កំពុងស្វែងរកទិន្នន័យ
រកឃើញ: 13.090
-
គណបក្សប្រឆាំងនិងក្រុមសកម្មជនសហជីពកម្មករនៅកម្ពុជារិះគន់ច្បាប់សហជីពថ្មី
គណបក្សប្រឆាំងនិងសកម្មជនសហជីព បានរិះគន់ច្បាប់សហជីពដ៏ចម្រូងចម្រាសដែលត្រូវបានអនុម័តយ៉ាងប្រញាប់ប្រញាល់នៅក្នុងរដ្ឋសភាកាលពីល្ងាចថ្ងៃច័ន្ទ ដោយពួកគេរិះគន់ថា ច្បាប់នេះមិនស្របទៅនឹងច្បាប់ពលកម្មអន្តរជាតិ។ ច្បាប់នេះរងការរិះគន់យ៉ាងខ្លាំងពីសំណាក់សហជីពនិងអង្គការសិទ្ធិមនុស្សនានា ដែលនិយាយថា ច្បាប់នេះធ្វើឲ្យពិបាកក្នុងការបង្កើតសហជីពនិងពិបាកសម្រាប់កម្មករក្នុងការធ្វើបាតុកម្មតវ៉ា។ ក្រុមអ្នករិះគន់និយាយថា ច្បាប់នេះមានលក្ខខណ្ឌតម្រូវឲ្យធ្វើរបាយការណ៍ថវិកាពីសហជីព ហើយច្បាប់នេះក៏មានឃ្លាឃ្លោងមួយចំនួនដែលរើសអើងក្រុមមេដឹកនាំសហជីពកម្មករផងដែរ។
អានបន្ត -
ពលរដ្ឋស្រុកព្រះនេត្រព្រះចោទអាជ្ញាធរថាមិនទប់ស្កាត់អាជីវកម្មបូមខ្សាច់ពីបាតស្ទឹងក្រឡាញ់
ប្រជាពលរដ្ឋជាង ៥០គ្រួសារនៅស្រុកព្រះនេត្រព្រះ ខេត្តបន្ទាយមានជ័យ ចោទប្រកាន់អាជ្ញាធរមូលដ្ឋាន និងមន្ត្រីពាក់ព័ន្ធ ថាមិនអើពើទប់ស្កាត់អាជីវកម្មបូមខ្សាច់ពីបាតស្ទឹងក្រឡាញ់ ដែលធ្វើឲ្យបាក់ដីចូលស្ទឹង ប៉ះពាល់ដល់ការរស់នៅរបស់ពួកគាត់។ ប្រធានមន្ទីររ៉ែ និងថាមពល ខេត្តបន្ទាយមានជ័យ បញ្ជាក់ថា កន្លងមក សមត្ថកិច្ចជំនាញបានចុះទប់ស្កាត់ និងឲ្យបញ្ឈប់អាជីវកម្មបូមខ្សាច់នោះម្ដងរួចមកហើយ រីឯការធ្វើសកម្មភាពសាជាថ្មី ខាងមន្ទីរមិនទាន់ទទួលបានព័ត៌មាននៅឡើយ។
អានបន្ត -
សម្តេច ស ខេង ប្រាប់លោក ជា សុផារ៉ា ឲ្យពិនិត្យដីសម្បទានសង្គមកិច្ចឡើងវិញ ដើម្បីចែកអ្នកក្រ
រដ្ឋមន្រ្តីក្រសួងមហាផ្ទៃ សម្តេច ស ខេង បានជំរុញរដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ថ្មី លោក ជា សុផារ៉ា ឲ្យពិនិត្យមើលដីធ្លីសម្បទានសង្គមកិច្ចឡើងវិញ ដើម្បីបែងចែកជូនពលរដ្ឋក្រីក្រ និងយោធិន ផងដែរ។ នៅក្នុងពិធីផ្ទេរតំណែងរដ្ឋមន្រ្តីក្រសួងដែនដី នៅរសៀលនេះ សម្តេច ស ខេង សង្ឃឹមថា រដ្ឋមន្ត្រីថ្មីលោក ជា សុផារ៉ា នឹងអាចដោះស្រាយបញ្ហាទាំងនេះ បានដោយជោគជ័យ។ ទន្ទឹមគ្នានេះដែរ សម្តេច ស ខេង ក៏ស្នើរដ្ឋមន្ត្រីថ្មី ឲ្យកាត់បន្ថយការងារការិយាល័យធិបតេយ្យ ពង្រឹងការងារប្រកបដោយតម្លាភាព ជំរុញការងារចុះបញ្ជីដីធ្លី ដោះស្រាយបញ្ហាជម្លោះ ក្នុងគម្រោងអភិវឌ្ឈន៍នានា ឲ្យបានសមស្រប ព្រមទាំងផ្សព្វផ្សាយពីលិខិតគតិយុត្តិពីផលប៉ះពាល់នៃសំណង់ខុសច្បាប់ ។
អានបន្ត -
ពលរដ្ឋ១៤០គ្រួសារទទូចឲ្យលោក ហ៊ុន សែន ដោះស្រាយសំណងពីការបណ្តេញចេញ
អតីសហគមន៍បុរីកីឡា១៤០គ្រួសារទទូចឲ្យលោកនាយករដ្ឋមន្ត្រី ហ៊ុន សែន ជួយអន្តរាគមន៍រកកន្លែងឲ្យពួកគេបានរស់នៅសមរម្យ ដោយអះអាងថា ការដែលក្រមហ៊ុនបណ្តេញពួកគេចេញពីរាជធានីភ្នំពេញ ជាង៥ឆ្នាំមកនេះ ពួកគេថា អ្នកភូមិបានប្រឈមនឹងបញ្ហាជីវភាពធ្ងន់ធ្ងរ។ កាលពីថ្ងៃទី៣ ខែមករា ឆ្នាំ២០១២មានព្រឹត្តិការណ៍បណ្តេញចេញទាំងបង្ខំមួយ នៅសហគមន៍បុរីកីឡាស្ថិតក្នុងខណ្ឌ៧មករា រាជធានីភ្នំពេញ។
អានបន្ត -
មន្ត្រីសហជីពម្នាក់រងរបួសដោយសារប៉ះទង្គិចជាមួយសន្តិសុខខណ្ឌដូនពេញពេលតវ៉ាមុខសភា
ស្របពេលសភាបើកកិច្ចប្រជុំពេញអង្គ ពិភាក្សា និងអនុម័តសេចក្ដីព្រាងច្បាប់ស្ដីពីសហជីព នៅក្រៅមន្ទីររដ្ឋសភាក្បែរអគារពុទ្ធសាសនបណ្ឌិត្យ មានការប៉ះទង្គិចគ្នាមួយប្រាវរវាងកងសន្តិសុខ ជាមួយនឹងក្រុមសហជីព ដោយបង្កឲ្យមន្ត្រីសហជីពម្នាក់រងបួស នៅព្រឹកថ្ងៃច័ន្ទ ទី៤ ខែមេសា ឆ្នាំ២០១៦។ ការប៉ះទង្គិចគ្នាឈានដល់បង្ករបួសស្នាមនេះ កើតឡើងបន្ទាប់ពីក្រុមសហជីពប្រមាណជាង ៥០នាក់ នាំគ្នាតវ៉ានៅក្រៅរដ្ឋសភា ដើម្បីសម្ដែងការមិនពេញចិត្តចំពោះការអនុម័តសេចក្ដីព្រាងច្បាប់ស្ដីពីសហជីព ដោយសារតែមានចំណុចមួយចំនួនបង្កផលវិបាកដល់ពួកគេ ក្នុងការតវ៉ារកផលប្រយោជន៍ឲ្យកម្មករ។
អានបន្ត -
ពលរដ្ឋមានទំនាស់ដីធ្លី១៣កន្លែងទាមទារឲ្យសាលាខេត្តសៀមរាបពន្លឿនចេញប័ណ្ណកម្មសិទ្ធិ
នៅព្រឹកថ្ងៃច័ន្ទ ទី៤ ខែមេសា សហគមន៍ទំនាស់ដីធ្លីចំនួន ១៣កន្លែងមកពីស្រុកជាច្រើន បានលើកគ្នាមកស្វែងរកជួបអភិបាលខេត្តសៀមរាប ដើម្បីឲ្យអាជ្ញាធរដោះស្រាយ និងបញ្ចប់បញ្ហាទំនាស់ដីធ្លីរបស់ពួកគេឲ្យបានឆាប់រហ័ស។ ការមកជួបអភិបាលខេត្តនេះ ដោយសារតែបញ្ហាទំនាស់ដីធ្លីរ៉ាំរ៉ៃរបស់គាត់ បានកើតមានចាប់តាំងពី ៤-៥ឆ្នាំមុន រហូតមកដល់ពេលនេះ ទំនាស់ដីធ្លីដែលកើតមានជាច្រើនកន្លែងក្នុងខេត្តសៀមរាប នៅតែបន្តអូសបន្លាយ បើទោះបីជាអាជ្ញាធរថ្នាក់ខេត្ត និងស្រុកជាច្រើន ធ្លាប់ប្រឹងប្រែងដោះស្រាយយ៉ាងណាក៏ដោយ។
អានបន្ត -
រដ្ឋសភាអនុម័តច្បាប់សហជីពដោយគ្មានសំឡេងគាំទ្រពីបក្សប្រឆាំង
កិច្ចប្រជុំពិភាក្សាអនុម័តសេចក្ដីព្រាងច្បាប់ដែលមាន ១០០មាត្រា និង ១៧ជំពូក ស៊ីពេលពេញមួយថ្ងៃទី៤ ខែមេសា។ សភាបានអនុម័តម្ដងមួយជំពូកៗ ដោយមានតំណាងរាស្ត្រមកពីគណបក្សកាន់អំណាចជាអ្នកអានមួយមាត្រាៗ គ្រប់មួយជំពូកទើបសភាអនុញ្ញាត ចំណែកតំណាងគណបក្សសង្គ្រោះជាតិ ជាអ្នកចោទសួរ។ មន្ត្រីជាន់ខ្ពស់គណបក្សសង្គ្រោះជាតិ លោក សុន ឆ័យ ថ្លែងក្រោយកិច្ចប្រជុំសភាថា ច្បាប់នេះភាគច្រើនមិនបានដាក់នូវអ្វីដែលសហជីពទាមទារ និងក្រុមការងារចំពោះកិច្ចបានធ្វើទេ។ លោកថា តំណាងរាស្ត្រគណបក្សសង្គ្រោះជាតិ មិនលើកដៃអនុម័តនៅពេលនេះ មិនមែនចង់កេងចំណេញនយោបាយទេ ប៉ុន្តែគណបក្សសង្គ្រោះជាតិ គិតគូរវែងឆ្ងាយពីបញ្ហារបស់កម្មករ សហជីព និងអ្នកបញ្ជាទិញ។
អានបន្ត -
លោកស ខេង៖ ច្បាប់អង្គការសមាគមដាក់ឲ្យអនុវត្តកន្លងមកមិនមានអ្នកតវ៉ាទេ
លោកស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ បានលើកឡើងប្រាប់អ្នករាយការណ៏ពិសេសរបស់អង្គការសហប្រជាជាតិ ទទួលបន្ទុកសិទ្ធិមនុស្សនៅកម្ពុជា ថាមកដល់នេះមិនទាន់មានអង្គការសមាគមណាមួយ មកធ្វើការតវ៉ានៅក្រសួងមហាផ្ទៃ ពាក់ព័ន្ធនឹងដំណើរការនៃការអនុវត្តច្បាប់អង្គការមិនមែនរដ្ឋាភិបាលនៅឡើយទេ ។ ការលើកឡើងរបស់លោកស ខេងនេះ ធ្វើឡើងក្នុងជំនួបពិភាក្សាការងារជាមួយលោកស្រី រ៉ូណា ស្មីត អ្នករាយការណ៏ពិសេសរបស់អង្គការសហប្រជាជាតិ ទទួលបន្ទុកសិទ្ធិមនុស្សនៅកម្ពុជា នៅទីស្ដីការក្រសួងមហាផ្ទៃ នៅថ្ងៃទី៣០ ខែមីនា ឆ្នាំ២០១៦ ។ ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃរូបនេះ បានអះអាងថា ច្បាប់អង្គការសមាគមត្រូវបានប្រកាសឲ្យអនុវត្តកន្លងមករហូតមកដល់ពេលនេះ នៅមិនទាន់មានតំណាងអង្គការសមាគមណាមួយបើកការតវ៉ានោះទេ ពោលគឺមានតែការសុំមកចុះឈ្មោះបន្ថែមទៀត ដើម្បីបើកដំណើរការអង្គការសមាគមប៉ុណ្ណោះ ។
អានបន្ត -
យុវជនបក្សប្រជាជនឈានចូលកាន់តំណែងសំខាន់ៗនិងពង្រីកកម្លាំងក្រៅប្រទេស
វ៉ាស៊ីនតោន— នៅក្នុងសាលដ៏ធំល្មមនៃវិទ្យាស្ថានសហរដ្ឋអាមេរិកនិងកូរ៉េប្រចាំសាកលវិទ្យាល័យ John Hopkins ក្នុងរដ្ឋធានីវ៉ាស៊ីនតោន លោក ហ៊ុន ម៉ានី អ្នកតំណាងរាស្រ្តវ័យក្មេងរបស់កម្ពុជាបានចែករំលែកពីអនាគតនៃទំនាក់ទំនងរវាងសហរដ្ឋអាមេរិកនិងកម្ពុជា។ បើទោះបីជាកម្រកើតមានឡើងមែនតែការពិភាក្សាពីបញ្ហាទំនាក់ទំនងកម្ពុជានិងសហរដ្ឋអាមេរិកនៅក្នុងរដ្ឋធានីវ៉ាស៊ីនតោនលើកនេះគឺមិនមែនកើតឡើងជាលើកទីមួយទេ។ ប៉ុន្តែអ្វីដែលបានធ្វើឱ្យអ្នកចូលរួមស្តាប់ជាង១០០នាក់ចង់ដឹងគឺទស្សនាទានមួយដែលចេញពីអ្នកនយោបាយវ័យក្មេងនិងតំណាងឱ្យក្រុមយុវជនវ័យក្មេងស្រករក្រោយ។ ហើយលើសពីនោះទៀត គឺការត្រៀមខ្លួនរបស់យុវជននៃគណបក្សកាន់អំណាចក្នុងការបន្តវេនពីអ្នកជំនាន់មុន។
អានបន្ត -
សមត្ថកិច្ចរារាំងក្រុមពលរដ្ឋនិងបណ្ដាញព្រះសង្ឃដើរហែក្បួនប្រឆាំងនឹងការលុបបឹង
អាជ្ញាធរក្រុងភ្នំពេញ បានរារាំងការដើរហែក្បួនយុទ្ធនាការរបស់សហគមន៍ដីធ្លីជាង ៤០សហគមន៍ ដែលមានអ្នកចូលរួមប្រមាណ ២០០នាក់ពីទូទាំងប្រទេស នៅព្រឹកថ្ងៃទី៣១ ខែមីនា ទាមទារឲ្យបញ្ឈប់ការលុបបឹងនានានៅកម្ពុជា។ ខណៈការដើរក្បួនហែឆ្ពោះទៅមន្ទីររដ្ឋសភា បានចាកចេញពីតំបន់បឹងកក់ មកដល់ប៉ែកខាងត្បូង ត្រង់ចំណុចមុខអគារទីស្ដីការគណៈរដ្ឋមន្ត្រី កងកម្លាំងប៉ូលិស ប៉េអឹម និងកងសន្តិសុខរាប់សិបនាក់បានស្ទាក់ជាប់។
អានបន្ត -
អាជ្ញាធរគ្រោងបញ្ចប់ការដោះស្រាយផលប៉ះពាល់ពីការសង់ទំនប់វារីអគ្គិសនីសេសានក្រោម២
ដំណោះស្រាយសំណងផលប៉ះពាល់ប្រជាពលរដ្ឋទាក់ទិនគម្រោងសាងសង់ទំនប់វារីអគ្គិសនីសេសានក្រោម២ ឋិតនៅជាបញ្ហាចោទនៅឡើយ ខណៈការសាងសង់ទំនប់ គ្រោងនឹងបញ្ចប់នៅចុងឆ្នាំ២០១៧។ តើគណៈកម្មការដោះស្រាយសំណងផលប៉ះពាល់នៃអាជ្ញាធរខេត្តស្ទឹងត្រែង រៀបចំអ្វីបន្ថែមទៀត ដើម្បីបញ្ចប់ការបដិសេធមិនទទួលសំណងរបស់ពលរដ្ឋ? រយៈពេលមួយឆ្នាំចាប់ពីពេលនេះរហូតដល់ខែមេសា ឆ្នាំ២០១៧ គឺជាពេលវេលាកំណត់ដែលអាជ្ញាធរខេត្តស្ទឹងត្រែង ប្ដេជ្ញាថានឹងស្វែងរកដំណោះស្រាយបញ្ចប់ការតវ៉ារបស់ប្រជាពលរដ្ឋស្ដីពីដំណោះស្រាយផលប៉ះពាល់ ទាក់ទិនការសាងសង់ទំនប់វារីអគ្គិសនីសេសានក្រោម២ ខណៈប្រជាពលរដ្ឋប្រមាណ ៣០ភាគរយទៀត មិនព្រមទទួលយកសំណង និងប្ដេជ្ញាមិនព្រមចាកចេញទៅតាំងទីលំនៅថ្មី។
អានបន្ត -
សាលាឧទ្ធរណ៍កោះហៅសកម្មជនអារ៉ែង លោក អាឡិច ឲ្យចូលបំភ្លឺនៅសប្ដាហ៍ក្រោយ
សាលាឧទ្ធរណ៍កម្ពុជាកោះហៅសកម្មជនអារ៉ែង លោក អាឡិចហ្សង់ដ្រូ ហ្គន់សាឡេស ដេវិតសិន (Alejandro Gonzalez Davidson) ឲ្យចូលខ្លួនបំភ្លឺនៅថ្ងៃទី៥ ខែមេសា ខាងមុខ បន្ទាប់ពីជនជាតិអេស្ប៉ាញរូបនេះត្រូវបានរដ្ឋាភិបាលបណ្តេញចេញពីកម្ពុជា។ នៅក្នុងដីកាកោះចុះថ្ងៃទី២៨ ខែមីនា ព្រះរាជអាជ្ញានៃមហាអយ្យការអមសាលាឧទ្ធរណ៍លោក ង៉ែត សារ៉ាត បានបង្គាប់ឲ្យលោក អាឡិច ចូលទៅសាលាឧទ្ធរណ៍នាថ្ងៃទី៥ ខែមេសា នៅម៉ោង៨ព្រឹក នៅបន្ទប់សវនាការទី៣ “ដើម្បីជំនុំជម្រះពីបទ សមគំនិតគំរាមកំហែងថានឹងធ្វើឲ្យខូចខាតដែលភ្ជាប់នូវបញ្ហាអ្វីមួយ”។
អានបន្ត -
សកម្មជនដីធ្លីរិះគន់អាជ្ញាធរថាមានចំណាត់ការមិនស្មើភាពរវាងពួកគេនិងលោក ស្រី ចំរើន
បណ្ដាញព្រះសង្ឃ យុវជន និងសកម្មជនដីធ្លីមកពីសហគមន៍មួយចំនួនក្នុងរាជធានីភ្នំពេញរិះគន់អាជ្ញាធរថាមានវិធានការមិនស្មើភាពចំពោះប្រជាពលរដ្ឋ ដោយពួកគេលើកឡើងថា អាជ្ញាធរតែងធ្វើការរារាំងពួកគេពេលចេញតវ៉ា តែអាជ្ញាធរមិនរារាំង ហើយថែមទាំងជួយសម្រួលចរាចរណ៍ពេលក្រុមយុវជនធ្វើការតវ៉ាប្រឆាំងលោក កឹម សុខា។ នៅព្រឹកថ្ងៃព្រហស្បតិ៍នេះ បណ្ដាញព្រះសង្ឃ យុវជន សកម្មជនដីធ្លីនានាក្នុងរាជធានីភ្នំពេញ សរុបប្រមាណជាង៣០០អង្គ/នាក់ បាននាំគ្នាធ្វើការជួបជុំនៅតំបន់បឹងកក់ដើម្បីរៀបចំហែក្បួនដាក់ញត្តិទៅកាន់រដ្ឋសភា ស្នើសុំអន្តរាគមន៍ឲ្យបញ្ឈប់ការលុបបឹងក្នុងរាជធានីភ្នំពេញ។ បន្ទាប់ពីបានអានញត្តិ និងឡើងថ្លែងបញ្ចេញមតិផ្សេងៗ ក្រុមសកម្មជនបានរៀបចំក្បួនដើរហែទៅកាន់រដ្ឋសភាដើម្បីដាក់ញត្តិ ប៉ុន្តែត្រូវបានសមត្ថកិច្ចចម្រុះប្រមាណជា១០០នាក់រារាំងមិនឲ្យពួកគេហែក្បួន។
អានបន្ត -
សម្ដេច ហ៊ុន សែន ប្រកាសដាក់ព្រៃឡង់ ជាព្រៃការពារ
ក្រៅពីព្រៃឡង់ សម្ដេច ហ៊ុន សែន ក៏បានប្រកាសដាក់ព្រៃនៅតំបន់ភ្នំក្រវ៉ាញ ជាព្រៃការពារដែរ។ជាមួយគ្នានេះនាយករដ្ឋមន្ត្រី ក៏បានបញ្ជាឲ្យលោក សាយ សំអាល់ រដ្ឋមន្ត្រីក្រសួងបរិស្ថាន ដកហូតយកព្រៃសម្បទានទាំងអស់យកមកគ្រប់គ្រងវិញ ដោយយកព្រៃដែលនៅសំបូរព្រៃឈើល្អដាក់បញ្ចូលជាព្រៃការពារដើម្បីថែរក្សាព្រៃឈើដែលនៅសល់។
អានបន្ត -
អង្គការតម្លាភាពជំរុញឲ្យគណបក្សនយោបាយដាក់ផែនការប្រឆំាងអំពើពុករលួយ
អង្គការមួយដែលធ្វើការផ្នែកប្រឆំាងអំពើពុករលួយឲ្យដឹងថានឹងដាក់សេចក្តីស្នើគោលនយោបាយស្តីពីការប្រឆំាងអំពើពុករលួយទៅឲ្យគណបក្សនយោបាយទំាងអស់នៅខែមេសាខាងមុខដោយអះអាងថាដើម្បីជួយទប់ស្កាត់និងកាត់បន្ថយអំពើពុករលួយនៅក្នុងបក្សនិងស្ថាប័នរដ្ឋ។ នាយកប្រតិបត្តិអង្គការតម្លាភាពកម្ពុជាលោក ព្រាប កុល បានថ្លែងបែបនេះក្រោយពីសិក្ខាសាលាបង្ហាញសេចក្តីស្នើគោលនយោបាយស្តីពី “ការប្រឆំាងអំពើពុករលួយសម្រាប់ដាក់ជូនគណបក្សនយោបាយ” ដោយមានវត្តមានតំណាងគណបក្សនយោបាយ អ្នកវិភាគ និងអង្គទូតនានាចូលរួមជាង១០០នាក់។
អានបន្ត -
សង្គមស៊ីវិលជំរុញឲ្យអាជ្ញាធរស៊ើបអង្កេតករណីជនមិនស្គាល់មុខកាប់ជើងស្ត្រីការពារព្រៃឡង់ម្នាក់
អង្គការសង្គមស៊ីវិល ជំរុញឲ្យអាជ្ញាធរខេត្តក្រចេះ ស៊ើបអង្កេតបន្ទាន់ករណីជនមិនស្គាល់មុខលួចកាប់យុវជនការពារព្រៃឡង់ម្នាក់រងរបួសធ្ងន់។ ការលើកឡើងនេះ បន្ទាប់ពីសកម្មជនការពារព្រៃឡង់ម្នាក់ក្នុងចំណោម ៦១នាក់ បានចុះល្បាតព្រៃឡង់ និងបានបោះតង់សម្រាកក្នុងព្រៃ ត្រូវជនមិនស្គាល់អត្តសញ្ញាណ លបកាប់នឹងពូថៅពីរកន្លែងផ្សេងគ្នាត្រង់ប្រអប់ជើងខាងឆ្វេង និងក្រោមជង្គង់។ យុវជនការពារព្រៃឡង់ ឲ្យដឹងថា ស្ថានភាពជំងឺស្ត្រីម្នាក់ជាយុវជនការពារព្រៃឡង់ មិនទាន់ធូរស្រាលទេ បន្ទាប់ពីគាត់បានសម្រាកព្យាបាលនៅមន្ទីរពេទ្យឯកជននៅក្រុងក្រចេះ កាលពីថ្ងៃទី២៧ មីនា។
អានបន្ត -
បក្សប្រឆាំងស្នើក្រសួងមហាផ្ទៃការពារសុវត្ថិភាព ក្រោយដឹងពីគម្រោងតវ៉ារបស់ក្រុមយុវជន
គណបក្សសង្រ្គោះជាតិបានស្នើសុំក្រសួងមហាផ្ទៃជួយចាត់ចែងកម្លាំងការពារសុវត្ថិភាព ក្រោយដឹងថាយុវជន ស្រី ចំរើន ដែលបានចេញមុខជាបន្តបន្ទាប់ទាមទារឲ្យលោក កឹម សុខា ប្រធានស្តីទីគណបក្ស បកស្រាយរឿងការចោទប្រកាន់អាស្រូវស្នេហា គ្រោងហែញត្តិទៅផ្ទះរបស់លោក កឹម សុខា នៅរសៀលថ្ងៃអង្គារនេះ។ លោក ស្រី ចំរើន ដែលអះអាងខ្លួនតំណាងឲ្យនិស្សិតមកពីសាកលវិទ្យាល័យរដ្ឋនិងឯកជនមួយចំនួន អះអាងថាលោកនឹងដឹកនាំយុវជនប្រមាណ២០០នាក់ នៅវេលាម៉ោង២រសៀលថ្ងៃអង្គារនេះ ដោយដង្ហែញត្តិពីមុខរដ្ឋសភាទៅដាក់នៅការិយាល័យអង្គការសហប្រជាជាតិទទួលបន្ទុកសិទ្ធិមនុស្សនៅបឹងកេងកង រួចបន្តទៅទីស្នាក់ការបក្សសង្រ្គោះជាតិនៅចាក់អង្រែនិងបន្តទៅបន្តទៅផ្ទះលោក កឹម សុខា នៅទួលគោក។ លោក ស្រី ចំរើន បានបញ្ជាក់ថាការដង្ហែញត្តិនេះអាចជាការធ្វើដំណើរតាមរថយន្ត ម៉ូតូឬដើរតាមលទ្ធភាពដែលមាន។
អានបន្ត -
ខុមហ្វ្រែល៖អំពើពុករលួយនយោបាយនិងការប្រើប្រាស់ធនធានរដ្ឋមិនត្រឹមត្រូវមានការកើនឡើងរហូត២៩៧ករណី
គណៈកម្មាធិការដើម្បីការបោះឆ្នោតដោយសេរីនិងយុត្តិធម៌ហៅកាត់ថា ខុមហ្វ្រែល បានបង្ហាញរបាយការណ៍ប្រចាំឆ្នាំ២០១៥ ថា យ៉ាងហោចណាស់មាន២៩៧ករណី ដែលជាអំពើពុករលួយផ្នែកនយោបាយនិងការប្រើប្រាស់ធនធានរដ្ឋមិនត្រឹមត្រូវ ប្រព្រឹត្តឡើងដោយរដ្ឋាភិបាលនៃគណបក្សកាន់អំណាច។ ចំនួននេះមានការកើនឡើងជាងឆ្នាំមុន៨០ករណី។ ក្នុងចំណោម២៩៧ករណីនៃអំពើពុករលួយផ្នែកនយោបាយនិងការប្រើប្រាស់ធនធានរដ្ឋមិនត្រឹមត្រូវ គឺ១១ករណីពាក់ព័ន្ធការរំលោភអំណាចកើតចេញពីមន្ត្រី តុលាការ ព្រឹទ្ធសភា រដ្ឋសភា រដ្ឋាភិបាល និង គណបក្សនយោបាយ។ ភាពមិនប្រក្រតីនិងការកិបកេងដោយមន្ត្រីសាធារណៈក្នុងមុខតំណែងមានចំនួន១៣៥ករណី។ ទាំងនេះគឺជាអំពើពុករលួយផ្នែកនយោបាយ។
អានបន្ត -
"កម្ពុជាជាប្រទេសប្រកាន់របបប្រជាធិបតេយ្យបែបផ្ដាច់ការនិយម"
អង្គការសង្គមស៊ីវិលដែលធ្វើការលើកស្ទួយកិច្ចការបោះឆ្នោត ធ្វើសន្និសីទកាសែតបង្ហាញរបាយការណ៍ និងវាយតម្លៃថា នៅឆ្នាំ២០១៥ មានការបង្ក្រាបដោយអាជ្ញាធររដ្ឋាភិបាល អំពើហិង្សាបំពានលើរាងកាយ និងការធ្វើទុក្ខបុកម្នេញទៅលើគណបក្សសង្គ្រោះជាតិ គឺជាការគំរាមកំហែងធ្ងន់ធ្ងរដល់ដំណើរការប្រជាធិបតេយ្យនៅកម្ពុជា។ ការលើកឡើងនេះ ត្រូវមន្ត្រីរដ្ឋាភិបាលច្រានចោល។ អ្នកសិក្សាកិច្ចការបរទេសនិងស្ថានការណ៍នយោបាយបានហៅប្រទេសកម្ពុជា ថាជាប្រទេសប្រកាន់របបប្រជាធិបតេយ្យបែបផ្ដាច់ការនិយម។
អានបន្ត -
បក្សប្រឆាំងរៀបចំប្តឹងក្រុមយុវជនពីការប្រើប្រាស់សញ្ញាសម្គាល់គណបក្ស ពេលតវ៉ាប្រឆាំងលោក កឹម សុខា
គណបក្សសង្រ្គោះជាតិបានប្រកាសថាខ្លួនកំពុងរៀបចំសំណុំឯកសារប្តឹងក្រុមយុវជនដែលដឹកនាំដោយលោក ស្រី ចំរើន ទៅតុលាការ ទាក់ទងនឹងការយកមួយកអាវនិងទង់ ដែលមានសញ្ញាសម្គាល់របស់គណបក្សមកធ្វើការហែក្បួនដែលគណបក្សនេះថាជាទង្វើអនាធិបតេយ្យនិងរំលោភលើកម្មសិទ្ធបញ្ញា។ នៅរសៀលនេះ លោក ស្រី ចំរើន បានដឹកនាំយុវជនមួយក្រុមហែក្បួនដាក់ញ្ញតិទៅកាន់រដ្ឋសភា ស្នាក់ការអង្គការសហប្រជាជាតិ ស្នាក់ការគណបក្សសង្គ្រោះជាតិនិងផ្ទះលោក កឹម សុខា ក្នុងគោលបំណងទាមទារឲ្យលោក កឹម សុខា បកស្រាយរឿងខ្សែអាត់សំឡេង ដែលក្រុមនេះសង្ស័យថាជាសំឡេងលោក កឹម សុខា សន្ទនាស្នេហាជាមួយនារីម្នាក់។
អានបន្ត
គាំទ្រដោយ
