កំពុងស្វែងរកទិន្នន័យ
រកឃើញ: 13.090
-
សកម្មជនបក្សប្រឆាំង និងសកម្មជនដីធ្លីទាំង១៩នាក់នឹងត្រូវដោះលែងមុនចូលឆ្នាំខ្មែរ
សកម្មជនគណបក្សសង្គ្រោះជាតិ ព្រះសង្ឃ និងសកម្មជនដីធ្លី សរុប១៩អង្គនាក់ នឹងបាននៅក្រៅឃុំនាដើមសប្តាហ៍ក្រោយនេះ តាមរយៈការចរចានយោបាយ ។ មេធាវីការពារសកម្មជនគណបក្សសង្គ្រោះជាតិ លោក ជូង ជូងី ឲ្យដឹងថា រូបលោក និងមេធាវីការពារក្តីមួយចំនួនទៀត បានបំពេញបែបបទតាមនីតិវិធីរួចរាល់ហើយ កាលពីថ្ងៃទី៩ ខែមេសាម្សិលមិញ ដើម្បីអ្នកទាំងនោះរួចផុតពីការឃុំខ្លួននៅថ្ងៃចន្ទដើមសប្តាហ៍ក្រោយនេះ ។ អ្នកជាប់ឃុំទាំងនោះមានព្រះសង្ឃ ព្រះនាម ស៊ឺន ហាយ លោក មាជ សុវណ្ណារ៉ា រួមទាំងអ្នកស្រី ទេព វន្នី ផងដែរ ។
-
ក្រសួងដែនដី បដិសេធរបាយការណ៍រួមរបស់អង្គការក្រៅរដ្ឋាភិបាលចំនួនពីរ
ក្រសួងដែនដីនគរូបនីយកម្ម និងសំណង់បដិសេធចំពោះរបាយការណ៍របស់អង្គការទស្សនៈពិភពលោក និងអង្គការ NGO Forum ដែលបានបង្ហាញថា ការវិវត្តដ៏យឺតយ៉ាវនៃការចុះបញ្ជីដីធ្លីភាគច្រើន បណ្តាលមកពីមានការវៀលចេញដ៏សម្បើមពីដំណើរការផ្តល់ប័ណ្ណកម្មសិទ្ធិនៅក្នុងទីប្រជុំជន ខណៈដែលអចលនទ្រព្យមានតម្លៃខ្ពស់ និងទំនងជាបង្កឲ្យមានជម្លោះកើតឡើង ថាមិនឆ្លុះបញ្ចាំងពីការពិត និងមិនមានលក្ខណៈគ្រប់ជ្រុងជ្រោយ។ យោងទៅតាមសេចក្តីប្រកាសព័ត៌មានរបស់ក្រសួងដែនដីដែលបានចេញផ្សាយកាលពីថ្ងៃទី ៨ ខែមេសាបានឲ្យដឹងថា របាយការណ៍របស់អង្គការទស្សនៈពិភពលោក និងអង្គការ NGO Forum ស្តីពី“ការវៀលសហគមន៍ក្រីក្រនៅទីក្រុងចេញពីការចុះបញ្ជីដីធ្លីមានលក្ខណៈជាប្រព័ន្ធនៅរាជធានីភ្នំពេញ” មិនឆ្លុះបញ្ចាំងពីការពិត ពីព្រោះរបាយការណ៍នេះបានរកឃើញថាសហគមន៍បានរស់នៅលើដីសាធារណៈរបស់រដ្ឋ ដែលជាកត្តាមិនអាចចុះបញ្ជីជូនបាន ដូចនេះមិនមែនជាការវៀលចេញនោះទេ។ នៅក្នុងសេចក្តីប្រកាសព័ត៌មានថា ៖«វិធីសាស្ត្រ ការជ្រើសរើសសំណាកផ្តោតតែសហគមន៍ក្រីក្រដែលរស់នៅលើដីសាធារណៈរបស់រដ្ឋតែប៉ុណ្ណោះ។ ផ្អែកលើទិដ្ឋភាពច្បាប់ ដោយរបាយការណ៍រកឃើញថា សហគមន៍ក្រីក្រនោះរស់នៅលើដីសាធារណៈរបស់រដ្ឋនោះសហគមន៍ទាំងនោះពុំអាចក្លាយជាកម្មសិទ្ធិករបានទេ»។
-
គ្រួសារអ្នកភូមិតំបន់បឹងកក់ទទួលយកការដោះដូរដីដើម្បីបញ្ចប់វិវាទដីធ្លី
យ៉ាងហោចណាស់អ្នកភូមិ១៦គ្រួសារទៀតដែលបានជាប់ពាក់ព័ន្ធក្នុងវិវាទដីធ្លីដ៏ល្វីងជូរចត់ និងអូសបន្លាយជាមួយអាជ្ញាធររាជធានីជុំវិញដីស្ថិតក្នុងតំបន់បឹងកក់នោះ បានទទួលយកការដោះដូរដីរបស់លោក ប៉ា សុជាតិវង្ស អភិបាលរាជធានីភ្នំពេញកាលពីព្រឹកម្សិលមិញ។ អ្នកភូមិតំបន់បឹងកក់ប្រហែល៦៥០គ្រួសារ ត្រូវបានផ្តល់ប័ណ្ណកម្មសិទ្ធិដីធ្លីកាលពីឆ្នាំ២០១២ បន្ទាប់ពីលោកនាយករដ្ឋមន្ត្រី ហ៊ុន សែន បានអន្តរាគមន៍នៅក្នុងវិវាទដីធ្លីនោះ ដោយកាត់ដីទំហំ១២,៤៤ហិកតាចេញពីតំបន់ទំហំប្រហែល១៣០ហិកតាដែលសាលារាជធានីបានផ្តល់ទៅឲ្យលោក ឡាវ ម៉េងឃិន សមាជិកព្រឹទ្ធសភាគណបក្សប្រជាជនកម្ពុជា សម្រាប់គម្រោងអចនលទ្រព្យ ដែលមានតម្លៃថ្លៃ។
-
មន្ត្រីកងរាជអាវុធហត្ថ៦នាក់ត្រូវបញ្ជូនទៅតុលាការពាក់ព័ន្ធហិង្សាលើអ្នកបើករថយន្តដឹកស្រូវ
មន្ត្រីកងរាជអាវុធហត្ថ៦នាក់ ត្រូវមេបញ្ជាការកងរាជអាវុធហត្ថលើផ្ទៃប្រទេសសម្រេចផ្អាកមុខងារបណ្តោះអាសន្ន និងបញ្ជូនទៅតុលាការខេត្តព្រៃវែង នៅព្រឹកថ្ងៃសុក្រនេះ ពាក់ព័ន្ធហិង្សាលើអ្នកបើករថយន្តដឹកស្រូវ កាលពីជិតមួយខែមុន ។ មេបញ្ជាការរងនៃស្នងការដ្ឋានស្រាវជ្រាវ និងយុត្តិធម៌របស់កងរាជអាវុធហត្ថលេខផ្ទៃប្រទេស ស៊ិន សូផាន្នី ថ្លែងក្នុងសន្និសីទព័ត៌មាននៅព្រឹកថ្ងៃសុក្រ ទី១០ ខែមេសា នេះថា តាមការសិក្សាស្រាវជ្រាវកន្លងមករកឃើញថា មានមន្ត្រីកងរាជអាវុធហត្ថ១២នាក់ ពាក់ព័ន្ធនឹងហិង្សាលើម្ចាស់រថយន្តដឹកស្រូវ ក្នុងនោះ៧នាក់ជាកងរាជអាវុធហត្ថខេត្តត្បូងឃ្មុំ និង៥នាក់ជាកងរាជអាវុធហត្ថខេត្តព្រៃវែង ។
-
១៦ គ្រួសារនៅបឹងកក់ទទួលយកដំណោះស្រាយពីសាលារាជធានី
ពលរដ្ឋ ១៦ គ្រួសារនៃសហគមន៍បឹងកក់ ដែលរស់នៅតាមផ្លូវរថភ្លើងក្នុងភូមិ ១ សង្កាត់ស្រះចក ខណ្ឌដូនពេញ ពីម្សិលមិញបានឯកភាពទទួលយកដំណោះស្រាយបញ្ចប់វិវាទដីធ្លី ពីសាលារាជធានីភ្នំពេញហើយ ខណៈពលរដ្ឋ ៥ គ្រួសារទៀត កំពុងស្ថិតក្នុងការចរចា។ លោក ឡុង ឌីម៉ង់ មន្ត្រីនាំពាក្យសាលារាជធានីឲ្យដឹងថា នៅព្រឹកថ្ងៃម្សិលមិញនេះពលរដ្ឋមានជម្លោះដីធ្លីនៅបឹងកក់ជាង ២០ គ្រួសារ សម្រេចទទួលយកដំណោះស្រាយបញ្ចប់ជម្លោះពីសាលារាជធានីហើយ។ ក្នុងនោះ ១៦ គ្រួសារដឹកនាំដោយលោក ច័ន្ទ ពុទ្ធិស័ក្ដិ បានទទួលយកដីទំហំ ៦៤ ម៉ែត្រការ៉េ ខណៈមាន ៥ គ្រួសារដឹកនាំដោយអ្នកស្រី លី ណារី ទទួលចាប់ពី ៧២ ម៉ែត្រការ៉េទៅដល់ ២១៦ ម៉ែត្រការ៉េ។
-
ស្ត្រីបឹងកក់ ព្រះសង្ឃកម្ពុជាក្រោម និងមន្ត្រីបក្សសង្រ្គោះជាតិនឹងត្រូវដោះលែងទាំងអស់
សកម្មជនតវ៉ាដីធ្លីបឹងកក់ចំនួន១០នាក់ ព្រះសង្ឃខ្មែរកម្ពុជាក្រោមចំនួន ៣នាក់ និងលោកមាជ សុវណ្ណារ៉ា រួមទាំងមន្ត្រីគណបក្សសង្រ្គោះជាតិ ៤នាក់ទៀតនឹងត្រូវដោះលែងឲ្យមានសេរីភាព និងនៅក្រៅឃុំ នៅមុនពិធីបុណ្យចូលឆ្នាំខ្មែរខាងមុខនេះ។ នេះបើយោងតាមការបញ្ជាក់របស់លោក ជូង ជូងី មេធាវីការពារក្តីរបស់គណបក្សសង្រ្គោះជាតិបានប្រាប់ឲ្យដឹងនៅថ្ងៃសុក្រនេះ។ លោក មេធាវី បានថ្លែងថា ការដោះលែងនេះ ក៏ជាផ្នែកមួយនៃការសម្របសម្រួលផ្នែកនយោបាយនៃគណបក្សទាំងពីរ។ អ្នកទាំង ១៨ នាក់ ដែលត្រូវបានអង្គការសង្គមស៊ីវិល និងសហគមន៍អន្តរជាតិ រិះគន់និងមើលឃើញថា ជារឿងជាប់ពាក់ពន្ធនឹងនយោបាយនោះ ត្រូវបានតុលាការកាត់ទោសឲ្យជាប់ពន្ធនាគារលើករណីដាច់ឡែកពីគ្នា។
-
សកម្មជនអង្គការមាតាធម្មជាតិ និងសហគមន៍នេសាទ នៅកោះស្រឡៅ ធើ្វការតវ៉ាតាមទូកបណ្តេញសាឡង់បូមខ្សាច់
លោក សាន់ ម៉ាឡា សកម្មជនអង្គការមាតាធម្មជាតិ បានប្រាប់គេហទំព័រ CEN នៅរសៀលថ្ងៃទី១០ ខែមេសា ឆ្នាំ២០១៥ នេះថា រូបលោក រួមនឹងប្រជានេសាទនៅសហគមន៍កោះស្រឡៅ ជាង ៥០នាក់ កំពុងធើ្វការតវ៉ាតាមទូកបណ្តេញសាឡង់បូមខ្សាច់របស់ក្រុមហ៊ុនវៀតណាម និងចិន ឲ្យចេញពីតបន់នោះ។ លោក ម៉ាឡា បាននិយាយថា ការបូមខ្សាច់នេះ កន្លងមកក៏ដូចជាបច្ចុប្បន្នបានបង្កឲ្យមានការបាក់ដី រលំផ្ទះ ជាពិសេសធើ្វឲ្យមានការប៉ះពាល់យ៉ាងខ្លាំងដល់មុខរបរនេសាទរបស់ប្រជាពលរដ្ឋ រួចអាជ្ញាធរពុំដែលរកដំណោះស្រាយជូនទេ ដូចនេះ ពួកគាត់បានសម្រេចចិត្តនាំគ្នាចេញមកមកតវ៉ា ដើម្បីបណ្តេញសាឡង់បូមខ្សាច់ទាំងនោះ ឲ្យចេញឆ្ងាយពីភូមិឃុំរបស់ពួកគាត់។
-
លោក សម រង្ស៊ី អំពាវនាវឲ្យសមាជិកគជបថ្មីធ្វើការងារមិនក្រោមឥទ្ធិពលគណបក្សនយោបាយ
ប្រធានគណបក្សសង្រ្គោះជាតិ លោក សម រង្ស៊ី បានអំពាវនាវឲ្យសមាជិកគណៈកម្មាធិការជាតិរៀបចំការបោះឆ្នោត(គជប)ថ្មី ដែលគណបក្សសង្រ្គោះជាតិបានជ្រើសរើសដាក់ទៅរដ្ឋសភាបោះឆ្នោតផ្តល់សេចក្តីទុកចិត្ត ត្រូវធ្វើការឈរលើគោលការណ៍អព្យាក្រឹតភាព ឯករាជ្យ ដោយមិនស្ថិតនៅក្រោមឥទ្ធិពលគណបក្សនយោបាយណាមួយ។ នៅព្រឹកថ្ងៃព្រហស្បតិ៍នេះ រដ្ឋសភានឹងបើកសម័យប្រជុំពេញអង្គមួយ ដើម្បីបោះឆ្នោតផ្តល់សេចក្តីទុកចិត្តដល់សមាជិកគណៈកម្មាធិការជាតិរៀបចំការបោះឆ្នោត(គជប)ថ្មី ដែលគណបក្សនយោបាយទាំងពីរបានដាក់ទៅគណៈកម្មាធិការអចិន្រ្តៃយ៍។ សមាសភាពបេក្ខជន គ.ជ.ប ដែលគណបក្សប្រជាជនកម្ពុជាដាក់ទៅរដ្ឋសភា រួមមាន លោក ស៊ិក ប៊ុនហុក ជាប្រធាន លោក មាន សទិ លោក ឌុច សុន និង លោក ឯម សូផាត ជាសមាជិក។ ចំណែកលិខិតរបស់គណបក្សសង្គ្រោះជាតិ មិនបានបង្ហាញពីបេក្ខភាពប្រធានគជបថ្មីនេះទេ ដោយគ្រាន់ឲ្យដឹងថា សមាសភាព គជប ថ្មី រួមមាន លោក គួយ ប៊ុនរឿន លោក រ៉ុង ឈុន លោក ហ៊ីង ធីឫទ្ធិ និង លោកស្រី តែ ម៉ានីរ៉ុង។
-
រដ្ឋសភាអនុម័តគាំទ្រសមាសភាពបេក្ខជន គ.ជ.ប ៩រូប
រដ្ឋសភា នៅព្រឹកថ្ងៃទី៩ មេសា អនុម័តគាំទ្រសមាសភាពបេក្ខជន គ.ជ.ប ៩រូប ដោយសំឡេង ១១៣ លើ ១១៧សំឡេង ២សំឡេងអនុបវាទ ១សំឡេងមិនគាំទ្រ និង១សំឡេងមោឃៈ។ បេក្ខជនមកពីគណបក្សប្រជាជនកម្ពុជា លោក ស៊ិក ប៊ុនហុក ត្រូវបានជ្រើសរើសធ្វើជាប្រធាន គ.ជ.ប និងលោក គួយ ប៊ុនរឿន មកពីគណបក្សសង្គ្រោះជាតិ ជាអនុប្រធាន។ ចំណែកឯអ្នក ៧នាក់អ្នកផ្សេងទៀត គឺជាសមាជិក។
-
តំណាងពលរដ្ឋស្រុកឆ្លូង២នាក់ដែលតវ៉ារឿងអាជ្ញាធរដុតឈូសឆាយផ្ទះត្រូវនាំខ្លួនទៅតុលាការ
ពលរដ្ឋ២នាក់ តំណាងពលរដ្ឋ៣១គ្រួសារ ដែលត្រូវកម្លាំងចម្រុះខេត្តក្រចេះចុះដុតផ្ទះ និងឈូសឆាយដីដំណាំកាលពីម្សិលមិញ នឹងត្រូវបញ្ជូនទៅតុលាការដើម្បីសាកសួរនៅល្ងាចថ្ងៃទី៩ មេសា។ ទាក់ទងនឹងការបញ្ជូនអ្នកទាំងពីរនាក់ ទៅតុលាការនៅពេលនេះ មិនមានមន្ត្រីប៉ូលិសអធិការដ្ឋានកម្រិតស្រាលស្រុកធ្លូងណា ផ្ដល់ពីមូលហេតុដែលអាជ្ញាធរចាប់ខ្លួនអ្នកទាំងពីរឃុំខ្លួន និងបញ្ជូនទៅសាកសួរនៅតុលាការឡើយ។
-
សមត្ថកិច្ចបង្ក្រាបវៀតណាមចូលមកតាំងសមាធិ
កងកម្លាំងចម្រុះ កាលពីម្សិលមិញបានចុះបង្ក្រាបបណ្តេញលោកសង្ឃជនជាតិវៀតណាម ៧ អង្គ និងឧបាសក បី នាក់ ព្រមទាំងធ្វើការដុតបំផ្លាញចោលអាស្រម ដែលធ្វើដើម្បីតាំងសមាធិខុសច្បាប់ នៅលើកោះកុងក្រៅ ស្ថិតត្រង់ចំណុចចម្ការដូងទី ៤ ក្នុងឃុំកាពិ ស្រុកកោះកុងដែលមានចម្ងាយប្រមាណជា ២០ គីឡូម៉ែត្រពីទីរួមខេត្ដកោះកុង។ លោក សំឃិត វៀន ស្នងការនគរបាលខេត្តកោះកុង បានឲ្យដឹងថា កងកម្លាំងចម្រុះ ដែលចុះទៅបង្ក្រាប ដឹកនាំដោយលោកនាយឧត្ដមនាវី ទៀ វិញ អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងទឹក សហការ ជាមួយកម្លាំងនគរបាល និងមន្ត្រីធម្មការ និងសាសនាមន្ត្រីបរិស្ថាន កាលពីរសៀលថ្ងៃម្សិលមិញបានចុះទៅដុតបំផ្លាញចោលអាស្រមរបស់ជនជាតិវៀតណាម មានដូចជា រូបសំណាកព្រះនាងគង់ស៊ីអ៊ីម កម្ពស់ ៨ ម៉ែត្រ និងកន្លែងបោះតង់ស្នាក់នៅ។
-
សភាបោះឆ្នោតហើយ ឲ្យលោកស៊ិក ប៊ុនហុក ធ្វើប្រធាននិងគួយប៊ុនរឿន ធ្វើអនុប្រធានគណៈកម្មាធិការជាតិរៀបចំការបោះឆ្នោត
ទីបំផុត លោក ស៊ិក ប៊ុនហុក ដែលមានជំនាញច្បាប់និងការបោះឆ្នោត ត្រូវបានជ្រើស រើសជាប្រធាននៃគណៈកម្មាធិការជាតិរៀបចំការបោះឆ្នោត។ ចំណែក លោក គួយ ប៊ុនរឿន ត្រូវបានបោះឆ្នោតជាអនុប្រធានគណៈកម្មាធិការជាតិរៀបចំការបោះឆ្នោត។ លោក ស៊ិក ប៊ុនហុក ត្រូវបានគេដឹងថា ធ្លាប់ធ្វើជាទីប្រឹក្សារបស់លោកតា ឆេង ផុន អតីតប្រធានគណៈកម្មាធិការជាតិរៀបចំការបោះឆ្នោត។ ដូច្នេះ លោកមានបទពិសោធន៍ច្រើនស្រាប់លើការងាររៀបចំការបោះឆ្នោតនេះ។ - See more at: http://www.cen.com.kh/local/01974632#sthash.Mb6xmMKw.gGUD1hXL.dpuf
-
រដ្ឋសភាបោះឆ្នោតឲ្យប្រធាន គ.ជ.ប ទៅCPP និងអនុប្រធានទៅCNRP
រដ្ឋសភា នៅព្រឹកថ្ងៃព្រហស្បតិ៍នេះ បានបោះឆ្នោតផ្តល់សេចក្តីទុកចិត្តដល់លោក ស៊ិក ប៊ុនហុក មកពីគណបក្សប្រជាជនកម្ពុជាឲ្យក្លាយជាប្រធានគណៈកម្មាធិការជាតិរៀបចំការបោះឆ្នោត(គ.ជ.ប)ថ្មី និងលោក គួយ ប៊ុនរឿន មកពីគណបក្សសង្រ្គោះជាតិ ជាអនុប្រធាន គ.ជ.ប តាមការរៀបចំរបស់គណបក្សទាំងពីរ ។ នៅព្រឹកថ្ងៃព្រហស្បតិ៍នេះ រដ្ឋសភាបានបើកសម័យប្រជុំពេញអង្គមួយ ដើម្បីបោះឆ្នោតផ្តល់សេចក្តីទុកចិត្តដល់សមាជិកគណៈកម្មាធិការជាតិរៀបចំការបោះឆ្នោត(គ.ជ.ប)ថ្មី ដែលគណបក្សនយោបាយទាំងពីរបានដាក់ទៅគណៈកម្មាធិការអចិន្រ្តៃយ៍ ។ សមាសភាពបេក្ខជន គ.ជ.ប ដែលគណបក្សប្រជាជនកម្ពុជាដាក់ទៅរដ្ឋសភា រួមមាន លោក ស៊ិក ប៊ុនហុក លោក មាន សទិ លោក ឌុច សុន និង លោក ឯម សូផាត ជាសមាជិក ។ ចំណែកបេក្ខភាពពីគណបក្សសង្រ្គោះជាតិ រួមមាន លោក គួយ ប៊ុនរឿន លោក រ៉ុង ឈុន លោក ហ៊ីង ធីឫទ្ធិ និង លោកស្រី តែ ម៉ានីរ៉ុង ។ គណបក្សទាំងពីរបានយល់ព្រមថាបេក្ខជនទី៩ គឺលោក ហង្ស ពុទ្ធា៕
-
រដ្ឋសភាសម្រេចអនុម័តសេចក្ដីព្រាងច្បាប់ស្ដីពីការត្រួតពិនិត្យផលិតផលថ្នាំជក់
នៅថ្ងៃទី០៨ ខែមេសា រដ្ឋសភាបានប្រជុំលើកទី៤ នីតិកាលទី៥ ដើម្បីធ្វើការពិភាក្សា និង អនុម័តលើការ សេចក្ដីព្រាងច្បាប់ស្ដីពីការត្រួតពិនិត្យផលិតផលថ្នាំជក់ក្រោមអធិបតីភាពរបស់ លោក ហេង សំរិន ប្រធានរដ្ឋសភា និងមានតំណាងរាស្ត្រចូលរួមសរុបចំនូន៩០រូប ។ សេចក្ដីព្រាងច្បាប់ ស្ដីពីការត្រួតពិនិត្យផលិតផលថ្នាំជក់ ដែលមានចំនួន១៣ជំពូក និង៤៩មាត្រា។ជាលទ្ធផលសេចក្ដីព្រាងច្បាប់នេះត្រូវបានសភាអនុម័តយល់ព្រមលើសេចក្ដីព្រាងច្បាប់ទាំងមូលចំនួន ៨៩សម្លេង។
-
គ.ជ.ប ថ្មីនឹងចូលកាន់តំណែងនៅថ្ងៃចន្ទសប្ដាហ៍ក្រោយ
លោកនាយករដ្ឋមន្ត្រី ហ៊ុន សែន ប្រកាសឲ្យដឹងថា គណៈកម្មាធិការជាតិរៀបចំការបោះឆ្នោតថ្មីទាំង៩រូប នឹងចូលស្បថនៅព្រះបរមរាជវាំងនៅថ្ងៃសៅរ៍ខាងមុខ ហើយនឹងចូលកាន់ដំណែងនៅថ្ងៃទី១៣ ខែមេសា ។ ថ្លែងទៅកាន់អ្នកសារព័ត៌មានបន្ទាប់ពីកិច្ចប្រជុំបោះឆ្នោតអនុម័តលើការជ្រើសរើសសមាសភាព គ.ជ.ប ថ្មីទាំង៩រូប នៅព្រឹកថ្ងៃព្រហស្បតិ៍នេះ លោក ហ៊ុន សែន អះអាងថា នៅថ្ងៃនេះ រដ្ឋមន្ត្រីក្រសួងព្រះបរមរាជវាំង លោក គង់ សំអុល នឹងនាំយកព្រះរាជ្យក្រឹត្យទៅថ្វាយព្រះមហាក្សត្រដើម្បីឡាយព្រះហត្ថលេខា នៅទីក្រុងប៉េកាំង ។
-
សង្គមស៊ីវិលជំរុញរដ្ឋាភិបាលឲ្យផ្ដល់សច្ចាប័នលើពិធីសារបន្ថែមស្ដីពីនីតិវិធីបណ្ដឹងទៅអ.ស.ប
ជាតិ (អ.ស.ប) ឲ្យបានឆាប់ ដើម្បីរួមចំណែកដល់ការគោរពសិទ្ធិពលរដ្ឋ និងសិទ្ធិនយោបាយនៅក្នុងប្រទេស។ ក្រុមមន្ត្រីរដ្ឋាភិបាលអះអាងថា នឹងបើកកិច្ចពិភាក្សាជាមួយស្ថាប័នពាក់ព័ន្ធលើបញ្ហានេះជាមុនសិន ដើម្បីលើកសំណើទៅរដ្ឋាភិបាល។ ប្រធានលេខាធិការដ្ឋាននៃគណៈកម្មាធិការប្រព្រឹត្តិកម្មការពារសិទ្ធិមនុស្សកម្ពុជា លោក សួន ប៊ុនស័ក្តិ ថ្លែងថា ពិធីសារបន្ថែមស្ដីពីនីតិវិធីបណ្ដឹងនេះ មានសារសំខាន់ណាស់ក្នុងការលើកទឹកចិត្តពលរដ្ឋគ្រប់រូប ដែលរងគ្រោះដោយការរំលោភសិទ្ធិមនុស្ស ឲ្យមានលទ្ធភាពក្នុងការបន្តរកយុត្តិធម៌សម្រាប់ខ្លួនឯង សម្រាប់គ្រួសារ និងសហគមន៍ទាំងមូល ដាក់បណ្ដឹងទៅគណៈកម្មាធិការសិទ្ធិមនុស្សរបស់អង្គការសហប្រជាជាតិ។
-
លោក ហ៊ុន សែន ថាអគ្គលេខាធិការ និងអគ្គលេខាធិការរងគជបត្រូវជ្រើសរើសដោយមិនមានការជ្រៀតជ្រែកពីបក្ស
លោកនាយករដ្ឋមន្រ្តី ហ៊ុន សែន នៅថ្ងៃព្រហស្បតិ៍នេះ បានថ្លែងថាអគ្គលេខាធិការ និងអគ្គលេខាធិការរងគណៈកម្មាធិការជាតិរៀបចំការបោះឆ្នោត(គជប)ថ្មី នឹងត្រូវជ្រើសរើសដោយសមាជិកគជបទាំង៩រូបដែលរដ្ឋសភាបានបោះឆ្នោតផ្តល់សេចក្តីទុកចិត្ត ដោយពុំមានការជ្រៀតជ្រែកពីគណបក្សនយោបាយទាំងពីរ។ លោកនាយករដ្ឋមន្រ្តីបានថ្លែងបែបនេះក្នុងរដ្ឋសភា បន្ទាប់ពីតំណាងរាស្រ្ត១១៧រូបបានបោះឆ្នោតជាកញ្ចប់ផ្តល់សេចក្តីទុកចិត្តដល់សមាជិកទាំង៩ ដោយសំឡេង១១៣យល់ព្រម ២ អនុប្បវាទ ១ មោឃៈ និង១មិនយល់ព្រម។ លោក ស៊ិក ប៊ុនហុក មកពីគណបក្សប្រជាជនកម្ពុជាជាប្រធានគជប និងលោក គួយ ប៊ុនរឿន មកពីគណបក្សសង្រ្គោះជាតិ ជាអនុប្រធានគជប។ សមាជិកគជប៧រូបទៀត រួមមាន លោក មាន សទិ លោក ឌុច សុន លោក ឯម សូផាត លោក រ៉ុង ឈុន លោក ហ៊ីង ធីឫទ្ធិ លោកស្រី តែ ម៉ានីរ៉ុង និងលោក ហង្ស ពុទ្ធា។
-
ស្ត្រីមានកូន ៣៧ នាក់ទៀតនឹងត្រូវដោះលែងពីពន្ធនាគារ
ស្ត្រីមានផ្ទៃពោះ និងស្ត្រីមានកូនតាមម្តាយ ដែលកំពុងជាប់ឃុំឃាំងនៅក្នុងពន្ធនាគារចំនួន ៣៧ នាក់ នឹងត្រូវដោះលែង នាឱកាសបុណ្យចូលឆ្នាំថ្មីប្រពៃណីខ្មែរ នាសប្តាហ៍ក្រោយនេះ ក្រោយពីមានការប្រជុំសម្រេចពីក្រសួងយុត្តិធម៌។ លោក គឹម សន្តិភាព អ្នកនាំពាក្យក្រសួងយុត្តិធម៌ បានថ្លែងឲ្យដឹងកាលពីថ្ងៃអង្គារថា កិច្ចប្រជុំដែលធ្វើឡើងកាលពីថ្ងៃទី ៦ ខែមេសា ក្រោមអធិបតីភាពលោក អង្គ វង្សវឌ្ឍានា រដ្ឋមន្ត្រីក្រសួងយុត្តិធម៌ បានសម្រេចស្នើដល់រដ្ឋាភិបាល ឲ្យទូលព្រះមហាក្សត្រ ដើម្បីសម្រេចលើកលែងទោសដល់ស្ត្រីចំនួន ៣៧ នាក់ ឲ្យបានដោះលែង ពីពន្ធនាគារនៅក្នុងថ្ងៃបុណ្យចូលឆ្នាំខ្មែរ។
-
លោក ហ៊ុន សែន និងលោក សម រង្ស៊ី រំពឹងថា គ.ជ.បថ្មីនឹងបង្ការជម្លោះក្រោយបោះឆ្នោត
លោក ហ៊ុន សែន និងលោក សម រង្ស៊ី អះអាងថាគណៈកម្មការធិការជាតិរៀបចំការបោះឆ្នោត ហៅកាត់ថា គ.ជ.ប ថ្មីនេះ នឹងធ្វើការដោយការទទួលខុសត្រូវ ពោលគឺឈប់ពឹងផ្អែកលើការផ្តល់យោបល់ពីគណបក្សទៀតហើយ ដោយសារតែមន្ត្រីទាំងនោះតម្រូវឲ្យលាលែងពីសមាជិកបក្ស ។ ការអះអាងដូចគ្នានេះ គឺនៅក្នុងការប្រជុំវិសាមញ្ញរបស់រដ្ឋសភានៅថ្ងៃនេះ ដើម្បីបោះឆ្នោតអនុម័តលើការជ្រើសរើសសមាសភាព គ.ជ.ប ថ្មីទាំង៩រូប ។ សភាក៏បានបោះឆ្នោតគាំទ្រ លោក ស៊ិក ប៊ុនហុក ជាប្រធាន គ.ជ.ប មកពីគណបក្សប្រជាជនកម្ពុជា និងលោក គួយ ប៊ុនរឿន អនុប្រធាន គ.ជ.ប មកពីគណបក្សសង្គ្រោះជាតិ ។
-
ទណ្ឌិត ២២នាក់ ទទួលបានការលើកលែង និងបន្ធូរបន្ថយទោស
នាឱកាសបុណ្យចូលឆ្នាំថ្មី ប្រពៃណីជាតិខ្មែរ ឆ្នាំមមែ សប្តស័ក ពុទ្ធសករាជ២៥៥៩ ដ៏ខ្លីខាងមុខនេះ ទណ្ឌិតនៅក្នុងពន្ធនាគារ ខេត្តកំពត ចំនួន២២នាក់ ទទួលបានការប្រទាន ពីព្រះប្រ មុខរដ្ឋ នូវការលើកលែង និងបន្ធូរបន្ថយទោស តាមរយៈសំណើរបស់ ប្រមុខរាជរដ្ឋាភិបាលកម្ពុជា។ លោក ឯម បូរ ប្រធានពន្ធនាគារខេត្តកំពត បានប្រាប់កាលពីថ្ងៃទី៨ ខែមេសា ឆ្នាំ២០១៥ថា ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ដ៏ខ្លីខាងមុខនេះ ទណ្ឌិតចំនួន២២នាក់ បានទទួលការ បន្ធូរបន្ថយ និងលើកលែងទោស បន្ទាប់ពីពន្ធនាគារខេត្ត ធ្វើសំណើ តាម រយៈសម្តេចនាយករដ្ឋមន្ត្រី ដាក់ថ្វាយព្រះមហាក្សត្រ។
គាំទ្រដោយ
