កំពុងស្វែងរកទិន្នន័យ
រកឃើញ: 13.090
-
បក្សប្រឆាំងថានឹងស្នើទៅបក្សកាន់អំណាច ឲ្យធ្វើវិសោធនកម្មច្បាប់៣ទាក់ទងតុលាការ
ថ្នាក់ដឹកនាំគណបក្សសង្គ្រោះជាតិនៅថ្ងៃចន្ទនេះអះអាងថា បន្ទាប់ពីកែទម្រង់ គ.ជ.ប ថ្មី ចប់ គណបក្សប្រឆាំងនឹងជំរុញឲ្យបក្សកាន់អំណាចធ្វើវិសោធនកម្មច្បាប់ចំនួន៣ទាក់ទិននឹងតុលាការ ដើម្បីឲ្យស្ថាប័ននេះឯករាជ្យ ។ ការអះអាងនេះ ធ្វើឡើងនៅក្នុងពិធីរំឭកវិញ្ញាណក្ខន្ធដល់អ្នកស្លាប់នៅគ្រាដែលគេគប់គ្រាប់បែកមុខរដ្ឋសភាចាស់ កាលពីឆ្នាំ១៩៩៧ ខណៈលោក សម រង្ស៊ី ដឹកនាំក្រុមបាតុករធ្វើបាតុកម្មទាមទារឲ្យកែទម្រង់ប្រព័ន្ធតុលាការ និងទាមទារសិទ្ធិសេរីភាពឲ្យប្រជាពលរដ្ឋ ។
-
លីកាដូរកឃើញក្រុមហ៊ុនបរទេសសរុប១៣២ទទួលដីសម្បទានសេដ្ឋកិច្ចជាង១លានហិកតា
របាយការណ៍របស់អង្គការលីកាដូស្តីពីការផ្តល់ដីសម្បទានសេដ្ឋកិច្ចឲ្យដឹងថារហូតមកដល់ពេលនេះ ក្រុមហ៊ុនបរទេសសរុបចំនួន១៣២ ត្រូវបានរដ្ឋាភិបាលកម្ពុជាផ្តល់ដីជាង១លានហិកតាឲ្យវិនិយោគ។ ជាមួយទិន្នន័យដីសម្បទានសេដ្ឋកិច្ចនេះ អង្គការលីកាដូបានចេញសេចក្តីថ្លែងការណ៍មួយ ដោយអំពាវនាវឲ្យរដ្ឋាភិបាលបញ្ចេញទិន្នន័យច្បាស់លាស់ទាក់ទងនឹងដីសម្បទាននេះ។ សេចក្តីថ្លែងការណ៍បញ្ជាក់ថាទិន្នន័យដីសម្បទានសេដ្ឋកិច្ចដែលត្រូវបានចេញផ្សាយនៅថ្ងៃចន្ទនេះ គឺត្រូវបានចងក្រងក្នុងរយៈពេល៥ឆ្នាំនៃការស៊ើបអង្កេតទៅលើវិស័យនេះ។
-
មន្ត្រីឃ្លាំមើលការបោះឆ្នោតលើកទឹកចិត្តឲ្យមានការដាក់ពាក្យជាសមាជិក គ.ជ.ប ថ្មីឲ្យបានច្រើន
នាយកប្រតិបត្តិអង្គការឃ្លាំមើលការបោះឆ្នោតហៅកាត់ថាខុមហ្វ្រែល លោក គល់ បញ្ញា មានប្រសាសន៍ជាមួយVODនៅថ្ងៃអាទិត្យនេះថា ជាការប្រសើរណាស់ ដែលគណបក្សទាំងពីរបើកចំហឲ្យអ្នកដាក់ពាក្យដើម្បីធ្វើជាសមាជិក គ.ជ.ប ថ្មីនោះ ។ លោកលើកទឹកចិត្តឲ្យអ្នកមានសមត្ថ ដាក់ពាក្យឲ្យបានច្រើន ដើម្បីឲ្យក្រុមការងារនៃគណបក្សទាំងពីរ ជ្រើសរើសយកអ្នកដែលមានសមត្ថភាពគ្រប់គ្រាន់ធ្វើការ ចៀសវាងការរើសយកអ្នកមិនមានសមត្ថភាព នាំឲ្យដំណើរការបោះឆ្នោតលើកក្រោយមានបញ្ហា។ ប៉ុន្តែលោកបន្តថា បើការជ្រើសរើសយកបេក្ខភាពនោះ គ្មានតម្លាភាព ធ្វើតាមការកំណត់ទុកនៃបក្សរៀងៗខ្លួន នោះវានឹងនាំឲ្យដំណើរការ គ.ជ.ប ថ្មី មិនបម្រើដល់ផលប្រយោជន៍ពលរដ្ឋទូទៅ គឺនៅតែបម្រើផលប្រយោជន៍បក្សដដែល ។
-
អង្គការសហប្រជាជាតិទំនងនឹងតែងតាំងស្ត្រីជនជាតិអង់គ្លេសជាតំណាងពិសេសសិទ្ធិមនុស្សប្រចាំកម្ពុជា
អង្គការសហប្រជាជាតិទំនងនឹងជ្រើសរើសយកលោកស្រី Rhona Smith ជាបេក្ខភាពសម្រាប់តំណែងអ្នករាយការណ៍ពិសេសអង្គការសហប្រជាជាតិ ប្រចាំកម្ពុជាជំនួសលោកសូរិយា ប្រាសាទ ស៊ូប៊ែឌី ដែលបានបញ្ចប់អាណត្តិរយៈពេល៦ឆ្នាំរបស់គាត់មកកាន់កម្ពុជា នៅឆ្នាំ២០១៥នេះ ។
-
សង្គមស៊ីវិលគាំទ្រជំនួបស្វែងរកដំណោះស្រាយដល់ជនភៀសខ្លួនម៉ុងតាញ៉ា
មន្ត្រីសង្គមស៊ីវិលដែលតាមដានស្ថានភាពជនជាតិម៉ុងតាញ៉ាវៀតណាម ឲ្យដឹងថា ជនជាតិម៉ុងតាញ៉ាវៀតណាមចំនួន១៣រូប ដែលកំពុងលាក់ខ្លួនក្នុងព្រៃខេត្តរតនគិរី នៅតែបន្តជួបប្រទះបញ្ហាខ្វះខាតស្បៀងអាហារ ហើយប្រឈមនឹងជំងឺតម្កាត់ផ្សេងៗ។ ស្របពេលជាមួយគ្នា សង្គមស៊ីវិល ក៏គាំទ្រនូវជំនួបពិភាក្សាស្វែងរកដំណោះស្រាយ សម្រាប់ជនជាតិម៉ុងតាញ៉ាវៀតណាម ដែលបានធ្វើឡើងរវាងមន្ត្រីអង្គការសហប្រជាជាតិ ជាមួយមន្ត្រីកម្ពុជានិងវៀតណាម កាលពីថ្ងៃទី២៣ ខែមីនា កន្លងទៅ។
-
បញ្ហាប្រឈមរបស់យុវជនក្នុងពេលសមាហរណកម្មសេដ្ឋកិច្ចអាស៊ាន២០១៥
ក្រុមយុវជន ដែលជាសិស្សនិស្សិតបង្ហាញក្ដីកង្វល់ នៅពេលពេលសមាហរណកម្មសេដ្ឋកិច្ច អាស៊ាន២០១៥ នឹងត្រូវចូលមកដល់ក្នុងចុងឆ្នាំនេះ។ ក្រុមយុវជនយល់ឃើញថា ការរួមបញ្ចូលគ្នាតែមួយនៃសមាគមសេដ្ឋកិច្ចអាស៊ាននេះ នឹងនាំឲ្យពួកគេត្រូវប្រឈមមុខកាន់តែខ្លាំង ជាពិសេសលើការរកការងារធ្វើ។ ដោយឡែកមន្ត្រីរបស់រដ្ឋាភិបាលវិញ ទទួលស្គាល់ថា តាមរយៈការលើកលែងពន្ធ នឹងធ្វើឲ្យកម្ពុជាត្រូវខាតបង់ប្រមាណ ៧ភាគរយ ក៏ពិតមែន ក៏ប៉ុន្តែជំនួសមកវិញប្រទេសអាចនឹងស្រូបបានភ្ញៀវ និងអ្នកវិនិយោគបានច្រើនជាងមុន។
-
HRWដាក់សម្ពាធក្រុមហ៊ុនបញ្ជាទិញរបស់អាល្លឺម៉ង់ឲ្យគោរពលក្ខខ័ណ្ឌការងារនិងសិទ្ធិកម្មករ
អង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ (Human Right Watch) បានដាក់សម្ពាធក្រុមហ៊ុនបញ្ជាទិញផលិតផលសំខាន់ៗ របស់អាល្លឺម៉ង់ ដូចជាក្រុមហ៊ុនអាឌីដាស (Adidas) ក្រុមអេច្ឆ អេន អឹម (H&M) និងក្រុមហ៊ុនធំៗជាច្រើនទៀត ត្រូវតែពិនិត្យមើលឡើងវិញ អំពីសង្វាក់ផលិតកម្មនៅកម្ពុជា ដែលពោរពេញទៅដោយការរំលោភសិទ្ធិកម្មករ។ របាយការណ៍ដដែល គូសបញ្ជាក់ថា កង្វះតម្លាភាព នឹងបណ្ដាលឲ្យក្រុមហ៊ុននោះដួលរលំ។ អង្គការឃ្លាំមើលសិទ្ធិមនុស្សអន្តរជាតិ បានចេញរបាយការណ៍ផ្ទួនៗគ្នា នៅកំឡុងខែមីនានេះ ដែលគេបានរកឃើញថា វិស័យកាត់ដេរសំលៀកបំពាក់ដែលទ្រទ្រង់កំណើនសេដ្ឋកិច្ចកម្ពុជា មានការរំលោភសិទ្ធិមនុស្សធ្ងន់ធ្ងរ នៅក្នុងសង្វាក់ផលិតកម្មរបស់ខ្លួន។ អង្គការដដែលនេះ បានក្រើនរំលឹកដល់រោងចក្រដែលផ្គត់ផ្គង់ ទៅអ្នកបញ្ជាទិញធំៗ នៅលើទីផ្សារអន្តរជាតិនោះ ជាពិសេសរោងចក្ររបស់អាល្លឺម៉ង់ ដែលផ្គត់ផ្គង់ម៉ាកសំខាន់ៗដូចជាអាឌីដាស់ (Adidas) ជាដើម ត្រូវលើកកម្ពស់ការគោរពសិទ្ធិមនុស្ស និងសុវត្ថិភាពតាមរយៈ ការធានាឲ្យសង្វាក់ផ្គត់ផ្គង់ ឲ្យមានតម្លាភាព។
-
ពលរដ្ឋនៅពីរសង្កាត់ផ្សេងគ្នាតវ៉ាមិនឲ្យបូមខ្សាច់ពីទន្លេចូលព្រែក ខ្លាចប៉ះពាល់ផ្ទះពួកគេ
ប្រជាពលរដ្ឋប្រមាណ៣០នាក់ រស់នៅតាមបណ្ដោយប្រឡាយព្រែកបារាំង ក្នុងភូមិតាង៉ូវ សង្កាត់និរោធ ខណ្ឌច្បារអំពៅ ប្រមូលផ្ដុំគ្នាតវ៉ាបញ្ឈប់ការបូមខ្សាច់ពីទន្លេចូលព្រែក ព្រោះខ្លាចប៉ះពាល់ផ្ទះពួកគាត់ចំនួនពីរសង្កាត់នៅតំបន់នោះ ។ សង្កាត់ទាំងនោះរួមមាន សង្កាត់និរោធ និងសង្កាត់ច្បារអំពៅ ។ តំណាងសហគមន៍តាង៉ូវ សង្កាត់និរោធ ខណ្ឌច្បារអំពៅ រាជធានីភ្នំពេញ អ្នកស្រី អៀង ញ៉ ប្រាប់VODនៅថ្ងៃអាទិត្យនេះថា តាមគម្រោងរបស់សាលាខណ្ឌច្បារអំពៅ ត្រូវបូមខ្សាច់លុបព្រែកបារាំង រួចធ្វើផ្លូវបេតុងទទឹង១៤ម៉ែត្រ ។ អ្នកស្រីអះអាងថា ការអនុវត្តជាក់ស្តែង អាជ្ញាធរធ្វើផ្លូវដល់ទៅ១៦ម៉ែត្រ នាំឲ្យប៉ះពាល់ផ្ទះប្រជាពលរដ្ឋចំនួន២៧គ្រួសារ ដែលកំពុងរស់នៅក្បែរប្រឡាយព្រែកបារាំងនោះ ។ អ្នកស្រីថា អ្នកស្រីមិនប្រឆាំងនឹងការបូមខ្សាច់នោះទេ តែអ្នកស្រីស្នើទៅអភិបាលខណ្ឌ នឹងអាជ្ញាធរពាក់ព័ន្ធ ឲ្យធ្វើផ្លូវបេតុងនៅតំបន់នោះត្រឹមតែ៨ម៉ែត្រ ទុក៨ម៉ែត្រទៀតឲ្យប្រជាពលរដ្ឋសង់លំនៅដ្ឋាននៅនឹងកន្លែង ។
-
អង្គជំនុំជម្រះសាលាក្ដីខ្មែរក្រហមផ្លាស់ប្ដូរពេលវេលាធ្វើសវនាការសាក្សីពីអាមេរិក
អង្គជំនុំជម្រះសាលាដំបូង នៃសាលាក្ដីខ្មែរក្រហមប្រកាសផ្លាស់ប្ដូរពេលវេលាធ្វើសវនាការ នៅថ្ងៃចន្ទ ទី ៣០ មីនា ពីម៉ោង ៩ មកម៉ោង ៨ ព្រឹកវិញ។ ប្រធានអង្គជំនុំជម្រះសាលាដំបូង លោកចៅក្រម និល ណុន ប្រកាសថា ការផ្លាស់ប្ដូរពេលវេលានេះ គឺសម្រាប់តែសវនាការរយៈពេល ៣ថ្ងៃទេ ដោយសារតែពេលវេលានៅសហរដ្ឋអាមេរិក ខុសគ្នាពីពេលវេលានៅប្រទេសកម្ពុជា៖ «សវនាការនៅថ្ងៃចន្ទដើមសប្ដាហ៍ក្រោយនេះ អង្គជម្រះនឹងធ្វើសវនាការស្ដាប់សាក្សី ឌុតមែន ដែលនឹងត្រូវធ្វើតាមរយៈមធ្យោបាយសោតទស្សន៍ពីសហរដ្ឋអាមេរិក។ សូមភាគីជ្រាប និងអញ្ជើញចូលរួមតាមពេលវេលាកំណត់នេះ ហើយអង្គជម្រះក៏សូមរំឭកផងដែរថា សវនាការស្ដាប់សក្ខីកម្មសាក្សី ឌុតមែន ត្រូវធ្វើតែនៅពេលព្រឹក ដោយចាប់ពីម៉ោង ៨ រហូតដល់ម៉ោង ១០ព្រឹក។ សវនាការហ្នឹង ៣ថ្ងៃ គឺថ្ងៃទី ៣០, ៣១ ខែមីនា ហើយនឹងថ្ងៃទី ១ ខែមេសា ឆ្នាំ ២០១៥។ នេះការស្ដាប់សក្ខីកម្មសាក្សី ឌុតមែន ដែលមានរយៈពេល ២ម៉ោងក្នុងមួយថ្ងៃ ហើយធ្វើតែពេលព្រឹកទេ»។
-
អាជ្ញាធរខេត្តរតនគិរីគ្រោងកោះហៅសហគមន៍ប៉ាតាងដោះស្រាយជម្លោះដីធ្លី
អាជ្ញាធរស្រុកអូរយ៉ាដាវ គ្រោងកោះអញ្ជើញសហគមន៍ភូមិប៉ាតាង ឃុំសេសាន ស្រុកអូរយ៉ាដាវ ខេត្តរតនគិរី មកប្រជុំសម្របសម្រួលជម្លោះរវាងពលរដ្ឋ និងក្រុមហ៊ុនសម្បទានសេដ្ឋកិច្ច ៧មករា ផារី ក៏ប៉ុន្តែអ្នកភូមិអះអាងថា បើទោះជាមានគម្រោងប្រជុំដោះស្រាយបញ្ហាក៏ដោយ ក៏បញ្ហាចម្បង គឺក្រុមហ៊ុនត្រូវតែបញ្ឈប់ការឈូសឆាយ។
-
តុលាការពន្យារពេលជាថ្មីទៀតក្រោយពីសវនាការបានមួយថ្ងៃ
ភ្នំពេញ—បន្ទាប់ពីបានបើកសវនាការពេញមួយថ្ងៃលើសំណុំរឿងសួនប្រជាធិបតេយ្យដែលចោទសកម្មជននយោបាយ១១នាក់ពីបទអំពើហិង្សាមកនោះ តុលាការក្រុងភ្នំពេញបានពន្យារពេលម្តងទៀត ដោយបានប្រកាសថា សវនាការនេះនឹងបន្តនៅថ្ងៃទី២០ខែមេសាក្រោយនេះ។ ទាំងមេធាវីការពារក្តី និងជនជាប់ចោទបានហៅការពន្យារពេលរឿងក្តីនេះម្តងហើយម្តងទៀតថា ជាប់ពាក់ព័ន្ធនឹងរឿងនយោបាយសុទ្ធសាធ។
-
ចៅក្រមស៊ើបអង្កេតសាលាក្តីខ្មែរក្រហមចោទប្រកាន់មនុស្សម្នាក់ទៀតក្នុងសំណុំរឿង០០៤
អតីតលេខារងភូមិភាគកណ្តាលសម័យកម្ពុជាប្រជាធិបតេយ្យ(របបប៉ុល ពត) លោក អោ អាន ដែលគេតែងតែស្គាល់ថាតា អាន ត្រូវបានចៅក្រមស៊ើបអង្កេតនៃសាលាក្តីខ្មែរក្រហម សម្រេចចោទប្រកាន់ និងដាក់ឲ្យនៅក្រោមការត្រួតពិនិត្យ។ លោក អោ អាន អាយុ៨២ឆ្នាំ ជាអតីតអនុប្រធានតំបន់មជ្ឈិម ឬខេត្តកំពង់ចាម ដែលមានមនុស្សជាង១៥០.០០០នាក់ស្លាប់ក្នុងរបបខ្មែរក្រហម។ សព្វថ្ងៃ អោ អាន កំពុងរស់នៅក្នុងស្រុកកំរៀង ខេត្តបាត់ដំបង។
-
គណៈកម្មការទី៣រដ្ឋសភាចុះអង្កេតផលប៉ះពាល់នៃទំនប់វារីអគ្គិសនីសេសានក្រោម២
នៅឯខេត្តស្ទឹងត្រែង គណៈកម្មការទី៣ នៃរដ្ឋសភា គឺគណៈកម្មការផែនការ វិនិយោគ កសិកម្ម អភិវឌ្ឍន៍ជនបទ បរិស្ថាន និងធនធានទឹក នៅថ្ងៃទី២៨ មីនា បានចុះអង្កេតផលប៉ះពាល់នៃការសាងសង់ទំនប់វារីអគ្គិសនីសេសានក្រោម២។
-
តើសាលាក្តីខ្មែរក្រហមមានអំពើពុករលួយ និងជ្រៀតជ្រែកនយោបាយពីរដ្ឋាភិបាលដែរឬទេ?
ក្នុងរយៈពេល ៩ឆ្នាំកន្លងមកនេះ សាលាក្តីខ្មែរក្រហម បានចំណាយថវិកាអស់ជាង ២០០លានដុល្លារហើយ ដើម្បីស្វែងរកយុត្តិធម៌ជូនជនរងគ្រោះនៃរបបកម្ពុជាប្រជាធិបតេយ្យ។ បើទោះជាមានការចំណាយប្រាក់ដ៏ច្រើនសន្ធឹកសន្ធាប់បែបនេះក្តី តុលាការមិនមានគម្រោងចំណាយទៅលើសំណងជំងឺចិត្តជាបុគ្គលនោះទេ ប៉ុន្តែជនរងគ្រោះអាចទទួលបានសំណងសមូហភាព មានស្តូបសម្រាប់រំឭកវិញ្ញាណក្ខន្ធជនរងគ្រោះ ជាដើម។
-
អ្នកឃ្លាំមើលសាលាក្តីខ្មែរក្រហមទាមទារឲ្យអ.ស.ប.បង្ហាញជំហររឹងប៉ឹង
វ៉ាស៊ីនតោន—សាលាក្តីខ្មែរក្រហមខកខានក្នុងការនាំខ្លួនជនសង្ស័យពីរនាក់ក្នុងសំណុំរឿងខ្មែរក្រហម ០០៣ និង០០៤ ក្រោយពីសហចៅក្រមស៊ើបអង្កេតភាគីអ.ស.ប.បានធ្វើការចោទប្រកាន់។ ការខកខាននេះត្រូវអង្គការអន្តរជាតិខ្លះចោទប្រកាន់ថា ជាការមិនសហការនិងជាការរារាំងយុត្តិធម៌ ដោយរដ្ឋាភិបាលកម្ពុជា។
-
ជនភៀសខ្លួនរកសិទ្ធិជ្រកកោននៅអូស្ត្រាលី៣ ទៅ៥គ្រួសារ នឹងមកដល់កម្ពុជានៅពេលឆាប់ៗនេះ
រដ្ឋាភិបាលកម្ពុជាបើកផ្លូវទទួលយកជនភៀសខ្លួនជាច្រើនជាតិសាសន៍ដែលសុំសិទ្ធិជ្រកកោណនៅអូស្ត្រាលី ខណៈរដ្ឋមន្ត្រីក្រសួងមហាផ្ទៃលោក ស ខេង កំពុងទស្សនកិច្ចនៅប្រទេសនេះ ជជែកពីបញ្ហាជនភៀសខ្លួន ។ យោងសារព័ត៌មានអូស្ត្រាលី ឈ្មោះថា ឌឹ អេជ (The Age) បានចុះផ្សាយនៅថ្ងៃទី២៦ខែមីនា ឆ្នាំ២០១៥ឲ្យដឹងថា នៅសប្ដាហ៍នេះ រដ្ឋមន្ត្រីក្រសួងមហាផ្ទៃកម្ពុជា លោក ស ខេង បានទៅទស្សនកិច្ចនៅអូស្ត្រាលីនេះដោយបានចុះហត្ថលេខាលើអនុស្សរណៈយោគយល់គ្នា (MOU) ជាមួយរដ្ឋមន្ត្រីក្រសួងអន្តោប្រវេសន៍អូស្ត្រាលី ថានឹងទទួលយកជនភៀសខ្លួនដែលស្វែងរកសិទ្ធិជ្រកកោននៅអូស្ត្រាលីឲ្យមកស្នាក់នៅប្រទេសកម្ពុជា ។
-
ក្រុមជនជាប់ចោទរឿងកាប់រានដីរដ្ឋនៅបន្ទាយមានជ័យប្តឹង លោក អាំង មាលតី
ជនជាប់ចោទក្នុងសំណុំរឿងពុករលួយពាក់ព័ន្ធនឹងការកាប់រានដីព្រៃនិងហ៊ុមព័ទ្ធដីព្រៃរដ្ឋនៅក្នុងខេត្ត បន្ទាយមានជ័យ ថ្មីៗនេះបានដាក់ពាក្យប្តឹងលោក អាំង មាលតី អតីតប្រធានសាលាដំបូងរាជធានីភ្នំពេញ អំពីទង្វើមិនប្រក្រតីនិងរំលោភច្បាប់ និងការប្រឌិតបំភ្លៃអង្គហេតុ ភ័ស្តុតាង បំពានបទចោទជាច្រើន ក្រោមការឃុបឃិត នឹងអ្នកមានអំណាច ធ្វើឡើងជាសម្ងាត់ដោយយកអំណាច តុលាការយកមកធ្វើជាខែល និងស្នើឲ្យលោកនាយករដ្ឋមន្ត្រីជួយរកយុត្តិធម៌ និងពិនិត្យសើរើ សំណុំរឿងក្តីរបស់ខ្លួនវិញ។
-
សន្តិសុខខណ្ឌដូនពេញរារាំងមិនឲ្យពលរដ្ឋមានជម្លោះដីជួបអភិបាលខណ្ឌ
ក្រុមសន្តិសុខខណ្ឌដូនពេញ រារាំងតំណាងពលរដ្ឋជាង ៦០គ្រួសារ រស់នៅក្នុងភូមិ៣ ស្ថិតតាមបណ្ដោយផ្លូវសហព័ន្ធរុស្ស៊ី មិនឲ្យចូលជួបអភិបាលខណ្ឌ និងសុំឧបករណ៍ដែលអាជ្ញាធររឹបអូសយកនោះទេ។ អ្នកភូមិ៣ លោកស្រី លឿង ធារី ឲ្យដឹងនៅថ្ងៃទី២៧ មីនា ថា អាជ្ញាធរខណ្ឌទាមទារឲ្យពួកគាត់ធ្វើកិច្ចសន្យាឈប់តវ៉ាទើបប្រគល់សម្ភារៈមានមេក្រូ ធុងបាស បដាវែងពីរ និងសម្ភារៈផ្សេងៗទៀតដែលអាជ្ញាធររឹបអូសកាលពីថ្ងៃទី២៦ មីនា នោះមកវិញ ប៉ុន្តែក្រុមអ្នកភូមិមិនធ្វើតាមឡើយ៖ «ដល់ពេលយើងលើកបដាទៀត គេវាយយើង ព្រមានយើងដូចកាលយើងបាតុកម្មអ៊ីចឹង ដូច្នេះពួកយើងអត់ព្រមធ្វើកិច្ចសន្យាទេ»។
-
អតីតសង្ឃខ្មែរកម្ពុជាក្រោម ៣ រូបត្រូវនាំពីគុកដើម្បីសាកសួរបន្ថែម
អតីតសង្ឃខ្មែរកម្ពុជាក្រោម ៣ រូប ដែលកំពុងឃុំខ្លួននៅគុកព្រៃស ទាក់ទងនឹងបទចូលរួមជាមួយសមាគមជនទុច្ចរិត កាលពីខែវិច្ឆិកា ត្រូវសាលាដំបូងរាជធានីភ្នំពេញធ្វើការសាកសួរបន្ថែមកាលពីម្សិលមិញ។ ជនជាប់ចោទទាំងបី រួមមាន ឈ្មោះ សឺន ហាយ ត្រូវតុលាការភ្នំពេញកាត់ទោសឃុំ ១ ឆ្នាំរួចហើយពីបទប្រឆាំងមន្ត្រីរាជការសាធារណៈ បន្ទាប់ពីចាប់ខ្លួននៅខែវិច្ឆិកាឆ្នាំមុនក្នុងពេលចូលរួមតវ៉ា នៅមុខសាលាដំបូងរាជធានី។ ឯពីរនាក់ទៀតឈ្មោះ ឃិត វណ្ណៈ និង សាង កុសល ដែលត្រូវឃាត់ខ្លួនមួយថ្ងៃក្រោយមក ពេលដែលពួកគេបានយកបំពង់ឫស្សីជាដងទង់ជាតិ ពីវត្តស្ទឹងមានជ័យ បម្រុងយកមកឲ្យពលរដ្ឋខេត្តព្រះវិហារដែលតវ៉ាពីបញ្ហាដីធ្លី។
-
គណបក្សសង្គ្រោះជាតិនឹងគោរពវិញ្ញាណក្ខន្ធបាតុករស្លាប់កាលពី១៨ឆ្នាំមុន
គណបក្សសង្គ្រោះជាតិនឹងរៀបចំប្រារព្ធពិធីបង្សុកូលរាប់បាត ដើម្បីឧទ្ទិកុសលជូនដល់វិញ្ញាណក្ខន្ធអ្នកដែលបានបាត់បង់ជីវិតដោយសារការគប់គ្រាប់បែកចូលហ្វូងបាតករ នៅមុខអតីតរដ្ឋសភាចាស់ កាលពី១៨ឆ្នាំមុន ។ កាលពី១៨ឆ្នាំមុន គឺថ្ងៃទី៣០ ខែមីនា ឆ្នាំ១៩៩៧ មានការគប់គ្រាប់បែកចំនួន៤គ្រាប់ចូលហ្វូងបាតុករ ដឹកនាំដោយលោក សម រង្ស៊ី ដែលទាមទារឲ្យកែទម្រង់ប្រព័ន្ធយុត្តិធម៌ និងទាមទារដំឡើងប្រាក់ឈ្នួលសមរម្យដល់កម្មកររោងចក្រកាត់ដេរ។ ការបោកគ្រាប់បែកនោះ បណ្តាលឲ្យបាតុករយ៉ាងតិច១៦នាក់ស្លាប់ និងជាង១៥០នាក់ទៀតរងរបួស ។
គាំទ្រដោយ
