កំពុងស្វែងរកទិន្នន័យ
រកឃើញ: 13.090
-
ឣង្គការតម្លាភាពកម្ពុជាប្រកាសប្រឆាំងច្បាប់គ្រប់គ្រងឣង្គការក្រៅរដ្ឋសភា
មន្ត្រីជាន់ខ្ពស់របស់អង្គការតម្លាភាពកម្ពុជា នៅថ្ងៃពុធនេះបានប្រកាសប្រឆាំងនឹងការធ្វើច្បាប់គ្រប់គ្រងអង្គការ ដែលលោកយល់ថា ច្បាប់នោះបានចងដៃអង្គការសង្គមស៊ីវិល និងជំរុញឲ្យលទ្ធិប្រជាធិបតេយ្យនៅកម្ពុជាដើរថយក្រោយ។ ការធ្វើសន្និសិតសារព័ត៌មាននៅមុខច្រកចូលរដ្ឋសភា របស់នាយកប្រតិបត្តិអង្គការតម្លាភាពកម្ពុជា លោក ព្រាប កុល ពេលនេះធ្វើឡើងបន្ទាប់ពីសន្តិសុខរដ្ឋសភា មិនអនុញ្ញាតិឲ្យលោកចូលរួមសិក្ខាសាលា ពិគ្រោះយោបល់ ស្តីពីសេចក្តីព្រាងច្បាប់សហគម និងអង្គការមិនមែនរដ្ឋាភិបាលនៅថ្ងៃទី៨ ខែកក្កដា ឆ្នាំ២០១៥នេះ។
-
តុលាការដោះលែងសកម្មជនដីធ្លីដែលមានទំនាស់នឹងក្រុមហ៊ុនឆាយឆាយនៅបន្ទាយមានជ័យ
តុលាការខេត្តបន្ទាយមានជ័យ ដោះលែងប្រជាពលរដ្ឋម្នាក់ដែលមានទំនាស់ដីធ្លីជាមួយក្រុមហ៊ុន ឆាយឆាយ នៅស្រុកអូរជ្រៅ ខេត្តបន្ទាយមានជ័យ ឲ្យមានសេរីភាពវិញហើយនៅរសៀលថ្ងៃទី៧ កក្កដា។ ការដោះលែងនេះ នៅបន្ទាប់ពីប្រជាពលរដ្ឋរងគ្រោះដីធ្លី បានលើកគ្នាទៅតវ៉ានៅមុខស្នងការដ្ឋាននគរបាលខេត្ត សុំឲ្យដោះលែងសកម្មជនដីធ្លីនេះវិញ។ តំណាងប្រជាពលរដ្ឋដែលសមត្ថកិច្ចឃាត់ខ្លួនកាលពីថ្ងៃទី៤ កក្កដា នោះ គឺឈ្មោះ សៀន វី ថ្លែងនៅថ្ងៃទី៨ កក្កដា ថា តុលាការបានសម្រេចដោះលែងរូបគាត់ឡើងវិញ បន្ទាប់ពីសាកសួររូបលោកប្រមាណជាងកន្លះម៉ោងកាលពីរសៀលថ្ងៃទី៧ កក្កដា៖ «តុលាការសួរខ្ញុំថា តើខ្ញុំទទួលកំហុសដែលខុសនោះទេ? ខ្ញុំថាបើខ្ញុំធ្វើខុសខ្ញុំទទួល ប៉ុន្តែការដែលខ្ញុំទៅសង់ខ្ទមនៅលើដីទំនាស់នោះ ដើម្បីទាមទារឲ្យសមត្ថកិច្ចដោះស្រាយរឿងទំនាស់ឲ្យពួកខ្ញុំឲ្យបានឆាប់»។
-
លោក ហេង សំរិន ជំរុញឲ្យយកចិត្តទុកដាក់មតិយោបល់ និងអនុសាសន៍សង្គមស៊ីវិលលើច្បាប់អង្គការ
ប្រធានរដ្ឋសភា លោក ហេង សំរិន នៅថ្ងៃពុធនេះ ជំរុញឲ្យគណៈកម្មការជំនាញនៃរដ្ឋសភាយកចិត្តទុកមតិយោបល់ និងអនុសាសន៍ដែលផ្តល់ដោយអង្គការសង្គមស៊ីវិលជាតិ និងអន្តរជាតិ នៅក្នុងសិក្ខាសាលាពិគ្រោះយោបល់លើសេចក្តីព្រាងច្បាប់សមាគម និងអង្គការមិនមែនរដ្ឋាភិបាល។ ក្នុងពេលបើកសិក្ខាសាលាពិគ្រោះយោបល់នៅវិមានរដ្ឋសភា លោក ហេង សំរិន បានថ្លែងថាអង្គការសង្គមស៊ីវិលបានចូលរួមចំណែកក្នុងការពាំនាំក្តីព្រួយបារម្ភរបស់ប្រជាពលរដ្ឋ លើកកម្ពស់សិទ្ធិមនុស្ស និងប្រជាធិបតេយ្យជាដើម។ លោកបន្តថារហូតមកដល់ពេលនេះ កម្ពុជាមានសមាគម និងអង្គការមិនមែនរដ្ឋាភិបាលដល់ទៅជាង៥០០០ តែកម្ពុជាមិនទាន់មានច្បាប់ស្តីពីការគ្រប់គ្រងអង្គការដូចប្រទេសដទៃទៀតក្នុងតំបន់នោះទេ។
-
សង្គមស៊ីវិលទទូចឲ្យទម្លាក់ចោលសេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល
ភ្នំពេញៈ ក្រុមអង្គការសង្គមស៊ីវិលជាតិ និងអន្តរជាតិកាលពីម្សិលមិញបានបើកកិច្ចពិគ្រោះយោបល់ជាចំហពាក់ព័ន្ធនឹងក្តីបារម្ភរបស់ពួកគេលើការរំលោភសិទ្ធិជាមូលដ្ឋាន និងសេរីភាពនៃការបញ្ចេញមតិរបស់ពលរដ្ឋដែលស្តែងឡើងតាមខ្លឹមសារនៃសេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាលដើម្បីលើកសំណើជាថ្មីទៅរដ្ឋសភាសូមឲ្យទម្លាក់ចោលសេចក្តីព្រាងច្បាប់នេះ។ កិច្ចពិគ្រោះយោបល់នេះមានការចូលរួមពីតំណាងអង្គការសង្គមស៊ីវិលជាតិ អន្តរជាតិ មន្ត្រីអង្គទូត តំណាងរាស្ត្រគណបក្សសង្គ្រោះជាតិមួយចំនួន និងប្រជាពលរដ្ឋសរុបជាង ៣០០ នាក់ តែមិនមានវត្តមានរបស់មន្ត្រីរដ្ឋាភិបាល ឬគណបក្សកាន់អំណាចនោះទេ។
-
CNRP ថាមិនចូលរួមអនុម័តច្បាប់NGOជាមួយ CPP ទេ
គណបក្សសង្គ្រោះជាតិថា នឹងមិនចូលរួមអនុម័តច្បាប់ NGO ជាមួយគណបក្សប្រជាជនកម្ពុជានៅថ្ងៃខាងមុខនេះទេ ដោយអះអាងថា ច្បាប់នេះគណបក្សកាន់អំណាចបង្កើតឡើងដោយតក់ក្រហល់ និងមិនបានពិគ្រោះយោបល់ជាមួយភាគីពាក់ព័ន្ធ។ ការប្រកាសជំហររបស់បក្សប្រឆាំង ធ្វើឡើងខណៈរដ្ឋសភាគ្រោងបើកកិច្ចប្រជុំអនុម័តច្បាប់ស្តីពីសមាគម និងអង្គការមិនមែនរដ្ឋាភិបាលនៅថ្ងៃទី១០ ខែកក្កដា ឆ្នាំ២០១៥នេះ។ អ្នកនាំពាក្យគណបក្សសង្គ្រោះជាតិ លោក ញ៉ែម បុញ្ញាឫទ្ធិ ប្រាប់ VOD នៅថ្ងៃពុធនេះថា គណបក្សសង្គ្រោះជាតិចង់ឲ្យរដ្ឋាភិបាល និងរដ្ឋសភាពន្យារនៃការអនុម័តសេចក្តីព្រាងច្បាប់ NGO ដោយសារច្បាប់នេះ បង្កើតឡើងដោយមិនមានការឯកភាពពីភាគីពាក់ព័ន្ធ។ លោកថា បើសភានៅតែរឹងទទឹងអនុម័តច្បាប់នេះទៀត នោះគណបក្សសង្គ្រោះជាតិមិនចូលរួមជាមួយគណបក្សប្រជាជនកម្ពុជានោះទេ។ លោកថា៖ «យើងជាគណបក្សប្រជាធិបតេយ្យ យើងថាគោលការណ៍គណបក្សយល់ឃើញថា ច្បាប់នេះមានផលប៉ះពាល់ បន្ទាប់មកទៀតមិនមានការពិភាក្សាឲ្យបានទូលំទូលាយ។ ដូច្នេះយើងយើងមិនចូលរួម»។
-
នៅទីបំផុតសហគមន៍ជម្លោះដីធ្លីត្រូវបានអនុញ្ញាតឲ្យបញ្ចេញយោបល់ក្នុងសិក្ខាសាលា
ក្រោយមានការតវ៉ាមួយប្រាវពីស្ត្រីសហគមន៍បឹងកក់ និងព្រលានយន្តហោះ អង្គសិក្ខាសាលាដែលពិភាក្សា ពីសេចក្តីព្រាងច្បាប់NGOបានអនុញ្ញាតឲ្យតំណាងសហគមន៍ជម្លោះដីធ្លី ឡើងបញ្ចេញយោបល់។ នៅក្នុងនោះស្ត្រីសហគមន៍បឹងកក់ និងព្រលានយន្តហោះ បានស្នើសុំបង្វែរការអនុម័តច្បាប់អង្គការក្រៅរដ្ឋាភិបាល មកគិតគូរពីបញ្ហាប្រឈមរបស់ពួកគាត់វិញ។ ទន្ទឹមនឹងនោះសហគមន៍មានបញ្ហាដីធ្លីចង់ឲ្យNGOចូលរួមដោះស្រាយបញ្ហារបស់ពួកគាត់ផងដែរ។
-
គណបក្សសង្គ្រោះជាតិមិនចូលរួមពិភាក្សាលើសេចក្ដីព្រាងច្បាប់អង្គការ-សមាគម
លោក ហូរ វ៉ាន់ តំណាងរាស្ត្រគណបក្សសង្គ្រោះជាតិ បញ្ជាក់ថា គណបក្សសង្គ្រោះជាតិ ធ្វើពហិការមិនចូលរួមក្នុងសិក្ខាសាលាដើម្បីបើកឲ្យសាធារណជន និងអង្គការសង្គមស៊ីវិល ពិភាក្សាសេចក្ដីព្រាងច្បាប់អង្គការ-សមាគម នៅព្រឹកពុធ ទី៨ ខែកក្កដា នេះទេ។ លោក ហូរ វ៉ាន់ ដែលជាប្រធានគណៈកម្មការអង្កេត បោសសម្អាត និងប្រឆាំងអំពើពុករលួយនៃរដ្ឋសភាដែរនោះ អះអាងថា ការធ្វើពហិការនេះគឺជំរុញឲ្យរដ្ឋសភាបញ្ជូនសេចក្ដីព្រាងច្បាប់នេះទៅទីស្ដីការគណៈរដ្ឋមន្ត្រី ដើម្បីឲ្យកែតម្រូវមាត្រាមួយចំនួនដែលប៉ះពាល់ដល់សិទ្ធិសេរីរបស់អង្គការសង្គមស៊ីវិល ហើយដើម្បីឲ្យអង្គការទាំងនោះមានឱកាសគ្រប់គ្រាន់ចូលរួមផ្ដល់អនុសាសន៍កែលំអលើមាត្រាមួយចំនួននៃសេចក្ដីព្រាងច្បាប់ដ៏ចម្រូងចម្រាសនេះ៖ «មូលហេតុមកពីយើងមើលឃើញថា ច្បាប់នេះមានភាពចម្រូងចម្រាសខ្លាំងពីសង្គមស៊ីវិល ពីមហាជន ពីសមាគមរាប់ម៉ឺនដែលកំពុងបម្រើការនៅកម្ពុជា ហ្នឹង គឺគាត់មិនសុខចិត្តទេ...»។
-
ERA បើកកិច្ចពិភាក្សាតុមូល ផ្តល់អនុសាសន៍ពីពង្រាងការចុះឈ្មោះបោះឆ្នោត
សម្ព័ន្ធកំណែទម្រង់ការបោះឆ្នោត ហៅកាត់ថា (ERA) រួមជាមួយតំណាងគណបក្សនយោបាយ និងតំណាងស្ថានទូតមួយចំនួនផង នៅរសៀលថ្ងៃទី ៧កក្កដានេះ បានជួបជុំគ្នាពិភាក្សាតុមូល ស្តីពីអនុសាសន៍ សម្រាប់បទបញ្ជា និងនីតិវិធីនៃការចុះឈ្មោះបោះឆ្នោត។ កិច្ចពិភាក្សា នៅសណ្ឋាគារ Imperial ក្រុងភ្នំពេញ ត្រូវបាន ERA ធ្វើឡើងក្នុងគោលដៅពង្រឹង សេចក្តីព្រាង បទបញ្ជា និងនីតិវិធីសម្រាប់ការចុះឈ្មោះបោះឆ្នោត ឲ្យកាន់តែប្រសើរឡើង។
-
សម្តេចសខេង៖ ច្បាប់អង្គការសង្គមស៊ីវិលប្រជាធិបតេយ្យ ត្រូវតែមានច្បាប់ប្រជាធិបតេយ្យ
ភ្នំពេញ: ស្របពេលដែលក្រុមអង្គការមិនមែនរដ្ឋាភិបាល កំពុងស្រែកថា សេចក្តីព្រាងច្បាប់អង្គការសង្គមស៊ីវិលចុងក្រោយនេះ តាក់តែងឡើងដោយផ្ទុយពីរដ្ឋធម្មនុញ្ញ ច្បាប់ជាតិ និងអន្តរជាតិដទៃទៀតនោះ សម្តេច ស ខេង បានគូសបញ្ជាក់ថា ច្បាប់នេះ មានការជជែកមហាជជែក ហើយរាជរដ្ឋាភិបាល បានតាក់តែងឡើងតាមច្បាប់រដ្ឋធម្មនុញ្ញ និងជាគោលការណ៍ប្រជាធិបតេយ្យ ត្រូវតែមានច្បាប់ប្រជាធិបតេយ្យ។
-
រដ្ឋសភាបើកកិច្ចពិគ្រោះយោបល់លើសេចក្ដីព្រាងច្បាប់អង្គការសមាគម
នៅព្រឹកថ្ងៃទី៨ កក្កដា រដ្ឋសភាបានបើកកិច្ចពិគ្រោះយោបល់ លើសេចក្ដីព្រាងច្បាប់អង្គការសមាគម មុនពេលដែលរដ្ឋសភានឹងយកទៅពិភាក្សា និងអនុម័តនៅថ្ងៃខាងមុខ។ ក្នុងកិច្ចពិគ្រោះយោបល់នេះ រៀបចំដោយគណៈកម្មការរដ្ឋសភា នៃតំណាងរាស្ត្របក្សកាន់អំណាច ហើយការពិភាក្សាបានបើកឱកាសដល់មន្ត្រីអង្គការសមាគម និងសាធារណជនក្នុងរយៈពេល១ម៉ោង អាចមានមតិយោបល់ ឬសំណួរដើម្បីដេញដោលគ្នា។ យ៉ាងណាក៏ដោយ ការពិភាក្សានេះគ្នាហាក់មានភាពចម្រូងចម្រាស់ច្រើន ដោយមន្ត្រីអង្គការសង្គមស៊ីវិលមួយចំនួន បានលើកឡើងច្រើនពីភាពមិនប្រក្រតី លើចំណុចមាត្រានៃសេចក្ដីព្រាងច្បាប់នេះ។
-
រដ្ឋសភា បើកសិក្ខាសាលាពិគ្រោះយោបល់លើសេចក្តីព្រាងច្បាប់អង្គការ រីឯតំណាងរាស្រ្តគណបក្សសង្គ្រោះជាតិ ដើរចេញ
ភ្នំពេញ: ដូចការគ្រោងទុក នៅព្រឹកថ្ងៃទី៨កក្កដានេះ រដ្ឋសភា បានបើកសិក្ខាសាលាពិគ្រោះយោបល់ ស្តីពី សេចក្តីព្រាងច្បាប់ ស្តីពី សមាគម និងអង្គការមិនមែនរដ្ឋាភិបាល។ សិក្ខាសាលា នៅវិមានរដ្ឋសភារយៈពេលមួយព្រឹកនេះ ត្រូវឲ្យអ្នកចង់ចូលរួម ត្រូវចុះឈ្មោះជាមុន។ នៅរដ្ឋសភា នាព្រឹកនេះ ក៏មានបុគ្គលិកអង្គការសង្គមស៊ីវិល និងអ្នកកាសែតមួយចំនួន មិនត្រូវបានអនុញ្ញាតឲ្យចូលរួមសិក្ខាសាលានោះទេ។ រីឯអ្នកតំណាងរាស្ត្រគណបក្សសង្គ្រោះជាតិ ក៏បានដើរចេញពីអង្គសិក្ខាសាលានោះផងដែរ។
-
លោកស្រីចក់ សុភាព៖ រដ្ឋាភិបាលគួរតែបន្តពិគ្រោះយោបល់សេចក្ដីព្រាងច្បាប់NGOម្ដងទៀត
លោកស្រីចក់ សុភាព ប្រធានមជ្ឈមណ្ឌលសិទ្ធិមនុស្សកម្ពុជា បានមានមានប្រសាសន៍ថា រដ្ឋាភិបាលគួរតែបន្តពិគ្រោះយោបល់លើសេចក្ដីព្រាងច្បាប់ស្ដីពីសមាគមនិងអង្គការមិនមែនរដ្ឋាភិបាលម្ដងទៀត ព្រោះថាសេចក្ដីព្រាងច្បាប់នេះកន្លងមកស្ថិតនៅក្នុងភាពអាថ៍កំបាំងនៅឡើយ។ លោកស្រី ថ្លែងបែបនេះនៅក្នុងសន្និសីទសារព័ត៌មាននារសៀលថ្ងៃទី០៨ ខែកក្កដា ឆ្នាំ២០១៥ នៅសណ្ឋាគារ អ៊ែមភើរៀល រាជធានីភ្នំពេញ ។
-
សង្គមស៊ីវិលមួយចំនួនអះអាងថាខ្លួនពុំទទួលបានការអញ្ជើញឲ្យចូលរួមពិគ្រោះយោបល់ស្ដីពីច្បាប់អង្គការ
អង្គការសង្គមស៊ីវិលមួយចំនួនដែលប្រឆាំងនឹងរដ្ឋាភិបាល អះអាងថា ខ្លួនពុំទទួលបានការអញ្ជើញដើម្បីចូលរួមសិក្ខាសាលាពិគ្រោះយោបល់ជុំវិញសេចក្ដីព្រាងច្បាប់អង្គការសមាគម នាវិមានរដ្ឋសភា នៅថ្ងៃទី៨ កក្កដា។ បណ្ដាញអង្គការសង្គមស៊ីវិល នៃគណៈកម្មាធិការសហប្រតិបត្តិការដើម្បីកម្ពុជា បានលើកឡើងបែបនេះ នៅក្នុងសិក្ខាសាលាប្រជុំវិភាគលើផលប៉ះពាល់នៃសេចក្ដីព្រាងច្បាប់អង្គការសមាគម នៅថ្ងៃទី៧ កក្កដានេះ។ យ៉ាងណាក៏ភាពចម្រូងចម្រាស់នៃសេចក្ដីព្រាងច្បាប់អង្គការសមាគមនេះ នៅមានអង្គការ សង្គមស៊ីវិលជាតិ និងអន្តរជាតិជាច្រើនបានតវ៉ាប្រឆាំងដាច់ខាតនឹងសេចក្ដីព្រាងច្បាប់នេះ។
-
អង្គការសង្គមស៊ីវិលនៅតែរក្សាជំហរប្រឆាំងនឹងសេចក្ដីព្រាងច្បាប់អង្គការសមាគម
នៅព្រឹកថ្ងៃទី៨ កក្កដា រដ្ឋសភានឹងរៀបចំសិក្ខាសាលាពិគ្រោះយោបល់ជុំវិញសេចក្ដីព្រាងច្បាប់ស្ដីពីសមាគម និងអង្គការមិនមែនរដ្ឋាភិបាល តាមការគ្រោងទុក។ ក៏ប៉ុន្តែ ក្រុមអង្គការសង្គមស៊ីវិលទាំងជាតិ ទាំងអន្តរជាតិ នៅតែរក្សាជំហរទាមទារឲ្យបញ្ឈប់សេចក្ដីព្រាងច្បាប់ដ៏ចម្រូងចម្រាសនេះ ដោយលើកឡើងថា រដ្ឋសភាមិនបើកទូលាយឲ្យមានការពិភាក្សាដេញដោលពីសំណាក់សង្គមស៊ីវិលនោះទេ។ មួយថ្ងៃមុនរដ្ឋសភានឹងធ្វើសិក្ខាសាលាបើកឲ្យមានការពិគ្រោះយោបល់ជុំវិញសេចក្ដីព្រាងច្បាប់ស្ដីពីសមាគម និងអង្គការមិនមែនរដ្ឋាភិបាល ក្រុមអង្គការសង្គមស៊ីវិលក្នុងស្រុក នៅព្រឹកថ្ងៃទី៧ កក្កដា នេះ រៀបចំសិក្ខាសាលាដាច់ដោយឡែកមួយជាមួយភាគីពាក់ព័ន្ធ ដើម្បីពិគ្រោះ និងវិភាគផ្នែកច្បាប់លើទម្រង់នៃសេចក្ដីព្រាងច្បាប់ដ៏ចម្រូងចម្រាសនេះ មុននឹងបញ្ជូនទៅរដ្ឋសភាសម្រាប់ការពិភាក្សាដេញដោល។
-
ពលរដ្ឋនៅសៀមរាបតវ៉ាទាមទារឲ្យអាជ្ញាធរខេត្ដដោះលែងតំណាងពួកគេពីរនាក់
ប្រជាពលរដ្ឋប្រមាណ២០០នាក់ ប្រមូលផ្ដុំគ្នានៅក្បែរសាលាខេត្ដសៀមរាបនៅព្រឹកថ្ងៃអង្គារនេះ ដើម្បីតវ៉ាទាមទារឲ្យអាជ្ញាធរដោះលែងតំណាងពួកគេពីរនាក់ ដែលត្រូវបានអាជ្ញាធរចាប់ខ្លួនកាលពីម្សិលមិញឲ្យមានសេរីភាពវិញ ដោយក្រុមពលរដ្ឋអះអាងថា អ្នកទាំងពីររូបនោះមិនមានកំហុសដូចការចោទប្រកាន់ឡើយ។ កាលពីព្រឹកម្សិលមិញ សមត្ថកិច្ចខេត្ដសៀមរាបប្រមាណជាង២០នាក់បានចាប់ខ្លួនពលរដ្ឋពីរនាក់ ដោយចោទថា ពួកគាត់បានញុះញង់ឲ្យពលរដ្ឋពីរក្រុមមានជម្លោះនឹងគ្នា រឿងបង្កើតសហគមន៍នៅតំបន់ទេសចរណ៍ធម្មជាតិនៅឃុំកំពង់ភ្លុក ក្នុងស្រុកប្រាសាទបាគង។
-
ក្រុមការងារអឺរ៉ានឹងដាក់អនុសាសន៍មួយចំនួនទៅ គ.ជ.ប
ក្រុមការងារអឺរ៉ា (ERA) តំណាងគណបក្សនយោបាយ និងមន្ត្រីស្ថានទូតមួយចំនួន ប្រជុំពិគ្រោះយោបល់គ្នា ដើម្បីដាក់អនុសាសន៍ទៅ គ.ជ.ប ឲ្យកែសម្រួលចំណុចខ្លះនៃការចុះបញ្ជីបោះឆ្នោត និងកាត់បន្ថយតួនាទីរបស់ស្មៀនឃុំ ក្នុងការចុះបញ្ជីឈ្មោះបោះឆ្នោត។ ទាក់ទងសំណើនេះ អ្នកនាំពាក្យ គ.ជ.ប ស្វាគមន៍រាល់គំនិតនានារបស់សង្គមស៊ីវិល ដើម្បីធ្វើឲ្យដំណើរការនៃការចុះបញ្ជីឈ្មោះអ្នកបោះឆ្នោត កាន់តែមានភាពល្អប្រសើរ។ ក្រោយពីពិភាក្សារកឃើញចំណុចមួយចំនួនត្រូវកែលំអ ទាក់ទងការចុះបញ្ជីឈ្មោះអ្នកបោះឆ្នោត ការស្នើមិនឲ្យកែឈ្មោះអ្នកបោះឆ្នោតក្រោយចុះបញ្ជីពីថ្នាក់ក្រោម និងការកាត់បន្ថយតួនាទីស្មៀនឃុំ ក្នុងការងារបោះឆ្នោត ក្រុមការងារអឺរ៉ា នឹងដាក់អនុសាសន៍ទាំងនោះទៅស្ថាប័ន គ.ជ.ប។
-
ច្បាប់NGOs អាចជាឧបសគ្គដល់ការងារអង្គការក្រៅរដ្ឋាភិបាល
ក្រុមមន្រ្តីអង្គការសង្គមស៊ីវិលជាតិ និងអន្តរជាតិ សិស្ស និស្សិត ប្រមាណ ៣០០ នាក់ បានចូលរួមជជែកគ្នាស្តីពីសេចក្តីព្រាងច្បាប់សមាគម និងអង្គការក្រៅរដ្ឋាភិបាល នៅព្រឹកថ្ងៃអង្គារនេះ នៅសណ្ឋាគារ កាំបូឌីយ៉ាណា។ ក្រុមអង្គការសង្គមស៊ីវិល បានបង្ហាញក្តីព្រួយបារម្ភព្រួយបារម្ភចំពោះសេចក្តីព្រាងច្បាប់នេះ ខណៈដែលសេចក្តីព្រាងច្បាប់NGOs បានទៅដល់ដៃគណៈកម្មការជំនាញរបស់រដ្ឋសភាហើយនោះ។
-
ពលរដ្ឋបឹងកក់ ១៣ គ្រួសារសុំរស់នៅក្នុងដីចាស់វិញ
ភ្នំពេញៈ ពលរដ្ឋ ១៣ គ្រួសារនៃសហគមន៍បឹងកក់រួមទាំងអ្នកគាំទ្រប្រមាណជាង ២០ នាក់ផ្សេងទៀតដែលសុទ្ធសឹងជាសកម្មជនដីធ្លីមកពីសហគមន៍នានាក្នុងរាជធានីភ្នំពេញកាលពីព្រឹកម្សិលមិញបាននាំគ្នាដាក់លិខិតជូនដំណឹងមួយស្ដីពីការ «ចូលទៅកាន់កាប់ជាថ្មីនៅលើដីចាស់របស់ពួកគាត់ក្នុងតំបន់បឹង» ជូនលោកប្រធានរដ្ឋសភាជាតិ ហេង សំរិន ដើម្បីជួយអន្តរាគមន៍ហាមឃាត់អាជ្ញាធរដែនដីកុំឲ្យធ្វើការរារាំង ឬ ប្រើអំពើហិង្សាលើពួកគាត់ជាម្ចាស់ដី ខណៈអាជ្ញាធររាជធានីភ្នំពេញម្ដងហើយម្ដងទៀត បានព្យាយាមពន្យារពេលការដោះស្រាយបញ្ហាវិវាទដីធ្លីជូនពួកគាត់។
-
គ.ជ.បកំពុងពិភាក្សាជាមួយប្រតិភូជប៉ុនពីបច្ចេកទេសចុះឈ្មោះតាមកុំព្យូទ័រ
ដូចការគ្រោងទុក នៅថ្ងៃទី០៧ កក្កដានេះ មន្ត្រីគណៈកម្មាធិការជាតិ រៀបចំការបោះឆ្នោត (គ.ជ.ប) បានជួបជាមួយ គណៈប្រតិភូជប៉ុន ដើម្បីពិភាក្សា អំពីបច្ចេកទេសកុំព្យូទ័រ សម្រាប់ការចុះឈ្មោះបោះឆ្នោត ជ្រើសរើសក្រុមប្រឹក្សា ឃុំ-សង្កាត់ និងការកែទម្រង់ការបោះឆ្នោត។កិច្ចពិភាក្សានេះ នឹងត្រូវធ្វើជាបន្តបន្ទាប់ ចាប់ពីថ្ងៃទី៧កក្កដានេះ រហូតដល់ថ្ងៃទី១០ ខែកក្កដា ឆ្នាំ២០១៥។ សម្រាប់លទ្ធផលនៃការជួបប្រជុំពិភាក្សានេះ នៅមិនទាន់បញ្ជាក់នៅឡើយទេ ព្រោះកិច្ចពិភាក្សាមិនទាន់បញ្ចប់។
-
អាជ្ញាធររារាំង ក្បួនដង្ហែរបស់អង្គការសង្គមស៊ីវិល នៅរង្វង់មូលសម្តេចជួន ណាត
រាជធានីភ្នំពេញ៖ ក្រុមអង្គការសង្គមស៊ីវិល និងប្រជាសហគមន៍ ជាច្រើននាក់នៅព្រឹកថ្ងៃទី០៧កក្កដានេះ បានជួបជុំគ្នាសារជាថ្មី ហែក្បួន លើកបដា ស្រែមេក្រូ តវ៉ាជំទាស់នឺងច្បាប់ស្តីពីអង្គការ សមាគម និងសហជីព ដែលរដ្ឋសភានឹងអនុម័តនៅថ្ងៃទី១១ កក្កដាខាងមុខ។ក្បួនដង្ហែរបស់អង្គការសង្គមស៊ីវិលនេះត្រូវអាជ្ញាធរសមត្ថកិច្ចរារាំងនៅរង្វង់មូលសម្តេចសង្ឃ ជួន ណាត ក្បែររដ្ឋសភាជាតិ។
គាំទ្រដោយ
