កំពុងស្វែងរកទិន្នន័យ
រកឃើញ: 13.090
-
ឯកអគ្គរដ្ឋទូតអាមេរិកលើកឡើងថារដ្ឋសភាកម្ពុជាមិនគួរយកច្បាប់អង្គការជាអាទិភាពចម្បងនោះទេ
ឯកអគ្គរដ្ឋទូតអាមេរិក លោក វាលៀម ថដ(William E. Todd) បានលើកឡើងថារដ្ឋសភាកម្ពុជាមិនគួរយកសេចក្តីព្រាងច្បាប់អង្គការមិនមែនរដ្ឋាភិបាល និងសមាគម ជាអាទិភាពចម្បងនោះទេ ដោយលោកបានស្នើឲ្យរដ្ឋសភាគិតគូពីបញ្ហាភាពក្រីក្ររបស់ប្រជាពលរដ្ឋ ការថែទាំសុខភាព និងការការពារបរិស្ថានជាដើម។
-
មេដឹកនាំសហជីពនឹងទាមទារប្រាក់ឈ្នួលអប្បរមា១៧៧ដុល្លារឆ្នាំ២០១៦
ភ្នំពេញ—មេដឹកនាំសហជីពក្នុងប្រទេសកម្ពុជានឹងយកតួលេខប្រាក់ឈ្នួលអប្បរមាចំនួន១៧៧ដុល្លារក្នុងការចរចាជាមួយនឹងនិយោជកដែលធ្វើការវិនិយោគ ក្នុងវិស័យវាយនភណ្ឌ កាត់ដេរសម្លៀកបំពាក់ និងផលិតស្បែកជើង ចាប់ពីខែកក្កដាខាងមុខនេះ ខណៈពេលដែលក្រសួងការងារបញ្ចេញឲ្យដឹងនូវប្រតិទិនថ្មីសម្រាប់ការពិភាក្សាប្រាក់ឈ្នួលអប្បរមាឆ្នាំ២០១៦។ ប្រតិទិនថ្មីនៃការពិភាក្សាប្រាក់ឈ្នួលអប្បរមារបស់ក្រសួងការងារដែលប្រកាសឲ្យដឹងកាលពីថ្ងៃសុក្របានបញ្ជាក់ថា ការពិភាក្សាប្រាក់ឈ្នួលអប្បរមានឹងចាប់ពីខែកក្កដារហូតដល់ប្រាក់ឈ្នួលអប្បបរមានថ្មីចូលជាធរមាននៅខែមករាឆ្នាំ២០១៦។
-
ក្រសួងមហាផ្ទៃ៖ នាយកអង្គការឃ្លាំមើលសិទ្ធិមនុស្ស អាចត្រូវចូលបញ្ជីខ្មៅបើបន្តរិះគន់ថ្នាក់នាំកម្ពុជា
ក្រសួងមហាផ្ទៃថា នាយកអង្គការឃ្លាំមើលសិទ្ធិមនុស្ស (Human Right Watch ) អាចនឹងត្រូវដាក់ចូលបញ្ជីខ្មៅ បើនៅតែបន្តរិះគន់មេដឹកនាំកម្ពុជា ជាពិសេសការរិះគន់លើសពលោក ជា ស៊ីម ដោយប្រៀបប្រដូចទៅនឹងមេដឹកនាំក្នុងរបបខ្មែរក្រហម ។ យោងសេចក្ដីថ្លែងការណ៍របស់ក្រសួងមហាផ្ទៃ ចេញថ្ងៃទី១៤ ខែមិថុនា ឆ្នាំ២០១៥ បានហៅការចោទប្រកាន់របស់ប្រធានអង្គការឃ្លាំមើលសិទ្ធិមនុស្សកម្ពុជា គឺលោក ប្រ៊ែដ អាដាម (Brad Adams) ថាមានចេតនាមួលបង្កាច់ និងបង្កប់នូវគំនុំគុំកួនបុគ្គល មកលើថ្នាក់ដឹកនាំកំពូលនៃព្រះរាជាណាចក្រកម្ពុជា គឺលោក ជា ស៊ីម ។
-
ស្ត្រីសតិមិនគ្រប់ម្នាក់ ត្រូវគេរំលោភរហូតប្រសូត្របានកូនប្រុស១ សមត្ថកិច្ចរកមុខឪពុកក្មេងនោះ មិនទាន់ឃើញ
កំពង់ឆ្នាំង: ស្ត្រីមា្នក់ ដែលមានសតិមិនប្រក្រតីត្រូវគេចាប់រំលោភរហូតបានផ្ទៃពោះ ហើយប្រសូត្របានកូនប្រុស១ ប៉ុន្តែរហូតមកដល់នឹងពេលនេះសមត្ថកិច្ចនៅតែងងឹតឈឹង មិនទាន់ស្រាវជ្រាវរកឃើញឪពុកក្មេងប្រុសនោះ យកមកទទួលខុសត្រូវចំពោះមុខច្បាប់នៅឡើយទេ ។ ស្ត្រីអភ័ព្វនេះមានឈ្មោះ វឺន ហៀង អាយុ៣៣ឆ្នាំ មានទីលំនៅក្នុងភូមិត្រពាំងស្បូវ ឃុំស្រែថ្មី ស្រុករលាប្អៀរ ខេត្តកំពង់ឆ្នាំង ។ នាងជមុស្សដែលមានសតិមិនគ្រប់ និង ជាកូនកំព្រា ឪពុក ម្តាយ ដែលបានស្លាប់ចោល ជាច្រើនឆ្នាំមកហើយ ។ នាងជាកូនច្បងក្នុងចំណោមបងប្អូន២នាក់ ហើយសព្វថ្ងៃរស់នៅជាមួយនិងយាយជីដូនមួយក្នុងភូមិឃុំខាងលើ ។ រីឯប្អូនប្រុសម្នាក់ទៀត មានប្រពន្ធ និង ទៅរស់នៅផ្សេងពីគ្នា ។
-
គ្រូបង្រៀននៅកំពង់ឆ្នាំងរិះគន់នាយកសាលាដែលតម្រូវឲ្យគ្រូចូលបក្សប្រជាជន
គ្រូបង្រៀននៅអនុវិទ្យាល័យត្រពាំងចាន់ ស្រុកបរិបូរណ៍ ខេត្តកំពង់ឆ្នាំង មិនពេញចិត្តចំពោះនាយកសាលាដែលចលនាឲ្យលោកគ្រូ អ្នកគ្រូ គាំទ្រគណបក្សនយោបាយនៅក្នុងម៉ោងបំពេញការងាររបស់រដ្ឋ។ ប៉ុន្តែនាយកសាលាវិញឆ្លើយតបថា ការចុះឈ្មោះជាសមាជិកភាពគណបក្សប្រជាជននេះ គឺធ្វើឡើងដោយស្ម័គ្រចិត្ត និងមិនប៉ះពាល់ដល់ម៉ោងបង្រៀនសិស្សទេ។ គ្រូបង្រៀនពីរនាក់ ក្នុងចំណោម ៩នាក់ ដែលបង្រៀននៅអនុវិទ្យាល័យត្រពាំងចាន់ នៅអល់អែកមិនចុះឈ្មោះចូលជាសមាជិកគណបក្សប្រជាជនកម្ពុជា តាមការចង់បានរបស់ថ្នាក់ដឹកនាំការិយាល័យអប់រំស្រុកបរិបូរណ៍ និងនាយកសាលាកាលពីព្រឹកថ្ងៃទី១២ ខែមិថុនា ឆ្នាំ២០១៥ នៅឡើយទេ ដោយពួកគាត់យល់ថា ថ្នាក់ដឹកនាំនៃស្ថាប័នអប់រំក្នុងខេត្តធ្វើបែបនេះ គឺផ្ទុយទៅនឹងឆន្ទៈរបស់ខ្លួន។
-
យុវជនកម្មករលើកយកបញ្ហា៥ចំណុចដើម្បីដាក់ជូនរដ្ឋាភិបាលដោះស្រាយ
កម្មកររោងចក្រ អ្នកបម្រើការផ្នែកសេវាកម្សាន្ត និងអ្នកបម្រើការងារតាមផ្ទះ ដែលមកពីបណ្ដារោងចក្រ សហគ្រាសនៅកម្ពុជា ប្រមាណជិត ១០០នាក់ បាននាំគ្នាពិភាក្សា និងបោះឆ្នោតជ្រើសរើសចំណុចសំខាន់ៗ ៥ចំណុច នៅក្នុងចំណោមបញ្ហាជាង ១០ ដែលកម្មករជួបប្រទះ ព្រមទាំងជំរុញឲ្យរដ្ឋាភិបាលជួយដោះស្រាយ។ ក្រុមកម្មកររោងចក្រ អ្នកបម្រើសេវាកម្សាន្ត និងអ្នកធ្វើការបម្រើតាមផ្ទះ បានជួបជុំគ្នានៅក្នុងវេទិកាយុវជនកម្មករ ស្ដីពី "បញ្ហាប្រឈម និងការទាមទារលក្ខខណ្ឌការងាររបស់ក្រុមកម្មករ" នៅថ្ងៃទី១៤ ខែមិថុនា នារាជធានីភ្នំពេញ។ ពួកគេបានអនុម័តចំនួន ៥ចំណុចសំខាន់ៗ កំពុងជួបប្រទះ និងទាមទារឲ្យរដ្ឋាភិបាលដោះស្រាយជូនពួកគេ។
-
ប្រធានសមាគមន៍មួយ ជំរុញរដ្ឋាភិបាលឲ្យយកចិត្តទុកដាក់ដល់សិទ្ធិកម្មករធ្វើការតាមផ្ទះ
ប្រធានសមាគមន៍សេដ្ឋកិច្ចក្រៅប្រព័ន្ធហៅកាត់ថា (IDEA) នៅព្រឹកថ្ងៃអាទិត្យនេះ បានជំរុញឲ្យរដ្ឋាភិបាលយកចិត្តទុកដាក់លើកម្មករធ្វើការតាមផ្ទះ ដោយអះអាងថា កម្មករមួយចំនួននៅតែមានការរំលោភសិទ្ធិពីសំណាក់ថៅកែ ។ លោក វន់ ពៅ បានមានប្រសាសន៍បែបនេះ ក្នុងកម្មវិធីទិវាកម្មករធ្វើការតាមផ្ទះអន្តរជាតិខួបលើកទី៤ ដែលធ្វើថ្ងៃទី១៤ ខែមិថុនា នៅមុខវត្តចាស់ ក្នុងសង្កាត់ជ្រោយចង្វា ត្រើយខាងកើតមុខវាំង ដោយមានអ្នកចូលរួមជាង ៣០០ នាក់ ។
-
រដ្ឋាភិបាល៖ ការភ្ជាប់មរណភាពលោក ជា ស៊ីម ទៅសាលាក្ដីខ្មែរក្រហមជារឿមួលបង្កាច់
ក្រសួងមហាផ្ទៃ ចេញសេចក្ដីថ្លែងការណ៍ឆ្លើយតបអង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ (Human Rights Watch) ដែលភ្ជាប់មរណភាពរបស់ប្រធានគណបក្សប្រជាជនកម្ពុជា លោក ជា ស៊ីម និងភាពបរាជ័យរបស់សាលាក្ដីខ្មែរក្រហមនោះថា ជាការចោទមិនឆ្លុះបញ្ចាំងពីការពិត និងគ្មានយុត្តិធម៌។ សេចក្ដីថ្លែងការណ៍របស់ក្រសួងមហាផ្ទៃ នៅថ្ងៃទី១៤ ខែមិថុនា ហៅការចោទប្រកាន់របស់ប្រធានអង្គការ យូមែន រ៉ៃត៍ វ៉ច្ឆ គឺលោក ប៊្រែដ អាដាម (Brad Adams) ចំពោះលោក ជា ស៊ីម ថា ជាការរៀបចំគ្រោងទុកជាមុន ក្នុងចេតនាមួលបង្កាច់ និងបង្កប់នូវគំនុំគំកួនបុគ្គលមកលើថ្នាក់ដឹកនាំកំពូលនៃព្រះរាជាណាចក្រកម្ពុជា។
-
អ្នកស្រុកមេមត់ថាអាជ្ញាធរវៀតណាមឃាត់មិនឱ្យឆ្លងកាត់ផ្លូវក្បែរតំបន់ដីជម្លោះ
ពលរដ្ឋនៅឃុំជាំ ស្រុកមេមត់ ខេត្តត្បូងឃ្មុំ មិនអាចធ្វើដំណើរឆ្លងកាត់តាមច្រកព្រំដែនក្បែរចំណុចដីមានជម្លោះដូចសព្វដងបានទេ ពីព្រោះមានឃាត់ពីសំណាក់អាជ្ញាធរវៀតណាម នៅទីនោះ។ សកម្មភាពហាមឃាត់ពលរដ្ឋខ្មែរកើតឡើងក្រោយពេលមានជម្លោះដីធ្លីជាមួយអាជ្ញាធរវៀតណាម កាលពីពេលកន្លងមក។ យ៉ាងណាមន្ត្រីប៉ូលិសប៉ុស្តិ៍បញ្ជាក់ថា ការបិទនោះ គឺបិទតែការនាំទំនិញចេញចូលប៉ុណ្ណោះ ប៉ុន្តែសម្រាប់មនុស្សវិញ គឺគេមិនហាមឃាត់ឡើយ។ ពលរដ្ឋនៅភូមិជើង ឃុំជាំ ត្រូវខកខានមិនអាចឆ្លងកាត់ ឬដឹកផលិតផលរបស់ខ្លួនដូចជាដំឡូង ជ័រ ឬកំណាត់ឈើចេញតាមច្រករបៀងក្នុងភូមិបានដោយជំនួសឱ្យការដឹកចេញទៅតាមច្រកតំបន់នៅឆ្ងាយៗពីភូមិរបស់ខ្លួនវិញ។ បញ្ហានេះ ធ្វើឱ្យពលរដ្ឋនៅភូមិជើង ត្រូវជួបបញ្ហាជីវភាពមួយចំណែក ពីព្រោះត្រូវចំណាយថវិកាមួយចំនួនបង់ឱ្យមន្ត្រីប៉ូលិសនៅក្នុងតំបន់ដែលពួកគេត្រូវនាំទំនិញចេញកាន់តែច្រើន។
-
ពលរដ្ឋ៣គ្រួសាររងផលប៉ះពាល់ដោយសារទំនប់វារីអគ្គិសនីនៅស្ទឹងត្រែងមិនទាន់ទទួលសំណង
ពលរដ្ឋ ៣គ្រួសារក្នុងខេត្តស្ទឹងត្រែង អះអាងថា ពួកគាត់នៅមិនទាន់ទទួលបានសំណងពីផលប៉ះពាល់នៃគម្រោងសាងសង់ទំនប់វារីអគ្គិសនីនៅឡើយ ខណៈដីចម្ការរបស់ពួកគាត់បានក្លាយជាផ្ទៃអាងទំនប់វារីអគ្គិសនីទៅហើយនោះ។ ពលរដ្ឋ ៣គ្រួសារ រស់នៅភូមិភ្លុក ឃុំភ្លុក ស្រុកសេសាន ទាមទារឲ្យអាជ្ញាធរខេត្ត និងតំណាងក្រុមហ៊ុនផ្ដល់សំណងដីចម្ការពួកគាត់ ដែលក្រុមហ៊ុនទំនប់វារីអគ្គិសនីឈូសឆាយតាំងពីចុងឆ្នាំ២០១៤។ ការទាមទារនេះធ្វើឡើងស្របពេលដែលពលរដ្ឋជាង ១០គ្រួសារផ្សេងទៀត មានដីចម្ការដូចគ្នាតែសុទ្ធតែទទួលបានសំណងផលប៉ះពាល់។
-
សំណុំរឿងឃាតកម្មលើព្រះសង្ឃខ្មែរកម្ពុជាក្រោមកាលពីដើមឆ្នាំ២០១៥ ត្រូវបានជំនុំជម្រះ
សាលាដំបូងរាជធានីភ្នំពេញ នៅថ្ងៃព្រហស្បតិ៍ ទី១១ ខែមិថុនា បានបើកសវនាការជំនុំជម្រះក្ដី ករណីឃាតកម្មលើព្រះសង្ឃខ្មែរកម្ពុជាក្រោម នៅវត្តសាមគ្គីរង្សី កាលពីដើមឆ្នាំ២០១៥ ដោយចោទប្រកាន់ជនជាប់ចោទពីបទ ហិង្សាដោយចេតនាមានស្ថានទម្ងន់ទោស ។ ព្រះសង្ឃដែលត្រូវបានធ្វើគត់មានព្រះនាម ថាច់ ខាន់ ព្រះជន្ម៣៧វស្សា មានកំណើតមកពីខេត្តឃ្លាំង ទឹកដីកម្ពុជាក្រោម មាននាទីជាគ្រូសូត្រឆ្វេងនៅវត្តសាមគ្គីរង្សី ។ សវនាការជំនុំជម្រះនោះធ្វើឡើង ដោយមានលោកតុប ឈុនហេង ចៅក្រមសាលាដំបូងរាជធានីភ្នំពេញ ជាប្រធានចៅក្រមប្រឹក្សាជំនុំជម្រះ ។ ក្នុងសវនាការនោះ តំណាងអយ្យការបានចោទប្រកាន់លើជនជាប់ចោទឈ្មោះ ចាន់ សុភក្ត្រ ហៅលី ទឹង ភេទប្រុសអាយុ១៧ឆ្នាំ ជាអតីតសាមណេ បួសរៀន និងស្នាក់នៅវត្តសាមគ្គីរង្សី ពីបទហិង្សាដោយចេតនាមានស្ថានទម្ងន់ទោស ។
-
អ្នកវិភាគជំរុញឲ្យកម្ពុជាប្ដឹងទៅតុលាការអន្តរជាតិបើវៀតណាមនៅតែបន្តឈ្លានពាន
ក្រុមអ្នកវិភាគព្រឹត្តិការណ៍នយោបាយ និងសង្គមកម្ពុជា លើកឡើងថា រដ្ឋាភិបាលកម្ពុជា គួរប្ដឹងទៅតុលាការយុត្តិធម៌អន្តរជាតិ (ICJ) ប្រសិនបើប្រទេសវៀតណាម នៅតែបន្តឈ្លានពានមកលើទឹកដីកម្ពុជា។ ការជំរុញរបស់អ្នកវិភាគបែបនេះ ធ្វើឡើងក្នុងពេលដែលប្រទេសវៀតណាម កំពុងបន្តមហិច្ឆតាឈ្លានពានយកទឹកដីប្រទេសកម្ពុជា នៅតាមតំបន់ព្រំដែនជាបន្តបន្ទាប់ រហូតដល់កម្ពុជា ធ្វើកំណត់ទូតតវ៉ាផ្លូវការពីការទន្ទ្រាននេះ។ បើទោះជារដ្ឋាភិបាលកម្ពុជា និងរដ្ឋាភិបាលវៀតណាម បានបង្ហាញនូវឆន្ទៈក្នុងការបង្កើនកិច្ចសហប្រតិបត្តិការជាមួយគ្នា ដើម្បីធ្វើឲ្យប្រទេសទាំងពីរក្លាយជាប្រទេសអ្នកភូមិផងរបងល្អជាមួយគ្នា ឬកសាងនូវព្រំដែនមិត្តភាព សហប្រតិបត្តិការ និងការអភិវឌ្ឍ ដោយឈរលើគោលការណ៍ស្មើភាព គោរពគ្នាទៅវិញទៅមកក្តី ប៉ុន្តែជារឿយៗ គេសង្កេតឃើញថា ភាគីវៀតណាម តែងតែរំកិលព្រំដែនចូលទន្ទ្រានមកលើដែនដីដែលជាអធិបតេយ្យភាពរបស់កម្ពុជា ដោយមិនមានខ្លាចរអាកម្ពុជា បន្តិចសោះឡើយ។
-
ក្រុមតំណាងរាស្ត្របក្សប្រឆាំងស្នើដោះស្រាយបញ្ហាវៀតណាមរំលោភចូលដីស្រែនៅស្វាយរៀង
តំណាងរាស្ត្រគណបក្សសង្គ្រោះជាតិ ជាច្រើនរូប នឹងដាក់លិខិតទាមទារឲ្យលោកនាយករដ្ឋមន្ត្រី ហ៊ុន សែន ដោះស្រាយបញ្ហាវៀតណាម រំលោភចូលដីស្រែចម្ការពលរដ្ឋខ្មែរជាង ៣០ហិកតារ នៅឃុំថ្នាធ្នង់ ស្រុករំដួល ខេត្តស្វាយរៀង។ ការទាមទារនេះ បន្ទាប់ពីក្រុមតំណាងរាស្ត្របក្សប្រឆាំង នៅថ្ងៃទី១៣ មិថុនា ដឹកនាំយុវជនជាច្រើន រួមទាំងព្រះសង្ឃផង ដើរពិនិត្យមើលចម្ការចន្ទី ៣០ហិកតារ ដែលពលរដ្ឋខ្មែរដាំតាំងពីឆ្នាំ១៩៧៩ ហើយពេលថ្មីៗនេះ អាជ្ញាធរវៀតណាម ហាមឃាត់មិនឲ្យប្រជាពលរដ្ឋខ្មែរម្ចាស់ដីប្រមូលផលឡើយ។ ទាក់ទិនបញ្ហានេះ មន្ត្រីប៉ូលិសព្រំដែនខ្មែរ មិនធ្វើអត្ថាធិប្បាយយ៉ាងណានោះទេ ដោយនិយាយថា ពួកគាត់មិនដឹងអ្វីទាំងអស់។
-
"យុវជនជាភ្នាក់ងារសំខាន់ទប់ស្កាត់អំពើហិង្សាលើស្ត្រីនៅកម្ពុជា"
មន្ត្រីរដ្ឋាភិបាល និងសង្គមស៊ីវិល លើកឡើងថា អ្នកដែលប្រព្រឹត្តអំពើហិង្សានៅកម្ពុជា ភាគច្រើនលើសលប់ជាបុរសដែលមានវ័យក្មេង ជាពិសេសអំពើហិង្សាទៅលើស្ត្រី។ កត្តានេះជាផ្នែកមួយ ដែលរាំងស្ទះដល់ការទប់ស្កាត់អំពើហិង្សានៅកម្ពុជា។ ទាំងមន្ត្រីរដ្ឋាភិបាល និងសង្គមស៊ីវិល យល់ថា ដើម្បីទប់ស្កាត់បញ្ហានេះ យុវជនគឺជាចលករសំខាន់ក្នុងការចូលរួមបញ្ឈប់អំពើហិង្សាលើស្ត្រី។ ក្នុងវេទិកាជជែកពិភាក្សាយុវជនស្ដីពី "ទស្សនៈយេនឌ័រ និងការចូលរួមរបស់យុវជនជាបុរស ដើម្បីទប់ស្កាត់អំពើហិង្សាលើស្ត្រី និងក្មេងស្រី" នាព្រឹកថ្ងៃទី១២ ខែមិថុនា ចាត់ទុកថា អំពើហិង្សាលើស្ត្រី និងក្មេងស្រីនៅកម្ពុជា នៅតែជាបញ្ហាក្តៅ ជាបញ្ហាអាទិភាព តម្រូវឲ្យមានដំណោះស្រាយប្រកបដោយប្រសិទ្ធភាព ដើម្បីពន្លឿនការអភិវឌ្ឍសង្គម និងប្រទេសជាតិប្រកបដោយសមធម៌។
-
អតីតបុគ្គលិកវិទ្យុសំបុកឃ្មុំបិទច្រកចូលវិទ្យុទាមទារឲ្យពន្លឿនបើកប្រាក់អតីតភាពការងារ
អតីតបុគ្គលិកវិទ្យុសំបុកឃ្មុំ បានបិទច្រកចេញចូលរបស់វិទ្យុនោះ ដើម្បីទាមទារឲ្យ លោក ម៉ម សូណង់ដូ ពន្លឿនការដោះស្រាយបើកប្រាក់អតីតភាពការងារដល់ពួកគេ។ ប៉ុន្តែការបិទច្រកចេញចូលនោះ ប៉ះពាល់ដល់ការងារបុគ្គលិកផ្សេងទៀតដែលកំពុងធ្វើការ បណ្ដាលឲ្យមានការប៉ះទង្គិចពាក្យសម្ដីគ្នាខ្លះ។ អតីតបុគ្គលិកវិទ្យុសំបុកឃ្មុំ ១០នាក់ បន្តលើកបដា និងស្រែកដាក់មេក្រូរិះគន់ លោក ម៉ម សូណង់ដូ នៅពីមុខស្ថានីយវិទ្យុនោះក្រោយពី លោក ម៉ម សូណង់ដូ នាយកវិទ្យុនេះមិនព្រមបើកប្រាក់អតីតភាពការងារឲ្យពួកគេ។ ឈានដល់ថ្ងៃទី៤ នៃការតវ៉ារបស់អតីតបុគ្គលិកវិទ្យុសំបុកឃ្មុំ ពួកគេបានបិទច្រកចេញចូលរបស់វិទ្យុ និងបានគរពោះវៀនកង់ជាច្រើន ត្រៀមដុតទាមទារឲ្យ លោក ម៉ម សូណង់ដូ ពន្លឿនការដោះស្រាយបើកប្រាក់អតីតភាពការងារ។ ប៉ុន្តែការបិទច្រកចេញចូលមិនឲ្យបុគ្គលិកដទៃចេញ និងចូលធ្វើការនេះ បានប៉ះទង្គិចពាក្យសម្ដីរវាងអ្នកឈប់ និងអ្នកបន្តធ្វើការ។
-
ក្រសួងនឹងពិភាក្សានៅខែក្រោយនេះពីការដំឡើងប្រាក់ឈ្នួលកម្មករបន្ថែម
ក្រសួងការងារនិងបណ្តុះបណ្តាលវិជ្ជាជីវៈ អះអាងថា ការពិភាក្សាដំឡើងប្រាក់ឈ្នួលបន្ថែមដល់កម្មករ នៅខែក្រោយនេះ នឹងប្រព្រឹត្តទៅដោយតម្លាភាព ខណៈការសម្រេចដំឡើងកាលពីឆ្នាំទៅ បង្កឲ្យផ្ទុះការតវ៉ា និងឈានទៅសម្លាប់កម្មករ ដើម្បីទប់ស្កាត់ស្ថានការណ៍ ។ កាលពីឆ្នាំទៅក្រសួងការងារនិងបណ្តុះបណ្តាលវិជ្ជាជីវៈបានដំឡើងប្រាក់ឈ្នួលកម្មករ អប្បបរមាដល់១២៨ដុល្លារ បន្ទាប់ពីក្រុមអ្នកតវ៉ា យ៉ាងតិច៥នាក់ត្រូវគេបាញ់សម្លាប់ និងជិត៤០នាក់ផ្សេងទៀតត្រូវបាញ់ឲ្យរងរបួស តាមបណ្តោយផ្លូវវ៉េងស្រេង រាជធានីភ្នំពេញ កាលពីថ្ងៃទី៣ ខែមករា ឆ្នាំ២០១៤ ។
-
ក្រសួងមហាផ្ទៃប្រតិកម្មនឹងអត្ថបទរបស់លោក Brad Adams អំពីលោកជា ស៊ីម
ភ្នំពេញ—លោកនាយឧត្តមសេនីយ៍ឯក ខៀវ សុភ័គ អ្នកនាំពាក្យក្រសួងមហាផ្ទៃ គ្រោងនឹងដាក់លិខិតមួយច្បាប់ទៅលោក ប្រេដ អាដាម៍ (Brad Adams) នាយកអង្គការឃ្លាំមើលសិទ្ធិមនុស្សប្រចាំតំបន់អាស៊ី ដើម្បីទាមទារឱ្យធ្វើការ«សុំទោស»ដល់សពលោក ជា ស៊ីម អតីតប្រធានគណបក្សប្រជាជនកម្ពុជា ទាក់ទងនិងអត្ថបទរបស់លោក ដែលនិយាយអំពីតួនាទីរបស់លោក ជា ស៊ីម នៅក្នុងរបបខ្មែរក្រហម។
-
កម្មករប្រមាណ២ពាន់នាក់នៅរោងចក្រគ័នថេកខេត្តតាកែវទាមទារប្រាក់ខែគោល១២៨ដុល្លារ
កម្មករកម្មការិនីប្រមាណ ២ពាន់នាក់នៅរោងចក្រផលិតគ្រឿងអេឡិចត្រូនិក គ័នថេក កម្ពុជា (KUAN TECH) ក្នុងស្រុកត្រាំកក់ ខេត្តតាកែវ ធ្វើបាតុកម្ម ៣ថ្ងៃជាប់គ្នា ទាមទារប្រាក់ខែគោលឲ្យបាន ១២៨ដុល្លារតាមរដ្ឋាភិបាលប្រកាស។ កម្មការិនីឈ្មោះ ជុំ ស្រីអូន ឲ្យដឹងថា រដ្ឋាភិបាលប្រកាសថា កម្មករម្នាក់ត្រូវបានប្រាក់ខែគោល ១២៨ដុល្លារក្នុង ១ខែ ប៉ុន្តែថៅកែបើកឲ្យពួកគាត់តែ ១២៣ដុល្លារ ទើបកម្មករដែលធ្វើការ ៥ខែឡើង ទៅនាំគ្នាសាកសួរ។ នៅរសៀលថ្ងៃទី១១ ខែមិថុនា ថៅកែជនជាតិចិន រកទះកំផ្លៀងគាត់នៅពេលគាត់ហៅកម្មករដទៃឲ្យចូលរួមតវ៉ា ព្រោះថៅកែមិនគោរពច្បាប់ក្នុងប្រទេស។ កម្មករដទៃឃើញដូច្នេះ ក៏លើកគ្នាតវ៉ាចាប់ពីថ្ងៃទី១១ ខែមិថុនា មក ទាមទារឲ្យថៅកែបំពេញសិទ្ធិកម្មករទាំងអស់ និងដំឡើងប្រាក់ខែឲ្យបាន ១២៨ដុល្លារ តាមរដ្ឋាភិបាលប្រកាសផង៖ «អ្នកដែលចូលខែ២ ថ្ងៃទី៦ ក៏គេអត់ទាន់ឲ្យពេញសិទ្ធិដែរ គេថាឲ្យផាត់ខែ២ ចោល គេគិតយកខែ៣ បានគេថាគ្រប់បីខែ ព្រោះដល់ខែហ្នឹងគេអត់គិតឲ្យបានតែ ១២៣ ហ្នឹង បានបងៗកម្មករនាំគ្នាតវ៉ា»។
-
ពលរដ្ឋប្ដឹងមេបញ្ជាការកងរាជអាវុធហត្ថស្រុកកែវសីមាថាប្រើហិង្សានិងគំរាមកំហែង
ប្រជាពលរដ្ឋរស់នៅភូមិស្រែអំពិល ឃុំស្រែខ្ទុំ ស្រុកកែវសីមា ខេត្តមណ្ឌលគិរី ប្ដឹងមេបញ្ជាការកងរាជអាវុធហត្ថស្រុក ពីបទដឹកនាំកងកម្លាំងចាប់អ្នកភូមិដាក់ខ្នោះ និងវាយដំរាងកាយ ទាក់ទិនជម្លោះទាមទារដីស្រែ ៧១ហិកតារ។ ចំណែកមេបញ្ជាការកងរាជអាវុធហត្ថខេត្តបដិសេធថា មន្ត្រីកងរាជអាវុធហត្ថមិនបានប្រើអំពើហិង្សាដូចការចោទនោះទេ។ មន្ត្រីឃ្លាំមើលសិទ្ធិមនុស្ស នៅថ្ងៃទី១៣ ខែមិថុនា អំពាវនាវសុំឲ្យមន្ត្រីអយ្យការតុលាការខេត្តមណ្ឌលគិរី ស៊ើបអង្កេតពាក្យប្ដឹងចោទប្រកាន់របស់ប្រជាពលរដ្ឋ ដើម្បីរកឲ្យឃើញថា តើមន្ត្រីកងរាជអាវុធហត្ថ ពិតជាបានប្រព្រឹត្តអំពើផ្ទុយនឹងវិន័យកងទ័ព រំលោភច្បាប់ និងសិទ្ធិមនុស្ស ឬយ៉ាងណា?
-
របាយការណ៍៖ ចំនួនជនរងគ្រោះនៃការជួញដូរផ្លូវភេទជាកុមារកំពុងថយចុះ
វ៉ាស៊ីនតោន—កាលពីថ្ងៃច័ន្ទ ទី៨ ខែមិថុនាកន្លងទៅនេះ ការស្រាវជ្រាវជាទូទៅមួយអំពីការជួញដូរផ្លូវភេទលើកុមារនៅកម្ពុជា បានរកឃើញថា ចំនួនជនរងគ្រោះនៃការជួញដូរផ្លូវភេទជាកុមារនៅកម្ពុជាកំពុងថយចុះ។ ការស្រាវជ្រាវជាទូទៅរបស់អង្គការបេសកកម្មយុត្តិធម៌អន្តរជាតិ ឬ International Justice Mission (IJM) ដែលជាអង្គការមួយដែលស៊ើបអង្កេតអំពីស្ថានភាពការជួញដូរផ្លូវភេទលើកុមារនៅកម្ពុជា បានរកឃើញថា ចំនួនកុមារកម្ពុជា អាយុចាប់ពី១៧ឆ្នាំចុះក្រោម ដែលជាជនរងគ្រោះនៃការជួញដូរផ្លូវភេទបានថយចុះគួរឲ្យកត់សម្គាល់ពី៨,៦ភាគរយនៅឆ្នាំ២០១២ មកត្រឹម២,២ភាគរយមកត្រឹមខែមិនា ឆ្នាំ២០១៥នេះ។
គាំទ្រដោយ
