កំពុងស្វែងរកទិន្នន័យ
រកឃើញ: 13.090
-
សម្ភាសប្រធានអង្គការក្រៅរដ្ឋាភិបាលពីររូបស្ដីពីសមភាពស្ត្រីក្នុងឆាកនយោបាយ
កិច្ចប្រជុំលើកទី៥៩ របស់អង្គការសហប្រជាជាតិ ទទួលបន្ទុកស្ថានភាពស្ត្រី បានបង្ហាញរបាយការណ៍ថា ជាទូទៅរដ្ឋាភិបាលនៃប្រទេសជាសមាជិកនៃអនុសញ្ញាសិទ្ធិស្ត្រី (CDAW) ទាំងអស់ សុទ្ធតែបរាជ័យក្នុងការលើកកម្ពស់ស្ថានភាពសិទ្ធិស្ត្រី និងកុមារី តាមការសន្យានៃផែនការសកម្មភាពរបស់ប្រជុំកំពូលលើកទី៤ របស់ស្ត្រីនៅទីក្រុងប៉េកាំង កាលពី ២០ឆ្នាំមុន។ កិច្ចប្រជុំដែលកំពុងប្រព្រឹត្តទៅនៅទីក្រុងញីវយ៉ក សហរដ្ឋអាមេរិក នាពេលនេះ បានលើកយកផែនការជំរុញឲ្យមានសមភាពរវាងបុរស និងស្ត្រី នាឆ្នាំ២០៣០ នៅលើវិស័យធំៗមានការចូលរួមក្នុងនយោបាយ ជាដើម។
-
មន្ត្រីស.រ.អា.៖ លោកស្រី Michelle Obama នឹងលើកបញ្ហាសិទ្ធិមនុស្សនៅកម្ពុជា
វ៉ាស៊ីនតោន—លោកស្រី Michelle Obama ភរិយាប្រធានាធិបតីសហរដ្ឋអាមេរិកគ្រោងនឹង បំពេញទស្សនកិច្ចក្នុងប្រទេសកម្ពុជាចំនួន៣ថ្ងៃនៅចុងសប្តាហ៍នេះដើម្បី ផ្តោតការយកចិត្តទុកដាក់ទៅលើបញ្ហាអប់រំដល់និស្សិតស្ត្រី តែលោកស្រី នឹងមានឱកាសក្នុងការស្ទាបស្ទង់មើលពីស្ថានការណ៍នយោបាយនឹងសិទ្ធិមនុស្សនៅប្រទេសកម្ពុជា ដែលសកម្មជនដីធ្លីជាស្រ្តី និងសកម្មជននយោបាយកំពុងជាប់ឃុំឃាំងផងដែរ។ នេះបើតាមការអះអាងរបស់មន្ត្រីស.រ.អា.។
-
អឺរ៉ាស្នើក្រុមការងារបក្សទាំងពីរលុបចោលមាត្រាមួយចំនួននៃច្បាប់បោះឆ្នោតថ្មី
សម្ព័ន្ធកំណែទម្រង់ការបោះឆ្នោត (អឺរ៉ា) ស្នើដល់ក្រុមការងារចរចានយោបាយទាំងពីរលុបចោលមាត្រាច្បាប់ចំនួន៤នៃច្បាប់បោះឆ្នោតថ្មី ដូចជាការដាក់ទោសអង្គការសង្គមស៊ីវិល ការផាកពិន័យអ្នកសង្កេតការណ៍ស្ម័គ្រចិត្ត និងពិនិត្យឡើងវិញលើច្បាប់ដែលអនុញ្ញាតឲ្យមន្ត្រី តុលាការ យោធា ចូលរួមឃោសនាបោះឆ្នោតជាដើម។
-
ស្ថានភាពនៅក្នុងពន្ធនាគាររបស់កុមារកម្ពុជា
អ្នកស្រី កែវ ចរិយាមានផ្ទៃពោះមួយខែនៅពេលដែលអ្នកស្រីត្រូវបានគេកាត់ទោសឱ្យជាប់ពន្ធនាគារពីបទចែកចាយគ្រឿងញៀន។ អ្នកស្រីមើលថែរក្សាកូនប្រុសរបស់អ្នកស្រីអស់រយៈពេលជិតពីរឆ្នាំក្នុងពន្ធនាគារ មុនពេលអ្នកស្រីចាកចេញពីពន្ធនាគារ។ អ្នកស្រីកែវ ចរិយាបាននិយាយនៅក្នុងបទសម្ភាសន៍ជាមួយវីអូអេខ្មែរថា៖ «កូនរបស់ខ្ញុំនៅជាមួយខ្ញុំរហូតដល់ពេលខ្ញុំត្រូវបានគេដោះលែង»។ អ្នកស្រីបានបន្តថា៖ «ខ្ញុំខ្លាចថា កូនខ្ញុំឆ្លងជំងឺផ្សេងៗនៅពេលស្នាក់នៅទីនោះជាមួយ»។
-
រោងចក្រកាត់ដេរមួយនៅខេត្តកំពង់ឆ្នាំងរងការចោទថាផ្ដល់ថ្នាំគ្មានគុណភាពដល់កម្មករ
សហជីពមួយដាក់ពាក្យបណ្ដឹងទៅមន្ទីរការងារខេត្តកំពុងឆ្នាំង ឲ្យដកបុគ្គលិករោងចក្រម្នាក់នៅក្នុងខេត្តនេះ ដែលកម្មករចោទថា បើកថ្នាំផុតកំណត់ឲ្យពួកគេប្រើប្រាស់ ធ្វើឲ្យប៉ះពាល់សុខភាព។ ប្រធានសហជីពសេរីកម្មករនៃព្រះរាជាណាចក្រកម្ពុជា លោក ជា មុនី នៅថ្ងៃចន្ទម្សិលមិញ បានដាក់ពាក្យបណ្តឹងមួយ ទៅមន្ទីការងារខេត្ត ប្តឹងដកជនជាតិចិនឈ្មោះ ស៊ី ជិន ដែលជាអ្នកគ្រប់គ្រងផលិតផល និងថ្នាំពេទ្យ នៅក្នុងរោងចក្រ M&V4 ចេញពីរោងចក្រ ដោយចោទថា បុរសរូបនេះល្មើសនឹងច្បាប់ការងារ បើកថ្នាំផុតកំណត់ប្រើប្រាស់ឲ្យកម្មករកាលពីខែមករា រហូតដល់ខែមីនាឆ្នាំពី២០១៥នេះ ដោយមិនគិតពីច្បាប់ និង សុខភាពកម្មករ។
-
អ្នកមានជម្លោះដីធ្លីស្នើឲ្យក្រសួងកសិកម្មឈប់ប្រឆាំងដីកាតុលាការកំពូលដែលកាត់ដីឲ្យពួកគេ
អ្នកមានជម្លោះដីធ្លីជាង១០ឆ្នាំ ស្ថិតនៅសង្កាត់ភ្នំពេញថ្មីប្រមាណជាង១០នាក់នៅថ្ងៃពុធនេះ ប្រមូលផ្តុំនៅមុខក្រសួងកសិកម្ម រុក្ខាប្រមាញ់ និងនេសាទ ដើម្បីស្នើសុំឲ្យរដ្ឋមន្ត្រីក្រសួងនេះឈប់ប្រឆាំងនឹងដីការបស់តុលាការកំពូលដែលសម្រេចកាត់ដីឲ្យពួកគេជាង៩ពាន់មែត្រការ៉េ កាលពីថ្ងៃទី៧ ខែមីនា ឆ្នាំ២០១១ ។ ការស្នើសុំនេះ ធ្វើឡើងបន្ទាប់ពីក្រសួងកសិកម្មចេញលិខិតមួយច្បាប់កាលពីថ្ងៃទី១១ ខែមិនា ឆ្នាំ២០១៥ ស្នើសុំផ្អាកការអនុវត្តសាលដីការបស់តុលាការកំពូល ដោយអះអាងថាទីតាំងនោះបានចុះបញ្ជីសារពើភណ្ឌទ្រព្យសម្បត្តិរដ្ឋរបស់នាយកដ្ឋានគ្រឿងយន្តកសិកម្ម នៃអគ្គនាយកដ្ឋានកសិកម្ម កាលពីថ្ងៃទី១២ ខែវិច្ឆិកា ឆ្នាំ២០០៩ ។
-
អ្នកភូមិជាង១០០គ្រួសារ ស្នើឲ្យក្រសួងយុត្ដិធម៌ប្ដូរព្រះរាជអាជ្ញារងតុលាការខេត្ដព្រះវិហារ
ប្រជាពលរដ្ឋស្រុករវៀង ខេត្ដព្រះវិហារ ប្រមូលស្នាមមេដៃដាក់ទៅក្រសួងយុត្ដិធម៌ និងរដ្ឋសភា សុំប្ដូរព្រះរាជអាជ្ញារងមួយរូបចេញពីតុលាការខេត្ដនេះដោយចោទថា មន្ដ្រីរូបនោះប្រើតួនាទីខុសនីតិវិធីច្បាប់ និងកាត់ក្ដីលម្អៀងទៅលើក្រុមហ៊ុន ។ ប្រជាសហគមន៍ការពារព្រៃឈើបឹងទន្លេម្រេច នៅឃុំរមណីយ ស្រុករវៀង លោក ហួន គីណូ ប្រាប់ VOD នៅថ្ងៃពុធនេះថា ប្រជាពលរដ្ឋ១៤២គ្រួសារបានផ្តិតមេដៃប្ដឹងក្រសួងយុត្តិធម៌ និងស្ថាប័នពាក់ព័ន្ធ ទាមទារឲ្យដក ព្រះរាជអាជ្ញារងខេត្ដព្រះវិហារ លោក ឡុង ស៊ីថា ព្រោះមន្ត្រីរូបនេះបានបញ្ជាឲ្យកម្លាំងសមត្ថកិច្ចរុះរើទីស្នាក់ការការពារព្រៃឈើរបស់សហគមន៍ ដោយមិនបានស៊ើបអង្កេត ។ លោកបន្តថា ប្រជាពលរដ្ឋព្រមានថា បើមិនមានការផ្លាស់ប្ដូរតាមការស្នើសុំទេនោះ ពួកគាត់នឹងប្រមូលផ្ដុំគ្នាធ្វើបាតុកម្ម តវ៉ាប្រឆាំងនៅសាលាខេត្ដបន្ដទៀត ។
-
ខ្មែរ | ព័ត៌មានថ្មីៗ | នយោបាយ សង្គមស៊ីវិលអះអាងថាច្បាប់បោះឆ្នោតថ្មីអាក្រក់ជាងច្បាប់បោះឆ្នោតចាស់
សេចក្ដីព្រាងច្បាប់បោះឆ្នោតថ្មីដ៏ចម្រូងចម្រាស ដែលមន្ត្រីអង្គការសង្គមស៊ីវិល និងអង្គទូតមួយចំនួនប្រចាំនៅទីក្រុងភ្នំពេញ មើលឃើញថា សេចក្ដីព្រាងច្បាប់នេះបង្ហាញពីការរឹតត្បិតសិទ្ធិសេរីភាពប្រជាពលរដ្ឋ និងអង្គការសង្គមស៊ីវិល។ សេចក្ដីព្រាងច្បាប់នេះ នឹងត្រូវសភាពិនិត្យ និងអនុម័តនៅថ្ងៃទី១៩ មីនា ទោះបីជាអង្គការសង្គមស៊ីវិលស្នើសុំហើយសុំទៀត គឺចង់ឲ្យលុបមាត្រាមួយចំនួនចេញពីសេចក្ដីព្រាងច្បាប់នេះក៏ដោយ។ តើមូលហេតុអ្វីបានជាអង្គការសង្គមស៊ីវិល នៅតែទទូចសុំទៅគណបក្សជាប់ឆ្នោតទាំងពីរដែលជាអ្នករៀបចំធ្វើសេចក្ដីព្រាងច្បាប់នេះ ដកចេញមាត្រាមួយចំនួននៅក្នុងបញ្ញត្តិច្បាប់នេះ?
-
រដ្ឋសភា៖ ច្បាប់បោះឆ្នោតថ្មីនឹងត្រូវដាក់ថ្វាយព្រះមហាក្សត្រឡាយព្រះហស្ដលេខាមុនចូលឆ្នាំខ្មែរ
អ្នកនាំពាក្យរដ្ឋសភាឲ្យដឹងថា សេចក្ដីព្រាងសេចក្ដីស្នើច្បាប់ទាំងពីរពាក់ព័ន្ធនឹងការបោះឆ្នោតនឹងត្រូវដាក់ថ្វាយព្រះមហាក្សត្រឡាយព្រះហស្ដលេខានៅថ្ងៃទី១៣ ខែមេសា ដើម្បីជាកាដូជូនប្រជាពលរដ្ឋក្នុងឱកាសបុណ្យចូលឆ្នាំប្រពៃណីខ្មែរ ។ ក្នុងសន្និសីទព័ត៌មាននៅព្រឹកថ្ងៃពុធនេះ មន្ត្រីជាន់ខ្ពស់គណបក្សប្រជាជនកម្ពុជា និងជាអ្នកនាំពាក្យរដ្ឋសភា លោក ឈាង វុន បានថ្លែងថា ច្បាប់ស្ដីពីការរៀបចំ និងការប្រព្រឹត្តទៅនៃគណៈកម្មាធិការជាតិរៀបចំការបោះឆ្នោត និងច្បាប់ស្ដីពីការបោះឆ្នោតជ្រើសតាំងតំណាងរាស្ត្រ នឹងធានាការពារសិទ្ធិជូនប្រជាពលរដ្ឋផង និងសិទ្ធិនយោបាយរបស់បុគ្គលផង ។
-
ពលរដ្ឋប្រតិកម្មទៅនឹងសេចក្ដីសម្រេចរបស់សាលារាជធានីរឿងអភិវឌ្ឍទីក្រុងរណប
ប្រជាពលរដ្ឋដែលរងផលប៉ះពាល់ដោយការអភិវឌ្ឍទីក្រុងរណបជ្រោយចង្វារ របស់ក្រុមហ៊ុន អូ.ស៊ី.អាយ.ស៊ី (OCIC) ចាត់ទុកដំណោះស្រាយរបស់អាជ្ញាធរក្រុង ដើម្បីបញ្ចប់វិវាទនេះថា ធ្វើឡើងដដែលៗ ដែលពលរដ្ឋរងផលប៉ះពាល់ធ្ងន់ធ្ងរពុំអាចទទួលយកបានឡើយ។ ប្រតិកម្មនេះ ធ្វើឡើងនៅបន្ទាប់ពីអភិបាលសាលារាជធានីភ្នំពេញ បានសន្យាចំពោះមុខអ្នកមានជម្លោះដីធ្លីថា ការអភិវឌ្ឍទីក្រុងរណបជ្រោយចង្វារនេះ នឹងមិនធ្វើប៉ះពាល់ប្រជាពលរដ្ឋទេ។
-
អតីតកម្មកររោងចក្របារីមួយតវ៉ាឲ្យរោងចក្រអនុវត្តសេចក្តីសម្រេចរបស់ក្រុមប្រឹក្សាអាជ្ញាកណ្តាល
អតីតកម្មកររោងចក្របារីប្រ៊ីធីស អឹមើរីខិន ថឹប៊ែខូ មានគ្នាជាង១០នាក់ នៅព្រឹកថ្ងៃអង្គារនេះនាំគ្នាតវ៉ាទាមទារឲ្យភាគីរោងចក្រអនុវត្តតាមសេចក្តីសម្រេចរបស់ក្រុមប្រឹក្សាអាជ្ញាកណ្តាល ដែលបានបង្គាប់ឲ្យរោងចក្រផ្តល់អត្ថប្រយោជន៍ដល់ពួកគេ បន្ទាប់ពីរោងចក្រនេះបានបញ្ឈប់កាលពីចុងឆ្នាំ២០១៤ ។ អគ្គលេខាធិការរងនៃសភាសម្ព័ន្ធសហជីពជាតិកម្ពុជា លោក រឹម បូរ៉ា ដែលបានតាមដានករណីនេះបានឲ្យដឹងថា កម្មករ១៩នាក់ត្រូវបានរោងចក្របញ្ឈប់កាលពីថ្ងៃទី៣១ ខែធ្នូ ឆ្នាំ២០១៤កន្លងទៅ ។ លោកថាភាគីក្រុមហ៊ុនបានបញ្ឈប់កម្មករទាំងនេះ ដោយយោងទៅតាមការអស់សុពលភាពនៃកិច្ចសន្យាការងារ និងស្ថិតក្នុងកិច្ចសន្យាមានថិរវេលាកំណត់ ។
-
សហគមន៍ដីធ្លីដាក់ញត្តិជាថ្មីស្នើឲ្យភរិយាលោក អូបាម៉ា អន្តរាគមន៍ដោះលែងតំណាងពួកគេ
ប្រជាសហគមន៍មានជម្លោះដីធ្លីមានគ្នាជិត២០០នាក់ ដាក់ញត្តិទៅស្ថានទូតអាមេរិកជាថ្មីនៅព្រឹកថ្ងៃអង្គារនេះ ដើម្បីស្នើសុំឲ្យលោកស្រី មីហ្សែល អូបាម៉ា ជួយអន្តរាគមន៍លើបញ្ហាជម្លោះដីធ្លី និងដោះលែងតំណាងពួកគេដែលកំពុងជាប់ក្នុងពន្ធនាគារ ។ ប្រជាពលរដ្ឋមកពីសហគមន៍បឹងកក់ និងសហគមន៍បុរីកីឡា ដែលក្នុងនោះមានកុមារជាង៣០នាក់ផងនោះ នាំគ្នាប្រមូលផ្ដុំគ្នាមុខស្ថានទូតអាមេរិក ស្រែកសុំអន្តរាគមន៍ពីលោកស្រី មីហ្សែល អូបាម៉ា ភរិយារបស់លោក បារ៉ាក់ អូបាម៉ា ប្រធានាធិតីសហរដ្ឋអាមេរិក ដែលនឹងបំពេញទស្សនកិច្ចនៅកម្ពុជានៅថ្ងៃទី២១ ខែមីនា ឆ្នាំ២០១៥ ។
-
សង្គមស៊ីវិល៖ ច្បាប់ស្តីពីការវាយតម្លៃហេតុប៉ះពាល់បរិស្ថាន មិនទាន់ធានាគុណភាព
មន្ត្រីសង្គមស៊ីវិលដែលធ្វើការលើផ្នែកបរិស្ថាន លើកឡើងថា សេចក្តីព្រាងច្បាប់ស្តីពីការវាយតម្លៃហេតុប៉ះពាល់បរិស្ថាន មិនទាន់មានការឆ្លើយតបគ្រប់គ្រាន់ទេ ដោយអះអាងថា គុណភាពនៃរបាយការណ៍វាយតម្លៃគុណភាពនៅមានកំរិត។ ការលើកឡើងនេះ ធ្វើឡើងក្នុងសិក្ខាសាលាពិគ្រោះយោបល់ថ្នាក់ជាតិលើសេចក្តីព្រាងច្បាប់ស្តីពីការវាយតម្លៃហេតុប៉ះពាល់បរិស្ថាន នៅថ្ងៃទី ១៧ ខែ មីនា នេះ។ នាយកប្រតិបត្តិវេទិកានៃអង្គការមិនមែនរដ្ឋាភិបាលស្តីពីកម្ពុជា លោក តឹក វណ្ណារ៉ា មានប្រសាសន៍ថា ច្បាប់នេះមានសារៈសំខាន់ចំពោះការអភិវឌ្ឍនៅក្នុងប្រទេសកម្ពុជា ក្នុងការធានាឲ្យមានការអភិវឌ្ឍប្រកបដោយនិរន្តរភាពរវាងការអភិវឌ្ឍ និងការអភិរក្ស។ តែលោកថា សេចក្តីព្រាងច្បាប់នេះមិនទាន់មានគុណភាពនៅឡើយទេ។
-
អ្នកស្រី មីស៊្ហែល អូបាម៉ា នឹងលើកបញ្ហាសិទ្ធិមនុស្សនិងវិស័យអប់រំនៅកម្ពុជា
អ្នកស្រី មីស្ហ៊ែល អូបាម៉ា (Michelle Obama) ស្ត្រីទី១ ភរិយាប្រធានាធិបតីសហរដ្ឋអាមេរិក នឹងមកដល់កម្ពុជា នៅចុងសប្ដាហ៍នេះ ដើម្បីជំរុញគំនិតផ្ដួចផ្ដើមថ្មីរបស់សហរដ្ឋអាមេរិក លើកស្ទួយវិស័យអប់រំនៅកម្ពុជា។ ទោះបីក្នុងដំណើរទស្សនកិច្ចលើកនេះ ផ្ដោតជាសំខាន់លើវិស័យសិក្សាអប់រំក៏ដោយ អ្នកស្រីក៏នឹងលើកឡើងអំពីក្តីកង្វល់ផ្នែកសិទ្ធិមនុស្សនៅកម្ពុជា ផងដែរ។ ពលរដ្ឋសហគមន៍បឹងកក់ និងបុរីកីឡា ប្រមាណ ៥០នាក់ ប្រមូលផ្ដុំកាលពីព្រឹកថ្ងៃអង្គារ ទី១៧ មីនា ដាក់ញត្តិតាមរយៈស្ថានទូតសហរដ្ឋអាមេរិក ជូនភរិយាប្រធានាធិបតីសហរដ្ឋអាមេរិក សុំឲ្យជួយអន្តរាគមន៍ទៅរដ្ឋាភិបាលកម្ពុជា ដោះលែងសកម្មជនដីធ្លី និងព្រះសង្ឃ ដែលកំពុងជាប់ឃុំក្នុងពន្ធនាគារព្រៃស។
-
អ្នកឡពាងប្តឹងព្រះរាជអាជ្ញាពីររូបដែលមិនចាត់ការបណ្តឹងប្រឆាំង លោកស្រី ជា ខេង
អ្នកមានជម្លោះដីធ្លីនៅភូមិឡពាង ឃុំតាជេស ស្រុកកំពុងត្រឡាច កំពង់ឆ្នាំងដាក់ញត្តិទៅរដ្ឋសភា ក្រសួងយុត្តិធម៌ និងឧត្តមប្រឹក្សានៃអង្គចៅក្រម នៅថ្ងៃអង្គារនេះដោយប្តឹងមន្ត្រីតុលាការពីររូបថា រើសអើង ដោយសារតែមិនចាត់ការលើបណ្តឹងរបស់អ្នកភូមិដែលប្តឹងលោកស្រី ជា ខេង ពីបទផ្តល់មូលប្បទានប័ត្រគ្មានសាច់ប្រាក់ ។
-
ភរិយាប្រធានាធិបតីអាមេរិកនឹងលើកពីបញ្ហាសិទ្ធិមនុស្សក្នុងដំណើរទស្សនកិច្ចមកកម្ពុជា
មន្រ្តីសេតវិមានឲ្យដឹងថាភរិយារបស់ប្រធានាធិបតីសហរដ្ឋអាមេរិក លោកស្រីMichelle Obama ដែលគ្រោងនឹងមកបំពេញទស្សនកិច្ចនៅកម្ពុជានៅថ្ងៃសុក្រសប្តាហ៍នេះ នឹងលើកពីបញ្ហានយោបាយ និងសិទ្ធិមនុស្សនៅកម្ពុជា។ លោកស្រីMichelleនឹងមកដល់ខេត្តសៀមរាបនៅយប់ថ្ងៃសុក្រ ហើយនឹងចាកចេញទៅវិញនៅថ្ងៃអាទិត្យ។ក្នុងពេលមកដល់កម្ពុជា លោកស្រីនឹងត្រូវអមដំណើររដោយភរិយាលោកនាយករដ្ឋមន្រ្តី ហ៊ុន សែន គឺលោកស្រី ប៊ុន រ៉ានី ហ៊ុន សែន។ លោកស្រីនឹងជួបជាមួយសិស្សវិទ្យាល័យដែលជាផ្នែកមួយនៃកិច្ចប្រឹងប្រែងដើម្បីលើកតម្កើងគំនិតផ្តួចផ្តើម«ឲ្យក្មេងស្រីរៀន»“Let Girls Learn”។
-
អង្គការសិទ្ធិមនុស្សអន្ដរជាតិ៖ សេចក្ដីព្រាងច្បាប់បោះឆ្នោតកម្ពុជារំលោភលើសិទ្ធិមនុស្សជាមូលដ្ឋាន
សេចក្ដីព្រាងសេចក្ដីស្នើច្បាប់ ទាក់ទងនឹងការបោះឆ្នោតរបស់កម្ពុជា គឺរំលោភលើសិទ្ធិមូលដ្ឋានរបស់មនុស្ស និងបទដ្ឋានប្រជាធិបតេយ្យ។ នេះបើតាមសេចក្ដីថ្លែងការណ៍របស់អង្គការឃ្លាំមើលសិទ្ធិមនុស្សអន្ដរជាតិ Human Rights Watch ចុះថ្ងៃទី១៦ខែមីនាម្សិលមិញ។ អង្គការអន្ដរជាតិដដែលនេះ បានលើកឡើងទៀតថា សេចក្ដីព្រាងសេចក្ដីស្នើច្បាប់បោះឆ្នោតកម្ពុជា គួរតែត្រូវបានកែប្រែ មុននឹងបញ្ជូនទៅសភាដើម្បីអនុម័ត។
-
GMAC បដិសេធរបាយការណ៍អង្គការឃ្លាំមើលសិទ្ធិមនុស្សពីការរំលោភសិទ្ធិកម្មករ
សមាគមរោងចក្រកាត់ដេរនៅកម្ពុជា (GMAC) បដិសេធរបាយការណ៍របស់អង្គការឃ្លាំមើលសិទ្ធិមនុស្សអន្តរជាតិ (Human Rights Watch)ស្ដីពីការរំលោភសិទ្ធិការងារ ថា មិនបានឆ្លុះបញ្ចាំងពីស្ថានភាពពិតនៃសិទ្ធិកម្មករនៅក្នុងវិស័យឧស្សាហកម្មនៅកម្ពុជា ។ ការបដិសេធនេះធ្វើឡើង បន្ទាប់ពីអង្គការ Human Rights Watch បានចេញរបាយការណ៍ស្ដីពីការរំលោភសិទ្ធិការងារ ដែលមានចំណងជើងថា Work Faster or Get Out ចេញផ្សាយក្នុងខែមីនានេះ ។ របាយការណ៍កម្រាស់១៤៦ទំព័ររបស់ Human Rights Watch បានសរសេរថា រោងចក្រកាត់ដេរនៅកម្ពុជាជារឿយៗត្រូវបានរើសអើង និងកេងប្រវ័ញ្ចចំពោះលក្ខខណ្ឌការងាររបស់កម្មរ ។ កម្មករភាគច្រើនបានទទួលកិច្ចសន្យាការងារមានថិរវេលាកំណត់ ដែលជាហេតុធ្វើឲ្យពួគាត់ងាយស្រួលក្នុងការបណ្តេញចេញ ។
-
សាលាក្រុងភ្នំពេញទុកពេលជាងមួយខែឲ្យអ្នកមានជម្លោះដីធ្លីនៅបុរីកីឡាតវ៉ាពីលទ្ធផលដោះស្រាយ
សាលារាជធានីភ្នំពេញ ទុកពេលជាងមួយខែ ឲ្យពលរដ្ឋបុរីកីឡាដែលមានបញ្ហាដីធ្លី ជាមួយក្រុមហ៊ុនផានអ៊ីម៉ិច តវ៉ា បើពួកគេមិនឯកភាពលើលទ្ធផលវាយតម្លៃរបស់សាលាក្រុង ដើម្បីទទួលបានដំណោះស្រាយនៅនឹងកន្លែង ។ យោងសេចក្តីជូនដំណឹងរបស់សាលារាជធានីភ្នំពេញ ចុះថ្ងៃទី១៧ខែមីនាឆ្នាំ២០១៥នេះ ឲ្យដឹងថា សាលាក្រុងនឹងបិទផ្សាយជាសាធារណៈ នូវលទ្ធផលនៃការវាយតម្លៃលក្ខណៈសម្បត្តិរបស់ប្រជាពលរដ្ឋបានតវ៉ាកន្លងមក ហើយការបិទប្រកាសនេះ ជាដំណាក់កាលចុងក្រោយនៃដំណោះស្រាយបញ្ចប់បញ្ហា។ សាលាក្រុងបញ្ជាក់ថា ការប្រកាសនេះ គឺយកតាមលទ្ធផលដែលក្រុមការងារចម្រុះ មានតំណាងសាលាក្រុង សាលខណ្ឌ៧មករា សាលាសង្កាត់វាលវង់ សង្គមស៊ីវិល ក្រុមហ៊ុនផានអ៊ីម៉ិច និងតំណាងប្រជាពលរដ្ឋ បានពិនិត្យ និងពិភាក្សាយ៉ាងល្អិតល្អន់ ដើម្បីវាយតម្លៃលើលក្ខណៈសម្បត្តិរបស់គ្រួសារនីមួយៗ ដោយផ្អែកតាមសាវតារនៃការស្នាក់នៅ និងឯកសារដែលពលរដ្ឋបានដាក់ជូនក្នុងវេទិកាសាធារណៈកាលពីខែសីហា ឆ្នាំ២០១៤ ។
-
CCHRស្នើUNថ្កោលទោសការប្រព្រឹត្តរបស់រដ្ឋាភិបាលកម្ពុជាលើអ្នកការពារសិទ្ធិមនុស្ស
នៅយប់ថ្ងៃទី១៦មីនាមជ្ឈមណ្ឌលសិទ្ធិមនុស្សកម្ពុជា(CCHR)និងអង្គការពិភពលោកប្រឆាំងទារុណកម្ម បានចេញសេចក្តីថ្លែងការណ៍រួម អំពាវនាវដល់អង្គការសហប្រជាជាតិថ្កោលទោសចំពោះការប្រព្រឹត្តរបស់រដ្ឋាភិបាលកម្ពុជាលើអ្នកការពារសិទ្ធិមនុស្សនៅកម្ពុជា។ បើយោងទៅតាមរបាយការណ៍របស់CCHRបានបង្ហាញការព្រួយបារម្ភខ្លាំងចំពោះការបង្ក្រាបទៅលើអ្នកការពារសិទ្ធិមនុស្ស សមាជិកសហជីព និងអ្នកសារព័ត៌មាន។
គាំទ្រដោយ
