កំពុងស្វែងរកទិន្នន័យ
រកឃើញ: 13.090
-
Freedom House ឲ្យចំណាត់ថ្នាក់កម្ពុជាក្នុងចំណោមប្រទេសមិនមានសេរីភាព
របាយការណ៍ប្រចាំឆ្នាំ ដែលចេញដោយអង្គការ Freedom House ដែលមានមូលដ្ឋាននៅអាមេរិក បានបង្ហាញថា ក្នុងឆ្នាំ២០១៤ សេរីភាពនៅលើសកលលោកមានការធ្លាក់ចុះ និងមានស្ថានភាពអាក្រក់។ ក្រុម នេះបាននិយាយនៅក្នុងរបាយការណ៍ដែលចេញនៅក្នុងឆ្នាំ២០១៥នេះថា ក្នុងរយៈពេលប្រាំបួនឆ្នាំជាប់គ្នា សេរីភាពនៅលើពិភពលោកបានធ្លាក់ចុះ។ ប្រទេសកម្ពុជាត្រូវបានក្រុមនេះចាត់ចូលក្នុងចំណោមប្រទេសដែល «មិនមានសេរីភាព»ទាំងនោះដែលជាការកើនឡើងនូវកង្វល់។
-
សភាពអឺរ៉ុបចុះអង្កេតនិងស្រាវជ្រាវព័ត៌មានពីជម្លោះដីធ្លីនៅភូមិឡពាង
សហភាពអឺរ៉ុប នៅរសៀលថ្ងៃពុធនេះ បានចុះជួបប្រជាពលរដ្ឋអ្នកមានជម្លោះដីធ្លីនៅភូមិឡពាង ឃុំតាជេស ស្រុកកំពង់ត្រឡាច ខេត្ដកំពង់ឆ្នាំង ដើម្បីអង្កេតស្រាវជ្រាវប្រមូលព៌ត័មានបន្ថែម និងដោះស្រាយជូនប្រជាពលរដ្ឋ។ តំណាងប្រជាពលរដ្ឋនៅ ភូមិឡពាងលោក ស្ងួន ញួង ប្រាប់ VOD នៅថ្ងៃពុធនេះថា សហភាពអឺរ៉ុបបានចុះជួបប្រជាពលរដ្ឋមានជំម្លោះដីធ្លីនៅឡពាងដើម្បីស្រាវជ្រាវស៊ើបអង្កេតពីផលប៉ះពាល់រវាងដីធ្លីរបស់ប្រជាពលរដ្ឋជាមួយក្រុមហ៊ុន KDC របស់លោកស្រី ជា ខេង ភរិយាលោក ស៊ុយ សែម រដ្ឋមន្ត្រីក្រសួងរ៉ែ និងថាមពល ។
-
អ្នកបុរីកីឡាតវ៉ាទាមទារដំណោះស្រាយដីធ្លីពីសាលារាជធានីភ្នំពេញ
អ្នកបុរីកីឡា ក្រុម ៣មករា ដែលមានការចូលរួមពីពលរដ្ឋនៃសហគមន៍ អេស.អូ.អេស (SOS) ប្រមាណ ៣០នាក់ ប្រមូលផ្តុំគ្នានៅខាងមុខសាលារាជធានីភ្នំពេញ ដើម្បីទាមទារដំណោះស្រាយដីធ្លីពួកគាត់ នៅព្រឹកថ្ងៃទី២៥ ខែកុម្ភៈ។ តំណាងសហគមន៍ លោកស្រី ជុំ ង៉ាន់ ថ្លែងថា ពួកគាត់រង់ចាំដំណោះស្រាយពីប្រធានរដ្ឋបាលនៃសាលារាជធានីភ្នំពេញ លោក មាស យ៉ាដា អស់ជាច្រើនខែមកហើយ ប៉ុន្តែមិនមានលេចជាផ្លែផ្កាណាមួយដែលពួកគាត់អាចសង្ឃឹមបានឡើយ៖ «ថ្ងៃហ្នឹងពួកខ្ញុំចូល ពួកខ្ញុំក៏លែងហ៊ានចូល ព្រោះសាលារាជធានីភ្នំពេញគាត់បានតែភូតខ្ញុំហ្នឹង អត់ដោះស្រាយសោះ បើសិនបុរីកីឡាទាំងមូល គាត់ដោះស្រាយឲ្យអ្នកណា សូម្បីតែម្នាក់ ពួកខ្ញុំអត់មកដែរ»។
-
ពលរដ្ឋជាង១០០នាក់នៅក្រុងសៀមរាបតវ៉ាបិទផ្លូវប្រឆាំងអាជ្ញាធរអប្សរារុះរើផ្ទះ
ប្រជាពលរដ្ឋជាង ១០០នាក់ នៅភូមិព្រៃគុយ សង្កាត់អំពិល ក្រុងសៀមរាប បានលើកគ្នាតវ៉ាបិទកំណាត់ផ្លូវអប្សរា កែងនឹងផ្លូវទៅភូមិត្រាំនាគ មិនឱ្យរថយន្តគ្រប់ប្រភេទចេញចូលបានទេចាប់តាំងពីថ្ងៃត្រង់ ថ្ងៃទី២៥ ខែកុម្ភៈ។ ការបិទផ្លូវនេះ បន្ទាប់ពីក្រុមអ្នកភូមិលើកគ្នាទៅតវ៉ានៅសាលាខេត្តសៀមរាប ដើម្បីឱ្យជួយអន្តរាគមន៍កុំឱ្យអាជ្ញាធរអប្សរារុះរើផ្ទះរបស់ពួកគេតទៅទៀត ក៏ប៉ុន្តែមិនទទួលបានលទ្ធផលអ្វីទាល់តែសោះ។ កាលពីថ្ងៃទី២៤ កុម្ភៈ ម្សិលមិញនេះ អាជ្ញាធរបានចុះរុះរើផ្ទះជាង ២០ខ្នង ដោយចោទប្រកាន់ថា ពលរដ្ឋបានសាងសង់នៅបរិវេណដីបុរីវប្បធម៌និងទេសចរណ៍គ្រប់គ្រងដោយអាជ្ញាធរអប្សរា។
-
អ្នកភូមិបិទផ្លូវជំរុញឲ្យអាជ្ញាធរដោះស្រាយជម្លោះដីធ្លីជាមួយអាជ្ញាធរជាតិអប្សរា
ប្រជាពលរដ្ឋជាងមួយរយនាក់ នៅសង្កាត់អំពិល ក្រុងសៀមរាប ខេត្ដសៀមរាប នាព្រឹកថ្ងៃពុធនេះ ប្រមូលផ្ដុំគ្នាបិទផ្លូវជាតិ ដើម្បីជំរុញឲ្យអាជ្ញាធរខេត្ដនេះ ជួយរកដំណោះស្រាយជូនពួកគេ ករណីជម្លោះដីធ្លីជាមួយអាជ្ញាធរជាតិអប្សរា។ ការតវ៉ានេះ កើតឡើងបន្ទាប់ពីអាជ្ញាធរជាតិអប្សរា ចុះរុះរើលំនៅដ្ឋានពួកគេចំនួន២៤ខ្នងផ្ទះ និងបានយកគ្រឿងចក្រឈូសឆាយដីពួកគេ ខណៈដែលពួកគាត់ទៅរកអន្ដរាគមន៍ពីអាជ្ញាធរខេត្ដសៀមរប ឲ្យជួយដំណោះស្រាយ។
-
សង្គមស៊ីវិលរិះគន់សម្តីលោក ហ៊ុន សែន ដែលព្រមានបាញ់កាំជ្រួចហ្វូងចូលតំបន់អារ៉ែងខេត្តកោះកុង
មន្ត្រីសង្គមស៊ីវិលនៅថ្ងៃពុធនេះ រិះគន់វោហាសាស្ត្ររបស់លោកនាយករដ្ឋមន្ត្រី ហ៊ុន សែន ករណីព្រមានប្រើកាំជ្រួចហ្វូងបាញ់ចូលទៅតំបន់អារ៉ែង ខេត្តកោះកុង ថាជាការបញ្ចេញមតិទាំងកំហឹង និងហិង្សា។ ការរិះគន់នេះធ្វើឡើងបន្ទាប់ពីលោក ហ៊ុន សែន មានប្រសាសន៍នៅក្នុងពិធីទិវាជាតិទីក្រុងស្អាត កាលពីថ្ងៃ២៤ ខែកុម្ភៈ ឆ្នាំ២០១៥ ម្សិលមិញថានឹងប្រើកាំភ្លើងធុនធ្ងន់បាញ់ចូលទៅតំបន់អារ៉ែង ប្រសិនបើមានបុគ្គលណាមួយយកទីតាំងនោះធ្វើជាតំបន់អបគមន៍ ។ លោកមានប្រសាសន៍ថា «បើចង់បង្កើតអបគមន៍សូមអញ្ជើញ ដាក់ BM21 ឥឡូវទាន់មានធុនថ្មីៗផង យ៉ាប់ពេកហ្មង តែគេមិនចោទដល់ថ្នាក់ប៉ុណ្ណឹង ប៉ុន្តែដល់ពេលថា្នក់ហ៊ាន គេគ្រាន់តែទៅសិក្សាពិនិត្យមើល ហ៊ានចាប់គេដែរ» ។
-
អ្នកដែលបានបណ្តេញចេញជាង៣ឆ្នាំប្រមូលផ្តុំគ្នាម្តងទៀត រំឭកការឈឺចាប់មុខសាលារាជធានីភ្នំពេញ
តំណាងអ្នកមានជម្លោះដីធ្លី បង្ហាញការខកចិត្តម្តងទៀតនៅថ្ងៃពុធនេះ នូវអ្វីដែលពួកគេចោទថា សាលារាជធានីភ្នំពេញ ហាក់គេចវេសពីការទទួលខុសត្រូវ រកដំណោះស្រាយរឿងជម្លោះដីធ្លី ខណៈអ្នកភូមិត្រូវបានបណ្តេញចេញជាង៣ឆ្នាំមិនទាន់ត្រូវបានដោះស្រាយ ។ តំណាងអ្នកតវ៉ាម្នាក់ក្នុងចំណោមតំណាងជិត២០នាក់ផ្សេងទៀត គឺអ្នកស្រី ជុំ ង៉ាន់ ប្រាក់អ្នកសារព័ត៌មាន ពេលប្រមូលប្រមូលផ្តុំមុខសាលារាជធានីភ្នំពេញ នៅថ្ងៃទី២៥ ខែកុម្ភៈ ឆ្នាំ២០១៥នេះថា ជាង៣ឆ្នាំនេះពួកគេបាត់បង់ផ្ទះសម្បែង ដីធ្លីមុខរបរ និងទ្រព្យសម្បត្តិមួយចំនួនទៀត ដោយសារក្រុមហ៊ុនផានអ៊ីមិច ដែលសហការជាមួយអាជ្ញាធររាជធានីភ្នំពេញ បណ្តេញពួកគេចេញទាំងបង្ខំ ។
-
អាជ្ញាធរចាប់ជនជាតិម៉ុងតាញ៉ាបួននាក់បញ្ជូនទៅវៀតណាមវិញ
មន្ត្រីឃ្លាំមើលការរំលោភសិទ្ធិមនុស្សបានអះអាងនៅថ្ងៃពុធនេះថា អាជ្ញាធរខេត្តរតនគិរីបានចាប់បង្ខំបញ្ជូនចេញជនជាតិភាគតិចចារ៉ាយឬម៉ុង តាញ៉ា មកពីប្រទេសវៀតណាមចំនួន៤នាក់ទៅឱ្យអាជ្ញាធរវៀតណាមវិញក្រោយពីបានមកសំងំលាក់ខ្លួននៅក្នុងព្រៃនៃខេត្តរតនគិរីដើម្បីគេចចេញពីការធ្វើទុក្ខបុកម្នេញពីអាជ្ញាធរវៀតណាម។
-
តំណាងក្រុមហ៊ុនលោក លី យ៉ុងផាត់ ជួបអ្នកភូមិនៅស្រុកឱរ៉ាល់ដោះស្រាយបញ្ហាដី
ប្រជាពលរដ្ឋដែលមានទំនាស់ដីជាមួយក្រុមហ៊ុន ភ្នំពេញ ស៊ូហ្គើរ (Phnom Penh Sugar) របស់លោក លី យ៉ុងផាត់ ប្រមាណជាង ២០០នាក់ មកពី ៩ភូមិ ក្នុងឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ នៅថ្ងៃទី២៥ កុម្ភៈ បានជួបជាមួយតំណាងក្រុមហ៊ុននៅវត្តត្រពាំងជោ ដើម្បីជជែកដោះស្រាយបញ្ហាដីធ្លី។ ប្រជាពលរដ្ឋបានលើកបញ្ហាសំខាន់ៗចំនួន ៣ចំណុចស្នើទៅដល់ក្រុមហ៊ុន។ ទី១ ពួកគាត់ទាមទារឲ្យក្រុមហ៊ុនប្រគល់ដីមកឲ្យពួកគាត់វិញ។ ទី២ ទាមទារឲ្យក្រុមហ៊ុនសងខាងខូចខាត ដោយសារក្រុមហ៊ុនធ្វើឲ្យពួកគាត់បាត់បង់មុខរបរសម្រាប់ជីវភាពប្រចាំថ្ងៃ និងទី៣ ទាមទារឲ្យក្រុមហ៊ុនគិតគូរដោះស្រាយជីវភាព និងសងសំណងដល់គ្រួសារដែលក្រុមហ៊ុនបណ្ដេញចេញកន្លងមក។
-
តំណាងពលរដ្ឋមានបញ្ហាដី១៩សហគមន៍នៅខេត្តព្រះសីហនុតវ៉ាទាមទាររកដំណោះស្រាយ
តំណាងប្រជាពលរដ្ឋមានជម្លោះដីធ្លីនៅខេត្តព្រះសីហនុ ១៩សហគមន៍ មានគ្នាប្រមាណជិត ៦០នាក់ នៅព្រឹកថ្ងៃទី២៤ កុម្ភៈ បានប្រមូលផ្ដុំគ្នាតវ៉ានៅមុខសាលាខេត្តព្រះសីហនុ ទាមទារឲ្យអាជ្ញាធរខេត្តនេះអន្តរាគមន៍ដោះស្រាយបញ្ហាទំនាស់ដីធ្លីរ៉ាំរ៉ៃ ហើយមិនមានដំណោះស្រាយ។ បន្ទាប់ពីមានការតវ៉ា ដោយមានលើកបដា និងរូបថតលោកនាយករដ្ឋមន្ត្រី ហ៊ុន សែន និង ភរិយា អភិបាលរងខេត្តព្រះសីហនុ លោក ស៊្រុន ស៊្រន់ បានអនុញ្ញាតឲ្យតំណាងពលរដ្ឋទាំង ១៩សហគមន៍ចូលជួបពិភាក្សា និងបានទទួលយកញត្តិពីពលរដ្ឋដើម្បីទៅពិនិត្យនិងដោះស្រាយនៅពេលក្រោយ។
-
ពលរដ្ឋប្រមាណ២០០គ្រួសារនៅពោធិ៍សាត់បារម្ភបាត់បង់លំនៅឋានដោយគម្រោងអភិវឌ្ឍន៍
ប្រជាពលរដ្ឋប្រមាណ ២០០គ្រួសារដែលសង់ផ្ទះ និងខ្ទមរស់នៅក្នុងព្រៃក្បែរល្អាងបុរាណធម្មជាតិរំលេច ឋិតនៅឃុំក្រពើពីរ ស្រុកវាលវែង ខេត្តពោធិ៍សាត់ ព្រួយបារម្ភពីសុវត្ថិភាពនៃការតាំងទីលំនៅរបស់ខ្លួន ខណៈអាជ្ញាធរ និងមន្ត្រីជំនាញទប់ស្កាត់សកម្មភាពទន្ទ្រានដីព្រៃបន្ថែម ដែលនាំឲ្យប៉ះពាល់ដល់ល្អាង ហើយគ្រោងអភិវឌ្ឍតំបន់នោះទៅជាតំបន់ទេសចរណ៍។ មុននឹងធ្វើដំណើរដល់លំនៅឋានរបស់អ្នកភូមិ ឬល្អាងបុរាណធម្មជាតិរំលេច នេះ គេត្រូវធ្វើដំណើរកាត់តាមផ្លូវក្រាលកៅស៊ូ និងក្រួសក្រហមជាង ៦០គីឡូម៉ែត្រពីទីរួមខេត្តពោធិ៍សាត់ មកដល់ចំណុចភូមិអូរដីកា នៃឃុំក្រពើពីរ ទើបបន្តដំណើរចូលព្រៃកាត់តាមជ្រលងអូរ និងឡើងភ្នំជិត ៨គីឡូម៉ែត្រទៀត។
-
លីកាដូ និងUN នឹងតាមដានករណីគំរាមសម្លាប់មេដឹកនាំសហជីព
មេដឹកនាំសហជីព និងជាប្រធានសម្ព័ន្ធសហជីពចលនាកម្មករ លោក ប៉ាវ ស៊ីណា ឲ្យដឹងថាអង្គការលីកាដូ និងអង្គការសហប្រជាជាតិប្រចាំនៅកម្ពុជា នឹងតាមដានករណីគំរាមសម្លាប់រូបលោក ក្រោយពីលោកបានដាក់ពាក្យបណ្តឹងទៅក្រសួងមហាផ្ទៃឲ្យអន្តរាគមន៍លើករណីនេះ។ លោក ប៉ាវ ស៊ីណា មានប្រសាសន៍ថាលោកបានជួបពិភាក្សាកាលពីថ្ងៃចន្ទជាមួយមន្រ្តីអង្គការលីកាដូ និងមន្រ្តីអង្គការសហប្រជាជាតិប្រចាំនៅកម្ពុជា ដោយអង្គការទាំងពីរបានសន្យាថានឹងស៊ើបអង្កេតលើករណីគំរាមសម្លាប់រូបលោក។ លោកប៉ាវ ស៊ីណា បាននិយាយថា«ម្សិលមិញខ្ញុំបានជួបជាមួយអង្គការលីកាដូ និង យូអិន អង្គការទាំង២ហ្នឹងគាត់នឹងជួយតាមដាននូវសំណុំរឿងនេះ ហើយគាត់នឹងបន្ដឃ្លាំមើលទៀតជាមួយសមត្ថកិច្ចក្រោយពីយើងដាក់ពាក្យបណ្ដឹង»។
-
សកម្មជនអារ៉ែង លោកអាឡិច ត្រូវបានចាប់ខ្លួនហើយ
សកម្មជនអារ៉ែង លោក អាឡិចហ្សង់ដ្រូ ហ្គន់សាឡេស ដេវិតសិន (Alejandro Gonzalez Davidson) ដែលជាជនជាតិអេស្ប៉ាញ ត្រូវបានចាប់ខ្លួនហើយនៅរសៀលថ្ងៃចន្ទនេះ។ អ្នកគ្រប់គ្រងបច្ចេកទេសស៊ើបអង្កេតនៃអង្គការលីកាដូ លោក អំ សំអាត មានប្រសាសន៍ថាលោកអាឡិចត្រូវបានចាប់ខ្លួននៅភោជនីយដ្ឋានមួយក្បែរផ្សាររាត្រី រាជធានីភ្នំពេញ នៅវេលាម៉ោងប្រហែល១និង៣០នាទី ។ លោកបន្តថាក្រុមសមត្ថកិច្ចដែលដឹកនាំដោយឧត្តមសេនីយ៍មួយរូបមិនស្គាល់ឈ្មោះ បានចាប់ខ្លួនលោកអាឡិច ដាក់រថយន្តមួយ ។ លោកមិនទាន់អាចបញ្ជាក់ថាតើសមត្ថកិច្ចនឹងបញ្ជូនលោកអាឡិចទៅណានោះទេ ។ លោកថាលោកកំពុងធ្វើដំណើរទៅអគ្គនាយកដ្ឋានអន្តោប្រវេសន៍ ដើម្បីតាមដានករណីនេះ ។
-
សកម្មជនអារ៉ែង លោក អាឡិច នឹងត្រូវបញ្ជូនចេញពីកម្ពុជានៅយប់ថ្ងៃចន្ទនេះ
អគ្គនាយកដ្ឋានអន្តោប្រវេសន៍ សម្រេចបញ្ជូនសកម្មជនតំបន់អារ៉ែង លោក អាឡិចហ្សង់ដ្រូ ហ្គន់សាឡេស ដេវិតសិន (Alejandro Gonzalez Davidson) ដែលជាជនជាតិអេស្ប៉ាញ ចេញពីប្រទេសកម្ពុជានៅយប់ថ្ងៃចន្ទនេះ។ លោកអាឡិចត្រូវបានចាប់ខ្លួននៅភោជនីយដ្ឋានមួយក្បែរផ្សាររាត្រី រាជធានីភ្នំពេញ នៅថ្ងៃចន្ទនេះ វេលាម៉ោងជាង១រសៀល។ លោកអាឡិច បានផ្ញើសារSMSនៅម៉ោងប្រមាណ៤និង៤០នាទីក្រោយការចាប់ខ្លួនថាលោកនឹងត្រូវបញ្ជូនចេញពីកម្ពុជានៅពេលនេះ។
-
នាយករដ្ឋមន្រ្តីគាំទ្រចំណាត់ការផ្លូវច្បាប់លើសកម្មជនអារ៉ែង លោកអាឡិច
លោកនាយករដ្ឋមន្រ្តី ហ៊ុន សែន នៅថ្ងៃចន្ទនេះ ប្រតិកម្មនឹងអ្នករិះគន់រដ្ឋាភិបាលដែលមិនបានពន្យារទិដ្ឋាការដល់សកម្មជនការពារព្រៃឈើនៅតំបន់អារ៉ែង លោក លោក អាឡិចហ្សង់ដ្រូ ហ្គន់សាឡេស ដេវិតសិន (Alejandro Gonzalez Davidson) ឲ្យបន្តរស់នៅប្រទេសកម្ពុជាបន្តទៀត។ ប្រតិកម្មរបស់លោកនាយករដ្ឋមន្រ្តី ហ៊ុន សែន ត្រូវបានធ្វើឡើងបន្ទាប់ពីសង្គមស៊ីវិលមួយចំនួន និងអ្នកនយោបាយបានរិះគន់រដ្ឋាភិបាលចំពោះចំណាត់ការលើសកម្មជនបរទេសជនជាតិអេស្ប៉ាញ លោក អាឡិច។
-
នាយករដ្ឋមន្រ្តីស្នើឲ្យដោះលែងស្រ្តីដែលមានកូន និងមានផ្ទៃពោះ កំពុងរស់នៅក្នុងពន្ធនាគារ
លោកនាយករដ្ឋមន្រ្តី ហ៊ុន សែន នៅថ្ងៃចន្ទនេះ បានស្នើឲ្យរដ្ឋមន្រ្តី និងមន្រ្តីពាក់ព័ន្ធទាំងអស់ រៀបចំសំណុំឯកសារក្នុងការដោះលែងស្រ្តីដែលមានកូន និងមានផ្ទៃពោះ ហើយកំពុងស្នាក់នៅពន្ធនាគារ ដើម្បីធានាថាកូនៗរបស់គេមិនកើតក្នុងពន្ធនាគារ។ លោកនាយករដ្ឋមន្រ្តីលើកឡើងថាការដោះលែងអ្នកមានកូន និងអ្នកមានផ្ទៃពោះដែលរស់នៅក្នុងពន្ធនាគារ អាចធ្វើឡើងឲ្យបានមុនចូលឆ្នាំខ្មែរ ក្នុងខែមេសា តែសម្រាប់ស្រ្តីដែលមានផ្ទៃពោះ អាចត្រូវធ្វើឡើងនៅមុនទិវាសិទ្ធិនារី ៨មីនា ខាងមុខនេះ។
-
អ្នកនាំពាក្យក្រសួងមហាផ្ទៃ៖ លោកអាឡិចត្រូវបានដាក់ចូលបញ្ជីខ្មៅ
មន្រ្តីជាន់ខ្ពស់ក្រសួងមហាផ្ទៃ នៅរសៀលថ្ងៃចន្ទនេះឲ្យដឹងថាអាជ្ញាធរនឹងបណ្តេញសកម្មជនតំបន់អារ៉ែង លោក អាឡិចហ្សង់ដ្រូ ហ្គន់សាឡេស ដេវិតសិន (Alejandro Gonzalez Davidson) ដែលជាជនជាតិអេស្ប៉ាញ ចេញពីប្រទេសកម្ពុជា រួចដាក់ចូលក្នុងបញ្ជីខ្មៅ។ លោកអាឡិចត្រូវបានចាប់ខ្លួននៅភោជនីយដ្ឋានមួយក្បែរផ្សាររាត្រី រាជធានីភ្នំពេញ នៅថ្ងៃចន្ទនេះ វេលាម៉ោងជាង១រសៀល។
-
សកម្មជនដីធ្លីបារម្ភពីការរលូតកូនបន្ទាប់ពីប៉ះទង្គិចជាមួយសមត្ថកិច្ចជិតផ្ទះនាយករដ្ឋមន្ត្រី
ស្ត្រីដែលមានផ្ទៃពោះដែលត្រូវសម្រាលកូននៅក្នុងខែនេះ បារម្ភពីការរលូតកូន បន្ទាប់ពីមានការប៉ះទង្គិចជាមួយសមត្ថកិច្ចខណៈរូបគាត់ និងសកម្មជនផ្សេងទៀតព្យាយាមស្វែងរកកិច្ចអន្តរាគមន៍ពីលោកនាយករដ្ឋមន្ត្រី ហ៊ុន សែន ។ ស្ត្រីដែលបារម្ភពីការរលូតកូននោះមកពីសហគមន៍ភ្នំបាត ឈ្មោះ ខៀវ ល័យ ។ ការប៉ះទង្គិចកើតឡើងនៅព្រឹកថ្ងៃចន្ទ ក្បែរផ្ទះលោកនាយករដ្ឋមន្ត្រី ហ៊ុន សែន ខណៈប្រជាសហគមន៍មានជម្លោះដីធ្លីមកពីសហគមន៍ផ្សេងៗ ក្នុងរាជធានីភ្នំពេញ ស្វែងរកកិច្ចអន្តរាគមន៍ករណីដីធ្លី ហើយក៏ត្រូវសមត្ថកិច្ចចេញមុខរារាំង ។
-
នាយករដ្ឋមន្រ្តីប្រតិកម្មនឹងសង្គមស៊ីវិលដែលរិះគន់លោកថាលូកដៃក្នុងកិច្ចការតុលាការ
លោកនាយករដ្ឋមន្រ្តី ហ៊ុន សែន នៅថ្ងៃចន្ទនេះ បានប្រតិកម្មនឹងសង្គមស៊ីវិលមួយចំនួន ដែលលោកចាត់ទុកថាប្រើអំណាចហួសហេតុលើរដ្ឋាភិបាល ដែលមានទំនាក់ទំនងជាមួយអង្គតុលាការ។ លោកនាយករដ្ឋមន្រ្តីប្រតិកម្មបែបនេះ ក្រោយមានការរិះគន់ថាលោក ហ៊ុន សែន បានប្រើអំណាចបំពានលើអំណាចតុលាការ ក្នុងករណីចាប់ខ្លួនឪពុកម្តាយរបស់លោកថោង សារ៉ាត់ មកដាក់ពន្ធនាគារវិញ។ ក្នុងពិធីចែកសញ្ញាបត្រដល់និស្សិតសាកលវិទ្យាល័យជាតិគ្រប់គ្រង លោកនាយករដ្ឋមន្រ្តី ហ៊ុន សែន មានប្រសាសន៍ថាអ្នកខ្លះថាលោកល្អ តែអ្នកខ្លះថាលោកកំពុងតែបំពានអំណាចតុលាការ។ លោកបានបដិសេធនឹងការចោទប្រកាន់នេះ ដោយស្នើឲ្យពិនិត្យទំនាក់ទំនងរវាងអំណាចទាំងបី គឺអំណាចនីតិបញ្ញត្តិ នីតិប្រតិបត្តិ និងតុលាការ។ លោកបញ្ជាក់ថាអំណាចទាំងបីមានទំនាក់ទំនងជាមួយគ្នា មិនអាចដាច់ពីគ្នាបានទេ។
គាំទ្រដោយ
