កំពុងស្វែងរកទិន្នន័យ
រកឃើញ: 13.090
-
កម្មករសំណង់ចិន៩៥នាក់តវ៉ានិងចង់ទៅស្រុកវិញ
ជនជាតិចិន៩៥នាក់ដែលធ្វើការនៅការដ្ឋានសំណង់លើកោះពេជ្រ បានតវ៉ានៅក្រៅស្ថានទូតចិនកាលពីថ្ងៃសុក្រ ហើយបន្ទាប់មកបានទៅការិយាល័យសង្កាត់នៅថ្ងៃសៅរ៍ដើម្បីដាក់ពាក្យបណ្តឹងតវ៉ានឹងនិយោជករបស់ពួកគេ ចំពោះការដកហូតលិខិតឆ្លងដែនរបស់ខ្លួន។
-
សេរីភាពតាមប្រព័ន្ធអ៊ីនធឺណិតកំពុងទទួលរងការគំរាមកំហែង
ខណៈលទ្ធភាពប្រើប្រាស់អ៊ីនធឺណិតបានរីករាលដាលយ៉ាងលឿនក្នុងចំណោមប្រជាជនកម្ពុជា «ជំហានដែលទើបត្រូវបានបង្កើតថ្មីសម្រាប់សេរីភាពនៃការបញ្ចេញមតិ» កំពុងស្ថិតនៅក្រោមការវាយប្រហារខ្លាំងឡើងពីរដ្ឋាភិបាល។ នេះបើតាមអង្គការសិទ្ធិមនុស្សដែលបានលើកឡើង
-
អ្នករាយការណ៍ពិសេសអ.ស.បស្ដីពីសិទ្ធិមនុស្សលើកពេលមកបំពេញទស្សនកិច្ចនៅកម្ពុជា
មន្ត្រីជាន់ខ្ពស់នៃការិយាល័យឧត្ដមស្នងការអង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជាមួយរូបឲ្យដឹងថា នៅថ្ងៃទី១៨ ឧសភាថា អ្នកស្រី រ៉ូណា ស្មីត (Rhona Smith) អ្នករាយការណ៍ពិសេសអង្គការសហប្រជាជាតិទទួលបន្ទុកសិទ្ធិមនុស្សថ្មីប្រចាំកម្ពុជា បានលើកពេលមកបំពេញ ទស្សនកិច្ចនៅកម្ពុជាហើយ។
-
អង្គការលីកាដូ៖ រដ្ឋាភិបាលចង់ប្រើប្រាស់ច្បាប់ ដើម្បីកាត់បន្ថយទស្សនៈរិះគន់
នៅក្នុងរបាយការណ៍កម្រាស់៣០ទំព័រ ដែលចេញផ្សាយនៅថ្ងៃអាទិត្យម្សិលមិញ អង្គការ ការពារសិទ្ធិមនុស្សលីកាដូ បានបង្ហាញអំពីការរកឃើញថ្មីរបស់ ខ្លួន ជុំវិញការគម្រាមកំហែង ចំពោះសេរីភាពសារព័ត៌មាន។ បើតាមរបាយការណ៍របស់អង្គការលីកាដូ រដ្ឋាភិបាលកម្ពុជាចង់ប្រើប្រាស់ច្បាប់ ដើម្បីកាត់បន្ថយនូវទស្សនៈរិះគន់នានា ខណៈដែលការប្រើប្រាស់អ៊ីនធឺណែតនៅកម្ពុជា មានការកើនឡើងខ្លាំង។
-
សកម្មជនគំរាមតវ៉ាប្រឆាំងលោក ហោ ណាំហុង រដ្ឋមន្ត្រីក្រសួងការបរទេស
ប្រធានសហព័ន្ធនិស្សិតបញ្ញវន្តកម្ពុជាបានលើកឡើងកាលពីម្សិលមិញថា លោកមានគម្រោងធ្វើការតវ៉ាដើម្បីទាមទារឲ្យលោក ហោ ណាំហុង រដ្ឋមន្ត្រីក្រសួងការបរទេសសូមអភ័យទោសចំពោះការដែលនិយាយថា ដីទំហំ១៦,៦ហិកតាដែលមានវិវាទនៅតាមព្រំប្រទល់ខេត្តត្បូងឃ្មុំជារបស់វៀតណាមនោះ។
-
អាជ្ញាធរសន្យាផ្តល់ដីនៅកន្លែងដែលមានវិវាទដល់គ្រួសារដែលមិនមានដីធ្លីក្នុងខេត្តកំពត
មន្ត្រីខេត្តកំពតម្នាក់បានលើកឡើងកាលពីម្សិលមិញថា គ្រួសារអ្នកភូមិគ្មានដីធ្លីដែលរស់នៅខុសច្បាប់លើដីដែលមានវិវាទទំហំ១.៣០០ហិកតានៅក្នុងស្រុកឈូក ជាកន្លែងដែលសកម្មជនជានិស្សិតរាប់រយនាក់បានចុះទៅមើលកាលពីម្សិលមិញនោះ នឹងទទួលបានដីនៅទីនោះ។
-
សេចក្តីថ្លែងការណ៍រួមរបស់អង្គការសង្គមស៊ីវិល ស្តីអំពីសេចក្តីព្រាងច្បាប់ស្តីពីសមាគមនិងអង្គការមិនមែនរដ្ឋាភិបាល
នៅថ្ងៃទី០៧ ខែមេសា ឆ្នាំ២០១៥ អង្គការសង្គមស៊ីវិលដែលមានតំណាងមកពីអង្គការសម្ព័ន្ធសមាជិកភាពបណ្តាញយុវជន បណ្តាញយេនឌ័រ និងបណ្តាញស្រ្តី អង្គការសិទ្ធិមនុស្ស និងអង្គការអភិវឌ្ឍនៅក្នុងប្រទេសកម្ពុជាបានពិភាក្សាគ្នាអំពីការអំពាវនាវរបស់នាយករដ្ឋមន្រ្តីនៃរាជរដ្ឋាភិបាលកម្ពុជានាពេលថ្មីៗនេះ ពាក់ព័ន្ធនឹងសេចក្តីព្រាងច្បាប់ស្តីពីសមាគមនិងអង្គការមិនមែនរដ្ឋាភិបាលដែលនឹងត្រូវបញ្ចូនទៅទីស្តីការគណៈរដ្ឋមន្រ្តីនៅក្នុង ខែឧសភា ឆ្នាំ២០១៥ ហើយនឹងត្រូវដាក់ជូនរដ្ឋសភាធ្វើការអនុម័តនាពេលដ៏ឆាប់ខាងមុខនេះ ។
អានបន្ត -
ពលរដ្ឋតំបន់កូនកុក មិនព្រមចាកចេញពីដីទេទោះបីជាឲ្យលុយក្តី
ប្រជាពលរដ្ឋនៅតំបន់កូនកុក ខេត្តកោះកុង នៅថ្ងៃសៅរ៍ម្សិលមិញ បាននាំគ្នាតវ៉ាប្រឆាំងនឹងក្រុមហ៊ុនចិន Union Development group ដែលបានយកគ្រឿងចក្រកាយប្រឡាយធ្វើឲ្យប៉ះពាល់ដល់ដីដំណាំរបស់ប្រជាជន។ លោកអភិបាលស្រុកគិរីសាគរ ឃឹម ចន្ទឌី ប្រាប់វិទ្យុបារាំងនៅថ្ងៃអាទិត្យនេះ ថាពលរដ្ឋមិនអាចតាំងទីលំនៅនៅតំបន់កូនកុកនោះទេ ដោយដីត្រូវអភិវឌ្ឍហើយថាគួរតែមានដំណោះស្រាយផ្សេង។ ប៉ុន្តែតំណាងប្រជាពលរដ្ឋបានបង្ហាញជំហរថាពលរដ្ឋទាំងនោះ មិនព្រមចាកចេញពីដីទេ ទោះបីជាផ្តល់សំណងជាប្រាក់ក្តី។
-
ខ្មែរ | ព័ត៌មានថ្មីៗ | ដីធ្លី ជនជាតិភាគតិច១២គ្រួសារនៅស្ទឹងត្រែងចោទអាជ្ញាធរថាឲ្យឈ្មួញកាប់រានដីកំពុងមានទំនាស់
ពលរដ្ឋជនជាតិដើមភាគតិច ១២គ្រួសាររស់នៅក្នុងស្រុកថាឡាបរិវ៉ាត់ ខេត្តស្ទឹងត្រែង ចោទអាជ្ញាធរពាក់ព័ន្ធ ថាបណ្ដោយឲ្យឈ្មួញចំណាកស្រុកចូលទៅដាំដំណាំ និងកាប់រានដើមឈើលើដីដែលកំពុងមានទំនាស់រវាងឈ្មួញ និងពលរដ្ឋ។ ពលរដ្ឋអះអាងថា ទំនាស់នោះកើតឡើងដោយសារឈ្មួញចំណាកស្រុកទាំងនោះ បានកាប់បំផ្លាញដើមឈើផលិតជ័រទឹក ឬដើមច្បោះជ័រជនជាតិដើមភាគតិចគួយ កាលពីឆ្នាំ២០១៣ អស់ជិត ៣០០ដើម។ ការចោទប្រកាន់នេះ ធ្វើឡើងនៅពេលដែលឈ្មួញចំណាកស្រុក បានដាំដំណាំដំឡូងមីលើដីមានទំនាស់ កាលពីថ្ងៃទី១៣ ឧសភា កន្លងមក ពុំមានមន្ត្រីជំនាញចុះទប់ស្កាត់ឡើយ។ ប៉ុន្តែមន្ត្រីរដ្ឋបាលព្រៃឈើអះអាងថា ពួកគេមិនទាន់ទទួលបានដំណឹងអំពីបញ្ហានេះទេ
-
អ្នកភូមិក្នុងឃុំពោធិ៍បានប្រតិកម្មនឹងអាជ្ញាធរឃុំលក់ដីបឹងធំដែលជាសម្បត្តិរដ្ឋ
ប្រជាពលរដ្ឋក្នុងឃុំពោធិ៍បាន ស្រុកកោះធំ ខេត្តកណ្តាល ចោទអាជ្ញាធរឃុំ ថាបានលក់ដីបឹងធំមួយផ្នែកដែលជាសម្បត្តិរួមរបស់ប្រជាពលរដ្ឋ ទៅឲ្យក្រុមឈ្មួញទិញលក់ដី។ ចំណែកមេឃុំពោធិ៍បាន អះអាងថា ការលក់ដីនោះធ្វើឡើងតាមសំណើរបស់អ្នកភូមិ។ អ្នកភូមិក្នុងឃុំពោធិ៍បាន កំពុងស្វែងរកកិច្ចអន្តរាគមន៍ទប់ស្កាត់ការលក់ដីបឹងធំ ដែលជាសម្បត្តិរដ្ឋទៅឲ្យក្រុមឈ្មួញឯកជន។
-
ជនជាតិព្នងគ្រោងដាក់ញត្តិសុំឲ្យលុបគម្រោងផ្ដល់ដីសម្បទានឲ្យក្រុមហ៊ុនមេហ្គាហ្វើស
ក្រុមហ៊ុនសម្បទានសេដ្ឋកិច្ចឈ្មោះ មេហ្គាហ្វើស (Mega First Corporation Berhad) កំពុងបន្តឈូសឆាយទៅលើតំបន់ព្រៃដែលសហគមន៍ជនជាតិដើមភាគតិចព្នង នៅភូមិចំនួនពីរក្នុងស្រុកអូររាំង ខេត្តមណ្ឌលគិរី អះអាងថា ព្រៃនោះជាតំបន់អាស្រ័យផលជាប្រភពទឹកប្រើប្រាស់ និងជាតំបន់បន្សល់នូវវប្បធម៌ប្រពៃណីអ្នកភូមិ។
-
ពលរដ្ឋខណ្ឌច្បារអំពៅប្រារព្ធពិធីបែបសាសនាដើម្បីទប់ស្កាត់ការបណ្ដេញចេញទាំងបង្ខំ
ពលរដ្ឋសហគមន៍តាងៅ ឋិតនៅតាមបណ្ដោយប្រឡាយព្រែកបារាំង ស្ថិតនៅក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ និងអ្នកសហគមន៍ដែលរងការបណ្ដេញចេញដទៃទៀត ប្រមាណជាង ៦០នាក់ បានប្រារព្ធពិធីបែបសាសនានៅព្រឹកថ្ងៃទី១៥ ខែឧសភា ដើម្បីសុំសេចក្ដីសុខ ទប់ស្កាត់ការបណ្ដេញចេញទាំងបង្ខំ និងចង់ឲ្យមានការអភិវឌ្ឍនៅនឹងកន្លែង។
-
អភិបាលក្រុងប្រកាសថា គ្មានការដោះដូរដីទៀតទេ
លោក ប៉ា សុជាតិវង្ស អភិបាលក្រុងភ្នំពេញ បានមានប្រសាសន៍កាលពីថ្ងៃពុធថា ដរាបណាលោកនៅជាចៅហ្វាយក្រុង ដរាបនោះនឹងមិនមានការដោះដូរអចលនទ្រព្យក្រុងជាមួយក្រុមហ៊ុនឯកជនទៀតទេ ជាការអនុវត្តយូរអង្វែងមកហើយរបស់រដ្ឋាភិបាលដែលមានការលាក់លៀម និងជាប់ពាក់ព័ន្ធនឹងការចោទថាមានអំពើពុករលួយ។
-
អាដហុកថាស៊ុយ សែម ប្រើអំណាចបំពានដី
សមាគមការពារសិទ្ធិមនុស្សអាដហុកបានច្រានចោលសម្ដីលោក ស៊ុយ សែម រដ្ឋមន្ត្រីក្រសួងរ៉ែ និងថាមពល ដែលបានចោទសមាគមនេះស្ថិតនៅពីក្រោយខ្នងករណីទំនាស់ដីធ្លីដ៏រ៉ាំរ៉ៃរវាងក្រុមហ៊ុនភរិយាលោក និងអ្នកភូមិឡពាងជិត ១០ ឆ្នាំមកនេះ ហើយថា រដ្ឋមន្ត្រីកំពុង «ប្រើអំណាច» រំលោភបំពានដីធ្លីពលរដ្ឋផងដែរ។
-
អាជ្ញាធររារាំងដំណើរទស្សនកិច្ចនិស្សិត
ក្រុមនិស្សិត និងព្រះសង្ឃប្រមាណ ៥០ អង្គ-នាក់កាលពីព្រឹកម្សិលមិញបានសម្រេចបោះបង់ការជួបប្រជុំមួយជាមួយក្រុមសកម្មជនការពារព្រៃឡង់ក្នុងស្រុកថាឡាបរិវ៉ាត់ ខេត្តស្ទឹងត្រែង។
-
អាដហុកគ្រោងប្តឹងមន្ត្រីតុលាការពីបទឃុំខ្លួនខុសនីតិវិធីច្បាប់
សមាគមការពារសិទ្ធិមនុស្សអាដហុកគ្រោងដាក់ពាក្យប្ដឹងមន្ត្រីតុលាការខេត្តសៀមរាបមួយចំនួនទៅឧត្តមក្រុមប្រឹក្សានៃអង្គចៅក្រម និងក្រសួងយុត្តិធម៌ពាក់ព័ន្ធនឹងសំណុំរឿងនៃការចាប់ឃុំខ្លួនប្រជាពលរដ្ឋខុសនីតិវិធី។
-
ជនជាតិភាគតិចសុំសភាជួយរឿងអាជ្ញាធរលួចលក់ដីសហគមន៍
រតនគិរីៈ ជនជាតិដើមភាគតិចជាង ១០០ គ្រួសារ ក្នុងស្រុកអណ្តូងមាស បានផ្តិតមេដៃដាក់ញតិ្តមករដ្ឋសភា ដើម្បីសុំអន្តរាគមន៍ ទាមទារដីសហគមន៍ ១០៧ ហិកតា មកវិញ បន្ទាប់ពីអាជ្ញាធរភូមិ-ឃុំឃុបឃិតគ្នាលួចលក់ឲ្យអ្នកមាននៅក្រុងភ្នំពេញ។
-
គ.ជ.ប បង្កើតគណៈកម្មការចំពោះកិច្ចសហការជាមួយម្ចាស់ជំនួយ
ភ្នំពេញៈ គណៈកម្មាធិការជាតិរៀបចំការបោះឆ្នោត គ.ជ.ប បានសម្រេចបង្កើតគណៈកម្មការចំពោះកិច្ចមួយទទួលបន្ទុកសហការជាមួយសហភាពអឺរ៉ុប និងប្រទេសជប៉ុន លើការងាររៀបចំការចុះឈ្មោះបោះឆ្នោត និងបញ្ជីបោះឆ្នោតថ្មី ព្រមទាំងត្រួតពិនិត្យ និងសម្រេចលើរបាយការណ៍ការងាររបស់គណៈកម្មការបច្ចេកទេសកិច្ចការបោះឆ្នោតថ្នាក់អគ្គលេខាធិការដ្ឋាន។
-
ជនជាប់ចោទពីបទរំលោភបំពានផ្លូវភេទកុមារត្រូវបានគេចាប់ទាញចេញពីបន្ទប់សវនាការ
ជនជាប់ចោទពីបទរំលោភបំពានផ្លូវភេទកុមារត្រូវបានគេចាប់ទាញចេញពីបន្ទប់សវនាការនៅសាលាដំបូងរាជធានីភ្នំពេញកាលពីម្សិលមិញ បន្ទាប់ពីបដិសេធមិនព្រមធ្វើតាមការបង្គាប់របស់ចៅក្រមឲ្យអង្គុយចុះ និងរង់ចាំដល់វេនរបស់ខ្លួននិយាយ។
-
ស៊ុយ សែម ចេញមុខការពារភរិយារឿងជម្លោះដីនៅឡពាង
ភ្នំពេញៈ រដ្ឋមន្ត្រីក្រសួងរ៉ែ និងថាមពល លោក ស៊ុយ សែម បានចេញមុខជាសាធារណៈ ការពារក្រុមហ៊ុនភរិយារបស់លោក ដែលមានជម្លោះដីធ្លីដ៏រ៉ាំរ៉ៃ ជាមួយប្រជាពលរដ្ឋ នៅសហគមន៍ឡពាង ក្នុងខេត្តកំពង់ឆ្នាំង ដោយបានបន្ទោសអង្គការការពារសិទ្ធិមនុស្សអាដហុក និងអ្នកនយោបាយថា នៅពីក្រោយធ្វើការញុះញង់ទើបបញ្ហាជម្លោះដីធ្លីនេះ មានការពិបាកក្នុងការដោះស្រាយ។
គាំទ្រដោយ
