កំពុងស្វែងរកទិន្នន័យ
រកឃើញ: 13.090
-
ពលរដ្ឋបុរីកីឡាថាការចុះវាយតម្លៃរបស់សាលារាជធានីមានអំពើពុករលួយ
សហគមន៍បុរីកីឡាចោទថា ការចុះវាយតម្លៃរបស់សាលារាជធានីភ្នំពេញមុននឹងផ្ដល់សំណងដល់ពួកគេដែលត្រូវបណ្តេញចេញនោះ មានអំពើពុករលួយ ។ ពលរដ្ឋ១៥នាក់តំណាងឲ្យ១៥៦គ្រួសារ នៅសហគមន៍បុរីកីឡា បានធ្វើសន្និសីទសារព័ត៌មាន នៅទីមុខសាលាខណ្ឌ៧មករា នៅថ្ងៃអង្គារនេះ ដើម្បីស្នើឲ្យលោកនាយករដ្ឋមន្ត្រី ហ៊ុន សែន អង្គភាពប្រឆាំងអំពើពុករលួយ និង គណៈកម្មការទី១ និងទី១០នៃរដ្ឋសភាចេញអន្តរាគមន៍លើករណីពុករលួយ ។
-
អាជ្ញាធរខេត្តមណ្ឌលគិរីដុតរោងប្រជាពលរដ្ឋដើម្បីបណ្ដេញចេញពីដីមានទំនាស់
អាជ្ញាធរខេត្តមណ្ឌលគិរី ប្រើប្រាស់កម្លាំងប្រដាប់អាវុធប្រមាណ ៥០នាក់ អមដោយរថយន្តបាញ់ទឹក រុះរើរោងប្រក់កៅស៊ូរបស់អ្នកភូមិចក់ចារ ឃុំស្រែឈូក ស្រុកកែវសីមា ខេត្តមណ្ឌលគិរី ដែលធ្វើការតវ៉ាទាមទារដីពីក្រុមហ៊ុនសម្បទានវៀតណាម ឈ្មោះ ប៊ិញ ភឿក១។ អ្នកភូមិហៅទង្វើអាជ្ញាធរថា ប្រើអំពើឃោរឃៅ រំលោភសិទ្ធិរស់នៅរបស់ពលរដ្ឋ។ ខ្ទមប្រក់កៅស៊ូជាង ៤០ខ្ទមរបស់ប្រជាពលរដ្ឋភូមិចក់ចារ ឃុំស្រែឈូក ត្រូវដុតបំផ្លាញចោលបន្ទាប់ពីអាជ្ញាធរដាក់កងកម្លាំង មានប៉ូលិស និងកងរាជអាវុធហត្ថអមដោយគ្រឿងចក្រកាយដី និងរថយន្តបាញ់ទឹករារាំងមិនឲ្យប្រជាពលរដ្ឋចូលទៅទីកើតហេតុ។ មិនមានអំពើហិង្សាអ្វីកើតឡើងក្នុងហេតុការណ៍នេះទេ ក៏ប៉ុន្តែក្រុមប្រជាពលរដ្ឋ និងមន្ត្រីអាជ្ញាធរប្រឈមមុខគ្នាដោយជម្លោះពាក្យសម្ដីខ្លាំងថ្កោលទោសគ្នាទៅវិញទៅមកនៅរសៀលថ្ងៃទី៣១ ខែមីនា។
-
លោកស្រីពុង ឈីវកេក សម្រេចមិនធ្វើជាសមាជិកគជប
ប្រធានអង្គការលីកាដូ លោកស្រី ពុង ឈីវកេក ដែលត្រូវបានគណបក្សទាំងពីរ(គណបក្សប្រជាជនកម្ពុជា និងសង្រ្គោះជាតិ)ស្នើឲ្យធ្វើជាសមាជិកទី៩នៃគណៈកម្មាធិការជាតិរៀបចំការបោះឆ្នោត(គជប) បានសម្រេចបដិសេធចូលជាសមាជិកនៃស្ថាប័ននេះ ដោយមូលហេតុថាមិនអាចដើរតួនាទីឯករាជ្យបាន។ សេចក្តីថ្លែងការណ៍របស់លោកស្រី ពុង ឈីវកេក ដែលត្រូវបានចេញផ្សាយនៅថ្ងៃអង្គារនេះ ឲ្យដឹងថា«នៅខណៈនោះ[កាលពីថ្ងៃទី២៨ ខែកក្កដា ឆ្នាំ២០១៤ នៅពេលស្នើសុំឲ្យធ្វើជាសមាជិកគជប] តួនាទីជាសមាជិកទី៩សម្រាប់ខ្ញុំ…គឺជាសមាជិកឯករាជ្យម្នាក់ ពិតជានឹងរួមវិភាគទានយ៉ាងសំខាន់ដល់អព្យាក្រឹតភាពនៃស្ថាប័នរៀបចំការបោះឆ្នោត ដើម្បីសម្រេចបេសកកម្មរបស់ខ្លួនស្របតាមរដ្ឋធម្មនុញ្ញ និងច្បាប់ជាធរមាន»។ លោកស្រីបញ្ជាក់ថា«រហូតមកដល់ថ្ងៃនេះ រូបខ្ញុំជឿជាក់ថាមុខតំណែងមួយនេះ ខ្ញុំមិនអាចអនុវត្តទៅរួចនោះទេ»។
-
តុលាការកោះហៅលោក កឹម សុខា អនុប្រធានទីមួយសភាជាតិដែលមានអភ័យឯកសិទ្ធិ
វ៉ាស៊ីនតោន— តុលាការក្រុងភ្នំពេញជូនដំណឹងមេធាវីពីការកោះហៅលោក កឹម សុខា អនុប្រធានគណបក្សសង្គ្រោះជាតិទៅតុលាការ។ លោកចាន់ ចេន មេធាវីការពារក្តីលោក កឹម សុខា អនុប្រធានគណបក្សសង្គ្រោះជាតិ បានថ្លែងប្រាប់ VOA ថា លោកបានទទួលការជូនដំណឹងពីតុលាការនៅថ្ងៃនេះពីគម្រោងរបស់ព្រះរាជអាជ្ញា ដើម្បីកោះហៅលោក កឹម សុខា អនុប្រធានទីមួយសភាជាតិដែលនៅមានអភ័យឯកសិទ្ធិតំណាងរាស្ត្រឲ្យទៅបំភ្លឺនៅតុលាការនៅថ្ងៃទី៨ខែមេសាឆ្នាំ២០១៥ពីបទបាតុកម្មអហិង្សា ដែលប្តូរទៅអំពើហិង្សាកាលពីឆ្នាំទៅនោះ។
-
សង្គមស៊ីវិល សម្តែងការព្រួយបារម្ភពីការដាក់បក្សពួកនិយមក្នុងស្ថាប័នរដ្ឋ
សង្គមស៊ីវិលដែលធ្វើការផ្នែកតស៊ូមតិ បង្ហាញការព្រួយបារម្ភថា ភាពមិនប្រក្រតីខាងនយោបាយ និងបក្សពួកនិយមនៅក្នុងស្ថាប័នរដ្ឋធំៗ ធ្វើឲ្យរាំងស្ទះកាន់តែធ្ងន់ធ្ងរដល់ដំណើរការលទ្ធិប្រជាធិបតេយ្យនៅកម្ពុជា និងការអភិវឌ្ឍជាតិ។ ការបង្ហាញនេះ ធ្វើឡើងក្នុងកិច្ចពិភាក្សាតុមូលស្តីពីប្រជាធិបតេយ្យ និងភាពមិនប្រក្រតីខាងនយោបាយនៅកម្ពុជា នៅថ្ងៃទី ៣១ ខែមីនា ដែលរៀបចំដោយអង្គការខុមហ្វ្រែល។
-
CCHR អំពាវនាវឲ្យរដ្ឋាភិបាលលើកកម្ពស់ និងការពារសិទ្ធិអ្នកប្ដូរភេទនៅកម្ពុជា
មជ្ឈមណ្ឌលសិទ្ធិមនុស្សកម្ពុជា (CCHR) បានធ្វើការអំពាវនាវឲ្យរដ្ឋាភិបាល បោះជំហានទៅមុខជាវិជ្ជមាន ក្នុងការលើកកម្ពស់ និងការពារសិទ្ធិរបស់អ្នកប្ដូរភេទនៅក្នុងប្រទេសកម្ពុជា។ នេះបើតាមសេច្ដីថ្លែងការណ៍របស់មជ្ឈមណ្ឌលសិទ្ធិមនុស្សកម្ពុជា ក្នុងឱកាសទិវាអ្នកប្ដូរភេទអន្តរជាតិដោយបើកចំហ នាថ្ងៃទី៣១ ខែមីនា ឆ្នាំ២០១៥។ សេចក្ដីថ្លែងការណ៍ដដែលបានឲ្យដឹងទៀតថា នៅប្រទេសកម្ពុជាបញ្ហារបស់អ្នកប្ដូរភេទមិនទាន់ស្រាវជ្រាវយ៉ាងទូលំទូលាយនៅឡើយទេ ហើយក៏មិនមានទិន្នន័យច្បាស់លាស់ ទាក់ទងទៅនឹងការរើសអើងប្រឆាំងនឹងក្រុមអ្នកប្ដូរភេទនោះដែរ។ តែយ៉ាងណាក៏ដោយគម្រោងនិន្នាការភេទ និងសញ្ញាណយេនឌ័រ របស់មជ្ឈមណ្ឌលសិទ្ធិមនុស្សកម្ពុជាបានទាក់ទងជាមួយបណ្ដាញដ៏ធំមួយនៃក្រុមអ្នកប្ដូភេទនៅទូទាំងប្រទេស ដោយមានអ្នកមួយចំនួនស្នើថាការរើសអើងអ្នកប្ដូភេទគឺមិនមែនជារឿងចម្លែកនោះទេទោះនៅទីណាក៏ដោយ។
-
លោក ហង្ស ពុទ្ធា រីករាយនឹងធ្វើជាសមាជិកគជប នៅពេលមានការស្នើសុំរបស់គណបក្សទាំងពីរ
នាយកប្រតិបត្តិនៃគណៈកម្មាធិការអព្យាក្រឹត្យ និងយុត្តិធម៌ ដើម្បីការបោះឆ្នោតដោយសេរី និងត្រឹមត្រូវនៅកម្ពុជា(និចហ្វិច) លោក ហង្ស ពុទ្ធា ឲ្យដឹងថាលោករីករាយនឹងធ្វើជាសមាជិកគណៈកម្មាធិការជាតិរៀបចំការបោះឆ្នោត(គជប) ប្រសិនបើគណបក្សទាំងពីរស្នើសុំរូបលោកជំនួសលោកស្រីពុង ឈីវកេក ដែលទើបប្រកាសមិនចូលជាសមាជិកនៅថ្ងៃនេះ។
-
លោក កឹម សុខា លើកឡើងថា ច្បាប់ស្ដីពីតុលាការគួរតែលើកយកមកពិភាក្សាឡើងវិញ
មជ្ឈមណ្ឌលសិទ្ធិមនុស្សកម្ពុជា (CCHR) បានធ្វើការអំពាវនាវឲ្យរដ្ឋាភិបាល បោះជំហានទៅមុខជាវិជ្ជមាន ក្នុងការលើកកម្ពស់ និងការពារសិទ្ធិរបស់អ្នកប្ដូរភេទនៅក្នុងប្រទេសកម្ពុជា។ នេះបើតាមសេច្ដីថ្លែងការណ៍របស់មជ្ឈមណ្ឌលសិទ្ធិមនុស្សកម្ពុជា ក្នុងឱកាសទិវាអ្នកប្ដូរភេទអន្តរជាតិដោយបើកចំហ នាថ្ងៃទី៣១ ខែមីនា ឆ្នាំ២០១៥។មជ្ឈមណ្ឌលសិទ្ធិមនុស្សកម្ពុជា (CCHR) បានធ្វើការអំពាវនាវឲ្យរដ្ឋាភិបាល បោះជំហានទៅមុខជាវិជ្ជមាន ក្នុងការលើកកម្ពស់ និងការពារសិទ្ធិរបស់អ្នកប្ដូរភេទនៅក្នុងប្រទេសកម្ពុជា។ នេះបើតាមសេច្ដីថ្លែងការណ៍របស់មជ្ឈមណ្ឌលសិទ្ធិមនុស្សកម្ពុជា ក្នុងឱកាសទិវាអ្នកប្ដូរភេទអន្តរជាតិដោយបើកចំហ នាថ្ងៃទី៣១ ខែមីនា ឆ្នាំ២០១៥។
-
អ្នកវិភាគ និងអ្នកច្បាប់ផ្តល់គំនិតផ្សេងៗគ្នា ករណីតំណែងលោកស្រី ពុង ឈីវកេក នៅ គ.ជ.ប
អ្នកវិភាគ និងអ្នកច្បាប់មួយចំនួនផ្តល់យោបល់ផ្សេងៗគ្នាដល់លោកស្រី ពុង ឈីវកេក ប្រធានអង្គការលីកាដូ ក្នុងការទទួលយកតំណែងជាសមាជិកទី៩នៃ គ.ជ.ប តាមការស្នើសុំរបស់គណបក្សជាប់ឆ្នោតទាំងពីរ ។ នាយកប្រតិបត្តិអង្គការឃ្លាំមើលការបោះឆ្នោតហៅកាត់ខុមហ្វ្រែល លោក គល់ បញ្ញា លើកទឹកចិត្តដល់ប្រធានអង្គការលីកាដូ លោកស្រី ពុង ឈីវកេក ឲ្យរក្សាជំហរទទួលយកជាបេក្ខភាពសមាជិកទី៩នៃ គ.ជ.ប ថ្មីទោះក្នុងកាលៈទេសៈណាក៏ដោយ ។ លោកថា «អង្គការសង្គមស៊ីវិលនានា គឺយើងជជែកគ្នាទៅគឺយើងមានការ គាំទ្រ និងលើកទឹកចិត្តខ្លាំងក្លាទៅលោកស្រី ពុង ឈីវកេក ដើម្បីក្លាយជាអ្នកទី៩ របស់ គ.ជ.ប ហ្នឹងទោះបីក្នុងលក្ខខណ្ឌណាក៏ដោយ គឺអ្នកទី៩នោះ ប្រាកដជាមានលទ្ធភាពក្នុងការរុញឲ្យការបោះឆ្នោត បានល្អប្រសើរដែរ ជាពិសេសនីតិវិធីក្នុងការចាប់ផ្តើមធ្វើនីតិវិធី បទបញ្ជាដំបូង ហើយបន្ទាប់រើសរៀបចំត្រួតពិនិត្យមើល មន្ត្រីថ្នាក់ក្រោមៗ ព្រោះទាក់ទិននឹងការសម្រេចចិត្ត» ។
-
ប្តីស្ត្រីរងគ្រោះដោយការវាយប្រហារទឹកអាស៊ីតមិនសប្បាយចិត្ត នឹងការដោះស្រាយរឿងក្តី
ប្តីរបស់ស្ត្រីម្នាក់ដែលរងការវាយប្រហារដោយទឹកអាស៊ីតនៅផ្សារមួយក្នុងខេត្តតាកែវកាលពីខែវិច្ឆិកា មានគម្រោងដាក់ពាក្យបណ្តឹងនៅថ្ងៃនេះទៅឧត្តមក្រុមប្រឹក្សានៃអង្គចៅក្រម និងអង្គភាពប្រឆាំងអំពើពុករលួយ ដោយអះអាងថា មន្ត្រីតុលាការមូលដ្ឋានគួរត្រូវបន្ទោសចំពោះកង្វះការចាត់វិធានការក្នុងករណីនេះ។ អ្នកស្រី មួង ស្រីមុំ អាយុ៣១ឆ្នាំ ជាអាជីវករលក់ដូរនៅផ្សារត្រូវបានរងការរលាកខ្លួនប្រាណ៤៤ភាគរយ ចំណែកកូនស្រីអាយុពីរឆ្នាំរបស់គាត់បានរងរបួសស្រាលត្រង់មុខនិងដៃ បន្ទាប់ពីស្ត្រីឈ្មោះ ដេង លក្ខិណា អាយុ២២ឆ្នាំ ជាគូប្រជែងរបស់ខ្លួន និង លោក ដេង មាស អាយុ២៨ឆ្នាំជាបងប្រុសរបស់នាងតាមចោទថា បានជះទឹកអាស៊ីតលើពួកគេក្នុងជម្លោះពាក់ព័ន្ធការដណ្តើមម៉ូយ។
-
របាយការណ៍ចំណាត់ថ្នាក់កម្ពុជាទាបបំផុតសម្រាប់រដ្ឋាភិបាលបើកចំហ
របាយការណ៍មួយរបស់គម្រោងយុត្តិធម៌ពិភពលោក(World Justice Project)ដែលមានមូលដ្ឋាននៅសហរដ្ឋអាមេរិក បានចំណាត់ថ្នាក់ប្រទេសកម្ពុជាក្នុងពិន្ទុទាបជាមួយលេខ៩៨ក្នុងចំណោម១០២ប្រទេស ដែលពិន្ទុនេះ គឺសម្រាប់រដ្ឋាភិបាលមិនបើកចំហ ។ របាយការណ៍ជាង៥០ទំព័ររបស់(WJP) ដែលត្រូវបានចេញផ្សាយសម្រាប់ឆ្នាំ២០១៥នេះ បានឲ្យដឹងថា កម្ពុជាទទួលពិន្ទុ០,៣៦ធៀបលើកម្រិតពិន្ទុ១ គឺស្ថិតនៅចំណាត់ថ្នាក់លេខ៩៨ក្នុងចំណោម១០២ប្រទេស ។ ពិន្ទុ១បង្ហាញពីភាពបើកចំហរបស់រដ្ឋាភិបាលកាន់តែខ្លាំងបំផុត ។ របាយការណ៍បង្ហាញថាការដាក់ពិន្ទុនេះ គឺយោងតាមចម្លើយដែលចេញពីសំណាកចំនួន១០០០ ដែលត្រូវបានធ្វើឡើងនៅក្នុងទីក្រុងធំៗ៣របស់ប្រទេសដែលត្រូវបានសិក្សា ។
-
ពលរដ្ឋនៅបាត់ដំបងប្រតិកម្មនឹងសេចក្ដីជូនដំណឹងឲ្យរុះរើចេញពីលំនៅ
ខ្មែរ | ព័ត៌មានថ្មីៗ | ដីធ្លី ពលរដ្ឋនៅបាត់ដំបងប្រតិកម្មនឹងសេចក្ដីជូនដំណឹងឲ្យរុះរើចេញពីលំនៅ ដោយ ហ៊ុំ ចំរើន 2015-03-30 អ៊ីម៉ែល មតិ ចែករំលែក បោះពុម្ព បោះពុម្ព ចែករំលែក មតិ អ៊ីម៉ែល ជម្លោះដី រតនៈមណ្ឌល បាត់ដំបង ៦២០ តំណាងពលរដ្ឋដែលអាជ្ញាធរជូនដំណឹងឲ្យចេញពីដីនៅស្រុករតនៈមណ្ឌល ខេត្តបាត់ដំបង ផ្ដល់បទសម្ភាសន៍នៅស្នាក់ការសមាគមការពារសិទ្ធិមនុស្សអាដហុកខេត្តបាត់ដំបង នៅថ្ងៃទី៣០ មីនា ២០១៥។ RFA/Hum Chamroeun ប្រជាពលរដ្ឋប្រមាណ ១០នាក់ តំណាងឲ្យ ២៥គ្រួសារ នៅស្រុករតនៈមណ្ឌល ខេត្តបាត់ដំបង នៅព្រឹកថ្ងៃទី៣០ មីនា នាំគ្នាទៅស្វែងរកកិច្ចអន្តរាគមន៍ដល់ទីស្នាក់ការសមាគមការពារសិទ្ធិមនុស្សអាដហុក (Adhoc) ខេត្ត ដើម្បីឲ្យជួយផ្ដល់យោបល់ផ្នែកច្បាប់ប្រឆាំងនឹងសេចក្ដីជូនដំណឹងរបស់អភិបាលស្រុក ដែលឲ្យពួកគាត់រុះរើផ្ទះចេញពីដីលំនៅឋាន។ ទាក់ទងនឹងបញ្ហានេះ អភិបាលស្រុករតនៈមណ្ឌល បញ្ជាក់ថា ការចេញសេចក្ដីជូនដំណឹងនេះ ដោយសារប្រជាពលរដ្ឋរស់នៅលើដីនោះដោយពុំមានការអនុញ្ញាត។
-
កម្មកររោងចក្រសៀវគីញនៅខណ្ឌដង្កោធ្វើកូដកម្មទាមទារឲ្យថៅកែដំឡើងថ្លៃឈ្នួលដេរស៊ីបុង
កម្មកររោងចក្រកាត់ដេរសម្លៀកបំពាក់សៀវគីញប្រមាណជាង១០០នាក់ ខណ្ខដង្កោ រាជធានីភ្នំពេញ នៅព្រឹកថ្ងៃចន្ទនេះ ធ្វើកូដកម្មទាមទារឲ្យថៅកែដំឡើងថ្លៃឈ្នួលដេរស៊ីបុង និងទាមទារឲ្យគោរពលក្ខខណ្ឌការងារមួយចំនួនទៀត ។ តំណាងកម្មករដែលតវ៉ាអ្នកស្រី អ៊ុង ចាន់ណារ៉ា ឲ្យ VOD ដឹងថា ពួកគេទាំងអស់ធ្វើកូដកម្មនេះ ចង់ឲ្យថៅកែរោងចក្រដំឡើងថ្លៃឈ្នួលដេរស៊ីបុង ប្រាក់អត្ថប្រយោជន៍ផ្សេង និងទាមទារកុំឲ្យថៅកែរោងចក្រកាត់ប្រាក់ខែនៅពេលពួកគេធ្វើកូដកម្មជាដើម ។ អ្នកស្រីបន្តថា កន្លងមកថៅកែរោងចក្រសៀវគីញ មិនឆ្លើយតបចំពោះការទាមទាររបស់កម្មករឡើយ ។ អ្នកស្រីព្រមានថា បើថៅកែរោងចក្រនៅតែមិនដំណោះស្រាយជូនកម្មករទេ នោះពួកគេនឹងមិនព្រមចូលធ្វើការបន្តទៀត ។
-
ក្រសួងបញ្ជាឈប់ឲ្យមានក្រុមជញ្ជីងចល័តបន្ទាប់ពីផ្ទុះរឿងធ្វើទារុណកម្មអ្នកដឹកស្រូវ
ក្រសួងសាធារណៈការ និងដឹកជញ្ជូន ស្តីបន្ទោសមន្ត្រីក្រោមឱវាទថាបានពង្រាយក្រុមចល័ត ត្រួតពិនិត្យរថយន្តដឹកទំនិញតាមបណ្តារាជធានី ខេត្តនានា ដែលផ្គើននឹងវិធានការរបស់ក្រសួងបង្កឲ្យមានបញ្ហាកើតឡើង ។ ការព្រមានរបស់ក្រសួងសាធារណការនេះ ធ្វើឡើងក្រោយពីផ្ទុះរឿងថាសមត្ថកិច្ចនិងក្រុមជញ្ជីងចល័ត ត្រង់គីឡូម៉ែតលេខ៨៩ ក្នុងស្រុកអូរាំងឪ ខេត្តត្បូងឃ្មុំ កាលពីថ្ងៃទី១៩ ខែមីនា ឆ្នាំ២០១៥ បានព្រួតគ្នាធ្វើទារុណកម្មអ្នកបើកបររថយន្តដឹកស្រូវពីរនាក់ចោទថា អ្នកដឹកស្រូវព្យាយាមបើករថយន្តគេច មិនចូល ឲ្យត្រួតពិនិត្យ ។
-
លោក កឹម សុខា សន្យារកយុត្តិធម៌ដល់អ្នកស្លាប់ដោយការគប់គ្រាប់បែកដៃនៅមុខរដ្ឋសភាចាស់
ប្រធានស្ដីទីគណបក្សសង្គ្រោះជាតិ និងជាអនុប្រធានទី១ រដ្ឋសភា លោក កឹម សុខា សន្យានឹងរកយុត្តិធម៌ដល់ជនរងគ្រោះដែលបានស្លាប់ដោយការវាយប្រហារគប់គ្រាប់បែកដៃ កាលពីថ្ងៃទី៣០ មីនា ១៩៩៧ នៅមុខអតីតអគាររដ្ឋសភាចាស់។ ការថ្លែងសន្យារបស់លោក កឹម សុខា ត្រូវបានធ្វើឡើងក្នុងពិធីបង្សុកូលគោរពវិញ្ញាណក្ខន្ធអ្នកស្លាប់ទាំងនោះ កាលពីព្រឹកថ្ងៃទី៣០ មីនា នៅមុខអតីតអាគាររដ្ឋសភាចាស់ លើសួនច្បារមុខវត្តបទុមវតី។ បន្ថែមពីនេះ លោក កឹម សុខា ក៏ថ្លែងសូមទោសចំពោះវិញ្ញាណក្ខន្ធ និងក្រុមគ្រួសារនៃជនរងគ្រោះដោយសារការគប់គ្រាប់បែកដៃ។ ប៉ុន្តែលោកអះអាងថា លោកនឹងមិនបញ្ចប់ត្រឹមនេះឡើយ ដោយលោកនឹងស្វែងរកយុត្តិធម៌ ដោយសន្តិវិធី និងអហិង្សា។
-
សកម្មជនដីធ្លីបដិសេធការចោទរបស់លោក ហ៊ុន សែន ដែលថាតវ៉ាដើម្បីពានរង្វាន់
សកម្មជនដីធ្លីតំបន់បឹងកក់ចេញតវ៉ាជាថ្មីទៀត នៅថ្ងៃចន្ទនេះ ដោយបដិសេធការចោទរបស់ លោក ហ៊ុន សែន ដែលបានចោទប្រកាន់លើពួកគេថា តវ៉ាកន្លងមកដើម្បីបានពានរង្វាន់ ឬតវ៉ាដើម្បីយកជំនួយជាដើមនោះ ។ ស្ត្រីសកម្មជនដីធ្លីដែលនៅសេសសល់ពីការចាប់ដាក់ពន្ធនាគារ បានធ្វើសន្និសីទសារព័ត៌មាន នៅទីនៅមុខសាលារាជធានីភ្នំពេញ ដើម្បីបដិសេធនឹងការចោទប្រកាន់របស់នាយករដ្ឋមន្ត្រី ។
-
សហគមន៍មានជម្លោះដីធ្លីនៅភ្នំពេញស្នើស្ថានទូតអាមេរិកអន្តរាគមន៍ជួយដោះស្រាយ
សហគមន៍មានជម្លោះដីធ្លីនៅភ្នំពេញប្រមាណ៥០នាក់ នៅព្រឹកថ្ងៃចន្ទនេះដាក់ញត្តិទៅស្ថានទូតអាមេរិក និងស្ថាប័នអន្តរជាតិមួយចំនួន ដើម្បីឲ្យជួយអន្តរាគមន៍ជំរុញទៅរដ្ឋាភិបាលពន្លឿនរកដំណោះស្រាយជម្លោះដីធ្លីជូនពួកគាត់ដែលអូសបន្លាយជាច្រើនឆ្នាំមកនេះ ឲ្យបានឆាប់។ អ្នករងគ្រោះដីធ្លីទាំងនោះរួមមាន អតីតសហគមន៍បឹងកក់ដែលទទួលយកសំណងខ្លះ អតីតបឹងកក់ដែលមិនទាន់ទទួលយកសំណង និងសហគមន៍SOS ។ ស្ថានទូត និងស្ថាប័នដែលបានដាក់ញត្តិរួមមាន ស្ថានទូអាមេរិក សហគមន៍អឺរ៉ុប និងធនាគារពិភពលោក (World Bank) ។
-
វិភាគ៖ តើដល់ពេលណាទើបតុលាការនាំជនដៃដល់សម្លាប់អ្នកតវ៉ាទៅផ្តន្ទាទោស?
ជារឿយៗ ក្រុមអង្គការសង្គមស៊ីវិលធ្វើការផ្នែកសិទ្ធិមនុស្សតែងចាត់ទុកថា កម្ពុជាជាប្រទេសនិទណ្ឌភាព ។ បើតាមការសង្កេត ក្រុមជនដៃដល់ជាកងកម្លាំងប្រដាប់អាវុធក្នុងរាជរដ្ឋាភិបាលកម្ពុជាបច្ចុប្បន្ន ដែលជាប់ពាក់ព័ន្ធនឹងការបាញ់បង្ក្រាបលើហ្វូងបាតុករ ធ្វើឲ្យអ្នកតវ៉ាស្លាប់ និងរបួសពិការមួយជីវិត មិនត្រូវបានសមត្ថកិច្ចវែកមុខ ចាប់ខ្លួនទៅផ្ដន្ទាទោសតាមច្បាប់នោះទេ ។ ក្រុមជនដៃដល់ទាំងនោះមាន លោកឈូក បណ្ឌិត អតីតអភិបាលក្រុងបាវិត បានបាញ់ប្រហារលើបាតុករ បណ្ដាលស្ត្រីកម្មករ៣នាក់របួសគ្រាំគ្រាមួយជីវិត ។ កម្លាំងចម្រុះរដ្ឋាភិបាលចុះបង្ក្រាបអ្នកតវ៉ារឿងដីធ្លីនៅភូមិកំពង់ដំរី ស្រុកឆ្លូង ខេត្តក្រចេះ បណ្ដាលឲ្យកុមារីម្នាក់ស្លាប់ ។ ការប៉ះទង្គិចរវាងបាតុករ និងកម្លាំងចម្រុះនៅស្ពានក្បាលថ្នល់ បណ្ដាលឲ្យពលរដ្ឋម្នាក់ស្លាប់ និងរបួសជាច្រើននាក់ ។ កម្លាំងចម្រុះបាញ់បង្ក្រាបហ្វូងបាតុកររោងចក្រអេសអិល(SL) នៅស្ពានស្ទឹងមានជ័យបណ្ដាលឲ្យអ្នកតវ៉ាជាច្រើននាក់របួស និងស្លាប់ស្ត្រីអ្នកលក់បាយម្នាក់ជាដើម ។
-
ពលរដ្ឋមិនពេញចិត្តសំណងពីផលប៉ះពាល់ដោយសារទំនប់សេសានក្រោម២
ក្រុមជនជាតិដើមភាគតិចមួយចំនួននៅខេត្តស្ទឹងត្រែង នៅតែប្រឆាំងដាច់ខាតចំពោះការសាងសង់ និងទាមទារឲ្យបញ្ឈប់ជាបន្ទាន់នូវការសាងសង់ទំនប់វារីអគ្គិសនីសេសានក្រោម២ ដែលទទួលបានការយល់ព្រមពីរដ្ឋសភា និងរដ្ឋាភិបាលរួចទៅហើយនោះ។ ប៉ុន្តែពលរដ្ឋនិងសង្គមស៊ីវិលមួយចំនួនទៀតមិនជំទាស់នឹងការអភិវឌ្ឍនោះទេ ដោយគេស្នើឲ្យផ្អាកបណ្ដោះអាសន្នសិន រង់ចាំការពិនិត្យមើលម្ដងទៀតពីការផ្ដល់សំណងសមរម្យនៃផលប៉ះពាល់។ ក្នុងពេលដែលអ្នកភូមិមួយចំនួនមិនព្រមទទួលយកការផ្ដល់សំណងរបស់រដ្ឋាភិបាល គណៈកម្មការទី៣រដ្ឋសភា ទទួលបន្ទុកវិនិយោគ អភិវឌ្ឍន៍ ធនធានទឹក និងបរិស្ថាន បានចុះមកសាកសួរព័ត៌មានបន្ថែមពីពលរដ្ឋ អាជ្ញាធរ តំណាងក្រុមហ៊ុន និងពលរដ្ឋ។ ក្រោយចុះអង្កេតគណៈកម្មការសភា និងផ្ដល់របាយការណ៍ទៅរដ្ឋាភិបាល។
-
ប្រធានក្លឹបអ្នកកាសែតកម្ពុជាលោក ប៉ែន សមិទ្ធិ ទទួលមរណភាព
ប្រធានក្លឹបអ្នកកាសែតកម្ពុជា និងជានិពន្ធនាយកកាសែតរស្មីកម្ពុជា លោក ប៉ែន សមិទ្ធិ ទទួលមរណភាព នៅវេលាជិតភ្លឺថ្ងៃទី៣០ ខែមីនានេះ ដោយរោគាពាធ ។ សមាជិកគណៈកម្មាធិការនាយកក្លឹបអ្នកកាសែតកម្ពុជា លោក ឆាយ សុផល ឲ្យVODដឹងនៅព្រឹកថ្ងៃទី៣០ ខែមីនានេះថា លោក ប៉ែន សមិទ្ធិ បានទទួលមរណភាពនៅវេលាជិតភ្លឺថ្ងៃនេះ នៅមន្ទីរពេទ្យក្នុងរាជធានីភ្នំពេញ ។ លោកបន្តថាសពលោក ប៉ែន សមិទ្ធិ នឹងត្រូវទុកដាក់នៅវត្តលង្កា ហើយនៅម៉ោង១០ព្រឹកនេះសមាជិក និងគណៈកម្មាធិការក្លឹបអ្នកកាសែតកម្ពុជាទាំងអស់នឹងទៅចូលរួមបុណ្យសពលោក ។
គាំទ្រដោយ
