កំពុងស្វែងរកទិន្នន័យ
រកឃើញ: 13.090
-
សង្គមស៊ីវិលស្នើថ្នាក់ដឹកនាំនៃប្រទេសអាស៊ានចូលរួមពង្រឹងសិទ្ធិមនុស្សនៅកម្ពុជា
តំណាងសង្គមស៊ីវិលកម្ពុជា ស្នើដល់ប្រទេសថ្នាក់ដឹកនាំនៃបណ្ដាប្រទេសសមាជិកអាស៊ាន ចូលរួមពង្រឹងផ្នែកសិទ្ធិមនុស្សនៅប្រទេសកម្ពុជា ដើម្បីធានាបាននូវការអភិវឌ្ឍផ្នែកសេដ្ឋកិច្ច ប្រកបដោយកិត្យានុភាព និងរីកចម្រើនស្របគ្នាទៅបានទាំងអស់គ្នា។ វេទិកាប្រជាពលរដ្ឋអាស៊ាន ធ្វើឡើងជារៀងរាល់ឆ្នាំចាប់តាំងពីឆ្នាំ២០០៥មក។ នៅឆ្នាំនេះវេទិកាប្រជាពលរដ្ឋអាស៊ាន ធ្វើឡើងនៅទីក្រុងកូឡាឡាំពួរ (Kuala Lumpur) ប្រទេសម៉ាឡេស៊ី (Malaysia) ដែលមានតំណាងសង្គមស៊ីវិលពីកម្ពុជាជាង១០០នាក់ និងបណ្ដាប្រទេស២៦ផ្សេងទៀត សរុប១៤០០នាក់។
-
អាជ្ញាធរថៃដោះលែងពលរដ្ឋខ្មែរ ២៥ នាក់ពីពន្ធនាគាររឿងកាប់ឈើ
ពលរដ្ឋខ្មែរសរុប ២៥ នាក់ ដែលសុទ្ធសឹងជាបុរស ត្រូវបានអាជ្ញាធរថៃដោះលែង និងបញ្ជូនត្រឡប់មកកម្ពុជាវិញជាបន្តបន្ទាប់ចំនួន ៥ លើក ក្នុងខែមេសានេះ ក្រោយពីជាប់ពន្ធនាគារអស់ពេលជាច្រើនខែឆ្នាំក្នុងប្រទេសថៃ ពាក់ព័ន្ធនឹងការកាប់ឈើ និងឆ្លងដែនខុសច្បាប់។ ប្រធានក្រុមការងារទំនាក់ទំនងព្រំដែនកម្ពុជា-ថៃ ប្រចាំច្រកអន្តរជាតិ ជាំសាង៉ាំ លោក តូច រ៉ា បានឲ្យដឹងថា តាមការសាកសួរ អ្នកទាំង ២៥ នាក់នេះ មួយចំនួនបានជាប់ឃុំក្នុងពន្ធនាគារស្រុកខាន់តាឡាក់ ខេត្តស៊ីសាកេត និងខ្លះទៀតនៅពន្ធនាគារ ខេត្តអ៊ូប៊ុន ប្រទេសថៃ។ អ្នកទាំងនេះ ត្រូវបានអាជ្ញាធរថៃ បញ្ជូនមកប្រគល់ឲ្យអាជ្ញាធរកម្ពុជាវិញតាមច្រកទ្វារអន្តរជាតិជាំសាង៉ាំ ក្នុងភូមិជើងភ្នំ ឃុំត្រពាំងប្រីយ៍ ស្រុកអន្លង់វែងខេត្តឧត្តរមានជ័យ តាមកាលបរិច្ឆេទខុសៗគ្នា
-
ក្រុមកម្មករគ្រោងធ្វើយុទ្ធនាការរកយុត្តិធម៌ឲ្យជនរងគ្រោះដែលបាញ់សម្លាប់ពេលតវ៉ាប្រាក់ឈ្នួល
មេដឹកនាំសហជីពមួយចំនួន ប្រកាសធ្វើយុទ្ធនាការនៅដើមខែក្រោយនេះ ជំរុញឲ្យរដ្ឋាភិបាលចាប់អ្នកបាញ់សម្លាប់កម្មករនៅផ្លូវវ៉េងស្រេងមកផ្តន្ទាទោស ដើម្បីធានាសេរីភាពបញ្ចេញមតិក្នុងវិស័យកាត់ដេរ ។ កាលពីថ្ងៃទី៣ ខែមករា ឆ្នាំ២០១៤ កម្មករយ៉ាងតិច៥នាក់ ត្រូវគេបាញ់ឲ្យស្លាប់ភ្លាមៗ នៅផ្លូវវ៉េងស្រេង ក្នុងរាជធានីភ្នំពេញ ក្រោយមកក៏មានការស្លាប់បន្តបន្ទាប់ទៀត ខណៈជិត៤០នាក់ ផ្សេងទៀតបាញ់ឲ្យរបួស ។ ការបាញ់បង្ក្រាបដោយហិង្សានោះ ខណៈកម្មករតវ៉ាទាមទារឲ្យដំឡើងប្រាក់ឈ្នួលដល់១៦០ដុល្លារ ។
-
មេដឹកនាំយុវជនអាស៊ានចូលរួមសិក្ខាសាលាអំពីបរិសា្ថនគាំទ្រដោយស្ថានទូតអាមេរិក
ភ្នំពេញ—នាថ្ងៃពុធនេះ មេដឹកនាំយុវជន៧២រូប មកពីប្រទេសសហគមន៍ប្រជាជាតិ អាស៊ីអាគ្នេយ៍ហៅកាត់ថា ASEAN ទាំង១០ប្រទេស បានមកជួបជុំគ្នានៅខេត្តសៀមរាបដើម្បីពិភាក្សាប្តូរយោបល់ និងរិះរកមធ្យោបាយសម្រាប់ការពារបរិស្ថាន និងការប្រែប្រួលអាកាសធាតុក្នុងតំបន់។
-
អាជ្ញាធរឃុំកោះកាពិកៀរគរពលរដ្ឋបណ្តេញបុគ្គលិកអង្គការមាតាធម្មជាតិចេញ
អាជ្ញាធរគ្រប់លំដាប់ថ្នាក់នៅក្នុងឃុំកោះកាពិ ស្រុកកោះកុង ខេត្តកោះកុង បានកៀរគរពលរដ្ឋឲ្យធ្វើការតវ៉ាដើម្បីស្នើសុំទៅថ្នាក់លើអន្តរាគមន៍បណ្តេញបុគ្គលិកអង្គការមាតាធម្មជាតិចេញពីភូមិ ដោយចោទថា តែងតែញុះញង់ឲ្យប្រជាពលរដ្ឋនៅក្នុងភូមិឲ្យតវ៉ា រាំងស្ទះការអភិវឌ្ឍនៅក្នុងភូមិ ស្របពេលដែលពលរដ្ឋបាននិងកំពុងនាំគ្នាតវ៉ាមិនឲ្យក្រុមហ៊ុនឯកជនដែលធ្វើការបូបខ្សាច់ពេលផុតអាជ្ញាប័ណ្ណ។ យោងទៅតាមលិខិតរបស់អាជ្ញាធរភូមិកោះស្រឡៅ ដែលភ្នំពេញប៉ុស្តិ៍ទទួលបានកាលពីម្សិលមិញបានឲ្យដឹងថា ក្នុងនាមជា មេភូមិ-សមាជិកភូមិ និងប្រជាពលរដ្ឋក្នុងភូមិកោះស្រឡៅ ស្នើឲ្យសមត្ថកិច្ចឃុំកោះកាពិ សមត្ថកិច្ចស្រុកកោះកុង សមត្ថកិច្ចខេត្តកោះកុងបណ្តេញបុគ្គលិកអង្គការមាតាធម្មជាតិឲ្យចេញពីភូមិកោះស្រឡៅ។
-
អាជ្ញាធរនិងពលរដ្ឋប្តឹងប្តល់គ្នារឿងលក់ដីសហគន៍
ព្រះវិហារៈ ប្រជាសហគមន៍ និងមន្រ្តីអាជ្ញាធរក្នុងឃុំរមណី ស្រុករវៀង កំពុងប្តឹងប្តល់គ្នាទៅវិញទៅមក រឿងទន្រ្ទានដីខុសច្បាប់ និងឈូសឆាយដីសហគមន៍ជាង ១៥ ហិកតាលក់ឲ្យឈ្មួញ។ សមាជិកសហគមន៍អូរពោធិ៍បឹងទន្លេម្រេចបីនាក់បានប្តឹងមន្រ្តីអាជ្ញាធរភូមិឃុំនិងឈ្មួញដីម្នាក់ទៅសាលាឧទ្ធរណ៍កាលពីម្សិលមិញ រឿងឈូសឆាយ និងលក់ដីសហគមន៍ជាង ១៥ហិកតា បន្ទាប់ពីតុលាការខេត្តព្រះវិហារ បានតម្កល់បណ្តឹងពួកគាត់មិនចាត់ការ។ ការដាក់បណ្តឹងទៅសាលាឧទ្ធរណ៍នេះ ត្រូវបានធ្វើឡើងបន្ទាប់ពីសមាជិកសហគមន៍មួយក្រុមផ្សេងទៀត បានឯកភាពគ្នាជាមួយនឹងអាជ្ញាធរភូមិឃុំ និងមន្ដ្រីបរិស្ថាន ដើម្បីប្តឹងសមាជិកសហគមន៍ទាំងបីនាក់នោះ កាលពីខែមីនាកន្លងមកពីរឿងទន្រ្ទានកាន់កាប់ដីរដ្ឋដោយខុសច្បាប់។
-
ដីជាង១០០ហិកតាបន្ថែមទៀតត្រូវកាត់ចេញពីអប្សរាឲ្យពលរដ្ឋកាន់កាប់ស្របច្បាប់
សៀមរាប៖ ដីទំហំសរុបចំនួន ១១១,៤៩ហិកតា ត្រូវបានកាត់ចេញពីផ្ទៃដីបុរីសណ្ឋាគារអង្គរសៀមរាប ដែលគ្រប់គ្រងដោយអាជ្ញាធរអប្សរា ប្រគល់ឲ្យពលរដ្ឋចំនួន២ភូមិ ក្នុងសង្កាត់អំពិល ខេត្តសៀមរាប។ ប្រជាពលរដ្ឋដែលទទួលបានសិទ្ធិកាន់កាប់ស្របច្បាប់នៅពេលនេះ មានចំនួនជាង២០០គ្រួសារ ក្នុងភូមិព្រៃគុយ និងភូមិគោកចាន់។
-
ក្រុមសហជីពគាំទ្រឲ្យមានតុលាការការងារ តែបដិសេធច្បាប់ស្តីពីសហជីព
ក្រុមមេដឹកនាំសហជីព នៅថ្ងៃអង្គារនេះសម្តែងការគាំទ្រឲ្យរដ្ឋាភិបាលបង្កើតតុលាការការងារ តែពួកគេមិនគាំទ្រឲ្យបង្កើតច្បាប់ស្តីពីសហជីពនោះទេ ដោយអះអាងថាច្បាប់នោះ មានចរិតរឹតត្បិតសិទ្ធិសេរីភាពរបស់សហជីព ។ ប្រតិកម្មនេះ ធ្វើឡើងបន្ទាប់ពីលោកនាយរដ្ឋមន្ត្រី ហ៊ុន សែន បានចេញលិខិតអបអរខួបទី១២៩ នៃទិវាពលកម្មអន្តរជាតិថ្ងៃទី១ ឧសភា ឆ្នាំ២០១៥ ដោយមានខ្លឹមសារ អំពាវនាវឲ្យស្ថាប័នពាក់ព័ន្ធពន្លឿនបង្កើតតុលាការការងារ និងអនុម័តច្បាប់ស្តីពីសហជីពឲ្យបានឆាប់ ដើម្បីទប់ស្កាត់សហជីពដែលធ្វើសកម្មភាពដែលលោកចាត់ទុកថា ខុសច្បាប់ដោយមិនបានបម្រើប្រយោជន៍ពិតជូនកម្មករ ។
-
ក្រសួងមហាផ្ទៃបើកឲ្យមានការប្តឹងតវ៉ាលើភាពមិនប្រក្រតីក្នុងការប្រមូលសេវារដ្ឋបាល
ក្រសួងមហាផ្ទៃដែលត្រូវបានផ្តល់សិទ្ធិក្នុងការប្រមូលសេវារដ្ឋបាល ចាប់ផ្តើមរឹតបន្តឹងការប្រមូលថវិកាដែលបានមកពីពីសេវារដ្ឋបាល ដោយពង្រឹងការដាក់ពាក្យបណ្តឹងតវ៉ារបស់ប្រជាពលរដ្ឋ នៅពេលមានភាពមិនប្រក្រតីណាមួយកើតឡើង។ ប្រកាសអន្តរក្រសួងស្តីពីការផ្តល់សេវារដ្ឋបាលរបស់ក្រសួងមហាផ្ទៃ ដែលត្រូវបានចុះហត្ថលេខាដោយរដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងរដ្ឋមន្រ្តីក្រសួងមហាផ្ទៃ ឲ្យដឹងថារដ្ឋាភិបាលអនុញ្ញាតឲ្យក្រសួងមហាផ្ទៃ អនុវត្តការប្រមូលចំណូលពីកម្រៃសេវារដ្ឋបាល ដើម្បីជាគុណប្រយោជន៍ថវិកាជាតិ។ ប្រកាសបន្តថាសេវារដ្ឋបាលដែលផ្តល់ដោយក្រសួងមហាផ្ទៃ ត្រូវបានរៀបចំជាកម្រងសេវារដ្ឋបាលដែលមានរាយលម្អិតអំពីតម្លៃសេវា រយៈពេលនៃការផ្តល់សេវា និងសុពលភាពទៅតាមប្រភេទសេវារដ្ឋបាលនីមួយៗ។
-
អាជ្ញាធរ ជួបពលរដ្ឋម្តងទៀត ដើម្បីដោះស្រាយបញ្ចប់បញ្ហានៅបុរីកីឡា
អាជ្ញាធររាជធានីភ្នំពេញ បានជួបជាមួយក្រុមប្រជាពលរដ្ឋបុរីកីឡា ជាលើកចុងក្រោយ ដើម្បីដោះស្រាយបញ្ចប់បញ្ហាជម្លោះដ៏រ៉ាំរ៉ៃនៅបុរីកីឡា។ អ្នកភូមិបុរីកីឡា ជាង ១០០ គ្រួសារ បានទាមទារកម្មសិទ្ធិរស់នៅផ្ទះល្វែង ក្នុងតំបន់បុរីកីឡា បន្ទាប់ពីអាជ្ញាធរសម្រេចឲ្យតែអ្នកភូមិ ២៥ គ្រួសារ ចុងក្រោយប៉ុណ្ណោះ មានសិទ្ធិ ទទួលបានផ្ទះល្វែង។ ក្រៅពីនោះ ៨៩ គ្រួសារ ត្រូវទៅរស់នៅក្នុងភូមិអណ្តូង និង ៣៨ គ្រួសារ ទទួលគោលនយោបាយ ជាថវិកា។
-
បុរសពីរនាក់រំលោភក្មេងស្រីសន្លប់ត្រូវបញ្ជូនទៅតុលាការ
បុរសពីរនាក់ដែលសង្ស័យថា បានរំលោភក្មេងស្រីអាយុ ១៥ ឆ្នាំម្នាក់រហូតដល់សន្លប់ កាលពីយប់ថ្ងៃទី១៨ ខែមេសា ត្រូវបាននគរបាលខេត្តកែប កសាងសំណុំរឿងបញ្ជូនទៅសាលាដំបូងខេត្តកំពត កាលពីព្រឹកម្សិលមិញ។ លោក ពោង សុខខេង ស្នងការរងទទួលបន្ទុកកណ្តាលយុត្តិធម៌ខេត្តកែបឲ្យដឹងថា ជនសង្ស័យ ទាំងពីរនាក់ដែលព្រួតគ្នារំលោភសេពសន្ថវៈរហូតដល់ក្មេងស្រីរងគ្រោះសន្លប់នោះត្រូវបានសមត្ថកិច្ចនគរបាលបញ្ចប់សំណុំរឿង និងបញ្ជូនបន្តទៅសាលាដំបូងខេត្តកំពត ហើយកាលពីម្សិលមិញ។
-
សាលាក្ដីខ្មែរក្រហមបន្តសវនាការស្ដាប់អតីតអ្នកទោសនៅស្រុកត្រាំកក់
សាលាក្ដីខ្មែរក្រហម បន្តសវនាការរបស់ខ្លួនវិញហើយនៅថ្ងៃទី២១ មេសា បន្ទាប់ពីការសម្រាកបុណ្យចូលឆ្នាំ។ អង្គជំនុំជម្រះ បានស្ដាប់សក្ខីកម្មរបស់ដើមបណ្ដឹងរដ្ឋប្បវេណីមួយ ដែលជាអតីតអ្នកទោសនៅមន្ទីរសន្តិសុខអង្គរកា ក្នុងស្រុកត្រាំកក់។ សវនាការនៅថ្ងៃទី២១ មេសា អង្គជំនុំជម្រះសាលាដំបូងនៃសាលាក្ដីខ្មែរក្រហម បានស្ដាប់សក្ខីកម្មរបស់ដើមបណ្ដឹងរដ្ឋប្បវេណីឈ្មោះ ថាន់ ធីម។ ប្រធានអង្គជំនុំជម្រះសាលាដំបូង លោកចៅក្រម និល ណុន បញ្ជាក់ថា ការបន្តស្ដាប់សក្ខីកម្មរបស់ដើមបណ្ដឹងរដ្ឋប្បវេណី ថាន់ ធីម គឺតាមការស្នើសុំរបស់ភាគីនៅក្នុងរឿងក្ដី ដែលកំពុងធ្វើសវនាការនេះ៖ «ដោយសារចម្លើយរបស់លោកមានការពាក់ព័ន្ធទៅនឹងបញ្ហាអង្គហេតុជាច្រើន ដូច្នេះភាគីបានស្នើសុំឲ្យអង្គជំនុំជម្រះ ធ្វើសវនាការស្ដាប់សក្ខីកម្មរបស់លោកលើអង្គហេតុ ក្នុងនាមលោកជាដើមបណ្ដឹងរដ្ឋប្បវេណី។ ហើយថ្ងៃនេះ អង្គជម្រះកំណត់ធ្វើសវនាការស្ដាប់សក្ខីកម្មរបស់លោកលើអង្គហេតុ»។
-
អ្នកបុរីកីឡាខកចិត្តនឹងអាជ្ញាធរដែលទាមទារឲ្យពួកគេរកសាក្សីបន្ថែម
ប្រជាពលរដ្ឋដែលមានជម្លោះដីធ្លីនៅសហគមន៍បុរីកីឡា នៅថ្ងៃអង្គារនេះ សម្តែងការខកចិត្តនឹងអាជ្ញាធរដែលទាមទារឲ្យពួកគាត់រកសាក្សីមកបញ្ជាក់បន្ថែមថា ពួកគេពិតជារស់នៅទីនោះ ។ ប្រតិកម្មរបស់សកម្មជនដីធ្លីទាំងនោះ កើតឡើងខណៈមន្ត្រីសាលារាជធានីភ្នំពេញកោះហៅអ្នកបុរីកីឡា៦០គ្រួសារ ក្នុងចំណោម១៥៤គ្រួសារដែលនៅសេសសល់ មកដោះស្រាយនៅសាលាខណ្ឌ៧មករា ។
-
ក្រុមសហជីពគាំទ្រឲ្យមានតុលាការការងារ តែបដិសេធច្បាប់ស្តីពីសហជីព
ក្រុមមេដឹកនាំសហជីព នៅថ្ងៃអង្គារនេះសម្តែងការគាំទ្រឲ្យរដ្ឋាភិបាលបង្កើតតុលាការការងារ តែពួកគេមិនគាំទ្រឲ្យបង្កើតច្បាប់ស្តីពីសហជីពនោះទេ ដោយអះអាងថាច្បាប់នោះ មានចរិតរឹតត្បិតសិទ្ធិសេរីភាពរបស់សហជីព ។ ប្រតិកម្មនេះ ធ្វើឡើងបន្ទាប់ពីលោកនាយរដ្ឋមន្ត្រី ហ៊ុន សែន បានចេញលិខិតអបអរខួបទី១២៩ នៃទិវាពលកម្មអន្តរជាតិថ្ងៃទី១ ឧសភា ឆ្នាំ២០១៥ ដោយមានខ្លឹមសារ អំពាវនាវឲ្យស្ថាប័នពាក់ព័ន្ធពន្លឿនបង្កើតតុលាការការងារ និងអនុម័តច្បាប់ស្តីពីសហជីពឲ្យបានឆាប់ ដើម្បីទប់ស្កាត់សហជីពដែលធ្វើសកម្មភាពដែលលោកចាត់ទុកថា ខុសច្បាប់ដោយមិនបានបម្រើប្រយោជន៍ពិតជូនកម្មករ ។
-
អ្នកភូមិព្រៃគុយខេត្តសៀមរាបរិះគន់អនុក្រឹត្យលេខ៥២ថាដោះស្រាយទំនាស់ដីមិនយុត្តិធម៌
កាលពីព្រឹកថ្ងៃអង្គារ ទី២១ ខែមេសា អាជ្ញាធរខេត្តសៀមរាប បានចុះផ្សព្វផ្សាយអនុក្រឹត្យលេខ៥២ របស់រដ្ឋាភិបាល ដោយកាត់ផ្ទៃដីទំហំជាង ១១១ហិកតារចេញពីអាជ្ញាធរអប្សរា ជាជំហានទី២ ដើម្បីប្រគល់ជូនប្រជាពលរដ្ឋនៅភូមិព្រៃគុយ និងភូមិគោកចាន់ សង្កាត់អំពិល ក្រុងសៀមរាប កាន់កាប់ជាម្ចាស់កម្មសិទ្ធិ។ ក៏ប៉ុន្តែ បន្ទាប់ពីការប្រកាសអនុក្រឹត្យលេខ៥២ របស់រដ្ឋាភិបាលមក អ្នកភូមិព្រៃគុយ ខ្លះចាត់ទុកថា វាមិនមានយុត្តិធម៌សម្រាប់ពួកគេ ដែលមានទំនាស់ដីធ្លីជាមួយអាជ្ញាធរអប្សរាជាយូរមកហើយនោះទេ។
-
ក្រុមហ៊ុនចិនកំណត់ពេល ១ ខែឲ្យពលរដ្ឋរុះរើផ្ទះចេញ
តំណាងក្រុមហ៊ុនចិន Union Development Group Co.,Ltd អមដោយកម្លាំងសន្តិសុខប្រមាណជា ៥០ នាក់បានចុះទៅធ្វើការវាស់វែងផ្ទះរបស់ប្រជាពលរដ្ឋចំនួន ៧ គ្រួសារ និងកំណត់ឲ្យរុះរើផ្ទះចេញពីភូមិកំពុងរស់នៅក្នុងរយៈពេល ១ ខែដោយឥតលក្ខខណ្ឌ។ លោក ណៃ វិបុល អាយុ ៤០ ឆ្នាំ ដែលរស់នៅក្នុងភូមិពាមកាយ ឃុំកោះស្តេច បានថ្លែងឲ្យដឹងថា កាលពីថ្ងៃទី ១៩ ខែមេសានៅម៉ោងប្រមាណជាង ៣ រសៀល ខាងភាគីក្រុមហ៊ុនបានដឹកនាំកម្លាំងសន្តិសុខរបស់ក្រុមហ៊ុនប្រមាណជា ៥០ នាក់ប្រដាប់ដោយពូថៅ ញញួរនិងដំបងបានមកធ្វើការវាស់ដីលំនៅឋានរបស់ប្រជាពលរដ្ឋដោយចុច GPS ហើយពុំបានប្រាប់ពលរដ្ឋថាគេធ្វើអី្វនោះទេ។
-
អ្នកបុរីកីឡាខកចិត្តនឹងអាជ្ញាធរដែលទាមទារឲ្យពួកគេរកសាក្សីបន្ថែម
ប្រជាពលរដ្ឋដែលមានជម្លោះដីធ្លីនៅសហគមន៍បុរីកីឡា នៅថ្ងៃអង្គារនេះ សម្តែងការខកចិត្តនឹងអាជ្ញាធរដែលទាមទារឲ្យពួកគាត់រកសាក្សីមកបញ្ជាក់បន្ថែមថា ពួកគេពិតជារស់នៅទីនោះ ។ ប្រតិកម្មរបស់សកម្មជនដីធ្លីទាំងនោះ កើតឡើងខណៈមន្ត្រីសាលារាជធានីភ្នំពេញកោះហៅអ្នកបុរីកីឡា៦០គ្រួសារ ក្នុងចំណោម១៥៤គ្រួសារដែលនៅសេសសល់ មកដោះស្រាយនៅសាលាខណ្ឌ៧មករា ។
-
ក្រុមពលរដ្ឋ៣១គ្រួសារប្ដឹងក្រុមពលរដ្ឋ៧២គ្រួសារចោទដុតផ្ទះនិងឈូសឆាយដំណាំនៅក្រចេះ
រឿងពលរដ្ឋដុតផ្ទះដោយមានសមត្ថកិច្ចនៅពីក្រោយ បានឡើងដល់ដៃតុលាការខេត្តក្រចេះ ហើយ។ នៅថ្ងៃទី២១ ខែមេសា ក្រុមពលរដ្ឋ ៣១គ្រួសារ បាននាំគ្នាដាក់ពាក្យប្ដឹងទៅតុលាការ ករណីក្រុមពលរដ្ឋ ៧២គ្រួសារដែលនាំគ្នាដុតបំផ្លាញ និងយកគ្រឿងចក្រឈូសឆាយផលដំណាំរបស់គេកាលពីមុនថ្ងៃចូលឆ្នាំ។ នៅក្នុងបណ្ដឹងដែលមានស្នាមមេដៃក្រុមពលរដ្ឋទាំង ៣១គ្រួសារ ប្ដឹងក្រុមពលរដ្ឋ ៧២គ្រួសារពីបទដុតបំផ្លាញផ្ទះ និងឈូសឆាយផលដំណាំ។ ពាក្យបណ្ដឹងដដែលនេះ ប្ដឹងបុគ្គលតែ ៤នាក់ប៉ុណ្ណោះដែលជាជនដៃដល់ ហ៊ានធ្វើសកម្មភាពដុតបំផ្លាញផ្ទះ។
-
អ្នកភូមិឡពាងគ្រោងដាក់ញត្តិទប់ស្កាត់កុំឲ្យអ្នកវិនិយោគរកស៊ីជាមួយក្រុមហ៊ុនខេ.ឌី.ស៊ី
តំណាងអ្នកភូមិឡពាង និងពលរដ្ឋមានជម្លោះដីធ្លីដ៏រ៉ាំរ៉ៃជាមួយក្រុមហ៊ុន ខេ.ឌី.ស៊ី (KDC) របស់អ្នកស្រី ជា ខេង ភរិយាលោក ស៊ុយ សែម ជារដ្ឋមន្ត្រីក្រសួងរ៉ែ និងថាមពល គ្រោងឡើងមករាជធានីភ្នំពេញ ដាក់ញត្តិតាមស្ថានទូតចំនួន ១១ ដើម្បីសុំអន្តរាគមន៍រឿងដីធ្លីពួកគាត់ និងសុំកុំឲ្យអ្នកវិនិយោគនៃប្រទេសទាំងនោះ ទិញដី ឬវិនិយោគជាមួយក្រុមហ៊ុននេះ។
-
CITA ស្នើក្រសួងអប់រំបើកប្រាក់ខែឲ្យគ្រូបង្រៀនម្នាក់នៅពោធិ៍សាត់ដែលត្រូវតុលាការឃុំខ្លួនកន្លងមក
សមាគមគ្រូបង្រៀនកម្ពុជាឯករាជ្យស្នើឲ្យក្រសួងអប់រំ យុវជន និងកីឡា ផ្តល់ប្រាក់បៀវត្សរ៍សម្រាប់ខែកុម្ភៈ និងខែមីនា ដល់គ្រូបង្រៀនម្នាក់នៅខេត្តពោធិ៍សាត់ ដែលត្រូវបានតុលាការខេត្តឃុំខ្លួននាពេលកន្លងមក ក្នុងរឿងទំនាស់ដីធ្លី ។ លិខិតរបស់សមាគមគ្រូបង្រៀនកម្ពុជាឯករាជ្យចុះថ្ងៃទី២០ ខែមេសានេះ ផ្ញើជូនរដ្ឋមន្ត្រីក្រសួងអប់រំ លោក ហង់ ជួន ណារ៉ុន ឲ្យដឹងថា លោក សោម សារាវុត គ្រូបង្រៀននៅអនុវិទ្យាល័យស្នាអន្សា ឃុំស្នាអន្សា ស្រុកក្រគរ ខេត្តពោធិ៍សាត់ ត្រូវបានតុលាការខេត្តឃុំខ្លួនកាលពីថ្ងៃទី៩ ខែកុម្ភៈ តាមពាក្យបណ្ដឹងដែលបានប្ដឹងរូបលោកពីបទឆបោក ។ លិខិតបន្តថា ចៅក្រមសាលាដំបូងខេត្តពោធិ៍សាត់បានធ្វើការស៊ើបង្កេត និងរកឃើញថា លោក សោម សារាវុត ពុំមានកំហុស ទើបនៅថ្ងៃទី២៧ ខែមីនា ព្រះរាជអាជ្ញារង និងប្រធានពន្ធនាគារខេត្តបានសម្រេចដោះលែងលោក សោម សារាវុត ។
គាំទ្រដោយ
