កំពុងស្វែងរកទិន្នន័យ
រកឃើញ: 13.090
-
លោក ប៉ាវ ស៊ីណា គ្រោងដាក់ពាក្យប្ដឹងប្រឆាំងគម្រោងការគំរាមសម្លាប់ពីថៅកែរោងចក្រ
ប្រធានសម្ព័ន្ធសហជីពចលនាកម្មករ ឲ្យដឹងថា លោកនឹងស្វះស្វែងរកការពិភាក្សាជាមួយអ្នកច្បាប់ក្រោយពីទទួលបានសារគំរាមសម្លាប់រូបលោករួច។ កាលពីថ្ងៃទី១៦ កុម្ភៈ អ្នកគ្រប់គ្រងរោងចក្រ ប៊ី.ដាប់បឹលយូ (BW=Beautiful Window) នៅតំបន់សេដ្ឋកិច្ចពិសេស ក្រុងបាវិត គំរាមថា មានថៅកែរោងចក្រមួយចំនួនក្នុងតំបន់នេះ កំពុងប្រមូលលុយគ្នាដើម្បីជួលឃាតកបាញ់សម្លាប់ប្រធានសម្ព័ន្ធសហជីពចលនាកម្មករ។ លោក ប៉ាវ ស៊ីណា ថ្លែងថា លោកមិនបារម្ភចំពោះសារគំរាមបាញ់សម្លាប់រូបលោកដោយក្រុមថៅកែរោងចក្រមួយចំនួននៅតំបន់សេដ្ឋកិច្ច មេនហាតធេន (Manhattan) ក្រុងបាវិតនេះឡើយ ដោយលោកចាត់ទុកថា ការតស៊ូមតិរបស់លោកសព្វថ្ងៃនេះ គឺពុំមានអ្វីដែលប្រឆាំងរដ្ឋាភិបាល ឬធ្វើឲ្យខាតប្រយោជន៍ភាគីខាងណាឡើយ ក្រៅពីសម្របសម្រួលឲ្យមានដំណោះស្រាយ ឈ្នះៗទាំងសង្ខាងប៉ុណ្ណោះ។
-
សហគមន៍មានជម្លោះដីធ្លីនឹងប្រមូលផ្តុំនៅមុខមន្ទីរនគរូបនីយកម្មនិងសំណង់ខេត្តព្រះសីហនុ
បណ្ដាញសហគមន៍មានជម្លោះដីធ្លីប្រមាណជា៣០០នាក់មកពី២០សហគមន៍រស់នៅភូមិ០១ សង្កាត់លេខ០៣ ក្រុងព្រះសីហនុ ខេត្ដព្រះសីហនុ (ហៅសហគមន៍កំពេញចាស់) នឹងប្រមូលផ្តុំនៅមុខមន្ទីរនគរូបនីយកម្ម និងសំណង់នៅព្រឹកស្អែកដើម្បីទាមទារឲ្យមានការដោះស្រាយបញ្ហាដីធ្លីជូនពួកគាត់ ។ ប្រជាពលរដ្ឋមានជម្លោះដីធ្លីនៅខេត្ដព្រះសីហនុអ្នកស្រី ហង្ស ចិន្ដា ឲ្យVODដឹងថា កាលពីថ្ងៃទី០៣ ខែកញ្ញា ឆ្នាំ១៩៩៦ ប្រជាពលរដ្ឋចំនួន៩៣ គ្រួសារត្រូវបានអតីតអភិបាលរងខេត្ដព្រះសីហនុលោក ខឹម បូរ ដេញចេញពីផ្ទះដោយអះអាងថា យកតំបន់ទាំងនោះអនុវត្ដន៍ធ្វើជាកន្លែងទេសចរណ៍ ហើយនៅពេលដែលឈូសឆាយផ្ទះរបស់ប្រជាពលរដ្ឋអស់បែរជាយកដីចែកគ្នាជាលក្ខណៈឯកជនទៅវិញ ។
-
CCHR បារម្ភថាស្ថាប័ននីតិប្រតិបត្តិមានឥទ្ធិលពលលើប្រព័ន្ធតុលាការហួសហេតុ
មជ្ឈមណ្ឌលសិទ្ធិមនុស្សកម្ពុជា សម្តែងការព្រួយបារម្ភចំពោះការដកតំណែងអតីតប្រធានសាលាដំបូងរាជធានីភ្នំពេញលោក អាំង មាលតី ដោយមានភាពប្រញាប់ប្រញាល់បន្ទាប់ពីលោកនាយករដ្ឋមន្ត្រីស្នើសុំឧត្តមក្រុមប្រឹក្សានៃអង្គសចៅក្រមស៊ើបអង្កេតសំណុំរឿងដោះលែងឪពុកម្តាយលោកថោង សារ៉ាត់ ។
-
អាជ្ញាធរខេត្ដព្រះវិហារព្រមានចាប់ខ្លួនពលរដ្ឋករណីហ៊ានតវ៉ាជម្លោះដីធ្លី
អាជ្ញាធរខេត្ដព្រះវិហារ កាលពីម្សិលមិញ ព្រមានចាប់ខ្លួនប្រជាពលរដ្ឋ ដាក់ពន្ធនាគារ បើពួកគាត់ហ៊ានតវ៉ាករណីជម្លោះដីធ្លី ជាមួយក្រុមហ៊ុនសិលាដាមិច នៅឃុំស្រយ៉ង់ ស្រុកគូលេន ។ ការព្រមាននេះ ធ្វើឡើងបន្ទាប់ពីពលរដ្ឋប្រហែល៥០នាក់ ទៅដេកចាំដីរយៈពេលពីរយប់ ដើម្បីការពារ កុំឲ្យក្រុមហ៊ុនសិលាដាមិចនោះ យកគ្រឿងចក្រឈូសឆាយដីពួកគាត់ ។
-
លោក អាឡិច នឹងបង់ថ្លៃការផាកពិន័យតាមច្បាប់អន្តោប្រវេសន៍ ដើម្បីរស់នៅកម្ពុជារយៈពេល ១ខែទៀត
សកម្មជនការពារេព្រៃឈើនៅតំបន់អារ៉ែងជនជាតិបរទេសលោក អាឡិច នៅថ្ងៃសៅរ៍នេះអះអាងថា លោកនឹងបង់ប្រាក់តាមការផាកពិន័យរបស់ច្បាប់អន្តោប្រវេសន៍ដើម្បីរស់នៅលើទឹកដីកម្ពុជាបន្តទៀតរយៈពេលមួយខែបន្ទាប់ពីទិដ្ឋារបស់លោកហួសកំណត់ ។
-
សង្គមស៊ីវិលបារម្ភចំពោះឥទ្ធិពលស្ថាប័ននីតិប្រតិបត្តិទៅលើមុខងាររបស់តុលាការ
មជ្ឈមណ្ឌលសិទ្ធិមនុស្សកម្ពុជា សម្ដែងការបារម្ភចំពោះឥទ្ធិពលហួសហេតុរបស់ស្ថាប័ននីតិប្រតិបត្តិទៅលើការបំពេញមុខងាររបស់តុលាការនៅកម្ពុជា។ ការបារម្ភនេះ គឺនៅក្រោយពីអតីតប្រធានសាលាដំបូងរាជធានីភ្នំពេញ ត្រូវបានឧត្ដមក្រុមប្រឹក្សានៃអង្គចៅក្រមដកតំណែងភ្លាមៗ បន្ទាប់ពីលោកនាយករដ្ឋមន្ត្រី ហ៊ុន សែន ស្នើឲ្យក្រសួងយុត្តិធម៌ បើកការស៊ើបអង្កេតទៅលើចៅក្រមដែលកាន់សំណុំរឿងក្តីរបស់ឪពុកម្ដាយលោក ថោង សារ៉ាត់។
-
សង្គមស៊ីវិលបារម្ភចំពោះឥទ្ធិពលស្ថាប័ននីតិប្រតិបត្តិទៅលើមុខងាររបស់តុលាការ
មជ្ឈមណ្ឌលសិទ្ធិមនុស្សកម្ពុជា សម្ដែងការបារម្ភចំពោះឥទ្ធិពលហួសហេតុរបស់ស្ថាប័ននីតិប្រតិបត្តិទៅលើការបំពេញមុខងាររបស់តុលាការនៅកម្ពុជា។ ការបារម្ភនេះ គឺនៅក្រោយពីអតីតប្រធានសាលាដំបូងរាជធានីភ្នំពេញ ត្រូវបានឧត្ដមក្រុមប្រឹក្សានៃអង្គចៅក្រមដកតំណែងភ្លាមៗ បន្ទាប់ពីលោកនាយករដ្ឋមន្ត្រី ហ៊ុន សែន ស្នើឲ្យក្រសួងយុត្តិធម៌ បើកការស៊ើបអង្កេតទៅលើចៅក្រមដែលកាន់សំណុំរឿងក្តីរបស់ឪពុកម្ដាយលោក ថោង សារ៉ាត់។ បញ្ហាទាក់ទងការដកតំណែងអតីតប្រធានសាលាដំបូងរាជធានីភ្នំពេញ លោក អាំង មាលតី កាលពីពេលថ្មីៗនេះ ពាក់ព័ន្ធទៅនឹងការដោះលែងឪពុកម្ដាយលោក ថោង សារ៉ាត់ ឲ្យនៅក្រៅឃុំ នៅមិនទាន់ស្ងប់ស្ងាត់នៅឡើយ។
-
ចៅក្រមនិងព្រះរាជអាជ្ញាចំនួន១៧នាក់ត្រូវបានតែងតាំងនិងផ្ទេរមុខតំណែងថ្មី
យោងតាមលទ្ធផលនៃកិច្ចប្រជុំពេញអង្គលើកទី២៥ កាលពីថ្ងៃទី២១ ខែមករា ឆ្នាំ២០១៥ របស់ឧត្តមក្រុមប្រឹក្សានៃអង្គចៅក្រម គឺចៅក្រមនិងព្រះរាជអាជ្ញាកំពុងបម្រើការងារនៅតាមបណ្តាសាលាជម្រះក្តី និងក្រសួងយុត្តិធម៌ចំនួន១៧នាក់ ត្រូវបានតែងតាំង និងផ្ទេរមុខតំណែងថ្មី ដោយព្រះរាជក្រឹត្យលេខនស/រកត/០១១៥/០៨៨ ចុះថ្ងៃទី២២ ខែមករា ឆ្នាំ២០១៥ ដូចតទៅ ៖
-
មេដឹកនាំសហជីពលោក ប៉ាវ ស៊ីណា រងការគំរាមសម្លាប់
លោក ប៉ាវ ស៊ីណា ដែលធ្វើការងារលើកកម្ពស់សិទ្ធិកម្មករអះអាងថា ខ្លួនត្រូវបានក្រុមថៅកែរោងចក្រមួយចំនួនស្ថិតនៅតំបន់សេដ្ឋកិច្ចពិសេស ក្រុងបាវិត ខេត្តស្វាយរៀង គំរាមសម្លាប់ដោយសារលោកចូលរួមដឹកនាំកម្មករធ្វើបាតុកម្មប្រឆាំងនិងរោងចក្រនៅតំបន់នោះកន្លងមក ។
-
ចៅក្រមនិងព្រះរាជអាជ្ញាចំនួន១៧នាក់ត្រូវបានតែងតាំងនិងផ្ទេរមុខតំណែងថ្មី
យោងតាមលទ្ធផលនៃកិច្ចប្រជុំពេញអង្គលើកទី២៥ កាលពីថ្ងៃទី២១ ខែមករា ឆ្នាំ២០១៥ របស់ឧត្តមក្រុមប្រឹក្សានៃអង្គចៅក្រម គឺចៅក្រមនិងព្រះរាជអាជ្ញាកំពុងបម្រើការងារនៅតាមបណ្តាសាលាជម្រះក្តី និងក្រសួងយុត្តិធម៌ចំនួន១៧នាក់ ត្រូវបានតែងតាំង និងផ្ទេរមុខតំណែងថ្មី ដោយព្រះរាជក្រឹត្យលេខនស/រកត/០១១៥/០៨៨ ចុះថ្ងៃទី២២ ខែមករា ឆ្នាំ២០១៥ ដូចតទៅ ៖
-
អង្គការសង្គមស៊ីវិលចំនួន៨៣ ស្នើរដ្ឋាភិបាលបន្តទិដ្ឋាការដល់លោកអាឡិច
អង្គការសង្គមស៊ីវិលក្នុងស្រុកចំនួន៨៣ ស្នើឲ្យរដ្ឋាភិបាលបន្តទិដ្ឋាការឲ្យលោក អាឡិច ជនជាតិអេស្ប៉ាញ ដែលជាស្ថាបនិកចលនាមាតាធម្មជាតិ និងជាសកម្មជនការពារបរិស្ថាន ដើម្បីឲ្យជនបរទេសរូបនេះបានស្នាក់នៅក្នុងប្រទេសកម្ពុជាបន្តទៀត ។ សេចក្ដីថ្លៃងការណ៍រួមចុះថ្ងៃទី១៩ ខែកុម្ភៈ ឆ្នាំ២០១៥ អង្គការទាំង៨៣បានស្នើឲ្យរដ្ឋាភិបាលបន្តទិដ្ឋាការឲ្យលោកអាឡិច ដើម្បីឲ្យជនបរទេសរូបនេះអាចចូលរួមសកម្មភាពអភិរក្ស និងការពារធនធានធម្មជាតិនៅតំបន់អារ៉ែងបន្តទៀត ។
-
កម្មកររោងចក្រនៅរោងចក្រ ខ្វាន់ទុមក្លូស៊ី ធ្វើបាតុកម្មទាមទារប្រាក់២៨ដូល្លារបន្លែមលើប្រាក់ខែគោល
កម្មកររោងចក្រខ្វាន់ទុមក្លូស៊ីជាង២០០០នាក់នៅសង្កាត់ចោមចៅ ខ័ណ្ឌពោធិ៍សែនជ័យ រាជធានីភ្នំពេញ នៅព្រឹកថ្ងៃសុក្រនេះ ធ្វើបាតុកម្មទាមទារប្រាក់អត្ថប្រយោជន៍ការងារ ២៨ ដុល្លារ បន្ថែមលើប្រាក់ខែគោលរបស់ពួកគេ និងទាមទាលក្ខខណ្ឌការងារមួយចំនួន។ កម្មករដែលចូលរួមតវ៉ា បានត្អូញត្អែរថា ប្រាក់ខែគោល១២៨ដុល្លារ មិនអាចទ្រទ្រង់ការ ចំណាយប្រៀបធៀបនឹងតម្លៃទំនិញលើទីផ្សារដែលមានតម្លៃខ្ពស់បានទេ ទើបនាំឲ្យពួកគេ ទាមទារ ឲ្យថៅកែបន្ថែមប្រាក់អត្ថប្រយោជន៍ការងារ២៨ដុល្លារបន្ថែមទៀត។
-
សង្គមស៊ីវិលថា គម្រោងចាប់បញ្ជូនលោក អាឡិច ចេញពីកម្ពុជា ខុសច្បាប់អន្តោប្រវេសន៍
អ្នកច្បាប់អះអាងថា គម្រោងចាប់បញ្ជូនសកម្មជនការពារបរិស្ថាននៅតំបន់អារ៉ែង លោក អាឡិច ចេញពីកម្ពុជា គឺអនុវត្តផ្ទុយនឹងច្បាប់អន្តោប្រវេសន៍ ។ ការអះអាងនេះ ធ្វើឡើងបន្ទាប់ពីមន្ត្រីក្រសួងមហាផ្ទៃព្រមានចាត់វិធានការតាមផ្លូវច្បាប់ បើលោក អាឡិច មិនព្រមចាកចេញពីកម្ពុជា ពេលទិដ្ឋាការរបស់លោកផុតកំណត់ ។ ប្រធានផ្នែកស៊ើបអង្កេតនៃសមាគមការពារសិទ្ធិមនុស្សអាដហុក លោក នី ចរិយា ពន្យល់ក្នុងកម្មវិធីតុមូលVOD កាលពីថ្ងៃពុធម្សិញមិញថា លិខិតឆ្លងដែនរបស់លោក អាឡិចនឹងត្រូវផុតកំណត់នៅថ្ងៃទី២០ ខែកុម្ភៈស្អែកនេះ តែលោកអាឡិច អាចបន្តស្នាក់នៅកម្ពុជាបាន ដោយមិនបាច់ទៅសុំបន្តទិដ្ឋាការថ្មី ដោយត្រូវបង់ប្រាក់ពិន័យ៥ដុល្លារក្នុង១ថ្ងៃ ។ លោកថា លោកអាឡិច គឺជាជនបរទេសមិនមែនអន្តោប្រវេសន៍ ដែលក្រសួងមហាផ្ទៃមិនអាចយកច្បាប់អន្តោប្រវេសន៍ ទៅអនុវត្តលើបុគ្គលនោះបានទេ ។ លោក នី ចរិយា បញ្ជាក់ថា បើក្រសួងមហាផ្ទៃចាប់បញ្ជូនលោកអាឡិចចេញពីម្ពុជា នោះនឹងធ្វើឲ្យប៉ះពាល់ដល់មុខមាត់រដ្ឋាភិបាល ព្រមទាំងប្រយោជន៍ប្រទេសជាតិ ។
-
សម្ភាសលោក កឹម សុខា ជុំវិញកិច្ចអន្តរាគមន៍សុំបន្តទិដ្ឋាការជូនលោក អាឡិក
ការសម្រេចរបស់រដ្ឋាភិបាល មិនបន្តទិដ្ឋាការឲ្យប្រធានចលនាមាតាធម្មជាតិ គឺលោក អាឡិកហ្សង់ដ្រូ ហ្គន់ហ្សាឡេស ដេវិតសឹន (Alejandro Gonzalez Davidson) នោះ ត្រូវអង្គការសង្គមស៊ីវិល និស្សិតបញ្ញវន្ត និងព្រះសង្ឃ ចេញសេចក្ដីថ្លែងការណ៍ជំទាស់នឹងការសម្រេចរបស់រដ្ឋាភិបាលនេះ។ ទន្ទឹមនឹងនេះ អនុប្រធានសភាទី១ និងជាអ្នកតំណាងរាស្ត្រផងនោះ គឺលោក កឹម សុខា បានដាក់ញត្តិ និងលិខិតសុំអន្តរាគមន៍ទៅប្រធានរដ្ឋសភា និងថ្វាយព្រះមហាក្សត្រ ដើម្បីសុំឲ្យបន្តទិដ្ឋាការជូនលោក អាឡិក ដើម្បីឲ្យលោកបន្តសកម្មភាពការពារធនធានធម្មជាតិនៅប្រទេសកម្ពុជា បន្តទៀត។ សូមស្ដាប់សម្ភាសន៍របស់អ្នកយកព័ត៌មានវិទ្យុអាស៊ីសេរី លោក ទីន ហ្សាការីយ៉ា ជាមួយលោក កឹម សុខា អនុប្រធានទី១រដ្ឋសភា និងជាអនុប្រធានគណបក្សសង្គ្រោះជាតិ ស្ដីពីបញ្ហានេះ៖
-
កម្មកររោងចក្រស្មាតស៊ើតស៍ធ្វើបាតុកម្មហែក្បួនមកកាន់ក្រសូងការងារ និងរដ្ឋសភា
រាជធានីភ្នំពេញ ៖ កម្មករ-កម្មការិនីរោងចក្រកាត់ដេរ ស្មាតស៊ើតស៍ហ្គាមេន មេនូហ្វេកឆឺរីងខេមបូឌាខូ អេ ធី ឌីប្រមាណ២០០នាក់បានធ្វើបាតុកម្មដោយដង្ហែជាក្បួនឆ្ពោះទៅកាន់ក្រសួងការងារនិងបណ្តុះបណ្តាលវិជ្ជាជីវៈ និងបន្តដំណើរទៅកាន់រដ្ឋសភាដើម្បីចង់ដឹងពីដំណោះស្រាយដែលពួកគេទាមទារ។ ការលើកគ្នាតវ៉ានេះធ្វើឡើងកាលពីវេលាម៉ោង៩ និង៣នាទីព្រឹក ថ្ងៃទី១៩ កុម្ភៈ ២០១៥ ដោយកម្មករ-កម្មាការនីបានជិះរថយន្តចេញពីទីតាំងរោងចក្រស្ថិតនៅក្នុងភូមិដំណាក់ធំ៣ សង្កាត់ស្ទឹងមានជ័យ ខណ្ឌមានជ័យ។
-
អាជ្ញាធរកម្ពុជាព្រមានចាត់វិធានការ ចំពោះលោក អាឡិចនៅពេលផុតកំណត់ទិដ្ឋាការ
អាជ្ញាធរកម្ពុជាព្រមានថា នឹងចាត់វិធានការតឹងរ៉ឹងចំពោះលោក អាឡិច សកម្មជនការពារតំបន់អារ៉ែង នៅពេលទិដ្ឋាការរស់នៅកម្ពុជាត្រូវផុតកកំណត់នៅថ្ងៃស្អែកនេះ ខណៈក្រសួងមហាផ្ទៃមិនព្រមបន្តទិដ្ឋាការដល់ជនជាតិអេស្បាញរូបនេះ ។ អ្នកនាំពាក្យក្រសួងមហាផ្ទៃ លោក ខៀវ សុភ័គ បានប្រាប់ VOD នៅថ្ងៃទី១៩ ខែកុម្ភៈ ឆ្នាំ២០១៥នេះថា អាជ្ញាធរត្រៀមវិធានការចំពោះលោក អាឡិច ជាស្រេចហើយ ប៉ុន្តែលោកមិនបានបញ្ជាក់ពីចំណាត់ការថានឹងត្រូវធ្វើអ្វីនោះទេ ។ អគ្គនាយកនៃអគ្គនាយកដ្ឋានអន្តោប្រវេសន៍ លោក សុខ ផល មានប្រសាសនថា លោកអាឡិច ត្រូវតែចាកចេញពីប្រទេសកម្ពុជាមួយរយៈពេលសិន ហើយបើចង់រស់នៅកម្ពុជាបន្តទៀតត្រូវតែរង់ចាំទិដ្ឋាការថ្មី ។
-
អាជ្ញាធរ កំណត់ពេលដោះស្រាយជម្លោះដីនៅបឹងកក់ ឲ្យចប់ត្រឹមខែមីនា
អាជ្ញាធររាជធានីភ្នំពេញ បានដាក់ឱសានវាទ ត្រឹមខែមីនា ឆ្នាំ២០១៥ ដើម្បីដោះស្រាយបញ្ចប់ជម្លោះដីធ្លីដ៏រ៉ាំរ៉ៃ នៅតំបន់បឹងកក់។ ក៏ប៉ុន្តែចំនួនអ្នកភូមិបឹងកក់ ដែលនៅសេសសល់ មិនទាន់ទទួលបានដីកម្មសិទ្ធិស្របច្បាប់ ហើយត្រូវដោះស្រាយបញ្ចប់នោះ គឺអាជ្ញាធរ និងសហគមន៍បឹងកក់ រាប់ចំនួន មិនដូចគ្នាទេ។ តំណាងសហគមន៍បឹងកក់ អះអាងថា នៅសល់ ៥៧ គ្រួសារ តែអាជ្ញាធរ ស្រង់ស្ថិតិត្រឹមជាង ២០ គ្រួសារប៉ុណ្ណោះ ដែលត្រូវដោះស្រាយ តាមគោលការណ៍ដីមួយឡូត៍ ទំហំ ៤ គុណ ១៨ ម៉ែត្រ ក្នុងតំបន់បឹងកក់ ១២,៤៤ ហិកតា។
-
អាជ្ញាធរកម្ពុជាព្រមានចាត់វិធានការ ចំពោះលោក អាឡិចនៅពេលផុតកំណត់ទិដ្ឋាការ
អាជ្ញាធរកម្ពុជាព្រមានថា នឹងចាត់វិធានការតឹងរ៉ឹងចំពោះលោក អាឡិច សកម្មជនការពារតំបន់អារ៉ែង នៅពេលទិដ្ឋាការរស់នៅកម្ពុជាត្រូវផុតកកំណត់នៅថ្ងៃស្អែកនេះ ខណៈក្រសួងមហាផ្ទៃមិនព្រមបន្តទិដ្ឋាការដល់ជនជាតិអេស្បាញរូបនេះ ។ អ្នកនាំពាក្យក្រសួងមហាផ្ទៃ លោក ខៀវ សុភ័គ បានប្រាប់ VOD នៅថ្ងៃទី១៩ ខែកុម្ភៈ ឆ្នាំ២០១៥នេះថា អាជ្ញាធរត្រៀមវិធានការចំពោះលោក អាឡិច ជាស្រេចហើយ ប៉ុន្តែលោកមិនបានបញ្ជាក់ពីចំណាត់ការថានឹងត្រូវធ្វើអ្វីនោះទេ ។ អគ្គនាយកនៃអគ្គនាយកដ្ឋានអន្តោប្រវេសន៍ លោក សុខ ផល មានប្រសាសនថា លោកអាឡិច ត្រូវតែចាកចេញពីប្រទេសកម្ពុជាមួយរយៈពេលសិន ហើយបើចង់រស់នៅកម្ពុជាបន្តទៀតត្រូវតែរង់ចាំទិដ្ឋាការថ្មី ។
-
លីកាដូ៖ ពលរដ្ឋរងគ្រោះព្រោះរឿងដីធ្លីកើនឡើងបីដងក្នុងឆ្នាំ២០១៤
នៅថ្ងៃព្រហស្បតិ៍នេះ អង្គការសម្ព័ន្ធខ្មែរជំរឿន និងការពារសិទ្ធិមនុស្ស “លីកាដូ” បានចេញសេចក្តីថ្លែងការណ៍មួយបង្ហាញពីការកើនឡើងជាថ្មីនៃជម្លោះដីធ្លីនៅក្នុងប្រទេសកម្ពុជា។ ជាការកើនឡើងនៅក្នុងឆ្នាំ២០១៤ ដែលអង្គការនេះរកឃើញថា មានចំនួនដល់ទៅបីដង បើធៀបនឹងឆ្នាំ២០១៣។ អង្គការលីកាដូ បានអំពាវនាវដល់រដ្ឋាភិបាលកម្ពុជា និងអាជ្ញាធរពាក់ព័ន្ធ ធ្វើការដោះស្រាយបញ្ហាជម្លោះដីធ្លីទាំងនោះជាបន្ទាន់។
-
ម៉ុងតាញ៉ាពីរក្រុមថ្មីទៀតរត់ចេញពីប្រទេសវៀតណាមមកលាក់ខ្លួនក្នុងព្រៃខេត្តរតនគិរី
ប្រជាពលរដ្ឋជនជាតិដើមភាគតិចខ្មែររស់នៅជាប់ព្រំដែនប្រទេសវៀតណាម ក្នុងខេត្តរតនគិរី អះអាងថា មានជនភៀសខ្លួនម៉ុងតាញ៉ា-វៀតណាម ពីរក្រុមថ្មីទៀតមានគ្នាសរុប ៦នាក់ បានរត់ចេញពីប្រទេសវៀតណាម មកលាក់ខ្លួនក្នុងព្រៃ ដើម្បីសុំសិទ្ធិជ្រកកោនផ្នែកនយោបាយនៅកម្ពុជា។ ការហូរចូលបន្ថែមទៀតនៃក្រុមម៉ុងតាញ៉ាថ្មីនេះ គឺជួនគ្នាទៅនឹងដំណើរបេសកកម្មក្រុមការងារសិទ្ធិមនុស្សនៃឧត្ដមស្នងការអង្គការសហប្រជាជាតិ នៅខេត្តរតនគិរី ត្រូវបានរារាំងដោយប៉ូលិសខេត្ត។ អ្នកភូមិខ្មែរដែលបានជួយទំនុកបម្រុងលាក់បំពួនជនភៀសខ្លួនម៉ុងតាញ៉ា ទាំងពីរក្រុម ឲ្យដឹងថា ក្រុមទី១ ជាបុរសមានគ្នាតែម្នាក់ឯងនោះ បានលួចហែលឆ្លងទន្លេតាមច្រកព្រំដែនផាតាម ជាប់នឹងស្រុកអណ្ដូងមាស និងមួយក្រុមទៀតសុទ្ធសឹងជាបុរសមានគ្នា ៥នាក់ បានលួចឆ្លងដែនតាមតំបន់កោះរំយើល ចូលមកសម្ងំលាក់ខ្លួននៅតំបន់ព្រំប្រទល់ខេត្តរតនគិរី និងខេត្តមណ្ឌលគិរី នោះដែរ។
គាំទ្រដោយ
