កំពុងស្វែងរកទិន្នន័យ
រកឃើញ: 13.090
-
ព្រឹទ្ធសភានឹងប្រជុំពិនិត្យនិងអនុម័តច្បាប់បោះឆ្នោតនិងច្បាប់ គ.ជ.ប ថ្មីនៅថ្ងៃ២៣មីនា
ព្រឹទ្ធសភាគ្រោងនឹងបើកកិច្ចប្រជុំពិនិត្យ និងអនុម័តសេចក្តីព្រាងច្បាប់បោះឆ្នោត និងរៀបចំគណៈកម្មាធិការជាតិរៀបចំការបោះឆ្នោត នៅថ្ងៃច័ន្ទ ទី២៣ មីនា បន្ទាប់សេចក្តីព្រាងច្បាប់ទាំងពីរត្រូវបានរដ្ឋសភាអនុម័តដោយឯកច្ឆន្ទរួចមក។ សេចក្តីព្រាងច្បាប់ទាំងពីរ នឹងចូលជាធរមានក្រោយពេលព្រះមហាក្សត្រឡាយព្រះហស្តលេខា។ តំណាងរាស្ត្រគណបក្សកាន់អំណាច និងគណបក្សប្រជាជនកម្ពុជា បានលើកដៃបោះឆ្នោតគាំទ្រច្បាប់ទាំងពីរកាលពីថ្ងៃទី១៩ មីនា ដោយគ្មានការចោទសួរដេញដោលអ្វីទាំងអស់។ លោក សម រង្ស៊ី ប្រធានគណបក្សសង្គ្រោះជាតិ បញ្ជាក់ប្រាប់អ្នកសារព័ត៌មានក្រោយការបោះឆ្នោតថា បក្សប្រឆាំងមិនពេញចិត្តលើសេចក្តីព្រាងច្បាប់ទាំងពីរទាំងស្រុងឡើយ ប៉ុន្តែត្រូវធ្វើសម្បទានឲ្យបក្សកាន់អំណាច ដើម្បីមានការកែទម្រង់ការបោះឆ្នោតខ្លះ។
-
អ្នកមានជម្លោះដីធ្លីសុំអន្តរាគមន៍ពីលោកស្រីទី១អាមេរិកនៅភ្នំពេញ ខណៈលោកស្រីនៅសៀមរាប
ក្រុមអ្នកមានជម្លោះដីធ្លីនៅក្នុងរាជធានីភ្នំពេញប្រមាណជាង៥០នាក់នៅព្រឹកថ្ងៃសៅរ៍នេះ បានប្រមូលផ្តុំគ្នាជាថ្មីនៅពីមុខស្ថានទូតអាមេរិកប្រចាំនៅកម្ពុជា ដើម្បីស្នើសុំលោកស្រីទី១អាមេរិក Michelle Obamaជួយអន្តរាគមន៍ដោះលែងស្ត្រីបឹងកក់ និងបញ្ចប់បញ្ហាជម្លោះដីធ្លីរបស់ពួកគេ។ ស្របពេលដែលលោកស្រីទី១អាមេរិកកំពុងមានវត្តមាននៅឯខេត្តសៀមរាប តំណាងអ្នកតវ៉ាបានបញ្ជាក់ថា ដោយសារពួកគេមិនមានលទ្ធភាពទៅស្វែងរកការអន្តរាគមន៍ដោយផ្ទាល់ពីលោកស្រី ទើបសម្រេចប្រមូលផ្តុំគ្នានៅពីមុខស្ថានទូតបែបនេះ។
-
ព្រឹទ្ធសភានឹងពិនិត្យលើសេចក្ដីស្នើច្បាប់ពាក់ព័ន្ធការបោះឆ្នោតនៅថ្ងៃទី២៣
គ្គលេខាធិការដ្ឋានព្រឹទ្ធសភាឲ្យដឹងថា នៅថ្ងៃទី២៣ខែមិនាខាងមុខនេះ ព្រឹទ្ធសភានឹង ពិនិត្យនិងឲ្យយោបល់លើសេចក្ដីស្នើច្បាប់ស្ដីពីការរៀបចំ និងការប្រព្រឹត្តទៅនៃគណៈកម្មកាធិកាជាតិរៀបចំការបោះឆ្នោត និងសេចក្តីស្នើច្បាប់ស្តីពីការបោះឆ្នោតជ្រើសរើសតាំងតំណាងរាស្ត្រ ។ សេចក្ដីជូនដំណឹងចុះចេញផ្សាយនៅថ្ងៃទី២១ ខែមីនា នេះឲ្យដឹងថា ព្រឹទ្ធសភាកម្ពុជា និងបន្តសម័យប្រជុំពេញអង្គលើកទី៦ នៃព្រឹទ្ធសភា នីតិកាលទី៣ ដែលដឹកនាំដោយប្រធានស្ដីទីលោក សាយ ឈុំ ។ សេចក្ដីជូនដំណឹងបន្តថា ការប្រជុំនេះ ដើម្បីពិនិត្យ និងឲ្យយោបល់លើកសេចក្ដីស្នើច្បាប់ពាក់ព័ន្ធកំណែទម្រង់ការបោះឆ្នោតដែល រដ្ឋសភាបានអនុម័តថ្មីៗនេះ ។
-
ឃាត់ខ្លួនមន្ត្រីយោធាស័ក្តិ៤ម្នាក់ ពាក់ព័ន្ធនឹងការបង្កអំពើហិង្សា លើប្រជាពលរដ្ឋ
រាជធានីភ្នំពេញ៖ កម្លាំងអាវុធហត្ថ ខណ្ឌពោធិសែនជ័យ ចាប់ខ្លួនមន្ត្រីយោធាស័ក្តិ៤ម្នាក់ នៅអង្គភាពបញ្ជាការដ្ឋានបញ្ជូនសារ យកទៅសាកសួរ នៅទីបញ្ជាការដ្ឋាន កងរាជអាវុធហត្ថ រាជធានីភ្នំពេញ ពាក់ព័ន្ធនឹងការបង្កអំពើហិង្សា លើប្រជាពលរដ្ឋ។ ហេតុការណ៍នេះ បានកើតឡើង កាលពីម៉ោងជាង ៦ ល្ងាចថ្ងៃទី២០ ខែមីនា ឆ្នាំ២០១៥ នៅភូមិត្រពាំងជ្រៃ សង្កាត់កាកាប ខណ្ឌពោធិសែនជ័យ។
-
កម្មកររោងចក្រធី.អ.ស៊ី.អេធ្វើបាតុកម្មពីរថ្ងៃជាប់គ្នាទាមទារប្ដូរលក្ខខណ្ឌការងារ១០ចំណុច
កម្មកររោងចក្រកាត់ដេរ ធី.អ.ស៊ី.អេ (TRCA) បានធ្វើបាតុកម្មពីរថ្ងៃហើយ ដើម្បីទាមទារឲ្យថៅកែផ្តល់ប្រាក់អាហារមួយថ្ងៃ ២ពាន់រៀល ដំឡើងប្រាក់រង្វាន់ ឬលុយព្រីម ៣ដុល្លារក្នុង១ខែ សុំឲ្យមានទារកដ្ឋាន សុំឲ្យមានរោងសម្រាប់ដាក់កង់ ជាដើម។ ទោះយ៉ាងណា ការទាមទារនេះមិនទាន់មានដំណោះស្រាយយ៉ាងណាទេ។ កម្មកររោងចក្រកាត់ដេរ ធី.អ.ស៊ី.អេ ជិត ៧០០នាក់ បានធ្វើបាតុកម្ម ២ថ្ងៃជាប់គ្នាសុំឲ្យថៅកែប្ដូរលក្ខខណ្ឌការងារចំនួន ១០ចំណុច។ កម្មការិនី វណ្ណ ស្រីពៅ ឲ្យដឹងថា គាត់ធ្វើការពីឆ្នាំ២០១០ មកមិនដែលមានប្រាក់អាហារថ្ងៃត្រង់ទេ ទើបកម្មករទាមទារថ្លៃបាយថ្ងៃត្រង់ ព្រោះរោងចក្រដទៃបានផ្តល់ឲ្យកម្មករមួយថ្ងៃ ២ពាន់រៀល៖ «រោងចក្រមានតែលុយព្រីម លុយអតីតភាព ដំណាច់ឆ្នាំ ហើយនិងលុយធ្វើដំណើរ។ ពួកខ្ញុំស្នើសុំលុយបាយថ្ងៃត្រង់មួយថ្ងៃ ២ពាន់រៀល»។
-
តុលាការបង្គាប់ឲ្យព្រះចៅអធិការវត្តសាមគ្គីរង្សីចូលបំភ្លឺពីបទហិង្សា
ព្រះរាជអាជ្ញារងអមសាលាដំបូងរាជធានីភ្នំពេញ បង្គាប់ឲ្យព្រះចៅអធិការ វត្តសាមគ្គីរង្សី ព្រះនាម ថាច់ ហាសំអាង និមន្តមកតុលាការ នៅចុងសប្តាហ៍ក្រោយនេះ ដើម្បីចោទសួរពីបទប្រើហិង្សា និងបរិហាកេរ្តិ៍ជាសាធារណៈ ។ តាមដីការកោះរបស់តំណាង អយ្យការលោកគី ប៊ុណ្ណារ៉ា ចុះថ្ងៃទី១៧ ខែមីនា ឆ្នាំ២០១៥ តម្រូវឲ្យព្រះតេជគុន ថាច់ ហាសំអាង និមន្តមកកាន់សាលាដំបូងរាជធានីភ្នំពេញ នាថ្ងៃទី២៧ ខែមីនា ឆ្នាំ២០១៥ វេលាម៉ោង៨ព្រឹក ។ លោក គី ប៊ុណ្ណារ៉ា បញ្ជាក់ក្នុងដីកានោះថា ការនិមន្តព្រះចៅអធិការអង្គនោះ មកតុលាការ គឺដើម្បីសាកសួរពីដំណើររឿង ឈ្មោះសុទ្ធ ឆៃយ៉ា ប្តឹងពីបទ ហិង្សាដោយចេតនា និងបរិហាកេរ្តិ៍ជាសាធារណៈ ។
-
សហគមន៍ជីក្រែងខេត្តសៀមរាបរំលឹកខួប៦ឆ្នាំនៃព្រឹត្តិការណ៍បាញ់បង្ក្រាបសកម្មជនដីធ្លី
សហគមន៍មានជម្លោះដីធ្លីមួយនៅខេត្តសៀមរាប ធ្វើពិធីរំលឹកខួប៦ឆ្នាំ នៃព្រឹត្តិការណ៍បាញ់បង្ក្រាប ទៅលើអ្នកតវ៉ារឿងដីធ្លី ដើម្បីជំរុញឲ្យអាជ្ញាធរចាប់យកធម៌អហិង្សា នឹងប្រគល់ដីទាំងនោះជូន អ្នកភូមិវិញ ។ តាមសេចក្តីជូនដំណឹង របស់សហគមន៍ជីក្រែង ខេត្តសៀមរាម ឲ្យដឹងថា នៅរសៀលថ្ងៃសៅរិ៍នេះ បណ្តាញព្រះសង្ឃ និមន្តមកពីខេត្ត និងសហគមន៍នានាដែលមានជម្លោះដីធ្លី បានជួបជុំគ្នាធ្វើពិធីបែបសាសនាមួយ នៅឃុំជីក្រែង ស្រុកជីក្រែង ខេត្តសៀមរាម ដើម្បីរំលឹកការឈឺចាប់នៃព្រឹត្តិការណ៍ បាញ់រះ មកលើអ្នកមានជម្លោះដីធ្លីឲ្យរងរបួសកាលពីឆ្នាំ២០០៩។ សេចក្តីជូនដំណឹងដដែលឲ្យដឹងទៀតថា កម្មវិធីនោះ ក៍នឹងចាក់បញ្ចាំងវីដេអូពីប្រវត្តិជម្លោះដីធ្លី ដែលនឹងបង្ហាញពីព្រឹត្តិការណ៍បង្ក្រាបអ្នកភូមិផងដែរ មុននឹងបិទបញ្ចប់ នៅល្ងាចថ្ងៃអាទិត្យស្អែក ។
-
អ្នកមានជម្លោះដីធ្លីទទូចឲ្យភរិយាលោកអូបាម៉ាអន្តរាគមន៍ដោះលែងតំណាងពួកគេ១១នាក់
អ្នកមានជម្លោះដីធ្លីនៅភ្នំពេញ ប្រមាណជា៦០នាក់ រួមទាំងកុមារផង នៅព្រឹកថ្ងៃសៅរ៍នេះ បានប្រមូលផ្តុំគ្នាថ្មីទៀត មុខស្ថានទូតអាមេរិក ប្រចាំកម្ពុជា ទទូចឲ្យភរិយាលោក អូបាម៉ា ជួយអន្តរាគមន៍ ដោះលែង តំណាងពួកគេ១១នាក់ ដែលរដ្ឋាភិបាល ឃុំខ្លួននៅពន្ធនាគារ ព្រៃស ។ ស្ត្រីទាំង១១នាក់នោះ ត្រូវរដ្ឋាភិបាលចាប់ខ្លួននៅចុងឆ្នាំ២០១៤ ចោទថាតវ៉ាធ្វើឲ្យកកស្ទះចរាចរណ៍ ខណៈពួកគេព្យាយាមបិទផ្លូវ មុខសាលារាជធានីភ្នំពេញ ជំរុញឲ្យអាជ្ញាធររំដោះទឹកស្អុយចេញពីសហគមន៍ដែលអ្នកភូមិចោទថា បង្កឡើងដោយក្រុមហ៊ុនឯកជនមួយមានអាជ្ញាប័ណ្ណពីរដ្ឋាភិបាល ។ អ្នកតវ៉ាម្នាក់ នៅតំបន់បឹងកក់ គឺអ្នកស្រី អ៊ុំ សាខន អាយុ៦៣ឆ្នាំ អះអាងថា ការចោទប្រកាន់និងចាប់បញ្ជាឲ្យឃុំខ្លួនតំណាងពួកគេទាំង១១នាក់នោះ ជារឿងអយុត្តិធម៌ដែលពួកគេមិនអាចទទួលយកបាន ។
-
ស្រ្តីជាសន្តិសុខរោងចក្រដែលរងគ្រោះដោយសារទឹកអាស៊ីតទទួលមរណភាព
ស្រី្ដជាសន្ដិសុខយាមនៅរោងចក្រមួយក្នុងសង្កាត់ចោមចៅ ដែលរងគ្រោះដោយសារការជះទឹកអាស៊ីត បានទទួលមរណភាពនៅរសៀលថ្ងៃសៅរ៍នេះ។ លោក សោភណ្ឌ ឡារី ជាសិល្បករដែលបានទៅសួរសុខទុក្ខជនរងគ្រោះនៅមន្ទីរពេទ្យកាល់ម៉ែត្រ បានឲ្យដឹងថាជនរងគ្រោះ កញ្ញាមាស វន្នី អាយុ២០ឆ្នាំ បានទទួលមរណភាព កាលពីវេលាម៉ោង១រសៀលថ្ងៃសៅរ៍នេះ នៅមន្ទីរពេទ្យកាល់ម៉ែត្រ។ លោកបន្តថាតាមរយៈការឲ្យដឹងពីគ្រសារជនរងគ្រោះ សាកសពត្រូវបានដឹងទៅធ្វើបុណ្យនៅខេត្តពោធិ៍សាត់។ លោកមិនទាន់អាចបញ្ជាក់ពីមូលហេតុនៃការស្លាប់នេះបាននៅឡើយទេ។ ប៉ុន្តែលោកថាកាលពីថ្ងៃម្សិលមិញ តាមការឲ្យដឹងពីប្អូនស្រីរបស់ជនរងគ្រោះ ក្រុមគ្រូពេទ្យបានអះអាងថាបានវះកាត់ជនរងគ្រោះរួចរាល់អស់ហើយ ហើយស្ថានភាពជំងឺធម្មតា តែស្ថិតនៅក្រោមការតាមដានជាបន្តទៀត។
-
សហគមន៍ជនជាតិដើមភាគតិចនៅរតនគិរីព្រមទទួលសំណងពីក្រុមហ៊ុនអាជីវកម្មរ៉ែមាស
សហគមន៍ភូមិពាក់ ឃុំយ៉ាទុង ស្រុកអូរយ៉ាដាវ ខេត្តរតនគិរី យល់ព្រមទទួលសំណងផលប៉ះពាល់ដីស្រែចម្ការពីគម្រោងធ្វើអាជីវកម្មរ៉ែមាសរបស់ក្រុមហ៊ុន មេសកូ ហ្គូល (Mesco Gold) ដើម្បីផ្តល់លទ្ធភាពឲ្យក្រុមហ៊ុននេះបញ្ចប់ការដោះស្រាយផលប៉ះពាល់ប្រជាពលរដ្ឋ មុននឹងទទួលបានអាជ្ញាប័ណ្ណធ្វើអាជីវកម្មរ៉ែមាសពីក្រសួងរ៉ែ និងថាមពល។ ប្រជាពលរដ្ឋជនជាតិចារ៉ាយ ១៨គ្រួសារ យល់ព្រមទទួលសំណងជាប្រាក់ ១.៥០០ដុល្លារ សម្រាប់ដីមួយហិកតារ ដែលឋិតក្នុងគម្រោងធ្វើការដ្ឋានរបស់ក្រុមហ៊ុនធ្វើអាជីវកម្មរ៉ែមាស មេសកូ ហ្គូល នៅលើផ្ទៃដីសរុបចំនួន ២៨ហិកតារនៅភូមិពាក់។ ការសិក្សាផលប៉ះពាល់របស់ក្រុមហ៊ុន មេសកូ ហ្គូល មានដី ១៦ហិកតាររបស់ប្រជាពលរដ្ឋ ១៨គ្រួសារ និងដី ១២ហិកតារផ្សេងទៀតរបស់សហគមន៍ភូមិពាក់ ឋិតក្នុងគម្រោងសាងសង់ការដ្ឋានរបស់ក្រុមហ៊ុន។
-
ម្ចាស់រថយន្តដឹកស្រូវចោទសមត្ថកិច្ចខេត្តត្បួងឃ្មុំនិងព្រៃវែងថា ប្រើអាវុធដេញបាញ់រូបគាត់
ម្ចាស់រថយន្តដឹកស្រូវពីកម្ពុជាទៅវៀតណាម ចោទសមត្ថកិច្ចខេត្តត្បួងឃ្មុំ និងខេត្តព្រៃវែងថា ប្រើអាវុធដេញបាញ់រថយន្តជាច្រើនគ្រាប់ បន្ទាប់មកធ្វើទារុណកម្មរូបគាត់និងព្រូឡានម្នាក់ខណៈសមត្ថកិច្ចបានដាក់ប៉ុស្តិ៍ត្រួតពិនិត្យដោយមិនបង្ហាញផ្លាកសញ្ញា ។ ម្ចាស់រថយន្តលោក ណែន ស៊ីដា ប្រាប់ VOD នៅព្រឹកថ្ងៃសៅរ៍នេះថា កាលពីថ្ងៃទី១៩ខែមីនាឆ្នាំ២០១៥ សមត្ថកិច្ចខេត្តត្បួងឃ្មុំ និង ខេត្តព្រៃវែងប្រមាណ ១០នាក់ ស្ទាក់ឡានគាត់ដែលដឹកស្រូវពីខេត្តកំពង់ធំទៅលក់នៅប្រទេសវៀតណាម ។ លោកបន្តថា សមត្ថកិច្ចដែលបានស្ទាក់ឡានរបស់គាត់នោះ មិនបានដាក់ផ្លាកសញ្ញាដើម្បីបញ្ជាក់ថា ជាកម្លាំងសមត្ថកិច្ចទេ ពេលនោះលោកគិតជាក្រុមចោរទើបបើករថយន្តបង្ហួសរហូតក្រោយមកក៏មានការប្រើអាវុធបាញ់ និងចាប់រូបគាត់រួមទាំងព្រូឡានម្នាក់ទៀតចងស្លាបសេក វាយដំបណ្តាលឲ្យរបួសធ្ងន់ ។
-
គោលនយោបាយសម្បទានដីសេដ្ឋកិច្ចរបស់រដ្ឋាភិបាលធ្វើឲ្យបាត់បង់ដីធ្លីជនជាតិដើមភាគតិច
«មូលហេតុគឺដោយសារអាជ្ញាធរខេត្ត អភិបាលស្រុក ភូមិឃុំហ្នឹង គាត់ប្រមូលអត្តសញ្ញាណបណ្ណ ចុះឈ្មោះសៀវភៅគ្រួសារ ប្រមូលទៅឲ្យក្រុមហ៊ុន ហើយថា ប្រជាពលរដ្ឋហ្នឹងព្រមព្រៀងអស់ហើយ។ តាមពិតទៅ ចំពោះរូបខ្ញុំ ខ្ញុំអត់ដឹងទេ អត់ដឹងថា គេលក់ដីដែលខ្ញុំកំពុងរស់នៅសព្វថ្ងៃទេ។ អត់ដឹងទេ។ ខ្ញុំយល់ថា ខ្ញុំជាប្រជាពលរដ្ឋនៅក្រោមរដ្ឋាភិបាលដែលដឹកនាំ។ ផ្ទុយទៅវិញ រដ្ឋាភិបាលមិនស្មោះត្រង់ជាមួយប្រជាពលរដ្ឋ យកតែឈ្មោះ ហើយលក់ដីទៅ យកលុយទៅអស់។ អ្នកខ្លះទិញឡាន អ្នកខ្លះទិញស្អីៗទៅ ចំណែកប្រជាពលរដ្ឋមានស្អី! រហាមរហូតដល់ខ្ញុំឡើងតវ៉ា គេថា គេប្រគល់ឲ្យក្រុមហ៊ុនហើយ។ ពូឯងធ្វើអីធ្វើទៅ! អញ្ចឹងបានក្រុមហ៊ុនបញ្ជាទាហានឲ្យបាញ់ខ្ញុំ»។
-
កម្មករមេរ៉ូសាន់ជាង៣០០នាក់ តវ៉ាឲ្យក្រសួងការងារអន្តរាគមន៍ទៅថៅកែរោងចក្រ
កម្មករជាង ៣០០នាក់ នៅរោងចក្រកាត់ដេរមេរ៉ូសាន់ ខេមបូឌា ខូអិលធីឌី កាលពីថ្ងៃម្សិលមិញ បាននាំគ្នាទៅប្រមូលផ្តុំនៅមុខក្រសួងការងារ និងបណ្តុះបណ្តាលវិជ្ជាជីវៈ ដើម្បីឲ្យក្រសួងជួយអន្តរាគមន៍ទៅភាគីរោងចក្រ ដកប្រធានរដ្ឋបាលម្នាក់ចេញ និងកែសម្រួលកិច្ចសន្យាការងារ ព្រមទាំងលក្ខខណ្ឌមួយចំនួនទៀត។
-
ពលរដ្ឋមានបញ្ហាដីធ្លីនៅខេត្តកោះកុងសុំអន្តរាគមន៍ពីក្រសួងយុត្តិធម៌
អ្នកមានជម្លោះដីធ្លីមកពីខេត្តកោះកុង នៅព្រឹកថ្ងៃសុក្រនេះ ស្រែកយំអង្វរករសុំអន្តរាគមន៍នៅមុខក្រសួងយុត្តិធម៌ជាថ្មីទៀត ឲ្យការពារប្រជាពលរដ្ឋស្លូតត្រង់តាមរដ្ឋធម្មនុញ្ញ ។ ប្រជាពលរដ្ឋចំនួន១៥គ្រួសារមកពីឃុំជីខក្រោម ស្រុកស្រែអំបិល និងឃុំកណ្ដោល ស្រុកបទុមសាគរ ខេត្តកោះកុង ដោយមានវេចបាយកញ្ចប់ និងអំបិលបុកមកជាមួយផងនៅថ្ងៃទី២០ ខែមីនានេះ បានប្រមូលផ្ដុំគ្នាជាថ្មីទៀតនៅមុខក្រសួងយុត្តិធម៌ បន្ទាប់ពីពួកគេរកអន្តរាគមន៍ជាច្រើនដង តែមិនបានលទ្ធផល ករណីដែលពួកគេអះអាងថា មានជម្លោះដីធ្លីជាមួយក្រុមហ៊ុនហេង ហ៊ុយ ។
-
ប្រជាពលរដ្ឋ សហគមន៍បុរីកីឡា ២៥ គ្រួសារ ចុងក្រោយ ទទួលបានផ្ទះនៅបុរីកីឡា
ប្រជាពលរដ្ឋ សហគមន៍បុរីកីឡា ចំនួនជាង ១៥៤ គ្រួសារ ដែលនៅសេសសល់ចុង ក្រោយ បានទទួលការដោះស្រាយ ដោយទទួលបានសំណងសមរម្យ ក្នុងនោះ ២៥ គ្រួសារទទួលបានផ្ទះ នៅបុរីកីឡា រីឯ ៨៩ គ្រួសារ ទទួលបានផ្ទះនៅកន្លែងសមរម្យមួយ ក្នុងរាជធានីភ្នំពេញ និង ៤០ គ្រួសារទៀត នឹងទទួលការដោះស្រាយ របៀបគោល នយោបាយពីរដ្ឋ។ - See more at: http://www.cen.com.kh/local/13573839#sthash.4iESr4et.rAEVvMag.dpuf
-
ក្មេងស្រីដែលលក់ដូរនៅអង្គរវត្តនៅតែមានការលំបាកក្នុងការសិក្សា
ប៉ុន្មានម៉ោងមុនពេលលោកស្រី Michelle Obama អញ្ចើញមកដល់ខេត្តសៀមរាបដែលជាខេត្តទេសចរណ៍ដ៏សំខាន់របស់ប្រទេសកម្ពុជា កម្ពុជាមានការមមាញឹកក្នុងការចាប់ផ្តើមប្រកបការងារផ្ទាល់ខ្លួនរៀងៗខ្លួនជាធម្មតា។ ព្រះសង្ឃនៅតាមវត្តអារាមមានការសូត្រមន្តប្រតិបត្តិ កសិករចេញធ្វើស្រែចម្ការ និងសិស្សានុសិស្សធ្វើដំណើរទៅកាន់សាលារៀនរៀងៗខ្លួន។
-
ពលរដ្ឋតវ៉ាប្រឆាំងនឹងការអនុញ្ញាតឲ្យឈ្មួញកាប់ឈើ
ពលរដ្ឋជាង ១០០ នាក់បានធ្វើការតវ៉ា និងដាក់ញតិ្តទៅរដ្ឋបាលព្រៃឈើ ខេត្តព្រះវិហារ ដើម្បីទាមទារឲ្យបញ្ឈប់សិប្បកម្មឈើ ដែលកំពុងទិញ និងជួលកម្មករឲ្យកាប់ឈើខុសច្បាប់ក្នុងព្រៃព្រះរកា ប្រមាណជា ៥ឆ្នាំ មកហើយ។ ប្រជាពលរដ្ឋទាំងនេះមកពី ភូមិពោធិ៍ទាប ១៤២ គ្រួសារ ក្នុង ឃុំម្លូព្រៃ ១ ស្រុកឆែប បាននាំគ្នាជិះគោយន្តជាង ១០ គ្រឿងធ្វើដំណើរសំដៅទៅខណ្ឌរដ្ឋបាលព្រៃឈើ ខេត្តព្រះវិហារ កាលពីព្រឹកម្សិលមិញ ដើម្បីទាមទារឲ្យលុបបំបាត់សិប្បកម្មឈើមួយរបស់លោក ស គិប និងបង្ក្រាបបទល្មើសព្រៃឈើក្នុងព្រៃព្រះរកា។ នេះបើតាមលោក ឡោ ចាន់ អ្នកសម្របសម្រួលអង្គការអាដហុកខេត្តព្រះវិហារ ដែលបានតាមដានការតវ៉ានេះ។
-
សភាកម្ពុជាបានអនុម័តច្បាប់បោះឆ្នោតដ៏ចម្រូងចម្រាស
សភាកម្ពុជាបានអនុម័តជាឯកច្ឆន្ទនូវច្បាប់បោះឆ្នោតដ៏ចម្រូងចម្រាសចំនួន២បន្ទាប់ពីការចរចាអស់រយៈពេលជាច្រើនខែរវាងគណបក្សកាន់អំណាចនិងគណបក្សប្រឆាំង។ គណបក្សប្រជាជនកម្ពុជាដែលជាគណបក្សកាន់អំណាចហើយនឹងគណបក្សសង្គ្រោះជាតិដែលជាគណបក្សប្រឆាំង បានសាទរច្បាប់ទាំង២ថា ជាលទ្ធផលប្រកបដោយជោគជ័យបន្ទាប់ពីការចរចាដែលជារឿយៗមានការតឹងតែងអស់រយៈពេលជាច្រើនខែក្រោយការបោះឆ្នោតជាតិឆ្នាំ២០១៣ ដែលជាការបោះឆ្នោតមួយដែលគណបក្សប្រឆាំងបានខិតជិតជ័យជម្នះហើយដែលគណបក្សប្រឆាំងបានអះអាងថា ការបោះឆ្នោតនោះមានការលួចបន្លំ។
-
ធនាគារពិភពលោករងការរិះគន់ក្នុងរបាយការណ៍សិទ្ធិមនុស្ស
បន្ទាប់ពីទទួលស្គាល់ថាមាន «បញ្ហាធំ» ជាមួយគម្រោងផ្តល់ការតាំងលំនៅឋានថ្មី កាលដើមខែនេះ ធនាគារពិភពលោក បានទទួលរងការរិះគន់ ពីប្រជាជនតំបន់បឹងកក់ នៅក្នុងរបាយការណ៍ថ្មីមួយពីក្រុមសិទ្ធិមនុស្ស។ របាយការណ៍របស់គម្រោងគណនេយ្យភាពអន្តរជាតិ (IAP) ដែលមានចំណងជើងថា «ត្រឡប់ទៅរកការអភិវឌ្ឍ» រួមបញ្ចូលលទ្ធផលនៃការសម្ភាសជាមួយប្រជាជនបឹងកក់ ១០០ នាក់ដែលត្រូវបានបណ្តេញចេញពីលំនៅឋាន ដែលពួកគេភាគច្រើនបំផុត មិនពេញចិត្តយ៉ាងខ្លាំងចំពោះទស្សនៈនៃការអភិវឌ្ឍរបស់ធនាគារនេះ។
-
គោលនយោបាយសម្បទានដីសេដ្ឋកិច្ចរបស់រដ្ឋាភិបាលធ្វើឲ្យបាត់បង់ដីធ្លីជនជាតិដើមភាគតិច
ខេត្តរតនគីរី—ទោះបីជាធ្លាប់បានឆ្លងកាត់សង្រ្គាមអស់ជាច្រើនជំនាន់ក៏ដោយ ក៏លោកសឿង សារ៉ាត់មិនដែលរងគ្រោះរហូតដល់ពិការអវយវៈណាមួយឡើយ។ ទើបតែមកដល់ពេលស្រុកអស់សង្គ្រាម លោកបែរជាក្លាយខ្លួនជាជនពិការដោយសារគ្រាប់កាំភ្លើងទៅវិញ។ បុរសជនជាតិទំពួន ដែលបច្ចុប្បន្នរស់នៅក្នុងតំបន់ព្រៃនៃស្រុកអណ្តូងមាស ខេត្តរតនគីរីរូបនេះ អះអាងថា លោកដាច់ជើងម្ខាងនេះនៅឆ្នាំ២០០៩ ដោយសារជម្លោះដីធ្លីជាមួយក្រុមហ៊ុនដីសម្បទានសេដ្ឋកិច្ចមួយនៅក្នុងខេត្តនេះ។
គាំទ្រដោយ
