កំពុងស្វែងរកទិន្នន័យ
រកឃើញ: 13.090
-
កម្មករអូសរទេះដែលរបួសធ្ងន់ក្នុងបាតុកម្មនៅប៉ោយប៉ែតប្ដឹងសមត្ថកិច្ចទារសំណងជំងឺចិត្ត
កម្មករអូសរទេះដែលរងរបួសធ្ងន់ពីការប៉ះទង្គិចគ្នាជាមួយសមត្ថកិច្ច ពេលធ្វើបាតុកម្មតវ៉ាកាលពីថ្ងៃទី២៥ ឧសភា នៅមុខការិយាល័យគយ និងរដ្ឋាករក្រុងប៉ោយប៉ែត ខេត្តបន្ទាយមានជ័យ ប្ដឹងសមត្ថកិច្ចទៅតុលាការ ទាមទារសំណងជំងឺចិត្ត។ កម្មករអូសរទេះអះអាងថា មូលហេតុដែលគេសម្រេចដាក់ពាក្យប្ដឹងនេះ ដោយសារខ្លួនទន្ទឹងរង់ចាំសមត្ថកិច្ចចាត់វិធានការជនដែលបង្ករបួសស្នាម ផ្ដន្ទាទោសតាមផ្លូវច្បាប់ជិត ២សប្ដាហ៍មកហើយ តែពុំទទួលបានលទ្ធផល។
-
ពលរដ្ឋមានវិវាទដីនៅត្បូងឃ្មុំសូមឲ្យអាជ្ញាធរឆាប់ចរចាផ្តល់សំណង
អ្នកភូមិរស់នៅក្នុងឃុំស្រឡប់ ស្រុកត្បូងឃ្មុំ បានដាក់ពាក្យបណ្តឹង ទៅសមាគមអាដហុក កាលពីម្សិលមិញ ឲ្យជួយអន្តរាគមន៍ទៅអាជ្ញាធរដើម្បីពន្លឿនការចរចាផ្តល់សំណងលើដីប៉ះពាល់ ដែលកំពុងឈូសឆាយធ្វើការសាងសង់សាលាខេត្ត និងហេដ្ឋារចនាសម្ព័ន្ធផ្សេងទៀត របស់ខេត្តដែលទើបបង្កើតថ្មីមួយនេះ។
-
ក្មេងប្រុសជំទង់ម្នាក់សារភាពថា បានរំលោភក្មេងស្រីក្បែរខាងនៅវាលស្រែ
ក្រុមមន្ត្រីមូលដ្ឋានបានលើកឡើងកាលពីម្សិលមិញថា ក្មេងប្រុសជំទង់ម្នាក់សារភាពថា បានរំលោភក្មេងស្រីជិតខាងខ្លួនអាយុ១០ឆ្នាំនៅក្នុងវាលស្រែមួយកាលពីខែមុន បន្ទាប់ពីក្មេងប្រុសរូបនេះត្រូវបានចាប់ខ្លួននៅផ្ទះរបស់វាតែម្ដងនៅក្នុងខេត្តបាត់ដំបងកាលពីថ្ងៃពុធ។
-
HRW ជំរុញឲ្យរាជរដ្ឋាភិបាលកម្ពុជាបង្ហាញសេចក្តីព្រាងច្បាប់សហជីព
អង្គការឃ្លាំមើលសិទ្ធិមនុស្សដែលមានមូលដ្ឋាននៅសហរដ្ឋអាមេរិក កាលពីថ្ងៃម្សិលមិញ បានជំរុញឲ្យរាជរដ្ឋាភិបាលកម្ពុជា បង្ហាញជាសាធារណៈនូវសេចក្តីព្រាងចុងក្រោយនៃច្បាប់ស្តីពីសហជីព និងត្រូវឲ្យមានការពិគ្រោះយោបល់ជាមួយភាគីពាក់ព័ទ្ធទាំងអស់មុននឹងធ្វើការអនុម័តដើម្បីឲ្យការធ្វើច្បាប់នេះ មានតម្លាភាព និងស្របទៅតាមបទដ្ឋានសិទ្ធិការងារអន្តរជាតិ។
-
សមត្ថកិច្ចទប់ស្កាត់កម្មកររោងចក្រ M&V មិនឲ្យហែក្បួន
នគរបាលខណ្ឌមានជ័យ បានធ្វើការរារាំងកម្មករកាត់ដេរជាង ១០០០ នាក់ នៅរោងចក្រ M & V មិនឲ្យដើរដង្ហែក្បួនមកតវ៉ានៅមុខក្រសួងការងារដើម្បីឲ្យក្រសួងនេះជួយអន្តរាគមន៍លើការទាមទារលក្ខខណ្ឌមួយចំនួនខណៈដែលពួកគេបានធ្វើកូដកម្មនៅមុខរោងចក្រ ដោយពុំមានដំណោះស្រាយ អស់រយៈពេលជាងពីរសប្តាហ៍មកហើយ។
-
សេចក្តីព្រាងថ្មីនៃច្បាប់ស្ដីពីអង្គការមិនមែនរដ្ឋាភិបាលអាក្រក់ជាងសេចក្ដីព្រាងចុងក្រោយឆ្ងាយ
សម្ព័ន្ធអង្គការមិនមែនរដ្ឋាភិបាលដ៏ធំមួយអះអាងថា ខ្លួនបានឃើញច្បាប់ចម្លងបែកធ្លាយនៃសេចក្ដីព្រាងច្បាប់ថ្មីដ៏ចម្រូងចម្រាសមួយដែលមានបំណងគ្រប់គ្រងអង្គការមិនមែនរដ្ឋាភិបាលរាប់រយនៅក្នុងប្រទេសកម្ពុជា ហើយថា សំណៅសេចក្តីព្រាងចុងក្រោយបំផុតនេះបង្ហាញពីការដើរថយក្រោយយ៉ាងខ្លាំង។
-
កម្មកររោងចក្រ M&V ត្រូវបានរារាំងមិនឲ្យហែក្បួនទៅភូមិគ្រឹះលោកនាយករដ្ឋមន្ត្រី
អាជ្ញាធរបានរារាំងកម្មកររោងចក្រកាត់ដេរជាង៥០០នាក់ដែលធ្វើកូដកម្មមិនឲ្យហែក្បួនទៅកាន់ភូមិគ្រឹះលោកនាយករដ្ឋមន្ត្រី ហ៊ុន សែន ក្នុងរាជធានីភ្នំពេញកាលពីម្សិលមិញជាផ្នែកមួយនៃការតវ៉ាទាមទារដំឡើងប្រាក់ខែ និងលក្ខខណ្ឌការងារល្អប្រសើរ។ មន្ត្រីនគរបាល និងសន្តិសុខខណ្ឌមានជ័យប្រហែល៥០នាក់ បានរារាំងកម្មករមកពីរោងចក្រ M&V International Manufacturing មិនឲ្យហែក្បួនកាត់ស្ពានអាកាសក្បាលថ្នល់ឆ្ពោះទៅកណ្ដាលរាជធានីនៅម៉ោងប្រហែល៩ព្រឹក។
-
ប្រជាពលរដ្ឋសំដែងការបារម្ភត្បិតអាជ្ញាធរគំរាមពួកគាត់មិនឱ្យតវ៉ារឿងដីធ្លី
ប្រជាពលរដ្ឋជាច្រើនគ្រួសារ ចំនួន៥ភូមិនៅឃុំអូរ ឃុំត្រែងត្រយឹង និងឃុំដំបូករូង បានសំដែងនូវការបារម្ភត្បិតរហូតមកដល់ពេលនេះអាជ្ញាធរ និងសមត្ថកិច្ចនគរបាលស្រុកភ្នំស្រួចបានចុះទៅដល់លំនៅឋានពួកគាត់ និងបាននិយាយគំរាមថា បើអ្នកណាទៅចូលរួមតវ៉ារឿងដីធ្លីទៀតនោះខាងសមត្ថកិច្ចនឹងចាត់វិធានការតាមផ្លូវច្បាប់។
-
កម្មកររោងចក្រMVប្រមាណ៥០០នាក់ហែក្បួនទៅតវ៉ានៅក្រសួងការងារ
កម្មកររោងចក្រMV1 និងMV3មានទីតាំងស្ថិតនៅសង្កាត់ចាក់អង្រែក្រោម ខណ្ឌមានជ័យប្រមាណជា៥០០នាក់កំពុងធ្វើដំណើរឆ្ពោះទៅក្រសួងការងារដើម្បីទាមទារលក្ខខណ្ឌចំនួន៣ ក្នុងលក្ខខណ្ឌចំនួន១៩ចំណុច ដែលបានដោះស្រាយហើយ។
-
អ្នកអូសរទេះដែលរងការវាយដំ ដាក់ពាក្យបណ្តឹងប្តឹងកងរាជអាវុធហត្ថ
អ្នកឃ្លាំមើលសិទ្ធិមនុស្សម្នាក់បាននិយាយកាលពីម្សិលមិញថា អ្នកអូសរទេះម្នាក់ដែលត្រូវបានកងរាជអាវុធហត្ថវាយរហូតដល់សន្លប់អំឡុងការតវ៉ាកាលពីថ្ងៃទី២៦ ខែឧសភា នៅក្នុងក្រុងប៉ោយប៉ែត្រ ដែលបង្កឲ្យមានការវាយប្រហារលើការិយាល័យគយក្នុងមូលដ្ឋាននោះ កាលពីថ្ងៃសុក្រ បានដាក់ពាក្យបណ្តឹងទៅតុលាការទាមទារសំណងចំនួន១០.០០០ដុល្លារពីអ្នកវាយរូបគាត់។
-
លក់អស់ទ្រព្យសម្បត្តិដើម្បីស្វែងរកយុត្តិធម៌ក្នុងជម្លោះជាមួយក្រុមហ៊ុនស្ករស
អ្នកស្រី ហុយ ម៉ៃ បានបាត់បង់គ្រប់យ៉ាង ដោយសារតែតម្រូវការលើពិភពលោកដែលត្រូវការស្ករ និងជីវឥន្ធនៈតម្លៃថោក។ ស្រ្តីអាយុ ៥៤ ឆ្នាំ មានកូន ៨ នាក់រូបនេះ បានខិតខំតស៊ូប្រឆាំងជាមួយក្រុមហ៊ុន Mitre Phol ដែលជាក្រុមហ៊ុនស្ករសដ៏ធំបំផុតនៅអាស៊ី និងអ្នកផ្គត់ផ្គង់ដ៏សំខាន់មួយក្នុងចំណោមអ្នកផ្គត់ផ្គង់ធំបីរបស់ក្រុមហ៊ុន កូកាកូឡា។
-
អង្គភាពប្រឆាំងអំពើពុករលួយជួបប្រជុំជាមួយអង្គការមូលនិធិសាកលជុំវិញករណីសូកប៉ាន់
អង្គភាពប្រឆាំងអំពើពុករលួយ (ACU) បានជួបប្រជុំជាមួយបុគ្គលិកអង្គការមូលនិធិសាកល (Global Fund) ប្រយុទ្ធនឹងជំងឺអេដស៍ របេង និងគ្រុនចាញ់ដែលមកបំពេញទស្សនកិច្ច កាលពីសប្តាហ៍មុនដើម្បីតាមដានបន្តនូវការចោទប្រកាន់របស់អង្គការនេះដែលថា អតីតមន្ត្រីសុខាភិបាលម្នាក់បានទទួលប្រាក់សំណូកប្រហែល៣៥០.០០០ដុល្លារក្នុងការទទួលបានកិច្ចសន្យាពាក់ព័ន្ធមុង។
-
និស្សិតសាកលវិទ្យាល័យអន្តរជាតិតវ៉ារឿងសញ្ញាបត្រ
និស្សិតបញ្ចប់ការសិក្សានៅសាកលវិទ្យាល័យអន្តរជាតិហៅកាត់ថា IU ជិត ២០០ នាក់បានប្រមូលផ្តុំតវ៉ានៅ មុខសាកលវិទ្យាល័យកាលពីម្សិលមិញ ដើម្បីទាមទារឲ្យភាគីខាងសាលាដោះស្រាយរឿងសញ្ញាបត្រធ្វើយ៉ាងណាឲ្យពួកគេអាចសុំសិទ្ធិប្រឡងក្របខ័ណ្ឌរដ្ឋបានទាន់ពេលវេលា។
-
មន្ត្រីសិទ្ធិមនុស្សសាទរការបង្ក្រាបក្រុមជួញដូរស្ត្រីឆ្លងដែនទៅប្រទេសចិន
ក្រុមជនជាប់សង្ស័យជួញដូរស្ត្រីឆ្លងដែនខុសច្បាប់ពីខេត្តរតនគិរី ខេត្តតាកែវ ខេត្តកំពង់ចាម ទៅរៀបការជាមួយបុរសចិន ច្រើនករណី ត្រូវបានសមត្ថកិច្ចប៉ូលិសបង្ក្រាបបាន។ ករណីនេះ អ្នកឃ្លាំមើលសិទ្ធិមនុស្ស អំពាវនាវសុំឲ្យស្ថាប័នតុលាការស៊ើបអង្កេតរកភស្តុតាងដាក់បន្ទុកជនជាប់ចោទទាំងនោះ ដើម្បីធ្វើការផ្ដន្ទាទោសពួកគេសមស្របទៅនឹងសកម្មភាពដែលពួកគេបានប្រព្រឹត្តមកលើស្ត្រីខ្មែរ។
-
អង្គការអន្តរជាតិជំរុញឲ្យកម្ពុជាផ្ដន្ទាទោសអ្នករំលោភសិទ្ធិមនុស្សចាប់ពីឆ្នាំ២០១២
អង្គការការពារសិទ្ធិមនុស្សអន្តរជាតិ (Amnesty International) ជំរុញឲ្យរដ្ឋាភិបាលកម្ពុជា វែកមុខ និងនាំខ្លួនអ្នកទទួលខុសត្រូវចំពោះអំពើរំលោភសិទ្ធិមនុស្សចាប់តាំងពីឆ្នាំ២០១២ ទៅតុលាការ ដើម្បីរកយុត្តិធម៌ជូនជនរងគ្រោះ។ របាយការណ៍ដែលដាក់ចំណងជើងថា ការចេញតវ៉ាតាមថ្នល់៖ សេរីភាពនៃការជួបជុំដោយសន្តិវិធីនៅកម្ពុជា (Taking to the Streets: Freedom of Peaceful Assembly in Cambodia) លាតត្រដាងយ៉ាងលម្អិតអំពីកងកម្លាំងនៃអាជ្ញាធរក្រុងភ្នំពេញ ដែលបានបាញ់សម្លាប់ និងវាយបង្ក្រាបក្រុមបាតុករអ្នកតវ៉ាហួសពីភាពស្របច្បាប់ ដែលរហូតមកដល់ពេលនេះ ជនរងគ្រោះទាំងនោះមិនទាន់ទទួលបានយុត្តិធម៌នៅឡើយ។ របាយការណ៍ ក៏បានជំរុញឲ្យរដ្ឋាភិបាល បើកវគ្គបណ្តុះបណ្តាលដល់កងកម្លាំងសន្តិសុខអំពីវិធីឆ្លើយតបចំពោះបាតុកម្មនានា តាមរបៀបគោរពច្បាប់សិទ្ធិមនុស្សអន្តរជាតិផងដែរ។
-
សាលារាជធានីភ្នំពេញ៖ បញ្ហាដីធ្លីបឹងកក់នៅសល់មិនដល់១០គ្រូសារទៀតទេ
អ្នកនាំពាក្យសាលារាជធានីភ្នំពេញ លោក ឡុង ឌីម៉ង់ បានបញ្ជាក់ប្រាប់វិទ្យុបារាំងថាបញ្ហាជម្លោះដីធ្លីនៅតំបន់បឹងកក់ ដោះស្រាយជិតរួចរាល់ហើយ។ លោកថាមកដល់ពេលនេះ គឺសាលាក្រុងដោះស្រាយបាន៩០ភាគរយហើយ ចាប់តាំងពីពេលមានបញ្ហានេះមក។ តែអ្នកតំណាងសហគមន៍បឹងកក់ បានបញ្ជាក់ថា ការដោះស្រាយបច្ចុប្បន្ននេះគ្រាន់តែជាការសន្យាលើក្រដាសតែប៉ុណ្ណោះ។
-
ទីបំផុត រដ្ឋាភិបាលអនុម័តសេចក្ដីព្រាងច្បាប់ស្ដីពីអង្គការមិនមែនរដ្ឋាភិបាលហើយ
អ្នកនាំពាក្យរដ្ឋាភិបាលបានបញ្ជាក់ថា កាលពីថ្ងៃសុក្រ ទីស្ដីការគណៈរដ្ឋមន្ត្រីបានអនុម័តសេចក្ដីព្រាងច្បាប់ស្ដីពីអង្គការមិនមែនរដ្ឋាភិបាលដែលរងការរិះគន់យ៉ាងខ្លាំង ដោយដកពីរមាត្រាចេញដើម្បីធ្វើឲ្យការចុះបញ្ជី “មានលក្ខណៈសាមញ្ញ និងងាយស្រួលសម្រាប់អង្គការមិនមែនរដ្ឋាភិបាល” ហើយគ្រោងនឹងបញ្ជូនច្បាប់នេះទៅរដ្ឋសភានៅសប្ដាហ៍ក្រោយ។
-
គ.ជ.ប កំពុងរៀបចំអគ្គលេខាធិការដ្ឋានថ្មី
គណៈកម្មាធិការជាតិរៀបចំការបោះឆ្នោត គ.ជ.ប កំពុងបន្តរៀបចំអគ្គលេខាធិការដ្ឋានថ្មី ដែលទំនងជាអាចធ្វើការផ្លាស់ប្តូរ លោក ទេព នីថា ចេញពីកន្លែងប្រតិបត្តិនេះផងដែរ ដើម្បីធ្វើយ៉ាងណាឲ្យស្ថាប័នជាតិកំពូលមួយនេះមានភាពឯករាជ្យពិតប្រាកដ។
-
ក្មេងប្រុសជំទង់ម្នាក់សារភាពថា បានរំលោភក្មេងស្រីក្បែរខាងនៅវាលស្រែ
ក្រុមមន្ត្រីមូលដ្ឋានបានលើកឡើងកាលពីម្សិលមិញថា ក្មេងប្រុសជំទង់ម្នាក់សារភាពថា បានរំលោភក្មេងស្រីជិតខាងខ្លួនអាយុ១០ឆ្នាំនៅក្នុងវាលស្រែមួយកាលពីខែមុន បន្ទាប់ពីក្មេងប្រុសរូបនេះត្រូវបានចាប់ខ្លួននៅផ្ទះរបស់វាតែម្ដងនៅក្នុងខេត្តបាត់ដំបងកាលពីថ្ងៃពុធ។
-
អង្គការធំមួយសូមឲ្យរដ្ឋាភិបាលបញ្ឈប់វដ្តរំលោភសិទ្ធិមនុស្ស
អង្គការសិទិ្ធមនុស្សធំមួយកាលពីម្សិលមិញ បានអំពាវនាវដល់រដ្ឋាភិបាលឲ្យបញ្ឈប់ «វដ្តរំលោភសិទ្ធិមនុស្ស និងនិទ្ទណ្ឌភាព» ដែលអង្គការនេះបានលើកឡើងថា វាជាបញ្ហាញាំញីព្រះរាជាណាចក្រកម្ពុជា នាប៉ុន្មានឆ្នាំចុងក្រោយនេះ។ ក្នុងរបាយការណ៍មួយ ដែលមានចំណងជើងថា Taking to the Streets អង្គការលើកលែងទោសអន្តរជាតិ បានបង្ហាញពីហេតុការណ៍នៃអំពើហិង្សា និងភាពអយុត្តិធម៌ ក្នុងរយៈពេលច្របូកច្របល់ ២ ឆ្នាំកន្លងមកនេះ ដោយប្រជាពលរដ្ឋបានរងរបួសត្រូវបានសម្លាប់ និងបាត់ខ្លួន ដោយសារតែធ្វើការតវ៉ាដើម្បីសិទ្ធិរបស់ពួកគេ។
គាំទ្រដោយ
