កំពុងស្វែងរកទិន្នន័យ
រកឃើញ: 13.090
-
ក្រសួងបរិស្ថានច្រានចោលការសុំសហការចុះបង្ក្រាបបទល្មើសព្រៃឈើរបស់សង្គមស៊ីវិល
ក្រសួងបរិស្ថាន បានច្រានចោលសំណើពីអង្គការក្រៅរដ្ឋាភិបាលមួយ ដែលចង់នាំកម្លាំងជំនាញចុះបង្ក្រាបបទល្មើសព្រៃឈើ ដោយស្ថាប័នរដ្ឋាភិបាលមួយនោះ អះអាងថា អង្គការសង្គស៊ីវិលដែលស្នើនោះ ហាក់ចង់បំពេញកិច្ចការលើសពីតួនាទីដែលកំណត់ដោយច្បាប់។ ការច្រានចោលរបស់ក្រសួងបរិស្ថាននេះ ធ្វើឡើងបន្ទាប់ពី អង្គការអភិរក្សព្រៃឈើ និងអភិវឌ្ឍធនធានធម្មជាតិ កាលពីថ្ងៃទី៥ ខែមីនា ឆ្នាំ២០១៥ បានដាក់លិខិតស្នើសុំកិច្ចសហការទប់ស្កាត់បទល្មើសព្រៃឈើ ជលផល និងអំពើពុករលួយ។
-
ពលរដ្ឋនៅទល់មុខវិមានសន្តិភាពដាក់ញត្តិទៅខុទ្ទកាល័យនាយករដ្ឋមន្ត្រី សុំប័ណ្ណកម្មសិទ្ធិដី
ប្រជាពលរដ្ឋភូមិ៣នៅទល់មុខវិមានសន្តិភាព តាមបណ្ដោយផ្លូវសហព័ន្ធរុស្ស៊ី ដាក់ញត្តិទៅខុទ្ទកាល័យនាយករដ្ឋមន្ត្រី នៅថ្ងៃរសៀលសុក្រនេះ ស្នើឲ្យលោក ហ៊ុន សែន ជួយអន្តរាគមន៍ទៅសាលារាជធានីភ្នំពេញ ដើម្បីផ្តល់ប័ណ្ណកម្មសិទ្ធិដីធ្លីឲ្យពួកគេ ។
-
អ្នកតស៊ូមតិបន្តរិះគន់ការសង់វារីអគ្គិសនីសេសាន
អ្នកតស៊ូមតិដើម្បីសិទិ្ធមនុស្ស បានអំពាវនាវឲ្យបញ្ឈប់ការសាងសង់ទំនប់វារីអគ្គិសនីសេសានក្រោម ២ នៅខេត្តស្ទឹងត្រែង រហូតទាល់តែការវាយតម្លៃផលប៉ះពាល់សង្គម និងបរិស្ថានថ្មីវាយតម្លៃថា អាចធ្វើទៅបានលើគម្រោងនេះ។ អង្គការទន្លេអន្តរជាតិ បានឲ្យដឹងថា ក្រុមហ៊ុន Hydrolancang International ដែលកំពុងសាងសង់ទំនប់ជាមួយនឹងក្រុមហ៊ុន Royal Group កម្ពុជា បានរចនាប្លង់សាងសង់ឡើងវិញក្នុងគោលបំណងលើកកម្ពស់ការគ្រប់គ្រងដីល្បាប់។ ការផ្លាស់ប្តូរនោះរួមមាន ការបន្ទាបកម្ពស់ទំនប់ និងការដំឡើងច្រកទ្វារទឹកដែលប៉ះពាល់ដល់ទំហំអាងទំនប់ ហើយនិងផលប៉ះពាល់មកលើតំបន់ខ្សែទឹកខាងក្រោម។
-
តុលាការបដិសេធបណ្តឹងសុំនៅក្រៅឃុំរបស់សកម្មជនគណបក្សសង្គ្រោះជាតិពីរនាក់
សាលាដំបូងរាជធានីភ្នំពេញសម្រេចបដិសេធបណ្តឹងសុំនៅក្រៅឃុំសកម្មជនគណបក្សសង្គ្រោះជាតិ២នាក់ ពាក់ព័ន្ធនឹងករណីហិង្សានៅក្បែរទីលានប្រជាធិបតេយ្យកាលពីឆ្នាំ ២០១៤ ។ នៅព្រឹកថ្ងៃសុក្រនេះ សាលាដំបូងរាជធានីភ្នំពេញបានបើកសវនាការលើបណ្ដឹងសុំនៅក្រៅឃុំរបស់សកម្មជនគណបក្សសង្គ្រោះជាតិ លោក អ៊ុក ពេជ្រសំណាង និងលោក ទេពណារិន ។ បន្ទាប់ពីការសាកសួរអស់មួយព្រឹកពេញ ចៅក្រមបានសម្រេចបន្តឃុំខ្លួនអ្នកទាំងពីរ និងប្រកាសបើកសវនាការកាត់ក្ដីអ្នកទាំងពីរ និងសកម្មជន៩នាក់ផ្សេងទៀតនៅពេលរសៀល ។
អានបន្ត -
តុលាការខេត្តព្រះសីហនុកោះហៅតំណាងសហគមន៍ដីធ្លីកំពេញចាស់ម្នាក់ទៅសាកសួរ
តំណាងអយ្យការអមសាលាដំបូងខេត្តព្រះសីហនុ សាកសួរតំណាងសហគមន៍ដីធ្លីម្នាក់នាខេត្តព្រះសីហនុ ជុំវិញបណ្ដឹងព្រហ្មទណ្ឌរឿងជនប្រើអំពើហិង្សាទៅលើអ្នកកាន់កាប់អចលនវត្ថុដោយសុចរិត។ ការសាកសួរនេះ ធ្វើឡើងតាមដីកាកោះលើសំណុំរឿងព្រហ្មទណ្ឌលេខ៩៤ មានចុះហត្ថលេខា អ្នកស្រី ចាត សូរស្មី តំណាងអយ្យការអមសាលាដំបូងខេត្តព្រះសីហនុ ចុះថ្ងៃទី១៦ ខែមីនា បានអញ្ជើញឈ្មោះ ហង្ស សុភា មានទីលំនៅភូមិ១ សង្កាត់៣ ក្រុងព្រះសីហនុ ខេត្តព្រះសីហនុ ឲ្យចូលខ្លួនទៅឆ្លើយបំភ្លឺនៅចំពោះមុខតុលាការ នៅម៉ោង ៨ និង ៣០នាទី ព្រឹកថ្ងៃសុក្រ ថ្ងៃទី២៧ ខែមីនា។
-
អាជ្ញាធរ ចុះពិនិត្យចលនាចាប់យកដីកម្មសិទ្ធិគេ ទាំងចាស់និងថ្មី នៅអូរអម្ពិល
មន្ត្រីអាជ្ញាធរដែនដី និងកងកម្លាំង ព្រមទាំងពលរដ្ឋ ក្រមហ៊ុនវិនិយោគ ជាម្ចាស់ស្រប ច្បាប់ នៃដីទំនាស់ បានចុះទៅពិនិត្យវាយតម្លៃ នូវរូបភាព ទិដ្ឋភាពនៃចលនាមនុស្ស ដែលជាពលរដ្ឋអត់ដី និងជាយោធិនពិការ កាត់រំសាយ និងក្រុមគ្រួសារ ចាប់យកដីចាស់ និងថ្មី នៅចំណុចបឹងជង្រុក ដំរីស្លាប់ និងនៅចំណុចប្រាសាទក្រៅ ឬដីក្រុមហ៊ុនហែសួគ័ ភូមិអូរអម្ពិល ឃុំទួលពង្រ ស្រុកម៉ាឡៃ។ ចលនានេះ បានចាន់ផ្តើមពុះកញ្ជ្រោលឡើងវិញ ក្រោយពីលោកហូរ វ៉ាន់ តំណាងរាស្ត្រ និងជាប្រធានគណ:កម្មការ បោសសម្អាត អង្កេត និងប្រឆាំងអំពើពុករលួយ នៃរដ្ឋសភា បានដឹកនាំប្រតិភូ ចុះទៅពិនិត្យស្រាវជ្រាវ កាលពីថ្ងៃទី២៤ ខែមីនា ឆ្នាំ២០១៥។ - See more at: http://www.cen.com.kh/local/13574140#sthash.aMt3B06A.99uVtT2y.dpuf
-
តុលាការជំនុំជម្រះសំណុំរឿងលោក មាជ សុវណ្ណារ៉ា និងសកម្មជនបក្សសង្គ្រោះជាតិ១០នាក់
លោក មាជ សុវណ្ណារ៉ា និងសកម្មជនគណបក្សសង្គ្រោះជាតិទាំង១០នាក់ត្រូវបាននាំខ្លួនមកដល់សាលារាជធានីភ្នំពេញនៅម៉ោងប្រមាណ៨និង១០នាទី ។ សកម្មជនទាំង១១នាក់ដែលត្រូវចូលសវនាការនៅថ្ងៃនេះរួមមានលោក មាជ សុវណ្ណារ៉ា និងសកម្មជនគណបក្សសង្គ្រោះជាតិ៤នាក់ផ្សេងទៀតដែលកំពុងជាប់ឃុំនៅពន្ធនាគារ និងសកម្មជន៦នាក់ទៀតដែលកំពុងនៅក្រៅឃុំបណ្ដោះអាសន្ន ។
-
ការពង្រឹងច្បាប់ជួយជនរងគ្រោះដោយទឹកអាស៊ីត
វេទិកាអ្នកស្ដាប់វិទ្យុអាស៊ីសេរី នៅយប់ថ្ងៃសុក្រ ទី២៧ ខែមីនា ឆ្នាំ២០១៥ ពិភាក្សាអំពី៖ «ការពង្រឹងច្បាប់ជួយជនរងគ្រោះដោយទឹកអាស៊ីត»។ វាគ្មិនកិត្តិយសក្នុងកម្មវិធីរួមមាន អនុប្រធាននាយកដ្ឋានកណ្ដាលនគរបាលយុត្តិធម៌ នៃអគ្គស្នងការដ្ឋាននគរបាលជាតិក្រសួងមហាផ្ទៃ លោកឧត្តមសេនីយ៍ឯក មួង ឃីម អ្នកគ្រប់គ្រងបច្ចេកទេសការិយាល័យស៊ើបអង្កេត នៃអង្គការសិទ្ធិមនុស្សលីកាដូ (Licadho) លោក អំ សំអាត និងនាយកគ្រប់គ្រងអង្គការពិការភាពកម្ពុជា អ្នកស្រី ឈុន ចិន្តាសោភា (ភ្ជាប់តាមទូរស័ព្ទ)។
-
តុលាការសាកសួរព្រះតេជគុណ សឺន ហាយ និងព្រះសង្ឃពីរអង្គទៀត
ព្រះតេជគុណ សឺន ហាយ និងព្រះសង្ឃពីរអង្គទៀតត្រូវបាននាំខ្លួនមកសាលាដំបូងរាជធានីភ្នំពេញ នៅព្រឹកថ្ងៃព្រហស្បតិ៍នេះ ដើម្បីធ្វើការសាកសួរបន្ថែមពីបទចូលរួមជាមួយសមាគមជនទុច្ចរិត ។ ព្រះសង្ឃទាំង៣អង្គគឺព្រះអង្គ សឺន ហាយ ព្រះអង្គ សាង កុសល និងព្រះអង្គ ឃិត វណ្ណៈ ត្រូវបាននាំព្រះកាយមកដល់សាលាដំបូងរាជធានីនៅម៉ោងប្រមាណជាង៨ព្រឹកនេះ
-
គ្រូបង្រៀនចូលនិវត្តន៍នៅតាកែវមិនទាន់បានបើកប្រាក់សោធននិវត្តន៍
លោកគ្រូអ្នកគ្រូចូលនិវត្តន៍ប្រមាណ ២០នាក់នៅស្រុកត្រាំកក់ ខេត្តតាកែវ នៅថ្ងៃទី២៥ មីនា តវ៉ាថា ពួកគាត់មិនទាន់បានបើកប្រាក់សោធននិវត្តន៍នៅឡើយទេមកទល់ពេលនេះ។ ពួកគាត់អំពាវនាវដល់ប្រមុខរដ្ឋាភិបាល សុំឲ្យបើកប្រាក់ឲ្យពួកគាត់ឲ្យបានទាន់ពេលបុណ្យចូលឆ្នាំផង។ លោក ប៉ូ ភឹម អាយុ ៦២ឆ្នាំ អតីតគ្រូបង្រៀនវិទ្យាល័យ សុខ អាន ១ឧសភា ក្នុងស្រុកត្រាំកក់ អះអាងថា គាត់បានចូលនិវត្តន៍តាំងពីខែមករា ឆ្នាំ២០១៤ មក តែមកទល់ពេលនេះនៅមិនទាន់បានបើកប្រាក់សោធននិវត្តន៍នៅឡើយ៖ «កុហកតាំងខែ២ ខែ១ គេថាខែពីរ ខែពីរគេថាខែបី ឥឡូវគេថាខែប្រាំ អត់មានទាន់មានបានបើកមួយខែសោះ។ ខ្ញុំអត់មានអីចាយ ប្រាក់ខែបន្តិចបន្តួចចិញ្ចឹមគ្រប់គ្នា អ្នកខ្លះចាស់ៗផងបានលុយណាធ្វើបុណ្យ»។
-
M&S ថា ខ្លួនមិនមានភ័ស្តុតាងពីការរំលោភសិទ្ធិកម្មករ
ក្រុមហ៊ុនសម្លៀកបំពាក់ដែលមានមូលដ្ឋាននៅប្រទេសអង់គ្លេស Marks & Spencer (M&S) ដែលមានឈ្មោះនៅក្នុងរបាយការណ៍ឃ្លាំមើលសិទ្ធិមនុស្ស (HRW)នៅក្នុងខែនេះ ដែលរៀបរាប់លម្អិតអំពីស្ថានភាពឧស្សាហកម្មសម្លៀកបំពាក់នៅកម្ពុជា បាននិយាយថា ខ្លួនមិនបានទទួលភ័ស្តុតាងណាមួយអំពីការប្រព្រឹត្តមិនត្រឹមត្រូវ នៅក្នុងរោងចក្រផ្គត់ផ្គង់សម្លៀករបស់ខ្លួនទេ។
-
តុលាការសាកសួរព្រះតេជគុណ សឺន ហាយ និងព្រះសង្ឃពីរអង្គទៀត
ព្រះសង្ឃបីអង្គដែលអាជ្ញាធរផ្សឹក និងកាត់ទោសដាក់ពន្ធនាគារមួយអង្គមួយឆ្នាំ នៅព្រឹកថ្ងៃព្រហស្បតិ៍នេះ ត្រូវបានសាលាដំបូងរាជធានីភ្នំពេញ នាំខ្លួនទៅសាកសួរបន្ថែមពីបទចោទ ចូលរួមជាមួយសមាគមជនទុច្ចរិត ។
-
ខ្មែរ | ព័ត៌មានថ្មីៗ | ដីធ្លី ពលរដ្ឋជាង៥០គ្រួសារនៅបាត់ដំបងផ្ដិតមេដៃស្នើឲ្យតំណាងរាស្ត្រជួយដោះស្រាយជម្លោះដីធ្លី
ប្រជាពលរដ្ឋជាង ៥០គ្រួសារដែលមានទំនាស់ដីធ្លីជាមួយក្រុមហ៊ុន រ័ត្នសម្បត្តិ នៅស្រុកសំឡូត ខេត្តបាត់ដំបង នាំគ្នាផ្ដិតស្នាមមេដៃដាក់ទៅអ្នកតំណាងរាស្ត្រគណបក្សសង្គ្រោះជាតិ ឲ្យជួយដោះស្រាយយកដីពួកគាត់ ដើម្បីបានបង្កបង្កើនផល។ ការផ្ដិតស្នាមមេដៃនេះ កើតមានបន្ទាប់ពីអ្នកភូមិស្វែងរកកិច្ចអន្តរាគមន៍ពីសំណាក់អាជ្ញាធរមូលដ្ឋានអស់ជាច្រើនឆ្នាំហើយ តែពុំទទួលបានលទ្ធផល។
-
មជ្ឈមណ្ឌលសិទ្ធិមនុស្សកម្ពុជាបង្កើនចំណេះដឹងផ្នែកច្បាប់ដល់សហគមន៍ក្រីក្រ
មជ្ឈមណ្ឌលសិទ្ធិមនុស្សកម្ពុជា(CCHR)បានចាក់បញ្ចាំង ភាពយន្តឯកសារខ្លីមួយឲ្យតំណាងសហគមន៍អ្នកមានជម្លោះដីធ្លីទស្សនា ដែលអង្គការនោះយល់ថា ដើម្បីលើកកម្ពស់ការយល់ដឹងពីសិទ្ធិទទួលបានការជំនុំជម្រះដោយយុត្តិធម៌ ខណៈតុលាការរងការរិះគន់ថាមានទំនោរទៅរកបក្សអំណាច។ ការចាក់បញ្ចាំងនេះ ធ្វើឡើងនៅស្នាក់ការ(CCHR)ក្នុងរាជធានីភ្នំពេញ ដែលមានអ្នកចូលរួមជិត១០០នាក់ មកពីតំណាងអង្គការក្រៅរដ្ឋាភិបាល និងសហគមន៍អ្នកមានជម្លោះដីធ្លីខ្លះ នៅតំបឹងកក់ និងបុរីកីឡាជាដើម។
-
អង្គការសិទ្ធិមនុស្សបើកវគ្គពង្រីងសិទ្ធិអំណាចដល់ពលរដ្ឋនៅក្បែរព្រំដែនវៀតណាម
សមាគមការពារសិទ្ធិមនុស្សអាដហុក (ADHOC) ខេត្តត្បូងឃ្មុំ បានចុះផ្សព្វផ្សាយពលរដ្ឋតាមមូលដ្ឋានក្បែរព្រំដែនកម្ពុជា-វៀតណាម ពិសេសពលរដ្ឋជនជាតិដើមភាគតិចស្ទៀង ដែលស្ថិតនៅក្នុងស្រុកមេមត់ ខេត្តត្បូងឃ្មុំ។ គោលបំណងសំខាន់ក្នុងការផ្សព្វផ្សាយគឺចង់ឱ្យពលរដ្ឋចេះប្រើប្រាស់សិទ្ធិសេរីភាពរបស់ពួកគាត់ និងស្គាល់ភាពជាម្ចាស់អំណាចពិតប្រាកដរបស់ខ្លួន។
-
សហគមន៍ព្នងមានជម្លោះដីនឹងក្រុមហ៊ុនវៀតណាមបដិសេធមិនចុះបញ្ជីស្ថិតិដីធ្លី
ប្រជាពលរដ្ឋជនជាតិដើមភាគតិចព្នង ភូមិចក់ចារ ឃុំស្រែឈូក ស្រុកកែវសីមា ខេត្តមណ្ឌលគិរី ជាង ២០០គ្រួសារ បដិសេធមិនយល់ព្រមចុះបញ្ជីកំណត់អត្តសញ្ញាណកម្មទៅឲ្យអាជ្ញាធរនោះឡើយ។ អ្នកភូមិអះអាងថា ពួកគេអស់ជំនឿលើអាជ្ញាធរមូលដ្ឋាន ក្នុងការដោះស្រាយជម្លោះដីធ្លីពលរដ្ឋជាមួយក្រុមហ៊ុនវៀតណាម ប៊ិញ ភឿក១។
-
ពលរដ្ឋនៅកំពង់ស្ពឺចោទក្រុមហ៊ុនស្ករស លី យ៉ុងផាត់ បង្ហូរកាកសំណល់ពីរោងចក្រចូលស្ទឹង
ប្រជាពលរដ្ឋនៅស្រុកថ្ពង់ ខេត្តកំពង់ស្ពឺ ចោទប្រកាន់ក្រុមហ៊ុនផលិតស្ករសរបស់លោកឧកញ៉ា លី យ៉ុងផាត់ ថាបានបង្ហូរសារធាតុនៃកាកសំណល់ចេញពីរោងចក្រចូលទឹកស្ទឹង និងអូរធម្មជាតិ ដែលអ្នកស្រុកតែងប្រើប្រាស់ប្រចាំថ្ងៃ។ ចំណែកភាគីតំណាងក្រុមហ៊ុនស្ករស លោក លី យ៉ុងផាត់ វិញបញ្ជាក់ថា សារធាតុដែលបែកធ្លាយចេញពីធុងនោះ គឺមានជាតិស្ករសុទ្ធ ពុំបណ្ដាលឲ្យមានផលប៉ះពាល់សុខភាពទេ។
-
ស្រ្តី និងកុមារងាយរងគ្រោះដោយសារគ្រោះធម្មជាតិ
ការសិក្សាមួយបានបង្ហាញថា ស្ត្រី និងកុមារមានភាពងាយរងគ្រោះ ដោយសារគ្រោះមហន្តរាយនៃការប្រែប្រួលអាកាសធាតុច្រើនជាងបុរស ១៤ ដង ខណៈដែលពួកគេទទួលបានព័ត៌មានតិច កត្តាសង្គមគ្រួសារ និងមានកាយសម្បទាទន់ខ្សោយ ក្នុងការទប់ទល់នឹងបញ្ហានៅពេលកើតមានគ្រោះធម្មជាតិ។
-
តុលាការកាត់ទោសលោក ហ៊ី ណារិន លើបទចោទ ៣ បទល្មើស
សាលាដំបូងរាជធានី ភ្នំពេញកាលពីព្រឹកថ្ងៃពុធបានបើកសវនាការកាត់ទោស ជនជាប់ចោទឈ្មោះ ហ៊ី ណារិន អាយុ ៦០ ឆ្នាំ អតីតអធិការនគរបាលខណ្ឌមានជ័យ ពាក់ព័ន្ធនឹងការប្រព្រឹត្តអំពើពុករលួយ កិបកេងលុយរដ្ឋជាង ២៧០០ លានរៀលក្នុងចន្លោះឆ្នាំ ២០០៦ ដល់ឆ្នាំ ២០១៤។
-
ពលរដ្ឋនៅទល់មុខវិមានសន្តិភាពសុំលោកហ៊ុន សែន ផ្តល់ប័ណ្ណកម្មសិទ្ធិដី
ប្រជាពលរដ្ឋភូមិ៣នៅទល់មុខវិមានសន្តិភាព តាមផ្លូវសហព័ន្ធរុស្ស៊ី នាំគ្នាតវ៉ាជាថ្មីទៀតនៅព្រឹកនេះ ស្នើសុំឲ្យលោកនាយករដ្ឋមន្ត្រី ហ៊ុន សែន ជួយធ្វើអន្តរាគមន៍ទៅសាលារាជធានីភ្នំពេញ ដើម្បីផ្តល់ប័ណ្ណកម្មសិទ្ធិដីធ្លីពួកគេ ។
គាំទ្រដោយ
