កំពុងស្វែងរកទិន្នន័យ
រកឃើញ: 13.090
-
ខឹម វាសនា រិះគន់តុលាការថាអសមត្ថភាពនិងរងសម្ពាធពីអ្នកមានអំណាច
លោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ កាលពីម្សិលមិញនេះ បានរិះគន់ស្ថាប័នតុលាការកម្ពុជា ថាជាតុលាការមិនគ្រប់គ្រឿង អសមត្ថភាពរកយុត្តិធម៌ និងងាយរងសម្ពាធពីអ្នកមានអំណាច បន្ទាប់ពីសាលាឧទ្ធរណ៍ បានចេញអធិបញ្ជាចោទប្រកាន់ និងបើកការស៊ើបអង្កេតជាថ្មីលើសំណុំរឿងខ្ចីប្រាក់ជាង ៧ ម៉ឺនដុល្លារ ពីបុរសកសិករម្នាក់ ដែលជាអ្នកគាំទ្រគណបក្សរបស់ខ្លួនយ៉ាងសកម្មថ្មីៗនេះ។ ថ្លែងក្នុងសន្និសីទសារព័ត៌មាននៅទីស្នាក់ការបក្សម្តុំខណ្ឌទួលគោក ចំពោះមុខអ្នកគាំទ្ររបស់ខ្លួនរាប់រយនាក់ លោក ខឹម វាសនា បានឲ្យដឹងថា ការចោទប្រកាន់របស់សាលាឧទ្ធរណ៍មកលើរូបលោក ពីបទ ឆបោក និងកំហែងយក ក្រោមបណ្តឹងរបស់លោក ឌុក មឿន អតីតអ្នកគាំទ្រគណបក្សលោក គឺជារឿងអយុត្តិធម៌មួយ ដែលបង្ហាញថា តុលាការកម្ពុជាមិនមានសមត្ថភាពក្នុងការចាត់ចែងការងាររបស់ខ្លួន។
-
ពលរដ្ឋសេសានត្រូវបានគំរាមមិនឲ្យដាក់បដានៅតាមផ្ទះ
ប្រជាពលរដ្ឋដែលកំពុងរងនូវផលប៉ះពាល់ដោយសារគម្រោងសាងសង់ទំនប់វារីអគ្គិសនី សេសានក្រោមពីរនៅក្នុងខេត្តស្ទឹងត្រែង បានធ្វើការចោទមន្ត្រីមូលដ្ឋានថាបានគំរាមចាប់ខ្លួន ប្រសិនបើពលរដ្ឋពុំព្រមដកបដា ដែលបានសរសេរថា «ស៊ូស្លាប់មិនចាកចេញ» នៅតាមជញ្ជាំងផ្ទះពួកគេចេញ។ លោក ហ្វុត ឃឿន ប្រជាពលរដ្ឋភូមិស្រែគរ១ បានឲ្យដឹងថា មន្ត្រីមូលដ្ឋានចំនួន ៦ នាក់ បានបង្ខំឲ្យអ្នកភូមិទម្លាក់បដាដែលសរសេរថា «ស៊ូស្លាប់មិនចាកចេញ» «ទន្លេគឺជាអាយុជីវិត» ដែលបានដាក់នៅតាមជញ្ជាំងផ្ទះចេញ បើមិនដូច្នេះទេនឹងធ្វើរបាយការណ៍ជូនអាជ្ញាធរពីគ្រួសារណារឹងទទឹង។
-
សមត្ថកិច្ចចម្រុះខេត្តក្រចេះដុតផ្ទះពលរដ្ឋ៤ខ្នងដើម្បីបណ្ដេញពីទីតាំងទំនាស់
នៅថ្ងៃទី៨ មេសា សមត្ថកិច្ចចម្រុះខេត្តក្រចេះដុតបំផ្លាញផ្ទះប្រជាពលរដ្ឋ ៤ខ្នង នៅចំណុចអូរសំពុង ភូមិប្រឡាយទ្រៀល ឃុំដំរីផុង ស្រុកឆ្លូង បន្ទាប់ពីឈូសឆាយដីដំណាំកាលពីម្សិលមិញ ដោយធ្វើយ៉ាងណាឲ្យពលរដ្ឋ៣១គ្រួសារចេញពីទីតាំងនេះ។ ការបើកប្រតិបត្តិការក្ដៅ ដែលមានសមត្ថកិច្ចចម្រុះរាប់សិបនាក់ ប្រដាប់ដោយអាវុធគ្រប់ដៃ បានចាប់ផ្ដើមដុតផ្ទះពលរដ្ឋអស់៤ខ្នង ក្នុងចំណោមផ្ទះ៣១ខ្នងនេះហើយ បន្ទាប់ពីអាជ្ញាធរបានផ្ដល់សលាកបត្រកាន់កាប់ដីស្របច្បាប់ដល់ក្រុមពលរដ្ឋ ៧២គ្រួសារ មកពីខេត្តត្បូងឃ្មុំ មកស្នាក់នៅទីតាំងដីកំពុងមានទំនាស់នេះ។
-
ពលករខ្មែរនៅថៃទទួលបានការថែទាំសុខភាព
ពលករចំណាកស្រុកកម្ពុជានៅថៃនៅពេលនេះអាចទទួលបាននូវអត្ថប្រយោជន៍ថែទាំសុខភាពដូចគ្នានឹងជនជាតិថៃដែរបន្ទាប់ពីការអនុវត្តបទប្បញ្ញត្តិថ្មី ទោះបីជាអង្គការសិទិ្ធមនុស្សបានព្រមានថា បញ្ហានេះ នៅតែបន្តចំពោះប្រជាជនកម្ពុជាឆ្លងកាត់ព្រំដែនដែលភាគច្រើននៅតែគ្មានឯកសារក្តី។ ក្រោមវិធានការថ្មី ដែលបានប្រកាសដោយក្រសួងសុខាភិបាលសាធារណៈរបស់ថៃ ហើយបានចូលជាធរមានចាប់តាំងពីថ្ងៃទី ១ ខែមេសា ពលករចំណាកស្រុកពីកម្ពុជា ឡាវ វៀតណាម និងមីយ៉ាន់ម៉ា ត្រូវបានធានារ៉ាប់រង សម្រាប់ស្ថានភាពសុខភាពច្រើនជាងក្រោមវិធានការថែទាំសុខភាពពីមុនៗ។
-
គណបក្សប្រជាជនកម្ពុជាសម្រេចដាក់លោក ស៊ិក ប៊ុនហុក ជាបេក្ខភាពប្រធានគជប
គណបក្សប្រជាជនកម្ពុជាសម្រេចជ្រើសរើសលោក ស៊ិក ប៊ុនហុក ដែលជាតំណាងរាស្រ្តមណ្ឌលខេត្តកំពង់ធំ ជាប្រធានគណៈកម្មាធិការជាតិរៀបចំការបោះឆ្នោត(គជប) ដើម្បីឲ្យរដ្ឋសភាបោះឆ្នោតផ្តល់សេចក្តីទុកចិត្តនៅពេលខាងមុខ។ នេះបើយោងតាមលិខិតរបស់គណបក្សប្រជាជនកម្ពុជាដាក់ទៅរដ្ឋសភា។
-
មន្ត្រីរដ្ឋាភិបាលច្រានចោលរបាយការណ៍ស្ដីអំពីសហគមន៍ក្រីក្រក្នុងរាជធានីភ្នំពេញ
មន្ត្រីរដ្ឋាភិបាលមួយរូបបានច្រានចោលការអំពាវនាវរបស់អង្គការមិនមែនរដ្ឋាភិបាលចំនួនពីរកាលពីម្សិលមិញ ដែលស្នើឲ្យរដ្ឋាភិបាលខិតខំធ្វើការបន្ថែមទៀតដើម្បីជួយសហគមន៍ក្រីក្រក្នុងរាជធានីភ្នំពេញ [ដែលក្នុងករណីខ្លះត្រូវផ្តល់ឲ្យសហគមន៍ក្រីក្រទាំងនេះនូវប័ណ្ណកម្មសិទ្ធដីធ្លីស្របច្រាប់] ចំពេលអ្វីដែលអង្គការទាំងពីរនេះចាត់ទុកថា ជាប្រព័ន្ធប័ណ្ណកម្មសិទ្ធិដីធ្លីដ៏ស្មុគស្មាញដែលមិនគិតគូរដល់សហគមន៍ក្រីក្រ។ នៅក្នុងរបាយការណ៍រួមមួយដែលមានចំណងជើងថា ” ការមិនរាប់បញ្ជូលសហគមន៍ក្រីក្រក្នុងរាជធានីក្នុងការចុះបញ្ជីដីធ្លីជាប្រព័ន្ធនៅក្នុងរាជធានីភ្នំពេញ” អង្គការទស្សនៈពិភពលោក (World Vision) និងអង្គការវេទិកានៃអង្គការមិនមែនរដ្ឋាភិបាលបានស្វះស្វែងធ្វើយ៉ាងណាឲ្យគេដឹងកាន់តែច្បាស់អំពីប្រព័ន្ធប័ណ្ណកម្មសិទ្ធិដីធ្លី ដែលមិនគិតគូរដល់សហគមន៍ក្រីក្រជាច្រើននៅក្នុងរាជធានីភ្នំពេញ។
-
លោក កឹម សុខា សម្រេចទៅឆ្លើយបំភ្លឺនៅតុលាការករណីហិង្សានៅផ្លូវវ៉េងស្រេង
អនុប្រធានទី១រដ្ឋសភា និងជាអនុប្រធានគណបក្សសង្គ្រោះជាតិ លោក កឹម សុខា នឹងចូលទៅបំភ្លឺនៅសាលាដំបូងរាជធានីភ្នំពេញនៅថ្ងៃទី៨ ខែមេសា ជុំវិញសំណុំរឿងអំពើហិង្សានៅផ្លូវវ៉េងស្រេង កាលពីដើមឆ្នាំ២០១៤។ ការសម្រេចចូលទៅបំភ្លឺនៅតុលាការ របស់លោក កឹម សុខា ដែលចុះផ្សាយលើទំព័រហ្វេសប៊ុករបស់លោក នៅថ្ងៃទី៧ ខែមេសានេះ ដើម្បីឆ្លើយតបទៅនឹងដីការបស់ព្រះរាជអាជ្ញារង លោក លី សុផាន់ណា ដែលនឹងសាកសួរបន្ថែមជុំវិញហិង្សានៅផ្លូវវ៉េងស្រេង។
-
ម៉ុងតាញ៉ាថ្មី១១នាក់សុំសិទ្ធិជាជនភៀសខ្លួន រីឯ៨នាក់ស្លាប់
ជនជាតិដើមភាគតិច ចារ៉ាយ វៀតណាម ១១ នាក់ថ្មីទៀតបានឆ្លងដែនមកសុំសិទ្ធិជ្រកកោនជាជនភៀសខ្លួននៅកម្ពុជា ហើយប្រាំបីនាក់ផ្សេងទៀតត្រូវសហគមន៍អះអាងថាត្រូវគេសម្លាប់ទម្លាក់ចោលក្នុងទឹកក្នុងស្រុក អូរយ៉ាដាវ។ បុរស ១០ នាក់ និងស្រ្តីម្នាក់ជាជនជាតិភាគតិចចារ៉ាយវៀតណាមឬម៉ុងតាញ៉ា បានឆ្លងដែនចូលមកខេត្តរតនគិរី កាលពីយប់ថ្ងៃអាទិត្យដែលធ្វើឲ្យចំនួនពួកគេកំពុងលាក់ខ្លួននៅក្នុងព្រៃសរុបឡើងដល់ ២៣ នាក់។ នេះបើតាមអ្នកភូមិចារ៉ាយក្នុងខេត្តរតនគិរីដែលជួយទំនុកបម្រុងជនម៉ុងតាញ៉ាបានអះអាង។ អ្នកភូមិអាយុ ៤៥ ឆ្នាំបានឲ្យដឹងថា៖ «ម្នាក់ស្រីនោះអាយុ ២៤ ឆ្នាំ។ ក្រៅពីនោះប្រុសទាំងអស់ មានចាស់ មានក្មេង។ ពួកគេមិនហ៊ាននៅផ្ទះទេ ព្រោះគេធ្វើបាបនៅវៀតណាម»។
-
អ្នកភូមិចោទអាជ្ញាធរឃុំថាគំរាមមិនឲ្យតវ៉ាប្រឆាំងការសង់ទំនប់វារីអគ្គិសនីសេសានក្រោម២
ប្រជាពលរដ្ឋរងផលប៉ះពាល់ដោយសារគម្រោងសាងសង់ទំនប់វារីអគ្គិសនីសេសានក្រោមពីរនៅខេត្តស្ទឹងត្រែង ចោទមន្ត្រីមូលដ្ឋានថា គំរាមមិនឲ្យអ្នកភូមិលើកបដាតវ៉ា និងមិនឲ្យចាកចេញពីលំនៅឋាន។ ក៏ប៉ុន្តែមន្ត្រីអាជ្ញាធរអះអាងថា ក្រុមការងារថ្នាក់មូលដ្ឋានចុះធ្វើការអប់រំប្រជាពលរដ្ឋឲ្យចូលរួមដោយស្ម័គ្រចិត្ត ដើម្បីផ្តល់ទិន្នន័យដីធ្លី ទ្រព្យសម្បត្តិពលរដ្ឋ ដើម្បីក្រុមហ៊ុនដោះស្រាយសំណងផលប៉ះពាល់។ ការចោទប្រកាន់នេះ ធ្វើឡើងបន្ទាប់ពីក្រុមអាជ្ញាធរមូលដ្ឋានមានមន្ត្រីក្រុមប្រឹក្សាឃុំ ប្រធានភូមិ នៅព្រឹកថ្ងៃទី៧ ខែមេសា បានចុះទៅតាមលំនៅឋានប្រជាពលរដ្ឋជាង ៤០គ្រួសារដែលតវ៉ាមិនព្រមចុះបញ្ជីស្រង់ទិន្នន័យដីធ្លី ទ្រព្យសម្បត្តិ ហើយប្រាប់អ្នកភូមិឲ្យដកចេញបដាដែលអ្នកភូមិដាក់នៅតាមលំនៅឋាន។
-
ក្រុមអង្គការមិនមែនរដ្ឋាភិបាលទាមទារឲ្យមានសមភាពយេនឌ័រក្នុងគ.ជ.បថ្មី
ក្រុមបណ្ដាញស្ត្រីដែលមកពីអង្គការ និងសមាគមជិត ១០ស្ថាប័ន ធ្វើការងារលើកស្ទួយសិទ្ធិស្ត្រី ស្នើឲ្យគណបក្សនយោបាយទាំងពីរ ដែលមានអាសនៈក្នុងសភា ធ្វើយ៉ាងណាឲ្យមានសមភាពរវាងបុរស និងស្ត្រីនៅក្នុងក្បាលម៉ាស៊ីនដឹកនាំគណៈកម្មាធិការជាតិរៀបចំការបោះឆ្នោត។ ពួកគេនាំគ្នាជិះរ៉ឺម៉កកង់បីមានបដា ទាមទារសមភាពយេនឌ័រក្នុង គ.ជ.ប និងមានក្រុមរបាំត្រុដិដែលបង្ហាញថា នេះជាយុទ្ធនាការធ្វើឲ្យស្របនឹងពិធីបុណ្យចូលឆ្នាំប្រពៃណីជាតិកំពុងខិតមកដល់។ ស្របពេលនៃការទាមទារនេះ បញ្ជីរបស់រដ្ឋសភាបង្ហាញថា មានស្ត្រីតែមួយរូបគត់បានដាក់ពាក្យជាបេក្ខនារីចូលរួមក្នុងការជ្រើសរើសសមាជិក គ.ជ.ប។
-
ពលរដ្ឋមានទំនាស់ដីជិត២០ឆ្នាំនៅបាត់ដំបងអំពាវនាវឲ្យអាជ្ញាធរពន្លឿនការដោះស្រាយ
ប្រជាពលរដ្ឋនៅខេត្តបាត់ដំបង ៥៧គ្រួសារ ដែលមានទំនាស់ដីធ្លីជាមួយមន្ត្រីយោធាក្រសួងការពារជាតិ នៅស្រុកថ្មគោល អំពាវនាវឲ្យអាជ្ញាធរខេត្ត និងមន្ត្រីពាក់ព័ន្ធពន្លឿនការដោះស្រាយប្រគល់ដីឲ្យបានឆាប់ៗ ដើម្បីដាំដុះឲ្យទាន់រដូវវស្សាខាងមុខ។ អ្នកភូមិស្វែងរកកិច្ចអន្តរាគមន៍ពីសំណាក់អាជ្ញាធរពាក់ព័ន្ធអស់ជិត ២០ឆ្នាំមកហើយ ក៏ប៉ុន្តែពុំទទួលបានលទ្ធផលនៅឡើយទេ។ ប្រជាពលរដ្ឋនៅស្រុកថ្មគោល អះអាងថា ការទាមទាររបស់ពួកគេកន្លងមកអាជ្ញាធរស្រុក និងខេត្តបាត់ដំបង បានត្រឹមតែសន្យាជាមួយប្រជាពលរដ្ឋជាបន្តបន្ទាប់ ដោយពុំមានដំណោះស្រាយទេ។
-
ពលរដ្ឋមានទំនាស់ដីជិត២០ឆ្នាំនៅបាត់ដំបងអំពាវនាវឲ្យអាជ្ញាធរពន្លឿនការដោះស្រាយ
ប្រជាពលរដ្ឋនៅខេត្តបាត់ដំបង ៥៧គ្រួសារ ដែលមានទំនាស់ដីធ្លីជាមួយមន្ត្រីយោធាក្រសួងការពារជាតិ នៅស្រុកថ្មគោល អំពាវនាវឲ្យអាជ្ញាធរខេត្ត និងមន្ត្រីពាក់ព័ន្ធពន្លឿនការដោះស្រាយប្រគល់ដីឲ្យបានឆាប់ៗ ដើម្បីដាំដុះឲ្យទាន់រដូវវស្សាខាងមុខ។ អ្នកភូមិស្វែងរកកិច្ចអន្តរាគមន៍ពីសំណាក់អាជ្ញាធរពាក់ព័ន្ធអស់ជិត ២០ឆ្នាំមកហើយ ក៏ប៉ុន្តែពុំទទួលបានលទ្ធផលនៅឡើយទេ។ ប្រជាពលរដ្ឋនៅស្រុកថ្មគោល អះអាងថា ការទាមទាររបស់ពួកគេកន្លងមកអាជ្ញាធរស្រុក និងខេត្តបាត់ដំបង បានត្រឹមតែសន្យាជាមួយប្រជាពលរដ្ឋជាបន្តបន្ទាប់ ដោយពុំមានដំណោះស្រាយទេ។
-
គណៈកម្មការបញ្ចប់ការស៊ើបអង្កេតរឿងបាញ់ឡានដឹកស្រូវនៅព្រៃវែង
គណៈកម្មការចំពោះកិច្ច ដែលចាត់តាំងដោយលោក សៅ សុខា មេបញ្ជាការកងរាជអាវុធហត្ថលើផ្ទៃប្រទេស បានបញ្ចប់ការស៊ើបអង្កេតករណីកងរាជអាវុធហត្ថខេត្តព្រៃវែង ដេញបាញ់ឡានដឹកស្រូវនិងប្រើអំពើហិង្សាលើអ្នកបើកឡាន រួមនឹងព្រូឡាន ខណៈមេបញ្ជាការកងរាជអាវុធហត្ថខេត្តនេះនឹងត្រូវផ្លាស់មកបញ្ជាការដ្ឋានកងរាជអាវុធហត្ថលើផ្ទៃប្រទេស។ ប្រធានគណៈកម្មការចំពោះកិច្ច ដែលបានចាត់តាំងដោយមេបញ្ជាការកងរាជអាវុធហត្ថលើផ្ទៃប្រទេស ទាក់ទិននឹងរឿងបាញ់រថយន្តដឹកស្រូវនេះ លោក ស៊ិន សូផាន្នី បានឲ្យដឹងពីម្សិលមិញថា គណៈកម្មការនេះ បានបញ្ចប់ការស៊ើបអង្កេតរបស់ខ្លួនហើយ និងបានកំណត់មុខសញ្ញាមន្ត្រីពាក់ព័ន្ធមួយចំនួន ប៉ុន្តែលោក សុំមិនផ្តល់ព័ត៌មានលម្អិតទេ។
-
ជំទប់ទី២ឃុំរកាជាមនុស្សទី៧ដែលស្លាប់ដោយសារជំងឺអេដស៍
ជំទប់ទី២ ឃុំរកា ជាមនុស្សទី៧ ដែលស្លាប់ដោយសារជំងឺអេដស៍នៅក្នុងឃុំនេះ បន្ទាប់ពីមានការផ្ទុះអ្នកផ្ទុកមេរោគអេដស៍ជាង២០០នាក់ តាំងពីខែធ្នូ ឆ្នាំ២០១៤មក។ លោក សឿម ឆម អាយុ ៦៤ឆ្នាំ ជាជំទប់២ មកពីគណបក្សសង្គ្រោះជាតិ រស់នៅភូមិរកា ឃុំរកា ស្រុកសង្កែ ខេត្តបាត់ដំបង បានស្លាប់កាលពីម្សិលមិញ។ រហូតមកទល់ពេលនេះ អ្នកផ្ទុកមេរោគអេដស៍នៅរកា បានស្លាប់កើនឡើងដល់៧នាក់ហើយ ក្នុងនោះ ៦នាក់ជាមនុស្សចាស់ និងទារកអាយុ៧ខែម្នាក់។
-
សហព័ន្ធសិទ្ធិមនុស្សមួយប្រកាសគាំទ្រឲ្យមានច្បាប់គ្រប់គ្រងសមាគម-អង្គការ
សហព័ន្ធសិទ្ធិមនុស្ស និងអភិវឌ្ឍន៍កម្ពុជា ប្រកាសគាំទ្រឲ្យរដ្ឋាភិបាលកម្ពុជាក្នុងការអនុម័តច្បាប់គ្រងគ្រងអង្គការក្រៅរដ្ឋាភិបាល ដោយចាត់ទុកថាច្បាប់នេះស្របតាមរដ្ឋធម្មនុញ្ញកម្ពុជា និងជួយលើកកិត្តិយសសង្គមស៊ីវិលស្អាតស្អំ។ សេចក្តីថ្លែងការណ៍របស់សហព័ន្ធសិទ្ធិមនុស្ស និងអភិវឌ្ឍន៍កម្ពុជា ចេញផ្សាយនៅថ្ងៃទី០៧ ខែមេសា ឲ្យដឹងថាសហព័ន្ធតំណាងឲ្យ១៥សមាគម-អង្គការ ប្រកាសគំាទ្រប្រសាសន៍លោកនាយករដ្ឋមន្រ្តី ហ៊ុន សែន ចំពោះការអនុម័តច្បាប់គ្រប់គ្រងអង្គការមិនមែនរដ្ឋាភិបាល។ សេចក្តីថ្លែងការណ៍បន្តថាយោងតាមមាត្រា៤២នៃរដ្ឋធម្មនុញ្ញកម្ពុជាចែងថាប្រជាពលរដ្ឋខ្មែរមានសិទ្ធិបង្កើតសមាគម និងគណបក្សនយោបាយ ដែលសិទ្ធិនេះត្រូវកំណត់ក្នុងច្បាប់ ដូច្នេះកម្ពុជាត្រូវតែមានច្បាប់ស្តីពីការគ្រប់គ្រងសមាគម-អង្គការមិនមែនរដ្ឋាភិបាល។
-
កម្មកររោងចក្រវ៉ាយស្រេងវេនៅខេត្តកណ្ដាលតវ៉ាទាមទារបើកប្រាក់ខែ
កម្មកររោងចក្រវ៉ាយស្រេងវេ នៅភូមិក្បាលអូ ឃុំទំនប់ធំ ស្រុកពញាឮ ខេត្ដកណ្ដាលមានគ្នាជាង១០០នាក់ នៅព្រឹកថ្ងៃអង្គារនេះ នាំគ្នាឈប់ធ្វើការ ហើយប្រមូលផ្ដុំមុខរោងចក្រទាមទារឲ្យភាគីរោងចក្របើកប្រាក់ខែឲ្យខ្លួន ។ តំណាងកម្មករម្នាក់លោក សាន់ លត ឲ្យVODដឹងថា រោងចក្រមិនបានបើកប្រាក់ឲ្យកម្មករពីរខែមកហើយ ហើយពេលនេះ ថៅកែរោងចក្របានរត់បាត់ នៅសល់តែសម្ភារ និងឃ្លាំងនៅក្នុងរោងចក្រប៉ុណ្ណោះ ។
-
បក្សជាប់ឆ្នោតបន្តលាក់បាំងបេក្ខជនដែលនឹងត្រូវធ្វើជាប្រធាន គ.ជ.ប ថ្មី
មេដឹកនាំតំណាងសំឡេងភាគច្រើន និងសំឡេងភាគតិច នៅតែបន្ដបិទបាំង មិនទាន់ប្រាប់ឲ្យដឹងថាតើនរណានឹងធ្វើជាប្រធានគណៈកម្មាធិការជាតិរៀបចំការបោះឆ្នោត (គ.ជ.ប) ថ្មី និងនីតិវិធី ក្នុងការបោះឆ្នោតជ្រើសរើសថ្នាក់ដឹកនាំស្ថាប័នជាតិកំពូលមួយនេះនៅឡើយ ខណៈគណបក្សប្រជាជន ដែលកំពុងមានប្រៀបលើគណបក្សសង្គ្រោះជាតិ ត្រូវបានគេមើលឃើញថា អាចនឹងនៅតែបន្តធ្វើជាប្រធាន គ.ជ.ប ថ្មីនេះទៀត។ ក្នុងសន្និសីទសារព័ត៌មានប្រហែល ១០ នាទីបន្ទាប់ពីកិច្ចប្រជុំប្រហែល ១ ម៉ោងនៅរដ្ឋសភា កាលពីល្ងាចម្សិលមិញ ទាំងលោក សម រង្ស៊ី ប្រធានគណបក្សសង្គ្រោះជាតិ ដែលជាមេដឹកនាំតំណាងសំឡេងភាគតិច និងលោកឧបនាយករដ្ឋមន្រ្តី ស ខេង នៃគណបក្សប្រជាជន ដែលជាមេដឹកនាំតំណាងសំឡេងភាគច្រើន បានបដិសេធមិនធ្វើការអត្ថាធិប្បាយ ទាក់ទងនឹងសំណួរ អំពីសមាសភាពរបស់ គ.ជ.ប ទេ ដោយប្រាប់អ្នកសារព័ត៌មានឲ្យរង់ចាំសម័យប្រជុំរបស់រដ្ឋសភា ដែលបោះឆ្នោតជ្រើសរើសសមាជិក គ.ជ.ប ថ្មី នៅថ្ងៃចន្ទទី ១៣ ខែមេសា។
-
កម្មកររោងចក្រវ៉ាយស្រេងវេនៅខេត្តកណ្ដាលតវ៉ាទាមទារបើកប្រាក់ខែ
កម្មកររោងចក្រវ៉ាយស្រេងវេ នៅភូមិក្បាលអូ ឃុំទំនប់ធំ ស្រុកពញាឮ ខេត្ដកណ្ដាលមានគ្នាជាង១០០នាក់ នៅព្រឹកថ្ងៃអង្គារនេះ នាំគ្នាឈប់ធ្វើការ ហើយប្រមូលផ្ដុំមុខរោងចក្រទាមទារឲ្យភាគីរោងចក្របើកប្រាក់ខែឲ្យខ្លួន ។ តំណាងកម្មករម្នាក់លោក សាន់ លត ឲ្យVODដឹងថា រោងចក្រមិនបានបើកប្រាក់ឲ្យកម្មករពីរខែមកហើយ ហើយពេលនេះ ថៅកែរោងចក្របានរត់បាត់ នៅសល់តែសម្ភារ និងឃ្លាំងនៅក្នុងរោងចក្រប៉ុណ្ណោះ ។ លោក សាន់ លត ឲ្យដឹងដែរថា កាលពីម្សិលមិញ តំណាងរោងចក្របានប្រាប់កម្មករថា កម្មករកម្មកានីរោងចក្រទាំងអស់ដែលធ្វើការរយៈពីរខែដោយមិនទាន់បើកប្រាក់ខែ ត្រូវទទួលបានប្រាក់ខែតែមួយខែប៉ុណ្ណោះ ហើយទទួលបានតែប្រាក់ខែគោលគឺ១៦០ ដុល្លារ ដោយគ្មានប្រាក់ថែមម៉ោង ប្រាក់ព្រីម និងថ្លៃធ្វើដំណើរនោះទេ ។ លោកថា កម្មករមួយចំនួនបានសុខចិត្តទទួលយកប្រាក់នោះ ដោយសារពួកគេត្រូវការថវិកានោះសម្រាប់ធ្វើដំណើរទៅស្រុកកំណើតចូលឆ្នាំប្រពៃណីខែ្មរ តែមួយចំនួនទៀតរួមទាំងរូបលោកមិនព្រមទទួលទេ គឺទាមទារឲ្យរោងចក្របើកប្រាក់ឲ្យពួកគេឲ្យគ្រប់ ។
-
អាជ្ញាធរខេត្តក្រចេះផ្ដល់ដីដែលពលរដ្ឋកំពុងរស់នៅទៅឲ្យមនុស្ស១ក្រុមទៀត
អាជ្ញាធរខេត្តក្រចេះ ដែលដឹកនាំលោក ខ័ណ្ឌ ចំណាន អភិបាលរងខេត្តនេះ បាននាំក្រុមពលរដ្ឋ ៧២គ្រួសារទៅឲ្យស្គាល់ទីតាំងដី និងផ្ដល់ប័ណ្ណកម្មសិទ្ធិ ក្នុងពេលដែលដីនោះកំពុងតែមានក្រុមពលរដ្ឋ ៣១គ្រួសាររស់នៅ។ ការចុះបង្ហាញទីតាំងដីកាលថ្ងៃទី៦ មេសា ធ្វើឲ្យពលរដ្ឋទាំងពីរក្រុមមើលមុខគ្នាមិនចំ និយាយសំឡេងខ្លាំងៗរៀងៗខ្លួននៅមុខអាជ្ញាធរខេត្ត។ ការចុះអន្តរាគមន៍របស់អាជ្ញាធរខេត្តនេះ អមដោយកម្លាំងចម្រុះរាប់សិបនាក់ ប្រដាប់ដោយអាវុធក្នុងដៃ និងបានដកហូតកាំបិត ពូថៅ ចេញពីផ្ទះរបស់ពលរដ្ឋ និងប្រាប់ឲ្យរើឥវ៉ាន់ចេញពីផ្ទះជាបន្ទាន់។ មន្ត្រីសិទ្ធិមនុស្សយល់ថា ទង្វើរបស់សមត្ថកិច្ច គឺបំពានច្បាប់ភូមិបាល និងអនុសាសន៍របស់នាយករដ្ឋមន្ត្រីដែលនិយាយថា មិនបណ្ដេញពលរដ្ឋចេញពីដីបង្កបង្កើនផល។
-
សហគមន៍ស្រុកលំផាត់ខេត្ដរតនគិរីចោទប្រធានបរិស្ថានស្រុកថាដោះលែងរថយន្តដឹកឈើខុសច្បាប់
ប្រជាសហគមន៍នៅភូមិថ្មី ឃុំជ័យឧត្ដម ស្រុកលំផាត់ ខេត្ដរតនគិរីចោទប្រធានការិយាល័យបរិស្ថានស្រុកលំផាត់ថា បានដោះលែងរថយន្តដឹកឈើដឹកឈើខុសច្បាប់ពីរគ្រឿងដែលប្រជាសហគមន៍ចាប់បាន ដោយមិនបានបញ្ជាក់ប្រាប់ពីមូលហេតុនៃការដោះលែង ។ ប្រធានសហគមន៍ស្រុកលំផាត់លោក ដាំ លៀន បានឲ្យVODដឹងថា កាលពីយប់ថ្ងៃទី០៥ ខែមេសា វេលាម៉ោង១០និង៣០នាទីយប់ ប្រជាសហគមន៍បានឃាត់រថយន្តដឹកឈើខុសច្បាប់ខុសច្បាប់ពីរគ្រឿង រួចបញ្ជូនទៅស្នាក់ការបរិស្ថានស្រុកលំផាត់ ដើម្បីដាក់ទោសទៅតាមផ្លូវច្បាប់ ។
គាំទ្រដោយ
