កំពុងស្វែងរកទិន្នន័យ
រកឃើញ: 13.090
-
ក្រុមអង្គការសង្គមស៊ីវិលចេញមុខហែក្បួនប្រឆាំងសេចក្ដីព្រាងច្បាប់អង្គការ
ក្រុមអង្គការសង្គមស៊ីវិលមួយចំនួននៅព្រឹកថ្ងៃអង្គារនេះ ជួបជុំគ្នាលើកបដាតវ៉ានៅមុខរដ្ឋសភា រួចនាំគ្នាហែក្បួនដើម្បីបង្ហាញការមិនពេញចិត្ត និងស្នើឲ្យសភា ពន្យារពេលអនុម័តសេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល ។ មន្ត្រី និងសកម្មជនមកអង្គការសង្គមស៊ីវិលទាំងនោះមានគ្នាប្រមាណ៥០០នាក់បាននាំគ្នាលើកបដាស្នើឲ្យរដ្ឋ សភាពន្យារពេលពិភាក្សា និងអនុម័តសេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល ដោយពួកគេទាមទារឲ្យមានការបើកទូលាយក្នុងការពិភាក្សាលើសេចក្ដីព្រាងច្បាប់នេះ ។
-
សកម្មជនអង្គការសង្គមស៊ីវិល ដើរហែក្បួន បន្ទាប់ពីជួបជុំ លើកបដា នៅមុខរដ្ឋសភា
បន្ទាប់ពីជួបជុំលើកបដាតវ៉ា ជំទាស់នឹងសេចក្តីព្រាងច្បាប់ ស្តីពី សមាគម និងអង្គការមិនមែនរដ្ឋាភិបាល ឬហៅថា ច្បាប់អង្គការ NGO នៅមុខរដ្ឋសភា នាព្រឹកថ្ងៃទី២៣មិថុនានេះរួចមក ក្រុមសកម្មជនអង្គការសង្គមស៊ីវិលជាច្រើននាក់ បានដើរហែក្បួន ស្រែកតវ៉ាតាមផ្លូវ ចេញពីមុខរដ្ឋសភា។ សកម្មភាព ដើរហែក្បួនតវ៉ា នៅម៉ោងជាង ៩ ព្រឹកនេះ មិនទាន់មានការរារាំង និងមិនមានគោលដៅថាត្រូវហែក្បួនទៅណានៅឡើយទេ។
-
មានការជំទាស់កើនឡើងជុំវិញសេចក្តីព្រាងច្បាប់អង្គការមិនមែនរដ្ឋាភិបាល
ការជំទាស់ទៅនឹងសំណៅថ្មីបំផុតនៃសេចក្ដីព្រាងច្បាប់ ដែលសំដៅដាក់កម្រិតលើអង្គការមិនមែនរដ្ឋាភិបាលរាប់រយនៅក្នុងប្រទេសបន្តរង់ចាំការបោះឆ្នោត ដោយក្រុមអង្គការសិទ្ធិមនុស្សអន្តរជាតិចំនួន១០ ជំរុញឲ្យរដ្ឋាភិបាលពិចារណានូវអ្វីដែលគេហៅថា “សេចក្តីព្រាងច្បាប់មានគុណវិបត្តិធ្ងន់ធ្ងរ”។
-
គ.ជ.បនឹងជួបពិភាក្សាជាមួយតំណាងសហភាពអឺរ៉ុបនិងជប៉ុននៅរសៀលនេះ
គណៈកម្មាធិការជាតិរៀបចំការបោះឆ្នោត (គ.ជ.ប) នឹងជួបពិភាក្សាជាមួយតំណាងសហភាពអឺរ៉ុបប្រចាំកម្ពុជា និងឯកអគ្គរាជទូតជប៉ុនប្រចាំកម្ពុជា ស្ដីពីការកំណែទម្រង់ការបោះឆ្នោត នៅរសៀលម៉ោង២ថ្ងៃទី២២ មិថុនា។ លោក ហង្ស ពុទ្ធា មន្ត្រីនាំពាក្យរបស់ គ.ជ.ប ឲ្យដឹងនៅថ្ងៃទី២២ មិថុនា ថា កិច្ចពិភាក្សានេះ នឹងជជែកអំពីស្ថានភាពថវិការបស់សហភាពអឺរ៉ុប និងភាគីជប៉ុន ដើម្បីជួយដល់គ.ជ.ប ធ្វើកំណែទម្រង់ការបោះឆ្នោតថ្មី។
-
អាជ្ញាធរខេត្តត្បូងឃ្មុំរងការចោទថាតាមដានតំណាងពលរដ្ឋដែលតវ៉ាបញ្ហាដីធ្លី
តំណាងពលរដ្ឋតវ៉ារឿងដីធ្លីនៅឃុំត្រពាំងព្រីង ស្រុកតំបែរ ខេត្តត្បូងឃ្មុំ ចោទអាជ្ញាធរភូមិថា ចេះតែបន្តតាមដានសកម្មភាពរបស់ពួកគាត់ ពិសេសតំណាងអ្នកភូមិតែម្តង។ ការតាមដាននេះ កើតឡើងបន្ទាប់ពីពលរដ្ឋនាំគ្នាតវ៉ាដីធ្លីជាមួយក្រុមហ៊ុនចិន មួយកាលពីពេលកន្លងមក។ ឆ្លើយតបការចោទប្រកាន់នេះ មេភូមិបានបដិសេធថាជារឿងមិនពិត។ តំណាងពលរដ្ឋម្នាក់ក្នុងចំណោមតំណាងពលរដ្ឋជាង ១០នាក់ សម្ដែងក្តីបារម្ភចំពោះសុវត្ថិភាពរបស់ខ្លួន ក្រោយពេលគាត់ដឹងថា អាជ្ញាធរភូមិចេះតែបន្តតាមដានសកម្មភាពរបស់ពួកគេ ពិសេសនៅពេលមានកិច្ចប្រជុំជាមួយប្រជាពលរដ្ឋនៅក្នុងភូមិម្តងៗ ដើម្បីស្វែងរកដំណោះស្រាយដីធ្លីជាមួយក្រុមហ៊ុនចិន មួយនៅទីនោះ គឺព័ត៌មានតែងតែបែកធ្លាយលេចឮទៅដល់អាជ្ញាធរជានិច្ច។
-
កម្មកររោងចក្រW&Dត្រៀមខ្លួនជាស្រេចដើម្បីធ្វើការតវ៉ាបន្តទៀត បើការដោះស្រាយគ្មានលទ្ធផល
នៅព្រឹកថ្ងៃទី២២ ខែមិថុនា ឆ្នាំ២០១៥នេះ កម្មកររោងចក្រប្រមាណ១៧០០នាក់ ដែលបម្រើការនៅរោងចក្រW&D មានទីតាំងស្ថិតនៅភូមិ៣ ឃុំឫស្សី១ សង្កាត់ស្ទឹងមានជ័យ ខណ្ឌមានជ័យមិនទាន់មានការតវ៉ាអ្វីទេរង់ចាំដំណោះស្រាយនៅម៉ោង៩ព្រឹករវាងតំណាងកម្មករ តំណាងក្រុមហ៊ុន រួមនឹងក្រសួងការងារចំពោះលក្ខខណ្ឌចំនួន៧ចំណុច ដែលនៅសេសល់នោះ។
-
ពលរដ្ឋដែលប៉ះពាល់ដោយគម្រោងផ្លូវរថភ្លើងទារសំណង៨០០០ដុល្លារបន្ថែមពីADB
ពលរដ្ឋប៉ះពាល់ដោយគម្រោងអភិវឌ្ឍន៍ផ្លូវរថភ្លើងចេញតវ៉ាជាថ្មីទៀតនៅថ្ងៃចន្ទនេះ សុំឲ្យធនាគារអភិវឌ្ឍន៍អាស៊ី(ADB) ផ្តល់សំណង ៨០០០ដុល្លារបន្ថែមទៀតក្នុងមួយគ្រួសារ ។ ក្រុមអ្នកតវ៉ាប្រមាណ២៥នាក់ រស់នៅភូមិត្រពាំងអញ្ចាញ សង្កាត់ត្រពាំងក្រសាំង ខណ្ឌពោធិ៍សែនជ័យ បានជំរុញឲ្យធានាគារខ្នាតអន្តរជាតិនេះ គោរពកិច្ចសន្យា ដែលថានឹងធ្វើឲ្យជីវភាពពួកគេ ល្អប្រសើរ ពេលពួកគេព្រមទៅរស់នៅទីតាំងថ្មី ដើម្បីទុកដីនោះ ឲ្យធនាគារពង្រីកផ្លូវដែកកាលពីឆ្នាំ២០១១ ។
-
ពលរដ្ឋមកពីភូមិប្រម៉ាខេត្តក្រចេះដាក់ញត្តិទៅរដ្ឋសភាជាថ្មីឲ្យអន្តរាគមន៍រឿងជម្លោះដីធ្លី
ពលរដ្ឋជាង៤០នាក់ តំណាងឲ្យប្រជាពលរដ្ឋ៦៥គ្រួសារនៅភូមិប្រម៉ា ឃុំកំពង់ដំរី ក្នុងស្រុកឆ្លូង ខេត្តក្រចេះ នាំគ្នាមកតវ៉ា និងដាក់ញត្តិនៅរដ្ឋសភាជាថ្មីនៅព្រឹកនេះ ដើម្បីឲ្យជួយរកដំណោះស្រាយបញ្ហាជម្លោះដីធ្លីរបស់ពួកគេជាមួយនឹងអាជ្ញាធរខេត្តនេះ ។ តំណាងពលរដ្ឋម្នាក់មកពីភូមិប្រម៉ា លោក អ៊ុក ផល្លី មានប្រសាសន៍ថា ជម្លោះដីធ្លីរវាងប្រជាពលរដ្ឋ និងអាជ្ញាធរខេត្តក្រចេះនេះ កើតឡើងកាលពីថ្ងៃទី២៥ ខែឧសភា ឆ្នាំ២០១៥ នៅពេលដែលអាជ្ញាធរបានប្រើគ្រឿងចក្រមកឈូសឆាយផលដំណាំរបស់ពួកគេ ។ លោកថា អាជ្ញាធរមិនបានផ្តល់ដំណឹងដល់ប្រជាពលរដ្ឋជាមុននោះទេ មុននឹងធ្វើការឈូសឆាយដី ដែលលោកអះអាងថា ពលរដ្ឋបានរស់នៅតាំងពីឆ្នាំ២០០៦មកម្លេះ ។
-
Internal rule of the NA (Last updated 2015)
Internal rule of the NA (Last updated 2015)
-
កម្មកររោងចក្រW&Dផ្ទុះកូដកម្មបិទផ្លូវ ព្រោះខឹងថៅកែក្រុមហ៊ុន
នៅវេលាម៉ោង២និង១០នាទីរសៀលថ្ងៃទី២២ ខែមិថុនា ឆ្នាំ២០១៥នេះ កម្មកររោងចក្រW&D ដែលមានទីតាំងក្រុមទី៣ ភូមិឫស្សី១ សង្កាត់ស្ទឹងមានជ័យ ខណ្ឌមានជ័យ បានធ្វើកូដកម្មបិទផ្លូវព្រោះខឹងនឹងក្រុមហ៊ុនមិនព្រមដកពាក្យបណ្ដឹងពីតុលាការ៕
-
សហភាពអឺរ៉ុប និងជប៉ុនជួបជាមួយ គ.ជ.ប នៅរសៀលនេះពិភាក្សាពីការផ្ដល់ជំនួយហិរញ្ញវត្ថុ
ឯកអគ្គរដ្ឋទូតសហភាពអឺរ៉ុប និងឯកអគ្គរដ្ឋទូតជប៉ុននឹងជួបពិភាក្សាជាមួយគណៈកម្មាធិការជាតិរៀបចំការបោះឆ្នោត (គ.ជ.ប) នៅរសៀលថ្ងៃចន្ទនេះ ដើម្បីពិភាក្សាពីការផ្ដល់ជំនួយហិរញ្ញវត្ថុ ក៏ដូចជាការវិវត្តនៃដំណើរកំណែទម្រង់បោះឆ្នោតនៅកម្ពុជា ។ កិច្ចប្រជុំនេះធ្វើឡើងនៅម៉ោង២រសៀល នៅទីស្ដីការ គ.ជ.ប តាមការស្នើសុំរបស់ឯកអគ្គរដ្ឋទូតសហភាពអឺរ៉ុប លោក ហ្សង់ហ្វ្រង់ស័រ កូតាំង ដែលបានផ្ញើលិខិតទៅកាន់ប្រធាន គ.ជ.ប លោក ស៊ិក ប៊ុនហុក កាលពីថ្ងៃទី១៥ ខែមិថុនា ។
-
គណបក្សសង្គ្រោះជាតិដឹកនាំដំណើរចុះទៅពិនិត្យតំបន់ព្រំដែនវៀតណាមមួយទៀតដែលមានវិវាទ
លោក អ៊ុំ សំអាន សមាជិកសភាគណបក្សប្រឆាំងកាលពីថ្ងៃសៅរ៍ បានដឹកនាំសកម្មជនអ្នកជាតិនិយមប្រហែល២០០នាក់ចុះទៅពិនិត្យមើលដីដែលមិនទាន់បោះបង្គោលព្រំដែនស្ថិតនៅតាមបណ្ដោយព្រំដែនខេត្តកណ្ដាលដែលមានវិវាទជាមួយប្រទេសវៀតណាម ដែលរដ្ឋាភិបាលវៀតណាមកំពុងសាងសង់ប៉ុស្តិ៍យោធា។
-
ប្រជាពលរដ្ឋបឹងកក់ និងបុរីកីឡាប្រមាណ២០០កំពុងស្រែកទាមទាររកយុត្តិធម៌នៅមុខតុលាការ
ភ្នំពេញ ៖ នៅវេលាម៉ោង៨និង៤៥នាទីព្រឹកថ្ងៃទី២២ ខែមិថុនា ឆ្នាំ២០១៥នេះ មានប្រជាពលរដ្ឋពីសហគមន៍បឹងកក់ និងបុរីកីឡាប្រមាណ២០០នាក់បានលើកគ្នាដង្ហែជាក្បួន ដោយមានទង់សាសនា ទង់ជាតិកម្ពុជា និងបដាផ្សេងៗធ្វើដំណើរមកកាន់តុលាការស្រែកទាមទារឲ្យតុលាការផ្ដល់យុត្តិធម៌ឲ្យពួកគាត់។ ពួកគាត់លើកឡើងថា កន្លងមកអាជ្ញាធរក្រុងភ្នំពេញបានធ្វើការបំផ្លិចបំផ្លាញផ្ទះរបស់ពួកគាត់ក្នុងតំបន់កក់ តំបន់បុរីកីឡា យកដីទៅឲ្យក្រុមហ៊ុនឯកជន ហើយថែមទាំងចាប់ពួកគាត់ដាក់គុកទៀតផង។ ពួកគាត់ថែមទាំងចាត់ទុកថា តុលាការគឺឈ្នាន់បម្រើឲ្យឈ្មួញខិលខូច និងអ្នកកាន់អំណាច ដោយពុំបានយកចិត្តទុកដាក់ជាមួយនឹងការរស់នៅរបស់ប្រជាពលរដ្ឋ។
-
អ្នករស់នៅភូមិបណ្ដែតទឹកនៅអរិយក្សត្រព្រមរុះរើ
កណ្តាលៈអ្នករស់នៅភូមិបណ្តែតទឹកនៅអរិយក្សត្រចំនួន ៤៤ គ្រួសារដែលភាគច្រើនជាជនជាតិវៀតណាមដែលចូលមករស់នៅក្នុងទឹកដីកម្ពុជាខុសច្បាប់ជាង ៣០ ឆ្នាំមកហើយនោះនៅទីបំផុតបានរុះរើផ្ទះលើទឹករបស់ខ្លួនចេញនៅមុនថ្ងៃកំណត់របស់អាជ្ញាធរឲ្យចាកចេញនៅត្រឹមថ្ងៃទី ២២ ខែមិថុនានេះ។
-
ឃាត់អ្នកកាសែតមិនឲ្យថតទំនិញគេចពន្ធ
បន្ទាយមានជ័យៈ កម្លាំង នគរបាលការពារព្រំដែនគោកលេខ ៨៩១ បានឃាត់ខ្លួនអ្នកយកព័ត៌មានទូរទស្សន៍អាស៊ីអាគ្នេយ៍ ប្រចាំខេត្តបន្ទាយមានជ័យចំនួន ២ នាក់ បន្ទាប់ពីពួកគេបានចូលទៅថតសកម្មភាពពលករចំណាកស្រុក និងការនាំចូលទំនិញគេចពន្ធមួយពីប្រទេសថៃ តាមច្រករបៀងដើមគដែលនៅក្បែរច្រកព្រំដែនប៉ោយប៉ែត។
-
ក្រុមសហជីពជាង១០០ ផ្នែកវិស័យកាត់ដេរ សម្រេចយកប្រាក់ខែគោល១៧៧ដុល្លារ
នៅថ្ងៃអាទិត្យនេះ សហជីពវិស័យកាត់ដេរ ចំនួនជាង១០០សហជីព បានជួបជុំគ្នានៅទីស្នាក់របស់សម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា នៅក្រុងភ្នំពេញ។ ក្រុមសហជីពទាំងនោះ សម្រេចយកប្រាក់ខែគោលចំនួន១៧៧ដុល្លារ សម្រាប់កម្មកររោងចក្រកាត់ដែរ។ នេះជាចំនួនប្រាក់ខែអប្បបរិមា ដែលក្រុមសហជីពនឹងយកទៅចរចាជាមួយក្រុមនិយោជក និងតំណាងរដ្ឋាភិបាល។ នេះបើតាមលោក អាត់ ធន់ ប្រធានសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា ហៅកាត់ថា ស៊ីខាវឌូ (CCAWDU)។
-
មន្ត្រីសង្គមស៊ីវិលថានឹងប្រាប់ពលរដ្ឋឈប់បោះឆ្នោតឲ្យបក្សនយោបាយដែលលើកដៃអនុម័តច្បាប់NGO
មន្ត្រីអង្គការសង្គមស៊ីវិលលើកឡើងថា ខ្លួននឹងប្រាប់ប្រជាពលរដ្ឋឲ្យឈប់បោះឆ្នោតឲ្យគណបក្សនយោបាយណាដែលចូលរួមលើកដៃអនុម័តច្បាប់ស្តីពីសមាគម និងអង្គការមិនមែនរដ្ឋាភិបាល ដែលច្បាប់នោះនឹងត្រូវរដ្ឋសភាអនុម័តនៅពេលឆាប់ៗខាងមុខនេះ ។ ការលើកឡើងនេះធ្វើឡើងបន្ទាប់ពីសេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល ត្រូវបានទីស្តីការគណៈរដ្ឋមន្ត្រីបញ្ជូនទៅដល់រដ្ឋសភានៅក្នុងសប្តាហ៍នេះ ។
អានបន្ត -
អ្នកភូមិនៅរតនគិរីជម្លៀសម៉ុងតាញ៉ា២នាក់ឲ្យអ.ស.បសិទ្ធិមនុស្ស
ម៉ុងតាញ៉ាវៀតណាម ២នាក់ ដែលទើបរត់ភៀសខ្លួនចេញពីប្រទេសវៀតណាម ចូលមកលាក់ខ្លួនក្នុងព្រៃខេត្តរតនគិរី កាលពីចុងសប្ដាហ៍ត្រូវបានអ្នកភូមិខ្មែរជម្លៀសទៅប្រគល់ឲ្យការិយាល័យឧត្ដមស្នងការនៃអង្គការសហប្រជាជាតិទទួលបន្ទុកសិទ្ធិមនុស្ស នារាជធានីភ្នំពេញ កាលពីរសៀលថ្ងៃទី១៩ ខែមិថុនា។ ប្រជាពលរដ្ឋជនជាតិដើមភាគតិចចារ៉ាយខ្មែរ អ្នកជួយលាក់បំពួនម៉ុងតាញ៉ា ទាំង២ មានប្រសាសន៍ថា កន្លែងលាក់ខ្លួនមិនធានាសុវត្ថិភាព រួមទាំងរដូវនេះមានភ្លៀងធ្លាក់ច្រើនប៉ះពាល់សុខភាពពួកគេ។ ម្យ៉ាងវិញទៀត ការស្វែងរកកន្លែងលាក់ខ្លួនម៉ុងតាញ៉ា ពីសមត្ថកិច្ចមូលដ្ឋានគឺជាហេតុផលដែលអ្នកភូមិសម្រេចជម្លៀសពួកគេទៅរកទីមានសុវត្ថិភាព៖ «យើងអត់ហ៊ានទុកនៅហ្នឹងទេ លំបាកស្បៀងអាហារ លំបាកប៉ូលិសសម្ងាត់ គេដាក់ក្នុងភូមិអ៊ីចឹងណាគេតាមរក!»។
-
បទយកការណ៍៖ ប្រជាសហគមន៍នៅបឹងទំពុន រង់ចាំការអភិវឌ្ឍទាំងអារម្មណ៍ភ័យអរ
បឹងទំពុនជាបឹងដែលសាធារណជនស្គាល់ថា ជាកន្លែងផ្ទុកទឹកស្អុយ ឬកន្លែងរំដោះទឹកជំនន់នៅក្នុងរាជធានីភ្នំពេញនោះ បច្ចុប្បន្នក្រុមហ៊ុនឯកជនកំពុងចាក់ខ្សាច់បំពេញ បន្ទាប់ពីទទួលសិទ្ធិអភិវឌ្ឍន៍ពីរដ្ឋាភិបាល ។ បឹងមួយនេះ ក្រៅពីដើរតួនាទីក្នុងការផ្ទុកទឹកស្អុយ ក៏ជាកន្លែងដែលប្រជាពលរដ្ឋក្រីក្ររស់នៅ និងប្រកបរបរនៅទីនោះដែរ ។
-
រដ្ឋាភិបាលកម្ពុជាព្រមានប្ដឹងរឿងព្រំដែនជាមួយវៀតណាមទៅតុលាការអន្តរជាតិ
រដ្ឋាភិបាលកម្ពុជា នឹងយកសំណុំរឿងព្រំដែនកម្ពុជា-វៀតណាម ដែលកំពុងមានភាពចម្រូងចម្រាសនេះ ប្ដឹងទៅកាន់តុលាការយុត្តិធម៌អន្តរជាតិ (ICJ) អោយជួយដោះស្រាយ ប្រសិនបើការដោះស្រាយតាមយន្តការទ្វេភាគីរវាងកម្ពុជា និងវៀតណាម មិនបានសម្រេចលទ្ធផលទេនោះ។ គម្រោងនេះមានការគាំទ្រពីគណបក្សប្រឆាំង ដែលទាមទារអោយរដ្ឋាភិបាលពន្លឿនបណ្ដឹងនេះអោយបានឆាប់។ រដ្ឋលេខាធិការ និងជាអ្នកនាំពាក្យទីស្ដីការគណៈរដ្ឋមន្ត្រី លោក ផៃ ស៊ីផាន អះអាងថា រដ្ឋាភិបាលកម្ពុជា នឹងដោះស្រាយបញ្ហាព្រំដែនកម្ពុជា-វៀតណាម ដែលមានភាពមិនប្រក្រតីនៅពេលបច្ចុប្បន្ននេះដោយសន្តិភាព ដូចការដោះស្រាយទំនាស់ទឹកដីជាមួយប្រទេសថៃ កន្លងមក ជាឧទាហរណ៍ស្រាប់។ ទន្ទឹមនឹងនេះ លោកបន្តថា ប្រសិនបើការដោះស្រាយបញ្ហាព្រំដែនតាមរយៈបច្ចេកទេស និងនយោបាយតាមយន្តការទ្វេភាគីមិនបានលទ្ធផលទេ នោះរដ្ឋាភិបាលកម្ពុជា នឹងបន្តស្វែងរកអន្តរាគមន៍ពីតុលាការយុត្តិធម៌អន្តរជាតិ នៅទីក្រុងឡាអេ។
គាំទ្រដោយ
