កំពុងស្វែងរកទិន្នន័យ
រកឃើញ: 13.090
-
កម្មករវៀតណាម និងអាជ្ញាធរដុតបំផ្លាញខ្ទមជនជាតិភាគតិច
កម្មករវៀតណាម និងកម្លាំងចម្រុះរបស់អាជ្ញាធរស្រុកកែវសីមា ប្រមាណជា ៧០ នាក់ បានដុត និងឈូសបំផ្លាញខ្ទមពលរដ្ឋអស់ ១៣៦ ខ្នងកាលពីល្ងាចថ្ងៃអង្គារ ដើម្បីបណ្តេញពួកគេចេញពីដីសហគមន៍ដែលរដ្ឋាភិបាលផ្តល់ឲ្យក្រុមហ៊ុន វៀតណាម។
-
ជនជាតិព្នងប្តឹងមន្ត្រី ឃុបឃិតគ្នាកាប់ឈើ និងលក់ឲ្យវៀតណាម
សហគមន៍ជនជាតិដើមភាគតិចព្នងក្នុងស្រុក ពេជ្រាដា បានប្តឹងមន្រ្តីបរិស្ថានខេត្តមណ្ឌលគិរី និងបក្សពួកជាមន្រ្តីអាជ្ញាធរជាច្រើននាក់ផ្សេងទៀតទៅតុលាការ ដោយចោទប្រកាន់ថា មន្រ្តីទាំងនោះបានឃុបឃិតគ្នាកាប់ឈើ និងលក់ឲ្យជនជាតិវៀតណាម។ ក្រុមល្បាតរបស់សហគមន៍ភូមិ ពូលុ ស្ថិតក្នុងឃុំ ប៊ូស្រា ស្រុក ពេជ្រាដា ប្រមាណជា ៤០ នាក់បានចាប់ឃាត់ខ្លួនជនជាតិវៀតណាម្នាក់ក្នុងចំណោម ៥ នាក់ នៅខណៈពេលដែលជនជាតិវៀតណាមទាំងនោះកំពុងតែដឹកឈើគគីរជាង ៥ ម៉ែត្រតាមគោយន្តពីរគ្រឿងនៅតំបន់ អូរឡ កាលពីវេលាម៉ោង ១១ យប់ថ្ងៃអង្គារ ទី ៣១ ខែមិនា។
-
ក្រសួងរ៉ែព្រមានដាក់ទោសពន្ធនាគារលើម្ចាស់អាជីវកម្មបូមខ្សាច់ខុសច្បាប់
មន្ត្រីក្រសួងរ៉ែ និងថាមពលនៅថ្ងៃពុធនេះ ព្រមានដាក់ទោសពី១ទៅ៥ឆ្នាំ តាមច្បាប់ដែលមានស្រាប់ ទៅលើម្ចាស់អាជីវកម្មបូមខ្សាច់បក (ខ្សាច់លើគោក)និងខ្សាច់ទន្លេ (ខ្សាច់ក្នុងទឹក) នៅរាជធានីភ្នំពេញ និងស្រុកស្អាង ខេត្តកណ្តាល បើក្រុមហ៊ុននោះនៅតែបន្តបូមខ្សាច់ខុសច្បាប់ ។ ការព្រមាននេះ ធ្វើឡើងក្នុងកិច្ចពិភាក្សាពិគ្រោះយោបល់ពាក់ព័ន្ធនឹងការផ្គត់ផ្គង់តម្រូវការខ្សាច់ដែលធ្វើនៅរាជធានីភ្នំពេញនៅព្រឹកនេះ ដោយមានតំណាងក្រុមហ៊ុនបូមខ្សាច់ចូលរួមប្រមាណជិត១០០នាក់ ។ រដ្ឋលេខាធិការក្រសួងរ៉ែ និងថាមពល លោក ឌិត ទីណា ថ្លែងបន្ទាប់កិច្ចពិភាក្សាពិគ្រោះយោបល់នោះថា បើក្រុមហ៊ុនអាជីវកម្មបូមខ្សាច់ណា ដែលមិនមានអាជ្ញាប័ណ្ណ ត្រូវដាក់ពាក្យសុំទៅក្រសួង ដើម្បីទទួលបានអាជ្ញាប័ណ្ណស្របច្បាប់ ។ លោកថា ការស្នើសុំអាជ្ញាប័ណ្ណនោះមានចំនួន៣ខែ គឺចាប់ពីខែ៣ ដល់ខែ៦ ។
-
លោកកឹម សុខា ត្រូវបានតុលាការកោះហៅឲ្យចូលបំភ្លឺជាថ្មី នាថ្ងៃទី៨ខែមេសា
រាជធានីភ្នំពេញ ៖ តុលាការសាលាដំបូងរាជធានីភ្នំពេញ បានសម្រេចកោះហៅលោក កឹម សុខា អនុប្រធានទី១ នៃរដ្ឋសភា និងជាអនុប្រធានគណបក្សសង្គ្រោះជាតិ ឲ្យទៅតុលាការនាថ្ងៃទី៨ ខែមេសា ឆ្នាំ២០១៥ ខាងមុខនេះ ពាក់ព័ន្ធ នឹងសំណុំរឿងញុះញង់ឲ្យប្រព្រឹត្តបទឧក្រិដ្ឋ និងបង្កឲ្យមានភាពវឹកវរដល់សន្តិសុខសង្គម នៅផ្លូវវេងស្រេង។ ព្រះរាជអាជ្ញារងអមសាលាដំបូងរាជធានីភ្នំពេញ លោក ហៀង សុភ័ក្ត្រ ពាក់ព័ន្ធករណីខាងលើនេះ លោកធ្លាប់បានចេញដីកាកោះហៅលោក សម រង្ស៊ី និងលោក កឹម សុខា ឲ្យចូលទៅបំភ្លឺម្តងរួចហើយ កាលពីថ្ងៃទី១៤ ខែមករា ឆ្នាំ២០១៤ ដែលការចេញដីកាកោះហៅមេដឹកនាំគណបក្សប្រឆាំងទាំងពីរខាងលើឲ្យចូលបំភ្លឺនេះ បន្ទាប់ពីមេដឹកនាំទាំងពីរ និងមន្ត្រីជាន់ខ្ពស់គណបក្សនោះ បានញុះញង់ និងអំពាវនាវឲ្យកម្មករ កម្មការិនី ចូលរួមធ្វើបាតុកម្ម។ ដោយឡែកនៅឯនៅតំបន់សេដ្ឋកិច្ចពិសេសបាវិត ខេត្តស្វាយរៀង លោក សម រង្ស៊ី បានចូលទៅក្នុងរោងចក្រ ដោយខុសច្បាប់បោយដៃហៅកម្មករ កម្មការិនី ឲ្យចូលរួមធ្វើបាតុកម្ម ប៉ុន្តែការញុះញង់នោះ កម្មករ កម្មការិនីភាគច្រើនលើសលប់គ្រាន់តែឈរមើលប៉ុណ្ណោះ មិនស្តាប់តាមការបោយដៃហៅ និងដាក់មេក្រូនិយាយពីសំណាក់លោក សម រង្ស៊ី នោះទេ។
-
បណ្តាញសហគមន៍ព្រៃឡង់ត្អូញត្អែរពីការលំបាកក្នុងការការពារព្រៃឈើ
សកម្មជនការពារព្រៃឈើនៅព្រៃឡង់សម្ដែងការបារម្ភពីការបន្តបាត់បង់ព្រៃឈើក្នុងតំបន់នេះ និងត្អូញត្អែរពីការលំបាកក្នុងការការពារ ដោយពួកគេអះអាងថាមិនមានលទ្ធភាពគ្រប់គ្រាន់ និងមិនមានការជ្រោមជ្រែងឲ្យបានដិតដល់ពីអាជ្ញាធរមានសម្ថកិច្ច ។ តំណាងបណ្តាញសហគមន៍ព្រៃឡង់នៅក្នុងឃុំសណ្តាន់ ស្រុកសណ្ដាន់ ខេត្តកំពង់ធំ លោក ម៉ិញ នី មានប្រសាសន៍ថា សកម្មភាពកាប់ឈើនៅក្នុងតំបន់ព្រៃឡង់មិនមានការថយចុះនោះទេ គឺមានតែកើនឡើង ។ លោកថាបណ្ដាញសហគមន៍មានការពិបាកក្នុងការទប់ស្កាត់សកម្មភាពកាប់ឈើទាំងនោះ ដោយលោកអះអាងថាអាជ្ញាធរមានសមត្ថកិច្ចមួយចំនួនមានភាពអសកម្មក្នុងការការពារព្រៃឈើ និងមានមួយចំនួនបានឃុបឃិតរកស៊ីឈើទៀតផង ។
-
សហគមន៍ចំនួន៤នៅរតនគិរីបដិសេធគោលការណ៍ដោះស្រាយដីធ្លីរបស់អាជ្ញាធរ
តំណាងសហគមន៍ជនជាតិដើមភាគតិចនៅភូមិចំនួន៤ ក្នុងឃុំញ៉ាង ស្រុកអណ្ដូងមាស ខេត្តរតនគិរី ធ្វើពហិការដើរចេញពីកិច្ចប្រជុំផ្សព្វផ្សាយ ស្ដីពីគោលការណ៍ស្វែងរកដំណោះស្រាយជម្លោះដីធ្លីរវាងអ្នកភូមិ និងក្រុមហ៊ុនសម្បទាន ៧មករា ផារី (7 Makara Phary)។ ការធ្វើពហិការនេះ កើតមានឡើងកាលពីថ្ងៃទី៣០ ខែមីនា ខណៈអភិបាលរងស្រុកអណ្ដូងមាស បានអញ្ជើញតំណាងអ្នកភូមិជាង ៤០នាក់ ដែលមានជម្លោះដីធ្លីជាមួយក្រុមហ៊ុន ៧មករា ផារី មកផ្សព្វផ្សាយថា ក្រុមហ៊ុនបានយល់ព្រមកាត់ដីដែលប្រជាពលរដ្ឋដាំដុះជាក់ស្តែងជូនអ្នកភូមិ ក៏ប៉ុន្តែដីក្រៅពីនោះ ក្រុមហ៊ុននឹងធ្វើការឈូសឆាយយកជាដីសម្បទាន។ តំណាងអ្នកភូមិ លោក កាឡាន ហ្លាង ហៅការណែនាំរបស់អាជ្ញាធរស្រុក ថាមិនអនុលោមទៅនឹងគោលនយោបាយដោះស្រាយផលប៉ះពាល់ប្រជាពលរដ្ឋ ដែលអន្តរក្រសួង និងរាជរដ្ឋាភិបាលបានកំណត់។ លោកថា ក្រុមសហគមន៍ជនជាតិដើមភាគតិច ត្រៀមចុះបញ្ជីដីធ្លីជាលក្ខណៈសមូហភាព ហេតុនេះអ្នកភូមិត្រូវការដីត្រៀមបម្រុង ដីព្រៃអារក្ស ដីកប់សពសម្រាប់បម្រើប្រពៃណីវប្បធម៌ជនជាតិដើមភាគតិច៖ «ក្រុមហ៊ុនថានៅខែបួននេះគេចុះបោះបង្គោល ដីកន្លះហិកតារគេឲ្យកន្លះហិកតារ ប៉ុន្តែសហគមន៍អត់ព្រម។ នៅភូមិទាំង៤ និយាយដូចគ្នា បើក្រុមហ៊ុនឲ្យមួយចំហៀងអាហ្នឹងសហគមន៍ឯកភាព សហគមន៍ស្នើសុំដីអារក្សដីសហគមន៍ដីត្រៀមបម្រុងផង»។
-
លោក ហង្ស ពុទ្ធា អ្នកសង្កេតការណ៍បោះឆ្នោតដ៏លេចធ្លោមួយរូប ត្រូវបានតែងតាំងជាសមាជិក “អព្យាក្រឹត”ថ្មីរបស់ គ.ជ.ប.
កាលពីម្សិលមិញ លោក ហង្ស ពុទ្ធា នាយកប្រតិបត្តិនៃគណៈកម្មាធិការអព្យាក្រឹត និងយុត្តិធម៌ដើម្បីការបោះឆ្នោតដោយសេរី និងត្រឹមត្រូវនៅកម្ពុជា ហៅកាត់ថា និចហ្វិច ត្រូវបានជ្រើសរើសជាបេក្ខជនសមាជិក “អព្យាក្រឹត” នៃគណៈកម្មាធិការជាតិរៀបចំការបោះឆ្នោត (គ.ជ.ប.) ក្រោយពីលោកស្រី ពុង ឈីវកេក ប្រធានអង្គការសិទ្ធិមនុស្សលីកាដូ បានច្រានចោលការតែងតាំងលោកស្រី។ ការចរចារយៈពេល៧ខែ បានឈានទៅដល់ការអនុម័តច្បាប់ថ្មីចំនួនពីរកាលពីសប្ដាហ៍មុន ដោយត្រួសត្រាយផ្លូវសម្រាប់បង្កើត គ.ជ.ប.ថ្មី ដែលមានបេក្ខជនបួនរូបមកពីគណបក្សប្រជាជនកម្ពុជាកំពុងកាន់អំណាច និងបួនរូបមកពីគណបក្សសង្គ្រោះជាតិ ព្រមទាំងសមាជិកមួយរូបចុងក្រោយដែលគណបក្សទាំងពីរអាចទទួលយកបាន។ លោកស្រី ពុង ឈីវកេក បានទទួលយកតំណែងជាសមាជិក “អព្យាក្រឹត” របស់ គ.ជ.ប.នេះកាលពីឆ្នាំមុន ប៉ុន្តែកាលពីម្សិលមិញ លោកស្រីបានចេញសេចក្ដីថ្លែងការណ៍មួយកែប្រែការសម្រេចចិត្តរបស់លោកស្រី ដោយមានប្រសាសន៍ថា មុខតំណែងនៅក្នុងគ.ជ.ប.នេះ នឹងមិនអាចធានាបាននូវភាពឯករាជ្យដូចដែលបានសន្យានៅពេលលោកស្រីទទួលតំណែងនេះឡើយ។
-
លោក ហ៊ុន សែន ព្រមានបក្សប្រឆាំងដែលចង់ដូរបេក្ខភាពលោក ហង្ស ពុទ្ធា នៃសមាជិកទី៩គ.ជ.ប
លោកនាយករដ្ឋមន្ត្រី ហ៊ុន សែន ព្រមានលោក សម រង្ស៊ី ដែលស្នើឲ្យពិចារណាលើលទ្ធភាពនៃបេក្ខភាពសមាជិកគ.ជ.ប ទី៩ ខណៈដែលបក្សទាំងពីរព្រមព្រៀងដាក់ នាយកអង្គការឃ្លាំមើលការបោះឆ្នោត លោក ហង្ស ពុទ្ធា ជំនួសលោកស្រី ពុង ឈីវកេក ដែលប្រកាសបដិសេធតំណែងនេះ។ ថ្លែងក្នុងពិធីសម្ពោធដាក់ឲ្យប្រើប្រាស់ស្ពានមិត្តភាពកម្ពុជា-ចិន នាខេត្តស្ទឹងត្រែង នៅថ្ងៃទី០១ មេសា លោក ហ៊ុន សែន ថ្លែងគាំទ្រទាំងស្រុងលើបេក្ខភាព លោក ហង្ស ពុទ្ធា សម្រាប់តំណែងសមាជិកទី៩ នៃគណៈកម្មាធិការជាតិ រៀបចំការបោះឆ្នោត ដោយលោកអះអាងថា លោក ហង្ស ពុទ្ធា មានសមត្ថភាពគ្រប់គ្រាន់ និងមានបទពិសោធន៍យូរឆ្នាំមកហើយ ក្នុងការងារបោះឆ្នោត។
-
លោក ហ៊ុន សែន មិនឆ្លើយរឿងពលរដ្ឋរងគ្រោះដោយការសង់ស្ពានមិត្តភាពកម្ពុជា-ចិននៅស្ទឹងត្រែង
លោកនាយករដ្ឋមន្ត្រី ហ៊ុន សែន មិនឆ្លើយតបទៅនឹងរឿងពលរដ្ឋរងគ្រោះ ដោយការសាងសង់ស្ពានមិត្តភាពកម្ពុជា-ចិនឡើយ ព្រោះលោកនិយាយថា ការសាងសង់ស្ពានជាសមិទ្ធផលធំធេង ហេតុអីត្រូវនិយាយរឿងតូចមួយបែបនេះ។ ថ្លែងក្នុងបទសម្ភាសខ្លីមួយក្រោយពិធីសម្ពោធស្ពាន ក្នុងខេត្តស្ទឹងត្រែង នៅថ្ងៃទី០១ មេសា លោក ហ៊ុន សែន បដិសេធឆ្លើយនឹងសំនួរ របស់យកព័ត៌មានវិទ្យុអាស៊ីសេរីឡើយ ទាក់ទងនឹងរឿងពលរដ្ឋមួយគ្រួសារ មិនទាន់ទទួលបានសំណងពីការសាងសង់ស្ពាននេះ
-
សមាជិកទី៩ នៃ គ.ជ.ប៖ សម្តេចតេជោ រក្សាជំហរយក លោក ហង្ស ពុទ្ធា មិនត្រូវការបេក្ខភាពដទៃ
សម្តេចតេជោ ហ៊ុន សែន នាយករដ្ឋមន្រ្តីកម្ពុជា និងជាអនុប្រធានគណបក្សប្រជាជនកម្ពុជា បាន ប្រកាសបង្ហាញជំហរនៅតែរក្សាជ្រើសតាំងលោក ហង្ស ពុទ្ធា ជាសមាជិកទី៩ នៃគណៈកម្មាធិការជាតិរៀបចំការ បោះឆ្នោត (គ.ជ.ប) ពោលមិនត្រូវការបេក្ខភាពដទៃនោះឡើយ។ សម្តេចបានបញ្ជាក់ថា ជំហរនេះ គឺរក្សាតាម ការព្រមព្រៀងគ្នាតាមទូរស័ព្ទរវាងសម្តេច និង លោក សម រង្ស៊ី ប្រធានគណបក្សសង្រ្គោះជាតិ កាលពីថ្ងៃទី២៩ ខែមីនា ឆ្នាំ២០១៥។ នៅក្នុងឱកាសអញ្ជើញជាអធិបតីសម្ពោធដាក់ឲ្យប្រើប្រាស់ស្ពានមិត្តភាពកម្ពុជា-ចិន និងផ្លូវជាតិលេខ៩ (ស្ទឹង ត្រែង-ព្រះវិហារ) នាខេត្តស្ទឹងត្រែងនាព្រឹកថ្ងៃទី០១ ខែមេសា ឆ្នាំ២០១៥ នេះ សម្តេចតេជោ បានប្រកាសថា គណបក្សប្រជាជនកម្ពុជា នៅតែរក្សាជំហរជ្រើសយកលោក ហង្ស ពុទ្ធា ជាសមាជិកទី៩ នៃ គ.ជ.ប មិនត្រូវការ បេក្ខភាពដទៃនោះឡើយ បើមិនដូច្នោះសមាភាព គ.ជ.ប នឹងរក្សាដដែល។
-
CCHR៖ អ្នកការពារសិទ្ធិមនុស្សស្ថិតក្នុងស្ថានភាពគ្រោះថ្នាក់
មជ្ឈមណ្ឌលសិទ្ធិមនុស្សកម្ពុជា(CCHR)ព្រមានថា អ្នកការពារសិទ្ធិមនុស្ស កំពុងស្ថិតក្នុងស្ថានភាពគ្រោះថ្នាក់ ដោយសាររដ្ឋាភិបាលព្រងើយកន្តើយ អនុវត្ត តាមស្មារតីរដ្ឋធម្មនុញ្ញ និងកតិកាសញ្ញាអន្តរជាតិស្តីពីសិទ្ធិពលរដ្ឋ និងសិទ្ធិនយោបាយ ។ មជ្ឈមណ្ឌលសិទ្ធិមនុស្សកម្ពុជា នៅថ្ងៃទី១ ខែមេសា ឆ្នាំ២០១៥នេះ បានចេញរបាយការណ៍អង្កេតកម្រាស់៣០ទំព័រ បង្ហាញថា ភាពស្ទាក់ស្ទើររបស់រាជរដ្ឋាភិបាលកម្ពុជា ក្នុងការជំរុញអនុវត្តច្បាប់ និងកតិកាសញ្ញាអន្តរជាតិស្តីពីសិទ្ធិពលរដ្ឋ និងសិទ្ធិមនយោបាយ ធ្វើឲ្យអ្នការពារសិទ្ធិមនុស្សជាច្រើននៅកម្ពុជារងការគំរាមកំហែង និងការចាប់ខ្លួនតាមអំពើចិត្ត ។
-
លោក ហ៊ុន សែន ព្រមានបក្សប្រឆាំងដែលចង់ដូរបេក្ខភាពនៃសមាជិកទី៩ គ.ជ.ប
លោកនាយករដ្ឋមន្ត្រី ហ៊ុន សែន ព្រមានលោក សម រង្ស៊ី ដែលស្នើឲ្យពិចារណាលើលទ្ធភាពនៃបេក្ខភាពសមាជិក គ.ជ.ប ទី៩ ខណៈដែលបក្សទាំងពីរព្រមព្រៀងដាក់នាយកអង្គការឃ្លាំមើលការបោះឆ្នោត លោក ហង្ស ពុទ្ធា ជំនួសអ្នកស្រី ពុង ឈីវកេក ដែលប្រកាសបដិសេធតំណែងនេះ។ ថ្លែងក្នុងពិធីសម្ពោធដាក់ឲ្យប្រើប្រាស់ស្ពានមិត្តភាពកម្ពុជា-ចិន នាខេត្តស្ទឹងត្រែង នៅថ្ងៃទី០១ មេសា លោក ហ៊ុន សែន ថ្លែងគាំទ្រទាំងស្រុងលើបេក្ខភាព លោក ហង្ស ពុទ្ធា សម្រាប់តំណែងសមាជិកទី៩ នៃគណៈកម្មាធិការជាតិ រៀបចំការបោះឆ្នោត ដោយលោកអះអាងថា លោក ហង្ស ពុទ្ធា មានសមត្ថភាពគ្រប់គ្រាន់ និងមានបទពិសោធន៍យូរឆ្នាំមកហើយ ក្នុងការងារបោះឆ្នោត។
-
បញ្ជូនយុវជនម្នាក់ទៅតុលាការ ពីបទរំលោភសេពសន្ថវៈ លើក្មេងស្រីអាយុ៨ឆ្នាំ
រតនគិរី៖ យុវជនម្នាក់ ត្រូវបាននគរបាលស្រុកវ៉ើនសៃ ចាប់ខ្លួនបញ្ជូនទៅតុលាការ ពីបទរំលោភសេពសន្ថវៈលើក្មេងស្រី អាយុ៨ឆ្នាំ ខណៈនាងនៅតែម្នាក់ឯង។ ការចាប់ខ្លួនជនសង្ស័យរូបនេះ បានធ្វើឡើង នៅថ្ងៃទី ២៩ ខែមីនា ឆ្នាំ២០១៥ ក្រោយពីធ្វើ សកម្មភាពនិងបានបញ្ជូនទៅតុលាការ នៅព្រឹកថ្ងៃទី៣០ ខែមីនា ឆ្នាំ២០១៥ ដើម្បីចាត់ការតាមច្បាប់។ ជនសង្ស័យឈ្មោះ ស៊ី ចន្ធី អាយុ១៧ ឆ្នាំ រស់នៅភូមិបាតុង ឃុំប៉ុង ស្រុកវ៉េើនសៃ ខេត្ដរតនគិរី។ រីឯក្មេងស្រីរងគ្រោះ ឈ្មោះ ខ.ស អាយុ៨ឆ្នាំ រស់នៅឃុំជាមួយគ្នា ។
-
សហគមន៍ចំនួន៤នៅរតនគិរីបដិសេធគោលការណ៍ដោះស្រាយដីធ្លីរបស់អាជ្ញាធរ
តំណាងសហគមន៍ជនជាតិដើមភាគតិចនៅភូមិចំនួន៤ ក្នុងឃុំញ៉ាង ស្រុកអណ្ដូងមាស ខេត្តរតនគិរី ធ្វើពហិការដើរចេញពីកិច្ចប្រជុំផ្សព្វផ្សាយ ស្ដីពីគោលការណ៍ស្វែងរកដំណោះស្រាយជម្លោះដីធ្លីរវាងអ្នកភូមិ និងក្រុមហ៊ុនសម្បទាន ៧មករា ផារី (7 Makara Phary)។ ការធ្វើពហិការនេះ កើតមានឡើងកាលពីថ្ងៃទី៣០ ខែមីនា ខណៈអភិបាលរងស្រុកអណ្ដូងមាស បានអញ្ជើញតំណាងអ្នកភូមិជាង ៤០នាក់ ដែលមានជម្លោះដីធ្លីជាមួយក្រុមហ៊ុន ៧មករា ផារី មកផ្សព្វផ្សាយថា ក្រុមហ៊ុនបានយល់ព្រមកាត់ដីដែលប្រជាពលរដ្ឋដាំដុះជាក់ស្តែងជូនអ្នកភូមិ ក៏ប៉ុន្តែដីក្រៅពីនោះ ក្រុមហ៊ុននឹងធ្វើការឈូសឆាយយកជាដីសម្បទាន។
-
អាជ្ញាធរស្រុកអណ្តូងមាសហាមអ្នកភូមិមិនឲ្យកាប់ចម្ការលើដីមានជម្លោះ
បន្ទាប់ពីសហគមន៍សុំអន្តរាគមន៍ពីអង្គការក្រៅរដ្ឋាភិបាល អាជ្ញាធរស្រុកអណ្តូងមាស បានបដិសេធមិនផ្តល់ដី ៧០០ ហិកតា ឲ្យទៅពួកគាត់ ហើយគំរាមចាប់ដាក់ពន្ធនាគារទៀត ប្រសិនពួកគាត់ហ៊ានចូលធ្វើស្រែចម្ការលើដីសហគមន៍ដែលផ្តល់ឲ្យក្រុមហ៊ុននោះ។ អ្នកភូមិចំនួន ១២៣៣ នាក់មកពី ២៥០ គ្រួសារ នៅក្នុងភូមិតាំងសេ ឃុំញ៉ាង ស្រុកអណ្តូងមាស បានដាក់ពាក្យប្តឹងសុំអន្តរាគមន៍ពីអង្គការសិទ្ធិមនុស្សអាដហុកខេត្តរតនគិរី កាលពីខែកុម្ភៈកន្លងមក ទាមទារដីព្រៃ សហគមន៍ ៧០០ ហិកតា និងសុំឲ្យរដ្ឋាភិបាលលុបអាជ្ញាបណ្ណដីសម្បទានសេដ្ឋកិច្ចពីក្រុមហ៊ុន ៧មករា ផារី។ អង្គការអាដហុកក៏បានអន្តរាគមន៍ទៅក្រសួង ពាក់ព័ន្ធ និងរដ្ឋសភាផងដែរ។ បន្ទាប់មកអាជ្ញាធរស្រុកអណ្តូងមាស ក៏បានកោះប្រជុំជាមួយអ្នកភូមិតាំងសេ មានមេភូមិ និងតំណាងពលរដ្ឋមកពីបីភូមិទៀតកាលពីថ្ងៃចន្ទដើមសប្តាហ៍។
-
តុលាការលើកពេលសវនការពលរដ្ឋមានជម្លោះដីធ្លីសហគមន៍បឹងឈូកក្នុងរាជធានីភ្នំពេញ
សាលាដំបូងរាជធានីភ្នំពេញ នៅព្រឹកថ្ងៃពុធនេះ លើកពេលសវនការលើអ្នកមានជម្លោះដីធ្លី៤នាក់មកពីសហគមន៍បឹងឈូក រស់នៅក្នុងសង្កាត់គីឡូម៉ែត្រលេខ៦ ខណ្ឌប្ញស្សីកែវ ពាក់ព័ន្ធរឿងក្ដី ប្រើអំពើហឹង្សាទៅលើអ្នកកាន់កាប់អចលនវត្ថុដោយសុចរិត ។ កាលពីថ្ងៃ១០ ខែកុម្ភៈ ឆ្នាំ២០១៥ ព្រះរាជអាជ្ញារងសាលាដំបូងរាជធានីលោក សៀង សុង បានកោះហៅលោក ចាន់ សុជាតិ មេធាវីការពារក្ដីឲ្យអ្នកមានជម្លោះដីធ្លី៤នាក់នៅសហគមន៍បឹងឈូកឲ្យចូលសវនាការនៅថ្ងៃទី០១ ខែមេសា វេលាម៉េង៨ព្រឹក លើរឿងក្ដី ប្រើអំពើហឹង្សាទោលើអ្នកកាន់កាប់អចលនវត្ថុដោយសុចរិត ។
-
លោក ហង្ស ពុទ្ធា សន្យាជួយកែទម្រង់ផ្នែកបោះឆ្នោតនៅកម្ពុជា
លោក ហង្ស ពុទ្ធា នាយកប្រតិបត្តិគណៈកម្មាធិការអព្យាក្រឹត និងយុត្តិធម៌ដើម្បីការបោះឆ្នោតដោយសេរី និងត្រឹមត្រូវនៅកម្ពុជា ហៅកាត់ថា និកហ្វិច (NICFEC) បានដាក់ពាក្យសុំធ្វើជាសមាជិកទី៩ នៃគណៈកម្មាធិការជាតិរៀបចំការបោះឆ្នោត (គ.ជ.ប)។ លោកសន្យានឹងខិតខំប្រឹងប្រែងធ្វើការងារបោះឆ្នោតដើម្បីកែទម្រង់ការបោះឆ្នោតនៅកម្ពុជា ឲ្យមានលក្ខណៈសេរី និងយុត្តិធម៌។ លោក ហង្ស ពុទ្ធា បញ្ជាក់ថា បទពិសោធន៍ការងាររយៈពេល ១៧ឆ្នាំ ពាក់ព័ន្ធផ្នែកសង្គម និងការបោះឆ្នោត នឹងផ្តល់លទ្ធភាពឲ្យលោកជួយធ្វើកំណែទម្រង់ផ្នែកបោះឆ្នោតនៅកម្ពុជា។
-
ពលរដ្ឋមានទំនាស់ដីជាង១០០នាក់នៅបន្ទាយមានជ័យតវ៉ាប្រឆាំងការឈូសឆាយដី
ប្រជាពលរដ្ឋដែលមានទំនាស់ដីធ្លីជាមួយលោកឧកញ៉ា សំ ផាន់រិទ្ធ ប្រមាណជាង ១០០នាក់ តំណាងឲ្យអ្នកភូមិចំនួន ១៥៦គ្រួសារ នៅស្រុកអូរជ្រៅ ខេត្តបន្ទាយមានជ័យ ធ្វើបាតុកម្មតវ៉ានឹងការឈូសឆាយដីទំនាស់ពីសំណាក់មេភូមិកាលពីព្រឹកថ្ងៃទី១ មេសា ឆ្នាំ២០១៥។ អ្នកភូមិបញ្ជាក់ថា ហេតុដែលពួកគេនាំគ្នាតវ៉ានេះដោយសារដីនោះអាជ្ញាធរមិនទាន់ដោះស្រាយនៅឡើយ ហើយមេភូមិបានយកគ្រឿងចក្រទៅភ្ជួរលើដីដោយពុំមានការឯកភាពពីប្រជាពលរដ្ឋ។ ក្រៅពីប្រឆាំងនឹងមេភូមិឈូសឆាយដីពួកគាត់នោះ ក្រុមអ្នកភូមិក៏ទាមទារឲ្យអាជ្ញាធរខេត្តបន្ទាយមានជ័យ និងមន្ត្រីពាក់ព័ន្ធចេញមុខដោះស្រាយប្រគល់ប័ណ្ណកម្មសិទ្ធិដីធ្លីស្របច្បាប់ឲ្យបានឆាប់ដល់ពួកគាត់ដែរ។
-
CCHR៖ អ្នកការពារសិទ្ធិមនុស្សស្ថិតក្នុងស្ថានភាពគ្រោះថ្នាក់
មជ្ឈមណ្ឌលសិទ្ធិមនុស្សកម្ពុជា(CCHR)ព្រមានថា អ្នកការពារសិទ្ធិមនុស្ស កំពុងស្ថិតក្នុងស្ថានភាពគ្រោះថ្នាក់ ដោយសាររដ្ឋាភិបាលព្រងើយកន្តើយ អនុវត្ត តាមស្មារតីរដ្ឋធម្មនុញ្ញ និងកតិកាសញ្ញាអន្តរជាតិស្តីពីសិទ្ធិពលរដ្ឋ និងសិទ្ធិនយោបាយ ។ មជ្ឈមណ្ឌលសិទ្ធិមនុស្សកម្ពុជា នៅថ្ងៃទី១ ខែមេសា ឆ្នាំ២០១៥នេះ បានចេញរបាយការណ៍អង្កេតកម្រាស់៣០ទំព័រ បង្ហាញថា ភាពស្ទាក់ស្ទើររបស់រាជរដ្ឋាភិបាលកម្ពុជា ក្នុងការជំរុញអនុវត្តច្បាប់ និងកតិកាសញ្ញាអន្តរជាតិស្តីពីសិទ្ធិពលរដ្ឋ និងសិទ្ធិមនយោបាយ ធ្វើឲ្យអ្នការពារសិទ្ធិមនុស្សជាច្រើននៅកម្ពុជារងការគំរាមកំហែង និងការចាប់ខ្លួនតាមអំពើចិត្ត ។ កំណត់ត្រាសង្ខេបរបស់ CCHR ឲ្យដឹងទៀតថា បើទោះបីជា អ្នកការពារសិទ្ធិមនុស្សត្រូវបានការពារដោយច្បាប់អន្តរជាតិក៏ដោយ ប៉ុន្តែរបាយការណ៍មជ្ឈមណ្ឌលសិទ្ធិមនុស្សកម្ពុជា រកឃើញថា អ្នកការពារសិទ្ធិមនុស្ស នៅតែត្រូវរងគ្រោះដោយហិង្សាលើរាង្គកាយ គំរាមកំហែង និងសម្លាប់ បង្កឡើងដោយអាជ្ញាធររដ្ឋជាដើម ។
-
ខុម ហ្វ្រែល រកឃើញថាលទ្ធិប្រជាធិបតេយ្យកម្ពុជាដើរទៅមុខយឺតៗ
ណៈដែលបក្ស ទាំងពីរ និងអភិបាលកិច្ចបែបប្រជាធិបតេយ្យហាក់ល្អប្រសើរបន្តិចនៅកម្ពុជា របាយការណ៍ប្រចាំឆ្នាំរបស់អង្គការខុម ហ្វ្រែល បង្ហាញថា លទិ្ធប្រជាធិបតេយ្យនៅកម្ពុជាបានបោះ១ជំហានទៅមុខ តែថយវិញ ២ ជំហាន។ លោក គល់ បញ្ញា នាយកប្រតិបតិ្តនៃអង្គការខុម ហ្វ្រែល បានថ្លែងក្នុងកិច្ចពិភាក្សាតុមូល ពីសប្តាហ៍មុន ស្តីពីរបាយការណ៍នេះថា៖ «លទិ្ធប្រជាធិបតេយ្យនៅកម្ពុជាកំពុងដើរទៅមុខយឺតៗ ក្នុងឆ្នាំ ២០១៤ មានវឌ្ឍនភាពខ្លះដែរ តែមានវិបតិ្ត និងឧបសគ្គច្រើនបន្ថយល្បឿននៃលទិ្ធប្រជាធិបតេយ្យ»។ តាមការប្រមូលទិន្នន័យជាក់ស្តែង ខុម ហ្វ្រែល រកឃើញបញ្ហាជាច្រើនដែលទប់ដំណើរឆ្ពោះទៅរកលទ្ធិប្រជាធិបតេយ្យរបស់កម្ពុជា។
គាំទ្រដោយ
