កំពុងស្វែងរកទិន្នន័យ
រកឃើញ: 13.090
-
តំណាងរាស្ត្រគណបក្សសង្គ្រោះជាតិ ចូលរួមការតវ៉ាជាមួយសកម្មជនសមាគមអង្គការ មុខវត្តឧណ្ណាលោម
ភ្នំពេញ: យ៉ាងហោចណាស់ មានតំណាងរាស្ត្រគណបក្សសង្គ្រោះជាតិមួយរូប គឺលោក រៀល ខេមរិន្ទ្រ បានចូលរួមការតវ៉ាជាមួយសកម្មជនសមាគម អង្គការសង្គមស៊ីវិល សកម្មជនដីធ្លី យុវជន និងព្រះសង្ឃ នៅមុខវត្តឧណ្ណាលោម នាព្រឹកថ្ងៃចន្ទ ទី១៣កក្កដា។ ការតវ៉ានោះ បានធ្វើឡើង ខណៈដែលរដ្ឋសភា បានបើកកិច្ចប្រជុំពិភាក្សា និងអនុម័ត លើសេចក្តីព្រាងច្បាប់សមាគម និងអង្គការមិនមែនរដ្ឋាភិបាល។ បន្ទាប់ពីការជួបជុំលើកបដា និងស្រែកមេក្រូរួចមក ក្រុមសកម្មជនអ្នកតវ៉ា បានដើរហែក្បួនពីមុខវត្តឧណ្ណាលោម ទៅកាន់រដ្ឋសភា។ កិច្ចប្រជុំរបស់រដ្ឋសភា នាព្រឹកថ្ងៃទី១៣កក្កដានេះ មានវត្តមានតែអ្នកតំណាងរាស្ត្រគណបក្សប្រជាជនកម្ពុជា ៦៨ រូប ប៉ុណ្ណោះ។ រីឯអ្នកតំណាងរាស្ត្រ ៥៥ រូប របស់គណបក្សសង្គ្រោះជាតិ បានធ្វើពហិការ មិនចូលរួមប្រជុំរដ្ឋសភាឡើយ។ ផ្លូវនៅមុខរដ្ឋសភា ត្រូវបានប៉ូលិសដាក់ប៉ារាស់បិទ ខណៈដែលក្រុមសកម្មជនអង្គការសង្គមស៊ីវិលជាច្រើន បានប្រមូលផ្តុំ តវ៉ានៅរង្វង់មូលសម្តេចព្រះសង្ឃរាជ ជួន ណាត៕
-
កម្មករកម្មការិនីរោងចក្រ A-King tech ជាង៤០០នាក់ ដង្ហែក្បួនឆ្ពោះទៅកាន់រដ្ឋសភា ត្រូវអាជ្ញាធររារាំង
រាជធានីភ្នំពេញ ៖ កម្មករកម្មការិនីប្រមាណជាង៤០០នាក់ ក្នុងចំណោមកម្មករសរុបចំនួន១.១៥៩នាក់ នៃរោងចក្រកាត់ដេរសម្លៀកបំពាក់ A-King tech ដែលមានទីតាំង ស្ថិតនៅតាមបណ្តោយផ្លូវវ៉េងស្រេង ក្នុងភូមិដំណាក់ធំ៣ សង្កាត់ស្ទឹងមានជ័យ ខណ្ឌមានជ័យ ។ កាលពីព្រឹកថ្ងៃទី១៣ កក្កដា ២០១៥ ក្រុមកម្មករបានប្រមូលផ្តុំគ្នាដង្ហែក្បួនបំណងឆ្ពោះទៅកាន់រដ្ឋសភា ដើម្បីឱ្យជួយដោះស្រាយលក្ខខណ្ឌការងារចំនួន៩ចំណុច ដែលខាងថៅកែរោងចក្រមិនព្រមដោះស្រាយ ប៉ុន្តែក្បួនដង្ហែខាងលើមិនបានប្រព្រឹត្តទៅដូចបំណងនោះទេ ក្រោយមានការរារាំងពីសំណាក់កម្លាំងអាជ្ញាធរចម្រុះខណ្ឌមានជ័យ ។ សូមបញ្ជាក់ថា ក្រុមកម្មករកម្មការិនីចំនួនប្រមាណជាង៤០០នាក់ខាងលើ កន្លងមក ពួកគេបានប្រមូលផ្តុំគ្នាតវ៉ាជាច្រើនលើកមកហើយ ក្នុងការទាមទារលក្ខខណ្ឌការងារចំនួន៩ចំណុច ពីខាងថៅកែរោងចក្រ ប៉ុន្តែមិនមានផ្លែផ្កាតបវិញ ។ ហើយការតវ៉ាកន្លងមក គឺពួកគេគ្រាន់តែធ្វើការប្រមូលផ្តុំគ្នានៅខាងមុខរោងចក្រតែប៉ុណ្ណោះ ប៉ុន្តែនៅព្រឹកថ្ងៃទី១៣ កក្កដា ២០១៥ ក្រុមកម្មករបានសម្រេចប្រមូលគ្នាដង្ហែជាក្បួនឆ្ពោះទៅកាន់រដ្ឋសភា ក្នុងគោលបំណងទាមទារឱ្យខាងរដ្ឋសភាពជួយអន្តរាគមន៍ ៕
-
សហជីពរៀបចំយុទ្ធសាស្ត្រ៣សំខាន់ ដើម្បីទប់ស្កាត់ច្បាប់សហជីព
សហជីពនៅកម្ពុជារៀបចំយុទ្ធសាស្ត្រ៣សំខាន់ ដើម្បីទប់ស្កាត់សេចក្ដីព្រាងច្បាប់ស្ដីពីសហជីព។ យុទ្ធសាស្ត្រទាំង៣នេះ ត្រូវបានបង្ហើបឲ្យដឹង បន្ទាប់ពីសមាជិកសហជីពជាង២០០នាក់ បានជួបពិភាក្សាគ្នា ពេញមួយថ្ងៃអាទិត្យម្សិលមិញ។ ក្រៅពីនោះ ក៏មានផងដែរ ការផ្ដល់យោបល់សម្រាប់ការកែប្រែសេចក្ដីព្រាងច្បាប់សហជីព ក្នុងករណីមិនអាចទប់ស្កាត់បាន។ ដោយចង់ឲ្យមានការទម្លាក់ចោលសេចក្ដីព្រាងច្បាប់ស្ដីពីសហជីព ក្រុមសហជីពនៅកម្ពុជា បានរៀបចំយុទ្ធសាស្ត្ររួមគ្នាចំនួន៣។ យុទ្ធសាស្ត្រទី១៖ គឺបញ្ចុះបញ្ជូលស្ថាប័នពាក់ព័ន្ធ អង្គការជាតិនិងអន្ដរជាតិ ស្ថានទូតបរទេស ព្រមទាំងរដ្ឋសភាជាតិ ឲ្យចូលរួមទប់ស្កាត់ច្បាប់សហជីព។ យុទ្ធសាស្ត្រទី២៖ គឺផលិតឯកសារដ៏មានសារៈសំខាន់ ដើម្បីទប់ទល់នឹងការតាក់តែងច្បាប់សហជីព។ ហើយយុទ្ធសាស្ត្រទី៣៖ ក្រុមសហជីពនឹងរួមគ្នារៀបចំព្រឹត្តិការណ៍ជំទាស់នឹងច្បាប់ស្ដីពីសហជីព។ ក្នុងនោះ ព្រឹត្តិការណ៍ដំបូងគេនឹងត្រូវរៀបចំនៅថ្ងៃទី២៦ខែកក្កដានេះ ដោយមានអ្នកចូលរួមជាងមួយពាន់នាក់។
-
ច្បាប់ថ្មីស្តីពីរ៉ែនឹងអនុម័តនៅចុងឆ្នាំនេះ
ភ្នំពេញៈ មន្ត្រីជាន់ខ្ពស់មួយរូបបានឲ្យដឹងថាច្បាប់រ៉ែថ្មីរបស់កម្ពុជានឹងត្រូវអនុម័តនៅចុងឆ្នាំនេះហើយនឹងដាក់ចេញនូវកំណែទម្រង់មួយចំនួនចំពោះវិស័យនេះតែពន្ធលើការរុករករ៉ែរបស់ប្រទេសកម្ពុជានឹងទំនងជាមានកម្រិតដដែល។ លោក ម៉េង ស័ក្តិធារ៉ា រដ្ឋលេខាធិការនៃក្រសួងរ៉ែ និងថាមពលធ្លាប់បានប្រាប់កាសែតភ្នំពេញប៉ុស្តិ៍កាលពីឆ្នាំមុនថាក្រសួងអាចនឹងពិចារណាកាត់បន្ថយពន្ធលើធនធានរ៉ែពី ៣០ ភាគរយមកនៅត្រឹម ២០ ភាគរយវិញដែលច្បាប់រ៉ែរបស់អូស្រ្តាលីក៏យកពន្ធកម្រិតដូចគ្នាដែរ។ ទោះជាយ៉ាងនេះក្តី លោក ស័ក្តិធារ៉ា បានឲ្យដឹងកាលពីថ្ងៃសុក្រសប្តាហ៍មុនខណៈដែលច្បាប់នេះដើរឆ្ពោះទៅរកការអនុម័ត «វាទំនងជាថាអត្រាពន្ធលើធនធានរ៉ែអាចនឹងរក្សាក្នុងអត្រា ៣០ ភាគរយដដែល។ លោកបានឲ្យដឹងថា៖ «យើងនឹងត្រូវតែដាក់ចេញឧបករណ៍សារពើពន្ធបន្ថែមមួយចំនួន»។ លោកបានមានប្រសាសន៍ទៀតថារាល់ភាគហ៊ុនរបស់រដ្ឋាភិបាលណាមួយក្នុងការវិនិយោគរបស់ឯកជននឹងអាចប្រៀបធៀបគ្នាបានធៀបនឹងប្រទេសផ្សេងទៀតនៅក្នុងតំបន់»។
-
ពលរដ្ឋចោទឧកញ៉ា លឹម ហេង រំលោភដី
ឧត្តរមានជ័យៈ ឧកញ៉ាម្នាក់ និងអាជ្ញាធរក្នុងខេត្តឧត្តរមានជ័យត្រូវបានភរិយាទាហានខ្មែរក្រហមចោទប្រកាន់ថាបានរំលោភយកដីជិត ៦ ពាន់ម៉ែត្រក្រឡា និងលេណដ្ឋានកងទ័ព ១ កន្លែងទៅធ្វើទំនប់ទឹក និងកាស៊ីណូ។ អ្នកស្រី វ៉ា សុវណ្ណ អាយុ ៤៧ ឆ្នាំជាប្រជាពលរដ្ឋរស់នៅជាយដែនខ្មែរថៃក្នុងភូមិជប់គគីរខាងលិច ឃុំអំពិល ស្រុកបន្ទាយអំពិលបានចោទប្រកាន់កាលពីម្សិលមិញថា ក្រុមហ៊ុនលោក ឧកញ៉ា លឹម ហេង បានប្រើប្រាស់គ្រឿងចក្ររាប់សិបគ្រឿងដើម្បីលើកដីធ្វើទំនប់ទឹកដ៏ធំមួយកម្ពស់ប្រមាណជា ១៥ ម៉ែត្រនៅក្នុងដីរបស់គាត់ និងដីពលរដ្ឋ ៦ នាក់ផ្សេងទៀតចាប់តាំងពីឆ្នាំ ២០១៣ ដោយមានការឯកភាពពីអាជ្ញាធរខេត្តឧត្តរមានជ័យ។ ប៉ុន្តែរហូតមកទល់នឹងពេលនេះពួកគាត់មិនទាន់ទទួលបានសំណងនោះទេបើទោះបីជាទំនប់នោះត្រូវបានធ្វើរួចរាល់ហើយក៏ដោយ។ អ្នកស្រីបញ្ជាក់ថា៖ «ក្រុមហ៊ុន តាលឹម ហេង ហ្នឹងជាអ្នកឈូសឆាយដឹកដីចាក់ដីធ្វើទំនប់នេះ។ ខ្ញុំទៅសួរខេត្ត ខេត្តថាវាជាកម្មសិទ្ធិ តាលឹម ហេង។ គេរំលោភទឹកដីពលរដ្ឋ។ ស្រុក ខេត្តគេប្រគល់ឲ្យគាត់ហើយ»។
-
សង្គមស៊ីវិលស្នើឲ្យរដ្ឋសភា ពន្យារពេលនៃការចូលជាធរមានច្បាប់ NGO
ស្របពេលដែលរដ្ឋសភា បើកសម័យប្រជុំដើម្បីពិភាក្សា និងអនុម័តសេចក្តីព្រាងច្បាប់ស្តីពី សមាគម និងអង្គការក្រៅរដ្ឋាភិបាល (LANGO) នៅថ្ងៃនេះ ក្រុមអង្គការសង្គមស៊ីវិល សកម្មជនដីធ្លី អ្នកគាំទ្របក្សនយោបាយ បានប្រមូលផ្តុំគ្នា តវ៉ាប្រឆាំងនឹងការអនុម័តសេចក្តីព្រាងច្បាប់នេះ។ មេដឹកនាំអង្គការក្រៅរដ្ឋាភិបាល បានសោកស្តាយចំពោះរដ្ឋសភា ដែលប្រញាប់ប្រញាល់ពិភាក្សា និងអនុម័តច្បាប់នេះ។ តែយ៉ាងណាក៏ដោយ ក្រុមសង្គមស៊ីវិល ស្នើឲ្យរដ្ឋសភា ពន្យារពេលនៃការចូលជាធរមានច្បាប់នេះ។
-
តុលាការខេត្តស្វាយរៀងរងការចោទប្រកាន់ថាមិនអនុវត្តសាលក្រមលើបញ្ហាដីរដ្ឋដែលសម្រេចតាំងពីឆ្នាំ២០០៥
សាលាដំបូងខេត្តស្វាយរៀងរងការចោទប្រកាន់ពីសំណាក់មន្រ្តីមន្ទីរកសិកម្មស្រុករមាសហែកថាមិនបានអនុវត្ដសាលក្រមរបស់ខ្លួនលើរឿងទំនាស់ដីរដ្ឋនៅក្នុងស្រុករមាសហែក ខេត្តស្វាយរៀង ដែលត្រូវបានសម្រេចតាំងពីឆ្នាំ២០០៥។ អនុប្រធានការិយាល័យកសិកម្មស្រុករមាសហែក លោក មុំ សុផាន បានប្រាប់VODថាកាលពីឆ្នាំ២០០៥ការិយាល័យកសិកម្មស្រុករមាសហែកបានប្ដឹងទៅសាលាដំបូងខេត្តស្វាយរៀង ករណីពលរដ្ឋម្នាក់ឈ្មោះ កឹម សារ៉ាត់ រំលោភយកដីរដ្ឋដែលជាកម្មសិទ្ធិរបស់ការិយាល័យកសិកម្មស្រុករមាសហែក ស្ថិតក្នុងភូមិតាត្រាវ ឃុំកំពង់ត្រាច។ លោកបន្ដថានៅថ្ងៃទី២៣ ខែសីហា ឆ្នាំ២០០៥ សាលាដំបូងខេត្តបានចេញសាលក្រមរដ្ឋបវេណី ដោយសម្រេចប្រគល់ដីទំហំជាង១៥អារឲ្យការិយាល័យកសិកម្មស្រុក ហើយបញ្ជាឲ្យអ្នកស្រី កឹម សារ៉ាត់ រុះរើផ្ទះ ឬខ្ទមចេញពីដីនោះ។ លោកបន្ដថាដោយពុំមានភាគីណាមួយប្ដឹងឧទ្ធរណ៍បន្ដទៀត សាលក្រមនេះក៏ចូលជាស្ថាពរតែម្ដង។
-
សមត្ថកិច្ចដាក់របាំងរារាំងមិនឲ្យសង្គមស៊ីវិលចូលតវ៉ាខាងមុខរដ្ឋសភា
សមត្ថកិច្ចរាប់រយនាក់ នៅព្រឹកថ្ងៃចន្ទនេះ បានដាក់របាំងរារាំងមិនឲ្យសង្គមស៊ីវិលចូលទៅខាងមុខរដ្ឋសភាតវ៉ាប្រឆាំងនឹងសេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល ស្របពេលរដ្ឋសភាបានកំពុងប្រជុំពិនិត្យ និងអនុម័តសេចក្តីព្រាងច្បាប់នេះ។ នៅព្រឹកថ្ងៃនេះសង្គមស៊ីវិល និងប្រជាពលរដ្ឋប្រមាណ៣០០ទៅ៤០០នាក់បានដង្ហែជាក្បួនពីវត្តឧណ្ណាឡោម តាមផ្លូវមាត់ទន្លេឆ្ពោះទៅកាន់រដ្ឋសភា ប៉ុន្តែត្រូវបានរារាំងនៅច្រកទល់មុខសណ្ឋាគារImperial។ សង្គមស៊ីវិលបានអំពាវនាវឲ្យរដ្ឋសភាកុំអនុម័តសេចក្តីព្រាងច្បាប់នេះ។ សង្គមស៊ីវិលលើកឡើងថាគណបក្សណាមួយដែលបោះឆ្នោតគាំទ្រច្បាប់នេះ ពួកគេនឹងមិនបោះឆ្នោតឲ្យគណបក្សនោះជាដាច់ខាតក្នុងឆ្នាំ២០១៨។ នៅព្រឹកថ្ងៃចន្ទនេះ រដ្ឋសភាបានបើកកិច្ចប្រជុំដែលមានរបៀបវារៈចំនួនពីរ គឺទីមួយការបោះឆ្នោតជ្រើសតាំងតំណាងរាស្រ្តលោក កែវ ពិសិដ្ឋ ជាសមាជិកគណៈកម្មការនីតិកម្ម និងយុត្តិធម៌ និងទីពីរការពិភាក្សា និងអនុម័តលើសេចក្តីព្រាងច្បាប់សមាគម និងអង្គការមិនមែនរដ្ឋាភិបាល។ លោកនាយករដ្ឋមន្រ្តី ហ៊ុន សែន និងតំណាងរាស្រ្តគណបក្សប្រជាជនកម្ពុជាចំនួន៦៧រូបទៀតបានចូលរួម។ ចំណែកតំណាងរាស្រ្តគណបក្សសង្រ្គោះជាតិទាំង៥៥រូប បានពហិការមិនចូលរួមប្រជុំសភា ក្នុងការពិភាក្សា និងអនុម័តសេចក្តីព្រាងច្បាប់សមាគម និងអង្គការមិនមែនរដ្ឋាភិបាល ដោយចាត់ទុកថាសេចក្តីព្រាងច្បាប់នេះមានលក្ខណៈរឹតត្បិតសិទ្ធិសេរីភាព និងផ្ទុយពីឆន្ទៈរបស់អង្គការសង្គមស៊ីវិល។
-
ដល់វេនសហជីព ប្រឹងរកវិធីទប់ស្កាត់ការអនុម័តសេចក្តីព្រាងច្បាប់គ្រប់គ្រងលើខ្លួន
បន្ទាប់ពីក្រុមអង្គការសង្គមស៊ីវិល កំពុងបរាជ័យក្នុងការទាមទារឲ្យរដ្ឋសភាកម្ពុជាទម្លាក់ចោលនូវសេចក្តីព្រាងច្បាប់គ្រប់គ្រងលើខ្លួននោះ នៅពេលនេះដល់វេនក្រុមសហជីពវិញម្តង ។ កាលពីម្សិលមិញ សហភាព សហព័ន្ធសហជីព សមាគម និង អង្គការ ចំនួន១៨ អង្គភាពបានជួបជុំគ្នាស្វែងរកយុទ្ធសាស្ត្រទប់ស្កាត់ ដើម្បីកុំឲ្យសេចក្តីព្រាងច្បាប់ស្តីពីសហជីពឈានទៅរកការអនុម័ត ដូចសេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាលដែលត្រូវរដ្ឋសភាពិភាក្សា និង អនុម័តនៅថ្ងៃនេះ។ ក្រុមសហជីព បានសម្តែងការព្រួយបារម្ភយ៉ាងខ្លាំងចំពោះសេចក្តីព្រាងច្បាប់មួយនេះ។
-
សហជីពធំៗជាង ៣០ ប្រជុំគ្នារកវិធីទប់ស្កាត់ច្បាប់ស្តីពីសហជីព
ភ្នំពេញៈ ក្រុមសហព័ន្ធសហជីពឯករាជ្យ និងសហជីពដែលមានទំនោរទៅរដ្ឋាភិបាលធំៗជាង ៣០ សហជីពកាលពីថ្ងៃម្សិលមិញបានជួបជុំពិភាក្សាគ្នាពីយុទ្ធសាស្ត្រទប់ស្កាត់ការអនុម័តសេចក្តីព្រាងច្បាប់សហជីព និងស្នើឲ្យរដ្ឋាភិបាលកែប្រែចំណងជើង និងមាត្រាជាង ៣០ ព្រមទាំងលុបចោលមាត្រាមួយចំនួនដើម្បីធានានូវសិទ្ធិសេរីភាព និងលើកកម្ពស់សិទ្ធិការងារស្របទៅតាមច្បាប់បទដ្ឋានអន្តរជាតិ។ ការស្នើនេះបានធ្វើឡើងនៅក្នុងសិក្ខាសាលាស្តីពី «យុទ្ធសាស្រ្តក្នុងការទប់ស្កាត់ និងការផ្តល់យោបល់លើសេចក្តីព្រាងច្បាប់ស្តីពីសហជីព» នៅភោជនីយដ្ឋានស្ទឹងមាស សង្កាត់ព្រែកលាប រាជធានីភ្នំពេញ ដោយមានការចូលរួមពីតំណាងសហជីពធំៗជាង ៣០ និងសហជីពតូចៗជិត ២០០ នាក់។ ប្រធានសហភាពការងារកម្ពុជា លោក អាត់ ធន់ បានថ្លែងថា ក្រុមសហជីពទាំងតូចធំជាង ៣០០ នៅតែបញ្ជាក់ជំហរពីការទាមទារឲ្យបញ្ឈប់ការអនុម័តសេចក្តីព្រាងច្បាប់នេះ តែបើរដ្ឋាភិបាលនៅតែអនុម័តក្រុមសហជីពស្នើឲ្យកែប្រែចំណងជើងពីច្បាប់ស្តីពីសហជីពទៅជាច្បាប់ស្តីពីទំនាក់ទំនងវិជ្ជាជីវៈ ព្រោះច្បាប់នេះគ្របដណ្តប់ទៅលើការងារសហជីព កម្មករនិយោជិត និងសហគ្រាសរោងចក្រ។ ក្រៅពីនោះក៏មានការស្នើឲ្យកែលម្អ និងលុបចោលនូវមាត្រាជាង ៣០ ក្នុងចំណោម ៩១ មាត្រាដែលរឹតត្បិតសិទ្ធិសេរីភាព និងរំលោភទៅលើសិទ្ធិកម្មករនិយោជិកដូចជាការចុះបញ្ជីការ ការដាក់ទោសពិន័យ ការរំលាយសហជីព ឬសមាគមនិយោជកជាដើម។
-
ច្បាប់ LANGO ត្រូវបានអនុម័តដោយគ្មានបក្សប្រឆាំងចូលរួម
ភ្នំពេញៈ សេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល (NGO) ដែលរងការរិៈគន់ខ្លាំង និងទាមទារឲ្យមានការទម្លាក់ច្បាប់នេះចោលពីសំណាក់ក្រុមអង្គការសង្គមស៊ីវិលនោះ ត្រូវបានរដ្ឋសភាធ្វើការអនុម័តនៅថ្ងៃត្រង់ ថ្ងៃចន្ទនេះ ដោយសម្លេងគាំទ្រ ៦៨ លើ ៦៨ ខណៈដែលសមាជិកសភានៃគណបក្សប្រឆាំងបានធ្វើពហិការ មិនចូលរួមអនុម័តច្បាប់នេះឡើយ។ កិច្ចប្រជុំសភា អនុម័តច្បាប់ដ៏ចម្រូងចម្រាសនេះ ដែលមានវត្តមានតែសមាជិកសភាគណបក្សកាន់អំណាច ត្រូវបានធ្វើឡើង ដោយមានការយាមកាមយ៉ាងតឹងរ៉ឹង មិនឲ្យអ្នកតវ៉ាចូលមកមុខរដ្ឋសភាឡើយ ដោយមានការដាក់ពង្រាយកងកម្លាំងប្រដាប់អាវុធ និងបិទផ្លូវ ដោយរបាំងដែក។ ដោយឡែក ក្រុមអង្គការសង្គម ស៊ីវិល សហជីព ប្រមាណជា ៥០០នាក់ និងមានទាំងតំណាងរាស្ត្រគណបក្សសង្រ្គោះជាតិផងដែរ បានមកតវ៉ាស្រែកទាមទារ ឲ្យរដ្ឋាភិបាលទម្លាក់ចោលច្បាប់នេះ។ យ៉ាងណាក៏ដោយ ថ្លែងក្នុងរដ្ឋសភាកាលពីព្រឹកមិញ លោក ស ខេង រដ្ឋមន្ត្រីក្រសួងមហាផ្ទៃបានលើកឡើងថា រាល់មតិប្រឆាំងនឹងច្បាប់អង្គការសមាគម ដែលរដ្ឋាភិបាលបានតាក់តែងនិងអនុម័តនៅពេលនេះ គឺជាការប្រឆាំងនឹងដំណើរលទ្ធិប្រជាធិបតេយ្យនៅកម្ពុជា។ ច្បាប់នេះក៏នឹងមិនរឹតបន្តឹងសិទ្ធិសេរីភាពដល់អង្គការសង្គមស៊ីវិលនោះទេ។
-
លោក នី ចរិយា៖ បរិយាកាសនៃការសួរនាំខ្ញុំអនុវត្តតាមផ្លូវច្បាប់ត្រឹមត្រូវ
លោក នី ចរិយា ប្រធានផ្នែកស៊ើបអង្កេតសិទ្ធិមនុស្សនៃសមាគមអាដហុកបានចូលខ្លួនទៅឆ្លើយបំភ្លឺនៅសាលាដំបូងរាជធានីភ្នំពេញនៅព្រឹកថ្ងៃចន្ទនេះ។ មន្រ្តីផ្នែកសិទ្ធមនុស្សរូបនេះចាត់ទុកនីតិវិធីនៃការសួរនាំរបស់ព្រះរាជអាជ្ញាថា អនុវត្តត្រឹមត្រូវតាមផ្លូវច្បាប់។ ការចូលខ្លួនទៅឆ្លើយបំភ្លឺរបស់លោក នី ចរិយា ធ្វើឡើងបន្ទាប់ពីមានការប្ដឹងដោយ លោក សុខ កែវបណ្ឌិត ព្រះរាជអាជ្ញារងនិងចៅក្រមស៊ើបអង្គេតលោក គី រិទ្ធី ពីខេត្តសៀម។ លោក នី ចរិយា ត្រូវបានចោទប្រកាន់ពីបទបរិហាកេរ្តិ៍ជាសាធារណៈនិងផ្សព្វផ្សាយការអធិប្បាយដើម្បីដាក់សម្ពាធលើយុត្តាធិការ។
-
លោក នី ចរិយា ថាមន្រី្តតុលាការខេត្តសៀមរាបប្តឹងរូបលោក ដោយគ្មានភស្តុតាង
មន្ត្រីសិទ្ធិមនុស្សក្នុងស្រុកមួយ បានច្រានចោលការចោទប្រកាន់របស់ចៅក្រុមស៊ើបសួរ និងព្រះរាជអាជ្ញារងតុលាការខេត្តសៀមរាប ដែលប្តឹងរូបលោកកន្លងមកនោះថា ជាការចោទប្រកាន់គ្មានភស្តុតាងច្បាស់លាស់ និងគ្មានធាតុផ្សំផ្លូវច្បាប់។ ការច្រានចោលនេះ ខណៈលោក នី ចរិយា ប្រធានផ្នែកស៊ើបអង្កេតនៃសមាគមការពារសិទ្ធិមនុស្សអាដហុក បានចូលបំភ្លឺនៅសាលាដំបូងរាជធានីភ្នំពេញនៅថ្ងៃចន្ទនេះ តាមណ្តឹងរបស់មន្ត្រីតុលាការខេត្តសៀមរាបពីរនាក់ ដែលប្តឹងលោកពីបទបរិហារបង្កាច់កេរិ៍្ត បរិហារកេរ្តិ៍ជាសាធារណៈ និងបទផ្សព្វផ្សាយនូវការអត្ថាធិប្បាយដើម្បីដាក់សម្ពាធលើយុត្តាធិការ ទាក់ទងនឹងរឿងជម្លោះដីធ្លី។ ស្របពេលកំពុងសាកសួរនោះ ប្រជាពលរដ្ឋមកពីស្រុកមេមត់ ខេត្តត្បូងឃ្មុំ ប្រមាណប្រមាណ៣០នាក់ បានប្រមូលផ្តុំនៅមុខតុលាការដោយបារម្ភខ្លាច ចៅក្រមឃុំខ្លួនលោក នី ចរិយា។ បន្ទាប់ពីការសាកសួរយៈពេលជាង១ម៉ោង លោក នី ចរិយា ថ្លែងប្រាប់អ្នកសារព័ត៌មានថា ចៅក្រមមិនទាន់សម្រេចយ៉ាងណាចំពោះករណីនេះទេ ដោយរង់ចាំលទ្ធផលនៅពេលក្រោយ។ តែលោកថា ភស្តុតាងដាក់បន្ទុកដែលចៅក្រមស៊ើបសួរ និងព្រះរាជអាជ្ញារងខេត្តសៀមរាប ដាក់ជូនសាលាដំបូងរាជធានីភ្នំពេញ គ្មានធាតុផ្សំផ្លូវច្បាប់ទេ។ លោកបញ្ជាក់ថា៖ «ខ្ញុំមិនដឹងទេ ព្រោះអាស្រ័យលើការសន្និដ្ឋានរបស់តំណាងអយ្យការនៅក្នុងសាលាដំបូងរាជធានីភ្នំពេញ ក៏ប៉ុន្តែអ្វីដែលយើងបានដាក់ទៅ គឺគ្មានធាតុផ្សំទាល់តែសោះ ដែលយកមកចោទខ្ញុំថា ទៅបរិហារកេរ្តិ៍ បង្កាច់កេរ្តិ៍ ទម្លាក់កំហុសដាក់សម្ពាធលើយុត្តាធិការរបស់តុលាការ គឺថា អ្វីខ្ញុំដាក់ភស្តុតាងគឺគ្មានហេតុផលទាល់តែសោះ ដែលអាចមកធ្វើការចោទប្រកាន់ខ្ញុំ»។
-
អនុម័តច្បាប់អង្គការ៖ បក្សកាន់អំណាចអនុម័តតែម្នាក់ឯង បក្សប្រឆាំងពហិកា សង្គមស៊ិវិលធ្វើបាតុកម្ម
តាមការគ្រោងទុករដ្ឋសភាជាតិកម្ពុជានៅថ្ងៃចន្ទ ទី១៣ កក្កដា បានបើកកិច្ចប្រជុំអនុម័តច្បាប់អង្គការសង្គមស៊ីវិលដ៏ចម្រូងចម្រាស។ សមាជិកសភាគណបក្សសង្គ្រោះជាតិ មិនចូលរួមអនុម័តច្បាប់នេះទេ។ ដោយឡែកសង្គមស៊ីវិល វិញបានធ្វើបាតុកម្មប្រឆាំងនឹងច្បាប់ថ្មីនេះ។ យ៉ាងណាក៏ដោយនៅច្បាប់នេះត្រូវបានអនុម័តបញ្ចប់។ រដ្ឋសភាដែលមានតែគណបក្សប្រជាជនកម្ពុជា បានអនុម័តសេចក្តីព្រាងច្បាប់ស្តីពីអង្គកាតែម្នាក់ឯងដោយសំឡេង៦៨ លើ៦៨។ ជាការអនុម័តដ៏ចម្រូងចម្រាស់ព្រោះតែសមាជិកសភាគណបក្សសង្គ្រោះជាតិទាំង៥៥ រូប មិនបានចូលរួមប្រជុំ។ ដោយឡែកសង្គមស៊ីវិល និងសកម្មជនដីធ្លីលើកបដាតវ៉ាប្រឆាំងនឹងច្បាប់ថ្មីនៅក្រៅរដ្ឋសភា។ លោក ស ខេង តំណាងឱ្យរដ្ឋាភិបាល បានឡើងការពារសេចក្តីព្រាងច្បាប់ថ្មីនេះ។ លោកបានលើកឡើងថា ច្បាប់ដែលមាន៩ជំពូក ៣៩ មាត្រា នឹងជួយឱ្យសង្គមស៊ីវិលនៅកម្ពុជា អាចដំណើរការបានស្របច្បាប់។ បន្ថែមពីលើនេះ ច្បាប់ដែលរដ្ឋាភិបាលកម្ពុជាបានផ្អឹបទុកប្រមាណជា២០ឆ្នាំ គឺមានលក្ខណៈល្អប្រសើរជាងបណ្តាប្រទេសមួយចំនួនថែមទៀតផង។ ក្រៅពីការឡើងថ្លែងពីលោក ស ខេង រដ្ឋមន្ត្រីក្រសួងមហាផ្ទៃនោះ សមាជិកសភារបស់គណបក្សប្រជាជនកម្ពុជា ដូចជាលោក ជាម យៀប លោក ឈាង វ៉ុន និងលោក ហ៊ូ ស្រ៊ី រួមទាំងលោក ហ៊ុន ម៉ានីជាដើម បានឡើងបញ្ចេញមតិរៀងៗខ្លួន។
-
មុននេះបន្តិច រដ្ឋសភាអនុម័តជំពូក១នៃច្បាប់ NGO
រាជធានីភ្នំពេញ ៖ សមាជិកសមាជិការដ្ឋសភា៦៨រូប មកពីគណបក្សប្រជាជនកម្ពុជានៅប៉ុន្មាននាទីមុននេះ បានលើកដៃគំាទ្រអនុម័តជំពូកទី១ នៃសេចក្តីព្រាងច្បាប់ស្តីពីការគ្រប់គ្រងសមាគម និងអង្គការក្រៅរដ្ឋាភិបាល ទោះបីជាក្រុមតំណាងរាស្រ្តបក្សប្រឆាំងមិនចូលរួមនោះក្តី ។
-
លោក ស ខេង៖ មតិប្រឆាំងច្បាប់អង្គការជាការប្រឆាំងនឹងដំណើរលទ្ធិប្រជាធិបតេយ្យ
រាល់មតិប្រឆាំងនឹងច្បាប់អង្គការសមាគម ដែលរដ្ឋាភិបាលបានតាក់តែងនិងអនុម័តនៅពេលនេះ គឺជាការប្រឆាំងនឹងដំណើរលទ្ធិប្រជាធិបតេយ្យនៅកម្ពុជា នេះជាការអះអាងរបស់ប្រធានក្រុមតំណាងរាស្ត្របក្សប្រជាជន លោក ស ខេង។ ការថ្លែងរបស់លោក ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅក្នុងរដ្ឋសភានៅថ្ងៃទី១៣ កក្កដានេះ បានអះអាងបន្តថា ច្បាប់នេះមានលក្ខណៈពិសេស ដែលអនុញ្ញាតឲ្យអង្គការសង្គមស៊ីវិល អាចទទួលហិរញ្ញប្បទានពីបរទេសបាន។ លោកបញ្ជាក់បន្តថា ច្បាប់នេះក៏នឹងមិនរឹតបន្តឹងសិទ្ធិសេរីភាពដល់អង្គការសង្គមស៊ីវិលនោះទេ។ លើសពីទៅទៀតលោក ស ខេង បានអះអាងថា ច្បាប់ធ្វើឡើងស្របតាមមាត្រា៤២ នៃរដ្ឋធម្មនុញ្ញដែលមានស្រាប់ និងច្បាប់ដទៃទៀត។ មាត្រា៤២ នៃរដ្ឋធម្មនុញ្ញ ចែងថា ប្រជាពលរដ្ឋខ្មែរមានសិទ្ធិបង្កើតសមាគម និងគណបក្សនយោបាយ។ សិទ្ធិនេះត្រូវកំណត់ក្នុងច្បាប់។ ប្រជាពលរដ្ឋខ្មែរទាំងឡាយ អាចចូលរួមក្នុងអង្គការមហាជន ជួយគ្នាទៅវិញទៅមក ការពារសមិទ្ធផលជាតិ និងសណ្ដាប់ធ្នាប់សង្គម។ យ៉ាងណាក៏ដោយអង្គការសង្គមស៊ីវិលជាតិ និងអន្តរជាតិមួយចំនួន បានហៅច្បាប់នេះកំពុងរឹតត្បិតសិទ្ធិសេរីភាពរបស់ពួកគេ និងទាមទារឲ្យរដ្ឋាភិបាលទម្លាក់ចោលការអនុម័តនេះដាច់ខាត ចំណែកបក្សប្រឆាំងក៏មិនគាំទ្រច្បាប់នេះដែរ ដោយចាត់ទុកថាច្បាប់នេះ មិនទាន់ដល់ពេលសម្រាប់កម្ពុជាលើយកមកពិភាក្សា និងអនុម័តនៅឡើយ។
-
កម្មកររោងចក្រ អេឃីងតិច ប្រមាណ១.២៥០នាក់ ធ្វើកូដកម្ម ទាមទារលក្ខខណ្ឌ ៩ចំណុច
រាជធានីភ្នំពេញ៖ កាលពីព្រឺកថ្ងៃទី១១ ខែកក្កដា ឆ្នាំ២០១៥ កម្មករ-កម្មការិនី បំរើការងារនៅរោងចក្រ អេឃីងទិច ប្រមាណ១.២៥០នាក់ ស្ថិតនៅផ្លូវវេងស្រេង ភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ បានធ្វើបាតុកម្មតវ៉ាទាម ទារលក្ខណ្ឌការងារ៩ចំណុច។ ការធ្វើកូដកម្មទាមទារលក្ខខណ្ឌនោះ ក្រោមការដឹកនាំរបស់ប្រធានសហជីពចលនាកម្មករ លោក ប៉ាវ ស៊ីណា ដែលមកដល់ពេលនេះ មិនទាន់រកដំណោះ ស្រាយរវាងភាគីរោងចក្រនិងកម្មករ កម្មការិនីនៅឡើយទេ។ លក្ខខណ្ឌចំនួន ៩ចំណុច ដែលកម្មកររោងចក្រ អេឃីងទិច បានទាមទារនោះ រួមមាន៖ ១. នៅពេលកម្មករ កម្មការិនី សម្រាលកូន សុំក្រុមហ៊ុនបើកប្រាក់ខែមុន៣ខែ ២. សុំឲ្យក្រុមហ៊ុនពេលផ្តាច់កិច្ចសន្យាត្រូវតែទូទាត់សំណងទៅតាមផ្លូវច្បាប់៥ភាគរយ ៣. សូមឲ្យក្រុមហ៊ុនមិនត្រូវកាត់លុយក្នុងអំឡុងពេលធ្វើកូដកម្មកន្លងមក ៤. សូមឲ្យក្រុមហ៊ុនដំឡើងប្រាក់ធ្វើដំណើរបន្ថែមទៀតចំនួន៧ដុល្លារ បន្ថែមលើប្រាក់ធ្វើដំណើរចាស់ ៥. សូមឲ្យក្រុមហ៊ុនបន្ថែប្រាក់ថ្លៃបាយក្នុង១ថ្ងៃ ២០០០រៀល ៦. សូមឲ្យក្រុមហ៊ុនបង្កលក្ខណៈ ងាយស្រួលនៅពេលកម្មករដាក់ពាក្យសុំច្បាប់ ហើយពេលកម្មករឈឺមានសំបុត្រពេទ្យត្រឹមត្រូវ ក្រុមហ៊ុនមិនត្រូវកាត់ប្រាក់កម្មករជាដាច់ខាត ៧. សុំឲ្យក្រុមហ៊ុនមិនត្រូវរៀបចំសហជីពជំនួសកម្មករ ដែលមិនបានចូលជាសមាជិក ហើយក្រុមហ៊ុនត្រូវធានាសិទ្ធិជូនកម្មករក្នុងការជ្រើសរើសសហជីព ដែលខ្លួនពេញចិត្ត ៨. ក្រុមហ៊ុនមិនត្រូវបង្ខំកម្មករ ឲ្យថែមម៉ោងដោយមិនមែនជាគោលការណ៍ស្ម័គ្រចិត្តនោះទេ ៩. ក្រុមហ៊ុនមិនត្រូវរើសអើងកម្មករ នៅពេលចូលជាសមាជិកសហជីពជាដាច់ខាត៕
-
ពលរដ្ឋមានជម្លោះដីនៅក្រចេះគ្រោងដាក់ញត្តិទី៥ទាក់ទិនដីការក្សាការពាររបស់តុលាការ
ពលរដ្ឋរស់នៅភូមិត្រពាំងស្រែ ឃុំ២ធ្នូ ស្រុកស្នួល ខេត្តក្រចេះ គ្រោងដាក់ញត្តិជាលើកទី៥ ទៅរដ្ឋសភា ខុទ្ទកាល័យនាយករដ្ឋមន្ត្រី និងស្ថានទូតប្រទេសមហាអំណាច នៅថ្ងៃច័ន្ទ ទី១៣ កក្កដា សប្ដាហ៍ក្រោយ ទាក់ទិនដីការក្សាការពាររបស់តុលាការខេត្តក្រចេះ។ តំណាងពលរដ្ឋ លោក សយ ជូន រៀបរាប់ថា អាជ្ញាធរមូលដ្ឋានយកដីកាសម្រេចរក្សាការពាររបស់សាលាដំបូងខេត្តក្រចេះ ជូនពលរដ្ឋជាង ៧០គ្រួសារ មានទំនាស់ជាមួយក្រុមហ៊ុន យូប៊ីអ៊ី (UBE) ទាក់ទិនតុលាការសម្រេចរក្សាការពារដីចំនួន ៣៧៧ហិកតារ មិនឲ្យពលរដ្ឋរស់នៅ និងពលរដ្ឋជាង ២០គ្រួសារ ត្រូវរុះរើផ្ទះចេញយ៉ាងយូររហូតដល់ថ្ងៃទី៣០ ខែកក្កដា ឆ្នាំ២០១៥។
-
ពលរដ្ឋជាង៦០គ្រួសារនៅខេត្តក្រចេះមិនទទួលយកការបែងចែកដីពីសំណាក់អាជ្ញាធរ
ពលរដ្ឋជាង ៦០គ្រួសាររស់នៅស្រុកស្នួល ខេត្តក្រចេះ មិនព្រមទទួលយកការសម្របសម្រួលបែងចែកដីរបស់អាជ្ញាធរស្រុក ដោយសំអាងថា អាជ្ញាធរហាក់មិនយុត្តិធម៌ និងមិនមានតម្លាភាព ស្របពេលដែលអ្នកដែលមិនមែនជាម្ចាស់ដី ក៏អាចមានឈ្មោះក្នុងបញ្ជីបែងចែកដីធ្លី។ ចំណែកមន្ត្រីសង្គមស៊ីវិល អំពាវនាវឲ្យអាជ្ញាធរ អនុវត្តនីតិវិធីស៊ើបអង្កេតដោយឯករាជ្យ និងសិក្សាឲ្យលម្អិត មុននឹងសម្រេចលើបញ្ហានេះ។ តំណាងពលរដ្ឋមានបញ្ហាដីធ្លីនៅភូមិស្រែថ្មី ឃុំឃ្សឹម ស្រុកស្នួល បារម្ភពីសុវត្ថិភាព ដោយសារតែភាពចម្រូងចម្រាសទាក់ទិននឹងការបែងចែកដីធ្លីជូនពលរដ្ឋចំនួន ១០៤គ្រួសារ ក្នុងទំហំដីចំនួនជាង ២០០ហិកតារ មិនទាន់ឯកភាពនៅឡើយ។ ការបារម្ភនេះ ធ្វើឡើងក្នុងកិច្ចប្រជុំកាលពីថ្ងៃទី៨ កក្កដា ស្ដីពីការបែងចែកដីធ្លីជាឡូជូនពលរដ្ឋ ចូលរួមដោយអភិបាលរងស្រុកស្នួល។
-
គណបក្សសង្រ្គោះជាតិសោកស្តាយចំពោះរដ្ឋាភិបាលក្នុងការប្រញាប់អនុម័តច្បាប់NGO
មួយថ្ងៃមុននឹងរដ្ឋសភា បោះឆ្នោតអនុម័តច្បាប់សមាគម និងអង្គការក្រៅរដ្ឋាភិបាល គណបក្សសង្គ្រោះជាតិ បានចេញសេចក្តីថ្លែងការណ៍បង្ហាញពីការសោកស្តាយ ចំពោះដំណើរការប្រញាប់ប្រញាល់របស់រដ្ឋសភា ក្នុងការអនុម័តសេចក្តីព្រាងច្បាប់សមាគម និងអង្គការក្រៅរដ្ឋាភិបាល។ គណបក្សសង្គ្រោះជាតិថា សេចក្តីព្រាងច្បាប់នេះ មិនបានផ្តល់ឪការសពិគ្រោះយោបល់ពេញលេញ និងប្រកបដោយអត្ថន័យពីគ្រប់ភាគីពាក់ព័ន្ធ ។ព័ត៌មានបន្ថែម សូមអានសេចក្តីថ្លែងការណ៍ទាំងស្រុង(ដោយ៖ឆេង សូរិយា)
គាំទ្រដោយ
