត។ លោក ជិន ម៉ាលីន អនុរដ្ឋលេខាធិការក្រសួងយុត្តិធម៌និងជាប្រធានលេខាធិការដ្ឋានអចិន្រ្តៃយ៍នៃគណៈកម្មាធិការដឹកនាំការកែទម្រង់ច្បាប់និងប្រព័ន្ធយុត្តិធម៌ កាលពីថ្ងៃអង្គារ បានដឹកនាំមន្រ្តីជំនាញរបស់លេខាធិការដ្ឋានចូលរួមកិច្ចប្រជុំគណៈកម្មាធិការចម្រុះកម្ពុជា-សហភាពអឺរ៉ុបដែលធ្វើឡើងចាប់ពីថ្ងៃទី២-៤ ខែឧសភា នៅក្រសួងការបរទេសកម្ពុជា។ លោកមានប្រសាសន៍ថាលោកបានធ្វើបទបង្ហាញមួយជូនដល់គណៈប្រតិភូសហភាពអឺរ៉ុបស្តីអំពីវឌ្ឍនភាពនៃការកែទម្រង់ច្បាប់និងប្រព័ន្ធយុត្តិធម៌នៅកម្ពុជា ព្រមទាំងពន្យល់ពីយន្តការនៃការអនុវត្តច្បាប់ចំពោះសមាជិកសភា សកម្មជននយោបាយនិងសង្គមស៊ីវិល។ លោកបញ្ជាក់ថាបទបង្ហាញនេះមិនមែនជាការស្នើសុំរបស់គណៈប្រតិភូសហភាពអឺរ៉ុបនោះទេ តែលោកថាគ្រាន់តែការលើកឡើងពីវិវត្តរបស់ប្រព័ន្ធច្បាប់នៅកម្ពុជា។ លោកបញ្ជាក់ថាសហភាពអឺរ៉ុបបានស្វាគមន៍ចំពោះការកែទម្រង់ច្បាប់និងប្រព័ន្ធយុត្តិធម៌នៅកម្ពុជា តែបានបង្ហាញក្តីបារម្ភទៅលើស្ថានភាពបច្ចុប្បន្ននៃការចាប់ខ្លួនមន្រ្តីសិទ្ធិមនុស្ស សមាជិកសភា ព្រឹទ្ធសភានិងសកម្មជននយោបាយ។
អានបន្ត -
ACU បដិសេធថាមិនបានរំលោភនីតិវិធីក្រមព្រហ្មទណ្ឌក្នុងការឃាត់មន្ត្រីអាដហុកនិងមន្ត្រីគ.ជ.ប
ប្រធានអង្គភាពប្រឆាំងអំពើពុករលួយ (ACU) បដិសេធថា ខ្លួនមិនបានរំលោភច្បាប់ក្នុងការឃាត់ខ្លួនសកម្មជនសិទ្ធិមនុស្សអាដហុក (ADHOC) និងមន្ត្រី គ.ជ.ប ឡើយ។ ប្រតិកម្មនេះ ធ្វើឡើងបន្ទាប់ពីក្រុមមេធាវីរបស់បុគ្គលិកសមាគមសិទ្ធិមនុស្សអាដហុក ប្រកាសថា ACU មិនឲ្យពួកគេជួបកូនក្តីរបស់ខ្លួនក្រោយការឃាត់ខ្លួនរយៈពេល ២៤ម៉ោងដូចច្បាប់កំណត់ ប៉ុន្តែរង់ចាំរហូតដល់ជាង ៦០ម៉ោង ទើបអនុញ្ញាតឲ្យជួបនៅតុលាការតែម្តង។ លោក ឱម យ៉ិនទៀង ប្រធានអង្គភាពប្រឆាំងអំពើពុករលួយ មានប្រសាសន៍ថា លោកមិនបានធ្វើផ្ទុយពីច្បាប់ដូចការចោទប្រកាន់របស់មេធាវី នៅក្នុងដំណើរនីតិវិធីឃាត់ខ្លួនជនសង្ស័យ ៥រូប ដែល ៤រូបជាមន្ត្រីសិទ្ធិមនុស្សនៃសមាគមអាដហុក និង ១រូបទៀតជាអគ្គលេខាធិការរងនៃគណៈកម្មាធិការជាតិរៀបចំការបោះឆ្នោត (គ.ជ.ប) ពាក់ព័ន្ធនឹងការសូកប៉ាន់សាក្សីនោះឡើយ។
អានបន្ត -
តំណាងរាស្ត្រCNRP សម្រេចមិនចូលបំភ្លឺនៅតុលាការ
ក្រុមសមាជិកសភានៃគណបក្សសង្គ្រោះជាតិ បានចេញសេចក្តីថ្លែងការមួយ ជុំវិញដីកាកោះហៅ របស់អយ្យការអមសាលាដំបូងរាជធានីភ្នំពេញ ដោយបានសម្រេចរួមគ្នាមិនឲ្យឯកឧត្តម កឹម សុខា អនុប្រធានគណបក្សសង្គ្រោះជាតិ រួមទាំងតំណាងរាស្ត្រ២រូបទៀត គឺលោក ពិន រតនា និងលោក តុ វ៉ាន់ចាន់ ចូលខ្លួនបំភ្លឺនៅតុលាការ តាមការកោះហៅរបស់ព្រះរាជអាជ្ញា នោះទេ។ សមាជិកសភានៃបក្សជំទាស់ មិនត្រឹមតែបដិសេធការចូលទៅកាន់តុលាការប៉ុណ្ណោះទេ តែថែមទាំងចាត់ទុកដីកាកោះហៅរបស់ព្រះរាជអាជ្ញា ថារំលោភបំពានយ៉ាងធ្ងន់ធ្ងរមកលើអភ័យឯកសិទ្ធិរបស់តំណាងរាស្ត្រ ដែលមានចែកក្នុងរដ្ឋធម្មនុញ្ញទៀតផង។
អានបន្ត -
សហភាពអឺរ៉ុបចង់ឲ្យកម្ពុជាធានាការវិនិយោគដែលមិនប្លន់ដីរាស្ត្រ
ក្នុងកិច្ចប្រជុំគណៈកម្មការរួមកម្ពុជា-អឺរ៉ុប លើកទី៩ នៅថ្ងៃទី៤ ឧសភា នៅក្រសួងការបរទេសកម្ពុជា ប្រធានផ្នែកអាស៊ីខាងកើតនៃសហភាពអឺរ៉ុប លោក ភីធឺ ប៊ឺស (Peter Berz) ថ្លែងបញ្ជាក់ថា សហភាពអឺរ៉ុប ចង់ឃើញកម្ពុជា ដែលជាប្រទេសនាំទំនិញទៅផ្គត់ផ្គង់ទីផ្សារអឺរ៉ុប ធានាបានថា គ្មានការរំលោភបំពានសិទ្ធិមនុស្ស ការប្លន់យកដីធ្លី ឬរឹបអូសយកដីប្រជាពលរដ្ឋនៅពេលធ្វើការវិនិយោគ។ ការថ្លែងរបស់មន្ត្រីជាន់ខ្ពស់របស់សហភាពអឺរ៉ុប នេះ សំដៅទៅលើជម្លោះដីធ្លីរ៉ាំរ៉ៃរវាងពលរដ្ឋ និងក្រុមហ៊ុនផលិតស្ករសនៅតាមបណ្ដាខេត្តមួយចំនួនរបស់ប្រទេសកម្ពុជា។ សហភាពអឺរ៉ុប បញ្ជាក់ថា ខ្លួនចង់ឃើញរដ្ឋាភិបាលកម្ពុជា និងអ្នកពាក់ព័ន្ធ ដោះស្រាយជម្លោះដីធ្លីជាមួយក្រុមហ៊ុនស្ករសនេះចេញជាសកម្មភាពជាក់ស្ដែង៖ «យើងមើលឃើញថា ការនាំស្ករចេញពីប្រទេសកម្ពុជា ទៅអឺរ៉ុប កំពុងធ្លាក់ចុះ ហើយយើងមិនច្បាស់ថា វាបណ្ដាលមកពីជម្លោះនេះ ឬយ៉ាងណា។ យើងក៏បានធ្វើការជាមួយរដ្ឋាភិបាល ដើម្បីធានាថា ជម្លោះដីធ្លីនេះត្រូវបានដោះស្រាយត្រឹមត្រូវ ដូចជាការផ្ដល់សំណងសមរម្យជូនពលរដ្ឋ»។
អានបន្ត -
ពលរដ្ឋចំណាកស្រុកជាង៥០០គ្រួសារស្នើសុំដីសម្បទានសង្គមកិច្ចពីអាជ្ញាធរខេត្តមណ្ឌលគិរី
តំណាងប្រជាពលរដ្ឋចំណាកស្រុកជាង ៥០០គ្រួសារអះអាងថា នឹងនាំគ្នាទៅសង់រោងស្នាក់នៅបណ្ដោះអាសន្នជាថ្មីលើដីសម្បទានសេដ្ឋកិច្ចមួយកន្លែង ឋិតក្នុងភូមិរវ៉ាក់ ឃុំរយ៉ ស្រុកកោះញែក ខេត្តមណ្ឌលគិរី ដើម្បីទាមទារឲ្យអាជ្ញាធរខេត្តឆ្វៀលដីសម្បទាននោះចែកជូនប្រជាពលរដ្ឋដែលគ្មានដីធ្វើកសិកម្មចិញ្ចឹមជីវិត។ ការអះអាងនេះ ធ្វើឡើងបន្ទាប់ពីកងកម្លាំង និងសមត្ថកិច្ចចម្រុះនៃអាជ្ញាធរខេត្តមណ្ឌលគិរី បានរារាំងមិនឲ្យប្រជាពលរដ្ឋចំណាកស្រុកមួយក្រុមមានគ្នាប្រមាណ ១០០នាក់ ដែលមកសង់រោងស្នាក់នៅលើដីសម្បទានសេដ្ឋកិច្ចក្រុមហ៊ុនប៉ាស៊ីហ្វិក ឋិតតាមបណ្តោយផ្លូវជាតិលេខ៧៨អា ចន្លោះព្រំប្រទល់ខេត្តរតនគិរី និងខេត្តស្ទឹងត្រែង កាលពីថ្ងៃច័ន្ទ ទី២ ឧសភា កន្លងទៅ។
អានបន្ត -
មន្រ្តីក្រសួងយុត្តិធម៌ថាតុលាការអាចកោះអញ្ជើញតំណាងរាស្រ្តចូលបំភ្លឺដូចពលរដ្ឋទូទៅ
អនុរដ្ឋលេខាធិការក្រសួងយុត្តិធម៌និងជាអ្នកនាំពាក្យក្រសួងបានអះអាងថាការកោះហៅរបស់តុលាការឲ្យតំណាងរាស្រ្ត៣រូបរបស់គណបក្សសង្រ្គោះជាតិចូលបំភ្លឺគឺត្រឹមត្រូវតាមច្បាប់ដែលលោកថាប្រជាពលរដ្ឋមានកាតព្វកិច្ចចូលរួមសហការជាមួយអាជ្ញាធរក្នុងការស្វែងរកការពិតអ្វីមួយ។ ព្រះរាជអាជ្ញារងនៃសាលាដំបូងរាជធានីភ្នំពេញបានចេញដីកាកោះហៅប្រធានស្ដីទីគណបក្សសង្គ្រោះជាតិលោក កឹម សុខា ឲ្យចូលខ្លួនទៅតុលាការនៅសប្ដាហ៍ក្រោយ ដើម្បីសាកសួរពីដំណើររឿងដែលកញ្ញា ធី សុវណ្ណថា បានប្ដឹងរូបលោកពីបទបរិហារកេរ្តិ៍។ តុលាការក៏បានចេញដីកាកោះហៅតំណាងរាស្ត្រ២រូបរបស់គណបក្សសង្គ្រោះជាតិឲ្យចូលទៅបំភ្លឺផងដែរ ពីការចោទប្រកាន់ពីអំពើពេស្យាចារ ដែលទាក់ទងនឹងរឿងអាស្រូវស្នេហាដែលត្រូវបានទម្លាយថាពាក់ព័ន្ធនឹងលោក កឹម សុខា។
អានបន្ត -
EU ថ្កោលទោសការបំភ័យ និងហិង្សា លើអ្នកសារព័ត៌មាន និងអ្នកការពារសិទ្ធិមនុស្ស
ថ្ងៃទី៣ខែឧសភា ដែលជាទិវាសេរីភាពសាព័ត៌មាននេះ លោកស្រីFederica Mogherini តំណាងជាន់ខ្ពស់សហភាពអឺរ៉ុប បានផ្តើមសេចក្តីថ្លែងការណ៍របស់ខ្លួនថា៖«ថ្ងៃនេះ យើងទាំងអស់គ្នាប្រារព្ធទិវាសេរីភាពសារព័ត៌មានពិភពលោក»។ លោកស្រីបានឆ្លៀតរំឮកឡើងវិញនូវគោលការណ៍ដែលបានចែងថា «ការបង្កើត ការថែរក្សា និងការជំរុញឲ្យមានសារព័ត៌មាន ប្រកបដោយឯករាជ្យភាព ពហុនិយម និងសេរីភាព គឺពិតជាមានសារសំខាន់ណាស់ ក្នុងការអភិវឌ្ឍ និងថែរក្សាលទ្ធិប្រជាធិបតេយ្យនៅក្នុងប្រទេសមួយ និងសម្រាប់ការអភិវឌ្ឍសេដ្ឋកិច្ចនៃប្រទេសនោះ»។ សិទ្ធិក្នុងការទទួលបានសេរីភាពក្នុងការបញ្ចេញមតិ រួមមានសេរីភាពស្រាវជ្រាវ ទទួល និងផលិតព័ត៌មាន ដែលវាគឺជាធាតុដ៏សំខាន់មួយ នៃអភិបាលកិច្ច និងការអភិវឌ្ឍបែបប្រជាធិបតេយ្យ។ មនុស្សត្រូវការទទួលបានព័ត៌មានពេញលេញ ដើម្បីអាចបង្កើតគំនិត និងចូលរួមក្នុង ដំណើរការធ្វើសេចក្តីសម្រេចចិត្ត ដែលប៉ះពាល់ដល់ជីវិតរស់នៅរបស់ខ្លួន។ នេះបើផ្អែកតាមសេចក្តីថ្លែងការណ៍ដដែល ដែលបន្តថា សេរីភាពសារព័ត៌មាន ក៏ចូលរួមចំណែកនៅក្នុងការធ្វើឲ្យប្រសើរឡើង នូវអភិបាលកិច្ច និងលើកកម្ពស់តម្លាភាព នៅក្នុងកិច្ចការសាធារណៈ។ មិនត្រឹមតែប៉ុណ្ណោះ វាជាឧបករណ៍ដើម្បីធ្វើឲ្យរដ្ឋាភិបាល មានគណនេយ្យភាពចំពោះសកម្មភាពរបស់ខ្លួនផងដែរ ពិសេសការទទួលបានព័ត៌មាន ដែលបង្ហាញអំពីករណីរំលោភសិទ្ធិមនុស្ស និងការប្រព្រឹត្តអំពើពុករលួយជាដើម។ ការធានាឲ្យមានការទទួលបានព័ត៌មាន អាចជួយលើកកម្ពស់យុត្តិធម៌ និងស្ដារស្ថានភាពឡើងវិញ ជាពិសេសបន្ទាប់ពីរយៈពេល នៃការរំលោភសិទ្ធិមនុស្សធ្ងន់ធ្ងរ។
អានបន្ត -
កម្មករខេត្តកណ្តាលតវ៉ាសុំឲ្យរោងចក្រទទួលយកតំណាងរបស់ខ្លួនចូលធ្វើការវិញ
កម្មករប្រមាណ១០០០នាក់មកពីរោងចក្រNew Archid នៅស្រុកអង្គស្នួល ខេត្តកណ្តាល នៅព្រឹកថ្ងៃអង្គារនេះ បានចេញមុខតវ៉ាទាមទារឲ្យរោងចក្រទទួលយកតំណាងកម្មករ៣នាក់ចូលធ្វើការវិញនិងទាមទារលក្ខខណ្ឌការងារអាទិភាព១០ចំណុច។ កម្មករឲ្យដឹងថាពួកគេទាមទារឲ្យតំណាងកម្មករ៣នាក់ចូលធ្វើការវិញ រួមមានលោក ចែម សម្ភស្ស លោក វ៉ាយ វាន្នី លោក អេង សុវណ្ណា ដែលខាងរោងចក្របានបញ្ឈប់កាលពីថ្ងៃសៅរ៍សប្តាហ៍មុន ដោយកម្មករអះអាងថាការបញ្ឈប់ដោយគ្មានមូលហេតុ។
អានបន្ត -
អង្គការតម្លាភាពអន្តរជាតិរិះគន់ចំណាត់ការACUលើមន្រ្តីការពារសិទ្ធិមនុស្ស
អង្គការតម្លាភាពអន្តរជាតិបានរិះគន់ចំណាត់ការរបស់អង្គភាពប្រឆាំងអំពើពុករលួយ(ACU)លើមន្រ្តីការពារសិទ្ធិមនុស្សអាដហុក មន្រ្តីគ.ជ.បនិងមន្រ្តីអង្គការសហប្រជាជាតិ ដោយថាអង្គភាព”មិនគួរអនុវត្តតួនាទីខ្លួនដើម្បីយាយីនិងព្យាយាមបំបិទសំឡេងសកម្មជនសង្គមស៊ីវិលឡើយ”។ មន្រ្តីអាដហុក៤ទាំងរូប រួមមានលោក នី សុខា លោក យី សុខសាន្ត លោក ណៃ វ៉ងដា និង លោកស្រី លឹម មុនី។ ពួកត្រូវបានតុលាការចោទប្រកាន់កាលពីថ្ងៃចន្ទពីបទសូកប៉ាន់សាក្សី តាមមាត្រា៥៤៨នៃក្រមព្រហ្មទណ្ឌហើយត្រូវបានបញ្ជូនខ្លួនទៅកាន់ពន្ធនាគារព្រៃស។ ចំណែកអតីតបុគ្គលិករបស់អាដហុក លោក នី ចរិយា ដែលទើបតែទទួលបានតំណែងជាអគ្គលេខាធិការរងគ.ជ.ប ត្រូវបានតុលាការចោទប្រកាន់ពីបទសមគំនិតសូកប៉ាន់សាក្សី(មាត្រា២៩និង៥៤៨នៃក្រមព្រហ្មទណ្ឌ) ដោយសារអង្គភាពប្រឆាំងអំពើពុករលួយបានដឹងពីការពិភាក្សាតាមខ្សែអាត់សំឡេង។ តុលាការក៏បានចោទប្រកាន់មន្ត្រីមួយរូបរបស់អង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជាគឺលោក សឺន សាលី ពីបទសមគំនិតក្នុងអំពើសូកប៉ាន់សាក្សីផងដែរ។ ប្រសិនបើតុលាការផ្តន្ទាទោស អ្នកទាំងអស់នោះអាចប្រឈមមុខនឹងការជាប់ពន្ធនាគារពី៥ឆ្នាំដល់១០ឆ្នាំ។
អានបន្ត -
កម្ពុជាជាប់ចំណាត់ថ្នាក់លេខ៣៣នៃសេរីភាពសារព័ត៌មាន៤០ប្រទេស
ការឲ្យចំណាត់ថ្នាក់របស់អង្គការ Freedom House ដែលចេញនៅថ្ងៃទិវាសេរីភាពសារព័ត៌មានពិភពលោក ៣ឧសភាឆ្នាំ២០១៦នេះបង្ហាញថា កម្ពុជាបានចំណាត់ថ្នាក់លេខ៣៣ ក្នុងចំណោមប្រទេសចំនួន៤០ នៅអាស៊ីប៉ាស៊ីភិក។ ចំណាត់ថ្នាក់នេះមានន័យថាប្រទេសកម្ពុជាមិនទាន់បានពន្ទុល្អនោះទេ។ ប៉ុន្តែបើប្រៀបធៀបនឹងបណ្តាប្រទេសអាស៊ានទាំង១០គឺកម្ពុជាទទួលបានចំណាត់ថ្នាក់លេខ៥ គឺប្រសើរជាង ភូមា ប្រ៊ុយណេ ថៃ ឡាវ និងវៀតណាម។
អានបន្ត -
តុលាការកោះហៅតំណាងរាស្ត្របក្សប្រឆាំង២រូប ទំនងពាក់ព័ន្ធនឹងករណីស្រីមុំ
ព្រះរាជអាជ្ញារងនៃសាលាដំបូងរាជធានីភ្នំពេញចេញដីកាកោះហៅតំណាងរាស្ត្រ២រូបរបស់គណបក្សសង្គ្រោះជាតិឲ្យចូលទៅបំភ្លឺ ពីការចោទប្រកាន់ពីអំពើពេស្យាចារ ដែលទំនងសំដៅលើករណីនៃការចោទប្រកាន់រឿងអាស្រូវស្នេហារបស់អនុប្រធានគណបក្សប្រឆាំងលោក កឹម សុខា។ ក្នុងដីកាពីរចុះថ្ងៃទី២ ខែឧសភា និងមានខ្លឹមសារប្រហាក់ប្រហែលគ្នា ព្រះរាជអាជ្ញារងលោក សៀង សុខ កោះហៅ លោក តុ វ៉ាន់ចាន់ និងលោក ពិន រតនា ឲ្យចូលទៅតុលាការនៅថ្ងៃទី១៦ ខែឧសភា ដើម្បីសាកសួរពីដំណើររឿងពាក់ព័ន្ធនឹងអំពើពេស្យាចារ។ តុលាការបានតម្រូវឲ្យលោក តុ វ៉ាន់ចាន់ ចូលបំភ្លឺនៅម៉ោង៩ព្រឹក ចំណែកលោក ពិន រតនា ចូលបំភ្លឺនៅម៉ោង២និង៣០នាទីរសៀល។ លោក តុ វ៉ាន់ចាន់ គឺជាតំណាងរាស្រ្តខេត្តកណ្តាល ឯលោក ពិន រតនា គឺតំណាងរាស្រ្តខេត្តបាត់ដំបង មកពីគណបក្សសង្គ្រោះជាតិ។
អានបន្ត
គាំទ្រដោយ
