កំពុងស្វែងរកទិន្នន័យ
រកឃើញ: 13.090
-
អង្គការក្នុងស្រុកស្វែងរកអន្តរាគមន៍ពីអន្តរជាតិ ទប់ស្កាត់ការអនុម័ច្បាប់NGOs
អង្គការសង្គមស៊ីវិលក្នុងស្រុកប្រមាណជា ៣៥០ អំពាវនាវដល់អង្គការអន្តរជាតិ និងដៃគូរអភិវឌ្ឍនានា ជួយអន្តរាគមន៍ទៅរដ្ឋសភា ទប់ស្កាត់ការអនុម័តសេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល ដែលសភាកម្ពុជាគ្រោងអនុម័តនាពេលខាងមុខនេះ ។ បើតាមលិខិតព្រាងរបស់សង្គមស៊ីវិល អង្គការអន្តរជាតិដែលគ្រោងស្នើឲ្យជួយអន្តរាគមន៍នោះរួមមាន អង្គការ TI, CIVICUS, Amnesty International, Forum Asia, OMCT, Freedom House, ICNL, Oxfam, CIDSE, និងអង្គការមួយចំនួនទៀត ។
-
ក្លិបអ្នកកាសែតចាត់ទុកការបណ្តេញអ្នកកាសែតចេញពីរដ្ឋសភាជាការរំលោភបំពានសិទ្ធិធ្ងន់ធ្ងរ
ក្លិបអ្នកកាសែតកម្ពុជាចាត់ទុកការបណ្តេញអ្នកកាសែតចេញពីវិមានរដ្ឋសភា កាលពីថ្ងៃពុធ ជាការរំលោភបំពានសិទ្ធិធ្ងន់ធ្ងរ ដោយអំពាវនាវឲ្យស្ថាប័នរដ្ឋ និងតំណាងរាស្រ្តក្នុងរដ្ឋសភា គោរពសិទ្ធិសេរីភាពរបស់អ្នកសារព័ត៌មាន។ សេចក្តីថ្លែងការណ៍របស់ក្លិបអ្នកកាសែតកម្ពុជា ចេញផ្សាយនៅថ្ងៃព្រហស្បតិ៍នេះ ឲ្យដឹងថាក្លិបអ្នកកាសែតសម្តែងការ«សោកស្តាយយ៉ាងខ្លាំង បន្ទាប់ពីទទួលបានព័ត៌មានថាឯកឧត្តម ឈាង វុន តំណាងរាស្រ្ត និងជាអ្នកនាំពាក្យរដ្ឋសភា បានបណ្តេញអ្នកសារព័ត៌មានចេញពីបរិវេណរដ្ឋសភា កាលពីថ្ងៃទី០១ ខែកក្កដា ឆ្នាំ២០១៥ ដោយរួមទាំងប្រើពាក្យសម្តី និងឥរិយាបថខុសពីប្រក្រតីក្នុងនាមជាមន្រ្តីស្ថាប័នកំពូលរបស់ជាតិទៅកាន់អ្នកសារព័ត៌មានដែលកំពុងបំពេញបេសកកម្មតាមវិជ្ជាជីវៈ»។ សេចក្តីថ្លែងការណ៍បន្តថាក្លិបអ្នកកាសែតចាត់ទុកការបណ្តេញអ្នកសារព័ត៌មានដែលកំពុងបំពេញតួនាទីតាមវិជ្ជាជីវៈចេញពីបរិវេណរដ្ឋសភា «ដោយគ្មានហេតុផលនេះ ជាការរំលោភបំពានយ៉ាងធ្ងន់ធ្ងរលើសិទ្ធិសេរីភាពរបស់អ្នកសារព័ត៌មានដែលមានចែងក្នុងច្បាប់ស្តីពីរបបសារព័ត៌មាននៃព្រះរាជាណាចក្រកម្ពុជា»។
-
ក្លឹបអ្នកកាសែតកម្ពុជាចេញលិខិតរិះគន់នឹងការបណ្ដេញអ្នកកាសែតចេញពីរដ្ឋសភា
ក្លឹបអ្នកកាសែតកម្ពុជាមានការសោកស្ដាយចំពោះទង្វើរបស់តំណាងរាស្ត្របក្សប្រជាជនកម្ពុជា និងជាអ្នកនាំពាក្យរបស់ស្ថាប័នកំពូលរបស់រដ្ឋសភា លោក ឈាង វុន ដែលបណ្ដេញអ្នកកាសែតចេញពីបរិវេណរដ្ឋសភា។ ក្លឹបអ្នកកាសែតកម្ពុជាចាត់ទុកថា ការបណ្ដេញអ្នកកាសែតដែលកំពុងបំពេញតួនាទីតាមវិជ្ជាជីវៈ គឺជាការរំលោភបំពាន យ៉ាងធ្ងន់ធ្ងរលើសិទ្ធិសេរីភាពរបស់អ្នកកាសែត ដែលមានចែងក្នុងច្បាប់ស្ដីពីរបបសារព័ត៌មាននៃព្រះរាជាណាចក្រកម្ពុជា។
-
សេចក្តីព្រាងច្បាប់អង្គការនឹងត្រូវដាក់ឲ្យពិភាក្សានៅថ្ងៃទី០៨ ខែកក្កដា
អ្នកនាំពាក្យរដ្ឋសភា និងជាប្រធានគណៈកម្មការកិច្ចការបរទេស សហប្រតិបត្តិការអន្ដរជាតិ ឃោសនាការ និងព័ត៌មាន លោក ឈាង វុន ឲ្យដឹងថាសេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាលនឹងត្រូវដាក់ឲ្យពិភាក្សានៅថ្ងៃទី០៨ខែកក្កដា ខាងមុខនេះ មុននឹងដាក់ទៅឲ្យរដ្ឋសភា ដើម្បីអនុម័ត។ លោក ឈាង វុន បានលើកឡើងបែបនេះទៅកាន់លោកស្រី ជូលី ជុង(Julie chung) អនុប្រធានបេសកកម្មការទូតនៃស្ថានទូតសហរដ្ឋអាមេរិកប្រចាំនៅ កម្ពុជា កាលពីរសៀលថ្ងៃទី០១ ខែកក្កដា ឆ្នាំ២០ ១៥។ លោកស្រីជូលី ជុង បានប្រាប់លោក ឈាង វុន ថាលោកស្រីចង់ដឹងពីការវិវត្តនៃសេចក្តីព្រាងច្បាប់ អង្គការ ហើយលោកស្រីសង្ឃឹមថារដ្ឋសភានឹងមានការបើកចំហរអោយមានការពិគ្រោះយោបល់ទូលំទូលាយលើសេចក្តីព្រាងច្បាប់នេះ និងមានការចូលរួមពីគ្រប់ភាគីពាក់ព័ន្ធ។
-
សហជីពបន្តពិភាក្សាកំណត់ប្រាក់ឈ្នួលអប្បបរមាសម្រាប់ឆ្នាំ ២០១៦
ភ្នំពេញ៖ នៅថ្ងៃទី២ ខែកក្កដានេះ ភាគីសហជីពបាន និងកំពុងបន្តរៀបចំកិច្ចពិភាក្សាជាឯកតោភាគី ស្តីពីប្រាក់ឈ្នួលអប្បបរមាសម្រាប់ឆ្នាំ ២០១៦ ដូចដែលសមាជិកសហជីពរបស់គណៈកម្មាធិការប្រឹក្សាការងារ LAC របស់ក្រសួងការងារ បានកំណត់កាលពីឆ្នាំ ២០១៤ ។ កិច្ចពិភាក្សានេះ ប្រព្រឹត្តទៅនៅភោជនីយដ្ឋានទន្លេបាសាក់ ២ ក្រោមជំនួយរបស់អង្គការពលកម្មអន្តរជាតិ (ILO)។
-
គណៈកម្មការជំនាញរក្សាសេចក្តីព្រាងច្បាប់ NGOs ដដែល
ភ្នំពេញៈ គណៈកម្មការជំនាញចំនួន ៣ នៃរដ្ឋសភាកាលពីថ្ងៃម្សិលមិញបានសម្រេចរក្សាខ្លឹមសារនៃសេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាលឲ្យនៅដដែលហើយគ្រោងនឹងជួបជាមួយតំណាងរាជរដ្ឋាភិបាលដើម្បីស្តាប់ការការពារ និងឲ្យកែសម្រួលអក្ខរាវិរុទ្ធខ្លះនៅដើមសប្តាហ៍ក្រោយ។ ការសម្រេចនេះបានធ្វើឡើងនៅក្នុងកិច្ចប្រជុំរួមរវាងគណៈកម្មការចំនួន ៣ ដែលទទួលខុសត្រូវក្នុងការពិនិត្យ ស្រាវជ្រាវ និងសិក្សាទៅលើសេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល។ គណៈកម្មការទាំង ៣ ដែលមានសមាសភាពប្រធានមកពីគណបក្សកាន់អំណាចនោះ រួមមាន គណៈកម្មការទី ៤ ផ្នែកមហាផ្ទៃ ការពារជាតិ និងមុខងារសាធារណៈ, គណៈកម្មការទី ៥ ផ្នែកផែនការ កិច្ចការបរទេស ឃោសនាការ សហប្រតិបត្តិការអន្តរជាតិ និងព័ត៌មាន និងគណៈកម្មការទី ៦ ផ្នែកនីតិកម្ម និងយុត្តិធម៌។
-
នគរបាលចាប់ខ្លួនមន្ត្រីសហជីពប្រាំបួននាក់ក្នុងការតវ៉ានៅខេត្តតាកែវ
កាលពីម្សិលមិញ នគរបាលខេត្តតាកែវបានចាប់ខ្លួនមន្ត្រីសហជីពប្រាំបួននាក់អំឡុងការតវ៉ានៅខាងក្រៅរោងចក្រអេឡិចត្រូនិក កន្លែងដែលកម្មករបានធ្វើកូដកម្មរយៈពេលជិតបីខែ ទាមទារប្រាក់ខែស្មើនឹងមិត្តរួមការងាររបស់ខ្លួននៅក្នុងវិស័យកាត់ដេរដែរ។
-
លោកសម រង្ស៊ី ៖ នឺងមិនចូលរួមពិភាក្សាអនុម័តច្បាប់គ្រប់គ្រងអង្គការក្រៅរដ្ឋាភិបាល ក្នុងសភាទេ
រាជធានីភ្នំពេញ៖ លោក ស មរង្ស៊ី ប្រធានសភាគតិច និងជាប្រធានគណបក្សសង្គ្រោះជាតិ នៅថ្ងៃទី៣០ ខែមិថុនា បានបញ្ជាក់ជាថ្មីប្រាប់អំពីជំហររបស់គណបក្សសង្គ្រោះជាតិថា ក្រុមសមាជិកសភានៃគណបក្សសង្គ្រោះជាតិ នឹងមិនចូលរួមពិភាក្សា និងមិនចូលរួមបោះឆ្នោតអនុម័ត ច្បាប់ស្តីពីសមាគម និងអង្គការមិនមែនរដ្ឋាភិបាល ដាច់ខាត ។ លោក សម រង្ស៊ី បានបញ្ជាក់ថា ជំហររបស់យើង គឺយើងមិនគាំទ្រការអនុម័តបង្កើតច្បាប់គ្រប់គ្រងអង្គការក្រៅរដ្ឋាភិបាលទេ ។
-
លោកឈាង វុន៖ សេចក្តីព្រាងច្បាប់ស្តីពីការគ្រប់គ្រងអង្គការក្រៅរដ្ឋាភិបាល នឹងដាក់ឲ្យសភាអនុម័ត នៅថ្ងៃទី១០កក្កដា
រាជធានីភ្នំពេញ៖ លោក ឈាង វុន ប្រធានគណៈកម្មការកិច្ចការបរទេស នៃរដ្ឋសភា បានបញ្ជាក់ បន្ទាប់ពីចប់កិច្ចប្រជុំពិភាក្សាពិនិត្យ សេចក្តីព្រាងច្បាប់ស្តីពី សមាគម និងអង្គការមិនមែនរដ្ឋាភិបាល ថា សេចក្តីព្រាងច្បាប់ស្តីពីការគ្រប់គ្រងអង្គការក្រៅរដ្ឋាភិបាល បន្ទាប់ពីសិក្ខាសាលាថ្នាក់ជាតិរួចហើយនោះ គណៈកម្មាធិការអចិន្ត្រៃយ៍សភា និងដាក់ចូលប្រជុំសភាពេញអង្គ នៅថ្ងៃទី១០កក្កដា ខាងមុខ ។
-
ក្រុមការងារគណបក្សប្រជាជនកម្ពុជា និងគណបក្សសង្គ្រោះជាតិជួបពិភាក្សាគ្នាពីការកែប្រែច្បាប់បោះឆ្នោតឃុំ-សង្កាត់
ក្រុមមន្ត្រីមកពីគណបក្សប្រជាជនកម្ពុជា និងគណបក្សសង្គ្រោះជាតិបានជួបប្រជុំគ្នាកាលពីម្សិលមិញនៅរដ្ឋសភា ដើម្បីពិភាក្សាពីការកែប្រែច្បាប់បោះឆ្នោតក្រុមប្រឹក្សាឃុំ-សង្កាត់នៅមុនការបោះឆ្នោតលើកក្រោយក្នុងខែកុម្ភៈ ឆ្នាំ២០១៧។
-
នគរបាល និងកងសន្តិសុខរារាំងការហែក្បួនប្រឆាំងច្បាប់ស្តីពីអង្គការមិនមែនរដ្ឋាភិបាល
កាលពីម្សិលមិញ សាលារាជធានីភ្នំពេញបានធ្វើតាមអ្វីដែលខ្លួនបានលើកឡើងថា នឹងបញ្ឈប់ផែនការតវ៉ាមួយចំនួនប្រឆាំងនឹងសេចក្តីព្រាងច្បាប់ដែលមានបំណងគ្រប់គ្រងអង្គការមិនមែនរដ្ឋាភិបាលនៅកម្ពុជា ដោយដាក់ពង្រាយកងសន្តិសុខ និងនគរបាលរាប់រយនាក់នៅក្នុងរាជធានីភ្នំពេញដើម្បីបញ្ឈប់អ្នកតវ៉ា។ បុគ្គលិកអង្គការមិនមែនរដ្ឋាភិបាល សមាជិកសហជីព និងសកម្មជនរាប់រយនាក់នៅតែមានផែនការប្រមូលផ្តុំគ្នានៅរដ្ឋសភាដោយមានគោលដៅចេញពីទីតាំងចំនួនបួនដាច់ដោយឡែកពីគ្នាដើម្បីស្នើឲ្យសមាជិកសភាកុំអនុម័តសេចក្តីព្រាងច្បាប់នេះ ទោះបីជាមានការគំរាមពីសាលារាជធានីថា នឹងប្រើ “គ្រប់មធ្យោបាយ” ដើម្បីបញ្ឈប់ពួកគេក៏ដោយ។
-
គណៈកម្មការរដ្ឋសភាចំនួន៣ បញ្ចប់ការពិនិត្យពិភាក្សាលើសេចក្ដីព្រាងច្បាប់អង្គការ
នៅព្រឹកថ្ងៃពុធនេះ គណៈកម្មការរដ្ឋសភាចំនួន៣ បានបញ្ចប់ការពិភាក្សាលើសេចក្ដីព្រាងច្បាប់ស្ដីពីសមាគមនិងអង្គការមិនមែនរដ្ឋាភិបាលហើយ ដោយសម្រេចតម្កល់ខ្លឹមសារនៃសេចក្ដីព្រាងច្បាប់នេះឲ្យនៅដដែល។ គួរជម្រាបថា ជំនួបនេះធ្វើឡើងបន្ទាប់ពីរដ្ឋសភាកំណត់យកថ្ងៃទី១០ខែកក្កដាខាងមុខ ដើម្បីរៀបចំសិក្ខាសាលាពិគ្រោះយោបល់លើសេចក្ដីព្រាងច្បាប់ដ៏ចម្រូងចម្រាស់នេះ។ ជាការសម្គាល់ គណៈកម្មការរដ្ឋសភាទាំង៣ ដែលជួបពិភាក្សាអំពីសេចក្ដីព្រាងច្បាប់អង្គការនេះ សុទ្ធសឹងតែជាគណៈកម្មការដែលមានប្រធានជាសមាសភាពមកពីគណបក្សកាន់អំណាច។ ការពិភាក្សារវាងអន្ដរគណៈកម្មការនៅរដ្ឋសភា អំពីសេចក្ដីព្រាងច្បាប់សមាគមនិងអង្គការមិនមែនរដ្ឋាភិបាល បានរៀបចំធ្វើឡើងនៅថ្ងៃពុធទី០១ ខែកក្កដានេះ នៅវិមានរដ្ឋសភា។ នៅក្នុងជំនួបនោះ គណៈកម្មការចំនួន៣ដែលចូលរួម សម្រេចតំកល់ទុកខ្លឹមសាររបស់សេចក្ដីព្រាងច្បាប់ឲ្យនៅដដែល ដោយគ្រាន់តែកែសម្រួលនូវអក្ខរាវិរុទ្ធមួយចំនួនតែប៉ុណ្ណោះ។
-
លោក វ៉ា គឹមហុង នឹងបង្ហាញផែនទីប្រើសម្រាប់បោះបង្គោលព្រំដែនជាមួយវៀតណាមនៅថ្ងៃស្អែក
ប្រធានគណៈកម្មាធិការចម្រុះកិច្ចការព្រំដែនលោក វ៉ា គឹមហុង នឹងធ្វើសន្និសីទសារព័ត៌មានបើកចំហរមួយនៅថ្ងៃស្អែក ដើម្បីបង្ហាញផែនទីផ្លូវការ ដែលរាជរដ្ឋាភិបាលកម្ពុជាបាននិងកំពុងប្រើប្រាស់ក្នុងការងារខណ្ឌសីមា និងបោះបង្គោលព្រំដែនជាមួយវៀតណាម ។ សេចក្ដីប្រកាសព័ត៌មានរបស់លេខាធិការដ្ឋានអចិន្ត្រៃយ៍នៃអាជ្ញាធរជាតិទទួលបន្ទុកកិច្ចការព្រំដែន នៃទីស្ដីការគណៈរដ្ឋមន្ត្រី ចេញផ្សាយនៅថ្ងៃនេះ ឲ្យដឹងថា សន្និសីទសារព័ត៌មាននេះនឹងធ្វើឡើងនៅម៉ោង៩ ព្រឹកថ្ងៃទី២ ខែកក្កដា នៅទីស្ដីការគណៈរដ្ឋមន្ត្រីសាល B ។
-
លោក ឈាង វុន លើកឡើងថាខ្លឹមសារនៃសេចក្តីព្រាងច្បាប់អង្គការនៅរក្សាដដែល
អ្នកនាំពាក្យរដ្ឋសភា លោក ឈាង វុន ឲ្យដឹងថាគណៈកម្មការទាំងបីនៃរដ្ឋសភាដែលទទួលបន្ទុកពិនិត្យមើលសេចក្តីព្រាងច្បាប់អង្គការ បានសម្រេចរក្សាខ្លឹមសារនៃសេចក្តីព្រាងច្បាប់នេះឲ្យនៅដដែល ដោយមិនមានការកែប្រែអ្វីនោះទេ។ នៅព្រឹកថ្ងៃពុធនេះ គណៈកម្មការទី៥(គណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន) គណៈកម្មការទី៤ (គណៈកម្មការមហាផ្ទៃ ការពារជាតិ និងកិច្ចការសាធារណៈ) និងគណៈកម្មការទី៦ (គណៈកម្មការនីតិកម្ម និងយុត្តិធម៌) បានជួបពិភាក្សាគ្នាលើសេចក្តីព្រាងច្បាប់អង្គការនេះ។ ប្រធាននៃគណៈកម្មការទាំង៣នេះមកពីគណបក្សប្រជាជនកម្ពុជា។
-
ពលរដ្ឋបដិសេធទទួលយកសំណងពីគម្រោងសេសាន ២ និងស្នើទប់ស្កាត់បទល្មើសព្រៃឈើ
ភ្នំពេញៈ តំណាងសហគមន៍ដែលរងផលប៉ះពាល់ពីការអភិវឌ្ឍនៃគម្រោងសាងសង់ទំនប់វារីអគ្គិសនីសេសានក្រោម ២ នៅខេត្តស្ទឹងត្រែងស្ថិតនៅក្នុងឃុំស្រែ គ២ ដែលបដិសេធដោយពុំទទួលយកសំណងព្រោះតែដីខ្វះជីជាតិ និងបានស្នើសុំឲ្យរដ្ឋាភិបាលធ្វើការទប់ស្កាត់បទល្មើសកាប់ឈើយ៉ាងអនាធិបតេយ្យក្រោមរូបភាពស្តារបាតអាង។ លោក ហ្វុត ឃឿន បានថ្លែងនៅក្នុងសន្និសីទសារព័ត៌មានថា បញ្ហាកាប់ព្រៃឈើដែលអ្នកភូមិមើលឃើញផ្ទាល់នោះគឺដោយសារពុំមានព្រំដែនកំណត់ថាត្រឹមណាជាកន្លែងបាតអាង។ គឺគេបានចូលមកកាប់ឈើតាំងពីឆ្នាំ ២០១២ ដល់ឆ្នាំ ២០១៥ ឆ្នាំនេះនៅតែបន្តកាប់យ៉ាងគគ្រឹកគគ្រេង។ លោកថា ៖«គេកាប់ឈើហើយគេអះអាងថាក្រុមហ៊ុនសម្អាតអាងតែគេកាប់ឆ្ងាយពីកន្លែងអាងនោះទៀត ខ្ញុំជាប្រជាពលរដ្ឋម្នាក់ដែលស្រឡាញ់ធនធានធម្មជាតិដូច្នេះធនធានធម្មជាតិដែលមានហើយមិនគួរណាឲ្យបាត់បង់ទេ»។
-
មន្រ្តីសហជីព១០នាក់ដែលសមត្ថកិច្ចឃាត់ខ្លួនអះអាងថានឹងបន្តដឹកនាំកម្មករតវ៉ា
មន្ត្រីសហជីព១០នាក់ដែលត្រូវបានសមត្ថកិច្ចឃាត់ខ្លួនកាលពីថ្ងៃអង្គារ ចោទថាញុះញង់កម្មករឲ្យធ្វើបាតុកម្ម បានអះអាងថាពួកគេមិនបានធ្វើខុសដូចការចោទប្រកាន់របស់សមត្ថកិច្ចនោះទេ ដោយប្រកាសថាពួកគេនឹងដឹកនាំកម្មករតវ៉ាតទៅទៀត នៅសប្តាហ៍ក្រោយ។ កាលពីថ្ងៃអង្គារ សមត្ថកិច្ចខេត្តតាកែវបានឃាត់មន្ត្រីសហជីព១០នាក់ ខណៈសហជីពទាំងនោះបានដឹកនាំកម្មករប្រហែល៤០០នាក់ ធ្វើបាតុកម្មទាមទារឲ្យថៅកែរោងចក្រគោរពកិច្ចព្រមព្រៀងដំឡើងប្រាក់ខែ។ សហជីពត្រូវបានដោះលែងវិញនៅថ្ងៃកើតហេតុការណ៍ ក្រោយពីមានការឃាត់ខ្លួនជិត៨ម៉ោង។ មន្ត្រីសហជីពឲ្យដឹងថា រោងចក្រKuantech (Cambodia) ស្ថិតក្នុងឃុំ ពពែល ស្រុកត្រាំកក់ ខេត្តកែវ បានតវ៉ា ចាប់តាំងពីថ្ងៃទី១១ ខែមិថុនា ដោយទាមទារឲ្យថៅកែរោងចក្រដំឡើងប្រាក់ឈ្នួលពី១២៣ដុល្លារ ដល់១២៨ ដល់កម្មករណាដែលធ្វើការបានពីរខែឡើងទៅ តាមការសន្យា។
-
លោកអ៊ុំ សំអាន៖ពេលCNRPជាប់ឆ្នោតនឹងធ្វើវិសោធនកម្មច្បាប់NGOឡើងវិញ
ច្បាប់សមាគម និងអង្គការក្រៅរដ្ឋាភិបាល ត្រូវបានលោកឈាង វុន ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ព័ត៌មាន និងឃោសនាការរបស់រដ្ឋសភាបានមានប្រសាសន៍ឲ្យដឹងថា ច្បាប់គ្រប់គ្រងសមាគម និងអង្គការក្រៅរដ្ឋាភិបាល ត្រូវតែអនុម័តជាដាច់ខាត ទោះមានការរារាំង រឺប្រឆាំងក៏ដោយ។ ទោះបីជាមន្ត្រីរដ្ឋាភិបាលរូបនេះប្រកាសត្រូវតែអនុម័តច្បាប់នេះដាច់ខាតក៏ដោយ បើមើលនៅក្នុងយុទ្ធនាការប្រឆាំងការអនុម័តសេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល របស់ក្រុមអង្គការសង្គមស៊ីវិល និងប្រជាពលរដ្ឋ កាលពីថ្ងៃទី៣០មិថុនា នៅមុខរដ្ឋសភា លោកអ៊ុំ សំអាន តំណាងរាស្ត្រគណបក្សសង្គ្រោះជាតិ បានថ្លែងមិនគាំទ្រសេចក្តីព្រាងច្បាប់នេះឡើយ។ មិនគាំទ្រ នៅពេលដែលច្បាប់នេះចូលទៅសភាពេញអង្គ ហើយនៅពេលអនុម័ត គឺតំណាងរាស្ត្រគណបក្សសង្គ្រោះជាតិនឹងមិនលើកដៃគាំទ្រនោះទេ។
-
ការរឹតត្បិតគោលនយោបាយស៊ើបការណ៍សម្ងាត់ រារាំងដល់ការការពារកុមារ
នៅពេលអង្គការប្រឆាំងការជួញដូរមនុស្សមួយបានរាយការណ៍កាលពីពេលថ្មីៗនេះថា ការជួញដូរផ្លូវភេទកុមារបានធ្លាក់ចុះ៧៣ភាគរយ មានអង្គការមួយទៀតបានលើកឡើងអំពីកន្លែងធ្វើអាជីវកម្មចំនួន១៥ ដែលបម្រើសេវាផ្លូវភេទអនីតិជនដល់ជនល្មើសផ្លូវភេទ មកធ្វើជាភ័ស្តុតាងបញ្ជាក់ថាស្ថានភាពពិតមិនមែនបែបនេះឡើយ។
-
យុវជនចាត់ទុកសេចក្ដីព្រាងច្បាប់ស្ដីពីសមាគមថាបិទសិទ្ធិយុវជនចូលរួមកិច្ចការសង្គម
យុវជនកម្ពុជា ថាសេចក្ដីព្រាងច្បាប់ស្ដីពីសមាគម និងអង្គការមិនមែនរដ្ឋាភិបាល ជាច្បាប់បិទសិទ្ធិសេរីភាពយុវជនក្នុងការចូលរួមកិច្ចការសង្គម ហើយសេចក្តីព្រាងច្បាប់នេះ មិនទាន់ចាំបាច់សម្រាប់កម្ពុជា បច្ចុប្បន្នទេ។ មន្ត្រីជាន់ខ្ពស់នៃបក្សកាន់អំណាចលើកឡើងថា យុវជនទាំងនោះមិនទាន់ចេះអានអក្សរទៅវិញ ព្រោះថា សេចក្ដីព្រាងច្បាប់នេះមិនមែនជាច្បាប់បិទសិទ្ធិសេរីភាពនោះឡើយ បើសិនជាយុវជនអានសេចក្ដីព្រាងច្បាប់នេះឲ្យបានល្អិតល្អន់។ ទន្ទឹមនឹងនេះដែរ មន្ត្រីសង្គមស៊ីវិលនិយាយថា យុវជន គឺជាសំឡេងឆ្នោតដែលគ្រប់គណបក្សនយោបាយ មិនអាចមើលរំលងបានឡើយ។
-
កម្មកររោងចក្រ១០នាក់នៅកំពង់ឆ្នាំងដួលសន្លប់ដោយសារខ្វះជីវជាតិ
យ៉ាងតិចកម្មករ១0នាក់នៅរោងចក្រកាត់ដេរសំលៀកបំពាក់ MV4 នៅភូមិត្រពាំងចឹកសារ សង្កាត់កំពង់ឆ្នាំង ខេត្តកំពង់ឆ្នាំង បានដួលសន្លប់ជាបន្តបន្ទាប់ នៅព្រឹកថ្ងៃពុធនេះ ដោយមន្ត្រីសហជីព និងបុគ្គលិកសុខាភិបាលអះអាងថាដោយសារខ្វះជាតិស្ករ ។ កម្មការិនីដែលដួលសន្លប់ ហើយដឹងខ្លួនវិញគឺកញ្ញា សុន សុផល ប្រាប់VODថា គាត់មានអការៈឈឺក្បាល និងវិលមុខ ខណៈដែលកំពុងឈរដេរខោអាវរូចក៏ដួលសន្លប់ភ្លាមទៅ ។ មន្ត្រីសហជីពសេរីកម្មករនៃព្រះរាជាណាចក្រកម្ពុជាប្រចាំរោងចក្រ អ្នកស្រី នួន សំអុល ដែលបានតាមដានករណីនៃការដួលសន្លប់នេះឲ្យដឹងថា រហូតមកដល់ពេលនេះ មានកម្មការិនី១០នាក់បានដួលសន្លប់ ពីរនាក់ត្រូវសម្រាកព្យាលបាលក្នុងរោងចក្រ និងប្រាំបីនាក់ទៀតត្រូវបានបញ្ជូនទៅសម្រាកនៅមន្ទីរពេទ្យខេត្តនេះ ។ អ្នកស្រី សំអុល បន្តថា បញ្ហាដួលសន្លប់របស់កម្មករទាំងនោះ គឺបណ្តាលមកពីបញ្ហាសុខភាពខ្សោយ និងខ្វះជាតិស្ករក្នុងខ្លួន ។
គាំទ្រដោយ
