កំពុងស្វែងរកទិន្នន័យ
រកឃើញ: 13.090
-
ប៉ូលិស រារាំងសកម្មជនស្ត្រី ដាក់ញត្តិស្នើឲ្យមានសមភាពរវាងស្ត្រី និងបុរសក្នុងគ.ជ.ប
អាជ្ញាធរ និងប៉ូលិស បានរារាំងសកម្មជនស្ត្រី មកពីអង្គការសង្គមស៊ីវិលជាច្រើន មិនឲ្យហែក្បួន ដាក់ញត្តិនៅរដ្ឋសភា គណបក្សប្រជាជនកម្ពុជា និងគណបក្សសង្គ្រោះជាតិ នាព្រឹកថ្ងៃអង្គារ ទី៧ ខែមេសា។ ក្រុមស្ត្រីអង្គការសង្គមស៊ីវិល ស្នើឲ្យមានសមភាពរវាងស្ត្រី និងបុរស ក្នុងគជបថ្មី។ នោះគឺគណបក្សទាំងពីរ ត្រូវដាក់បេក្ខជនយ៉ាងហោចណាស់ជាស្ត្រីម្នាក់ ក្នុងមួយគណបក្ស ហើយប្រធាន និងអនុប្រធានគជបថ្មី ត្រូវមានភេទផ្ទុយគ្នា។
-
លោកកឹមសុខានឹងចូលបំភ្លឺ នៅតុលាការ នាថ្ងៃស្អែក
នៅទីបំផុតទៅលោកកឹម សុខា អនុប្រធានទី១រដ្ឋសភា និងជាអនុប្រធានគណបក្សសង្គ្រោះជាតិ បានសម្រេច ថា នឹងចូលបំភ្លឺនៅសាលាដំបូងរាជធានីភ្នំពេញ វេលាម៉ោង៨ និង៣០នាទី ព្រឹកថ្ងៃទី០៨ ខែមេសា ឆ្នាំ២០១៥។ នេះបើតាម ការបង្ហោះនៅលើទំព័រហ្វេសប៊ុក របស់លោកកឹម សុខា នៅរសៀលថ្ងៃនេះ។
-
មន្ត្រីសិទ្ធិមនុស្ស៖ ជនជាតិម៉ុងតាញ៉ា១១នាក់ទៀតរត់គេចពីវៀតណាមចូលមកកម្ពុជា
មន្ត្រីសិទ្ធិប្រចាំតំបន់ឲ្យដឹងថា ជនស្វែងរកសិទ្ធិជ្រកកោនម៉ុងតាញ៉ា១១នាក់បន្ថែមទៀត បានភៀសខ្លួនពីប្រទេសវៀតណាមចូលមកប្រទេសកម្ពុជា តាមព្រំដែនខេត្តរតនគិរី កាលពីយប់ថ្ងៃអាទិត្យ ទី៥ ខែ មេសានេះ ។ មន្ត្រីសម្របសម្រួលរបស់សមាគមអាដហុកប្រចាំខេត្តរតនគីរី លោក ឆាយ ធី ឲ្យដឹងនៅថ្ងៃនេះថា ជនជាតិម៉ុងតាញ៉ា១១នាក់បន្ថែមទៀត បានភៀសខ្លួនពីប្រទេសវៀតណាម ចូលមកខេត្តរតនគិរីដើម្បីស្វែងរកសិទ្ធិជ្រកកោន ។ លោកថា «ខ្ញុំបានរាយការណ៍ទៅអង្គការសហប្រជាជាតិរួចហើយ អំពីការមកដល់របស់អ្នកទាំង១១នាក់នេះ ហើយបច្ចុប្បន្នជនជាតិម៉ុងតាញ៉ាទាំងនោះកំពុងលាក់ខ្លួន និងរស់នៅជាគ្រួសារជនជាតិភាគតិចចារ៉ាយ ក្នុងស្រុកអណ្តូងមាសខេត្តរតនគីរី» ។
-
តើមានមូលហេតុអ្វី បានជារដ្ឋាភិបាលរៀបចំបង្កើតច្បាប់គ្រប់គ្រងសង្គមស៊ីវិល?
សម្រាប់នាទីស្វែងយល់ពីច្បាប់នៅថ្ងៃនេះ ឃួន សុភ័ក្រ បានជួបសម្ភាសន៍តាមទូរស័ព្ទ ជាមួយលោកផៃ ស៊ីផាន មន្ដ្រីជាន់ខ្ពស់រាជរដ្ឋាភិបាលកម្ពុជាដើម្បីចង់ដឹង ថា តើមានមូលហេតុអ្វីខ្លះ បានជារដ្ឋាភិបាលរៀបចំបង្កើតច្បាប់ ស្ដីពីការគ្រប់គ្រងអង្គការសង្គមស៊ីវិល។ សេចក្តីព្រាងច្បាប់ស្តីពីការគ្រប់គ្រងអង្គការសង្គមស៊ីវិល នឹងត្រូវបញ្ជូនទៅទីស្តីការគណៈរដ្ឋមន្ត្រីដើម្បីអនុម័តនៅខែឧសភា ឆ្នាំ ២០១៥ ខាងមុខនេះ។
-
អ្នកភូមិឃើញសាកសព៨នាក់អណ្ដែតទឹកនិងម៉ុងតាញ៉ា១១នាក់ថ្មីលាក់ខ្លួនក្នុងព្រៃខេត្តរតនគិរី
ប្រជាពលរដ្ឋជនជាតិដើមភាគតិចចារ៉ាយ-ខ្មែរ រស់នៅស្រុកអណ្ដូងមាស ខេត្តរតនគិរី អះអាងថា អ្នកភូមិប្រទះឃើញសាកសព ៨នាក់អណ្ដែតក្នុងទន្លេតូចមួយ ជាប់បន្ទាត់ខណ្ឌព្រំដែនស្រុកអណ្ដូងមាស និងប្រទេសវៀតណាម ហើយបន្ទាប់ពីមានហេតុការណ៍នេះប៉ុន្មានថ្ងៃ អ្នកភូមិអះអាងថា មានក្រុមម៉ុងតាញ៉ា-វៀតណាម ១១នាក់ថ្មីទៀត បានភៀសខ្លួនមកលាក់ខ្លួនក្នុងព្រៃនៅតំបន់នោះ។
-
សហគមន៍ព្រៃឡង់ខេត្តកំពង់ធំចោទមន្ត្រីប៉ូលិសថាពាក់ព័ន្ធការកាប់ព្រៃឈើខុសច្បាប់
ប្រជាសហគមន៍ព្រៃឡង់ខេត្តកំពង់ធំ បានចុះល្បាតព្រៃឡង់ ៤ថ្ងៃ ហើយរកឃើញបទល្មើសកាប់បំផ្លាញព្រៃឈើ រួមនឹងឧបករណ៍មួយចំនួនផង។ ប្រជាសហគមន៍អះអាងថា បទល្មើសព្រៃឈើទាំងនោះជារបស់មន្ត្រីមានសមត្ថកិច្ចនៅស្រុកសណ្ដាន់ ដោយមានមន្ត្រីអធិការស្រុកនៅពីក្រោយ។ យ៉ាងណា អធិការស្រុកបានបដិសេធការចោទប្រកាន់នេះ។ ប្រជាសហគមន៍នៅក្នុងឃុំសណ្ដាន់ ស្រុកសណ្ដាន់ កាន់តែបារម្ភនៅពេលពួកគេដឹងកាន់តែច្បាស់ថា អ្នករកស៊ីឈើខុសច្បាប់នៅក្នុងតំបន់ព្រៃឡង់ គឺជាមន្ត្រីមានសមត្ថកិច្ច ដោយអ្នកខ្លះជាទាហាន ខ្លះជាមន្ត្រីប៉ូលិសប៉ុស្តិ៍ ខ្លះជាកូនចៅរបស់អធិការស្រុកថែមទៀត។
-
ព្រះមហាក្សត្រនឹងប្រទានការលើកលែងទោសទណ្ឌិតស្ត្រី៣៧នាក់បន្ថែមទៀត
ក្រសួងយុត្តិធម៌បានកំពុងរៀបចំឯកសារថ្វាយព្រះមហាក្សត្រ ដើម្បីសុំព្រះរាជទានលើកលែងទោសដល់ទណ្ឌិតស្ត្រី៣៧នាក់ មានគភ៌ និងមានកូនតូច ដែលកំពុងជាប់ឃុំនៅក្នុងពន្ធនាគារទូទាំងប្រទេស នាឱកាសបុណ្យចូលឆ្នាំថ្មី ។ អ្នកនាំពាក្យក្រសួងយុត្តិធម៌ លោក ជិន ម៉ាលីន ប្រាប់VOD ថ្ងៃអង្គារទី៧ មេសានេះថាស្ត្រីទណ្ឌិតចំនួន៣៧នាក់ មានគភ៌ និងមានកូនតូចៗនៅជាមួយ នឹងត្រូវទទួលបានការលើកលែងទោសពីព្រះមហាក្សត្រ មុនបុណ្យចូលឆ្នាំថ្មីប្រពៃណីជាតិខាងមុខ ។
-
អ្នកភូមិតវ៉ាប្រឆាំងការដាក់របាំងពុះចែកផ្លូវ
ប្រជាពលរដ្ឋ ៤៥ នាក់នៅភូមិកៀនឃ្លាំង និងភូមិព្រែកលៀប សង្កាត់ព្រែកលៀប ខណ្ឌជ្រោយចង្វារ កាលពីព្រឹកម្សិលមិញបានធ្វើការតវ៉ាទាមទារឲ្យមន្ទីរសាធារណៈការ នឹងដឹកជញ្ជូនរាជធានី ដកចេញនូវរបាំងសួនច្បារពុះចែកទ្រូងផ្លូវជាតិលេខ ៦ ប្រវែង ២០ ម៉ែត្រដើម្បីបើកផ្លូវ ចូលទៅកាន់ភូមិរបស់ពួកគាត់។ លោក រិទ្ធិ ឌីណា តំណាងប្រជាពលរដ្ឋ នៅភូមិកៀនឃ្លាំង បាននិយាយថា ពួកគាត់មិនជំទាស់ទៅនឹងគម្រោងនៃការរៀបចំរបាំងសួនច្បារពុះចែកទ្រូងផ្លូវជាតិ លេខ ៦ នេះទេ ព្រោះគម្រោងនេះ វាមានសារៈសំខាន់ក្នុងការបញ្ចៀសភាពកកស្ទះចរាចរណ៍។ ប៉ុន្តែពួកគាត់ចង់ឲ្យមានការកាត់ចេញនូវចន្លោះប្រមាណ ២០ ម៉ែត្រ ដើម្បីបើកច្រកផ្លូវចេញចូលទៅក្នុងភូមិរបស់ពួកគាត់។
-
លោក អ៊ឹម សួស្តី អះអាងថាលោកមិនចង់ធ្វើប្រធានគជប ដោយសារវ័យចាស់ជរា
ប្រធានគណៈកម្មាធិការជាតិរៀបចំការបោះឆ្នោត(គជប)បច្ចុប្បន្ន លោក អ៊ឹម សួស្តី អះអាងថាលោកមិនបានដាក់ពាក្យធ្វើជាសមាជិកគជបនោះទេ ដោយសារតែលោកមានវ័យចាស់ជរា។ តាមបញ្ជីរាយនាមបេក្ខជនដែលបានដាក់ពាក្យសុំឈរឈ្មោះជាសមាជិកគជប ឲ្យដឹងថាបេក្ខជនជាសមាជិកគជបដែលមានគ្រប់លក្ខខណ្ឌមានចំនួន២៤រូប ដែលក្នុងនោះយ៉ាងតិច៣រូបមកពីគណបក្សប្រជាជនកម្ពុជា រួមមាន លោក មាន សទិ លោក ឯម សុផាត និងលោក ស៊ិក ប៊ុនហុក។ គណបក្សសង្គ្រោះជាតិ រួមមាន លោក គួយ ប៊ុនរឿន លោក មុត ចន្ថា និងលោក ជូង ជូងី និងលោក ម៉ៅ សុភារិទ្ធ ជាដើម។ ក្នុងបញ្ជីឈ្មោះនោះមិនមានឈ្មោះលោក អ៊ឹម សួស្តី នោះទេ។
-
សមាគម-អង្គការចំនួន១៥គាំទ្រឲ្យរដ្ឋាភិបាលបង្កើតច្បាប់គ្រប់គ្រងNGOs
សហព័ន្ធសិទ្ធមនុស្ស និងអភិវឌ្ឍន៍កម្ពុជា ដែលមាន១៥ សមាគម-អង្គការ បានចេញសេចក្តីថ្លែងការណ៍ គាំទ្រប្រសាសន៍លោកនាយករដ្ឋមន្ត្រីហ៊ុន សេន កាលពីថ្ងៃទី០៥ មេសា ទាក់ទងនឹងការបង្កើតច្បាប់ស្តីពីការគ្រប់គ្រងសមាគម-អង្គការមិនមែនរដ្ឋាភិបាល។ ក្នុងសេចក្តីថ្លែងការណ៍ចុះថ្ងៃទី០៧ មេសា សហព័ន្ធសិទ្ធមនុស្ស និងអភិវឌ្ឍន៍កម្ពុជា បានលើកឡើងពីផលវិជ្ជមានជាច្រើន នៅពេលដែលកម្ពុជាបង្កើតច្បាប់ស្តីពីការគ្រប់គ្រងអង្គការសង្គមស៊ីវិលនេះ ដូចជាបានលើកកម្ពស់គោលការណ៍គណនេយ្យភាព តម្លាភាព និងការពារផលប្រយោជន៍ស្របច្បាប់ក្នុងស្ថាប័ន NGOsនិងរួមចំណែកបានសន្តិសុខជាតិ សណ្តាប់ធ្នាប់សាធារណៈ៕
-
សង្គមស៊ីវិលថា ច្បាប់ NGOs នឹងកំហិតសេរីភាពពួកគេក្នុងការជួយពលរដ្ឋឲ្យចេះប្រើសិទ្ធិ
អង្គការសង្គមស៊ីវិលរិះគន់ថា ការបង្កើតច្បាប់គ្រប់គ្រងពួកគេ ដោយសាររដ្ឋាភិបាលមិនចង់ឲ្យពលរដ្ឋចេះប្រើសិទ្ធិរបស់ខ្លួន និងមានសិទ្ធិទទួលបានព័ត៌មានផ្សេងៗ ។ ការរិះគន់នេះគឺបន្ទាប់ពីលោកនាយករដ្ឋមន្ត្រី ហ៊ុន សែន ប្រកាសថា យ៉ាងយូរត្រឹមត្រឹម ខែឧសភា ឆ្នាំ២០១៥នេះ ច្បាប់គ្រប់គ្រងអង្គការសង្គមស៊ីវិល នឹងត្រូវបញ្ជូនទៅរដ្ឋសភា អនុម័តដោយមតិ៥០% បូក ១ ។
-
សង្គមស៊ីវិលថា ច្បាប់ NGOs នឹងកំហិតសេរីភាពពួកគេក្នុងការជួយពលរដ្ឋឲ្យចេះប្រើសិទ្ធិ
អង្គការសង្គមស៊ីវិលរិះគន់ថា ការបង្កើតច្បាប់គ្រប់គ្រងពួកគេ ដោយសាររដ្ឋាភិបាលមិនចង់ឲ្យពលរដ្ឋចេះប្រើសិទ្ធិរបស់ខ្លួន និងមានសិទ្ធិទទួលបានព័ត៌មានផ្សេងៗ ។ ការរិះគន់នេះគឺបន្ទាប់ពីលោកនាយករដ្ឋមន្ត្រី ហ៊ុន សែន ប្រកាសថា យ៉ាងយូរត្រឹមត្រឹម ខែឧសភា ឆ្នាំ២០១៥នេះ ច្បាប់គ្រប់គ្រងអង្គការសង្គមស៊ីវិល នឹងត្រូវបញ្ជូនទៅរដ្ឋសភា អនុម័តដោយមតិ៥០% បូក ១ ។ ប្រធានផ្នែកស៊ើបអង្កេតនៃសមាគមអាដហុក លោក នី ចរិយា មានប្រសាសន៍ថា ប្រមុខរាជរដ្ឋាភិបាល លោក ហ៊ុន សែន មិនបានដឹងគុណអង្គការសង្គមស៊ីវិល ដែលបានខិតខំផ្តល់ការអប់រំច្បាប់ និងបង្រៀនពលរដ្ឋឲ្យចេះប្រាស់សិទ្ធិរបស់ពួកគេនោះទេ ទើបបង្កើតច្បាប់រិតបន្តឹងអង្គការសង្គមស៊ីវិល ។ លោកបន្តទៀតថា ច្បាប់ថ្មីនេះ នឹងរឹតត្បិតសេរីភាពសង្គមស៊ីវិលក្នុងការជួយឲ្យពលរដ្ឋឲ្យចេះដឹងពីច្បាប់ និងដឹងពីសិទ្ធិទទួលបានព័ត៌មានផ្សេងៗ ។
-
សាលារាជធានីហាមឃាត់ការតវ៉ាប្រឆាំងការទទួលទានសាច់ឆ្កែ
ផែនការតវ៉ាប្រឆាំងនឹងការទទួលទានសាច់ឆ្កែត្រូវបានហាមឃាត់ មុនពេលការតវ៉ានេះចាប់ផ្ដើមនៅក្នុងរាជធានីភ្នំពេញកាលពីម្សិលមិញ បន្ទាប់ពីអាជ្ញាធររាជធានីបានលើកឡើងថា ក្រុមអ្នកតវ៉ាគ្មានការអនុញ្ញាតឲ្យជួបជុំគ្នា។ស្សជាង៣០នាក់ និងសត្វសុនខក្នុងចំនួនប្រហែល៣០ក្បាលដែរបានមកជួបជុំគ្នាក្បែរវិមានឯករាជ្យនៅក្នុងសួននាគបាញ់ទឹក ដើម្បីចូលរួមនៅក្នុងព្រឹត្តិការណ៍ទូទាំងពិភពលោក។ អ្នកតវ៉ាម្នាក់ឈ្មោះ Mary Velasco អាយុ២៩ឆ្នាំ ជាគ្រូបង្រៀនមកពីប្រទេសហ្វីលីពីន និងជាអ្នករៀបចំម្នាក់ក្នុងចំណោមអ្នករៀបចំការតវ៉ាផ្សេងៗទៀតបាននិយាយថា ”គោលដៅនៃព្រឹត្តិការណ៍នេះ ដំបូងគឺដើម្បីលើកកម្ពស់ការយល់ដឹងប្រឆាំងនឹងការជួញដូរសាច់សត្វចិញ្ចឹម”។
-
ឈ្មួញរកស៊ីដីធ្លីនៅស្ទឹងត្រែងប្ដឹងពលរដ្ឋថាដុតចម្ការរបស់ខ្លួន
ឈ្មួញរកស៊ីដីធ្លីនៅខេត្តស្ទឹងត្រែង បានប្ដឹងពលរដ្ឋទៅស្នងការខេត្តថា បានដុតចម្ការរបស់ខ្លួន។ ប៉ុន្តែពលរដ្ឋដែលរងការចោទប្រកាន់បដិសេធថា ពួកគេមិនបានដុតចម្ការនោះទេ ព្រោះដីចម្ការរបស់ខ្លួននៅម្ខាងផ្លូវរបស់ឈ្មួញនោះ។ តំណាងពលរដ្ឋពីរគ្រួសាររងការចោទប្រកាន់ថា បានដុតបំផ្លាញដីចម្ការលោកស្រី ងិន សារី ដែលកំពុងមានវិវាទធ្លីជាមួយគ្នានៅភូមិរំដេង ឃុំចំការលើ ស្រុកថាឡាបរិវ៉ាត់ ខេត្តស្ទឹងត្រែង កាលពីថ្ងៃទី២៨ ខែមីនា។ សង្គមស៊ីវិលព្រួយបារម្ភថា ពាក្យបណ្ដឹងនេះ គឺធ្វើឡើងដើម្បីរារាំងសកម្មភាពតវ៉ារបស់ពលរដ្ឋដែលតែងតែប្ដឹងលោកស្រី ងិន សារី ទៅស្ថាប័ននានា។
-
ច្បាប់គ្រប់គ្រងអង្គការសង្គមស៊ីវិលនឹងគ្មានការពិគ្រោះយោបល់ជាមួយសង្គមស៊ីវិលទេ
លោកនាយករដ្ឋមន្រ្តី ហ៊ុន សែន ថ្លែងកាលពីម្សិលមិញថា រដ្ឋាភិបាលនឹងមិនពិគ្រោះយោបល់ជាមួយនឹងអង្គការសង្គមស៊ីវិលទេ លើសេចក្តីព្រាងច្បាប់ដ៏ចម្រូងចម្រាស ដែលនឹងគ្រប់គ្រងអង្គការសង្គមស៊ីវិល ដែលនឹងបញ្ជូនទៅទីស្តីការគណៈរដ្ឋមន្រ្តី និងរដ្ឋសភាអនុម័តនៅខែឧសភា។ នៅមជ្ឈមណ្ឌលកុមារគថ្លង់នៅសង្កាត់ភ្នំពេញថ្មី ខណ្ឌសែនសុខកាលពីថ្ងៃអាទិត្យ ក្នុងឱកាសចែកអាហារជាមួយនឹងកុមារ មុនពិធីបុណ្យចូលឆ្នាំថ្មីប្រពៃណីខ្មែរ លោក ហ៊ុន សែន បានថ្លែងថា ៖ «វាជាបញ្ហារបស់អ្នកដែលមិនឯកភាព [ឲ្យមានច្បាប់ ស្តីពីអង្គការមិនមែនរដ្ឋាភិបាល] ប៉ុន្តែ រដ្ឋាភិបាលបានព្រាងច្បាប់រួចហើយតាំងពីឆ្នាំ ២០១២ ហើយនឹងអនុម័តដោយទីស្តីការគណៈរដ្ឋមន្រ្តី មិនក្រោយខែឧសភាទេ បន្ទាប់មកនឹងបញ្ជូនទៅរដ្ឋសភា ហើយសេចក្តីព្រាងច្បាប់នឹងត្រូវអនុម័តដោយគ្មានឧបសគ្គឡើយ»។ ច្បាប់ស្តីពីការគ្រប់គ្រងអង្គការសង្គមស៊ីវិល នឹងតម្រូវឲ្យសមាគម អង្គការមិនមែនរដ្ឋាភិបាលចុះបញ្ជីជាមួយនឹងរដ្ឋាភិបាល ដើម្បីមានឋានៈផ្លូវច្បាប់ ហើយតម្រូវឲ្យអង្គការ សមាគមទាំងនោះ រាយការណ៍ពីសកម្មភាព និងហិរញ្ញវត្ថុរបស់ខ្លួនជារៀងរាល់ឆ្នាំទៅរដ្ឋាភិបាល។
-
នាយករដ្ឋមន្រ្តីរិះគន់សកម្មជនប្រឆាំងការជួញដូរមនុស្ស ម៉ម សុម៉ាលី ថាធ្វើឲ្យខូចកេរ្តិ៍ឈ្មោះខ្មែរ
លោកនាយករដ្ឋមន្រ្តី ហ៊ុន សែន កាលពីថ្ងៃអាទិត្យ បានរិះគន់មិនចំឈ្មោះអង្គការAFESIPរបស់សកម្មជនប្រឆាំងការជួញដូរមនុស្ស អ្នកស្រី ម៉ម សុម៉ាលី ដោយលោកចាត់ទុកថាធ្វើឲ្យខូចកេរ្តិ៍ឈ្មោះកម្ពុជាលើឆាកអន្តរជាតិ។ លោកនាយករដ្ឋមន្រ្តីបានថ្លែងបែបនេះនៅពេលចុះសួរសុខទុក្ខកុមារពិការគថ្លង់នៅអង្គការគ្រួសារថ្មី ក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ ខណៈលោកបានប្រតិកម្មទៅនឹងអង្គការក្រៅរដ្ឋាភិបាល ដែលប្រឆាំងនឹងសេចក្តីព្រាងច្បាប់គ្រប់គ្រងអង្គការក្រៅរដ្ឋាភិបាល។
-
បក្សប្រជាជនទំនងធ្វើជាប្រធាន គ.ជ.ប ថ្មីទៀត
បេក្ខជនពីគណបក្សប្រជាជន ទំនងជាអាចធ្វើជាប្រធានគណៈកម្មាធិការជាតិរៀបចំការបោះឆ្នោត (គ.ជ.ប) ថ្មីទៀត។ នេះបើយោងតាមមន្ត្រីគណបក្សប្រជាជនដែលថា គណបក្សកាន់អំណាចមានប្រៀប បើផ្អែកទៅលើកិច្ចព្រមព្រៀងនយោបាយកាលពីថ្ងៃទី ២២ ខែកក្កដាឆ្នាំមុន។ លោក សុខ ឥសាន អ្នកនាំពាក្យ គណបក្សប្រជាជន បានបញ្ជាក់កាលពីម្សិលមិញថា លោក ស ខេង មេដឹកនាំតំណាងសំឡេងភាគច្រើន និងលោក សម រង្ស៊ី មេដឹកនាំតំណាងសំឡេងភាគតិច នឹងជួបប្រជុំនៅល្ងាចថ្ងៃនេះ ដើម្បីពិភាក្សាលើការជ្រើសរើសសមាសភាព គ.ជ.ប ថ្មី បន្ទាប់ពីបេក្ខជន ៦០ រូប បានទទួលពាក្យសុំពីគណៈកម្មាធិការអចិន្រៃ្តយ៍របស់រដ្ឋសភា ហើយបេក្ខជនជាង ២០ រូប បានដាក់ពាក្យសុំធ្វើជាសមាជិក គ.ជ.ប។
-
លោក ហ៊ុន សែន សរសើរច្បាប់អង្គការក្រៅរដ្ឋាភិបាលថាជារបាំងរារាំងការផ្តល់ហិរញ្ញវត្ថុភេរវកម្ម
លោកនាយករដ្ឋមន្ត្រី ហ៊ុន សែន បានមានប្រសាសន៍កាលពីថ្ងៃអាទិត្យថា សមាជិកសភាត្រូវតែអនុម័តច្បាប់ដ៏ចម្រូងចម្រាសស្តីពីអង្គការក្រៅរដ្ឋាភិបាល ដើម្បីទប់ស្កាត់មូលនិធិពីក្រុមភេរវជន ដូចជាក្រុមអាលកៃដា ជាដើម កុំឲ្យហូរចូលក្នុងប្រទេសនេះ។ បន្ទាប់ពីស្ងាត់ស្ងៀមជាច្រើនឆ្នាំស្តីពីច្បាប់នេះ ដែលអង្គការក្រៅរដ្ឋាភិបាលបារម្ភថា រដ្ឋាភិបាលអាចប្រើដើម្បីដាក់ទោសទណ្ឌចំពោះអ្នករិះគន់របស់ខ្លួននោះ លោក ហ៊ុន សែន បានមានប្រសាសន៍ថា លោកសង្ឃឹមថា សេចក្តីព្រាងច្បាប់នេះនឹងទៅដល់គណៈរដ្ឋមន្ត្រី ដែលជាដំណាក់កាលចុងក្រោយមុនពេលទៅដល់សភាជាតិ ឲ្យបានឆាប់នៅដើមខែក្រោយនេះ។
-
តុលាការសាកសួរសកម្មជនប្រឆាំងគម្រោងសាងសង់ទំនប់វារីអគ្គិសនីម្នាក់
កាលពីថ្ងៃសុក្រ សាលាដំបូងខេត្តកោះកុងបានសាកសួរអ្នកភូមិនៅតំបន់ជ្រលងអារ៉ែងម្នាក់ ដែលបានជំទាស់ទៅនឹងគម្រោងសាងសង់ទំនប់វារីអគ្គិសនីដែលគាំទ្រដោយរដ្ឋាភិបាលជុំវិញការចោទប្រកាន់ពីបទកាប់ឈើខុសច្បាប់ ប៉ុន្តែមិនទាន់ធ្វើការចោទប្រកាន់នៅឡើយទេ។ តុលាការបានកោះហៅលោក វ៉ែន វ៉ន កាលពីខែកុម្ភៈឆ្លើយតបទៅនឹងពាក្យបណ្ដឹងរបស់រដ្ឋបាលព្រៃឈើដែលចោទប្រកាន់រូបគាត់ពីបទកាប់ឈើខុសច្បាប់នៅក្នុងតំបន់ជ្រលងនេះ ប៉ុន្តែបានពន្យារពេលកាលបរិច្ឆេទសវនាការដើម ដោយទុកពេលឲ្យគាត់រៀបចំឯកសារបន្ថែមទៀត។
-
គ្រូបង្រៀនខេត្តតាកែវទំនាស់នឹងការមិនដកគណៈគ្រប់គ្រងសាលាដែលប្រព្រឹត្តអំពើពុករលួយ
លោកគ្រូៗវិទ្យាល័យសុខអានក្ដីទន្ទឹម ខេត្តតាកែវ ជំទាស់ទៅនឹងការសម្រេចរបស់ក្រសួងអប់រំយុវជននិងកីឡា ដែលមិនព្រមដកក្រុមគណៈគ្រប់គ្រងសាលានេះចេញ បន្ទាប់ពីបានស៊ើបអង្កេតឃើញថា គណៈគ្រប់គ្រងទាំង៣រូបនោះ ពាក់ព័ន្ធនិងបានប្រព្រឹត្តអំពើពុករលួយ។ បន្ទាប់ពីបានចំណាយពេលស៊ើបអង្កេតជាង២ខែមក ក្រសួងអប់រំយុវជននិងកីឡា បានរកឃើញថា ក្រុមគណៈគ្រប់គ្រងវិទ្យាល័យ សុខអានក្ដីទន្ទឹម បានប្រព្រឹត្តអំពើពុករលួយ ដូចពាក្យបណ្ដឹងរបស់លោកគ្រូអ្នកគ្រូសាលានេះ ប្ដឹងកាលពីដើមឆ្នាំ២០១៥ កន្លងមកមែន។ ក៏ប៉ុន្តែក្រសួងអប់រំយុវជននិងកីឡា មិនបានដាក់ទណ្ឌកម្ម ឬដកតំណែងគណៈគ្រប់គ្រងទាំង៣រូប ដែលក្នុងនោះមាន លោកនាយកសាលា នាយករងទាំងពីរភេទនោះទេ។
គាំទ្រដោយ
