កំពុងស្វែងរកទិន្នន័យ
រកឃើញ: 13.209
-
អានបន្ត អ្នកជំនាញថា ការអនុវត្តប្រជាធិបតេយ្យឌីជីថលនៅកម្ពុជានៅមានកម្រិត
អ្នកជំនាញលើកឡើងថា ការអនុវត្តប្រជាធិបតេយ្យឌីជីថលនៅកម្ពុជាសម្រាប់ប្រជាពលរដ្ឋនៅមានកម្រិត ដោយសារកង្វះធនធានមនុស្ស កង្វះហេដ្ឋារចនាសម្ពន្ធអ៊ីនធឺណិតនៅតាមមូលដ្ឋាន ស្របពេលដែលការអនុវត្តសិទ្ធិរបស់ប្រជាពលរដ្ឋនៅមានកម្រិត។
អានបន្ត -
អានបន្ត លោកនាយករដ្ឋមន្ដ្រីមិនអនុញ្ញាតផ្ដល់អាជ្ញាប័ណ្ណរុករ៉ែនៅតំបន់ព្រៃឡង់
លោកនាយករដ្ឋមន្ដ្រី ហ៊ុន ម៉ាណែត បានថ្លែងអះអាងថា លោកមិនអនុញ្ញាតឲ្យមានការចេញអាជ្ញាប័ណ្ណរុករករ៉ែនៅក្នុងតំបន់ព្រៃឡង់ជាដាច់ខាត។ លោកបានថ្លែងដូច្នេះក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣-២០២៤ និងលើកទិសដៅការងារឆ្នាំ២០២៥ របស់ក្រសួងរ៉ែ និងថាមពល នៅសណ្ឋាគារ សូហ្វីតែល ភូកេតត្រា ភ្នំពេញ កាលពីរសៀលថ្ងៃទី២១ ខែវិច្ឆិកា ឆ្នាំ២០២៤។
អានបន្ត -
អានបន្ត អ្នកទោសនយោបាយ លោក ម៉ិច ហ៊ាង ប្ដេជ្ញាបន្តសកម្មភាពនយោបាយ និងសង្គម ក្រោយរួចផុតពីការឃុំឃាំង
សកម្មជននយោបាយបក្សប្រឆាំង លោក ម៉ិច ហ៊ាង ត្រូវបានអាជ្ញាធរដោះលែងវិញហើយ កាលពីយប់ថ្ងៃទី២១ វិច្ឆិកា ក្រោយពីបានអនុវត្តទោស ៣ឆ្នាំពេញ ក្នុងពន្ធនាគារ។ លោក ម៉ិច ហ៊ាង អាយុ ៣៦ឆ្នាំ គឺជាសកម្មជនគណបក្សសង្គ្រោះជាតិ និងជាពលករស្របច្បាប់នៅប្រទេសថៃ។ អាជ្ញាធរកម្ពុជា និងថៃ បានសហការគ្នាចាប់ខ្លួនលោកពីប្រទេសថៃ មកដាក់គុកនៅកម្ពុជា កាលពីថ្ងៃទី២១ ខែវិច្ឆិកា ឆ្នាំ២០២១។ តុលាការបានផ្ដន្ទាទោសលោកដាក់ពន្ធនាគារ ៣ឆ្នាំ ពីបទ «ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម» និង «ប្រមាថព្រះមហាក្សត្រ»។
អានបន្ត -
អានបន្ត ពលរដ្ឋគ្មានទំនុកចិត្តលើអាជ្ញាធរមូលដ្ឋានខេត្តស្វាយរៀងដោះស្រាយបញ្ហាជួលដីតំបន់ព្រំដែនឱ្យទៅប្រទេសជិតខាង
ពលរដ្ឋគ្មានទំនុកចិត្តលើអាជ្ញាធរមូលដ្ឋានក្នុងខេត្តស្វាយរៀងថា អាចដោះស្រាយបញ្ហាជួលដីឱ្យទៅប្រទេសជិតខាងមានប្រសិទ្ធភាព តាមបញ្ជារបស់ក្រសួងមហាផ្ទៃនោះឡើយ។ ពួកគាត់ថា អាជ្ញាធរមួយចំនួននៅតែមានល្បិចឱ្យមន្ត្រីខិលខូចឈរឈ្មោះជំនួសឈ្មួញវៀតណាម ដើម្បីជួលដីរបស់ពលរដ្ឋខ្មែរជាច្រើនពាន់ហិកតារឱ្យទៅប្រទេសជិតខាង។ ពលរដ្ឋរស់នៅជាប់ព្រំដែនកម្ពុជា-វៀតណាមក្នុងខេត្តស្វាយរៀងឱ្យដឹងថា បច្ចុប្បន្នដីស្រែចម្ការរបស់ពលរដ្ឋខ្មែរនៅតាមបណ្តោយព្រំដែន ក្នុងឃុំចំនួន៤ គឺឃុំពពែត ឃុំមនោរម្យ ឃុំគគីសោម និងឃុំតាអី ក្នុងស្រុកស្វាយទាប ជាច្រើនពាន់ហិកតារ ត្រូវបានពលរដ្ឋខ្មែរជួលទៅឱ្យឈ្មួញវៀតណាម ធ្វើកសិកម្មជាង ៨ឆ្នាំមកហើយ។
អានបន្ត -
អានបន្ត របាយការណ៍ ADB៖ ប្រទេសកំពុងអភិវឌ្ឍដូចជាកម្ពុជាកំពុងជួបវិបត្តិខ្វះគ្រូបង្រៀន
ធនាគារអភិវឌ្ឍន៍អាស៊ី (ADB) រកឃើញថា ប្រទេសកំពុងអភិវឌ្ឍជាច្រើននៅអាស៊ីប៉ាស៊ីហ្វិក រួមទាំងកម្ពុជាផង កំពុងជួបវិបត្តិក្នុងការជ្រើសរើសនិងរក្សាទុកគ្រូបង្រៀនដែលមានសមត្ថភាព ដើម្បីសម្រេចបានការអប់រំនៅកម្រិតថ្នាក់បឋម និងមធ្យមសិក្សាជាសកលក្នុងឆ្នាំ ២០៣០។
អានបន្ត -
អានបន្ត លោកប៉ា ច័ន្ទរឿន៖លំហនយោបាយមិនល្អនឹងប៉ះពាល់ដល់សេរីភាពបញ្ចេញមតិលើប្រព័ន្ធឌីជីថល
នៅថ្ងៃព្រហស្បតិ៍ ទី២១ វិច្ឆិកានេះ វិទ្យាស្ថានប្រជាធិបតេយ្យកម្ពុជា និងសង្គមស៊ីវិលបានរៀបចំកិច្ចសន្ទនាមួយស្តីពីប្រជាធិបតេយ្យឌីជីថល និងបញ្ញាសិប្បនិម្មិត។ នៅកិច្ចសន្ទនានេះ ភាគីពាក់ព័ន្ធទាំងមន្ត្រីរដ្ឋាភិបាល និងអង្គការសង្គមស៊ីវិលបានជជែកវែកញែកពីបញ្ហាប្រជាធិបតេយ្យឌីជីថល សេរីភាពបញ្ចេញមតិ និងសុវត្ថិភាពលើប្រព័ន្ធឌីជីថល។ ក្នុងបទសម្ភាសជាមួយវិទ្យុបារាំងអន្តរជាតិ RFI លោកបណ្ឌិត ប៉ា ច័ន្ទរឿន ប្រធានវិទ្យាស្ថានប្រជាធិបតេយ្យកម្ពុជាកត់សម្គាល់ថា ដំណើរការប្រព័ន្ធឌីជីថលនៅកម្ពុជានៅមិនទាន់ប្រសើរ និងថា កត្តាលំហនយោបាយមិនល្អគឺជាឧបសគ្គមួយដល់សេរីភាពបញ្ចេញមតិលើប្រព័ន្ធឌីជីថល។
អានបន្ត -
អានបន្ត អង្គការ ILO ចាប់ផ្តើមគម្រោងពង្រឹងយន្តការការពារ និងដោះស្រាយវិវាទការងារនៅកម្ពុជា
អង្គការពលកម្មអន្តរជាតិ ILO ប្រចាំកម្ពុជាតាមរយៈកម្មវិធីភាពជាដៃគូ ILO-Korea (I-KORP) បានចាប់ផ្តើមគម្រោងថ្មីមួយដើម្បីពង្រឹងយន្តការការពារ និងដោះស្រាយវិវាទការងារនៅកម្ពុជា។ គំនិតផ្តួចផ្តើមលើគម្រោងកិច្ចសន្ទនាសង្គម និងការកសាងសមត្ថភាពមួយនេះនឹងចាប់ផ្តើមពីខែវិច្ឆិកា ឆ្នាំ២០២៤ រហូតដល់ខែធ្នូ ឆ្នាំ២០២៦។ កម្មវត្ថុចម្បង គឺស្វែងរកការដោះស្រាយបញ្ហាប្រឈមសំខាន់ៗនៅក្នុងក្របខណ្ឌនៃទំនាក់ទំនងការងាររបស់កម្ពុជា តាមរយៈកិច្ចសហប្រតិបត្តិការជាមួយរដ្ឋាភិបាល និយោជក និងកម្មករ។
អានបន្ត -
អានបន្ត ក្រសួងកសិកម្មអនុម័តថវិកាជាង៧០%នៃថវិកាសរុបទៅលើការគ្រប់គ្រងស្ថាប័ន ខណៈការបង្កើនដំណាំកសិកម្មមានតែ១៤%
ក្រសួងកសិកម្ម រុក្ខាប្រម៉ាញ់ និងនេសាទសម្រេចអនុម័តកញ្ចប់ថវិកាក្នុងឆ្នាំ២០២៤ ប្រមាណជាង៧០% នៃថវិកាសរុបទៅលើកម្មវិធីទី៥ ការគ្រប់គ្រងស្ថាប័ន និងការអភិវឌ្ឍធនធានមនុស្ស ខណៈថវិកា ១៤% បានបែងចែកទៅកម្មវិធីទី១ ការបង្កើនផលិតភាពដំណាំកសិកម្ម ការជំរុញផលិតកម្មដំណាំកសិកម្ម និងកសិធុរកិច្ច។
អានបន្ត -
អានបន្ត សហព័ន្ធអន្តរជាតិសម្រាប់សិទ្ធិមនុស្សថ្កោលទោស និងស្នើឲ្យដោះលែងសកម្មជនលោកកើត សារ៉ាយ
អង្គការសហព័ន្ធអន្តរជាតិសម្រាប់សិទ្ធិមនុស្ស (FIDH) និងអង្គការពិភពលោកប្រឆាំងនឹងការធ្វើទារុណកម្ម (OMCT) បានចេញសេចក្តីថ្លែងការណ៍ថ្កោលទោសចំពោះការផ្ដន្ទាទោសដាក់ពន្ធនាគារលោកកើត សារ៉ាយ ប្រធានសមាគមសម្ព័ន្ធនិស្សិតបញ្ញវន្តខ្មែរ។ ទន្ទឹមនឹងការថ្កោលទោស អង្គការសិទ្ធិមនុស្សអន្តរជាតិទាំង២ក៏បានស្នើឲ្យអាជ្ញាធរកម្ពុជាដោះលែងលោក កើត សារ៉ាយជាបន្ទាន់ដោយឥតលក្ខខណ្ឌ រួមទាំងសកម្មជនសិទ្ធិមនុស្សផ្សេងទៀតនៅក្នុងប្រទេសកម្ពុជា។
អានបន្ត -
អានបន្ត ពលរដ្ឋ ស្នើរដ្ឋាភិបាលកម្ពុជាឲ្យគិតគូរអំពីបញ្ហាពលរដ្ឋខ្មែរក្រោម ក្នុងដំណើរទស្សនកិច្ចប្រធានសភាវៀតណាមមកកម្ពុជា
ពលរដ្ឋស្នើរដ្ឋាភិបាលកម្ពុជា ឲ្យគិតគូរអំពីសុខទុក្ខពលរដ្ឋខ្មែរក្រោម ឲ្យដូចភាគីវៀតណាម ដែលតែងតែស្នើសុំរដ្ឋាភិបាលកម្ពុជា ឲ្យមើលថែពលរដ្ឋរបស់ពួកគេ ដែលកំពុងរស់នៅលើទឹកដីប្រទេសកម្ពុជា។ ការស្នើសុំនេះ ធ្វើឡើងនៅមុនពេលប្រធានសភាជាតិវៀតណាម លោក ជិន ថាញ់មិន (Tran Thanh Man) នឹងធ្វើទស្សនកិច្ចមកកម្ពុជា ចាប់ពីថ្ងៃទី២១ ដល់ថ្ងៃទី២៤ ខែវិច្ឆិកាខាងមុខនេះ។ ពលរដ្ឋលើកឡើងថា រដ្ឋាភិបាលត្រកូល «ហ៊ុន» គួរតែខ្វល់ខ្វាយពីសុខទុក្ខពលរដ្ឋខ្មែរក្រោម ក្នុងនាមជាឈាមជ័រខ្មែរតែមួយ ដែលកំពុងរស់នៅក្រោមអាណានិគមវៀតណាម និងរងការរឹតត្បិតសិទ្ធិសេរីភាពស្ទើរគ្រប់រូបភាព។
អានបន្ត -
អានបន្ត អ្នកតាមដានស្ថានការណ៍នយោបាយថា កម្ពុជានៅមិនទាន់មានសេដ្ឋកិច្ចការទូតល្អប្រសើរឡើយ ដោយសារការមិនគោរពសិទ្ធិមនុស្ស
អ្នកតាមដានស្ថានការណ៍នយោបាយលើកឡើងថា កម្ពុជាពិបាកនឹងសម្រេចមហិច្ឆតារបស់ខ្លួនក្នុងការប្រែក្លាយជាប្រទេសដែលមានចំណូលកម្រិតខ្ពស់នៅឆ្នាំ២០៥០ ដោយសារតែបញ្ហារំលោភសិទ្ធិមនុស្ស និងជំហរគោលនយោបាយកម្ពុជាងាកទៅប្រទេសចិនកុម្មុយនិស្តខ្លាំងពេក។ ការលើកឡើងនេះគឺក្រោយពេលដែលមន្ត្រីរដ្ឋាភិបាល អួតអាងសាជាថ្មីពីសមិទ្ធផលដែល លោក ហ៊ុន ម៉ាណែត បានខិតខំជំរុញឱ្យមានកំណើនពាណិជ្ជកម្មអន្តរជាតិនៅពេលបំពេញទស្សនកិច្ចនៅក្រៅប្រទេស។ អ្នកតាមដានភូមិសាស្ត្រនយោបាយកត់សម្គាល់ឃើញថា រដ្ឋាភិបាលលោក ហ៊ុន ម៉ាណែត នៅតែមិនអាចធ្វើឱ្យទំនាក់ទំនងនយោបាយសេដ្ឋកិច្ចការទូតកម្ពុជាទទួលបានលទ្ធផលផ្លែផ្កាជាវិជ្ជមាននៅឡើយ ដោយសារតែបញ្ហាអំពើពុករលួយចាក់ស្រេះ និងការរំលោភសិទ្ធិមនុស្សធ្ងន់ធ្ងរ។
អានបន្ត -
អានបន្ត នាយករដ្ឋមន្ត្រីពន្យល់ហេតុផលនៃការតែងតាំងលោក ប្រាក់ សុខុន ជារដ្ឋមន្ត្រីការបរទេសសាជាថ្មី
លោកនាយករដ្ឋមន្ត្រី ហ៊ុន ម៉ាណែត ពន្យល់ថា ការកែសម្រួលសមាសភាពរាជរដ្ឋាភិបាល ដោយតែងតាំងលោក ប្រាក់ សុខុន ជារដ្ឋមន្ត្រីការបរទេសសាជាថ្មី គឺដើម្បីប្រសិទ្ធភាពការងារនិងលទ្ធភាពក្នុងការប្រែក្លាយបញ្ហាប្រឈមនានាឲ្យទៅជាឱកាសសម្រាប់លើកកម្ពស់ផលប្រយោជន៍ជាតិ។ លោក ប្រាក់ សុខុន ត្រូវបានរដ្ឋសភា បោះឆ្នោតជាឯកច្ឆន្ទ ផ្ដល់សេចក្ដីទុកចិត្តសម្រាប់តំណែងរដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ ជំនួសលោក សុខ ចិន្តាសោភា ដែលត្រូវបានតែងតាំងជាឧបនាយករដ្ឋមន្ត្រី ក្នុងសម័យប្រជុំរដ្ឋសភានៅថ្ងៃទី២០ ខែវិច្ឆិកានេះ។ លោកធ្លាប់បានកាន់តំណែងនេះពីឆ្នាំ២០១៦ ដល់២០២៣។ បន្ទាប់មក លោកបានកាន់តួនាទីជាអនុប្រធានព្រឹទ្ធសភា ចាប់ពីខែមេសាឆ្នាំមុន។
អានបន្ត -
អានបន្ត លោក រ៉ុង ឈុន រំពឹងថា សាលាឧទ្ធរណ៍ភ្នំពេញ នឹងផ្ដល់នីតិសម្បទាឲ្យលោកធ្វើនយោបាយឡើងវិញ
ទីប្រឹក្សាគណបក្សកម្លាំងជាតិ លោក រ៉ុង ឈុន រំពឹងថា សាលាឧទ្ធរណ៍ភ្នំពេញនឹងផ្ដល់នីតិសម្បទាឱ្យលោកធ្វើនយោបាយឡើងវិញ ក្រោយលោកបានអនុវត្តទោសរួចរាល់ចំនួន ៣ឆ្នាំដែលតុលាការបានកំណត់។ មន្ត្រីសង្គមស៊ីវិលយល់ថា តុលាការគួរតែផ្ដល់សិទ្ធិពេញលេញដល់លោក រ៉ុង ឈុន ក្រោយពីលោកបានអនុវត្តទោស ដែលព្យួរសាកល្បងចប់សព្វគ្រប់។ លោក រ៉ុង ឈុន រំពឹងថា សាលាឧទ្ធរណ៍ភ្នំពេញនឹងផ្ដល់នីតិសម្បទា ឬការមានសិទ្ធិគ្រប់គ្រាន់តាមផ្លូវច្បាប់ឡើងវិញដល់លោក ដើម្បីឲ្យលោកអាចធ្វើនយោបាយឡើងវិញ ។
អានបន្ត -
អានបន្ត ពលរដ្ឋខេត្តស្ទឹងត្រែងបារម្ភខ្លាចក្រុមហ៊ុន Green Wood Development បន្តបំផ្លាញដំណាំរបស់ពួកគាត់
ប្រជាពលរដ្ឋនៅខេត្តស្ទឹងត្រែង ដែលរងផលប៉ះពាល់ពីការធ្វើអាជីវកម្មរ៉ែធ្យូង នៅតែព្រួយបារម្ភខ្លាចក្រុមហ៊ុន ហ្គ្រីន វូត ឌីវេឡុបមេន ខមភេនី (Green Wood Development Company LTD) បន្តឈូសឆាយបំផ្លាញផលដំណាំកសិកម្មរបស់ពួកគាត់ចោលទៀត។ អាជ្ញាធរជំរុញឲ្យពលរដ្ឋរាយការណ៍ទៅកាន់អាជ្ញាធរពាក់ព័ន្ធ ប្រសិនបើក្រុមហ៊ុនឈូសឆាយផលដំណាំរបស់ប្រជាពលរដ្ឋជាថ្មីទៀត។ ពលរដ្ឋរស់នៅឃុំតាឡាត់ ស្រុកសេសាន ខេត្តស្ទឹងត្រែង លើកឡើងថា កាលពីថ្ងៃទី១៣ ខែវិច្ឆិកា តំណាងក្រុមហ៊ុនចិនឈ្មោះ ហ្គ្រីន វូត បានធ្វើកិច្ចសន្យាជាមួយប្រជាពលរដ្ឋ និងអាជ្ញាធរមូលដ្ឋាន ថានឹងឈប់ឈូសឆាយបំផ្លាញផលដំណាំរបស់ប្រជាពលរដ្ឋរស់នៅជុំវិញតំបន់នោះទៀតហើយ។ ប៉ុន្តែពលរដ្ឋថា ពួកគាត់នៅតែព្រួយបារម្ភ ពីព្រោះនេះមិនមែនជាលើកទីមួយនោះទេ ដែលក្រុមហ៊ុនបានសន្យាបែបនេះ បន្ទាប់មកក្រុមហ៊ុននៅតែបន្តឈូសឆាយដំណាំកសិកម្មរបស់ពលរដ្ឋ។
អានបន្ត -
អានបន្ត តុលាការភ្នំពេញ ផ្ដន្ទាទោសពលរដ្ឋតំបន់បឹងតាមោក ៣នាក់ ឲ្យជាប់ពន្ធនាគារ ៦ខែ ដោយចោទអំពីបទ រារាំងអាជ្ញាធរមិនឲ្យរុះរើតូបលក់ដូរ
សាលាដំបូងរាជធានីភ្នំពេញ នៅថ្ងៃទី១៩ ខែវិច្ឆិកា សម្រេចផ្ដន្ទាទោសពលរដ្ឋមានទំនាស់ដីធ្លីនៅតំបន់បឹងតាមោក ស្ថិតនៅខណ្ឌព្រែកព្នៅ រាជធានីភ្នំពេញ ចំនួន៣នាក់ មានលោកស្រី គង់ តឿ លោកស្រី យន គឹមយឿន និងកញ្ញា យន សម្បត្តិ ឲ្យជាប់ពន្ធនាគាររយៈពេល ៦ខែ និងពិន័យជាប្រាក់ចំនួន ១លានរៀល ក្រោមបទចោទ «ស្ថានទម្ងន់ទោស នៃបទប្រឆាំងនឹងអ្នករាជការសាធារណៈ» ពាក់ព័ន្ធនឹងការរារាំងអាជ្ញាធរមិនឲ្យរុះរើតូបលក់ដូររបស់ពួកគាត់ កាលពីខែធ្នូ ឆ្នាំ២០២៣ ប៉ុន្តែទោសទាំងនេះ ត្រូវបានព្យួរ។
អានបន្ត -
អានបន្ត ព្រះមហាក្សត្រ ចេញព្រះរាជក្រឹត្យបញ្ចប់មុខតំណែងលោក មួង ឃីម ពីទីប្រឹក្សាក្រសួងយុត្តិធម៌
ព្រះករុណា ព្រះបាទ សម្ដេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ទ្រង់បានចេញព្រះរាជក្រឹត្យត្រាស់បង្គាប់បញ្ចប់មុខតំណែង លោក មួង ឃីម ពីទីប្រឹក្សាក្រសួងយុត្តិធម៌ ឋានៈស្មើរដ្ឋលេខាធិការ។ នេះបើតាមព្រះរាជក្រឹត្យដែលបណ្ដាញព័ត៌មាន Fresh News ទទួលបាននៅថ្ងៃទី២០ ខែវិច្ឆិកា ឆ្នាំ២០២៤។ សូមជម្រាបថា លោក មួង ឃីម ត្រូវបានអង្គភាពប្រឆាំងអំពើពុករលួយ (ACU) ចាប់ខ្លួន និងត្រូវតុលាការសម្រេចឃុំខ្លួនដាក់ពន្ធនាគារជាបណ្ដោះអាសន្ន ដោយចោទប្រកាន់ពីបទ «ជំនួយឥទ្ធិពលសកម្ម និងជំនួយឥទ្ធិពលអកម្ម» នៃច្បាប់ស្ដីពីការប្រឆាំងអំពើពុករលួយ។ ចាប់ខ្លួននេះ ជាប់ពាក់ព័ន្ធជាមួយសំណុំរឿងលោក លី សាម៉េត ហៅគ្រូមា៕
អានបន្ត -
អានបន្ត គ្រួសារស្នើសុំដោះលែងលោក នី ណាក់ មួយថ្ងៃ មុនតុលាការប្រកាសសាលក្រមសំណុំរឿងបរិហារកេរ្តិ៍ ប្ដឹងដោយលោក ហេង សួរ
តុលាការគ្រោងប្រកាសសាលក្រមសំណុំរឿង «បរិហារកេរ្តិ៍ជាសាធារណៈ និងញុះញង់ឱ្យមានការរើសអើង» របស់អ្នកជំនាញកសិកម្មលោក នី ណាក់ ដែលប្ដឹងដោយរដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ លោក ហេង សួរ នៅថ្ងៃទី២១ ខែវិច្ឆិកា។ ភរិយាលោក នី ណាក់ សង្ឃឹមថាតុលាការនឹងទម្លាក់ការចោទប្រកាន់ និងដោះលែងប្ដីឱ្យមានសេរីភាពឡើងវិញ។
អានបន្ត -
អានបន្ត អ្នកឃ្លាំមើល៖ កាសែតឥណ្ឌាថាអាមេរិកនៅពីក្រោយគម្រោងបដិវត្តន៍ពណ៌នៅកម្ពុជាគឺជាការប្រឌិត
អ្នកនាំពាក្យក្រុមអ្នកតស៊ូមតិកម្ពុជា ចាត់ទុកការចុះផ្សាយរបស់កាសែតឥណ្ឌា The Sunday Guardian ដែលថាសហរដ្ឋអាមេរិកក្រោមរដ្ឋបាលរបស់ប្រធានាធិបតី ចូ បៃដិន នៅពីក្រោយគម្រោងបង្កើតបដិវត្តន៍ពណ៌នៅកម្ពុជា គឺជាការចុះផ្សាយក្នុងចេតនាប្រឌិតលាបពណ៌អាមេរិកប៉ុណ្ណោះ។ អ្នកនាំពាក្យក្រុមអ្នកតស៊ូមតិកម្ពុជា លោក មួង ណារ៉េត សរសេរលើគណនីហ្វេសប៊ុករបស់ខ្លួនកាលពីថ្ងៃទី១៣ វិច្ឆិកា នេះថា សារព័ត៌មានពិភពលោកទាំងអស់គ្មានសារព័ត៌មានមួយណាដែលបានចុះផ្សាយថាមានបដិវត្តន៍ពណ៌នៅកម្ពុជាឡើយ ហើយសារព័ត៌មានទាំងនោះក៏មិនដែលចុះផ្សាយថាអាមេរិកនៅពីក្រោយបដិវត្តន៍ពណ៌នៅកម្ពុជាណាមួយដែរ។
អានបន្ត -
អានបន្ត ពលរដ្ឋមិនទុកចិត្តអាជ្ញាធរថ្នាក់ជាតិចុះពិនិត្យទីតាំងកាយភ្នំឈើកាច់ដោយមិនអនុញ្ញាតឱ្យពួកគាត់ចូលរួមតាមដាន
ពលរដ្ឋមិនទុកចិត្តអាជ្ញាធរថ្នាក់ជាតិដែលចុះពិនិត្យ និងស៊ើបអង្កេតករណីអាជីវកម្មកាយភ្នំទេសចរណ៍ទ្រង់ទ្រាយធំក្នុងស្រុកបាភ្នំ ខេត្តព្រៃវែង ព្រោះអាជ្ញាធរមិនអនុញ្ញាតឱ្យពួកគាត់ចូលរួមតាមដាន។ អ្នកភូមិសង្ស័យថា មន្ត្រីថ្នាក់ជាតិ និងអាជ្ញាធរស្រុកបាភ្នំឃុបឃិតគ្នា និងមានចេតនាលាក់បាំងការពិត។ ពលរដ្ឋរស់នៅឃុំជើងភ្នំ ស្រុកបាភ្នំ ខេត្តព្រៃវែងខកចិត្តនឹងចំណាត់ការរបស់អាជ្ញាធរថ្នាក់ជាតិ មិនបានស្វែងរកការពិត ដើម្បីការពារភ្នំឈើកាច់ឱ្យគង់វង្សនោះទេ ខណៈបច្ចុប្បន្នសកម្មភាពកាយយកខ្សាច់ភ្នំ និងថ្មមានតម្លៃតាមចង្កេះភ្នំនៅតែកើតមានច្រើន។
អានបន្ត -
អានបន្ត លោក ហ៊ុន ម៉ាណែត អះអាងថាបក្សប្រជាជនមានបំណងលើកកម្ពស់លទ្ធិប្រជាធិបតេយ្យនិយមកណ្ដាល
នាយករដ្ឋមន្ត្រីខ្មែរលោក ហ៊ុន ម៉ាណែត លើកឡើងថា គណបក្សប្រជាជនកម្ពុជា មានបំណងលើកកម្ពស់លទ្ធិប្រជាធិបតេយ្យនិយមកណ្ដាល ដើម្បីរួមគ្នាជាមួយនឹងប្រទេសណា និងគណបក្សនយោបាយណាដែលមានផ្នត់គំនិតដូចគ្នាគាំទ្រពហុភាគីនិយម និងភាពចម្រុះនៅក្នុងអភិបាលកិច្ចនយោបាយ។
អានបន្ត
គាំទ្រដោយ
