បញ្ជីពត៍មានគេហទំព័រសិទ្ធិ

កំពុងស្វែងរកទិន្នន័យ

រកឃើញ: 13.090

២៦ សីហា ២០១៥
លោក ហ៊ុន សែន ថានឹងចាត់វិធានការផ្លូវច្បាប់ជាបន្ទាន់លើអ្នកនិយាយថាផែនទីក្លែងក្លាយ

លោកនាយករដ្ឋមន្រ្តី ហ៊ុន សែន នៅថ្ងៃពុធនេះបានថ្លែងថារដ្ឋាភិបាលនឹងចាត់វិធានការផ្លូវច្បាប់ជាបន្ទាន់ដោយមិនលើកលែងទៅលើអ្នកណាដែលនិយាយថារដ្ឋាភិបាលប្រើប្រាស់”ផែនទីចោរ”ឬ”ផែនទីក្លែងក្លាយ”។ លោក ហ៊ុន សែន បានថ្លែងបែបនេះក្នុងពិធីប្រកាសផ្សព្វផ្សាយនិងដាក់ឲ្យអនុវត្តគោលនយោបាយអភិវឌ្ឍវិស័យឧស្សាហកម្មកម្ពុជាឆ្នាំ២០១៥-២០២៥ ស្របពេលដែលលោកប្រតិកម្មនឹងការលើកឡើងរបស់ប្រធានគណបក្សសង្រ្គោះជាតិ លោក សម រង្ស៊ី ទាក់ទងនឹងការដឹកនាំផ្តាច់ការ។ លោក ហ៊ុន សែន បានថ្លែងថាគណបក្សសង្រ្គោះជាតិលែងមានអ្វីនិយាយទាក់ទងនឹងរឿងផែនទី ទើបចាប់ផ្តើមនិយាយពីរឿងផ្តាច់ការ។ លោកបន្តថាពាក្យផ្តាច់ការនេះ លោកឭតាំងពី៣ទសវត្សរ៍រួចហើយ ដោយលោកចាត់ទុកការរិះគន់នេះគ្មានអ្វីចម្លែកសម្រាប់រូបលោកនោះទេ។
២៦ សីហា ២០១៥
សហគមន៍ការពារព្រៃឈើស្នើរដ្ឋាភិបាលពង្រឹងការអនុវត្តច្បាប់ដើម្បីទប់ស្កាត់ការបំផ្លាញព្រៃឈើ

តំណាងសហគមន៍ការពារព្រៃឈើមកពីខេត្តស្ទឹងត្រែង និងរតនគិរី ស្នើឲ្យរដ្ឋាភិបាលបង្កើនការអនុវត្តច្បាប់ដើម្បីការពារព្រៃសហគមន៍និងព្រៃក្នុងតំបន់អភិរក្សឲ្យមានប្រសិទ្ធិភាព ដោយពួកគាត់លើកឡើងថាខ្លួនមិនមានសិទ្ធិអំណាចស្របច្បាប់ក្នុងការការពារព្រៃទាំងនោះទេ។ តំណាងសហគមន៍បានថ្លែងបែបនេះក្នុងពិធីផ្សព្វផ្សាយរបាការណ៍មួយស្តីពីការកាប់ឈើខុសច្បាប់ជាប្រព័ន្ធ និងការបំផ្លាញព្រៃឈើរដ្ឋ និងតំបន់ការពារនៅខេត្តស្ទឹងត្រែង និងរតនគិរី ដែលរៀបចំឡើងដោយអង្គការវេទិកានៃអង្គការមិនមែនរដ្ឋាភិបាលកម្ពុជា ឬហៅកាត់ថា NGO Forum នៅព្រឹកនេះ។ តំណាងសហគមន៍មកខេត្តស្ទឹងត្រែង និងជាជនជាតិដើមភាគតិចក្រវ៉េត អ្នកស្រី សេក ស្រីម៉ុន មានប្រសាសន៍ថា ប្រជាសហគមន៍របស់អ្នកស្រីគ្មានសិទ្ធិអំណាចអ្វីក្នុងការទប់ស្កាត់បទល្មើសព្រៃឈើដែលកើតមាននៅក្នុងសហគមន៍របស់ពួកគាត់នោះទេ។ អ្នកស្រីថា ពួកអ្នកស្រីបានត្រឹមតែដើរល្បាត និងពេលជួបបទល្មើសព្រៃឈើក៏រាយការណ៍មកកាន់អាជ្ញាធរដើម្បីធ្វើអន្តរាគមន៍ប៉ុណ្ណោះ។ អ្នកស្រីបន្តថា ឈ្មួញកាប់ឈើ ឬដឹកឈើសុទ្ធតែមានអាវុធ ដែលអ្នកស្រីថា ប្រជាសហគមន៍មិនហ៊ានទប់ស្កាត់នោះទេ។
២៦ សីហា ២០១៥
សហគមន៍ការពារព្រៃឈើស្នើរដ្ឋាភិបាលពង្រឹងការអនុវត្តច្បាប់ដើម្បីទប់ស្កាត់ការបំផ្លាញព្រៃឈើ

តំណាងសហគមន៍ការពារព្រៃឈើមកពីខេត្តស្ទឹងត្រែង និងរតនគិរី ស្នើឲ្យរដ្ឋាភិបាលបង្កើនការអនុវត្តច្បាប់ដើម្បីការពារព្រៃសហគមន៍និងព្រៃក្នុងតំបន់អភិរក្សឲ្យមានប្រសិទ្ធិភាព ដោយពួកគាត់លើកឡើងថាខ្លួនមិនមានសិទ្ធិអំណាចស្របច្បាប់ក្នុងការការពារព្រៃទាំងនោះទេ។ តំណាងសហគមន៍បានថ្លែងបែបនេះក្នុងពិធីផ្សព្វផ្សាយរបាការណ៍មួយស្តីពីការកាប់ឈើខុសច្បាប់ជាប្រព័ន្ធ និងការបំផ្លាញព្រៃឈើរដ្ឋ និងតំបន់ការពារនៅខេត្តស្ទឹងត្រែង និងរតនគិរី ដែលរៀបចំឡើងដោយអង្គការវេទិកានៃអង្គការមិនមែនរដ្ឋាភិបាលកម្ពុជា ឬហៅកាត់ថា NGO Forum នៅព្រឹកនេះ។ តំណាងសហគមន៍មកខេត្តស្ទឹងត្រែង និងជាជនជាតិដើមភាគតិចក្រវ៉េត អ្នកស្រី សេក ស្រីម៉ុន មានប្រសាសន៍ថា ប្រជាសហគមន៍របស់អ្នកស្រីគ្មានសិទ្ធិអំណាចអ្វីក្នុងការទប់ស្កាត់បទល្មើសព្រៃឈើដែលកើតមាននៅក្នុងសហគមន៍របស់ពួកគាត់នោះទេ។ អ្នកស្រីថា ពួកអ្នកស្រីបានត្រឹមតែដើរល្បាត និងពេលជួបបទល្មើសព្រៃឈើក៏រាយការណ៍មកកាន់អាជ្ញាធរដើម្បីធ្វើអន្តរាគមន៍ប៉ុណ្ណោះ។ អ្នកស្រីបន្តថា ឈ្មួញកាប់ឈើ ឬដឹកឈើសុទ្ធតែមានអាវុធ ដែលអ្នកស្រីថា ប្រជាសហគមន៍មិនហ៊ានទប់ស្កាត់នោះទេ។
២៦ សីហា ២០១៥
សាលាក្ដីខ្មែរក្រហមផ្អាកសវនាការដោយសារមេធាវីការពារក្ដីជនជាប់ចោទធ្វើពហិការ

អង្គជំនុំជម្រះសាលាដំបូងនៃសាលាក្ដីខ្មែរក្រហម នៅថ្ងៃពុធ ទី២៦ សីហា ធ្វើសវនាការស្ដាប់ភាគីដាក់ឯកសារគន្លឹះ ទាក់ទងនឹងអង្គហេតុស្ដីពីការដ្ឋានការងារដោយបង្ខំចំនួន ៣កន្លែង ដែលបានធ្វើសវនាការចាប់តាំងពីចុងខែកក្កដា រហូតមកដល់ពេលនេះ។ សវនាការត្រូវបានផ្អាក បន្ទាប់ពីមេធាវីការពារក្ដីជនជាប់ចោទធ្វើពហិការ។ សវនាការដែលប្រព្រឹត្តទៅបានរយៈពេល ១ម៉ោងកន្លះ ត្រូវបានអង្គជំនុំជម្រះសាលាដំបូងសម្រេចផ្អាកវិញភ្លាមៗ បន្ទាប់ពីក្រុមមេធាវីការពារក្ដីជនជាប់ចោទទាំងពីរក្រុម ប្រកាសដកខ្លួនពីសវនាការនេះ។ ប្រធានអង្គជំនុំជម្រះសាលាដំបូង លោកចៅក្រម និល ណុល ពន្យល់ថា ការសម្រេចផ្អាកនេះ ក៏ព្រោះតែជនជាប់ចោទមិនមានអ្នកការពារក្ដី បន្ទាប់ពីក្រុមមេធាវីទាំងជាតិ និងអន្តរជាតិ ធ្វើពហិការដើរចេញពីអង្គជំនុំជម្រះ៖ «ជានីតិវិធី ការប្រព្រឹត្តទៅនៅតុលាការ នៅចំពោះមុខអង្គជំនុំជម្រះនេះ ត្រូវតែមានវត្តមានការពារក្ដីយ៉ាងហោចណាស់ក៏មានមួយភាគី គឺភាគីជាតិមានវត្តមានដែរ។ ដោយសារតែមេធាវីជាតិ និងអន្តរជាតិ បានធ្វើពហិការដើរចេញទៅ ដូច្នេះនីតិវិធីប្រព្រឹត្តទៅមិនបានទេ។ អង្គជំនុំជម្រះសម្រេចផ្អាកសវនាការនេះត្រឹមនេះ ហើយសវនាការលើកទៅបន្តធ្វើនៅថ្ងៃស្អែក»។
២៦ សីហា ២០១៥
លិខិតមិត្តអ្នកអាន៖ច្បាប់បន្ទប់ជួលរើសអើងយ៉ាងអយុត្តិធម៌ប្រឆាំងនឹងកម្មកររោងចក្រកាត់ដេរ

ច្បាប់គ្រប់គ្រងការជួលបន្ទប់(ច្បាប់ភតិសន្យាពិសេស)ដែលបានអនុម័តដោយរដ្ឋសភានៅក្នុងខែកក្កដា ដោយសមាជិក១០២នាក់ក្នុងចំណោម១០៤នាក់ ដើម្បីការពារកម្មកររោងចក្រកាត់ដេរនឹងត្រូវបានអនុវត្តនៅក្នុងឆ្នាំក្រោយ។ ច្បាប់នេះបានកំណត់តម្លៃជួលផ្ទះសម្រាប់កម្មករកាត់ដេរឲ្យនៅត្រឹងក្នុងរយៈពេលពីរឆ្នាំហើយអំឡុងពេលនោះដែលតម្លៃជួលផ្ទះមិនអាចឡើងថ្លៃបានទេ។ អគ្គិសនីកម្ពុជា(EDC)បានចុះធ្វើការសិក្សាក្នុងតំបន់មានដង់ស៊ីតេខ្ពស់ដែលសម្បូរផ្ទះជួលសម្រាប់កម្មករកាត់ដេរដែលមានគោលបំណងដើម្បីវាយតម្លៃផ្ទះជួលដែលនឹងត្រូវកំណត់អោយស្ថិរ បន្ទាប់ពីច្បាប់នេះដាក់ឲ្យអនុវត្ត។ ច្បាប់គ្រប់គ្រងការជួលផ្ទះត្រូវបានអនុវត្ត ស្របពេលច្បាប់កាត់បន្ថយតម្លៃអគ្គិសនីសម្រាប់អ្នកជួលផ្ទះដែលប្រើប្រាស់តិចជាង៥០គីឡូវ៉ាត់ម៉ោងក្នុងមួយខែដែលនេះនឹងកាត់បន្ថយការចំណាយរបស់កម្មករដែលមានប្រាក់ចំណូលទាប រួមទាំងអ្នកនៅក្នុងឧស្សាហកម្មកាត់ដេរ។
២៦ សីហា ២០១៥
សាលាដំបូងរាជធានី បដិសេធសុំនៅក្រៅឃុំបណ្តោះអាសន្នរបស់លោក ហុង សុខហួរ

រាជធានីភ្នំពេញ៖ លោក កោ វណ្ឌី អនុប្រធានសាលាដំបូងរាជធានីភ្នំពេញ នៅថ្ងៃទី២៥ ខែសីហាសម្រេចបដិសេធសុំនៅក្រៅឃុំបណ្តោះអាសន្នរបស់លោក ហុង សុខហួរ។ការបដិសេធនេះបានធ្វើឡើងក្រោយពីបានពិនិត្យនូវពាក្យសុំនៅក្រៅឃុំរបស់លោក កែត ឃី និងលោក សំ សុគង់ មេធាវីការពារលោក ហុង សុខហួរ សមាជិកព្រឹទ្ធសភាគណបក្សសមរង្ស៊ីរួច។ តាមនីតិវិធីមេធាវីការពារជនត្រូវចោទមានសិទ្ឋិប្តឹងឧទ្ឋរណ៍ប្រឆាំងនឹងការសម្រេចនេះ។ លោក ហុង សុខហួរ ត្រូវបានចចចៅក្រមសាលាដំបូងរាជធានីភ្នំពេញ សម្រេចឃុំខ្លួនដាក់ពន្ឋនាគារ បណ្តោះអាសន្ន កាលពីថ្ងៃទី១៦ ខែសីហា ឆ្នាំ២០១៥ ក្រោមការចោទប្រកាន់ពីបទ ក្លែងបន្លំឯកសារសាធារណៈ បទប្រើប្រាស់ឯកសារសាធារណៈក្លែង និង បទញុះញង់ឱ្យប្រព្រឹត្តបទឧក្រិដ្ឋជាអាទិ៍ តាមមាត្រា៦២៩ , ៦៣០ និង មាត្រា ៤៩៥ នៃក្រមព្រហ្មទណ្ឌ៕
២៦ សីហា ២០១៥
សហគមន៍ និងNGO៖ ក្រុមហ៊ុនវិនិយោគកំពុងកាប់បំផ្លាញព្រៃឈើ អាជីវកម្មរករ៉ែ

ភ្នំពេញ៖ តំណាង NGO និងប្រជាសហគមន៍មានក្តីបារម្ភជាខ្លាំង ចំពោះការកាប់បំផ្លាញព្រៃឈើ ដើម្បីដាំដំណាំកសិឧស្សាហកម្ម ពិសេសគឺដំណាំកៅស៊ូ នៅក្នុងខេត្តរតនគិរី និងស្ទឹងត្រែង។ ពួកគេស្រាវជ្រាវឃើញថា ក្នុងរយៈពេលជាង ១០ ឆ្នាំចុងក្រោយនេះ ក្រុមហ៊ុនដែលទទួលបានដីសម្បទានសេដ្ឋកិច្ចពីរដ្ឋាភិបាលបានធ្វើសកម្មភាពកាប់បំផ្លាញគម្របព្រៃឈើរាប់ម៉ឺនហិកតា។ ក្រុមហ៊ុនវិនិយោគចំនួន ៣៤ ដែលទទួលបានដីសម្បទាន សេដ្ឋកិច្ចពីរដ្ឋាភិបាល បាននិងកំពុងប្រតិបត្តិការកាប់បំផ្លាញព្រៃឈើលើផ្ទៃដីទំហំជាង ២៣២,១៦៨ហិកតា ដោយឡែក ក្រុមហ៊ុន ១១ទៀត កំពុងធ្វើអាជីវកម្មរុករករ៉ែ លើផ្ទៃដី ៥៨៨,៧៣២ ហិកតា នៅក្នុងខេត្តរតនគីរី។នេះបើយោងតាមរបាយការណ៍ស្រាវជ្រាវស្តីពីការកាប់ឈើព្រៃរដ្ឋជាប្រព័ន្ធនៅតំបន់ការពារនៅខេត្ត រតនគីរី និងខេត្តស្ទឹងត្រែង វេទិកានៃអង្គការមិនមែនរដ្ឋាភិបាលស្តីពីកម្ពុជា (NGO Forum) បានផ្សព្វផ្សាយនៅថ្ងៃទី២៦នេះ។
២៥ សីហា ២០១៥
ព្រះមហាក្សត្រកម្ពុជាទទួលស្គាល់សហចៅក្រមអន្តរជាតិឱ្យមកបម្រើការងារនៅសាលាក្តីខ្មែរក្រហម

អង្គជំនុំជម្រះវិសាមញ្ញក្នុងតុលាការកម្ពុជា(អ.វ.ត.ក) បានប្រកាសថា លោក Michael Bohlander ជនជាតិអាល្លឺម៉ង់ត្រូវបានព្រះមហាក្សត្រកម្ពុជាអនុម័ត តែងតាំងជាសហចៅក្រមស៊ើបអង្កេតអន្ដរជាតិថ្មី ជំនួសសហចៅក្រម Mark Brian Harmon ជនជាតិអាមេរិកដែលបានលាលែង។ ការអនុម័តដែលមានការយល់ព្រមពីព្រះមហាក្សត្រ គឺបន្ទាប់ពីឧត្ដមក្រុមប្រឹក្សានៃអង្គចៅក្រមកម្ពុជា ប្រកាសទទួលស្គាល់លក្ខណៈសម្បត្តិរបស់លោក Michael Bohlander ជាសហចៅក្រមនៃ សាលាក្ដីខ្មែរក្រហម។ សេចក្ដីប្រកាសព័ត៌មាននៅថ្ងៃទី២៤ ខែសីហា ឆ្នាំ២០១៥ របស់សាលាក្ដីខ្មែរក្រហមបានបង្ហាញថា នាពេលថ្មីៗនេះចៅក្រម Michael Bohlan der គឺជាសហចៅក្រមស៊ើបអង្កេតអន្ដរជាតិបម្រុង។
២៥ សីហា ២០១៥
សាក្សីទី១០ថ្លែងពីការឈឺចាប់និងបាត់បង់គ្រប់យ៉ាងនៅការដ្ឋានទំនប់អាងត្រពាំងថ្ម

អង្គជំនុំជម្រះសាលាដំបូងនៃសាលាក្ដីខ្មែរក្រហម នៅថ្ងៃច័ន្ទ ទី២៥ សីហា បានស្ដាប់សក្ខីកម្មទី១០ ទាក់ទងនឹងអង្គហេតុធ្វើការងារដោយបង្ខំ នៅការដ្ឋានធ្វើទំនប់អាងត្រពាំងថ្ម នៅខេត្តបន្ទាយមានជ័យ។ សក្ខីកម្មទី១០ គឺផ្ដល់ដោយដើមបណ្ដឹងរដ្ឋប្បវេណីមួយរូបឈ្មោះ ញឹម ហល់។ ដើមបណ្ដឹងរដ្ឋប្បវេណីមួយរូប ញឹម ហល់ ជាអតីតពលករកងចល័តនៅការដ្ឋានធ្វើទំនប់អាងត្រពាំងថ្ម ថ្លែងអំពីការឈឺចាប់ជូនអង្គជំនុំជម្រះសាលាដំបូងថា របបកម្ពុជាប្រជាធិបតេយ្យ ធ្វើឲ្យលោកបាត់បង់គ្រប់យ៉ាង៖ «»។ លោក ញឹប ហល់ បន្តថា ត្រូវអង្គការបង្ខំឲ្យលើកដីចាក់បំពេញក្បាលស្ពានទីមួយ នៃទំនប់អាងត្រពាំងថ្មនោះ។ លោកត្រូវអង្គការកំណត់ឲ្យលើកដីពី ៣ ទៅ ៥ម៉ែត្រគូបក្នុងមួយថ្ងៃ ដែលលោកត្រូវក្រោកពីម៉ោង ៣ព្រឹក ធ្វើដល់ម៉ោង ៥ល្ងាច។ លោកថា លក្ខខណ្ឌធ្វើការងារនៅការដ្ឋាននោះ គឺជាការងារធ្វើដោយបង្ខំពីអង្គការ ហើយមានពលករភាគច្រើនឈឺដើមទ្រូង ដោយសារតែធ្វើការរែកដីធ្ងន់ពេក។ រីឯការហូបចុកមិនគ្រប់គ្រាន់ទេ ហើយពលករដែលឈឺ ត្រូវគេបន្ថយរបបអាហារខ្លះ៖ «»។
២៥ សីហា ២០១៥
ក្រសួងមហាផ្ទៃនិងបក្សប្រឆាំងបដិសេធថាមិនមានការចាប់ខ្លួនសកម្មជនបន្ថែមទេ

មន្ត្រីក្រសួងមហាផ្ទៃ និងគណបក្សសង្គ្រោះជាតិ បដិសេធថា ពុំមានការចាប់ខ្លួនសកម្មជនគណបក្សសង្គ្រោះជាតិ បន្ថែម ដូចការផ្សព្វផ្សាយរបស់បណ្ដាញព័ត៌មានក្នុងស្រុកនានា ដែលបានចុះផ្សាយថា សមត្ថកិច្ចអាចនឹងចាប់ខ្លួនសកម្មជនបន្ថែមទៀត ដូចជាអ្នកគ្រប់គ្រងទំព័រហ្វេសប៊ុក (Facebook) របស់ លោក សម រង្ស៊ី ជំនួយការ លោក ហុង សុខហួរ និងអ្នកតំណាងរាស្ត្រមួយចំនួនទៀតពីបទផ្សំគំនិត និងចូលរួមក្លែងឯកសារ។ បញ្ហានេះ អង្គការសង្គមស៊ីវិលយល់ឃើញថា ប្រសិនបើរដ្ឋាភិបាលនៅបន្តចាត់វិធានការបន្ថែមទៀតជុំវិញសំណុំរឿងនេះ វានឹងរុញច្រានឲ្យស្ថានការណ៍នយោបាយកាន់តែមានភាពអាប់អួទៅវិញទេ។
២៥ សីហា ២០១៥
មជ្ឈមណ្ឌលសិទ្ធិមនុស្សកម្ពុជាអំពាវនាវឲ្យអាជ្ញាធរមូលដ្ឋានគោរពសិទ្ធអ្នកស្រលាញ់ភេទដូចគ្នា

មជ្ឈមណ្ឌលសិទ្ធិមនុស្សកម្ពុជាធ្វើការអំពាវនាវឲ្យអាជ្ញាធរមូលដ្ឋានគោរពសិទ្ធិអ្នកដែលស្រលាញ់ភេទដូចគ្នាឲ្យដូចពលរដ្ឋទូទៅដែរ ដោយលើកឡើងថា ពួកគាត់ក៏មានសិទ្ធិទទួលបានការគោរពពេញលេញ និងស្មើគ្នាក្នុងសង្គមខ្មែរ។ សេចក្តីថ្លែងការណ៍របស់មជ្ឈមណ្ឌលសិទ្ធិមនុស្សកម្ពុជា(CCHR)ដែលចេញផ្សាយកាលពីម្សិលមិញលើកឡើងថា កាលពីថ្ងៃទី១៧ ខែសីហា អភិបាលខណ្ឌដូនពេញលោក គួច ចំរើន បានផ្ដល់បទសម្ភាសន៍ដល់កាសែតខេមបូឌា ដេលី ដោយក្នុងបទសម្ភាសន៍នោះ លោក គួច ចំរើន បានប្រើពាក្យសម្ដីមិនសមរម្យសំដៅទៅលើអ្នកប្តូរភេទ។
២៥ សីហា ២០១៥
សហគមន៍ជនជាតិដើមភាគតិចចារ៉ាយខេត្តរតនគិរីដាក់រោងយាមការពារព្រៃឈើ

សហគមន៍ជនជាតិដើមភាគតិចចារ៉ាយ រស់នៅភូមិឡំ ឃុំប៉ក់ញ៉ៃ ស្រុកអូរយ៉ាដាវ ខេត្តរតនគិរី បានប្រារព្ធពិធីសែនព្រេនសម្ពោធរោងយាមការពារព្រៃឈើ ដើម្បីទប់ស្កាត់កុំឲ្យពលរដ្ឋវៀតណាម ឆ្លងដែនមកកាប់ឈើក្នុងព្រៃបានតទៅទៀត។ ចំណែកមន្ត្រីព្រៃឈើ ស្វាគមន៍ការចូលរួមរបស់សហគមន៍ដែលស្ម័គ្រចិត្តបង្កើតក្រុមយាមការពារព្រៃឈើធនធានធម្មជាតិមានតម្លៃរបស់ជាតិ។ អ្នកភូមិប្រមាណ ១០០នាក់ បានរៀបចំសែនព្រេនអារក្សអ្នកតាព្រៃភ្នំឲ្យដឹងឮ និងជួយថែរក្សាព្រៃឈើ ដែលកាន់តែបាត់បង់ទៅដោយសារតែពលរដ្ឋវៀតណាម លួចឆ្លងដែនចូលមកកាប់ដោយខុសច្បាប់ ហើយដឹកជញ្ជូនទៅប្រទេសវៀតណាម។
២៥ សីហា ២០១៥
CCHR ជំរុញឲ្យមន្ត្រីសាធារណៈគោរពសិទ្ធិអ្នកស្រឡាញ់ភេទដូចគ្នា

មជ្ឈមណ្ឌលសិទ្ធិមនុស្សកម្ពុជា CCHR បានចេញសេចក្តីថ្លែងការណ៍មួយនៅថ្ងៃទី២៤ខែសីហានេះ ដោយបានបង្ហាញក្តីបារម្ភចំពោះការអត្ថាធិប្បាយរបស់លោក គួច ចំរើន អភិបាលខណ្ឌដូនពេញ ដែលបានពាក្យសម្តីមិនសមរម្យសំដៅទៅលើអ្នកប្តូរភេទ។ ពាក្យសម្តីរបស់លោក គួច ចំរើន បានធ្វើឡើងបន្ទាប់ពីមានការចាប់ខ្លួនលើក្រុមមនុស្សមួយចំនួននៅក្នុងរាជធានីភ្នំពេញ កាលពីថ្ងៃទី១៧ខែសីហាកន្លងទៅ។
២៥ សីហា ២០១៥
លោកកែម ឡី៖មាននិតីវិធី៩ចំណុចឈានដល់ការបោះបង្គោលព្រំដែនត្រឹមត្រូវ

លោកកែម ឡី អ្នកតាមដានស្ថានការណ៍សង្គមកម្ពុជា នៅរសៀលថ្ងៃទី២៥ ខែសីហា ឆ្នាំ២០១៥ បានបង្ហាញនៅលើទំព័រហ្វេសប៊ុកផ្ទាល់របស់លោក អំពើនិតីវិធី៩ចំណុច ដែលអាចឈានដល់ការបោះបង្គោលព្រំដែនត្រឹមត្រូវ។ ការបង្ហាញនេះ ខណៈដែរបញ្ហាព្រំដែនជាប្រធានបទក្តៅករគុកមួយនៅក្នុងប្រទេសកម្ពុជា។
២៥ សីហា ២០១៥
សង្គមស៊ីវិលស្នើឲ្យបញ្ឈប់ការរឹតត្បិតសេរីភាពលើប្រព័ន្ធអ៊ីនធើណែត

អង្គការសង្គមស៊ីវិល បានស្នើឲ្យរាជរដ្ឋាភិបាលធ្វើសកម្មភាពជាបន្ទាន់ ដើម្បីការពារសិទ្ធិមនុស្ស និងបញ្ចប់ការរឹតត្បិតលើប្រព័ន្ធអ៊ីនធើណែត ក្រោយពីមានការចាប់ខ្លួនអ្នកប្រើប្រាស់ហេ្វសប៊ុកជាបន្តបន្ទាប់។ ប្រតិកម្មនេះកើតឡើង ក្រោយពីសមត្ថកិច្ចបានចាប់ខ្លួនយុវជន គង់ រ៉ៃយ៉ា វ័យ២៥ឆ្នាំ ជានិស្សិតនៅសាកលវិទ្យាល័យខេមរៈ កាលពីថ្ងៃសុក្រ ទី២១ ខែសីហា ពីបទញ៉ុះញង់ធ្វើ[បដិវត្តន៍ពណ៌]តាមរយៈសារនៅលើទំព័រហ្វេសប៊ុក។ នៅក្នុងសេចក្តីប្រកាសព័ត៌មានចេញផ្សាយកាលពីថ្ងៃទី២៤ ខែសីហា មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ(CCIM) បានហៅការចាប់ខ្លួនយុវជន គង់ រ៉ៃយ៉ា នោះថាបានបញ្ជាក់ឲ្យឃើញច្បាស់ពីការរឹតត្បិតរបស់រដ្ឋាភិបាលទៅលើសេរីភាពបញ្ចេញមតិលើប្រព័ន្ធអ៊ីនធើណែត។
២៥ សីហា ២០១៥
ក្មេងស្រីជនជាតិព្នងអាយុ១២ឆ្នាំម្នាក់ ត្រូវជនមិនស្គាល់មុខចាប់រំលោភ

មណ្ឌលគិរី៖ ក្មេងស្រីជនជាតិព្នងម្នាក់អាយុ១២ឆ្នាំ ត្រូវជនមិនស្គាល់មុខចាប់រំលោភបានសម្រេច នៅពេលដែលក្មេងស្រីរូបនោះ កំពុងស្ទូចត្រីតាមអូរក្នុងព្រៃមួយកន្លែង ស្ថិតនៅភូមិចក់ចា ឃុំស្រែឈូក ស្រុកកែវសីមា ខេត្តមណ្ឌលគិរី។ពេលធ្វើសកម្មភាពរំលោភរួច ជនសង្ស័យរូបនោះបានគេចខ្លួនចូលព្រៃបាត់។ហេតុការណ៍នេះ កើតឡើងកាលពីវេលាម៉ោង១៤ៈ៣០នាទីរសៀលថ្ងៃទី២៤ ខែសីហា ឆ្នាំ២០១៥។ ក្មេងស្រីរងគ្រោះ បានរៀបរាប់ប្រាប់សមត្ថកិច្ចថា មុនពេលកើតហេតុ ក្មេងស្រីរងគ្រោះបានដើរទៅស្ទូចត្រីនៅតាមអូរក្នុងព្រៃក្បែរភូមិកាលពីវេលាម៉ោង១៤ៈ០០នាទីរសៀលថ្ងៃដដែល។លុះបន្តិចក្រោយមក ស្រាប់តែមានមនុស្សប្រុសម្នាក់ដើរមករកនាង រួចបុរសរូបនោះ ក៏បានចាប់អោបបីយកនាងទៅក្បែរគុម្ពោធព្រៃសំរាតសំពត់-អាវ រួចធ្វើសកម្មភាពរំលោភលើរូបនាងតែម្តង ដោយជននោះបានគំរាមសម្លាប់ដល់រូបនាង បើសិនជាហ៊ានស្រែក។
២៥ សីហា ២០១៥
អ្នកនាំពាក្យ៖ ស្ត្រីខ្មែរពីរនាក់បន្ថែមទៀត ត្រូវបានជួយសង្គ្រោះពីប្រទេសចិន

ភ្នំពេញ: លោក ជុំ សុន្ទរី អ្នកនាំពាក្យក្រសួងការបរទេស បានប្រកាសថា ស្ថានឯកអគ្គរាជទូតកម្ពុជា ប្រចាំសាធារណរដ្ឋប្រជាមានិតចិន ដោយមានកិច្ចសហការរបស់ប៉ូលិសអន្តោប្រវេសន៍ទីក្រុងប៉េកាំង អង្គការ UN-ACT (United Nations Action for Cooperation Against Trafficking in Persons) និងអង្គការ World Vision បានអន្តរាគមន៍ជួយស្ត្រីខ្មែររងគ្រោះចំនួន ២ រូប ដែលត្រូវបានមេខ្យល់បោកបញ្ឆោត នាំទៅរៀបការជាមួយបុរសជនជាតិចិន ក្នុងអំឡុងឆ្នាំ២០១៣ អោយបានវិលត្រឡប់មកកម្ពុជាវិញ។
២៥ សីហា ២០១៥
ពលរដ្ឋហែក្បួនក្នុងខេត្តកោះកុងទាមទារឲ្យតុលាការដោះលែងសកម្មជនបរិស្ថាន៣នាក់

ប្រជាពលរដ្ឋប្រមាណ៥០នាក់ នៅព្រឹកថ្ងៃអង្គារនេះ បាននាំគ្នាហែក្បួនតាមផ្លូវសាធារណៈ ដើម្បីទាមទារឲ្យមានការដោះលែងសកម្មជនបរិស្ថាន៣នាក់ ដែលត្រូវបានចាប់ខ្លួន ពេលពួកគេតវ៉ាប្រឆាំងនឹងក្រុមហ៊ុនបូមខ្សាច់របស់វៀតណាម។ កាលពីថ្ងៃទី១៧ ខែសីហា សកម្មជនចលនាមាតាធម្មជាតិ៣នាក់រួមមាន លោក សាន់ ម៉ាឡា លោក ទ្រី សុវិគា និងលោក ស៊ីម សំណាង ត្រូវបានចៅក្រមស៊ើបសួរសាលាដំបូងខេត្តកោះកុងសម្រេចឃុំខ្លួន ដោយចោទប្រកាន់ពីបទគំរាមកំហែងធ្វើឲ្យខូចខាត។
២៥ សីហា ២០១៥
ពលរដ្ឋ៥ស្រុកនៅខេត្តកោះកុងបន្តដើរហែក្បួនតវ៉ាឲ្យតុលាការដោះលែងសកម្មជន៣រូប

ប្រជាពលរដ្ឋមកពីតាមសហគមន៍នានា ក្នុងស្រុក ៥ នាខេត្តកោះកុង បន្តតវ៉ា ដោយលើកបដាដើរហែក្បួនតាមផ្លូវនានា តាមទីប្រជុំជន ក្នុងមូលដ្ឋានខេត្តកោះកុង ដើម្បីទាមទារឲ្យតុលាការខេត្តនេះ ទម្លាក់ចោលការចោទប្រកាន់ និងដោះលែងសកម្មជនការពារធនធានធម្មជាតិ និងបរិស្ថាន ៣រូប ដែលត្រូវតុលាការចាប់ដាក់គុកតាមបណ្ដឹងរបស់ក្រុមហ៊ុន និងអាជ្ញាធរកាលពីថ្ងៃទី១៧ ខែសីហា។ មន្ត្រីសង្គមស៊ីវិលប្រចាំខេត្តជាប់មាត់សមុទ្រមួយនេះ បានចាត់ទុកការចាប់ខ្លួនយុវជនការពារបរិស្ថានទាំង ៣នាក់ ថាជាការបំភិតបំភ័យ និងគំរាមកំហែងមិនឲ្យបន្តធ្វើសកម្មភាពតវ៉ារបស់ខ្លួនជាបន្តទៀតនាថ្ងៃខាងមុខ។
២៥ សីហា ២០១៥
សកម្មជនគណបក្សសង្គ្រោះជាតិ លោក អ៊ុក ពេជ្រសំណាង រងបទចោទថ្មីមួយទៀត

សកម្មជនគណបក្សសង្គ្រោះជាតិ លោក អ៊ុក ពេជ្រសំណាង ត្រូវបានតំណាងអយ្យការអមសាលាដំបូងរាជធានីភ្នំពេញ ចោទប្រកាន់ពីបទបង្កអំពើហិង្សា និងប្រឆាំងអ្នករាជការសាធារណៈ ខណៈលោកកំពុងជាប់ពន្ធនាគារពីបទចោទផ្សេងមួយទៀត។ កាលពីថ្ងៃទី២១ ខែកក្កដា ឆ្នាំ២០១៥ សាលាដំបូងរាជធានីភ្នំពេញបានចេញសាលក្រមដាក់ទោស លោក អ៊ុក ពេជ្រសំណាង ឲ្យជាប់ពន្ធនាគារ៧ឆ្នាំពីបទពីចូលរួមក្នុងចលនាកុប្បកម្មនាំឲ្យមានហិង្សានៅក្បែរទីលានប្រជាធិបតេយ្យកាលពីខែកក្កដា ឆ្នាំ២០១៤។