កំពុងស្វែងរកទិន្នន័យ
រកឃើញ: 13.209
-
សហគមន៍នៅខេត្តរតនគិរីប្ដឹងប្រធានគណៈកម្មការការពារព្រៃឈើចោទថាលក់ដីព្រៃ
តំណាងសហគមន៍ជនជាតិដើមភាគតិចភូមិប៉ក់ធំ ឃុំប៉ក់ញ៉ៃ ស្រុកអូរយ៉ាដាវ ខេត្តរតនគិរី អំពាវនាវឲ្យតុលាការខេត្ត ស៊ើបអង្កេតករណីលក់ដីព្រៃ និងបឹងសហគមន៍។ ការអំពាវនាវនេះ បន្ទាប់ពីតំណាងសហគមន៍ ប្ដឹងប្រធានគណៈកម្មការគ្រប់គ្រងព្រៃការពារសហគមន៍ ពីបទលក់ដីព្រៃដីចម្ការ និងបឹងធម្មជាតិ ដែលសហគមន៍អាស្រ័យផល។ ចំណែកប្រធានគណៈកម្មការគ្រប់គ្រងព្រៃការពារសហគមន៍ បដិសេធថា មិនបានលក់ដូរដីនោះទេ ហើយប្ដឹងសហគមន៍វិញពីបទបរិហារកេរ្តិ៍។ តំណាងសហគមន៍ជនជាតិដើមភាគតិចភូមិប៉ក់ធំ រំពឹងថា ស្ថាប័នអយ្យការនឹងស៊ើបអង្កេតឲ្យបានឆាប់ ករណីប្រធានគណៈកម្មការការពារព្រៃឈើសហគមន៍ លក់ដូរដីព្រៃ ដីចម្ការ និងបឹងធម្មជាតិ ធ្វើឲ្យប៉ះពាល់សិទ្ធិរស់នៅ និងការអាស្រ័យផលធនធានធម្មជាតិរបស់អ្នកភូមិជនជាតិដើមភាគតិច។
អានបន្ត -
អ្នកមានជម្លោះដីធ្លីតវ៉ាឲ្យសាលារាជធានីពន្លឿនការដោះស្រាយ
អ្នកមានជម្លោះដីធ្លីនៅភ្នំពេញ មកពីសហគមន៍បឹងកក់ បុរីកីឡា និងសហគមន៍ជ្រោយចង្វារ ប្រមាណជិត ១០០នាក់ តវ៉ានៅមុខសាលារាជធានីភ្នំពេញ ជាថ្មី នៅព្រឹកថ្ងៃទី២៥ ខែកុម្ភៈ ដើម្បីទាមទារឲ្យមានដំណោះស្រាយបន្ថែមទៀត ធ្វើយ៉ាងណាពន្លឿនការផ្ដល់ដី និងប្លង់កម្មសិទ្ធិចំពោះបញ្ហាជម្លោះដីធ្លីរ៉ាំរ៉ៃរបស់ពួកគាត់។ ទាក់ទិនបញ្ហានេះ សង្គមស៊ីវិលរិះគន់ជាថ្មីថា អាជ្ញាធរគ្មានឆន្ទៈដោះស្រាយជម្លោះដីធ្លីនៅតំបន់មានជម្លោះឲ្យបានចប់នោះទេ។ ក្រុមអ្នកមានជម្លោះដីធ្លីចោទអាជ្ញាធរសាលារាជធានីភ្នំពេញ ថាគ្មានឆន្ទៈដោះស្រាយជម្លោះនៅតំបន់មានជម្លោះដីធ្លី ឲ្យបានឆាប់ចប់នោះទេ ហើយពួកគាត់ដាក់ការសង្ស័យថា មន្ត្រីទាំងអស់នោះមានចេតនាប្រព្រឹត្តអំពើពុករលួយ។
អានបន្ត -
អ្នកកាសែត និងអ្នកពាក់ព័ន្ធប្រមាណ៥០នាក់កំពុងពិភាក្សាអំពីសិទ្ធិទទួលបានព័ត៌មាន
អ្នកសារព័ត៌មាន និងអ្នកពាក់ព័ន្ធប្រមាណ៥០នាក់ មកពីរដ្ឋាភិបាល អង្គការសង្គមស៊ីវិលជាតិ និងអន្តរជាតិ កំពុងជួបជុំគ្នានៅក្នុងវេទិកាពិគ្រោះយោបល់ស្តីពីសិទ្ធិទទួលបានព័ត៌មាន នៅថ្ងៃទី២៥កុម្ភៈនេះ នៅភោជនីយដ្ឋានអ័រគីដេ។ វេទិការយៈពេលពេញមួយថ្ងៃនេះ មានគោលបំណង ជួយលើកកម្ពស់ការយល់ដឹងអំពីការទទួលបានព័ត៌មានសាធារណៈ និងគោលការណ៍អន្តរជាតិនៃសិទ្ធិទទួលបានព័ត៌មាន កំណត់អត្តញ្ញាណ និងប្រភេទនៃតម្រូវការព័ត៌មានដោយប្រព័ន្ធផ្សព្វផ្សាយ បង្កើនការយល់ដឹងនៃច្បាប់ និងលិខិតបទដ្ឋាននានាទាក់ទងទៅនឹងសិទ្ធិទទួលបានព័ត៌មាន និងប្រមូលអនុសាសន៍ដើម្បីគាំទ្រដល់ដំណើរការធ្វើសេចក្តីព្រាងច្បាប់ស្តីពី សិទ្ធិទទួលបានព័ត៌មាន សម្រាប់បង្ហាញទៅរដ្ឋាភិបាល។
អានបន្ត -
អ្នកឃ្លាំមើលសិទ្ធិមនុស្សបារម្ភពីការដាក់ទោសអ្នកគ្មានកំហុសករណីហិង្សានៅក្រុមហ៊ុនកាពីតូល
អ្នកឃ្លាំមើលការរំលោភសិទ្ធិមនុស្សនិងសិទ្ធិការងារជំរុញឲ្យតុលាការបង្ហាញតម្លាភាពលើវិធានការច្បាប់ករណីជម្លោះហិង្សា នៅក្រុមហ៊ុនកាពីតូលដឹកអ្នកដំណើរដែលសង្គមស៊ីវិលថាធ្វើយ៉ាងណាកុំឲ្យជនរងគ្រោះក្លាយជាជនជាប់ចោទ។ នៅដើមខែកុម្ភៈនេះហិង្សាមួយបានផ្ទុះឡើងនៅមុខស្នាក់ការក្រុមហ៊ុនកាពីតូលក្នុងរាជធានីភ្នំពេញរវាងអតីតបុគ្គលិកក្រុមហ៊ុននេះនិងមនុស្សប្រមាណជា៥០ផ្សេងទៀតដែលមានទំនាក់ទំនងនឹងសមាគមរួមគ្នាដើម្បីអភិវឌ្ឍន៍កម្ពុជាដែលគេស្គាល់ថា សមាគមនោះគាំទ្រក្រុមហ៊ុនកាពីតូល។
អានបន្ត -
អង្គការអន្តរជាតិមួយថា កម្ពុជានៅតែមានការរឹតបន្តឹងលើសិទ្ធិបញ្ចេញមតិ និងការប្រមូលផ្ដុំ
អង្គការលើកលែងទោសអន្តរជាតិ(Amnesty International) លើកឡើងថា និទណ្ឌភាព និងការរឹតបន្តឹងលើសិទ្ធិសេរីភាពក្នុងការបញ្ចេញមតិ និងការប្រមូលផ្ដុំដោយសន្តិនៅតែបន្តកើតមាននៅក្នុងប្រទេសកម្ពុជា។ ក្នុងរបាយការណ៍ប្រចាំឆ្នាំ២០១៥/២០១៦របស់ខ្លួនចេញផ្សាយនៅថ្ងៃនេះពុធនេះ អង្គការលើកលែងទោសអន្តរជាតិលើកឡើងពីករណីមួយចំនួនដូចជា ការចាប់ខ្លួនសកម្មជនដីធ្លី និងគណបក្សប្រឆាំងក្នុងឆ្នាំ២០១៤ និង២០១៥ ព្រមទាំងការចាប់ខ្លួនសមាជិកព្រឹទ្ធសភាម្នាក់របស់គណបក្សប្រឆាំងគឺលោក ហុង សុខហួរ សម្រាប់ការបង្ហោះវីដេអូនិយាយពីសន្ធិសញ្ញារវាងកម្ពុជាជាមួយវៀតណាម។ របាយការណ៍បន្តថា សកម្មជនមួយចំនួនត្រូវបានលើកលែងទោស ឬដោះលែងឲ្យនៅក្រៅឃុំបណ្ដោះអាសន្នបន្ទាប់ពីមានកិច្ចព្រមព្រៀងនយោបាយរវាងគណបក្សឈ្នះឆ្នោតទាំង២។
អានបន្ត -
កម្មកររោងចក្រសេរីតវ៉ាលើកទី១១នៅមុខក្រសួងការងារទាមទារដោះលែងតំណាងសហជីព
កម្មករ និងអតីតកម្មករនៃរោងចក្រសេរី (CERIE) មកពីខេត្តកំពង់ស្ពឺ ជិត ៤០នាក់ នាំគ្នាតវ៉ានៅមុខក្រសួងការងារ ជាលើកទី១១ ដើម្បីសុំអន្តរាគមន៍ពីក្រសួងការងារ ឲ្យដោះលែងតំណាងសហជីពដែលកំពុងជាប់ឃុំខ្លួន។ ការលើកគ្នាមកតវ៉ាសាជាថ្មីរបស់ក្រុមកម្មករនេះ បន្ទាប់ពីចៅក្រមតុលាការខេត្តកំពង់ស្ពឺ បដិសេធមិនដោះលែងតំណាងសហជីពពីររូប គឺកញ្ញា យ៉ុង លាភ មន្ត្រីសហជីពសេរីកម្មករនៃព្រះរាជាណាចក្រកម្ពុជា និងលោក ទូច ស្រ៊ុន ប្រធានសហជីពសេរីកម្មករប្រចាំរោងចក្រសេរី។
អានបន្ត -
អង្គការ៥០អំពាវនាវឲ្យសាធារណជនពហិកាក្រុមហ៊ុនកាពីតូល
សហជីព សហគមន៍ និងក្រុមអង្គការសង្គមស៊ីវិលសរុប៥០ស្ថាប័ន ប្រកាសគាំទ្រការធ្វើពហិកាក្រុមហ៊ុនកាពីតូល ហើយអំពាវនាវឲ្យសាធារណជនទូទៅចូលរួមការធ្វើពហិការនេះ ដោយក្រុមសង្គមស៊ីវិលអះអាងថា ដោយសារក្រុមហ៊ុននេះបានរំលោភសិទ្ធិការងារ និងបង្ក្រាបការតវ៉ារបស់បុគ្គលិក។ ក្នុងសេចក្ដីថ្លែងការណ៍រួមរបស់ស្ថាប័នទាំង៥០ ក្រុមសហជីព សហគមន៍ និងអង្គការសង្គមស៊ីវិលនោះបញ្ជាក់ថា ការប្រកាសធ្វើពហិកានេះជាការឆ្លើយតបទៅនឹងការវាយប្រហារ «ដ៏ឃោរឃៅ» ទៅលើការតវ៉ារបស់ក្រុមអតីតអ្នកបើកបរឲ្យរថយន្តកាពីតូល កាលពីថ្ងៃទី៦ ខែកុម្ភៈ។
អានបន្ត -
អាឡិច អំពាវនាវឱ្យសម្តេចហ៊ុន សែន ផ្តល់ទិដ្ឋាការដើម្បីបំភ្លឺការចោទប្រកាន់
ឆ្លើយតបចំពោះការចោទប្រកាន់របស់តុលាការខេត្តកោះ ពីបទសមគំនិតជាមួយសកម្មជនអង្គការមាតាធម្មជាតិ ពាក់ព័ន្ធនឹងយុទ្ធនាការប្រឆាំងការបូមខ្សាច់ នៅខេត្តកោះកុង បុរសជនជាតិអេស្ប៉ាញម្នាក់ដែលល្បីឈ្មោះ ក្នុងសុំណុំរឿងការពារតំបន់អារ៉ែង ខេត្តកោះកុង លោក អាឡិច ហ្សង់ដ្រូ ហ្គន់សាឡេស ដេវិតសិន (Alejandro Gonzalez - Davidson) បានអះអាងថា លោកមិនបានប្រព្រឹត្តខុសដូចការចោទប្រកាន់ របស់តុលាការខេត្តកោះកុងឡើយ។ លោក អាឡិច ហ្សង់ដ្រូ ត្រូវបានចាប់ខ្លួនកាលពីថ្ងៃទី២៣ខែកុម្ភៈ ឆ្នាំ២០១៥ ហើយត្រូវបានបញ្ជូនចេញពីប្រទេសកម្ពុជាភ្លាមៗ ដោយមូលហេតុផុតទិដ្ឋាការ ក្រោយពីលោកបានចូលរួមយ៉ាងសកម្មប្រឆាំងនឹងការធ្វើទំនប់វារីអគ្គិសនី នៅតំបន់អារ៉ែង និងការបូមខ្សាច់ នៅខេត្តកោះកុង ។ ស្ថាបនិកអង្គការមាតាធម្មជាតិរូបនេះ ត្រូវតុលាការខេត្តកោះកុង ចោទប្រកាន់ថា បានសមគំនិតជាមួយសកម្មជនចលនាមាតាធម្មជាតិ៣នាក់ ដែលត្រូវបានចាប់ឃុំខ្លួន តាំងពីខែសីហា ឆ្នាំ២០១៥ រួមមានលោក សាន់ ម៉ាឡា លោក ទ្រី សុវិគា និងលោក ស៊ីម សំណាង ដោយបានបានចោទប្រកាន់ ពីបទគំរាមកំហែងធ្វើឲ្យខូចខាតទ្រព្យសម្បត្តិ។
អានបន្ត -
អង្គការ៥០អំពាវនាវឲ្យសាធារណជនពហិកាក្រុមហ៊ុនកាពីតូល
សហជីព សហគមន៍ និងក្រុមអង្គការសង្គមស៊ីវិលសរុប៥០ស្ថាប័ន ប្រកាសគាំទ្រការធ្វើពហិកាក្រុមហ៊ុនកាពីតូល ហើយអំពាវនាវឲ្យសាធារណជនទូទៅចូលរួមការធ្វើពហិការនេះ ដោយក្រុមសង្គមស៊ីវិលអះអាងថា ដោយសារក្រុមហ៊ុននេះបានរំលោភសិទ្ធិការងារ និងបង្ក្រាបការតវ៉ារបស់បុគ្គលិក។ ក្នុងសេចក្ដីថ្លែងការណ៍រួមរបស់ស្ថាប័នទាំង៥០ ក្រុមសហជីព សហគមន៍ និងអង្គការសង្គមស៊ីវិលនោះបញ្ជាក់ថា ការប្រកាសធ្វើពហិកានេះជាការឆ្លើយតបទៅនឹងការវាយប្រហារ «ដ៏ឃោរឃៅ» ទៅលើការតវ៉ារបស់ក្រុមអតីតអ្នកបើកបរឲ្យរថយន្តកាពីតូល កាលពីថ្ងៃទី៦ ខែកុម្ភៈ។
អានបន្ត -
កម្មកររោងចក្រសេរីតវ៉ាលើកទី១១នៅមុខក្រសួងការងារទាមទារដោះលែងតំណាងសហជីព
កម្មករ និងអតីតកម្មករនៃរោងចក្រសេរី (CERIE) មកពីខេត្តកំពង់ស្ពឺ ជិត ៤០នាក់ នាំគ្នាតវ៉ានៅមុខក្រសួងការងារ ជាលើកទី១១ ដើម្បីសុំអន្តរាគមន៍ពីក្រសួងការងារ ឲ្យដោះលែងតំណាងសហជីពដែលកំពុងជាប់ឃុំខ្លួន។ ការលើកគ្នាមកតវ៉ាសាជាថ្មីរបស់ក្រុមកម្មករនេះ បន្ទាប់ពីចៅក្រមតុលាការខេត្តកំពង់ស្ពឺ បដិសេធមិនដោះលែងតំណាងសហជីពពីររូប គឺកញ្ញា យ៉ុង លាភ មន្ត្រីសហជីពសេរីកម្មករនៃព្រះរាជាណាចក្រកម្ពុជា និងលោក ទូច ស្រ៊ុន ប្រធានសហជីពសេរីកម្មករប្រចាំរោងចក្រសេរី។
អានបន្ត -
ស្ត្រីខ្មែរ៣នាក់នៅប្រទេសឡាវ និងចិន ត្រូវបានជួយសង្គ្រោះ និងបញ្ជូនមកកម្ពុជាវិញ
ក្រសួងការបរទេសកម្ពុជាឲ្យដឹងថា ស្ថានទូត និងស្ថានកុងស៊ុលកម្ពុជាប្រចាំប្រទេសឡាវ និងប្រទេសចិនបានអន្តរាគមន៍ជួយស្ត្រី៣នាក់ឲ្យបានត្រឡប់មកប្រទេសកម្ពុជាវិញ។ ក្នុងសេក្ដីប្រកាសព័ត៌មានចេញផ្សាយនៅថ្ងៃពុធនេះ ក្រសួងការបរទេសឲ្យដឹងថា ស្ថានអគ្គកុងស៊ុលកម្ពុជាប្រចាំទីក្រុងសៀងហៃ បានសហការជាមួយអាជ្ញាធរមានសមត្ថកិច្ចទីក្រុងសៀងហៃ និងខេត្តអានហួយ អន្តរាគមន៍ជួយស្រ្តីខ្មែរ២នាក់ឲ្យបានត្រឡប់មកកម្ពុជាវិញ។
អានបន្ត -
សង្គមស៊ីវិលចំនួន៥០អំពាវនាវឲ្យសាធារណៈជនឈប់ប្រើប្រាស់សេវាកម្មក្រុមហ៊ុនកាពីតូល
សហជីព សហគមន៍ និងក្រុមអង្គការសង្គមស៊ីវិលសរុបចំនួន៥០ស្ថាប័ន បានប្រកាសគាំទ្រការធ្វើពហិកាក្រុមហ៊ុនកាពីតូល ហើយអំពាវនាវឲ្យសាធារណជនទូទៅចូលរួមការធ្វើពហិការនេះ ដោយក្រុមសង្គមស៊ីវិលទាំងនោះបានអះអាងថា ដោយសារតែក្រុមហ៊ុននេះបានរំលោភសិទ្ធិការងារ និងបង្ក្រាបការតវ៉ារបស់បុគ្គលិកដោយការប្រើហឹង្សា។ ទាក់ទងទៅនិងរឿងនេះដែរ អ្នកស្រី ចក់ សុភាព នាយិកាប្រតិបត្តិមជ្ឈមណ្ឌលសិទ្ធិមនុស្សកម្ពុជា បានឲ្យវិទ្យុវាយោដឹងនៅថ្ងៃទី ២៤ ខែ កុម្ភៈ ឆ្នាំ២០១៦ថា បានជាអង្គការសង្គមស៊ីវិលសរុបចំនួន៥០ស្ថាប័នបានប្រកាសធ្វើពហិកាឈប់ប្រើប្រាស់ សេវាកម្មរបស់ក្រុមហ៊ុនកាពីតូល ក៏ដោយសារតែមានការពាក់ព័ន្ធ ទៅនឹងការប្រើហិង្សាលើសហជីព និងតំណាងរបស់ក្រុមការងាររហូតមានការបង្កជារបួសស្នាមថែមទៀតផង។អ្នកស្រីចក់ សុភាព ក៏បានបន្ថែមទៀតថា អង្គការសង្គមស៊ីវិលនៅតែធ្វើការចូលរួមគាំទ្រលើយុទ្ធនាការដែលបានកើតឡើងពីពលរដ្ឋ និងសហជីពខ្លួនឯងផ្ទាល់ក្នុងការធ្វើពហិកានេះ។
អានបន្ត -
សហគមន៍ព្រៃឈើក្នុងខេត្តឧត្តរមានជ័យបារម្ភរឿងអាជ្ញាធររំលោភយកដីព្រៃ
បច្ចុប្បន្នដីរាប់ពាន់ហិកតាររបស់សហគមន៍ព្រៃឈើអណ្ដូងបេង ដុងបរ ក្នុងស្រុកបន្ទាយអំពិល និងព្រៃសហគមន៍រំដួលវាសនា នៅសង្កាត់បន្សាយរក្ស ក្រុងសំរោង ខេត្តឧត្តរមានជ័យ ត្រូវបានសហគមន៍ព្រៃឈើឲ្យដឹងថា បានបាត់បង់អស់ដោយសារតែទាហានចូលទៅកាន់កាប់ធ្វើមូលដ្ឋានយោធា និងប្រជាពលរដ្ឋខ្លះចូលទៅរុករានសង់ទីលំនៅខុសច្បាប់។ ចំណែកឯសហគមន៍ព្រៃឈើមួយទៀតឈ្មោះភ្នំដងរែក សម្រែកព្រៃស្រស់ នៅភូមិឈើស្លាប់ ជាប់ព្រំប្រទល់គ្នា និងព្រៃសហគមន៍រំដួលវាសនា ក៏កំពុងទទួលរងការរំលោភយកដីធ្លីដូចគ្នានេះដែរ។
អានបន្ត -
ក្រុមអតីតអ្នកបើករថយន្តក្រុងកាពីតូលនិងសហជីពទាមទារឲ្យដោះលែងអ្នកជាប់ឃុំ២នាក់
ក្រុមអតីតអ្នកបើករថយន្តក្រុងឲ្យក្រុមហ៊ុនកាពីតូល និងសហជីពកម្មករផ្នែកកាត់ដេរ និងកម្មករ វិស័យសំណង់ប្រមាណ១០០នាក់ តវ៉ានៅមុខសាលាដំបូងរាជធានីភ្នំពេញ នៅរសៀលថ្ងៃ២៣ កុម្ភៈ ដើម្បីទាមទារឲ្យដោះលែងអ្នកជាប់ឃុំ២នាក់។ ការទាមទារដល់មុខសាលាក្រុងភ្នំពេញនៅថ្ងៃនេះ ធ្វើឡើងបន្តពីពួកគេបាននាំគ្នាទៅមុខពន្ធនាគារព្រៃស ក្រោយទទួលដំណឹងថា តុលាការនាំខ្លួនអ្នកជាប់ឃុំម្នាក់ក្នុងចំណោម២នាក់ ទៅសាកសួរបន្តនៅសាលាដំបូងរាជធានីភ្នំពេញ។
អានបន្ត -
ពលរដ្ឋ៥៤៦គ្រួសារនៅក្រចេះប្ដឹងឧកញ៉ាពីររូបពីបទកាប់រានដីព្រៃសាធារណៈ
ពលរដ្ឋរស់នៅឃុំឫស្សីកែវ ស្រុកព្រែកប្រសព្វ ខែត្រក្រចេះ ៥៤៥គ្រួសារ បានផ្ដិតមេដៃប្ដឹងឧកញ៉ា ២រូប និងអ្នកមានអំណាចមួយចំនួនពីបទកាប់រានដីព្រៃសាធារណៈរបស់រដ្ឋទៅសាលាដំបូងខែត្រក្រចេះ។ ពលរដ្ឋទាមទារឲ្យឧកញ៉ាទាំងនោះ និងអ្នកពាក់ព័ន្ធទទួលខុសត្រូវការបាត់បង់តំបន់ព្រៃស្រោងជាង ៣ពាន់ហិកតារ ហើយបច្ចុប្បន្នបានក្លាយជាទីដីវាល និងគ្រប់គ្រងជាកម្មសិទ្ធិឯកជន។ តំណាងពលរដ្ឋរស់នៅឃុំឫស្សីកែវ ស្រុកព្រែកប្រសព្វ ខែត្រក្រចេះ ៦រូប ត្រៀមខ្លួនទៅឆ្លើយបំភ្លឺតាមដីកាកោះរបស់តំណាងអយ្យការអមសាលាដំបូងខែត្រក្រចេះ នៅថ្ងៃទី២៤ ខែកុម្ភៈ។ លើសពីនេះ ពួកគាត់អះអាងថា អ្នកភូមិមានភស្តុតាងជាក់លាក់ទាក់ទិនការកាប់ឆ្ការដីព្រៃជាតំបន់ព្រៃស្រោងឋិតនៅឃុំឫស្សីកែវ ដោយចោទប្រកាន់ឧកញ៉ាចំនួនពីររូប ឈ្មោះ ប៊ុត ប៊ុនអេង ហៅ អេង និងឧកញ៉ា លឹម ប៊ុណ្ណា ហៅ ខ្នា និងអ្នកពាក់ព័ន្ធមួយចំនួនទៀត។
អានបន្ត -
ជនជាតិកួយ៧គ្រួសារនៅព្រះវិហារផ្លាស់វេនចាំដីទប់ស្កាត់ការឈូសឆាយពីក្រុមហ៊ុនស្ករអំពៅ
ប្រជាសហគមន៍ជនជាតិដើមភាគតិចកួយប្រមាណជា៧គ្រួសារនៅឃុំប្រមេរ ស្រុកត្បែងមានជ័យ ខេត្តព្រះវិហារ ផ្លាស់វេនគ្នាចាំដីសហគមន៍ទប់ស្កាត់ក្រុមហ៊ុនស្ករអំពៅធំមួយដែលកំពុងឈូសឆាយដីដាំអំពៅដោយពួកគេអះអាងថាការឈូសឆាយនេះនឹងធ្វើឲ្យបាត់បង់អនាគតកូនចៅជំនាន់ក្រោយរបស់ពួកគេ។ ជនជាតិកួយម្នាក់ដែលកំពុងចាំដីក្នុងតំបន់គោកក្រៀល ឃុំប្រមេរ លោកស្រី ហ៊ាម សាត មានប្រសាសន៍ថាក្រុមហ៊ុនស្ករអំពៅឈ្មោះឡានហ្វេង កំពុងឈូសឆាយដីរបស់ពួកគាត់ដើម្បីដាំអំពៅដោយអ្នកស្រីថាមានអាជ្ញាធរជាអ្នកកាងឲ្យក្រុមហ៊ុននិងគំរាមពួកគាត់ថានឹងប្តឹងទៅតុលាការប្រសិនជាពួកគាត់នៅបន្តទប់ស្កាត់។
អានបន្ត -
មន្ត្រីគ.ជ.បប្រកាសមន្ត្រីចូលកាន់តំណែងនិងផ្ទេរទៅក្របខ័ណ្ឌមន្ត្រីរាជការជាផ្លូវការ
មន្ត្រីគណៈកម្មាធិការរៀបចំការបោះឆ្នោតជាតិ (គ.ជ.ប) ចាប់ពីថ្នាក់អគ្គលេខាធិការ ដល់ប្រធាន និងអនុប្រធានលេខាធិការដ្ឋានរាជធានី-ខេត្ត ត្រូវបានប្រកាសចូលកាន់តំណែង និងផ្ទេរបញ្ចូលជាមន្ត្រីរាជការ ជាផ្លូវការនៅថ្ងៃទី២៣ កុម្ភៈ តាមព្រះរាជក្រឹត្យរបស់ព្រះមហាក្សត្រ។ ពិធីប្រកាសនេះធ្វើឡើងនៅទីស្ដីការគ.ជ.ប ក្រោមអធិបតីភាពប្រធានគ.ជ.ប លោក ស៊ិក ប៊ុនហុក។ ការប្រកាសចូលកាន់តំណែងនៅពេលនេះ មានអគ្គលេខាធិការគ.ជ.ប មួយរូប លោក ទេព នីថា និងអគ្គលេខាធិការរងចំនួន៤រូប ទៀត ដែលទើបជ្រើសរើសបានកាលពីចុងខែមករា។
អានបន្ត -
ប្រជាប្រិយភាព Facebook របស់អ្នកនយោបាយមិនគ្រប់គ្រាន់ដើម្បីឈ្នះការបោះឆ្នោតទេ
ភ្នំពេញ—បណ្តាញសង្គមហ្វេសប៊ុក (Facebook) បានក្លាយជាសមរភូមិនយោបាយថ្មីមួយទៀតក្នុងការទាក់ទាញប្រជាប្រិយភាពរវាងលោកនាយករដ្ឋមន្រ្តី ហ៊ុន សែន និងលោក សម រង្ស៊ី។ ៥០%នៃអ្នកប្រើប្រាស់ហ្វេសប៊ុកគឺជាអ្នកដែលគ្រប់អាយុបោះឆ្នោតថ្មី ដែលគេមើលឃើញថា ជាអ្នកកំណត់ជោគវាសនាល្បែងនយោបាយនៅកម្ពុជានៅក្នុងការបោះឆ្នោតឆ្នាំ២០១៧ និង២០១៨ខាងមុខ។ ក៏ប៉ុន្តែ អ្នកឃ្លាំមើលនយោបាយ យល់ថា តួលេខអ្នកប្រើប្រាស់ទំព័រហ្វេសប៊ុកទំនងមិនអាចឆ្លុះបញ្ចាំងពីលទ្ធផលបោះឆ្នោតបានទាំងស្រុងនោះទេ។ ពោលគឺវាអាស្រ័យលើថា តើអ្នកប្រើប្រាស់បណ្តាញសង្គមនោះនឹងចុះឈ្មោះបោះឆ្នោតដែរឬទេ? ហើយថា តើពួកគេនឹងទៅបោះឆ្នោតដែរឬយ៉ាងណា?
អានបន្ត -
ពលរដ្ឋអតីតតំបន់បឹងកក់តវ៉ាគប់ពងទាដាក់ធនាគារពិភពលោក
ភ្នំពេញ— អតីតអ្នកភូមិបឹងកក់ជាង៦០នាក់តំណាងឲ្យប្រជាពលរដ្ឋ១៦៩គ្រួសារ ដែលបានទទួលសំណងចំនួន៨.០០០ដុល្លារសហរដ្ឋអាមេរិក និងលុយខ្មែរ២លានរៀល បានធ្វើបាតុកម្មជាថ្មីម្តងទៀត កាលពីថ្ងៃច័ន្ទ នៅមុខការិយាល័យរបស់ធនាគារពិភពលោក។ ពួកគាត់បាននិយាយថា ពួកគាត់ចង់ឲ្យធនាគារពិភពលោកចាកចេញពីប្រទេសកម្ពុជា ដោយចោទថា ស្ថាប័នហិរញ្ញវត្ថុនេះឃុបឃិតជាមួយរដ្ឋាភិបាលក្នុងការរំលោភសិទ្ធិកាន់កាប់ដីធ្លី និងផ្ទះសម្បែងរបស់ពួកគាត់ ដោយការដាក់សម្ពាធ និងបង្ខំឲ្យពួកគាត់ទទួលសំណងមិនយុត្តិធម៌។
អានបន្ត -
សកម្មជនបរិស្ថានរងការធ្វើទុកបុកម្នេញ ក្រោយអាឡិចបណ្តេញចេញពីកម្ពុជា
ក្រុមអង្គការសមាគមចំនួន២២ស្ថាប័នដែលធ្វើការពាក់ព័ន្ធនិងសិទ្ធិមនុស្ស បានចេញសេចក្តីថ្លែងការណ៍រួម ថ្កោលទោសចំពោះចំណាត់ការ របស់រាជរដ្ឋាភិបាលកម្ពុជា ក្នុងការបង្ក្រាបទៅលើអង្គការមាតាធម្មជាតិ និងសង្គមស៊ីវិលទូទៅនៅកម្ពុជា។ សេចក្តីថ្លែងការណ៍នេះ ធ្វើឡើងបន្ទាប់ពីសកម្មជនការពារបរិស្ថាននៃចលនាមាតាធម្មជាតិចំនួន៣នាក់បន្ថែមទៀត គឺមកដល់ពេលនេះមានចំនួន៦នាក់ហើយ ដែលរងការចោទប្រកាន់ និងចាប់ខ្លួន ក្រោយពីពួកគេចូលរួមតវ៉ាប្រឆាំងការបូមខ្សាច់ក្នុងស្រុកបុទុមសាគរ ខេត្តកោះកុង។ សេចក្តីថ្លែងការណ៍រួមចុះថ្ងៃទី១៤ ខែកុម្ភៈ បានឲ្យដឹងថា សកម្មជនបរិស្ថានទាំង៦នាក់ រងការចោទប្រកាន់ និងចាប់ខ្លួនពីបទសមគំនិត ក្រោមមាត្រា២៩នៃក្រមព្រហ្មទណ្ឌ និងក្រោមមាត្រា៤២៤ ពីបទល្មើសគំរាមកំហែងថា នឹងធ្វើឲ្យខូចខាតដែលភ្ជាប់នឹងបញ្ជាអ្វីមួយដែលអាចនឹងត្រូវផ្តន្ទាទោសដាក់ពន្ធនាគាររហូតដល់២ឆ្នាំ។ សកម្មជន៣នាក់ ដែលរងការចោទប្រកាន់ពីសាលាដំបូងខេត្តកោះកុង កាលពីថ្ងៃទី៥ ខែកុម្ភៈ ឆ្នាំ២០១៥នោះរួមមាន ព្រះតេជព្រះគុណសុខ ចាន់ត្រា ព្រះតេជព្រះគុណព្រហ្ម ធម្មជាតិ និងលោកអាឡិចហ្សង់ដ្រូ ហ្គុនហ្សាឡេហ្ស ដាវីដសុន ស្ថាបនិកអង្គការមាតាធម្មជាតិ ដែលត្រូវបានរដ្ឋាភិបាលបណ្ដេញចេញពីកម្ពុជាអស់រយៈពេលជិត១ឆ្នាំហើយ។ ដោយឡែក សកម្មជនបរិស្ថាន៣នាក់ទៀត ដែលត្រូវបានឃុំខ្លួនក្នុងពន្ធនាគាខេត្តកោះកុង ចាប់តាំងពីថ្ងៃទី១៧ ខែសីហា ឆ្នាំ២០១៥ នោះគឺលោកទ្រី សុវិគា លោកស៊ុន ម៉ាឡា និងលោកស៊ឹម សំណាង។
អានបន្ត
គាំទ្រដោយ
