កំពុងស្វែងរកទិន្នន័យ
រកឃើញ: 13.090
-
កម្ពុជាប្តេជ្ញាពង្រឹងការប្រយុទ្ធប្រឆាំងជួញដូរមនុស្សនៅក្នុងតំបន់
ប្រទេសកម្ពុជាបានបន្តប្តេជ្ញាពង្រឹងកិច្ចសហប្រតិបត្តិការរួមគ្នាជាមួយបរទេសចំនួន ៥ ទៀតនៅ មហាអនុតំបន់ទន្លេមេគង្គ ក្នុងការប្រយុទ្ធប្រឆាំងនឹងការជួញដូរមនុស្សនៅក្នុងតំបន់ ដើម្បីឆ្លើយតបទៅនឹងឧក្រិដ្ឋកម្មឆ្លងដែន ដែលមានរូបភាពផ្លាស់ប្តូរមិនឈប់ឈរ ខណៈដែលការជួញដូរភាគច្រើនកើតឡើងទៅលើផ្នែកប្រើប្រាស់កម្លាំងពលកម្ម។ ការប្តេជ្ញាចិត្តថ្នាក់តំបន់នេះ បានធ្វើឡើងនៅក្នុងកិច្ចប្រជុំថ្នាក់រដ្ឋមន្ត្រី លើកទី ៤ នៃប្រទេសមហាអនុតំបន់មេគង្គដែលមានប្រទេសកម្ពុជា ចិន ឡាវ មីយ៉ាន់ម៉ា ថៃ និងវៀតណាម នៅភ្នំពេញកាលពីម្សិលមិញ។
-
អ្នកភូមិខេត្តរតនគិរីធ្វើការតវ៉ាស្វែងរកការប្រគល់ទីទួលសុវត្ថិភាពមកវិញ
ក្រុមអ្នកភូមិ និងអង្គការសិទ្ធិមនុស្សបានឲ្យដឹងកាលពីម្សិលមិញថា អ្នកភូមិជនជាតិដើមភាគតិចឡាវប្រហែល៣០០នាក់បានធ្វើការតវ៉ានៅក្នុងខេត្តរតនគិរីកាលពីម្សិលមិញប្រឆាំងក្រុមហ៊ុនវៀតណាមមួយដែលកំពុងរានដី ដែលអ្នកភូមិមូលដ្ឋានប្រើប្រាស់ជា “ទីទួលសុវត្ថិភាព” អំឡុងពេលមានទឹកជំនន់ធ្ងន់ធ្ងរ។ យោងតាមទិន្នន័យដែលទទួលបានពីអង្គការសិទ្ធិមនុស្សលីកាដូបានឲ្យដឹងថា ក្រុមហ៊ុន Hoang Anh Lumphat ទទួលបានដីសម្បទានសេដ្ឋកិច្ចទំហំជាង៩.០០០ហិកតាក្នុងស្រុកលំផាត់ ខេត្តរតនគិរី។
-
ប្រព័ន្ធផ្សព្វផ្សាយឯករាជ្យកម្ពុជាត្រូវបានរាំងស្ទះ
តាមរបាយការណ៍ដែលចេញផ្សាយកាលពីម្សិលមិញ បានឲ្យដឹងថា ប្រព័ន្ធផ្សព្វផ្សាយឯករាជ្យនៅកម្ពុជាត្រូវបានរាំងស្ទះជាប្រចាំ ដោយការវាយប្រហារ មកលើអ្នកយកព័ត៌មាន ដោយកង្វះនៃលទ្ធភាពទទួលបាននូវព័ត៌មានផ្លូវការ ដោយការដាក់សម្ពាធរបស់រដ្ឋាភិបាល និងដោយប្រាក់ខែទាប ទោះបីជាមានការកើនឡើងយ៉ាងឆាប់រហ័សនៃបណ្តាញព័ត៌មានលើប្រព័ន្ធអ៊ីនធឺណិត និងបណ្តាញសង្គមបានធ្វើឲ្យមានក្តីសង្ឃឹម ក៏ដោយ។
-
កម្ពុជាជាប់លេខទី៦៦ជាប្រទេសគ្មានសេរីភាព
អង្គការឃ្លាំមើលសេរីភាពពិភពលោក ហ្វ្រីដឹម ហៅស៍ (Freedom House) ដែលមានមូលដ្ឋានក្នុងសហរដ្ឋអាមេរិក នៅឆ្នាំ២០១៥ នេះ បានឲ្យពិន្ទុកម្ពុជា ៦៦ ក្នុងចំណោមពិន្ទុ ១០០ ជាប្រទេសដែលគ្មានសេរីភាព ដោយសារប្រទេសមួយនេះនៅតែបន្តការគំរាមកំហែង និងការប្រើអំពើហិង្សាទៅលើក្រុមអ្នកកាសែតចាប់តាំងពីឆ្នាំ២០១៣ មក។
-
តំណាងជនជាតិដើមភាគតិច ដាក់ញត្តិនៅរដ្ឋសភា តវ៉ាប្រឆាំងទំនប់វារីអគ្គិសនី សេសានក្រោម២
តំណាងសហគមន៍ជនជាតិដើមភាគតិច នៅខេត្តស្ទឹងត្រែង និងខេត្តរតនគិរី បានដាក់ញត្តិជាថ្មីទៀត ទៅកាន់រដ្ឋសភា នៅព្រឹកថ្ងៃទី៣០មេសានេះ ដើម្បីតវ៉ា ប្រឆាំងនឹងគម្រោងទំនប់វារីអគ្គិសនី សេសានក្រោម២ នៅខេត្តស្ទឹងត្រែង។ តំណាងសហគមន៍ បានស្នើដល់គណៈកម្មការផែនការ វិនិយោគ កសិកម្ម អភិវឌ្ឍន៍ជនបទ បរិស្ថាន និងធនធានទឹក ព្រមទាំងប្រធានរដ្ឋសភា ជួយអន្តរាគមន៍ ផ្អាកគម្រោងសាងសង់ទំនប់វារីអគ្គិសនី សេសានក្រោម២។
-
ដោយបារម្ភពីការលក់ដី អ្នកភូមិឡពាងដាក់ញត្តិតាមស្ថានទូតនានា
អ្នកភូមិប្រហែល១០០នាក់មកពីខេត្តកំពង់ឆ្នាំងបានហែក្បួនកាត់តាមរាជធានីភ្នំពេញកាលពីម្សិលមិញដាក់ញត្តិទៅស្ថានទូតបរទេសនានាឲ្យជួយរារាំងការលក់ ឬការអភិវឌ្ឍដីមានវិវាទនេះដែលត្រូវបានអះអាងកាន់កាប់ដោយក្រុមហ៊ុនរបស់ភរិយាលោក ស៊ុយ សែម រដ្ឋមន្ត្រីក្រសួងរ៉ែ និងថាមពល។
-
ពលរដ្ឋជាង100គ្រួសារជំទាស់មិនឱ្យគណៈកម្មការខេត្តបន្ទាយមានជ័យចុះវាស់វែងលើដីរបស់ពួកគាត់
ក្រុងប៉ោយប៉ែត ៖ ប្រជាពលរដ្ឋជាង100គ្រួសាររស់នៅភូមិព្រៃព្រិច សង្កាត់ ក្រុងប៉ោយប៉ែត ខេត្តបន្ទាយមានជ័យ នៅរសៀលថ្ងៃទី29 មេសា 2015 នេះ បានលើកគ្នាមករង់ចាំនៅលើចំណុចដីទំនាស់របស់ពួកគាត់ដែលបានកាន់កាប់ និងមានលិខិតទទួលស្គាល់ពីអាជ្ញាធរមូលដ្ឋានស្របច្បាប់ត្រឹមត្រូវ ។
-
សកម្មជនដីធ្លីពីរក្រុមប្រមូលផ្តុំគ្នាតវ៉ានៅមុខសាលារាជធានី
អ្នកភូមិប្រហែល៥០នាក់មកពីភូមិបឹងឈូក ក្នុងរាជធានីភ្នំពេញបានធ្វើការតវ៉ានៅមុខសាលារាជធានីកាលពីម្សិលមិញ ប្រឆាំងនឹងការព្យាយាមរបស់អាជ្ញាធរមូលដ្ឋានដើម្បីបណ្តេញពួកគាត់ចេញពីផ្ទះសំបែងរបស់ខ្លួន។អាជ្ញាធរខណ្ឌឫស្សីកែវបានចោទប្រកាន់អ្នកភូមិប្រហែល៦០០គ្រួសារថា បានតាំងទីលំនៅខុសច្បាប់លើដីរបស់រដ្ឋ ហើយបានជូនដំណឹងដដែលៗឲ្យពួកគាត់ចាកចេញ ប៉ុន្តែគ្រួសារទាំងនេះអះអាងថា ពួកគាត់មានសិទ្ធិរស់នៅទីនោះ ហើយបដិសេធមិនព្រមចាកចេញឡើយ។
-
នគរបាលខេត្ដ ចាប់ខ្លួន យុវជន ពីរនាក់ រំលោភស្ដ្រី ជនជាតិ អូស្ដ្រាលី
ព្រះសីហនុ ៖ កម្លាំងនគរបាលការិយា ល័យព្រហ្មទណ្ឌកម្រិតធ្ងន់ នៃស្នងការដ្ឋាន នគរបាល ខេត្ដព្រះ សីហនុ បានឃាត់ខ្លួនបុរស វ័យក្មេងពីរនាក់ ពាក់ព័ន្ធទៅនឹងការបង្អក ស្រាទៅលើស្ដ្រី ជនជាតិ អូស្ដ្រាលីម្នាក់ រួច ហើយចាប់រំលោភនាង រហូតបានសម្រេច កាលពីរសៀលថ្ងៃទី២៩ ខែមេសា ឆ្នាំ២០១៥ ស្ថិតនៅក្រុមទី១៧ ភូមិ៤ សង្កាត់លេខ៤ ក្រុងព្រះសីហនុ ។
-
ERA ថាមាត្រាមួយចំនួនក្នុងច្បាប់បោះឆ្នោតថ្មីបង្កទំនាស់ក្រោយពេលអនុវត្តច្បាប់
សម្ព័ន្ធកំណែទម្រង់ការបោះឆ្នោត(ERA) និងអ្នកច្បាប់លើកឡើងនៅថ្ងៃព្រហស្បតិ៍នេះថា មាត្រាមួយចំនួននៅក្នុងច្បាប់បោះឆ្នោតថ្មី មានភាពអាក្រក់នាំឲ្យកើតទំនាស់ក្នុងប្រទេស ក្រោយអនុវត្តច្បាប់ ។ ការលើកឡើងនេះធ្វើឡើងក្នុងកិច្ចពិភាក្សាតុមូល ស្ដីពីការវាយតម្លៃនៃច្បាប់វិសោធនកម្មនៃច្បាប់ ស្តីពីការបោះឆ្នោតជ្រើសតាំងតំណាងរាស្ត្រ និងបញ្ហាជាអាទិភាពសម្រាប់ធ្វើបទបញ្ជា និងនីតិវិធីសម្រាប់ការរៀបចំការបោះឆ្នោតរបស់ គ.ជ.ប នាព្រឹកថ្ងៃព្រហស្បតិ៍ ទី៣០ ខែមេសានេះ ។
-
អ្នកកាសែត២រូបបានដាក់ពាក្យបណ្តឹងប្តឹងទាហានសឹករងស្រុកម៉ាឡៃដល់អង្គការសិទ្ធិមនុស្សនិងតុលាការហើយ
បន្ទាយមានជ័យ៖អ្នកកាសែត២រូបគឺលោក កែ វុទ្ធី អ្នកយកពត៌មានទូរទស្សន៍ប៉ុស្តិ៍លេខ៥ និងលោក ម៉ុត សារុន អ្នកយកពត៌មានកាសែតកោះសន្តិភាព បានឲ្យដឹងនៅថ្ងៃទី២៨ ខែមេសា ឆ្នាំ២០១៥នេះថា ពួកខ្លួននឹង ប្តឹងទាហានសឹករងស្រុកម៉ាឡៃចូលទៅតុលាការនាថ្ងៃពុធនេះ ដើម្បីឲ្យច្បាប់រកយុត្តិធម៌ជូនពួកខ្លួន។ លោក កែ វុទ្ធី ភ្នាក់ងារទូរទស្សន៍ប៉ុស្តិ៍លេខ៥ បានថ្លែងថា ពេលនេះពួកខ្លួនកំពុងរៀបចំពាក្យ បណ្តឹងចូលទៅសាលាដំបូងខេត្តបន្ទាយមានជ័យ គឺប្តឹងលោក អ៊ុក ដារ៉ាន់ មេគនៃតំបន់ប្រតិបត្តិការសឹក រងស្រុកម៉ាឡៃ និងបក្ខពួក ពីបទបង្ខាំងមនុស្សខុសច្បាប់និងបំផ្លាញឯកសារក្នុងម៉ាស៊ីនថត ព្រោះសកម្មភាពរបស់អស់លោកយោធាសឹករងទាំងនេះមិនអាចលើកលែងបាន វាជាការគម្រាមកំហែងសិទ្ធិសេរីភាពអ្នកសារ ពត៌មាន ដូច្នេះលោកត្រូវតែប្តឹង ព្រោះការឃាត់រថយន្តរបស់លោកគឺជាគំនុំដោយសារកន្លងមកច្រក របៀងមួយនេះបានបើឲ្យឈ្មួញនាំចូលម៉ូតូគេចពន្ធ ឈើគ្រញូង ទំនិញគេចពន្ធ មាន់រស់ និងប្រហិតខូច គុណភាពចូលមកកម្ពុជា ខឹងអ្នកកសែតផ្សាយពីរឿងអាស្រូវរបស់ខ្លួនទើបទាហានឃាត់ព្រមាន។ - See more at: http://akt-news.com/?page=detail&ctype=article&id=2187&lg=kh#sthash.73L04JYO.dpuf
-
ពលរដ្ឋនៅជ្រោយចង្វាតវ៉ាជាថ្មីទៀតឲ្យក្រុមហ៊ុន OCIC ផ្តល់សំណងមុននឹងបន្តឈូសដី
ប្រជាសហគមន៍ប្រមាណ៣០នាក់ រស់នៅតាមដងផ្លូវជាតិលេខ៦អា ក្នុងខណ្ឌជ្រោយចង្វា មានជម្លោះដីធ្លីជាមួយក្រុមហ៊ុន OCIC តវ៉ាជាថ្មីទៀតនៅថ្ងៃពុធនេះឲ្យក្រុមហ៊ុនដោះស្រាយរឿងផ្តល់សំណងមុននឹងបន្តការឈូសឆាយ ។ ការតវ៉ានេះធ្វើឡើងនៅកន្លែងកើតហេតុ ខណៈដែលក្រុមហ៊ុនបានឈូសឆាយដីស្រែចម្ការបស់ពលរដ្ឋ១២គ្រួសារ កាលពីថ្ងៃអង្គារម្សិលមិញ និងនៅព្រឹកនេះទៀត ដោយមិនជូនដំណឹងជាមុន ។
-
ប្រជាពលរដ្ឋសហគមន៍បឹងឈូកអេ តវ៉ាមុខសាលាក្រុង ទាមទារឲ្យបញ្ឈប់ការរុះរើលំនៅដ្ឋាន
នៅព្រឹកថ្ងៃទី២៩ ខែមេសា នេះ ប្រជាពលរដ្ឋរស់នៅក្នុងសហគមន៍បឹងឈូកអេ ស្ថិតនៅភូមិបឹងឈូក សង្កាត់គីឡូម៉ែត្រលេខ៦ ខណ្ឌឫស្សីកែវ ប្រមាណជា ៣០ នាក់ បាននាំគ្នាមកតវ៉ានៅមុខសាលារាជធានីភ្នំពេញ ដោយមានការលើកបដា ផ្ទាំងរូបភាព រុះរើផ្ទះ និងទាមទារឲ្យបញ្ឈប់ការបណ្តេញចេញ និងសុំឲ្យអភិបាលរាជធានីភ្នំពេញ ជួយអន្តរាគមន៍ ដល់ពួកគាត់។
-
សន្និសីទសង្គមស៊ីវិលអាស៊ានត្រូវបានធ្វើឲ្យខកចិត្តដោយរដ្ឋាភិបាលមួយចំនួន
បន្ទាប់ពីការសម្រេចរបស់រដ្ឋាភិបាលកម្ពុជាកាលពីសប្តាហ៍មុនក្នុងការរារាំងមេដឹកនាំសង្គមស៊ីវិល ដែលត្រូវបានជ្រើសរើសដោយឯករាជ្យមិនឲ្យធ្វើជាតំណាងកម្ពុជាសម្រាប់សន្និសីទសង្គមស៊ីវិលអាស៊ាន (ACSC) ប្រធានសន្និសីទនេះបានលើកឡើងនៅក្នុងសេចក្តីថ្លែងការណ៍មួយចេញកាលពីថ្ងៃច័ន្ទថា រដ្ឋាភិបាលមួយចំនួនបានធ្វើឲ្យ “មានការខកចិត្តយ៉ាងខ្លាំង”។
-
ប្រជាសហគមន៍បឹងឈូកដាក់ញត្តិឱ្យអភិបាលរាជធានីភ្នំពេញជួយអន្តរាគមន៍
ប្រជាសហគមន៍បឹងឈូក ក្នុងសង្កាត់គីឡូម៉ែត្រលេខ៦ ខណ្ឌប្ញស្សីកែវមានគ្នាប្រមាណ៥០នាក់ បាននាំគ្នាប្រមូលផ្ដុំនៅមុខសាលារាជធានីភ្នំពេញ កាលពីវេលាព្រឹកថ្ងៃទី២៩ មេសា ២០១៥ នេះ ដើម្បីដាក់ញត្តិសុំឱ្យលោកប៉ា សុជាតិវង្ស អភិបាលរាជធានីភ្នំពេញ ជួយអន្តរាគមន៍ទៅអាជ្ញាធរខណ្ឌប្ញស្សីកែវ ឱ្យបញ្ឈប់ផែនការរុះរើលំនៅឋានរបស់សមាជិកសហគមន៍បឹងឈូកម្នាក់ឈ្មោះទូច សំអ័ន ។
-
អាដហុកថ្កោលទោសករណីគំរាមកំហែងអ្នកសារព័ត៌មាន២រូបនៅខេត្តបន្ទាយមានជ័យ
សមាគមការពារសិទ្ធិមនុស្សអាដហុកថ្កោលទោសការគំរាមកំហែងពីសំណាក់ទាហានព្រំដែនទៅលើអ្នកយកព័ត៌មាន ដែលបានចុះទៅយកព័ត៌មាននៅក្នុងខេត្តបន្ទាយមានជ័យ កាលពីថ្ងៃទី២៧ ខែមេសា ករណីទាហានថៃបាញ់គំរាមប្រជាពលរដ្ឋខ្មែរ៣នាក់ ។ សេចក្តីថ្លែងការណ៍របស់អាដហុកចេញផ្សាយនៅថ្ងៃនេះលើកឡើងថា អ្នកយកព័ត៌មានទូរទស្សន៍ប៉ុស្តិ៍លេខ៥ លោក កែវ វុទ្ធី និង អ្នកយកព័ត៌មានកាសែតកោះសន្តិភាព លោកមុត សារុន បានចុះទៅយកព័ត៌មានករណីទាហានថៃបាញ់គំរាមប្រជាពលរដ្ឋខ្មែរ៣នាក់ កាលពីថ្ងៃទី២៧ ខែមេសា នៅភូមិបន្ទាយទី១ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ ហើយត្រូវបានទាហានព្រំដែនឃាត់ខ្លួន និងលុបរូបភាពចេញពីម៉ាស៊ីនថត ។
-
ពលរដ្ឋ១០គ្រួសារនៅកំពង់ចាមដែលប៉ះពាល់ពីគម្រោងផ្លូវអាស៊ានមិនទាន់បានសំណងសមរម្យ
ពលរដ្ឋនៅឃុំផ្អាវ ស្រុកបាធាយ ខេត្តកំពង់ចាម ប្រមាណ ១០គ្រួសារ កំពុងបារម្ភរឿងអាជ្ញាធរខេត្ត បានចេញលិខិតឱសានវាទឲ្យរុះរើផ្ទះចេញពីតំបន់ប៉ះពាល់ពីគម្រោងធ្វើផ្លូវជាតិលេខ៦ ខណៈសំណងផលប៉ះពាល់មិនទាន់ដោះស្រាយជូនពួកគាត់។ ទាក់ទងបញ្ហានេះដែរ ក្រុមអាជ្ញាធរអះអាងថា តម្លៃផលប៉ះពាល់ គឺមានក្រុមឯករាជ្យចុះពិនិត្យលើបញ្ហានេះ ប៉ុន្តែមានពលរដ្ឋភាគតិចប៉ុណ្ណោះមិនព្រមទទួលយកសំណងនោះ។
-
អង្គការសិទ្ធិមនុស្សអំពាវនាវឲ្យលុបច្បាប់គ្រប់គ្រងអង្គការ
ក្រុមសិទ្ធិមនុស្សធំមួយកាលពីម្សិលមិញ បានជំរុញឲ្យរដ្ឋាភិបាលលុបចោលផែនការដើម្បីអនុម័តច្បាប់ដ៏ចម្រូងចម្រាសមួយនៅខែក្រោយដោយនិយាយថា វាអាចនឹងដាក់កម្រិតយ៉ាងខ្លាំងលើសកម្មភាពរបស់អង្គការមិនមែនរដ្ឋាភិបាល និងសមាគម។ ក្នុងសេចក្តីថ្លែងការណ៍មួយរបស់អង្គការឃ្លាំមើលសិទ្ធិមនុស្ស (HRW) បានអំពាវនាវឲ្យរដ្ឋាភិបាលបញ្ជាក់ជាសាធារណៈ «ភ្លាម» នូវសេចក្តីព្រាងច្បាប់ដែលចម្រូងចម្រាសស្តីពីសមាគម និងអង្គការមិនមែន រដ្ឋាភិបាល (LANGO) ហើយត្រូវ «ចូលរួមក្នុងដំណើរការពិគ្រោះយោបល់ជាចំហ» ជាមួយអង្គការក្រៅរដ្ឋាភិបាល។
-
ជនជាតិដើមភាគតិចកួយតវ៉ានៅខាងមុខសាលាដំបូងខេត្ត
ជនជាតិដើមភាគតិចកួយជាង ១០០ នាក់ កាលពីម្សិលមិញនេះ បានប្រមូលផ្តុំនៅមុខសាលាដំបូងខេត្តខណៈដែលសមាជិករបស់ខ្លួន ៦ នាក់ ត្រូវបានអយ្យការអមសាលាដំបូងខេត្តហៅចូលបំភ្លឺ និង ២ នាក់ទៀត គ្រោងចូលបំភ្លឺនៅព្រឹកថ្ងៃអង្គារនេះ ពាក់ព័ន្ធនឹងដំណើររឿងនៃការបង្ខាំងមនុស្សដោយខុសច្បាប់ តាមបណ្តឹងរបស់ក្រុមហ៊ុនចិន ឡានហ្វេង និងរ៉ូយហ្វេង។ តាមរយៈដីកាកោះដាច់ដោយឡែកដែលចុះហត្ថលេខាព្រះរាជអាជ្ញារងអមសាលាដំបូងខេត្តព្រះវិហារកាលពីថ្ងៃទី ៨ ខែមេសា សមាជិកប្រជាសហគមន៍ ៦ នាក់ ដែលចូលបំភ្លឺពីម្សិលមិញនេះមានឈ្មោះ ភូ ភេន, ផុន រុំ, ណម ថុល, ស្រាល សឃី, យស សន, និង ថី ហឿន ហឿន ចំណែកថ្ងៃអង្គារនេះ មានឈ្មោះ ហោ ធាន្នី និង ប៉ាវ សែវ។
-
និស្សិតពេទ្យឯកជនជាង១០០នាក់គ្រោងធ្វើបាតុកម្មនៅដើមខែឧសភា
ក្រុមនិស្សិតពេទ្យនៃវិទ្យាស្ថានវិទ្យាសាស្ត្រអន្តរជាតិ ១៣០នាក់ ព្រមានធ្វើបាតុកម្មនៅដើមខែឧសភា ខាងនេះ ដើម្បីជំរុញឲ្យក្រសួងអប់រំ និងក្រសួងសុខាភិបាល ចាត់វិធានការចំពោះសាលាពេទ្យឯកជន ដែលក្រុមនិស្សិតចាត់ទុកថា កំពុងធ្វើនំអត់ម្សៅ។ តំណាងនិស្សិតពេទ្យដែលអះអាងថា ពួកគេ គឺជាអ្នករងគ្រោះដោយសារម្ចាស់សាលាបោកប្រាស់ ប្រកាសថានឹងធ្វើបាតុកម្មប្រឆាំងគោលការណ៍របស់សាលា ដែលបន្តឆបោកនិស្សិតអស់ពេល ៣ឆ្នាំកន្លងទៅហើយនោះ។
គាំទ្រដោយ
