កំពុងស្វែងរកទិន្នន័យ
រកឃើញ: 13.090
-
ពលរដ្ឋស្រុកមេមត់ជាង ៥០០គ្រួសារ ដាក់ញត្តិសុំបណ្ណកម្មសិទ្ធិដីធ្លីទៅក្រសួងរៀបចំដែនដី
ភ្នំពេញ៖ ប្រជាពលរដ្ឋប្រមាណ ៣រយនាក់ តំណាងឲ្យពលរដ្ឋចំនួន ៥២៤ គ្រួសារមកពីស្រុកមេមត់ ខេត្តត្បូងឃ្មុំនៅថ្ងៃទី២៧ខែមេសានេះ ដាក់ញត្តិទៅក្រសួងរៀបចំដែនដី នគរូបនីយកម្មនិងសំណង់ ដើម្បីសុំឲ្យក្រសួងចេញប័ណ្ណកម្មសិទ្ធិដីធ្លីជូនពួកគាត់។ ញត្តិស្នើសុំប័ណ្ណកម្មសិទ្ធិដីធ្លី របស់ពលរដ្ឋស្រុកមេមត់ប្រមាណជាង ៥រយគ្រួសារ ត្រូវដាក់ជូនក្រសួងរៀបចំដែនដី នៅថ្ងៃទី២៧ខែមេសានេះ។ អ្នកស្រី ណៃ អេង តំណាងពលរដ្ឋ ប្រាប់ឲ្យដឹងថា ពលរដ្ឋនាំគ្នាទាមទារប័ណ្ណកម្មសិទ្ធិដីធ្លីចាប់ពីឆ្នាំ ២០០៩ មក គឺបន្ទាប់ពីរាជរដ្ឋាភិបាលសម្រេចផ្តល់ដី ដែលពួកគាត់កំពុងរស់នៅ ទៅឲ្យក្រុមហ៊ុនចំម្ការកៅស៊ូមេមុតខូអិលធីឌី នៅឆ្នាំ ២០០៨ ។ អ្នកស្រីបន្តថា ពលរដ្ឋដែលរស់នៅទីនោះមានចំនួន ៥២៤ គ្រួសារ លើ់ផ្ទៃដីទំហំ ២៩ ហិកតា ស្ថិតនៅភូមិខ្នងក្រពើខាងលិច និងភូមិខ្នងក្រពើខាងកើត ឃុំត្រមូង ស្រុកមេមត់ ខេត្តត្បូងឃ្មុំ។
អានបន្ត -
លោក ហ៊ុន សែន ថាកុំនិយាយពីប្រជាធិបតេយ្យនិងសិទ្ធិមនុស្ស មុនសន្តិភាព
លោកនាយករដ្ឋមន្រ្តី ហ៊ុន សែន នៅថ្ងៃអង្គារនេះ បានឲ្យដឹងថាប្រជាធិបតេយ្យនិងការគោរពសិទ្ធិមនុស្សកើតឡើងក្រោយប្រទេសមានសន្តិភាព ដោយលោកអំពាវនាវឲ្យយល់ដឹងពីតួនាទីអ្នកស្វែងរកនិងអ្នកការពារសន្តិភាព។ ក្នុងពិធីសម្ពោធផ្លូវជាតិលេខ៥៦ដែលតភ្ជាប់រវាងខេត្តបន្ទាយមានជ័យនិងខេត្តឧត្តរមានជ័យ លោក ហ៊ុន សែន បានថ្លែងថាត្រូវមើលសន្តិភាពមុននឹងនិយាយពីការអភិវឌ្ឍ លទ្ធិប្រជាធិបតេយ្យនិងការគោរពសិទ្ធិមនុស្ស។ លោកមានប្រសាសន៍ថា៖ “ដូច្នេះត្រូវមើលឃើញតួនាទីរក្សាសន្តិភាព មុនគេបង្អស់ កុំនិយាយដល់ការអភិវឌ្ឍ កុំនិយាយដល់ប្រជាធិបតេយ្យ តែចាប់ផ្តើមមានសង្រ្គាមហើយ គឺចុកមាត់ជិតហើយ កុំឆ្ងល់ពេក។ អ្នកខ្លះនិយាយបានត្រឹមប្រជាធិបតេយ្យ និយាយបានពីសិទ្ធិមនុស្ស ក៏ប៉ុន្តែគេអត់បានគិតពីសិទ្ធិរស់រានមានជីវិត សិទ្ធិទទួលបាននូវសន្តិភាព សិទ្ធិចាកចេញផុតពីការភ័យខ្លាចនៃសង្រ្គាមនោះទេ”។ លោកបន្ថែមថា៖ “អញ្ចឹងចំណុចនេះត្រូវមើលឲ្យឃើញអំពីតួនាទីនិងសារសំខាន់នៃសន្តិភាពនិងតួនាទីសំខាន់នៃអ្នកដែលស្វែងរកសន្តិភាពនិងចេះការពារសន្តិភាព បើមិនដូច្នោះទេ វានឹងជួបគ្រោះថ្នាក់ឡើងវិញ ហើយបង្កឲ្យមានមនុស្សស្លាប់”។
អានបន្ត -
ពលរដ្ឋមានបញ្ហាដីជាមួយក្រុមហ៊ុនឧកញ៉ា លី អ៊ុំអេងជំរុញឲ្យអាជ្ញាធរឆាប់រកដំណោះស្រាយ
ប្រជាពលរដ្ឋមកពីសហគមន៍ទំនាស់ដីធ្លីចំនួន៤ ក្នុងស្រុកបន្ទាយស្រី បានជួបជុំគ្នានៅក្នុងឃុំរំចេក កាលពីព្រឹកថ្ងៃអង្គារ ទី២៦ ខែមេសា ដើម្បីជំរុញឱ្យអាជ្ញាធរស្រុកបន្ទាយស្រី ពន្លឿនការដោះស្រាយដីធ្លីជូនប្រជាពលរដ្ឋ ៤៧គ្រួសារ នៅក្នុងភូមិសាលាក្រវ៉ាន់ ឱ្យបានឆាប់រហ័ស។ ការជំរុញឱ្យមានដំណោះស្រាយដីធ្លីនេះ បន្ទាប់ពីអ្នកភូមិសាលាក្រវ៉ាន់ ចំនួន ៤៧គ្រួសារ កើតមានទំនាស់ដីធ្លីជាមួយក្រុមហ៊ុនឧកញ៉ា លី អ៊ុំអេង ដែលជាអ្នកមានអំណាចម្នាក់ នៅខេត្តសៀមរាប រយៈពេលជិត ៦ឆ្នាំមកហើយ។
អានបន្ត -
អាដហុកថាស្រីមុំនិយាយការពិតមួយទៀតទៅតុលាការ ខុសពីការពិតប្រាប់មកសមាគម
ប្រធានសមាគមសិទ្ធិមនុស្សអាដហុក លោក ធន សារាយ បានថ្លែងថាបុគ្គលិកសមាគមមិនបានណែនាំកញ្ញា ខុម ចាន់តារ៉ាទី ហៅស្រីមុំ ដែលត្រូវបានទម្លាយខ្សែអាត់សំឡេងស្នេហាជាមួយអនុប្រធានគណបក្សសង្រ្គោះជាតិ លោក កឹម សុខា ឲ្យនិយាយកុហកទៅតុលាការ ដូចការលើកឡើងរបស់ស្រីមុំនោះទេ ដោយថាស្រីមុំបានប្រាប់ការពិតមួយទៀតទៅតុលាការ។ កាលពីថ្ងៃចន្ទ អង្គភាពប្រឆាំងអំពើពុករលួយបានចេញលិខិតកោះហៅមន្រ្តីសមាគមអាដហុក៥រូប ឲ្យចូលបំភ្លឺទាក់ទងនឹងចម្លើយសារភាពរបស់ស្រីមុំ ដែលបានស្នើឲ្យតុលាការចាត់ការលើមន្រ្តីអាដហុកដែលនាងចោទថាបានឲ្យនាងនិយាយកុហក ពេលចូលបំភ្លឺនៅតុលាការ។
អានបន្ត -
ពលរដ្ឋត្រូវបានបណ្ដេញចេញពីលំនៅដោយសារទំនប់វារីអគ្គិសនីសេសានរងទុក្ខលំបាកនៅតំបន់ថ្មី
ក្រោយពីយល់ព្រមទទួលយកសំណងពីក្រុមហ៊ុនសាងសង់ទំនប់វារីអគ្គិសនីសេសានក្រោមពីរ ជីវភាពពលរដ្ឋដែលតាំងទីលំនៅនៅតំបន់ថ្មី កំពុងស្ថិតក្នុងភាពមិនច្បាស់លាស់។ ស្ថានភាពនេះ គឺផ្ទុយពីអ្វីដែលក្រុមហ៊ុន និងអាជ្ញាធរធ្លាប់បានសន្យាជាមួយពលរដ្ឋនាពេលកន្លងទៅ ដែលថា ការរស់នៅតំបន់ថ្មីនឹងធ្វើឲ្យជីវិតពួកគេប្រសើរជាងមុន។ រដូវវស្សាឆ្នាំថ្មី នឹងចាប់ផ្ដើមនាពេលឆាប់ៗនេះ ប៉ុន្តែពលរដ្ឋដែលត្រូវបានជម្លៀសពីភូមិចាស់ទៅភូមិថ្មី កាលពីរដូវវស្សាឆ្នាំមុន នៅតែមិនទាន់អាចស្វែងរកជីវភាពថ្មីប្រកបដោយភាពសុខក្សេមក្សាន្តបាននៅឡើយ។
អានបន្ត -
អ្នកភូមិជាង១០០គ្រួសារនៅខេត្តឧត្ដរមានជ័យបារម្ភខ្លាចទាហានរំលោភយកដីចម្ការ
អាជ្ញាធរភូមិក្រឡសែនជ័យ និងឃុំបេង ស្រុកបន្ទាយអំពិល កំពុងប្រឹងប្រែងដោះស្រាយទំនាស់ដីធ្លីទំហំប្រមាណ ៤០០ហិកតាររវាងប្រជាពលរដ្ឋជាមួយនឹងកងទាហាន នៅជិតតំបន់ភ្នំដី ចម្ងាយជាង ៥០គីឡូម៉ែត្រ ភាគនិរតីពីទីរួមខេត្តឧត្តរមានជ័យ។ ក៏ប៉ុន្តែរហូតមកដល់ពេលនេះ រយៈពេលជាង ២ខែមកហើយ ការប្រឹងប្រែងដោះស្រាយនោះនៅមិនទាន់ឃើញលេចចេញជាលទ្ធផលយ៉ាងណានៅឡើយទេ។ ប្រជាពលរដ្ឋប្រមាណជាង ១០០គ្រួសារនៅភូមិក្រឡសែនជ័យ កំពុងព្រួយបារម្ភខ្លាចបាត់បង់ដីចម្ការរបស់ពួកគេ ប្រសិនបើអាជ្ញាធរឃុំបេង និងស្រុកបន្ទាយអំពិល មិនមានលទ្ធភាពដោះស្រាយជាមួយទាហានដែលកំពុងត្រូវការយកដីពួកគេទេនោះ។
អានបន្ត -
លោក ហ៊ុន សែន ថាបក្សកាន់អំណាចកំពុងរៀបចំពាក្យបណ្តឹងប្រឆាំងនឹងអ្នកបង្ខូចកេរ្តិ៍ឈ្មោះបក្ស
លោកនាយករដ្ឋមន្រ្តី ហ៊ុន សែន នៅថ្ងៃចន្ទនេះ បានឲ្យដឹងថាគណបក្សប្រជាជនកម្ពុជាកំពុងរៀបចំពាក្យបណ្តឹងប្តឹងអ្នកវិភាគនិងអ្នកអត្ថាធិប្បាយមួយចំនួន ដែលលោកចាត់ទុកថាបានបង្ខូចកេរ្តិ៍ឈ្មោះគណបក្សប្រជាជនកម្ពុជា។ ការព្រមានរបស់នាយករដ្ឋមន្រ្តីធ្វើឡើងស្របពេលដែលអ្នកនាំពាក្យគណបក្សប្រជាជនកម្ពុជាបានព្រមានថានឹងចាត់វិធានការផ្លូវច្បាប់លើអ្នកវិភាគមួយចំនួនដែលនិយាយថាគណបក្សកាន់អំណាចនៅពីក្រោយកញ្ញា ខុម ចាន់តារ៉ាទី ហៅស្រីមុំ ដែលបានសារភាពថាខ្លួនមានទំនាក់ទំនងស្នេហាជាមួយលោក កឹម សុខា អនុប្រធានគណបក្សសង្រ្គោះជាតិ។
អានបន្ត -
អគ្គលេខាធិការរងគ.ជ.ប លោក នី ចរិយា ត្រូវកោះហៅ ទាក់ទងនឹងករណីស្រីមុំ
អង្គភាពប្រឆាំងអំពើពុករលួយ(ACU)បានកោះហៅអគ្គលេខាធិការរងនៃគណៈកម្មាធិការជាតិរៀបចំការបោះឆ្នោត(គ.ជ.ប)ទាក់ទងនឹងចម្លើយសារភាពរបស់កញ្ញាខុម ចាន់តារ៉ាទី ហៅស្រីមុំ។ លោក នី ចរិយា ប្រាប់វីអូឌីនៅរសៀលថ្ងៃចន្ទនេះថាលោកត្រូវបានកោះហៅឲ្យទៅអង្គភាពនៅថ្ងៃទី២៨ ខែមេសា ឆ្នាំ២០១៦។ នៅពេលសួរថាតើករណីលោកពាក់ព័ន្ធអ្វីដែរ លោក នី ចរិយា មានប្រសាសន៍ថា៖ “ខ្ញុំគ្មានដឹងរឿងអីទេ”។ លោកបានបដិសេធអត្ថាធិប្បាយអត្ថាធិប្បាយលើបញ្ហានេះ តែថាលោកនឹងទៅអង្គភាពតាមការកោះហៅ។
អានបន្ត -
អង្គភាពប្រឆាំងអំពើពុករលួយកោះហៅមន្រ្តីអាដហុក៥រូប ទាក់ទងនឹងករណីស្រីមុំ
អង្គភាពប្រឆាំងអំពើពុករលួយបានកោះហៅមន្រ្តីសមាគមសិទ្ធិមនុស្សអាដហុក៥រូប ឲ្យចូលបំភ្លឺទាក់ទងនឹងចម្លើយសារភាពរបស់កញ្ញាខុម ចាន់តារ៉ាទី ហៅស្រីមុំ ដែលបានស្នើឲ្យតុលាការចាត់ការលើមន្រ្តីអាដហុកដែលនាងចោទថាបានឲ្យនាងនិយាយកុហក ពេលចូលបំភ្លឺនៅតុលាការ។ លិខិតកោះហៅដែលមានអត្ថន័យដូចគ្នា លោក នួន សុធីមន្ត ប្រធាននាយកដ្ឋានកិច្ចការគតិយុត្ត ពាក្យប្តឹងនិងអន្តរជាតិ បានកោះហៅអតីតមេធាវីស្រីមុំ ឈ្មោះ អ្នកស្រី ទ្រី ឈូន លោកស្រី លឹម មុនី មន្រ្តីអង្កេតជាន់ខ្ពស់នៃសមាគម លោក នី សុខា ប្រធានផ្នែកស៊ើបអង្កេតនៃសមាគម លោក យី សុខសាន្ត អនុប្រធានផ្នែកស៊ើបអង្កេតនៃសមាគមនិងលោក ណៃ វ៉ងដា អនុប្រធានផ្នែកស៊ើបអង្កេត។ តាមលិខិតកោះហៅនោះ អ្នកស្រី ទ្រី ឈូន ត្រូវបង្ហាញខ្លួននៅអង្គភាពនៅថ្ងៃទី២៧ ខែមេសា វេលាម៉ោង៨ព្រឹក លោក នី សុខា នៅម៉ោង៩ព្រឹក លោក យី សុខសាន្ត នៅម៉ោង២រសៀលនិងលោកណៃ វ៉ងដា នៅម៉ោង៣រសៀល។ ចំណែកលោក លឹម មុនី ត្រូវបង្ហាញខ្លួននៅថ្ងៃទី២៨ ខែមេសា វេលាម៉ោង១០ព្រឹក។
អានបន្ត -
ពលរដ្ឋរងផលប៉ះពាល់ពីគម្រោងផ្លូវដែកនៅក្រុងប៉ោយប៉ែតបន្តតវ៉ាទាមទារសំណង
ប្រជាពលរដ្ឋប្រមាណ ២០នាក់តំណាងឲ្យ ៥០គ្រួសារ ដែលរងផលប៉ះពាល់ពីគម្រោងអភិវឌ្ឍន៍ផ្លូវរថភ្លើងនៅក្រុងប៉ោយប៉ែត ខេត្តបន្ទាយមានជ័យ នៅព្រឹកថ្ងៃទី២៥ មេសា នាំគ្នាតវ៉ាមុខសាលាក្រុង ដើម្បីឲ្យអាជ្ញាធរផ្ដល់សំណងជូនពួកគាត់ឲ្យបានឆាប់រហ័ស។ អាជ្ញាធរក្រុងប៉ោយប៉ែត ពុំបានចេញមកជួបក្រុមអ្នកតវ៉ានោះទេ។ ក្រុមអ្នកតវ៉ានៅក្រុងប៉ោយប៉ែត សម្ដែងការមិនពេញចិត្តនឹងអាជ្ញាធរក្រុង និងមន្ត្រីពាក់ព័ន្ធ ថាមិនយកចិត្តទុកដាក់ដោះស្រាយផលប៉ះពាល់ពីគម្រោងសាងសង់ផ្លូវដែកជូនពលរដ្ឋឲ្យបានឆាប់រហ័សនោះទេ។
អានបន្ត -
បក្សកាន់អំណាចប្តឹងលោក អ៊ូ វីរៈ ឲ្យផ្តល់សំណង១០ម៉ឺនដុល្លារ ករណីស្រីមុំ
អ្នកនាំពាក្យនិងជាតំណាងរាស្រ្តគណបក្សប្រជាជនកម្ពុជា លោក សុខ ឥសាន បានដាក់ពាក្យបណ្តឹងទៅតុលាការ ប្តឹងលោក អ៊ូ វីរៈ ប្រធានអង្គការវេទិកាអនាគតនិងជាអ្នកវិភាគឯរាជ្យ ករណីការអត្ថាធិប្បាយរបស់លោកថាគណបក្សកាន់អំណាចនៅពីក្រោយករណី ខុម ចាន់តារ៉ាទី ហៅស្រីមុំ។ ពាក្យបណ្តឹងចុះថ្ងៃទី២៥ ខែមេសា ឲ្យដឹងថាលោក សុខ ឥសាន តំណាងឲ្យគណបក្សប្រជាជកម្ពុជា ប្តឹងលោក អ៊ូ វីរៈ ពីការអត្ថាធិប្បាយប្រាប់វិទ្យុអាស៊ីសេរីថា៖ “យុទ្ធសាស្រ្តរបស់គណប្សកាន់អំណាច នៅពេលនេះ គឺព្យាយាមគាបសង្កត់ លោក កឹម សុខា និងហិរញ្ញវត្ថុរបស់លោក…”។ ពាក្យបណ្តឹងបន្តថាលោក អ៊ូ វីរៈ ក៏បានលើកឡើងថាគណបក្សប្រជាជនកម្ពុជារវល់គិតគូរបំបាក់គូប្រជែងនយោបាយតាមរបៀបនេះ នឹងកាន់តែធ្វើឲ្យបាត់បង់ប្រជាប្រិយភាពខ្លាំងហើយមន្រ្តីនៅក្នុងបក្សនេះមួយចំនួនក៏មិនពេញចិត្តចំពោះយន្តការនេះដែរ។
អានបន្ត -
សហគមន៍ជនជាតិដើមភាគតិចទំពួនខេត្តរតនគិរីទទួលយកដំណោះស្រាយដីធ្លីក្រៅប្រព័ន្ធតុលាការ
ជម្លោះដណ្ដើមដីគ្នានៃសហគមន៍ជនជាតិដើមភាគតិចនៅខេត្តរតនគិរី គឺជាកត្តាសំខាន់ដែលមន្ត្រីអង្គការសង្គមស៊ីវិល យកចិត្តទុកដាក់។ ពួកគេជួយសម្របសម្រួលបញ្ចប់វិវាទនេះក្រៅប្រព័ន្ធតុលាការ ដើម្បីជួយការពារប្រពៃណី វប្បធម៌ និងសាមគ្គីភាពផ្ទៃក្នុងសហគមន៍បានប្រសើរឡើងវិញ។ វិវាទដណ្ដើមដីគ្នារបស់សមាជិកសហគមន៍ភូមិប៉ាតត់ ក្នុងឃុំសេដា ស្រុកលំផាត់ ខេត្តរតនគិរី ដែលកើតមានប្រមាណ ២ឆ្នាំកន្លងទៅ បានដោះស្រាយបញ្ចប់ បន្ទាប់ពីភាគីជម្លោះយល់ព្រមសម្របសម្រួលចែកដីគ្នាជាពីរចំណែកស្មើគ្នា។
អានបន្ត -
គណបក្សសង្គ្រោះជាតិអំពាវនាវឲ្យដោះលែងមេឃុំនៅខេត្តកំពង់ចាមដោយឥតលក្ខខណ្ឌ
មេឃុំមកពីគណបក្ស សម រង្ស៊ី នៅឃុំស្រក ស្រុកកំពង់សៀម ខេត្តកំពង់ចាម ឈ្មោះ ស៊ាង ចែត ត្រូវបានអង្គភាពប្រឆាំងអំពើពុករលួយ ចាប់ខ្លួននៅព្រឹកថ្ងៃទី២៤ មេសា ទាក់ទងនឹងករណីចោទប្រកាន់របស់កញ្ញា ខុម ចាន់តារាទី ហៅ ស្រីមុំ។ គណបក្សសង្គ្រោះជាតិ ហៅការចាប់ខ្លួននេះ រឹតតែធ្វើឲ្យស្ថានការណ៍នយោបាយតានតឹង។ គណបក្សសង្គ្រោះជាតិ ចេញសេចក្ដីថ្លែងការណ៍អំពាវនាវឲ្យអាជ្ញាធរ ដោះលែងមន្ត្រីរបស់ខ្លួនឈ្មោះលោក ស៊ាង ចែត មេឃុំស្រក ស្រុកកំពង់សៀម ខេត្តកំពង់ចាម ជាបន្ទាន់ និងឥតលក្ខខណ្ឌ។
អានបន្ត -
ក្រសួងយុត្តិធម៌ស្នើសមត្ថកិច្ចចាត់វិធានការលើអង្គការសង្គមស៊ីវិលមួយចំនួន
ក្រសួងយុត្តិធម៌ ស្នើឲ្យសមត្ថកិច្ចចាត់វិធានការលើអង្គការសង្គមស៊ីវិល និងមនុស្សមួយចំនួនទៀតដែលត្រូវកញ្ញា ខុម ចាន់តារាទី ហៅស្រីមុំ ចោទប្រកាន់ថា បានបង្គាប់នាងឲ្យនិយាយកុហក។ ចំណែកមន្ត្រីអង្គការសង្គមស៊ីវិលដែលរងការចោទ អះអាងថា ពួកគេមិនបានប្រាប់ទៅកញ្ញា ខុម ចាន់តារាទី ហៅស្រីមុំ ឲ្យនិយាយខុសពីការពិតនោះទេ។ សេចក្ដីថ្លែងការណ៍របស់ក្រសួងយុត្តិធម៌ ចោទប្រកាន់ថា ទង្វើរបស់ក្រុមអង្គការសង្គមស៊ីវិល និងអ្នកពាក់ព័ន្ធ ជាសកម្មភាពល្មើសច្បាប់ ដែលប៉ះពាល់ធ្ងន់ធ្ងរដល់សិទ្ធិសេរីភាព និងសេចក្ដីថ្លៃថ្នូររបស់កញ្ញា ខុម ចាន់តារាទី។
អានបន្ត -
សង្ខេបខ្លឹមសារភាពយន្តឯកសារ "ខ្ញុំជា ឈុត វុទ្ធី"
ភាពយន្តឯកសារមានចំណងជើងជាភាសាអង់គ្លេសថា “I am Chut Wutty” ឬ "ខ្ញុំជា ឈុត វុទ្ធី" ត្រូវបានជនជាតិអង់គ្លេសឈ្មោះ ហ្វ្រេន ឡាំប្រីក (Fran Lambrick) ផលិតឡើងដើម្បីបង្ហាញពីសកម្មភាពការពារព្រៃឈើ និងធនធានធម្មជាតិរបស់លោក ឈុត វុទ្ធី អ្នកការពារបរិស្ថាន ដែលត្រូវបានឃាតកបាញ់សម្លាប់កាលពីខែមេសា ឆ្នាំ២០១២ ក្នុងពេលលោកចុះពិនិត្យមើលការកាប់ឈើខុសច្បាប់ក្នុងតំបន់មួយចំនួននៅខេត្តកោះកុង។ ផលិតករ ហ្វ្រេន ឡាំប្រីក គ្រោងដាក់បញ្ចាំងភាពយន្តឯកសារនេះ នៅមជ្ឈមណ្ឌល មេត្តា ហោស៍ (Meta House) កាលពីថ្ងៃទី២០ ខែមេសា ប៉ុន្តែគម្រោងនេះបរាជ័យ ដោយសារក្រសួងវប្បធម៌ និងវិចិត្រសិល្បៈ មិនអនុញ្ញាត។
អានបន្ត -
អាដហុកប្រកាសឈប់ផ្តល់មេធាវីដល់ស្រីមុំ ក្រោយនាងចូលបំភ្លឺនៅតុលាការ
សមាគមការពារសិទ្ធិមនុស្សអាដហុក នៅថ្ងៃសុក្រនេះបានប្រកាសថាខ្លួនសម្រេចឈប់ផ្តល់មេធាវីការពារសម្រាប់កញ្ញា ខុម ចាន់តារាទី ហៅស្រីមុំ ដែលត្រូវបានទម្លាយថាមានទំនាក់ទំនងសេ្នហាជាមួយលោក កឹម សុខា អនុប្រធានគណបក្សសង្រ្គោះជាតិ។ ការសម្រេចឈប់ផ្តល់មេធាវីនេះ ធ្វើឡើងក្រោយពេលដែលកញ្ញាស្រីមុំ អមដោយមេធាវីរបស់សមាគមអាដហុក អ្នកស្រី ទី្រ ឈូន បានទៅតុលាការ ដោយបានឆ្លើយទទួលស្គាល់នៅចំពោះមុខព្រះរាជអាជ្ញាថាមានទំនាក់ទំនងជាមួយលោក កឹម សុខា និងថាធ្លាប់បានទៅទីក្រុងបាងកក ប្រទេសថៃទៀតផង។
អានបន្ត -
កម្មករក្រុមហ៊ុនចិនភាពីម៉ិចនៅខេត្តពោធិ៍សាត់បន្តតវ៉ាសុំបើកប្រាក់ឈ្នួល
ក្រុមកម្មករ អ្នកបញ្ជាគ្រឿងចក្រ និងអ្នកបកប្រែភាសាឲ្យមេការជនជាតិចិន នៅតាមការដ្ឋានជាច្រើននៃក្រុមហ៊ុន ភាពីម៉ិច (Pheapimex) ខេត្តពោធិ៍សាត់ ផ្អាកបាតុកម្មទាមទារបើកប្រាក់ឈ្នួលនៅរសៀលថ្ងៃទី២១ ខែមេសា។ អាជ្ញាធរស្រុក និងមន្ត្រីនៃមន្ទីរការងារ បានចេញមុខសម្របសម្រួល និងយកលិខិតធ្វើកិច្ចសន្យាបើកប្រាក់ឈ្នួលរបស់ក្រុមហ៊ុន មកអានឲ្យអ្នកតវ៉ាស្ដាប់។ ក្រុមអ្នកតវ៉ាប្រមាណ ៦០នាក់ បានបង្ហាញពីទុក្ខលំបាក និងមិនសូវជឿជាក់លើការសន្យារបស់ភាគីក្រុមហ៊ុនចិន នៅចំពោះមុខអភិបាលស្រុកក្រគរ និងប្រធានមន្ទីរការងារខេត្តពោធិ៍សាត់ គ្រាដែលពួកគេប្រមូលផ្ដុំគ្នាតវ៉ានៅក្នុងបរិវេណផ្ទះរបស់តំណាងក្រុមហ៊ុន ឋិតនៅភូមិក្បាលដំរី នៃឃុំអន្សាចំបក់។
អានបន្ត -
បញ្ហាធំជាងគេរបស់ជនជាតិដើមភាគតិចនៅកម្ពុជា គឺការបាត់បង់ដីធ្លី
ក្រោយពីបញ្ចប់ទស្សនកិច្ចក្នុងខេត្តមណ្ឌគិរី និងខេត្តរតនគិរី ឯកអគ្គរដ្ឋទូតសហភាពអឺរ៉ុបប្រចាំកម្ពុជា មើលឃើញថា ភាគច្រើននៃសហគមន៍ជនជាតិដើមភាគតិច ក្នុងខេត្តមណ្ឌលគិរី ទទួលបានជោគជ័យក្នុងការចុះបញ្ជីជាផ្លូវការ។ ប៉ុន្តែ លោក បន្ថែមថា ការចុះបញ្ជីដីសហគមន៍ជនជាតិដើមភាគតិច ទូទាំងប្រទេសកម្ពុជា នៅមានកម្រិតនៅឡើយ។ ឯកអគ្គរដ្ឋទូតនៃសហភាពអឺរ៉ុប លោក George Edgar បានលើកឡើងថា បញ្ហាដ៏ធំដែលជនជាតិដើមភាគតិចតែងតែប្រឈម និងភ័យព្រួយឥតស្រាកស្រាន្តនោះ គឺការបាត់បង់ដីធ្លី និងព្រៃឈើ រួមទាំងធនធានធមជាតិទាំងឡាយ ដែលពួកគេទទួលផល។ លោកថា ការបាត់បង់ដីធ្លីនិងផ្ទះសម្បែងរបស់ជនជាតិដើមភាគតិច កើតឡើងតាមរយៈការផ្តល់សម្បទានដីសង្គមកិច្ចនិងសម្បទានដីសេដ្ឋកិច្ច ពីសំណាក់រាជរដ្ឋាភិបាលកម្ពុជា។ លោក George Edgar សង្កេតឃើញថា មានតែសហគមន៍ជនជាតិដើមភាគតិចក្នុងខេត្តមណ្ឌលគិរីប៉ុណ្ណោះ ដែលភាគច្រើន ត្រូវបានចុះបញ្ជីជាផ្លូវការ។ ប៉ុន្តែជនជាតិដើមភាគតិចទូទាំងប្រទេសកម្ពុជា នៅតែប្រឈមនឹងការបាត់បង់លំនៅដ្ឋាន និងសហគមន៍របស់ខ្លួននៅឡើយ ដោយសារតែមិនបានចុះបញ្ជី។
អានបន្ត -
អាជ្ញាធរស្រុកពេជ្រាដាសំណូមពរឲ្យសហគមន៍ព្នងឃុំប៊ូស្រាគោរពច្បាប់ឲ្យបានប្រសើរ
សហគមន៍ជនជាតិដើមភាគតិចព្នង ឃុំប៊ូស្រា ជិត ៤០០នាក់ បាននាំគ្នាបោះបង្គោលហ៊ុមព័ទ្ធដីដែលពួកគាត់អះអាងថាជាដីសហគមន៍ ខណៈដែលអាជ្ញាធរខេត្តមិនទាន់បង្ហាញលទ្ធផលវាស់វែងដីសហគមន៍ និងដីតំបន់សម្បទានសង្គមកិច្ចដែលកំពុងមានទំនាស់រវាងសហគមន៍ និងពលរដ្ឋចំណាកស្រុក។ អាជ្ញាធរស្រុកពេជ្រាដា ខេត្តមណ្ឌលគិរី សំណូមពរឲ្យតំណាងសហគមន៍ឃុំប៊ូស្រា ណែនាំសមាជិកឲ្យគោរពច្បាប់ និងបញ្ឈប់ធ្វើសកម្មភាពទាំងឡាយដែលផ្ទុយពីច្បាប់ ហើយរង់ចាំការសម្រេចរបស់អាជ្ញាធរខេត្ត។
អានបន្ត -
អាជ្ញាធរបើកការឈូសឆាយដីពលរដ្ឋនៅខណ្ឌជ្រោយចង្វារ
កងកម្លាំងរបស់សាលាខណ្ឌជ្រោយចង្វារ បានយកគ្រឿងចក្រចូលឈូសឆាយដីពលរដ្ឋនៅភូមិគៀនឃ្លាំង សង្កាត់ព្រែកលៀប ទាំងម្ចាស់ដីមិនទាន់យល់ព្រមទទួលសំណង។ ពលរដ្ឋម្ចាស់ដីទាមទារឲ្យមានដោះស្រាយជាមុនសិន មុននឹងអាជ្ញាធរឈូសឆាយលើដីរបស់ពួកគេ។ ពលរដ្ឋរងផលប៉ះពាល់ចោទប្រកាន់ថា ការពង្រីកផ្លូវនេះ អាជ្ញាធរក្រុងភ្នំពេញ គាបសង្កត់តែពលរដ្ឋតូចតាច គ្មានតួនាទីនៅក្នុងស្ថាប័ន ប៉ុន្តែបើដីមន្ត្រីធំ មានតួនាទីជាយោធា ពួកគេមិនឈូសឆាយទេ។
អានបន្ត
គាំទ្រដោយ
