កំពុងស្វែងរកទិន្នន័យ
រកឃើញ: 13.090
-
អ្នកឃ្លាំមើលការបង្កើត គ.ជ.ប ថ្មីយល់ឃើញខុសគ្នាលើការរើសប្រធានស្ថាប័ននេះ
អ្នកឃ្លាំមើលការបង្កើត គ.ជ.ប ថ្មី បង្ហាញការយល់ឃើញខុសគ្នាលើការជ្រើសរើសប្រធាន និងអនុប្រធាននៃស្ថាប័ននេះ ខណៈលោក សម រង្ស៊ី និងលោក ស ខេង គ្រោងជួបគ្នានៅល្ងាចថ្ងៃនេះ ដើម្បីជជែកលើការជ្រើសរើសសមាសភាព គ.ជ.ប ថ្មី ។ សមាជិកសម្ព័ន្ធកំណែទម្រង់ការបោះឆ្នោត(ERA) លោក យ៉ង់ គិមអេង មានប្រសាសន៍ថា ប្រធាន និងអនុប្រធាន គ.ជ.ប ថ្មី ទោះជាជ្រើសរើសមកពីគណបក្សណាក៏ដោយគឺមិនសំខាន់ទេ តែអ្វីដែលសំខាន់បុគ្គលនោះត្រូវមានសមត្ថភាពគ្រប់គ្រាន់ ធ្វើការដោយអព្យាក្រឹត ឯករាជ្យ និងមានឆន្ទៈបម្រើប្រយោជន៍ម្ចាស់ឆ្នោត ។ លោកថា «ខ្ញុំថាវាមិនសំខាន់ថាអ្នកណាទេ សំខាន់បំផុតមនុស្សនោះមានជំហរឯករាជ្យឬអត់ អព្យាក្រឹតឬអត់ មានសុចរិតភាពឬអត់ មានតម្លាភាពឬអត់ នេះជារឿងសំខាន់» ។
-
លោក កឹមសុខា មិនទាន់ប្រាកដថា ចូលតុលាការ តាមដីកា ថ្ងៃ៨មេសានៅឡើយទេ
រហូតដល់ថ្ងៃចន្ទនេះ លោកកឹមសុខា អនុប្រធានទី១រដ្ឋសភា និងជាអនុប្រធានគណបក្សសង្គ្រោះជាតិ មិនទាន់សម្រេចថា នៅថ្ងៃទី៨មេសា លោកត្រូវចូលខ្លួន ទៅកាន់តុលាការរាជធានីភ្នំពេញ តាមដីកាកោះហៅ ឬយ៉ាងណានៅឡើយទេ។ នេះបើតាមមេធាវី លោក ចាន់ ចេង។ លោកកឹមសុខា ត្រូវបានតុលាការ កោះហៅ ទៅសាកសួរក្នុងសំណុំរឿងបាតុកម្ម ក្រោយការបោះឆ្នោត ឆ្នាំ២០១៣។ សំណុំរឿងក្តីនោះ កាលពីដើមឆ្នាំ២០១៤ លោកកឹមសុខា បានចូលបំភ្លឺតុលាការ ជាមួយលោកសមរង្ស៊ី និងលោករ៉ុងឈុន ម្តងរួចមកហើយ។
-
សំណុំរឿងដីធ្លីរបស់ប្អូនស្រីឧបនាយករដ្ឋមន្ត្រីឡើងកម្តៅ
តំណាងអ្នកភូមិជនជាតិភាគតិចចំនួន ៤ នាក់ដែលរួមមានទាំងភរិយាសកម្មជនសិទ្ធិមនុស្សខេត្តរតនគិរីផងនោះ ត្រូវបានលោកស្រី គាត កុលណី ប្អូនស្រីលោកឧបនាយករដ្ឋមន្រ្តី គាត ឈន់ ប្តឹង និងបង្គាប់ឲ្យចូលខ្លួននៅថ្ងៃចន្ទនេះ បើមិនចូលតាមការកំណត់នោះទេ តុលាការនឹងបង្គាប់ឲ្យចាប់ខ្លួន។ សំណុំរឿងជម្លោះដីធ្លីដ៏រ៉ាំរ៉ៃ រវាងប្រជាសហគមន៍ជនជាតិភាគតិចចារ៉ាយ ក្នុងភូមិគងធំ ឃុំប៉ាតេ ស្រុកអូរយ៉ាដាវជាង ៤០ គ្រួសារ និងលោកស្រី គាត កុលណី បានអូសបន្លាយតាំងពីឆ្នាំ ២០០៧ មក។ ប្រជាសហគមន៍បានប្តឹងទាមទារដីចំនួន ៤៥០ ហិកតាពីលោកស្រី កុលណី វិញ ប៉ុន្តែតុលាការមិនបានចាត់ការលើបណ្តឹងរបស់សហគមន៍នោះទេ។ ប្រជាសហគមន៍បែរជាត្រូវបានតុលាការចេញដីកាបង្គាប់ឲ្យចូលខ្លួនជាបន្តបន្ទាប់កាលពីឆ្នាំ ២០១២ ម្នាក់ និង ៤ នាក់ផ្សេងទៀតកាលពីចុងខែមីនាឆ្នាំ២០១៥។
-
គ្រួសារ និងសង្គមស៊ីវិលសុំឲ្យស៊ើបអង្កេតករណីស្រីបឹងកក់ជាប់ឃុំបោកក្បាលរបួស
ក្រុមគ្រួសារ និង សកម្មជនដីធ្លីនៃសហគមន៍បឹងកក់ និងអង្គការសង្គមស៊ីវិល បានអំពាវនាវសុំឲ្យតុលាការ និងក្រសួងមហាផ្ទៃ ធ្វើការស៊ើបអង្កេតបន្ទាន់មួយទៅលើភាពមិនប្រក្រតីរបស់ឆ្មាំពន្ធនាគារព្រៃស (ម២) បន្ទាប់ពីមានអ្នកទោសស្ត្រីបីនាក់នៃសហគមន៍បឹងកក់ បានទទួលរងរបួសយ៉ាងធ្ងន់ធ្ងរ ។ កាលពីព្រឹកថ្ងៃសុក្រ អ្នកស្រី ទេព វន្នី, អ្នកស្រី គង់ ចាន់ថា និង អ្នកស្រី បូ ឆវី ដែលកំពុងឃុំខ្លួនក្នុងពន្ធនាគារព្រៃស (ម២) ត្រូវគេរាយការណ៍ថា បាននាំគ្នាបោកក្បាលនឹងជញ្ជាំងថ្មបន្ទប់ពន្ធនាគារ បណ្ដាលឲ្យរងរបួសបាក់ធ្មេញ និងបែកក្បាលរហូតដល់សន្លប់បាត់ស្មារតី។
-
ប្រជាសហគមន៍គៀនឃ្លាំងរាជធានីភ្នំពេញតវ៉ាឲ្យអាជ្ញាធរបើកផ្លូវច្រកចេញចូលភូមិ
ប្រជាពលរដ្ឋសហគមន៍គៀនឃ្លាំងប្រមាណ៣០នាក់ នៅសហគមន៍គៀនឃ្លាំង ក្នុងសង្កាត់ព្រែកលាប ខណ្ឌជ្រោយចង្វារ នៅព្រឹកថ្ងៃចន្ទនេះ នាំគ្នាតវ៉ាទាមទារឲ្យអាជ្ញាធរបើកផ្លូវច្រកចូលទៅរកភូមិ ដែលពួកគេអះអាងថាការបិទផ្លូវនេះធ្វើឲ្យពួកគាត់ជួបផលលំបាកពេលធ្វើដំណើរចេញចូលភូមិ ។ តំណាងសហគមន៍ម្នាក់លោក រិទ្ធិ ឌីណា ឲ្យVODដឹងថា កាលពីថ្ងៃអាទិត្យម្សិលមិញ មន្ទីរសាធារណការនិងដឹកជញ្ជូនរាជធានីភ្នំពេញបានយកស៊ីម៉ងត៍ចាក់បិទផ្លូវ ដែលប្រជាពលរដ្ឋនៅក្នុងសហគមន៍តែងតែធ្វើដំណើរចេញចូលទៅភូមិជារៀងរាល់ថ្ងៃ ។ លោកថា ការបិទផ្លូវរបស់មន្ទីរសាធារណៈការនេះធ្វើឲ្យពួកគាត់ត្រូវប្រើប្រាស់ផ្លូវវាងជំនួស ដែលផ្លូវនោះឆ្ងាយជាងមុន ។
-
ពលរដ្ឋខណ្ឌជ្រោយចង្វារលើកបដាប្រឆាំងនឹងការសង់ទ្រូងផ្លូវបិទច្រកចូលភូមិ
ពលរដ្ឋប្រមាណ៥០នាក់ មកពីសង្កាត់៣ក្នុងខណ្ឌជ្រោយចង្វារ នាំគ្នាលើកបដាតវ៉ានឹងការសាងសង់ទ្រូងផ្លូវបិទច្រកចូល ទៅកាន់ភូមិឋានរបស់ពួកគាត់ នៅព្រឹកថ្ងៃទី៦ មេសា។ ការទាមទាររបស់ពលរដ្ឋ បានស្នើដល់អាជ្ញាធរមានសមត្ថកិច្ច អន្តរាគមន៍បើកទ្រូងផ្លូវ ត្រង់ចំណុចផ្លូវទំនប់ខ្មែរលើ តាមបណ្ដោយផ្លូវជាតិ៦អា ស្ថិតក្នុងភូមិគៀនឃ្លាំង សង្កាត់ព្រែកលៀប បន្ទាប់ពីពលរដ្ឋត្អូញត្អែរ ពីការលំបាកធ្វើដំណើរចូលភូមិឋាន ដែលតម្រូវឲ្យជិះវាងដីប្រមាណ១គីឡូម៉ែត្រ។ ពលរដ្ឋបានអះអាងថា ពួកគាត់បានដាក់ស្នើទៅអាជ្ញាធរជ្រោយចង្វារហើយ ដោយរង់ចាំដំណោះស្រាយ នៅរសៀលថ្ងៃនេះ។ ពលរដ្ឋបន្តថា ពួកគាត់នឹងតវ៉ាជាថ្មី បើគ្មានដំណោះស្រាយ។
-
បក្សទាំងពីរនឹងប្រជុំគ្នាម្តងទៀតនៅថ្ងៃទី៨មេសា ដើម្បីពិនិត្យមើលបេក្ខភាពសមាជិក គជប ថ្មី
ថ្នាក់ដឹកនាំតំណាងរាស្ត្រគណបក្សប្រជាជនកម្ពុជា និងថ្នាក់ដឹកនាំតំណាងរាស្ត្រនៃគណបក្សសង្គ្រោះជាតិ នឹងជួបប្រជុំគ្នាម្តងទៀតនៅថ្ងៃទី៨ ខែមេសា ខាងមុខនេះ ដើម្បីពិនិត្យមើលបេក្ខជនដែលបានដាក់ពាក្យស្នុំសុំធ្វើជាសមាជិក គជប ថ្មី ។ នៅល្ងាចថ្ងៃចន្ទនេះ ថ្នាក់ដឹកនាំគណបក្សទាំងពីរបានជួបជុំគ្នានៅវិមានរដ្ឋសភា ផ្តោតសំខាន់លើការរៀបចំសមាសភាព គជប ថ្មី ។ ទោះយ៉ាងណា ក្រោយកិច្ចប្រជុំចប់ ថ្នាក់ដឹកនាំទាំងពីរមិនបានបញ្ចេញសមាសភាព គជប ថ្មីទេ ដោយអះអាងថា នឹងប្រជុំគ្នាម្តងទៀតនៅថ្ងៃទី ៨ ខែមេសា ខាងមុខ ដើម្បីពិនិត្យមើលបេក្ខភាពសមាសភាព គជប ថ្មីបន្ទាប់ពីគណៈកម្មាធិការអចិន្ត្រៃយ៍រដ្ឋសភា រៀបចំដាក់ជូនគណបក្សទាំងពីរពិនិត្យនៅថ្ងៃស្អែកនេះ ។
-
នាយករដ្ឋមន្រ្តីអះអាងថាច្បាប់អង្គការនឹងឆ្លងគណៈរដ្ឋមន្រ្តីនៅខែឧសភាខាងមុខនេះ
លោកនាយករដ្ឋមន្រ្តី ហ៊ុន សែន នៅថ្ងៃអាទិត្យនេះ បានថ្លែងថាច្បាប់ស្តីពីការគ្រប់គ្រងអង្គការក្រៅរដ្ឋាភិបាលនឹងត្រូវឆ្លងគណៈរដ្ឋមន្រ្តី ក្នុងខែឧសភា ឆ្នាំ២០១៥ខាងមុខនេះ ដោយលោកអំពាវនាវឲ្យមានការផ្តល់យោបល់ជាជាងការរារាំងកុំឲ្យមានការអនុម័តច្បាប់នេះ។ នៅពេលចុះសួរសុខទុក្ខកុមារពិការគថ្លង់នៅអង្គការគ្រួសារថ្មី ក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ លោកនាយករដ្ឋមន្រ្តីបានចោទជាសំណួរថាមូលហេតុអ្វីបានជាអង្គការក្រៅរដ្ឋាភិបាលមិនចង់ឲ្យច្បាប់គ្រប់គ្រងអង្គការនេះត្រូវអនុម័ត។ លោកបន្តថាតាមដែលលោកបានដឹង មុននឹងអង្គការក្រៅរដ្ឋាភិបាលមួយចំនួនចង់និយាយបញ្ហាអ្វីមួយ អង្គការទាំងនោះត្រូវយកទៅពិភាក្សាជាមួយស្ថានទូតពីរថ្ងៃមុន។ លោកបញ្ជាក់ថា«អញ្ចឹងប្រទេសនេះត្រូវញាំញីអធិបតេយ្យ»។
-
លោកហ៊ុន សែន៖ សេចក្តីព្រាងច្បាប់គ្រប់គ្រងអង្គការសង្គមស៊ីវិលនឹងត្រូវអនុម័តជាបន្តបន្ទាប់
ប្រមុខរដ្ឋាភិបាលកម្ពុជា លោកនាយករដ្ឋមន្ត្រីហ៊ុន សែន នៅថ្ងៃអាទិត្យនេះ បានប្រកាសថា សេចក្តីព្រាងច្បាប់ស្តីពីការគ្រប់គ្រងអង្គការសង្គមស៊ីវិលនឹងត្រូវគណៈរដ្ឋមន្ត្រីប្រជុំពិភាក្សា និងអនុម័តនៅក្នុងខែឧសភាខាងមុខនេះ មុននឹងដាក់ទៅកាន់រដ្ឋសភា ដើម្បីពិភាក្សា និងអនុម័តបន្ត។ លោកហ៊ុន សែន បានប្រកាសដូចនេះ នៅក្នុងពិធីសម្ភោធអាគារ និង ជួបសួរសុខទុក្ខកុមារពិការគថ្លង់នៅអង្គការគ្រួសារថ្មី ក្នុងរាជធានីភ្នំពេញ។ យ៉ាងណាក៏ដោយ សេចក្តីព្រាងច្បាប់ដ៏ចម្រូងចម្រាសនេះ ត្រូវបានសង្គមស៊ីវិលសម្តែងការមិនពេញចិត្តដោយបានចាត់ទុកថា នឹងរឹតត្បិតសកម្មភាពរបស់ខ្លួន។
-
បណ្ដាញសហគមន៍ការពារព្រៃឡង់ចុះល្បាតព្រៃ
សហគមន៍ការពារព្រៃឡង់ដែលបានចុះល្បាតព្រៃក្នុងខេត្ត៤ បានសម្រេចដុតសម្ភារៈកាប់ឈើខុសច្បាប់ ដែលរឹបអូសបានពីការល្បាតព្រៃចោល និងសម្ភារៈវត្ថុតាងខ្លះទៀតប្រគល់ជូនមន្ត្រីរដ្ឋបាលព្រៃឈើ ដើម្បីឲ្យចាត់វិធានការតាមនីតិវិធីច្បាប់។ សហគមន៍ការពារព្រៃឡង់ទាំង ៤ខេត្ត មានខេត្តក្រចេះ ស្ទឹងត្រែង ព្រះវិហារ និងខេត្តកំពង់ធំ បានបើកយុទ្ធនាការល្បាតព្រៃរយៈពេល ៤ថ្ងៃ ចាប់ពីថ្ងៃទី២ ដល់ថ្ងៃទី៥ ខែមេសា។ យុទ្ធនាការនេះ មានគោលដៅល្បាតការពារព្រៃដើម្បីទប់ស្កាត់បទល្មើសព្រៃឈើនៅក្នុងតំបន់ព្រៃឡង់។
-
អ្នកស្រុកឈូកខេត្តកំពតព្រួយបារម្ភខណៈអាជ្ញាធរខេត្តប្រកាសថាយកដីពួកគេទៅឲ្យយោធិនពិការ
ប្រជាពលរដ្ឋនៅឃុំតេជោអភិវឌ្ឍន៍ ស្រុកឈូក ខេត្តកំពត ឲ្យដឹងថា នៅថ្ងៃចន្ទស្អែកនេះអាជ្ញាធរថ្នាក់ស្រុក នឹងចុះវាស់វែងដី និងរុះរើផ្ទះសម្បែងប្រជាពលរដ្ឋជិត១ពាន់គ្រួសារ ដើម្បីយកដីឲ្យយោធិនពិការ ខណៈប្រជាពលរដ្ឋអះអាងថា បានរស់នៅលើដីនោះជិតដប់ឆ្នាំមកហើយ ។
-
ក្រុមអ្នកប្ដូរភេទទាមទារអោយមានច្បាប់ការពារសិទ្ធិដើម្បីបញ្ឈប់ការរើសអើង
ក្រុមអ្នកស្រឡាញ់ភេទដូចគ្នា អ្នកស្រឡាញ់ទាំង ២ភេទ និងអ្នកប្ដូរភេទ ហៅកាត់ជាភាសាអង់គ្លេសថា អិល.ជី.ប៊ី.ធី (LGBT) នៅតែរងការរើសអើង ដែលជំរុញអោយពួកគេជួបការលំបាកទាំងនៅក្នុងការរស់នៅ និងប្រកបរបរចិញ្ចឹមជីវិត។ ការរើសអើងទាំងឡាយទៅក្រុមមនុស្សដែលស្រឡាញ់ភេទដូចគ្នា អិល.ជី.ប៊ី.ធី ត្រូវចាត់ទុកថា ជាការរំលោភបំពានលើសិទ្ធិជាមូលដ្ឋានក្នុងការរស់នៅរបស់ពួកគេ។ ករណីនេះក្រុមអង្គការមិនមែនរដ្ឋាភិបាល អ្នកស្រឡាញ់ភេទដូចគ្នា រួមទាំងអង្គការសហប្រជាជាតិផង ជំរុញអោយរដ្ឋាភិបាលកម្ពុជា ធានាសិទ្ធិសេរីភាពពួកគេអោយបានពេញលេញ។
-
ប្រជាសហគមន៍ព្រៃឡង់ចាប់បានម៉ាស៊ីនអារឈើ២៥គ្រឿងពេលចុះល្បាត
ប្រជាសហគមន៍ល្បាតព្រៃឡង់ ចាប់បានឈើ និងម៉ាស៊ីនអារឈើ២៥គ្រឿង ខណៈចុះល្បាតរយៈពេល៥ថ្ងៃ នៅក្នុងខេត្តចំនួន៣ ។ តំណាងសហគមន៍ព្រៃឡង់នៅខេត្តចំនួន៣ គឺខេត្តព្រះវិហារ ស្ទឹងត្រែង និងកំពង់ធំ ឲ្យដឹងថា ក្នុងការចុះល្បាតព្រៃឈើរយៈពេល៥ថ្ងៃ គឺពីថ្ងៃទី១ ដល់ថ្ងៃទី៥ ខែមេសានេះ ប្រជាសហគមន៍ចាប់បានម៉ាស៊ីនអារឈើសរុប២៥គ្រឿង និងឈើ៤៥ម៉ែត្រគូប ក្នុងនោះមានឈើប្រណីតប្រភេទធ្នង់២៨គូប ដួងចែម និងផ្តៀក១៧គូប ។
-
សង្គមស៊ីវិលខកចិត្តចំពោះលោក ហ៊ុន សែន ដែលជំរុញឲ្យមានច្បាប់គ្រប់គ្រងអង្គការ
ក្រុមអង្គការមិនមែនរដ្ឋាភិបាលបង្ហាញការសោកស្ដាយចំពោះបំណងរបស់លោកនាយករដ្ឋមន្ត្រី ហ៊ុន សែន ដែលទាមទារឲ្យច្បាប់គ្រប់គ្រងអង្គការមិនមែនរដ្ឋាភិបាល សមាគម ចេញឲ្យបានឆាប់។ ក្រុមអង្គការសង្គមស៊ីវិលចាត់ទុកថា ហេតុផលដែលប្រមុខរដ្ឋាភិបាលជំរុញឲ្យមានច្បាប់គ្រប់គ្រងអង្គការ-សមាគមនេះ គឺទំនងជាចង់ការពារខ្លួនពីការរិះគន់រូបគាត់ និងព្យាយាមបិទបាំងភាពខុសឆ្គងក្នុងការអនុវត្តគោលនយោបាយហើយមើលទៅ។ ក្រុមអង្គការមិនមែនរដ្ឋាភិបាលចាត់ទុកថា ប្រសិនបើខ្លឹមសារនៃច្បាប់ថ្មីដែលរដ្ឋាភិបាលប្រាថ្នាឲ្យចេញដ៏ឆាប់ខាងមុខនេះ ផ្ទុយពីខ្លឹមសារនៃរដ្ឋធម្មនុញ្ញ និងបទដ្ឋានគតិយុត្តិជាអន្តរជាតិស្ដីពីសិទ្ធិពលរដ្ឋ និងសិទ្ធិនយោបាយ ពេលនោះសង្គមស៊ីវិលនឹងនៅតែបំពេញភារកិច្ចរបស់ខ្លួនទៅតាមអ្វីដែលមានចែងនៅក្នុងរដ្ឋធម្មនុញ្ញ។
-
ក្រុមអ្នកប្ដូរភេទទាមទារអោយមានច្បាប់ការពារសិទ្ធិដើម្បីបញ្ឈប់ការរើសអើង
ក្រុមអ្នកស្រឡាញ់ភេទដូចគ្នា អ្នកស្រឡាញ់ទាំង ២ភេទ និងអ្នកប្ដូរភេទ ហៅកាត់ជាភាសាអង់គ្លេសថា អិល.ជី.ប៊ី.ធី (LGBT) នៅតែរងការរើសអើង ដែលជំរុញអោយពួកគេជួបការលំបាកទាំងនៅក្នុងការរស់នៅ និងប្រកបរបរចិញ្ចឹមជីវិត។ ការរើសអើងទាំងឡាយទៅក្រុមមនុស្សដែលស្រឡាញ់ភេទដូចគ្នា អិល.ជី.ប៊ី.ធី ត្រូវចាត់ទុកថា ជាការរំលោភបំពានលើសិទ្ធិជាមូលដ្ឋានក្នុងការរស់នៅរបស់ពួកគេ។ ករណីនេះក្រុមអង្គការមិនមែនរដ្ឋាភិបាល អ្នកស្រឡាញ់ភេទដូចគ្នា រួមទាំងអង្គការសហប្រជាជាតិផង ជំរុញអោយរដ្ឋាភិបាលកម្ពុជា ធានាសិទ្ធិសេរីភាពពួកគេអោយបានពេញលេញ។
-
ក្រសួងការបរទេសកម្ពុជាសង្គ្រោះនិស្សិតខ្មែរឥស្លាម៨នាក់ចេញពីប្រទេសយ៉េមែន
ក្រសួងការបរទេសកម្ពុជា បានជួយសង្គ្រោះនិស្សិតខ្មែរឥស្លាម៨នាក់ ចេញពីប្រទេសយ៉េមែន ក្រោយពេលប្រទេសនោះធ្លាក់ចូលក្នុងភ្នក់ភ្លើងសង្គ្រាម ។ យោងលិខិតមួយច្បាប់របស់អ្នកនាំពាក្យក្រសួងការបរទេសកម្ពុជា លោក កុយ គួង ចុះថ្ងៃទី០៤ខែមេសាឆ្នាំ២០១៥នេះឲ្យដឹងថា ដោយមានការណែនាំពីរដ្ឋមន្ត្រីការបរទេសកម្ពុជាលោកហោ ណាំហុង ស្ថានទូតកម្ពុជាប្រចាំប្រទេសគុយវ៉ែត បានសហការយ៉ាងជិតស្និទ្ធជាមួយស្ថានទូតម៉ាឡេស៊ីប្រចាំប្រទេសយ៉េមែន (Yemen) ដើម្បីជួយបញ្ជូននិស្សិតខ្មែរឥស្លាមចំនួន៨នាក់ ចេញពីប្រទេសយ៉េមែន ដោយសារស្ថានការណ៍បច្ចុប្បន្ននៅក្នុងប្រទេសនេះ មិនអាចធានាសន្តិសុខដល់ពលរដ្ឋខ្មែរបាន ។
-
សមាជិកគ.ជ.បថ្មីទាំង៩នាក់ស្បថចូលបំពេញការងារ
សមាជិក គ.ជ.បថ្មី ៩រូបដែលត្រូវបានរដ្ឋសភាបោះឆ្នោតផ្តល់សេចក្តីទុកចិត្តកាលពីពេលថ្មីៗនេះ នាំគ្នាស្បថចូលកាន់តំណែងនៅក្នុងព្រះបរមរាជវាំង នៅរសៀលថ្ងៃទី១១ មេសា។ ពិធីសម្បថនេះ ធ្វើឡើងពីរថ្ងៃមុនពេលពិធីផ្ទេរតំណែងពីប្រធាន គ.ជ.បចាស់ ដែលគ្រោងប្រព្រឹត្តទៅនៅថ្ងៃទី១៣ ខែមេសា ខាងមុខ។ ក្នុងសម្លៀកបំពាក់ជាមន្ត្រីដែលមានអាវកត្រង់ពណ៌ស សំពត់ចងក្បិនពណ៌គ្រាប់អំពិល ស្របទៅតាមបែបផែនសម្លៀកបំពាក់ទាំង ៧ពណ៌តាមប្រពៃណីខ្មែរសម្រាប់ថ្ងៃសៅរ៍ សមាជិក គ.ជ.បថ្មីទាំង ៩រូប ត្រូវបានរថយន្តដឹកចេញពីមន្ទីររដ្ឋសភា នៅម៉ោងប្រមាណ ៤រសៀល ឆ្ពោះទៅកាន់ព្រះបរមរាជវាំង ទីដែលពួកគេត្រូវធ្វើការស្បថស្បែមុននឹងចូលកាន់តួនាទីនៅក្នុង គ.ជ.បថ្មី។
-
អាជ្ញាធរស្វែងរកដំណោះស្រាយជូនពលរដ្ឋរងផលប៉ះពាល់ពីទំនប់សេសានក្រោម២
ប្រជាពលរដ្ឋជាង ៤០គ្រួសារនៅភូមិស្រែគរ១ និងស្រែគរ២ នៅតែបន្តលើកបដាតាមលំនៅឋាន ប្ដេជ្ញាមិនរុះរើលំនៅឋាន និងមិនទទួលយកសំណងផលប៉ះពាល់ពីការសាងសង់ទំនប់សេសានក្រោម២ នៅខេត្តស្ទឹងត្រែង។ ចំណែកក្រុមអាជ្ញាធរ និងក្រុមហ៊ុន នៅតែព្យាយាមស្វែងរកដំណោះស្រាយឲ្យប្រជាពលរដ្ឋទទួលយកផែនការអភិវឌ្ឍន៍វិស័យថាមពលអគ្គិសនីរបស់រាជរដ្ឋាភិបាល។
-
ម្ចាស់ហាងកាហ្វេមួយកន្លែងនៅសៀមរាបរងការចោទថាបិទសិទ្ធិកម្មករ
ហាងកាហ្វេមួយកន្លែង ស្ថិតនៅក្រុងសៀមរាប ខេត្ដសៀមរាប រងការចោទថា គាបសង្កត់លើស្ត្រីកម្មករបម្រើការក្នុងហាង និងគំរាមសម្លាប់ បើសិនពួកគេទៅធ្វើការកន្លែងផ្សេង ។ បុគ្គលិកមួយរូបសុំមិនបញ្ចេញឈ្មោះ ប្រាប់VODថា ហាងកាហ្វេដែលគាត់បម្រើការ មានឈ្មោះ កាហ្វេណូគារ ស្ថិតនៅភូមិវត្ដបូព៌ សង្កាត់សាលាកំរើក មានថៅកែឈ្មោះ ញឹក ជាជនជាតិវៀតណាម ។ ស្ត្រីដដែលបន្តថា ថៅកែរូបនោះ បានគាបសង្កត់លើកម្លាំងពលកម្ម និងបំបិទសិទ្ធិសេរីភាពកម្មករជនជាតិខ្មែរ ដូចជាហាមមិនឲ្យប្រើទូរស័ព្ទដៃ ដោយលើកហេតុផលថា ខ្លាចទាក់ទងទៅសង្សារ ឬទៅក្រុមគ្រួសារ ហាមមិនឲ្យស្នាក់នៅខាងក្រៅកន្លែងធ្វើការ និងដើរលេងកម្សាន្ដយប់ព្រលប់ជាដើម ។ នាងបញ្ជាក់ថា ម្ចាស់ហាងកាហ្វេរូបនោះ គំរាមថា នឹងតាមសម្លាប់ពួកគេចោល បើសិនពួកគេផ្លាស់ប្ដូរទៅធ្វើការកន្លែងផ្សេង ។ ស្ដ្រីដដែលបន្ថែមថា បើបុគ្គលិកជនជាតិវៀតណាមវិញ ថៅកែរូបនោះមិនហាមឃាត់រារាំងអ្វីឡើយ ។
-
សង្គមស៊ីវិលស្នើឲ្យស៊ើបអង្កេតករណីស្ត្រីបឹងកក់៣នាក់បោកក្បាលក្នុងពន្ធនាគារព្រៃស
សង្គមស៊ីវិល ចាត់ទុកការឌឺដងរបស់មន្ត្រីឆ្មាំពន្ធនាគារព្រៃស (ម២) ដែលធ្វើឲ្យស្ត្រីបឹងកក់កំពុងជាប់ឃុំ បោកក្បាលខ្លួនឯងឲ្យរងរបួស គឺជាករណីរំលោភសិទ្ធិ និងជាកត្តាជំរុញឲ្យមានការធ្វើអត្តឃាត។ មន្ត្រីសង្គមស៊ីវិល នៅថ្ងៃទី៤ មេសា បានទាមទារឲ្យបង្កើតគណៈកម្មការស៊ើបអង្កេតឯករាជ្យជាបន្ទាន់មួយ ដើម្បីស្រាវជ្រាវជុំវិញករណីស្ត្រីកំពុងជាប់ឃុំក្នុងពន្ធនាគារព្រៃស ៣នាក់ រងរបួសក្បាលក្នុងពេលប៉ះទង្គិចពាក្យសម្ដីជាមួយមន្ត្រីឆ្មាំពន្ធនាគារ ដែលពួកគេសុំចេញក្រៅបន្ទប់យកខ្យល់អាកាស។ អ្នកគ្រប់គ្រងបច្ចេកទេសនៃអង្គការលីកាដូ (Licadho) លោក អំ សំអាត មានប្រសាសន៍ថា អង្គការលីកាដូ នឹងធ្វើការស្រាវជ្រាវ និងពិនិត្យមើលករណីនេះ ប៉ុន្តែលោកស្នើឲ្យមានគណៈកម្មការស៊ើបអង្កេតចំពោះឆ្មាំពន្ធនាគារនេះយកទៅផ្ដន្ទាទោស ដែលជាដើមហេតុនៃការជំរុញ និងលើកទឹកចិត្តឲ្យមានការធ្វើអត្តឃាត ឬធ្វើឲ្យប៉ះពាល់ដល់សុខភាពទណ្ឌិត។ លោកថា បើសិនជារកឃើញថា មន្ត្រីឆ្មាំពន្ធនាគារបានប្រព្រឹត្តអំពើដែលជំរុញឲ្យមានការធ្វើអត្តឃាត មន្ត្រីរូបនេះត្រូវទទួលខុសត្រូវចំពោះមុខច្បាប់៖ «ករណីទាំងអស់នេះទាមទារឲ្យមានការស្រាវជ្រាវ និងស៊ើបអង្កេតជាបន្ទាន់។ នៅក្នុងច្បាប់ពន្ធនាគារបានកំណត់ហើយ បើមានឧប្បត្តិហេតុកើតឡើងក្នុងពន្ធនាគារត្រូវចាត់ទុកថាជាករណីត្រូវតែមានគណៈកម្មការឯករាជ្យស៊ើបអង្កេតឲ្យបានច្បាស់លាស់»។
គាំទ្រដោយ
