កំពុងស្វែងរកទិន្នន័យ
រកឃើញ: 13.090
-
អង្គការសិទ្ធិមនុស្សធ្វើយុទ្ធនាការទាមទារឲ្យដោះលែងស្ត្រីសកម្មជនដីធ្លី១២នាក់
អង្គការការពារសិទ្ធិមនុស្ស ចាប់ផ្តើមធ្វើយុទ្ធនាការទាមទារឲ្យរដ្ឋាភិបាលដោះលែងសកម្មជនដីធ្លីទាំង១២នាក់ ដើម្បីបង្ហាញទៅដល់អ្នកជាប់ឃុំទាំងនោះថា ពួកគេមិនមានភាពឯកា និងលើកទឹកចិត្តសកម្មជនផ្សេងទៀតឲ្យហ៊ានការពារដីរបស់ខ្លួន ។ ការប្រកាសយុទ្ធនាការនេះ ធ្វើឡើងក្នុងសន្និសីទនៅថ្ងៃទី៦ ខែមីនានេះ ។ ស្ត្រីសកម្មជនដីធ្លី និងព្រះសង្ឃចំនួន១១អង្គ/នាក់ ត្រូវបានអាជ្ញាធរចាប់ខ្លួន ខណៈដែលពួកគេតវ៉ា និងព្យាយាមបិទផ្លូវនៅមុខសាលារាជធានីភ្នំពេញដើម្បីទាមទារឲ្យមានអន្តរាគមន៍រំដោះទឹកស្អុយចេញពីភូមិ ។ ចំណែកកញ្ញា លី ស៊ីវមិញ ត្រូវបានចាប់ខ្លួនក្នុងរឿងជម្លោះដីធ្លីជាមួយក្រុមហ៊ុន ឃុនសៀ បន្ទាប់ពីក្រុមគ្រួសារពួកគេមិនព្រមចាកចេញពីទីតាំងមានជម្លោះនៅតំបន់បឹងកក់១ ។
-
សេចក្តីថ្លែងការណ៍ស្ដីពីវិសោធនកម្មច្បាប់ស្ដីពីការរៀបចំ និងការប្រព្រឹត្តទៅនៃគណៈកម្មាធិការជាតិរៀបចំការបោះឆ្នោត និងច្បាប់ស្ដីពីការបោះឆ្នោតជ្រើសតាំងតំណាងរាស្រ្ត
ថ្ងៃទី ០៦ ខែមីនា ឆ្នាំ២០១៥៖ យើងអង្គការសង្គមស៊ីវិលក្នុងប្រទេសកម្ពុជាចំនួន ៦០ មកពីបណ្ដាញអង្គការនានារួមមាន៖ អង្គការសមាជិកភាពសម្ព័នកំណែទម្រង់ការបោះឆ្នោត សហជីព ផ្ទះសាមគ្គី បណ្ដាញយុវជន បណ្ដាញស្រ្តី និងយេនឌ័រ អង្គការសិទ្ធិមនុស្ស និងអង្គការអភិវឌ្ឍន៍នានាក្នុងប្រទេសកម្ពុជាមានការព្រួយបារម្ភចំពោះដំណើរការនេះការរៀបចំសេចក្តីព្រាងច្បាប់ គុណភាពច្បាប់ និងបញ្ញាត្តិទាំងឡាយដែលចែងក្នុងសេចក្ដីព្រាងច្បាប់ស្ដីពីការរៀបចំ និងប្រព្រឹត្តទៅនៃគណៈកម្មាធិការជាតិរៀបចំការបោះឆ្នោត និងសេចក្ដីស្នើពង្រាងច្បាប់ស្ដីពីការបោះឆ្នោតជ្រើសតាំងតំណាងរាស្រ្ត។
អានបន្ត -
អង្គការសង្គមស៊ីវិល សូមអំពាវនាវឲ្យដោះលែង អ្នកការពារសិទ្ធិដីធ្លីទាំង ១២ នាក់ដែលត្រូវជាប់ពន្ធនាគារ ដោយសារការអនុវត្តសេរីភាពមូលដ្ឋាន
ថ្ងៃទី៦ ខែមីនា ឆ្នាំ២០១៥ មុនទិវានារីអន្តរជាតិនៅថ្ងៃទី ៨ ខែមីនា យើងខ្ញុំជាក្រុមអង្គការសង្គមស៊ីវិលមានរាយនាមដូចខាងក្រោម សូមអំពាវនាវឲ្យមានការដោះលែងសកម្មជនបឹងកក់ជាបន្ទាន់ ដែលរួមមាន ទេព វន្នី, ង៉ែត ឃុន, សុង ស្រីលាភ, គង់ ចន្ថា, ផាន់ ឈុនរ៉េត, បូ ឆវី, នង ស្រេង, ហេង ពេជ្រ, អ៊ឹម ស្រីទូច, ភួង សុភាព, ព្រះតេជគុណ សឿង ហាយ និងអ្នកការពារសិទ្ធិលំនៅដ្ឋាន លី ស៊ីវមិញ។ អ្នកទាំង ១២នាក់ត្រូវបានឃុំខ្លួនដោយសារតែការអនុវត្តសេរីភាពមូលដ្ឋានរបស់ខ្លួន នៅក្នុងជម្លោះដីធ្លីដ៏រ៉ាំរ៉ៃក្នុងតំបន់បឹងកក់ នៅទីក្រុងភ្នំពេញ។
អានបន្ត -
ក្រុមអង្គការសង្គមស៊ីវិលចំនួន៣០អំពាវនាវឲ្យដោះលែងអ្នកការពារសិទ្ធិដីធ្លី១២នាក់មុនថ្ងៃសិទ្ធិនារី
ក្រុមអង្គការសង្គមស៊ីវិលចំនួន៣០ស្ថាប័ន បានចេញសេចក្ដីការណ៍រួមនៅថ្ងៃទី៦ មីនា អំពាវដល់ស្ថាប័នតុលាការ ដោះលែងអ្នកការពារសិទ្ធិដីធ្លីចំនួន១២នាក់ជាបន្ទាន់ មុខទិវាសិទ្ធិនារីអន្តរជាតិ ៨មីនាឆ្នាំ២០១៥។ ក្នុងចំណោមអ្នកការពារសិទ្ធិដីធ្លីទាំង១២នាក់ មាន១១នាក់ជាស្ត្រីបឹងកក់ រួមមានលោកស្រី ទេព វន្នី ង៉ែត ឃុន សុង ស្រីលាភ គង់ ចន្ថា ផាន់ ឈុនរ៉េត បូ ឆវី នង ស្រេង ហេង ពេជ្រ អ៊ឹម ស្រីទូច ភួង សុភាព កញ្ញា លី ស៊ីវមិញ និងព្រះតេជព្រះគុណ សឺន ហាយ។ អ្នកជាប់ឃុំ១១នាក់ក្នុងចំណោម១២នាក់ ត្រូវបានសមត្ថកិច្ចចាប់ខ្លួនមុនក្រោយគ្នាមួយថ្ងៃ កាលពីដើមខែវិច្ឆិកា ឆ្នាំ២០១៤ នៅពេលដែលពួកគេ តវ៉ាមុខសាលារាជធានីភ្នំពេញ ជុំវិញការទាមទារឲ្យមានដំណោះស្រាយទឹកលិចផ្ទះសម្បែងរបស់ពួកគាត់ និងទាមទារឲ្យដោះលែងអ្នកដែលសមត្ថកិច្ចចាប់ខ្លួន យកមកសវនាការនៅតុលាការក្រុងនៅថ្ងៃបន្ទាប់ ហើយចៅក្រមសាលាដំបូងរាជធានី ប្រកាសសាលក្រមដាក់ពន្ធនាគារក្នុងម្នាក់១ឆ្នាំ និងពិន័យជាប្រាក់២លានរៀល។
-
ស្ត្រីសន្តិសុខរោងចក្រម្នាក់ ត្រូវគេជះទឹកអាស៊ីតដាក់
ស្ត្រីសន្តិសុខរោងចក្រម្នាក់ ត្រូវបានគេជះទឹកអាស៊ីតដាក់នៅក្នុងខណ្ឌពោធិ៍សែនជ័យ ចំពោះអ្វីដែលនគរបាលនិយាយថាអាចបណ្តាលមកពីស្នេហាត្រីកោណ។ លោក សៅ សារិទ្ធ មេប៉ុស្ត៍រងសង្កាត់ចោមចៅ បានមានប្រសាសន៍ថ្ងៃនេះថា ស្ត្រីសន្តិសុខរោងចក្រកាត់ដេរហូស៊ីនតាយម្នាក់ ត្រូវបានស្ត្រីម្នាក់ទៀតជះទឹកអាស៊ីតដាក់ កាលពីម៉ោងប្រហែល៥កន្លះព្រឹកមិញនេះ ក្នុងពេលដែលនាង កំពុងដើរចេញពីផ្ទះជួលទៅរោងចក្រមួយកន្លែងនៅក្នុងសង្កាត់ចោមចៅ ខណ្ឌពោធិ៍សែនជ័យ។
-
ពលរដ្ឋមានជម្លោះដីធ្លីនៅឃុំបឹងប្រាំចោទអាជ្ញាធរថាពុំមានឆន្ទៈដោះស្រាយឲ្យពលរដ្ឋ
ប្រជាពលរដ្ឋទំនាស់ដីធ្លីនៅឃុំបឹងប្រាំ ស្រុកបវេល ខេត្តបាត់ដំបង ចោទប្រកាន់អាជ្ញាធរមូលដ្ឋាន ថាពុំមានឆន្ទៈដោះស្រាយជម្លោះដីរបស់ប្រជាពលរដ្ឋទេ គឺបណ្ដោយឲ្យជម្លោះនេះអូសបន្លាយពេលជាបន្តបន្ទាប់ ធ្វើឲ្យប្រជាពលរដ្ឋមានជម្លោះដីធ្លី ជួបការលំបាកក្នុងការដាំដុះនៅលើដីនោះ។ អ្នកភូមិថ្លែងបែបនេះ គឺបន្ទាប់ពីពួកគាត់ស្វែងរកកិច្ចអន្តរាគមន៍ពីសំណាក់អាជ្ញាធរអស់ជាច្រើនឆ្នាំមកហើយ តែពុំទទួលបានលទ្ធផលយ៉ាងណាឡើយ។ អ្នកភូមិនៅតំបន់បឹងប្រាំ អំពាវនាវឲ្យអាជ្ញាធរខេត្តបាត់ដំបង និងមន្ត្រីពាក់ព័ន្ធ ពន្លឿនដោះស្រាយរឿងជម្លោះដីធ្លីនេះឲ្យបានឆាប់ ដើម្បីពួកគាត់បានទៅបង្កបង្កើនផលលើដីនោះ ដើម្បីដោះស្រាយជីវភាពប្រចាំថ្ងៃ។
-
CCHR បើកយុទ្ធនាការឲ្យដោះលែងសកម្មជនទាំង១២នាក់
បើតាមសេចក្តីប្រកាសព័ត៌មានរបស់ CCHR សន្និសីទសារព័ត៌មាន ក៏នឹងត្រូវរៀបចំឡើងផងដែរ ដោយមានការថ្លែងសុន្ទរកថា របស់ អ្នកស្រីចក់ សុភាព នាយិការប្រតិបត្តិរបស់CCHR សមាជិករបស់សហគមន៍បឹងកក់ និងតំណាងអង្គការសង្គមស៊ីវិលដៃគូ ដែលធ្វើការពាក់ព័ន្ធនឹងសិទ្ធិដីធ្លី និងសិទ្ធិលំនៅដ្ឋាន។
-
ក្រុមអង្គការសិទ្ធិមនុស្សថាកម្ពុជាបរាជ័យអនុវត្តអនុសញ្ញាអន្តរជាតិស្ដីពីសិទ្ធិពលរដ្ឋនិងនយោបាយ
គណៈកម្មការសិទ្ធិមនុស្សរបស់អង្គការសហប្រជាជាតិ ដែលមានមូលដ្ឋាននៅទីក្រុងហ្សឺណែវ (Geneva) នៃប្រទេសស្វីស (Switzerland) គ្រោងនឹងបើកកិច្ចប្រជុំត្រួតពិនិត្យរបាយការណ៍ស្ដីពីស្ថានភាពសិទ្ធិពលរដ្ឋ និងនយោបាយនៃបណ្ដាប្រទេសមួយចំនួន ដោយរួមទាំងកម្ពុជា ផង នៅថ្ងៃទី១៧ និងថ្ងៃទី១៨ ខែមីនា ខាងមុខ។ ស្របគ្នានេះ ក្រុមអង្គការសិទ្ធិមនុស្ស ក៏បានរួមគ្នាដាក់របាយការណ៍ស្រមោលទៅអង្គការសហប្រជាជាតិ ដែរ និងបានអះអាងថា ស្ថានភាពសិទ្ធិមនុស្សនៅកម្ពុជា នៅពុំទាន់ឆ្លើយតបទៅតាមការព្រមព្រៀងរបស់រដ្ឋាភិបាលជាមួយអង្គការសហប្រជាជាតិ នៅឡើយ។
-
អ្នកភូមិបឹងកក់ជាង១០គ្រូសារទៀតនឹងទទួលបានដីសម្រាប់អភិវឌ្ឍនៅនឹងកន្លែង
សាលារាជធានីភ្នំពេញ បានសម្រេចប្រគល់ដីធ្លី ឲ្យអ្នកភូមិបឹងកក់១២គ្រួសារ បន្ថែមទៀត ដើម្បីអភិវឌ្ឍនៅនឹងកន្លែង ក្នុងបំណងបញ្ចប់ជម្លោះ។ តំណាងអ្នកភូមិបឹងកក់ អ្នកស្រី ហុង សុខេង ឲ្យVODដឹងថា ពលរដ្ឋ១២គ្រួសារ នៅភូមិ១សង្កាត់ស្រះចក ខណ្ឌដូនពេញ បានជួបពិភាក្សាជាមួយអភិបាលរាជធានីភ្នំពេញ លោក ប៉ា សុជាតិវង្ស នៅថ្ងៃទី៥ខែមីនាឆ្នាំ២០១៥នេះ ដើម្បីស្វែងរកការបញ្ចាប់ជម្លោះដែលអូសបន្លាយជិត១០ឆ្នាំមកនេះ។ ស្ត្រីរូបនោះបន្តថា ក្នុងកិច្ចពិភាក្សានោះ លោក ប៉ា សុជាតិវង្ស ព្រមប្រគល់ដីឲ្យអ្នកភូមិវិញ តាមគោលនយោបាយក្នុងមួយគ្រួសារទំហំ៤គុណ១៨ម៉ែត្រ ប៉ុន្តែអ្នកភូមិបដិសេធដោយចង់ឲ្យសាលាររាជជានីភ្នំពេញ ចុះពិនិត្យទំហំដីជាក់ស្តែងដោយសុខចិត្តចំណាយដីពួកគាត់៣០ភាគរយបរិចាគឲ្យទៅរដ្ឋ និង៧០ភាគរយទុកអភិវឌ្ឍខ្លូនឯងនៅនឹងកន្លែង។
-
អឺរ៉ាទាមទារបក្សទាំងពីរឲ្យផ្ដល់របៀបវារៈមុនបើកសិក្ខាសាលាស្ដីពីច្បាប់បោះឆ្នោត
ក្រុមការងារគណបក្សប្រជាជនកម្ពុជា និងគណបក្សសង្គ្រោះជាតិ នឹងរៀបចំសិក្ខាសាលាថ្នាក់ជាតិបើកជាសាធារណៈឲ្យសង្គមស៊ីវិល និងមន្ត្រីអង្គទូតនានា ចូលរួមផ្ដល់យោបល់លើសេចក្ដីព្រាងច្បាប់ចំនួនពីរ គឺសេចក្ដីស្នើច្បាប់ស្ដីពីការរៀបចំ និងការប្រព្រឹត្តទៅនៃគណៈកម្មាធិការជាតិរៀបចំការបោះឆ្នោត និងសេចក្ដីស្នើច្បាប់ស្ដីពីវិសោធនកម្មច្បាប់ស្ដីពីការបោះឆ្នោតជ្រើសតាំងតំណាងរាស្ត្រ។ តែមន្ត្រីអង្គការសង្គមស៊ីវិល លើកឡើងថា សិក្ខាសាលានេះ ក្រុមការងារគណបក្សទាំងពីរមិនទាន់បញ្ចេញរបៀបវារៈឲ្យអ្នកចូលរួមដឹងមុននៅឡើយទេ។
-
អង្គការផ្នែកស្ត្រីចំនួន១៧ ជំរុញទៅស្ថាប័នពាក់ព័ន្ធគិតគូពីស្ត្រីក្នុងការអភិវឌ្ឍសង្គមជាតិ
អង្គការធ្វើការលើស្ត្រីចំនួន១៧នៅថ្ងៃព្រហស្បតិ៍នេះ ជំរុញទៅរដ្ឋាភិបាល ស្ថាប័នពាក់ព័ន្ធ និងគណបក្សនយោបាយ ត្រូវគិតគូពីស្ត្រី ដើម្បីឲ្យពួកគេមានសិទ្ធិចូលរួមការផ្លាស់ប្តូរសង្គម និងការអភិវឌ្ឍប្រទេសជាតិ។ អង្គការទាំងនោះរួមមាន អង្គការសីលការ គណៈកម្មការលើកស្ទួយស្ត្រីក្នុងវិស័យនយោបាយ អង្គការយេនឌ័រ និងអភិវឌ្ឍន៍ដើម្បីកម្ពុជា អង្គការស្ត្រីខ្មែរ អង្គការបន្ទាយស្រី អង្គការបណ្តុំស្ត្រីកម្ពុជា អង្គការជំនួយផ្លូវច្បាប់ដល់កុមារ និងស្ត្រី និងអង្គការសហប្រតិបត្តិការដើម្បីការអភិវឌ្ឍនៅកម្ពុជាជាដើម។
-
អាដហុកសោកស្ដាយដែលរដ្ឋាភិបាលមិនអនុញ្ញាតឲ្យជួបស្ត្រីក្នុងពន្ធនាគារនៅទិវាសិទ្ធិនារី
ប្រធានសមាគមការពារសិទ្ធិមនុស្សអាដហុក(Adhoc) លោក ធន សារាយ បង្ហាញការសោកស្ដាយចំពោះអគ្គនាយកដ្ឋានពន្ធនាគារ ដែលមិនអនុញ្ញាតឲ្យសមាគមលោកចូលជួបអ្នកទោសជាស្ត្រី ក្នុងនោះមានសកម្មជនដីធ្លីជាដើម ក្នុងទិវានារីអន្តរជាតិ ៨ មីនា ឆ្នាំនេះ។ លោក ធន សារាយ បញ្ជាក់ក្នុងសន្និសីទកាសែតនៅព្រឹកថ្ងៃទី៥ មីនា ថា សមាគមលោកបានដាក់ពាក្យស្នើសុំទៅសាលាដំបូងរាជធានីភ្នំពេញ និងសាលាឧទ្ធរណ៍ កាលពីចុងខែកុម្ភៈ ហើយបានដាក់លិខិតស្នើសុំទៅក្រសួងមហាផ្ទៃតាំងពីថ្ងៃទី៣ មីនា មកម្ល៉េះ។ តែរហូតមកដល់ថ្ងៃទី៥ មីនា សមាគមអាដហុកពុំទាន់បានទទួលលិខិតអនុញ្ញាត ពីស្ថាប័នទាំងនោះណាមួយនៅឡើយ។
-
TI ស្នើក្រុមការងារបក្សជាប់ឆ្នោតផ្សព្វផ្សាយឲ្យទូលំទូលាយនូវសេចក្តីស្នើច្បាប់បោះឆ្នោត និង គ.ជ.ប
អង្គការតម្លាភាពកម្ពុជា ហៅកាត់ថា TI បានសរសេរលិខិតចំហរមួយ ទៅកាន់លោក ប៊ិន ឈិន និងលោក គួយ ប៊ុន រឿន សហប្រធានក្រុមការងារកំណែទម្រង់ច្បាប់បោះឆ្នោត ដោយស្នើឲ្យក្រុមការងារកំណែទម្រង់ច្បាប់បោះឆ្នោតផ្សព្វផ្សាយជាសាធារណៈ នូវសេចក្តីស្នើច្បាប់ស្តីពីការរៀបចំ និងការប្រព្រឹត្តទៅនៃគណៈកម្មាធិការជាតិរៀបចំការបោះឆ្នោត និងសេចក្តីស្នើច្បាប់ស្តីពីវិសោធនកម្ម ស្តីពីការបោះឆ្នោតជ្រើសតាំងតំណាងរាស្ត្រ ។
-
ក្លឹបអ្នកកាសែតខកចិត្តចំពោះតុលាការខេត្តព្រះវិហារលើសំណុំរឿងអ្នកកាសែតពីរនាក់
ក្លឹបអ្នកកាសែតកម្ពុជា សំដែងការខកចិត្តចំពោះសាលាដំបូងខេត្តព្រះវិហារ ដោយចោទថាធ្វើការដោយមិនមានតម្លាភាព និង មិនយុត្តិធម៌ ករណីចេញដីកាចាប់ខ្លួនអ្នកកាសែតពីរនាក់កាលពីសប្តាហ៍មុន ក្រោមបទចោទ គំរាមកំហែងយកលុយពីអ្នករកស៊ីឈើខុសច្បាប់។ យោងតាមសេចក្តីថ្លែងការណ៍របស់ក្លឹបអ្នកកាសែតកម្ពុជា កាលពីថ្ងៃអង្គារម្សិលមិញបានឲ្យដឹងថា លោក ទិត្យ ស្រ៊ ភ្នាក់ងារសារព័ត៌មានកម្ពុជា (AKP) និងលោក ឈឿន ចាន់ អ្នកយកព័ត៌មានទូរទស្សន៍អប្សរា ត្រូវសមត្ថកិច្ចចាប់ឃុំខ្លួន និងមានការកោះហៅអ្នកសារព័ត៌មានផ្សេងជាបន្តបន្ទាប់ដោយសារទៅយកព័ត៌មានឈ្មួញដឹកឈើ។ក្លឹបអ្នកកាសែតកម្ពុជា ហៅចំណាត់បែបនេះ គឺជាការគំរាមកំហែង និងរំលោភយ៉ាងធ្ងន់ធ្ងរដល់សិទ្ធិសេរីភាពរបស់អ្នកសារព័ត៌មាន ដែលកំពុងបំពេញវិជ្ជាជីវៈ ចំណែកឯក្រុមឈ្មួញរកស៊ីឈើល្មើសច្បាប់ បែរជាអាចប្រកបមុខរបរយ៉ាងសកម្ម និងដោយសុវត្ថិភាពទៅវិញ ។
-
TI ស្នើក្រុមការងារបក្សជាប់ឆ្នោតផ្សព្វផ្សាយឲ្យទូលំទូលាយនូវសេចក្តីស្នើច្បាប់បោះឆ្នោត និង គ.ជ.ប
អង្គការតម្លាភាពកម្ពុជា ហៅកាត់ថា TI បានសរសេរលិខិតចំហរមួយ ទៅកាន់លោក ប៊ិន ឈិន និងលោក គួយ ប៊ុន រឿន សហប្រធានក្រុមការងារកំណែទម្រង់ច្បាប់បោះឆ្នោត ដោយស្នើឲ្យក្រុមការងារកំណែទម្រង់ច្បាប់បោះឆ្នោតផ្សព្វផ្សាយជាសាធារណៈ នូវសេចក្តីស្នើច្បាប់ស្តីពីការរៀបចំ និងការប្រព្រឹត្តទៅនៃគណៈកម្មាធិការជាតិរៀបចំការបោះឆ្នោត និងសេចក្តីស្នើច្បាប់ស្តីពីវិសោធនកម្ម ស្តីពីការបោះឆ្នោតជ្រើសតាំងតំណាងរាស្ត្រ ។
-
គ្រូបឋមសិក្សាព្រែកលៀបតវ៉ាមិនឲ្យអាជ្ញាធរយកដីសាលាដោះដូរជាមួយក្រុមហ៊ុនOCIC
អាជ្ញាធរខណ្ឌជ្រោយចង្វារ បានផ្អាកគម្រោងដោះដូរទីលំនៅប្រជាពលរដ្ឋក្រីក្រជាង ១០០គ្រួសារ ដែលក្រុមគ្រូបង្រៀនអះអាងថា កំពុងរស់នៅលើដីសាលាបឋមសិក្សាព្រែកលៀប ផ្នែកខាងក្រោយ ឲ្យទៅនៅក្នុងបុរីរុងរឿងរបស់ក្រុមហ៊ុន អូ.ស៊ី.អាយ.ស៊ី (OCIC) ដែលឋិតក្នុងខណ្ឌជាមួយគ្នានេះ។ ការផ្អាកគម្រោងដោះដូរនេះ បន្ទាប់ពីមានការតវ៉ាពីគ្រូបង្រៀនសាលាបឋមសិក្សាព្រែកលៀប និងប្រជាពលរដ្ឋមួយចំនួនមានគ្នាជាង ២០០នាក់ បានផ្ដិតមេដៃជំទាស់មិនឲ្យថ្នាក់ដឹកនាំសាលា និងអាជ្ញាធរ យកដីខាងក្រោយសាលាទៅដោះដូរជាមួយក្រុមហ៊ុន។
-
អ្នកស្រុកស្វាយលើខេត្ដសៀមរាបថាយោធាភូមិភាគទី៤ បំផ្លាញដំណាំ និងទ្រព្យសម្បត្ដិពួកគាត់
អ្នកមានជម្លោះដីធ្លីប្រមាណ៧៥គ្រួសារ នៅឃុំកន្ទួត ស្រុកស្វាយលើ ខេត្ដសៀមរាប ចោទថាកម្លាំងយោធានៅយោធភូមិភាគទី៤ ធ្វើទំនប់ទឹកកាត់ទទឹងអូរទី៤ រំលោភយកដីពួកគាត់ ហើយថែមទាំងបំផ្លាញដំណាំ សម្ភារ និងហាមឃាត់មិនឲ្យបង្កបង្កើនផលបន្តទៀត ។ ប្រជាពលរដ្ឋនៅភូមិសែនជ័យ ឃុំកន្ទួត ស្រុកស្វាយលើ ជាងដប់នាក់ នៅថ្ងៃចន្ទម្សិលមិញ បានធ្វើដំណើរតាមគោយន្តមួយគ្រឿង ឡើងមកតវ៉ានៅខេត្តសៀមរាប ហើយត្រូវសមត្ថកិច្ច រារាំងនៅចំណុចភូមិព្រៃគុយ ឃុំអំពិល ក្រុងសៀមរាប ជាមួយអ្នកស្រុកស្វាយលើផ្សេងទៀតនាម៉ោង៤ល្ងាច ។
-
សង្គមស៊ីវិលត្រៀមលើកពីកង្វល់របស់ខ្លួន នៅថ្ងៃសិក្ខាសាលាស្តីពីសេចក្តីស្នើច្បាប់បោះឆ្នោត
សង្គមស៊ីវិល ត្រៀមលើកយកបញ្ហាមួយចំនួនទាក់ទងនឹង ការធ្វើវិសោធនកម្មច្បាប់បោះឆ្នោត ដើម្បីផ្ដល់មតិយោបល់ពីកង្វល់របស់ពួកគេ ទៅកាន់គណបក្សនយោបាយជាប់ឆ្នោត នៅក្នុងសិក្ខាសាលា ស្តីពីសេចក្តីស្នើច្បាប់ ក្នុងការបោះឆ្នោតជ្រើសតាំងតំណាងរាស្ត្រ។
-
http://thmeythmey.com/index.php?page=detail&ctype=article&id=23962&lg=kh
ក្លឹបអ្នកកាសែតកម្ពុជា (ក.អ.ក) បានសម្តែងការព្រួយបារម្ភយ៉ាងខ្លាំងចំពោះសិទ្ធិសេរីភាព និងសុវត្ថភាពរបស់អ្នកកាសែតបន្ទាប់ពីទទួលព័ត៌មានថា ព្រះរាជអាជ្ញារងសាលាខេត្តព្រះវិហារ លោក ឡុង ស៊ីថា ចេញដីកាចាប់ខ្លួន និងកោះហៅអ្នកកាសែតជាបន្តបន្ទាប់ដោយចោទប្រកាន់ពីបទ «កំហែងយក»។ សេចក្តីថ្លែងការណ៍របស់ក្លឹបអ្នកកាសែតកម្ពុជាកាលពីថ្ងៃអង្គារម្សិលមិញ បានលើកយកករណីចាប់ខ្លួន និងឃុំខ្លួនអ្នកកាសែតពីររូបក្នុងពន្ធនាគារខេត្តព្រះវិហារ គឺលោក ទិត្យ ស្រ៊ ភ្នាក់ងារ AKP និងលោក ឈឿន ចាន់ អ្នកយកព័ត៌មានទូរទស្សន៍អប្សរា។
-
ធនាគារពិភពលោកមិនទាន់ផ្ដល់ប្រាក់កម្ចីឲ្យរដ្ឋាភិបាលកម្ពុជាឡើងវិញ
ធនាគារពិភពលោក (World Bank) ប្រកាសបើកកិច្ចពិភាក្សាពិគ្រោះយោបល់នៅប្រទេសកម្ពុជា មុនពេលធនាគារពិនិត្យផ្តល់ប្រាក់កម្ចីជាថ្មីឡើងវិញដល់រដ្ឋាភិបាលកម្ពុជា បន្ទាប់ពីធនាគារនេះ បានផ្អាកប្រាក់កម្ចីទាំងស្រុងទៅឲ្យរដ្ឋាភិបាលកម្ពុជា ចាប់តាំងពីឆ្នាំ២០១១ មក។ សេចក្ដីប្រកាសនេះជាការឆ្លើយតបទៅនឹងសំណើរបស់មេធាវីអន្តរជាតិ ដែលបានស្នើសុំឲ្យធនាគារបើកកិច្ចប្រជុំនៅក្រៅប្រទេស ពិគ្រោះយោបល់ជាមួយពលរដ្ឋរងគ្រោះដោយសារដីធ្លី ដើម្បីជៀសវាងការគំរាមកំហែងរបស់រដ្ឋាភិបាលកម្ពុជា។ នាយកធនាគារពិភពលោកប្រចាំតំបន់អាស៊ីខាងកើត និងតំបន់ប៉ាស៊ីហ្វិក លោក អាឡេសសានណេ សូ (Alassane Sow) បញ្ជាក់ក្នុងលិខិតមួយទៅកាន់ក្រុមអង្គការសិទ្ធិមនុស្សអន្តរជាតិថា ធនាគារនៅមិនទាន់បានកំណត់កាលបរិច្ឆេទពេលវេលាច្បាស់លាស់ ដើម្បីធ្វើកិច្ចពិភាក្សាជាមួយនឹងរដ្ឋាភិបាលនិងដៃគូអភិវឌ្ឍន៍នៅឡើយទេ។ លោកបន្ថែមទៀតថា រាល់ព័ត៌មានទាំងឡាយស្តីពីកិច្ចប្រជុំនឹងត្រូវផ្សព្វផ្សាយតាមរយៈគេហទំព័រធនាគារនៅពេលខាងមុខ។
គាំទ្រដោយ
