កំពុងស្វែងរកទិន្នន័យ
រកឃើញ: 13.090
-
សង្គមស៊ីវិលបារម្ភអំពីវិធានការបង្ក្រាបបទល្មើសព្រៃឈើរបស់គណៈកម្មាធិការជាតិ
មន្ត្រីសង្គមស៊ីវិលបារម្ភពីវិធានការរបស់គណៈកម្មាធិការជាតិទប់ស្កាត់ និងបង្ក្រាបបទល្មើសព្រៃឈើថា មិនឯករាជ្យ និងមិនស្មើភាពបន្ទាប់ពីកម្លាំងប្រដាប់អាវុធមិនទាន់ចាប់ជនល្មើសផ្ដន្ទាទោស ខណៈគំនរឈើរាប់ពាន់ម៉ែត្រគូបសមត្ថកិច្ចកំពុងឡោមព័ទ្ធ និងគំនរឈើជាច្រើនត្រូវបានគេដុតបំផ្លាញកាលពីចុងខែមករា។ បញ្ហានេះមន្ត្រីសង្គមស៊ីវិលចាត់ទុកយន្តការបង្ក្រាបបទល្មើសរបស់រដ្ឋាភិបាល អាចធ្វើគ្រាន់តែបង្អើល ទោះបីជនប្រព្រឹត្តដែលមានងារជាឧកញ៉ា មន្ត្រីយោធា និងឈ្មួញជនជាតិវៀតណាម ដែលពាក់ព័ន្ធបទល្មើសព្រៃឈើ សមត្ថកិច្ចនៅមិនទាន់បង្ហាញអត្តសញ្ញាណនៅឡើយទេ។
អានបន្ត -
មន្ត្រីសហជីព២នាក់នៅកំពង់ស្ពឺត្រូវជនមិនស្គាល់អត្តសញ្ញាណចាប់ខ្លួនទៅបាត់ ពេលធ្វើកូដកម្ម
ប្រធានសហជីពសេរីកម្មករនៃព្រះរាជាណាចក្រកម្ពុជាលោក ជា មុនី អះអាងថា ប្រធាន និងបុគ្គលិករបស់សហជីពចំនួន២នាក់នៅក្នុងរោងចក្រមួយក្នុងខេត្តកំពង់ស្ពឺត្រូវបានជនមិនស្គាល់អត្តសញ្ញាណចាប់បញ្ចូលក្នុងរថយន្តជិះចេញទៅបាត់ដោយមិនមានដំណឹង។ សេចក្តីថ្លែងការណ៍ចេញដោយសហជីពសេរីកម្មករនៃព្រះរាជាណាចក្រកម្ពុជា នៅព្រឹកថ្ងៃអង្គារនេះ ឲ្យដឹងថា អ្នកដែលត្រូវគេចាប់ខ្លួនទាំងពីរនាក់នោះរួមមាន កញ្ញា យ៉ុង លាភ បុគ្គលិកសហជីព និងលោក ទូច ស្រ៊ុន ប្រធានសហជីពសេរីកម្មករនៃរោងចក្រកាត់ដេរសម្លៀកបំពាក់សេរី(ខេមបូឌា) ហ្គាមិនខូអិលធីឌី ក្នុងស្រុកសំរោងទង ខេត្តកំពង់ស្ពឺ។ សេចក្ដីថ្លែងការណ៍បន្តថា អ្នកទាំងពីរត្រូវបានក្រុមជនមិនស្គាល់អត្តសញ្ញាណចាប់បញ្ចូលក្នុងរថយន្តរួចជិះចេញទៅបាត់ដោយគ្មានដំណឹង ខណៈពួកគេកំពុងធ្វើកូដកម្មនៅមុខរោងចក្រ។
អានបន្ត -
តុលាការខេត្តកំពង់ស្ពឺកោះហៅមេដឹកនាំសម្ព័ន្ធសហជីព៧នាក់ឲ្យចូលបំភ្លឺពីបទញុះញង់
តុលាការខេត្តកំពង់ស្ពឺ ចេញដីកាកោះហៅមេដឹកនាំសម្ព័ន្ធសហជីពចលនាកម្មករចំនួន ៧នាក់ ឲ្យចូលខ្លួនបំភ្លឺ ពីបទញុះញង់ឲ្យប្រព្រឹត្តបទឧក្រិដ្ឋ ធ្វើឲ្យខូចខាតដោយចេតនា មិនគោរពសេចក្ដីសម្រេចរបស់តុលាការ ហិង្សាដោយចេតនាមានស្ថានទម្ងន់ទោស។ ការចេញដីកាកោះហៅនេះ បន្ទាប់ពីតុលាការខេត្ត បានដាក់ថ្នាក់ដឹកនាំសហជីពនេះចំនួន ៥នាក់ ឲ្យស្ថិតនៅក្រោមការឃ្លាំមើល។ មេដឹកនាំសម្ព័ន្ធសហជីព បានចាត់ទុកការបង្គាប់ឲ្យចូលខ្លួនរបស់តុលាការខេត្តកំពង់ស្ពឺ គឺជាការរៀបចំទុកជាមុន ដោយមានការឃុបឃិតគ្នារវាងមន្ត្រីតុលាការ អាជ្ញាធរ និងថៅកែក្រុមហ៊ុន ដើម្បីលុបមិនឲ្យមានសំឡេងអ្នកការពារសិទ្ធិកម្មករ។
អានបន្ត -
គ្រួសារអ្នកកាសែតដែលត្រូវគេព្រួតវាយសម្លាប់នៅខេត្តកំពង់ឆ្នាំងបន្តទាមទារយុត្តិធម៌
ថ្ងៃទី២ ខែកុម្ភៈ ឆ្នាំ២០១៦ គឺជាខួបពីរឆ្នាំនៃការស្លាប់អ្នកកាសែតមាគ៌ាកម្ពុជា ម្នាក់ ដោយជនដៃដល់ប្រមាណ ១០នាក់ បានវាយសម្លាប់នៅភូមិក្បាលកន្លង់ ខេត្តកំពង់ឆ្នាំង។ មន្ត្រីសមាគមការពារសិទ្ធិមនុស្ស និងក្រុមគ្រួសារជនរងគ្រោះ ថា លោក សួន ចាន់ ដែលបានស្លាប់ដោយដំបងរបស់ក្រុមជនល្មើសព្រួតគ្នាវាយនោះ មិនទាន់ទទួលបានយុត្តិធម៌នៅឡើយទេ។ ភរិយារបស់ជនរងគ្រោះ គឺលោកស្រី ទៀង ថាវ បច្ចុប្បន្នរស់នៅភូមិក្បាលកន្លង់ ឃុំពាមឆ្កោក ស្រុកជលគីរី ជាមួយកូនកំព្រា ៦នាក់ ឲ្យដឹងថា ក្រោយពីប្ដីស្លាប់ទៅ គ្រួសារគាត់វេទនាគ្មានអ្វីប្រៀបផ្ទឹម និងបារម្ភពីសុវត្ថិភាព ខណៈសមត្ថកិច្ចមិនទាន់ចាប់ជនល្មើសអស់មកផ្ដន្ទាទោស។ លោកស្រីពុំមានលទ្ធភាពធ្វើបុណ្យរំឭកខួបឲ្យប្ដីនោះទេ ព្រោះគាត់គ្មានអ្វីក្រៅពីសម្បកកាយ និងផ្ទះទុកគ្រាន់ជ្រក។
អានបន្ត -
ពលរដ្ឋមានជម្លោះដីនៅស្រុកសំពៅលូនទាមទារឲ្យតុលាការដោះលែងតំណាងពួកគេ
ពលរដ្ឋមានជម្លោះដីជាង១០០នាក់ ឡើងតវ៉ានៅតុលាការខេត្តបាត់ដំបង ដើម្បីទាមទារឲ្យដោះលែងសកម្មជនម្នាក់ ជាតំណាងរបស់ពួកគេ ដែលត្រូវសមត្ថកិច្ចចាប់ខ្លួនកាលពីថ្ងៃទី៣១ មករា។ នៅរសៀលថ្ងៃទី១ កុម្ភៈ មន្ត្រីតុលាការអនុញ្ញាតឲ្យតំណាងរបស់ពួកគេ៣នាក់ ជួបពិភាក្សាគ្នា បន្ទាប់ពីពលរដ្ឋឡើងតវ៉ានៅមុខតុលាការ។
អានបន្ត -
គ្រួសារស្ត្រីខ្មែរពីរនាក់ដែលជាប់គុកនៅម៉ាឡេស៊ីស្នើសុំរដ្ឋាភិបាលជួយនាំកូនស្រីមកស្រុកវិញ
គ្រួសារក្រីក្ររបស់ស្ត្រីខ្មែរពីរនាក់ដែលកំពុងជាប់ពន្ធនាគារនៅប្រទេសម៉ាឡេស៊ី ដោយសារចាញ់បោកក្រុមហ៊ុននាំទៅធ្វើការដោយខុសច្បាប់នោះ ស្នើសុំរដ្ឋាភិបាល ជួយអន្តរាគមន៍នាំស្ត្រីទាំងពីរនាក់នោះមកស្រុកខ្មែរវិញ។ នគរបាលជាតិប្រឆាំងការជួញដូរមនុស្ស និងការពារអនីតិជន សន្យាថា នឹងពិនិត្យដោះស្រាយសំណុំរឿងនេះឲ្យបានឆាប់។ ម្ដាយស្ត្រីរងគ្រោះ៖ «វាចាញ់បោកក្រុមហ៊ុន ១៦៨ ដោយគេបានសន្យាថា នាំធ្វើការជាអ្នកលក់ផ្លែឈើនៅម៉ាឡេស៊ី ហើយបានប្រាក់ខែខ្ពស់។ សំណួរ៖ កាលណោះក្រុមហ៊ុនបានយកលុយជាថ្នូរបានទៅធ្វើការនៅទីនោះទេ? អត់មានយកលុយទេ គេធ្វើប៉ាសស្ព័រឲ្យ បាយទឹកលើគេ ខោអាវលើគេ ហើយគេថាឲ្យតែកូនបានទៅ គេឲ្យលុយពុកម្តាយ ២៥០ដុល្លារទៀតផង ប៉ុន្តែអត់ឃើញទេ។ ខ្ញុំចាំមើលកូនទាក់ទងមករហូត លុះពីរខែក្រោយមក ទើបកូនទាក់ទងមកថា កំពុងជាប់គុក»។
អានបន្ត -
ពលរដ្ឋរិះគន់មន្ត្រីបរិស្ថានខេត្តប៉ៃលិនថាមិនចាត់វិធានការអ្នកទន្ទ្រានព្រៃភ្នំយកដី
ប្រជាពលរដ្ឋនៅខេត្តប៉ៃលិន មួយចំនួនរិះគន់ប្រធានមន្ទីរបរិស្ថាន និងមន្ត្រីពាក់ព័ន្ធខេត្តនេះថា មិនចាត់វិធានការមន្ត្រីប៉ូលិសអន្តោប្រវេសន្តច្រកទ្វារអន្តរជាតិព្រំ ទន្ទ្រានព្រៃភ្នំយកដីធ្វើកម្មសិទ្ធិផ្ទាល់ខ្លួននោះទេ។ ប្រតិកម្មរបស់ពលរដ្ឋនេះ ធ្វើឡើងបន្ទាប់ពីពួកគាត់ប្ដឹងអាជ្ញាធរឲ្យចាប់គ្រឿងចក្រដែលឈូសឆាយដីភ្នំ ដើម្បីផ្ដន្ទាទោសតាមច្បាប់ តែពុំទទួលបានលទ្ធផល។ ប្រជាពលរដ្ឋសម្ដែងការមិនពេញចិត្តនឹងវិធានការរបស់អាជ្ញាធរពាក់ព័ន្ធនៅខេត្តប៉ៃលិន ថាមិនអើពើថែរក្សាសម្បត្តិធនធានរបស់រដ្ឋឲ្យបានគងវង់ ដើម្បីប្រើប្រាស់ជាប្រយោជន៍រួមទៅថ្ងៃអនាគតនោះទេ។
អានបន្ត -
ពលរដ្ឋខ្មែរអាមេរិកកាំងប្រកាសធ្វើបាតុកម្ម ពេលលោក ហ៊ុន សែន ទៅបំពេញទស្សនកិច្ច
ប្រជាពលរដ្ឋខ្មែរអាមេរិកកាំងប្រកាសធ្វើបាតុកម្ម នៅពេលលោកនាយករដ្ឋមន្រ្តី ហ៊ុន សែន ទៅបំពេញទស្សនកិច្ចនៅសហរដ្ឋអាមេរិក ដែលគ្រោងធ្វើឡើងនៅពាក់កណ្តាលខែកុម្ភៈខាងមុខនេះ។ តាមគម្រោងប្រធានាធិបតីសហរដ្ឋអាមេរិក លោក បារ៉ាក់ អូបាម៉ា នឹងជួបជាមួយមេដឹកនាំប្រទេសជាសមាជិកអាស៊ាននៅរដ្ឋកាលីហ្វញ៉ា សហរដ្ឋអាមេរិក នៅថ្ងៃទី១៥-១៦ ខែកុម្ភៈ។
អានបន្ត -
សហជីពស្នើកុំឲ្យប្រើប្រព័ន្ធតុលាការអយុត្តិធម៌ចាត់ការលើមន្រ្តីសហជីពនិងកម្មករ
សហភាពការងារកម្ពុជាដែលដឹកនាំដោយលោក អាត់ ធន់ បានស្នើឲ្យទៅស្ថាប័នពាក់ព័ន្ធជួយដោះស្រាយបញ្ហាប្រឈមដែលបានដាក់សម្ពាធមកលើសហជីពនិងសមាជិករបស់ខ្លួនក្នុងឆ្នាំ២០១៥ តាមរយៈការរៀបចំឲ្យប្រព័ន្ធតុលាការឲ្យមានភាពឯករាជ្យនិងសុំឲ្យរដ្ឋាភិបាលណែនាំកែប្រែមន្ត្រីមួយចំនួនរបស់ខ្លួន។ សហភាពការងារកម្ពុជាបានចេញសេចក្តីថ្លែងការណ៍មួយកាលពីថ្ងៃព្រហស្បតិ៍ដោយរៀបរាប់អំពើហិង្សានិងការរំលោភបំពានផ្សេងៗមកលើកម្មករនិយោជិតក្នុងឆ្នាំ២០១៥។ ក្នុងសេចក្តីថ្លែងការណ៍នោះ សហជីពបានរិះគន់ប្រព័ន្ធតុលាការដែលសហជីពថាបានរងឥទ្ធិពលទឹកប្រាក់និងអំណាចនយោបាយហើយធ្វើការកាត់ក្តីដល់កម្មករនិយោជិតនិងប្រជាពលរដ្ឋក្រីក្រដោយអយុត្តិធម៌។
អានបន្ត -
សហភាពការងារកម្ពុជាបង្ហាញអំពីបញ្ហាប្រឈមរបស់ខ្លួន
សហភាពការងារកម្ពុជា បានចេញសេចក្ដីថ្លែងការណ៍មួយ នៅថ្ងៃទី២៨ ខែមករា បង្ហាញពីបញ្ហាប្រឈមរបស់សហជីព និងកម្មករទាក់ទងអំពើហិង្សា បញ្ហាផ្លូវច្បាប់ និងគ្រោះថ្នាក់ការងារ។ ទន្ទឹមនឹងការព្រួយបារម្ភនេះ លោក អាត់ ធន់ ប្រធានសហភាពការងារកម្ពុជា ស្នើទៅរដ្ឋាភិបាល រដ្ឋសភា និងអ្នកពាក់ព័ន្ធ ជាពិសេសរដ្ឋាភិបាល បន្តយកចិត្តទុកដាក់ និងជួយដោះស្រាយនូវបញ្ហាទាំងនោះឲ្យបានប្រសើរឡើង។ អ្នកនាំពាក្យរដ្ឋសភាមកពីគណបក្សប្រជាជនកម្ពុជា លោក ឈាង វុន សុំមិនអត្ថាធិប្បាយទេ ដោយលោកថា មិនទាន់បានឃើញសេចក្ដីថ្លែងការណ៍នេះនៅឡើយ។
អានបន្ត -
"ការដំឡើងប្រាក់ខែឱ្យមន្ត្រីតុលាការមិនអាចលុបបំបាត់អំពើពុករលួយ"
មន្ត្រីនាំក្រសួងយុត្តិធម៌និយាយថា ក្រសួងយុត្តិធម៌ ចង់ឱ្យរដ្ឋាភិបាលដំឡើងប្រាក់ខែឱ្យចៅក្រម ក្រឡាបញ្ជី និងព្រះរាជអាជ្ញា និងមន្ត្រីបម្រើការងារផ្នែកយុត្តិធម៌ដទៃផ្សេងទៀតដើម្បីអាចកាត់បន្ថយការប្រព្រឹត្តអំពើពុករលួយនៅក្នុងប្រព័ន្ធតុលាការ។ មន្ត្រីអង្គការសង្គមស៊ីវិលលើកឡើងថា ការប្រព្រឹត្តអំពើពុករលួយក្នុងប្រព័ន្ធតុលាការ មិនមែនមកពីប្រាក់ខែតិចតែម្យ៉ាងនោះទេ ប៉ុន្តែមកពីភាពលោភលន់របស់មន្ត្រីមួយចំនួន និងស្ថាប័នតុលាការស្ថិតនៅក្រោមសម្ពាធរបស់គណបក្សកាន់អំណាច។ ប្រធានអង្គការវេទិកាអនាគតលោក អ៊ូ វីរៈ លើកឡើងថា ការដំឡើងប្រាក់ខែឱ្យចៅក្រម ព្រះរាជអាជ្ញា និងក្រឡាបញ្ជីជាដើម មិនមែនជាយន្តការត្រឹមត្រូវដែលអាចលុបបំបាត់ការប្រព្រឹត្តអំពើពុលរលួយក្នុងប្រព័ន្ធតុលាការនៅកម្ពុជា នោះឡើយ ប៉ុន្តែអាចការលើកទឹកចិត្តសម្រាប់យុវជនជំនាន់ក្រោយដែលចង់ក្លាយជាចៅក្រម មេធាវី ក្រឡាបញ្ជី និងព្រះរាជអាជ្ញាជាដើម។
អានបន្ត -
ឯកឧត្តម សម រង្ស៊ី បង្ហោះ CV តាមហ្វេសប៊ុក
មានឪពុកជាអតីតឧបនាយករដ្ឋមន្ត្រី និងម្តាយជាស្ត្រីខ្មែរទី១ ដែលបានប្រឡងជាប់សញ្ញាបត្រមធ្យមសិក្សា។ ឯកឧត្តម សម រង្ស៊ី បានបង្ហោះឯកសារប្រវត្តិរូប (CV) ខ្លួន នៅតាមបណ្តាញសង្គមហ្វេសប៊ុក (Sam Rainsy) កាលពីថ្ងៃទី២៨ ខែមករា ប៉ុន្តែគេមិនដឹងថា ហេតុអ្វីបានជា ប្រធានគណបក្សប្រឆាំងសម្រេចធ្វើការផ្សព្វផ្សាយយ៉ាងដូច្នេះឡើយ។ គ្មានអ្វីប្លែកនោះទេដែលពលរដ្ឋត្រូវដឹងពីប្រវត្តិរូបរបស់ឥស្សរជននយោបាយកំពូលនៅកម្ពុជា ប៉ុន្តែត្រង់មូលហេតុមេដឹកនាំបក្សប្រឆាំងដែលកំពុងនិរទេសខ្លួននឹកឃើញបង្ហោះជាសាធារណៈបែបនេះ មិនមានអ្នកណាដឹងច្បាស់នោះឡើយ។
អានបន្ត -
ជនជាប់ចោទម្នាក់ ជាប់គុកជាង៣ឆ្នាំ ពុំទាន់ទទួលបានការ ជំនុំជម្រះដោយយុត្តិធម៌ - See more at: http://www.dap-news.com/2011-06-14-02-39-55/107928-2016-01-29-05-24-27.html#sthash.hM4xA1X7.dpuf
ភ្នំពេញ៖ ជនជាប់ចោទម្នាក់ក្នុងចំណោម៦នាក់ បាននិយាយនាពេលសវនាការនៅសាលាឧទ្ធរណ៍ កាលពីព្រឹកថ្ងៃទី២៩ ខែមករា ឆ្នាំ២០១៦ ថា រូបលោកជាប់ពន្ធនាគារជាង៣ឆ្នាំមកហើយ នៅពុំទាន់ទទួលបានការជំនុំជម្រះដោយយុត្តិធម៌ នៅឡើយទេ ។ ជនជាប់ចោទរូបនេះឈ្មោះ សឿម ដែននី ភេទប្រុស អាយុ៤០ឆ្នាំ ជាប្រធានផ្នែក គ្រឿងចក្រក្រុមហ៊ុន International Green Energy ជាប់ចោទពីបទក្លែងបន្លំឯកសារសាធារណៈ និង ប្រើប្រាស់ឯកសារសាធារណៈក្លែង ពាក់ព័ន្ធការប្រព្រឹត្តអំពើពុករលួយជាប្រព័ន្ធកាប់ រាន ដី ព្រៃ ឈូស ឆាយ ដី ព្រៃ និង ហ៊ុមព័ទ្ធ ដី ព្រៃ ដែល ជា ទ្រព្យ សម្បត្តិ សាធារណៈ របស់ រដ្ឋ នៅ ក្នុង ខេត្ត បន្ទាយមានជ័យ កាល ពី អំឡុង ឆ្នាំ ២០១០ និង ២០១២ ។ - See more at: http://www.dap-news.com/2011-06-14-02-39-55/107928-2016-01-29-05-24-27.html#sthash.hM4xA1X7.dpuf
អានបន្ត -
អង្គការអន្តរជាតិនិយាយភាសាបារាំងនឹងជួយកម្ពុជាលើការបោះឆ្នោត
ថ្លែងក្នុងពិធីបើកកិច្ចប្រជុំគណៈកម្មាធិការអចិន្ត្រៃយ៍សភានិយាយភាសាបារាំង លោក អាដាម៉ាអ៊ូអាន ប្រតិភូ អង្គការអន្តរជាតិនៃប្រទេសនិយាយភាសាបារាំង(IOF) បានមានប្រសាសន៍ថា IOFបានត្រៀមជាស្រេច ក្នុងការជួយដល់ប្រទេសកម្ពុជា លើផ្នែកបច្ចេកទេស នៅក្នុងដំណើរការចុះឈ្មោះបោះឆ្នោត និងការបោះឆ្នោត ដែលតាមគម្រោងកម្ពុជានឹងធ្វើការបោះឆ្នោតជ្រើសរើស ក្រុមប្រឹក្សាឃុំ សង្កាត់ នៅឆ្នាំ២០១៧ និងរៀបចំការបោះឆ្នោតជ្រើសតាំងតំណាងរាស្ត្រក្នុង ឆ្នាំ២០១៨ ខាងមុខ។ សម្តេច ហេង សំរិន បានគាំទ្រការលើកឡើងរបស់លោក អាដាម៉ាអ៊ូអាន និងបានកោតសរសើរចំពោះបេសកកម្មការងារ របស់អង្គការអន្តរជាតិនៃប្រទេសនិយាយភាសាបារាំង(IOF)។ ចំពោះគម្រោងដែលអង្គការនេះ មានផែនការជួយដល់ដំណើរការ រៀបចំបោះឆ្នោត នៅកម្ពុជា សម្តេចហេង សំរិន បានប្រគល់ភារៈនេះឲ្យ លោក អាដាម៉ាអ៊ូអាន ជួបពិភាក្សាលម្អិតជាមួយ លោកប៉ែន បញ្ញា ប្រធានគណៈ កម្មការនីតិកម្មនិងយុត្តិធម៌ នៃរដ្ឋសភា។ ជាមួយគ្នានេះ សម្តេច ហេង សំរិន បានថ្លែងអំណរគុណ ចំពោះ APF ដែលតាំងពីដើមរហូតមកដល់ពេលបច្ចុប្បន្ននេះ បានជួយប្រទេសកម្ពុជា ក្នុងវិស័យអប់រំ និងមនុស្សធម៌ ។
អានបន្ត -
គ.ជ.បចាប់ផ្ដើមពិភាក្សាលើសេចក្ដីព្រាងបទបញ្ជានិងនីតិវិធីចុះឈ្មោះបោះឆ្នោតថ្មី
គណៈកម្មាធិការជាតិរៀបចំការបោះឆ្នោត (គ.ជ.ប) ចាប់ផ្ដើមបើកយុទ្ធនាការពិគ្រោះយោបល់លើសេចក្ដីព្រាងបទបញ្ជា និងនីតិវិធីសម្រាប់ការចុះឈ្មោះបោះឆ្នោតថ្មីតាមប្រព័ន្ធកុំព្យូទ័រ។ មន្ត្រីរៀបចំការបោះឆ្នោតអះអាងថា ថ្វីបើការងារនេះ កម្ពុជាទើបតែចាប់ផ្ដើម និងមានបទពិសោធន៍តិចតួច តែ គ.ជ.ប នឹងប្រឹងប្រែងឲ្យអស់លទ្ធភាពក្នុងកិច្ចការរបស់ខ្លួន ដើម្បីបម្រើឲ្យសេចក្ដីត្រូវការផ្អែកលើគោលការណ៍សមធម៌។ ការបើកផ្លូវឲ្យមានកិច្ចសន្ទនាពេញមួយថ្ងៃ នៅថ្ងៃទី២៨ ខែមករា នេះ ត្រូវបានមន្ត្រីជាន់ខ្ពស់ គ.ជ.ប អះអាងថា គឺដើម្បីឲ្យការប្រព្រឹត្តិទៅនៃការចុះឈ្មោះបោះឆ្នោតតាមបែបថ្មីនេះ មានសុក្រឹតភាព តម្លាភាព និងអាចជឿទុកចិត្តបានពីមជ្ឈដ្ឋានទូទៅ។
អានបន្ត -
របាយការណ៍៖ កម្ពុជាប្រឈមនឹងការធ្លាក់ទៅក្នុងរបបផ្ដាច់ការ
សន្ទស្សន៍ប្រជាធិបតេយ្យនៃភ្នាក់ងារស៊ើបអង្កេតសេដ្ឋកិច្ច (The Economist Intelligence Unit) ដែលបានចេញផ្សាយនៅខែមករា បង្ហាញថា ប្រទេសកម្ពុជា កំពុងប្រឈមនឹងការធ្លាក់ទៅក្នុងរបបផ្ដាច់ការ។ សន្ទស្សន៍នេះរកឃើញថា ស្ថានភាពប្រជាធិបតេយ្យនៅកម្ពុជា ក្នុងឆ្នាំ២០១៥ ធ្លាក់ចុះ បើប្រៀបធៀបទៅនឹងបណ្ដាឆ្នាំកន្លងទៅ។ ប្រទេសកម្ពុជា ទទួលបានចំណាត់ថ្នាក់ទី១១៣ ក្នុងចំណោម ១៦៧ប្រទេស នៅក្នុងសន្ទស្សន៍ប្រជាធិបតេយ្យរបស់ភ្នាក់ងារស៊ើបអង្កេតសេដ្ឋកិច្ច។ បើប្រៀបធៀបទៅនឹងឆ្នាំ២០១៤ ស្ថានភាពប្រជាធិបតេយ្យនៅឆ្នាំ២០១៥ ថយចុះ។
អានបន្ត -
ស្ថានទូតខ្មែរនៅចិនជួយស្ត្រីខ្មែរដែលប្ដីធ្វើបាប២នាក់ឲ្យមកកម្ពុជាវិញ
ស្ថានអគ្គកុងស៊ុលកម្ពុជា ប្រចាំទីក្រុងក្វាងចូវ នៅប្រទេសចិន បានអន្តរាគមន៍ជួយស្ត្រីខ្មែររងគ្រោះចំនួន ២នាក់ ដែលត្រូវប្ដីធ្វើបាប ឲ្យវិលត្រឡប់មកដល់កម្ពុជា វិញកាលពីថ្ងៃទី២៧ ខែមករា។ អ្នកនាំពាក្យក្រសួងការបរទេស លោក ជុំ សុន្ទរី ប្រាប់វិទ្យុអាស៊ីសេរីថា ស្ត្រីខ្មែរដែលរងគ្រោះទាំង ២នាក់ មានវ័យ ២៨ឆ្នាំដូចគ្នា ត្រូវបានប្ដីធ្វើបាប។ ម្នាក់មកពីខេត្តកំពង់ស្ពឺ និងម្នាក់ទៀតមកពីខេត្តកំពង់ធំ។
អានបន្ត -
ក្រសួងការងារទទួលយកសំណើរបស់កម្មកររោងចក្រ២ផ្សេងគ្នាទៅដោះស្រាយ
មន្ត្រីទទួលបន្ទុកដោះស្រាយកូដកម្ម និងបាតុកម្មគ្រប់មុខសញ្ញារបស់ក្រសួងការងារ សន្យាថា នឹងយកសំណើរបស់ក្រុមកម្មករទៅដោះស្រាយ បន្ទាប់ពីពិនិត្យសំណុំរឿងទាំងនេះរួច។ នៅព្រឹកថ្ងៃទី២៧ ខែមករា កម្មករមកពីរោងចក្រ ២ផ្សេងគ្នា បានប្រមូលផ្ដុំនៅមុខក្រសួងការងារ ក្នុងពេលតែមួយជាមួយគ្នា។ បាតុកម្មដែលមានទិសដៅប្រហាក់ប្រហែលគ្នានេះ គឺក្រុមកម្មករទាមទារឲ្យក្រសួងការងារ ធ្វើអន្តរាគមន៍ទៅភាគីរោងចក្រ ឲ្យព្រមទទួលយកសំណើរបស់កម្មករ ហើយទទួលយកតំណាងរបស់ពួកគេចូលធ្វើវិញ។
អានបន្ត -
អង្គការសិទ្ធិមនុស្សអន្តរជាតិជំរុញឲ្យម្ចាស់ជំនួយដាក់សម្ពាធលើលោក ហ៊ុន សែន
របាយការណ៍ប្រចាំឆ្នាំ២០១៦ របស់អង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ (Human Rights Watch) មានមូលដ្ឋាននៅទីក្រុងញីវយ៉ក សហរដ្ឋអាមេរិក លើកឡើងថា ប្រទេសម្ចាស់ជំនួយរបស់កម្ពុជា បរាជ័យក្នុងការដាក់សម្ពាធលើលោកនាយករដ្ឋមន្ត្រី ហ៊ុន សែន ឲ្យបញ្ឈប់ការរំលោភសិទ្ធិមនុស្សនៅកម្ពុជា។ ក្នុងសេចក្ដីប្រកាសព័ត៌មានចេញផ្សាយនៅថ្ងៃទី២៧ ខែមករា នាយកអង្គការ យូមែន រ៉ៃត៍ វ៉ច្ឆ ប្រចាំតំបន់អាស៊ី លោក ប្រ៊ែដ អាដាម (Brad Adams) ថ្លែងថា ប្រទេសម្ចាស់ជំនួយរបស់កម្ពុជា បានបង្ហាញពីក្ដីសង្ឃឹមរបស់ខ្លួនម្ដងហើយម្ដងទៀតថា ចង់ឃើញកម្ពុជា ធ្វើកំណែទម្រង់ រួមមានការកែលម្អក្នុងការគោរពសិទ្ធិមនុស្សជាដើម តែបានមកវិញត្រឹមការបដិសេធពីលោក ហ៊ុន សែន ប៉ុណ្ណោះ។
អានបន្ត -
ពលរដ្ឋនៅខេត្តកំពតព្រួយបារម្ភថាក្រុមហ៊ុនយកតំបន់សហគមន៍នេសាទព្រៃកោងកាង
ប្រជាសហគមន៍នេសាទក្នុងខេត្តកំពតបានអះអាងថាក្រុមហ៊ុនមួយឈ្មោះថាជីងគ័រ បានកំពុងរំលោភបំពានដែនទឹកសហគមន៍នេសាទរបស់ពួកគេដែលសហគមន៍អះអាងថាត្រូវបានទទួលស្គាល់ដោយអាជ្ញាធរពាក់ព័ន្ធ រួមទាំងក្រសួងកសិកម្ម រុក្ខាប្រមាញ់និងនេសាទផងដែរ។ ប្រធានសហគមន៍ត្រពាំងរពៅនិងព្រែកក្រែង លោក ទិត្យ រីន មានប្រសាសន៍ថាក្រុមហ៊ុនបានចាប់ផ្តើមសកម្មភាពបោះពោងនិងព្រំដីក្នុងតំបន់ដែនសហគមន៍របស់ពួកគេ។ លោកបន្តថាក្រុមហ៊ុនបានលើកឡើងថាពួកគេគ្រោងនឹងយកតំបន់នោះមកធ្វើជាផែ ទីក្រុងរណបនិងកន្លែងវាយកូនហ្គោល។ លោកមានប្រសាសន៍ថា៖ “អានេះមករំលោភបំពានតែម្តង គេមិនបានសួរប្រជាពលរដ្ឋនោះទេ។ គេថាគេមានត្រាពីខេត្តឲ្យធ្វើ តែតំបន់សហគមន៍ហ្នឹងគឺត្រូវបានទទួលស្គាល់ដោយក្រសួងកសិកម្មកាលពីឆ្នាំ២០០៩និង២០១២និងធ្វើកិច្ចព្រមព្រៀង៣ឆ្នាំម្តង”។ លោកបញ្ជាក់ថាលោកបានស្នើឲ្យក្រុមហ៊ុនផ្អាកសកម្មភាពបោះពោងនិងត្រូវផ្សព្វផ្សាយជូនប្រជាពលរដ្ឋជាមុនសិន។
អានបន្ត
គាំទ្រដោយ
